ꤚꤥꤗꤢꤩ꤬ 3:5 - Eastern Kayah Shadaw Dialect

⁵ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤛꤢꤨꤘꤢ꤬ꤖꤢꤨ ꤢ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊꤢꤩ꤬ ꤘꤣꤧꤜꤥ꤭ ꤜꤤ꤭ꤖꤥ ꤡꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤊꤢꤩ꤬ꤟꤢꤩꤚꤣꤧ꤬ ꤕꤢꤩ꤬ ꤊ꤫ꤢꤦ꤬ꤚꤢꤩ꤭ ꤟꤢꤩꤚꤣꤧ ꤢ꤬ ꤟꤢꤨꤒꤢꤩ꤭? ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤘꤢꤨ꤬ ꤚꤣꤧ꤬ ꤢ꤬ ꤘꤣꤧꤡꤢ꤭ ꤕꤢꤩ꤬ꤣꤧ꤭ ꤔꤣꤧ꤬ꤗꤢ꤬ ꤢ꤬ꤞꤢꤦ ꤖꤢꤧ, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤔꤣꤧ꤬ ꤟꤢꤧ꤭? (ꤠꤢꤧ꤭ ꤟꤢꤩꤙꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤜ꤫ꤢꤩ꤬ꤊꤜꤥ꤭ ꤟꤢꤩꤔꤣꤧ꤬ ꤖꤢꤧ꤯)

ลีเทส่อพ๊าอาเซ เร๊อ เห่ขุทวาลู๊

⁵ หม่าแน๊เรอ เป แกแยยิวพู๊ อา เตจ๊อเตเต โต่ เต๊เห่เนอ, อา เก่ เด๊อะโล ลอหล่าตี๊กลิ เจ๊อ จอแปแหร่ อา เตจ๊อเตเต เก่เฮ๊เรอ เป เตเร เฮ๊เร๊อ อา ฮู๊เต? จอแปแหร่ ซิปล่อดุ เร๊อ อา เมจากาคยา เปเออ เนอหม่า อาซื๊อ แพ๊, เป เก่ เฮ๊ ฮู๊เนอ แอ? (แว เฮ๊เบ่ ฮู๊ แกแย เหล่โกล เฮ๊เนอ แพ๊.)

ꤚꤥꤗꤢꤩ꤬ 3:5 ပူးပေါင်းရင်းမြစ်များ

ꤚꤥꤗꤢꤩ꤬ 6:19

ꤠꤢꤧ꤭ ꤟꤢꤩꤙꤢꤩ꤬ ꤕ꤫ꤢꤩ꤬ ꤞꤤ꤭ ꤔꤢꤧ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤜꤤ꤭ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤒꤣꤧ꤬ꤟꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤗꤢ꤬ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤚꤣꤧ꤬, ꤞꤤ꤭ ꤞꤤꤑꤢꤩ꤭ꤕꤜꤥ꤭ꤛꤢꤨ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤒꤣꤧ꤬ꤟꤢꤩ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩꤙꤢꤩ꤬ ꤕ꤫ꤢꤩ꤬ ꤞꤤ꤭ ꤟꤢꤨꤔꤣꤧ꤬ ꤖꤢꤧ꤯ ꤘꤣ ꤔꤣꤧ꤬ꤋꤢꤩ꤭ ꤗꤢ꤬ ꤞꤤ꤭ ꤔꤢꤪ꤭ꤓꤝꤢ꤭ ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤞꤤ꤭ꤙꤢꤧ꤬ꤡꤢꤩ꤬ ꤘꤣ ꤢ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤡ꤫ꤢꤦ꤬, ꤞꤤ꤭ ꤔꤢꤪ꤭ꤗꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤕꤣꤧ꤬ꤒꤤ꤭ꤕꤣꤧ꤬ꤒꤢ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤞꤤ꤭ ꤗꤢꤩ꤬ꤞꤢꤦꤗꤢꤩ꤬ꤕꤜꤢ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤕꤝꤢ꤭ꤒꤣ꤬ꤡꤣ꤬꤯ ꤟꤢꤨꤔꤣꤧ꤬ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤋꤚꤢꤦ꤬ꤋꤚ꤫ꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤔꤢꤪ꤭ꤓꤝꤢ꤭ ꤜꤢ꤭ꤒꤢꤩ꤬ ꤢ꤬ ꤔꤢꤧ ꤙꤢꤧ꤬ꤡꤢꤩ꤬ ꤘꤣ ꤢ꤬ꤚꤢꤧ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤡ꤫ꤢꤦ꤬ ꤣꤧ꤭ꤔꤣꤧ꤬ ꤔꤤ꤮꤯ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ꤋꤚꤝꤢ꤭ ꤜꤢꤨ꤭ ꤋꤛꤢ꤭ ꤔꤢꤧ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤔꤢꤪ꤭ꤓꤝꤢ꤭ꤓꤢꤧ꤬ ꤗꤣꤧ꤭ ꤞꤤ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤋꤚꤢꤦ꤬ꤋꤚ꤫ꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤣꤧ꤭ ꤢ꤬ꤡ꤫ꤢꤦ꤬ ꤣꤧ꤭ꤔꤣꤧ꤬ ꤔꤤ꤮꤯

ꤊꤢ꤬ꤜꤢ꤬ꤒꤤ 3:15

ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤒꤢꤩ꤬ ꤘꤣ ꤢꤨ꤭ ꤜ꤫ꤢꤩ꤬ꤊꤜꤥ꤭ ꤗꤢꤩ꤬ ꤚꤣꤧꤘꤢꤦ꤬ ꤢ꤬ ꤗ꤫ꤢꤪ꤬ꤟꤢꤩꤗ꤫ꤢꤪ꤬ꤜꤤ꤭ ꤒꤣ꤬ꤡꤣ꤬꤯ ꤙꤣꤧ ꤊꤣꤧ꤬ꤛꤢꤧ꤭ ꤞꤤꤔꤣꤧ꤭ ꤢꤩ꤬ꤗꤢ꤬ ꤓꤥ꤭ꤟꤣꤧ ꤜꤢꤨ꤭ꤏꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤟꤢꤧ꤭ ꤗꤢꤩ꤬ꤕꤛꤢꤊꤢꤧ꤭ ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤊꤢꤩ꤬ ꤟꤢꤧ꤭ ꤗꤢꤩ꤬ꤋꤥꤊꤢꤧ꤭ ꤟꤢꤩꤔꤣꤧ꤬, ꤢ꤬ꤔ꤫ꤤ꤬ ꤕꤢ꤬ ꤒꤥ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 9:8

ꤠꤢꤧ꤭ ꤟꤢꤩ ꤕ꤫ꤢꤩ꤬ ꤞꤤ꤭ ꤣꤧ꤭ꤔꤣꤧ꤬ꤗꤢ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤢꤦꤘꤢꤦ꤬ ꤔꤢꤧ꤭ ꤖꤢꤧ ꤟꤢꤧ꤭? ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩ ꤊꤣꤧ꤭ ꤔꤢꤧ꤭ ꤟꤢꤨꤔꤣꤧ꤬ ꤒꤥ꤬ ꤟꤢꤧ꤭?

ꤚꤥꤗꤢꤩ꤬ 7:7

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤒꤢꤩ꤭? ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤗꤢ꤬ ꤢ꤬ꤞꤢꤦ ꤖꤢꤧ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤔꤣꤧ꤬ ꤟꤢꤧ꤭? ꤕꤢꤩ꤬ ꤟꤢꤩ ꤟꤢꤨꤔꤣꤧ꤬ꤗꤢ꤬ ꤢ꤬ ꤒꤥ꤭ꤒꤥ꤬꤯ ꤔꤢꤧ꤬ ꤗꤢꤩ꤬ ꤟꤢꤨꤔꤣꤧ꤬ꤗꤢ꤬ ꤢ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤊꤢꤩ꤬ ꤤ꤬ꤛꤢꤨ꤭ꤜꤥ꤭ ꤒꤥ꤬ ꤟꤢꤩꤔꤣꤧ꤬, ꤒꤢꤩ꤬ ꤘꤣ ꤠꤢꤧ꤭ ꤗꤢꤩ꤬ꤞꤢꤦ ꤓꤥ꤭ꤟꤣꤧ ꤋꤚꤢꤧ꤮ ꤤ꤬ꤒꤢꤩ꤭ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ ꤊꤢ꤬ꤋꤛꤢ꤭ ꤚꤣꤧꤘꤢꤦ꤬ ꤔꤤꤔꤢꤧ꤬ꤒꤥ꤬꤯ ꤟꤢꤩꤊꤥꤚꤣꤧ, “ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒ꤫ꤢꤧ꤬ ꤢꤨ꤭ ꤒꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ,” ꤊꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤚꤢ꤭ꤜꤥ꤭ ꤟꤢꤨꤣꤧ꤭ ꤒꤥ꤬ ꤟꤢꤩꤚꤣꤧ꤬, ꤞꤤꤛ꤫ꤢꤦ꤬ꤞꤤꤜꤢꤪ꤭ ꤢꤨ꤭ꤒꤢꤩ꤬ ꤔꤣꤧ꤬ꤗꤢ꤬ ꤢ꤬ ꤓꤝꤢ꤭ ꤒꤢꤩ꤬ꤞꤢꤦ ꤟꤣꤧ ꤔꤣꤧ꤬, ꤠꤢꤧ꤭ ꤞꤤꤑꤢꤩ꤭ ꤒꤥ꤬꤯

ꤚꤥꤗꤢꤩ꤬ 4:1

ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤣꤧ꤭ꤔꤣꤧ꤬ꤜꤢꤩ꤭, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤚꤣꤧꤘꤢꤦ꤬ ꤜꤢꤨ꤭ ꤟꤢꤨꤒꤢꤩ꤭? ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤖꤢꤧ ꤟꤢꤨꤔꤣꤧ꤬ꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤡꤝꤢꤗꤢꤧꤓ꤫ꤣꤧ꤬ ꤞꤤꤑꤢꤩ꤭ ꤔꤢꤪ ꤊꤣꤧ꤭ꤢꤨ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤟꤢꤨꤒꤢꤩ꤭?

ꤚꤥꤗꤢꤩ꤬ 2:5

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ ꤊꤢꤨ꤬ꤊꤜꤢꤪꤖꤚꤣꤧ꤭ꤞꤤꤕꤜꤢꤪ꤬ꤏꤢꤪ꤭ ꤔꤢꤧ꤬ꤡꤣꤧ ꤒꤣ꤬ꤖꤚꤢꤩ꤬, ꤟꤢꤨꤔꤣꤧ꤬ꤚꤣꤧ꤬, ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤘꤢꤨ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ꤒꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬ ꤥ꤬ꤜꤥ꤭ꤓꤢꤧ꤬ꤟꤣꤧ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤤꤕꤜꤢꤪ꤬ ꤘꤢꤨ꤬ꤜꤣ ꤔꤢꤧ꤬ ꤕꤢ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤡꤢ꤭ꤜꤣ ꤔꤢꤧ꤬ ꤕꤢ꤭꤯

เตเด๊อะโลแถ่ 18:20

ꤊꤣ꤮ ꤗꤢꤪꤋꤢꤨ꤬ꤖꤢꤨ ꤞꤤꤋꤚꤢꤦ꤭ꤗꤣꤧ꤭ ꤜꤢ꤭ꤋꤢꤧ꤭, ꤊꤣ꤮ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤞꤤ꤭, ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤞꤤ꤭ ꤔꤢꤧ ꤖꤚꤢꤩ꤬ꤖꤚꤥ꤬ ꤞꤤ꤭꤮, ꤘꤣ ꤢ꤬ꤕꤛꤢꤢ꤬ꤜ꤫ꤢꤨ꤬ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤꤋꤚꤢꤦ꤭ꤗꤣꤧ꤭ ꤜꤢ꤭ꤋꤢꤧ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤢ꤬ ꤗꤢꤩ꤬ꤡꤢ꤭ ꤓꤥ꤭ꤟꤣꤧ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ꤟꤣꤧ ꤢ꤬꤯’”

เตเด๊อะโลแถ่ 15:3

ꤚꤣꤧ꤬ ꤛꤢꤩ꤬ꤞꤤ꤭ ꤤ꤬ꤚꤥ꤭ ꤓꤢꤧ꤬ꤚꤣꤧ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢꤨ꤬ꤜꤢꤩ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤤ꤬ꤚꤥ꤭ ꤔꤢꤧ ꤞꤤꤗꤤ꤬ꤖꤢꤨ ꤢ꤬ ꤒꤢꤩ꤬ꤤ꤬ꤚꤥ꤭ ꤣꤧ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤡ꤫ꤢꤧ꤬ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤢ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬꤮ ꤔꤢꤧ꤬ ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤘꤢꤨ꤬ꤢ꤬ꤛꤢꤧ꤭ ꤚꤣꤧ꤬ ꤢ꤬ ꤋꤥꤒꤣꤧ꤬ꤊꤜꤤ ꤔꤢꤧ꤬ꤡꤣꤧ꤯ ꤔꤢꤧ꤬ ꤗꤢ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤡꤢꤪꤖꤢꤧ꤬, ꤔꤢꤧ꤬ꤊꤜꤢꤧꤔꤢꤧ꤬ꤊꤜꤥ꤭ ꤞꤤ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤒꤥ꤭ꤢ꤬ꤙꤢꤩ꤬ ꤢ꤬ꤡꤢꤪꤢ꤬ꤒꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯

โครินธ์ อาเหร่อเล๊อ ต๊าบ่า 15:32

ꤙꤣꤧ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬, ꤠꤢꤧ꤭ ꤋꤢꤧꤙꤢꤩ꤬ ꤔꤢꤧ꤬ꤡꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ꤞꤤꤟꤢ꤭ ꤠꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤛ꤫ꤢꤦ꤬ ꤢꤩ꤬ ꤠꤢꤧ꤭ꤛꤢ꤬ ꤔꤣꤧ꤬ꤗꤢ꤬ ꤢ꤬ ꤞꤢꤧꤡꤣꤧꤔꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤣꤧ꤯ ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤞꤣꤧ꤭ꤓꤥ꤭ ꤒꤣꤧ꤬ꤟꤢꤩ꤬ ꤊꤢꤩ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤕꤢ꤬ꤒꤥ꤬ ꤊꤢꤩ꤬ꤟꤢꤩꤚꤣꤧ꤬, ꤠꤢꤧ꤭ ꤡꤝꤢ ꤋꤢꤧꤞꤤꤕꤜꤢꤪ꤬ꤓꤢꤨ꤭, ꤋꤢꤧꤡꤢ꤭ꤋꤢꤧꤡꤢꤦ꤬ ꤊꤣꤧ꤬ꤒꤢꤩ꤮ ꤣꤧ꤭ ꤗꤢꤩ꤬ꤒꤢꤩ꤭? ꤊꤢꤩ꤬ ꤢꤨ꤭ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤕꤢ꤬ ꤒꤥ꤬ ꤊꤢꤩ꤬ꤟꤢꤩꤚꤣꤧ꤬, ꤢ꤬ꤚꤢꤧꤜꤣ ꤗꤢ꤬ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤗꤥ꤬ꤗꤢꤩ꤬ꤖꤝꤤ꤭ ꤕꤢꤩ꤬ꤔ꤫ꤢꤩ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤊꤣꤧ꤭ ꤟꤢꤨ ꤢꤨ꤭ ꤟꤢꤩꤥ꤬ ꤍ꤫ꤥ꤬ ꤒꤣ꤬ꤗꤢꤦ꤭ ꤔꤢꤧ, “ꤕꤣꤧꤚꤥ꤬ꤕꤢ꤭ ꤗꤢ꤬ ꤕꤢꤩ꤬ ꤞꤣꤧ꤭ ꤟꤣꤧ ꤕꤢ꤭ ꤟꤢꤧ꤭꤮, ꤚꤣꤧ꤬ ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤕꤥ꤮, ꤗꤢꤩ꤬ꤗꤥ꤬ꤗꤢꤩ꤬ꤖꤝꤤ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤕꤢꤩ꤬ꤔ꤫ꤢꤩ꤬ ꤕꤥ꤮꤯” ꤍ꤫ꤥ꤬ ꤘꤥ꤬ꤔꤢꤧ꤭ ꤥ꤬ ꤟꤢꤨꤔꤣꤧ꤬꤯

ꤚꤥꤗꤢꤩ꤬ 12:19

ꤋꤥ꤭ꤙꤢꤧꤞꤝꤢ ꤞꤤ꤭, ꤢꤨ꤭ ꤊꤢꤩ꤬ ꤗꤢꤩ꤬ꤏꤢꤩ꤭ ꤞꤤ꤭ ꤟꤢꤩꤚꤣꤧ꤬, ꤗꤢꤩ꤬ꤜꤣꤧ꤭ ꤊꤢ꤬ꤋꤛꤢ꤭ꤏꤢꤦ꤬ ꤒ꤫ꤢꤧ꤬ ꤢꤨ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤔꤢꤪ꤭ꤘꤣꤧꤡꤢ꤭ꤘꤢꤦ꤬ ꤢ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤧ꤭ꤏꤢꤦ꤬ ꤊꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤠꤢꤧ꤭ ꤖꤢꤧ꤯ ꤠꤢꤧ꤭ ꤗꤢꤩ꤬ꤜꤣꤧ꤭ ꤊꤢ꤬ꤋꤛꤢ꤭ꤏꤢꤦ꤬ꤘꤢꤦ꤬ ꤔꤢꤧ ꤠꤢꤧ꤭ꤔ꤫ꤢꤩ꤬ ꤕꤢ꤭,” ꤙꤢꤧ꤬ꤡꤢꤩ꤬ ꤟꤢꤩ ꤟꤢꤨꤔꤣꤧ꤬꤯

ꤚꤥꤗꤢꤩ꤬ 6:1

ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤟꤢꤩꤚꤣꤧ꤬, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤒꤢꤩ꤭? ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤊ꤫ꤢꤦ꤬ ꤥ꤬ꤢꤩꤓꤢꤧ꤬ ꤔꤢꤧ ꤢꤩꤓꤢꤧ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤕꤢꤩ꤬ ꤒꤥ꤭ꤙꤢꤩ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤜꤢ꤭ꤕ꤫ꤥ꤬ ꤒꤢꤩ꤬ꤞꤢꤦ ꤟꤢꤧ꤭?

ꤚꤥꤗꤢꤩ꤬ 3:19

ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤜꤢꤪ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩꤏꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤖꤢꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤟꤢꤩꤙꤢꤩ꤬ ꤜꤣꤧ꤬ꤕꤜꤢꤩꤡ꤫ꤢꤧ꤬ ꤚꤣꤧꤘꤢꤦ꤬ ꤕꤢ꤬ ꤒ꤫ꤢꤧ꤬ ꤕꤢꤩ꤬ꤔ꤫ꤢꤩ꤬ ꤔꤢꤧ ꤕꤢꤩ꤬ ꤗꤢꤩ꤬ ꤒꤢꤩ꤬ꤞꤢꤦ ꤢ꤬ꤋꤛꤢ꤭ꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤖꤢꤧ꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤙꤢ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤕꤢ꤭ ꤔꤣꤧ꤬ꤚꤣꤧ꤬, ꤢ꤬ ꤘꤣꤧꤒꤢ꤭ ꤖꤢꤧ꤯

ꤚꤥꤗꤢꤩ꤬ 3:7

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤊ꤫ꤢꤦ꤬ ꤋꤚ꤫ꤢꤧ꤬ꤏꤢꤦ꤬ ꤔꤢꤧ, “ꤠꤢꤧ꤭ ꤗꤢꤩ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤗꤢꤩ꤬ ꤢꤩꤓꤢꤧ꤬ꤕ꤫ꤥ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤚꤣꤧ꤭ꤘꤢꤨ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤊꤢꤩ꤬ꤟꤢꤩꤚꤣꤧ꤬, ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤢ꤬ ꤡꤝꤢ ꤘꤣꤧꤡꤢ꤭ꤒ꤫ꤥ꤬ ꤖꤚꤢꤩ꤬ꤥ꤬ꤚꤢ꤬ꤖꤢꤨ, ꤟꤢꤨ ꤠꤢꤧ꤭ꤣꤧ꤭ ꤗꤢꤩ꤬ꤒꤢꤩ꤭?”

ꤚꤥꤗꤢꤩ꤬ 5:8

ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ ꤡꤣꤧ ꤕꤢꤩ꤬ ꤙꤢ꤮ ꤒꤢꤩ꤭ ꤟꤢꤩꤚꤣꤧ꤬, ꤙꤣꤧ ꤕꤢꤩ꤬ ꤓꤝꤢ꤭ꤕꤢ꤬ ꤡꤣꤧ ꤖꤚꤢꤩ꤬ꤗꤢꤩ꤬ꤒꤢꤩ꤬ꤞꤢꤦ ꤒꤢꤩ꤬ꤥ꤬ꤚꤢ꤬ꤖꤢꤨ ꤢ꤬ꤋꤢꤩ꤭ ꤕꤢ꤬ ꤡꤣꤧ ꤔꤣꤧ꤬ꤚꤣꤧ꤬, ꤋꤚꤤ ꤟꤢꤧ꤭ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭꤯ ꤣꤧ꤭ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ꤟꤣꤧ ꤕ꤫ꤢꤩ꤬ ꤔꤢꤧ ꤢ꤬ꤒꤢꤩ꤬ꤗꤥ꤬ ꤕꤢꤩ꤬ ꤟꤣꤧ꤯

ꤚꤥꤗꤢꤩ꤬ 8:31

ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤜꤢꤪ꤭ ꤒꤢꤩ꤬ꤘꤣ ꤠꤢꤧ꤭ ꤟꤢꤩ ꤕ꤫ꤢꤩ꤬ꤟꤣꤧ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤒꤣꤧ꤬ꤔꤢꤩ꤬ ꤟꤢꤨꤒꤢꤩ꤭? ꤡꤢꤪꤗꤣꤧ꤬ꤚꤢꤧ꤬ ꤊꤢꤩ꤬ ꤥ꤬ꤊꤣꤧ꤭ ꤘꤣ ꤕꤢꤩ꤬ ꤒꤣ꤬ꤊꤛꤢ꤭ ꤊꤢꤩ꤬ꤟꤢꤩꤚꤣꤧ꤬, ꤗꤢ꤬ꤢꤨ꤭ꤕꤢꤩ꤭ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤞꤤꤋꤢꤡ꤫ꤢꤧ꤬ꤕꤢ꤬ ꤕꤢꤩ꤬ ꤕꤢꤩ꤭?

ꤚꤥꤗꤢꤩ꤬ 9:30

ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤢꤨꤒꤢꤩ꤭? ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤧꤕꤢꤨ꤭ ꤊꤣꤧ꤭ꤢꤨ꤭ ꤊꤜꤢꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤢꤨ꤭ ꤣꤧ꤭ꤔꤣꤧ꤬ꤒꤣ꤬ꤙꤥ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤛꤢꤩ꤬ꤞꤤ꤭ ꤔ꤫ꤤ꤬ꤙꤢꤩ꤬ ꤟꤣꤧ꤯ ꤘꤣ ꤛꤢꤩ꤬ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤟꤣꤧ ꤛꤢꤩ꤬ꤞꤤ꤭ ꤟꤣꤧ꤯

โครินธ์ เนอบ่า ต๊าบ่า 6:4

ꤕꤢꤩ꤬ ꤗꤢꤩ꤬ ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤢꤧ ꤕꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤘꤣꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤕꤢꤩ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬, ꤔꤢꤧ ꤕꤢꤩ꤬ ꤋꤢꤧ ꤏꤥ꤭ꤖꤢꤏꤥ꤭ꤚꤢꤧ꤬ ꤒꤢꤩ꤬ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤋꤢꤧꤙꤢꤩ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤞꤤ꤭ꤒꤣꤧ꤬ꤟꤢꤩ꤬ ꤟꤣꤧ꤯

โครินธ์ เนอบ่า ต๊าบ่า 7:11

ꤘꤣ ꤞꤤ꤭ ꤞꤤꤕꤜꤢꤩ꤭ꤞꤤꤛꤢꤪ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ ꤕ꤫ꤢꤩ꤬ ꤞꤤ꤭ ꤟꤢꤨꤒꤢꤩ꤭ ꤔꤣꤧ꤬, ꤗꤢꤧꤗꤣꤧ꤭ ꤜꤢ꤭ꤋꤢꤧ꤭! ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤟꤢꤧ꤭ꤟꤣꤧ ꤜꤢ꤭ꤋꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ, ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤘꤣꤧꤜꤥ꤭ ꤟꤣꤧ ꤞꤤ꤭ ꤗꤢꤩ꤬ꤒꤢꤩ꤬ ꤘꤣ ꤢ꤬ꤒꤥ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤞꤤ꤭ ꤞꤤꤕꤜꤢꤪ꤬ꤘꤢꤨ꤬ ꤟꤢꤧ꤭ꤟꤣꤧ ꤊꤣꤧ꤬ꤛꤢꤧ꤭ ꤗꤢꤩ꤬ꤒꤢꤩ꤬ꤞꤢꤦ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ, ꤞꤤ꤭ ꤞꤤꤤ꤬ꤏꤢꤩ꤭ ꤟꤢꤧ꤭ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤞꤤ꤭ ꤕꤢ꤭ ꤟꤣꤧ꤯ ꤞꤤ꤭ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤋꤛꤢ꤭ꤞꤢꤧ ꤕꤢꤩ꤬ ꤟꤣꤧ꤯ ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤔ꤫ꤤ꤬ꤘꤢ꤭ꤟꤣꤧ ꤍ꤫ꤥ꤬ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤘꤣꤧꤡꤢ꤭ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤤ꤭ ꤗꤢꤩ꤬ ꤜꤢ꤭ꤋꤢꤧ꤭ ꤟꤣꤧ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤘꤣꤧꤜꤥ꤭ ꤟꤣꤧ ꤔꤢꤧ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤒꤢꤩ꤬ꤞꤢꤦ ꤥ꤬ ꤕꤢ꤬ꤒꤥ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 2:18

ꤗꤢ꤬ꤔꤢꤧꤚꤣꤧ꤬ ꤊꤢꤩ꤬ ꤠꤢꤧ꤭ ꤟꤢꤩ ꤊꤛꤢ ꤊꤢ꤬ꤋꤛꤢ꤭ꤋꤥ ꤋꤛꤢ꤭ꤞꤢꤧ ꤠꤢꤧ꤭ꤍ꤫ꤥ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤢꤦ꤬ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ ꤊꤢꤩ꤬ꤟꤢꤩꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ ꤕꤢ꤬ꤖꤢꤧ ꤖꤚꤢꤩ꤬ꤥ꤬ꤚꤢ꤬ꤥ꤬ꤞꤢꤧ꤬ꤖꤢꤨ ꤒꤣ꤬ꤖꤚꤢꤩ꤬ ꤖꤢꤧ꤯