ꤚꤥꤗꤢꤩ꤬ 15:1 - Eastern Kayah Shadaw Dialect

¹ ꤕꤢꤩ꤬ ꤘꤣ ꤢ꤬ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤏꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤒꤥ꤭ꤙꤢꤩ꤬ ꤋꤢꤧꤞꤤꤘꤥ꤭ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤕꤣꤧ꤬ꤒꤤꤕꤢ꤬ ꤚꤣꤧ꤬ ꤢ꤬ꤞꤤꤕꤜꤢꤪ꤬ ꤚꤢ꤬ꤚꤢꤪ꤭ꤚꤢ꤬ꤚꤢꤩ꤬ ꤕꤢ꤬ ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤕꤢꤩ꤬ ꤒꤥ꤭ ꤜꤢꤦ꤬ꤗꤢꤩ꤬ꤗꤥ꤬ ꤜꤢꤧ꤬ ꤚꤣꤧꤘꤢꤦ꤬ ꤕꤢꤩ꤬ꤔ꤫ꤢꤩ꤬ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

¹ เป เด๊อ อาโอ่ เร๊อ เตหยื่อเตแหน่ ชอ เออเต๊เห่เนอ, เป โตเบ่ แด่ทูซิปล่อ เร๊อ เมจว่า เป่เกอ แกแย เด๊อ อา เตหยื่อเตแหน่ ปีตี๊ปา เร๊อ อาซิปล่อ หร่ารอหร่าเหร่ ปา ดื่อเง เนอเต๊เห่. เป โต ลือเมโม แล เกอเร๊อดื่อ เปเหน่ โต่.

ꤚꤥꤗꤢꤩ꤬ 15:1 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:14

ꤕ꤫ꤥ꤬ꤠ꤫ꤢꤧ꤬ꤞꤤ꤭, ꤕꤢꤩ꤬ ꤊꤝꤤ꤭ꤞꤤꤛꤢꤪ꤬ ꤋꤛꤢ꤭ꤞꤢꤧ ꤕ꤫ꤥ꤬ ꤞꤤ꤭ ꤔꤢꤧ, ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤚꤣꤧꤘꤢꤦ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤊꤜꤢꤩ꤭ꤜꤢꤩ꤭ꤙꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤓꤥ꤭ꤚꤣꤧ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤚꤥ꤬ ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮꤯

ꤚꤥꤗꤢꤩ꤬ 14:1

ꤢꤩꤗꤥ꤬ꤏꤢꤦ꤬ ꤕ꤫ꤢꤩ꤬ ꤋꤚꤤꤖꤢꤨ ꤘꤣ ꤢ꤬ꤒꤢꤩ꤬ꤛ꤫ꤢꤦ꤬ ꤕꤣꤧ꤬ꤒꤤꤕꤢ꤬ ꤘꤢꤦ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤋꤥ ꤔꤢꤧ ꤔꤢꤧ꤬ ꤙꤢꤩ꤬ꤙꤢꤩ꤬, ꤋꤚ꤫ꤢꤧ꤬ꤏꤢꤦ꤬ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

โครินธ์ อาเหร่อเล๊อ ต๊าบ่า 9:22

ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤗꤢꤩ꤬ꤡꤢ꤭ ꤛꤢꤩ꤬ꤞꤤ꤭, ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤑꤢꤩ꤭ꤔꤣꤧ꤬, ꤙꤣꤧ ꤠꤢꤧ꤭ ꤥ꤬ꤒ꤫ꤣ꤬ꤊꤣꤧ꤭ ꤘꤣ ꤛꤢꤩ꤬ꤞꤤ꤭ꤊꤜꤢꤩ꤭ ꤢ꤬ꤋꤢꤩ꤭, ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤞꤢꤧꤊꤣꤧ꤭ ꤟꤢꤨ ꤛꤢꤩ꤬ꤞꤤ꤭ ꤔꤣꤧ꤬꤯ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤗꤢꤧꤕꤢꤨ꤭ ꤥ꤬ꤞꤣꤧ꤭ꤖꤚꤢꤩ꤬ ꤒꤢ꤭ꤒꤥ꤭ꤒꤢ꤭ꤙꤢꤩ꤬ ꤊꤣꤧ꤭ ꤕꤝꤢ꤭꤮ ꤒꤣ꤬ꤡꤣ꤬ ꤟꤢꤨ ꤛꤢꤩ꤬ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤬ ꤡꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:14

ꤖꤢꤩ꤭ꤞꤤ꤭꤮, ꤠꤢꤧ꤭ ꤚꤢ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤜꤤ꤬ꤣꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤔꤢꤩ꤬ ꤕꤢ꤬ ꤡꤣꤧ ꤘꤣ ꤗꤢꤪꤋꤢꤨ꤬ꤟꤢꤩ꤬ꤋꤢꤨ꤬ ꤓꤝꤢ꤭ꤓꤢꤧ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤢ꤬ꤋꤢꤩ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤔꤣꤧ꤬, ꤞꤤ꤭ ꤞꤤꤑꤢꤩ꤭ ꤓꤥ꤭ꤟꤣꤧ ꤜꤢꤨ꤭ ꤟꤣꤧ꤯ ꤖꤚꤢꤩ꤬ꤋꤢꤨ꤭ꤖꤢꤨꤞꤢꤩ꤬ ꤞꤤ꤭꤮, ꤠꤢꤧ꤭ ꤚꤢ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤜꤤ꤬ꤣꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤞꤤ꤭ꤊꤢꤨ꤭ ꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤞꤤꤕꤜꤢꤪ꤬ꤏꤢꤪ꤭ ꤚꤣꤧ꤬ ꤞꤤ꤭ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤟꤣꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣ꤬ꤘꤥ꤭ ꤟꤣꤧ꤯

ทิโมธี เนอบ่า ต๊าบ่า 2:1

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ꤖꤢꤨꤖꤚꤢꤩ꤬ꤋꤢꤨ꤭꤮ ꤘꤢꤧ꤬ꤏꤝꤢ꤬ꤘꤢꤧ꤬ꤏꤢꤪ꤭ ꤔꤢꤧ꤬ ꤞꤤꤕꤜꤢꤪ꤬ ꤔꤢꤧ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤘꤣ ꤢ꤬ ꤥ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤊꤢꤨ꤭ꤣꤧ꤭ ꤔꤣꤧ꤬ ꤔꤤ꤮꤯

ꤚꤥꤗꤢꤩ꤬ 4:20

ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤢꤪꤜꤢꤧ꤬ ꤣꤧ꤭ꤔꤣꤧ꤬ ꤢ꤬ꤞꤤꤕꤜꤢꤪ꤬ ꤜꤢꤨ꤬ꤓꤥ꤭ꤜꤢꤨ꤬ꤜꤢꤧ꤬ ꤒꤣꤧ꤬ꤊꤤ꤬꤮ꤒꤥ꤬꤯ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤣꤧ꤬, ꤒꤣꤧ꤬ꤊꤜꤢꤧ꤬ ꤔꤢꤧ ꤢ꤬ ꤏꤝꤢ꤬ꤓꤢꤧ꤬ꤏꤢꤪ꤭ꤓꤢꤧ꤬ ꤚꤣꤧ꤬ ꤢ꤬ ꤓꤢꤨ꤬ꤞꤢꤩ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬꤯

เอเฟซัส 6:10

ꤘꤣꤋꤛꤢ꤭ ꤒꤣꤧ꤬ꤘꤢꤦ꤬ꤔꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤞꤤ꤭ ꤟꤢꤨꤣꤧ꤭, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ꤏꤝꤢ꤬ꤊ꤫ꤢꤦ꤬ꤏꤢꤪ꤭ꤓꤢꤧ꤬ ꤔꤣꤧ꤬, ꤖꤛꤢ ꤜꤢ꤭ꤋꤢꤧ꤭ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤤ꤮꤯ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤏꤝꤢ꤬ꤢ꤬ꤏꤢꤪ꤭ ꤔꤢꤧ꤬ꤡꤣꤧ꤯

โครินธ์ เนอบ่า ต๊าบ่า 12:10

ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤥ꤬ ꤔꤢꤧ ꤒꤢꤩ꤬ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬, ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤠꤢꤧ꤭ ꤒꤣꤧ꤬ꤟꤢꤩ꤬, ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤒꤣꤧ꤬ꤟꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤞꤤ꤭ ꤒꤣꤧ꤬ꤟꤢꤩ꤬, ꤜꤢꤪ꤭ ꤒꤢꤩ꤬ ꤘꤣ ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤋꤚꤤ ꤢ꤬ꤑꤢꤩ꤭ ꤖꤢꤧ, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤗꤤ꤭ ꤞꤤꤕꤜꤢꤪ꤬ꤗꤥ꤬ ꤖꤢꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤠꤢꤧ꤭ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤒꤢꤦꤗꤢ꤬ ꤠꤢꤧ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤖꤢꤧ꤯

โครินธ์ อาเหร่อเล๊อ ต๊าบ่า 4:10

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤕꤢꤩ꤬ ꤋꤚꤝꤢ꤭ ꤋꤚꤤ ꤢ꤬ꤋꤛꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢꤨ꤭ ꤟꤢꤩ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬, ꤞꤤ꤭ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤡꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤖꤚꤢꤩ꤬ꤡ꤫ꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤣꤧ꤯ ꤕꤢꤩ꤬ ꤚꤣꤧ꤬ ꤕꤢꤩ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤘꤢꤦ꤬ ꤕꤢꤩ꤬ꤑꤢꤩ꤭ ꤖꤢꤧ, ꤞꤤ꤭ ꤚꤣꤧ꤬ ꤞꤤ꤭ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤔꤢꤧ꤬ꤡꤣꤧ ꤜꤢ꤭ꤘꤢꤦ꤬ ꤔ꤫ꤤ꤬꤯ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤘꤢꤦ꤬ꤑꤢꤩ꤭ ꤕꤢꤩ꤬ ꤖꤢꤧ꤯ ꤞꤤ꤭ ꤚꤣꤧ꤬ ꤢꤨ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤡꤣꤧ ꤜꤢ꤭ꤘꤢꤦ꤬ ꤞꤤ꤭ ꤔ꤫ꤤ꤬꤯

ꤚꤥꤗꤢꤩ꤬ 14:2

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤢꤩ꤬ ꤤ꤬ꤒꤢꤩ꤭꤮ ꤗꤢ꤬ ꤢ꤬ꤔ꤫ꤤ꤬ ꤖꤢꤧ ꤢ꤬ ꤟꤢꤩ ꤒꤣꤧ꤬ꤘꤢꤦꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤒꤢꤩ꤬ꤛ꤫ꤢꤦ꤬ ꤕꤣꤧ꤬ꤒꤤꤕꤢ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤢꤩ꤬ ꤖꤢꤧꤒꤢꤦ ꤞꤢꤪ꤬ꤒꤢꤪ꤭ꤙꤢꤧ꤭ꤜꤢꤩ꤬ ꤖꤢꤧ꤯

ฟีลิปปี 2:4

ꤗꤢꤧꤕꤢꤨ꤭ ꤚꤣꤧꤘꤢꤦ꤬ ꤒꤢꤦꤖꤢꤧ ꤞꤤ꤭ ꤒꤢꤩ꤬ꤜ꤫ꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ, ꤒꤣꤧ꤬ꤔꤢꤩ꤬ ꤒ꤫ꤥ꤬ ꤕ꤫ꤢꤩ꤬ ꤊꤣꤧ꤭ꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤢ꤬ꤑꤢꤩ꤭ ꤔꤤ꤮꤯