ꤚꤥꤗꤢꤩ꤬ 4:18 - Eastern Kayah Shadaw Dialect

¹⁸ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤔꤢꤧ, “ꤔꤢꤧ꤬ ꤊ꤫ꤢꤦ꤬ ꤓꤝꤢ꤭ ꤗꤤ꤭ꤡꤣ꤬ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤢ꤬ꤖꤢꤩ꤭ ꤕꤢ꤭꤯ ꤔꤢꤧ꤬ꤊꤜꤝꤤ꤭ꤔꤢꤧ꤬ꤜꤢꤧ꤭ ꤊ꤫ꤢꤦ꤬ ꤥ꤬ꤚ꤫ꤥ꤬ꤥ꤬ꤢꤩ ꤞꤢꤧꤡꤣꤧꤔꤢꤧ ꤏꤢꤩ꤬ ꤘꤣ ꤗꤢꤪꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯” ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤒꤢꤩ꤬ꤣꤧ꤭ꤔꤣꤧ꤬ ꤢ꤬ꤜ꤫ꤢꤩ꤬ ꤓꤝꤢ꤭ꤓꤢꤧ꤬ ꤕꤢꤩ꤬ ꤘꤣ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤊ꤫ꤢꤦ꤬ ꤖꤢꤨ ꤥ꤬ꤚ꤫ꤥ꤬ꤥ꤬ꤢꤩꤓꤢꤧ꤬ ꤢ꤬ꤑꤢꤩ꤭ꤔꤣꤧ꤬ ꤢ꤬ꤛꤢꤨ꤭ ꤕꤢ꤬ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤥ꤬ꤕ꤫ꤢꤪ꤬ ꤗꤢꤧꤏꤢꤦ꤭ꤚꤣꤧ ꤘꤣ ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁸ จอแปแหร่ เฮ๊ เพอับราฮัม เน๊อ, “เน เก่ ทวา เมวเจอะ ตูปลูเต๊เผ่ อาเพ ปา. เนกลุยเนแล เก่ โอ่โหร่โอ่เอ๊ แซ่เจ๊อเร๊อ เฉ่ เด๊อ ม๊อเล เนอเต๊เห่ ปา.” จอแปแหร่ เฮ๊ เตเออเนอ อาเหล่ ทวาแถ่ เป่ เด๊อ เพอับราฮัม เก่ พู๊ โอ่โหร่โอ่เอ๊แถ่ อาเงเนอ อายู ปาโต่ หม่าแน๊เรอ อา หยื่อเอ่ โอ่ป่อ แม๊ชือหนิ เด๊อ อา เก่ ทวาแถ่ ปา.

ꤚꤥꤗꤢꤩ꤬ 4:18 ပူးပေါင်းရင်းမြစ်များ

ꤚꤥꤗꤢꤩ꤬ 8:24

ꤡꤢꤓꤢꤧ꤬ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤔꤣꤧ꤬, ꤕꤢꤩ꤬ ꤗꤢꤧꤏꤢꤦ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ ꤒꤢꤩ꤬ ꤘꤣ ꤢ꤬ ꤗꤢꤧꤏꤢꤦ꤭ ꤣꤧ꤭ꤔꤣꤧ꤬, ꤢ꤬ ꤜ꤫ꤥ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤕꤢ꤬ ꤔꤢꤧ ꤒꤥ꤬ ꤟꤣꤧ꤯ ꤢꤨ꤭ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤒꤢꤩ꤬ ꤘꤣ ꤢꤨ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤚꤥꤗꤢꤩ꤬ 5:5

ꤙꤣꤧ ꤕꤢꤩ꤬ ꤗꤢꤧꤏꤢꤦ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤕꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤞꤤꤕꤜꤢꤪ꤬ꤕꤛꤢ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊꤜꤢꤪ꤭ꤜꤢꤧ꤬ ꤜꤢꤧꤜꤢꤧ꤬ ꤕ꤫ꤢꤩ꤬ꤟꤣꤧ ꤕꤢꤩ꤬ ꤢ꤬ꤒꤢꤩ꤬ꤗꤥ꤬ ꤘꤣ ꤕꤢꤩ꤬ ꤞꤤꤕꤜꤢꤪ꤬ꤊꤢꤨ꤭ ꤟꤣꤧ꤯

เพรโด่แนพู๊ เต๊เห่ 27:25

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤥ꤭ꤙꤢꤧꤞꤝꤢ ꤞꤤ꤭꤮, ꤘꤢꤧ꤬ꤏꤢꤪ꤭ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤛ꤫ꤢꤦ꤬ꤢꤩ꤬ꤚꤣꤧꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤟꤢꤨ ꤢ꤬ ꤟꤢꤩꤓꤥ꤭ꤟꤣꤧ ꤠꤢꤧ꤭ ꤔꤣꤧ꤬ ꤕꤢ꤭꤯

ꤚꤥꤗꤢꤩ꤬ 4:17

ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤥ꤬ꤔꤢꤩ꤬ ꤔꤢꤧ, “ꤠꤢꤧ꤭ ꤔꤢꤪ꤭ꤓꤝꤢ꤭ꤓꤢꤧ꤬ ꤟꤣꤧ ꤔꤢꤧ꤬ ꤔꤢꤧ ꤗꤤ꤭ꤡꤣ꤬ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤢ꤬ꤖꤢꤩ꤭ ꤟꤣꤧ꤯” ꤢ꤬ ꤓꤝꤢ꤭ ꤕ꤫ꤢꤩ꤬ ꤕꤢꤩ꤬ꤖꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤟꤣꤧ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤛ꤫ꤢꤦ꤬ꤢꤩ꤬ꤚꤣꤧꤘꤢꤦ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ꤞꤣꤧ꤭, ꤓꤥ꤭ꤒꤥ꤬ ꤢ꤬ ꤟꤢꤩꤒꤢ꤭ ꤖꤢꤧ ꤢ꤬ꤍ꤫ꤥ꤬ ꤒꤣ꤬ꤗꤢꤦ꤭ ꤖꤢꤧ ꤚꤣꤧ꤬ ꤒꤢꤩ꤬ ꤘꤣ ꤢ꤬ ꤥ꤬ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤡꤣꤧ꤯

ꤜꤢꤨꤊꤢ꤬ 1:18

ꤖꤢꤩ꤭ꤞꤣ꤬ꤋꤢ꤬ꤚꤣ꤬ꤛꤢ꤬ ꤘꤣꤧꤟꤣꤧ꤭ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤔꤢꤧ, “ꤣꤧ꤭ꤔꤣꤧ꤬ꤗꤢ꤬ ꤢ꤬ꤗ꤫ꤢ꤬ ꤟꤢꤧ꤭, ꤢ꤬ꤗ꤫ꤢ꤬ꤒꤥ꤬ ꤟꤢꤧ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤞꤤꤑꤢꤩ꤭ ꤗꤢꤧꤜꤝꤢ ꤡ꤫ꤢꤧ꤬ ꤟꤢꤨꤒꤢꤩ꤭? ꤠꤢꤧ꤭ ꤚꤣꤧ꤬ ꤠꤢꤧ꤭ ꤗ꤫ꤥ꤬ꤖꤚ꤫ꤢꤩ꤬ ꤜꤢ꤭ ꤟꤣꤧꤟꤣꤧ, ꤠꤢꤧ꤭ꤗꤢꤩ꤭ ꤚꤣꤧ꤬ ꤢ꤬ ꤗ꤫ꤥ꤬ꤖꤚ꤫ꤢꤩ꤬ ꤜꤢ꤭ꤟꤣꤧꤟꤣꤧ꤯”

ꤚꤥꤗꤢꤩ꤬ 4:19

ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤞꤤꤑꤢꤩ꤭ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ ꤢ꤬ꤔꤢ꤬ ꤥ꤬ꤟꤣꤧ ꤒꤣ꤬ꤛꤢꤩ꤬ ꤟꤣꤧ, ꤢ꤬ ꤗ꤫ꤥ꤬ꤖꤚ꤫ꤢꤩ꤬ ꤊ꤫ꤢꤦ꤬ꤚꤢꤩ꤭ ꤞꤣꤧ꤭ꤟꤣꤧ, ꤓꤥ꤭ꤒꤥ꤬ ꤢ꤬ꤗꤢꤩ꤭ ꤗ꤫ꤥ꤬ꤎꤢꤧꤚꤢ꤬ ꤙꤢꤩ꤬ꤙꤢꤩ꤬, ꤢ꤬ ꤏꤥ꤭ꤖꤢꤨ ꤒꤣꤧ꤬ꤘꤢꤦꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤒꤢꤩ꤬ꤛ꤫ꤢꤦ꤬ ꤕꤣꤧ꤬ꤒꤤ ꤊꤣꤧ꤬ꤜꤢꤧ꤬ ꤒ꤫ꤥ꤬ ꤒꤥ꤬꤯

ꤟꤤꤙꤚꤢꤨ 6:19

ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤣꤧ꤭ꤔꤣꤧ꤬ ꤢ꤬ꤞꤢꤧꤔꤢꤧ ꤜ꤫ꤢꤪ꤬ꤘꤢꤨ꤬ ꤘꤣ ꤢ꤬ ꤡꤝꤤ꤬ ꤥ꤬ꤊꤥꤗꤢ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤘꤣ ꤕꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬ꤟꤣꤧ꤯ ꤟꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤥ꤭ꤡꤝꤢ ꤒꤣꤧ꤬ꤜꤝꤢꤙꤢꤩ ꤔꤢꤧ ꤤ꤬ꤊꤢꤩ꤭ ꤙꤢ꤬ꤘꤢꤨ꤬ ꤘꤣ ꤢꤨ꤭ ꤡ꤫ꤢꤪ꤬ꤒꤢ꤭ꤒꤢꤦ꤭ꤙꤤ ꤢ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬ꤒꤣ꤬ꤙꤢ꤬, ꤚꤣꤧ꤬ ꤟꤢꤨ ꤢ꤬ ꤔꤥ꤭ ꤒ꤫ꤥ꤬ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤢ꤬ꤊꤢꤨ꤭ꤜꤣ ꤣꤧ꤭ꤔꤣꤧ꤬, ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤣꤧ꤭ ꤢ꤬ ꤊꤜꤢꤪ꤬ꤗꤢ꤬, ꤢ꤬ ꤒꤢ꤭ꤒꤢꤩ꤬, ꤚꤣꤧ꤬ ꤢ꤬ ꤞꤢꤨ꤭ꤔꤥ꤭ ꤒ꤫ꤥ꤬ꤊꤣꤧ꤭ꤘꤢꤦ꤬ꤟꤣꤧ ꤕꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤟꤢꤨꤔꤣꤧ꤬ꤟꤣꤧ꤯