เตเด๊อะโลแถ่ 9:18 - Eastern Kayah Shadaw Dialect

¹⁸ ꤗꤤ꤬ꤊꤢꤧ꤭ꤓꤢꤩ꤬, ꤗꤤ꤬ꤋꤥ꤬ꤓꤢꤩ꤬, ꤛꤢ꤬ꤞꤢꤨꤙꤢꤧ꤭ ꤓꤢꤩ꤬ ꤘꤣ ꤒꤣꤧ꤬ꤞꤤ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤧ꤭ꤊꤢꤨ꤭꤯ ꤘꤣ ꤒꤢꤩ꤬ꤣꤧ꤭ꤞꤥ꤭ꤡꤣ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤞꤣꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ꤯

ลีเทส่อพ๊าอาเซ เร๊อ เห่ขุทวาลู๊

¹⁸ หมิแกเถ่, หมิโข่เถ่, หย่าซู๊แบ เถ่ เด๊อ ตีซิ เออเต๊เห่ อาแกกู. เด๊อ เตเออโซเจ่อ เมจาเมจือ อู อาขว่าอาคยา, แกแย เซอ โซปุ๊ยตูปุ๊ย.

เตเด๊อะโลแถ่ 9:18 ပူးပေါင်းရင်းမြစ်များ

เตเด๊อะโลแถ่ 9:17

ꤘꤣ ꤠꤢꤧ꤭ ꤒꤢꤩ꤬ꤗꤢꤧꤓ꤫ꤣꤧ꤬ꤜꤝꤢ ꤥ꤬ꤔꤢꤩ꤬ ꤢ꤬ꤊꤢꤨ꤭ꤣꤧ꤭ꤔꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤞꤤ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤘꤢꤧ ꤜꤢꤨ꤭ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤞꤢꤧ ꤜꤢ꤭ꤋꤢꤧ꤭ ꤡꤢ꤬ꤒ꤫ꤢꤪ꤬ꤓꤢꤩ ꤒꤣꤧ꤬ꤟꤢꤩ꤬ ꤘꤣ ꤢ꤬ꤜꤤ꤬ ꤞꤢꤧꤡꤣꤧꤔꤢꤧ ꤗꤤ꤬, ꤚꤣꤧ꤬ ꤢ꤬ ꤒꤣꤧ꤬ꤖꤢꤩ꤬ꤜꤢꤪ꤬, ꤓꤥ꤭ꤚꤣꤧ꤬ ꤢ꤬ ꤙꤢꤧ꤭ ꤞꤢꤧꤡꤣꤧꤔꤢꤧ ꤛꤢ꤬ꤞꤢꤨꤙꤢꤧ꤭ ꤘꤣ ꤢꤨ꤭ ꤢꤩ ꤔꤢꤧ ꤏꤢ꤬ꤜꤢ꤬ꤖꤢ꤬ ꤔꤣꤧ꤬ ꤡꤣꤧ꤯ ꤒꤣꤧ꤬ꤞꤤ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤬ꤊꤜꤢꤪ ꤔꤣꤧ꤬, ꤢ꤬ꤞꤢꤧꤔꤢꤧ ꤢꤞ꤫ꤤ꤬ ꤊꤢꤨ꤬ꤊꤜꤢꤪ ꤚꤣꤧ꤬ ꤘꤣ ꤒꤣꤧ꤬ꤞꤤ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤧ꤭ꤊꤢꤨ꤭ ꤔꤣꤧ꤬, ꤗꤤ꤬ ꤔꤢꤧ ꤗꤤ꤬ꤋꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢ꤬ꤞꤢꤨꤙꤢꤧ꤭ ꤏꤢ꤬ꤜꤢ꤬ꤖꤢ꤬ ꤓꤢꤩ꤬ ꤜꤢꤪ꤭ꤕꤜꤤ꤭꤯

เตเด๊อะโลแถ่ 9:15

ꤒꤣꤧ꤬ꤔꤢꤩꤖꤢꤨ ꤢ꤬ꤖꤚꤢꤩ꤬ ꤞꤥ꤭ꤞꤝꤢ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤡꤝꤢ ꤕꤜꤝꤢ꤭ꤓꤢꤩ꤬ꤊꤢꤧ꤭ ꤒꤣꤧ꤬ꤔꤢꤩꤖꤢꤨ ꤣꤧ꤭ꤞꤤꤜꤝꤤ꤭ ꤚꤣꤧ꤬ ꤛꤢꤩ꤬ꤞꤤ꤭ ꤣꤧ꤭ꤔꤣꤧ꤬, ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤋꤥꤘꤢꤦ꤬ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ ꤒꤥ꤭ꤒꤢꤦꤊꤢꤧ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤞꤥ꤭ꤕꤝꤤꤒꤣ꤬ꤕꤝꤤ ꤙꤣꤧ ꤒꤣ꤬ꤗꤢꤦ꤭ ꤢ꤬ꤊꤢꤨ꤭, ꤒꤣ꤬ꤔꤣꤧ꤭ ꤢ꤬ꤊꤢꤨ꤭, ꤒꤣ꤬ꤜꤢꤩ꤭ ꤢ꤬ꤊꤢꤨ꤭ ꤔꤢꤧ ꤒꤣ꤬ꤔꤢ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯

เตเด๊อะโลแถ่ 8:7

ꤙꤣꤧ ꤒꤣꤧ꤬ꤔꤢꤩꤖꤢꤨ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤡ꤫ꤢ꤬ꤒꤢ꤭ ꤒꤣꤧ꤬ꤋꤚꤢꤦ꤬ꤞꤢꤩ꤬꤯ ꤓꤥ꤭ꤚꤣꤧ꤬ ꤢꤨ꤭ ꤟꤢꤒꤢ꤭ ꤞꤝꤤ꤬ ꤘꤣ ꤢ꤬ ꤏꤤ꤭ꤜꤢꤧ ꤔꤢꤧ ꤗꤤ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭꤯ ꤣꤧ꤭ꤒꤣ꤬ꤖꤥꤚꤣꤧ꤬ ꤗꤤ꤬ ꤢꤦ꤭ꤜꤢꤪ꤭ꤊꤢꤧ꤭ ꤟꤢꤩ꤬ꤋꤢꤨ꤬ꤣꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ, ꤞꤢꤪ꤬ꤗ꤫ꤢꤪ꤬ ꤒꤣꤧ꤬ꤟꤢꤩ꤬ ꤞꤥ꤭ꤕꤝꤤꤒꤣ꤬ꤕꤝꤤ, ꤓꤥ꤭ꤚꤣꤧ꤬ ꤢ꤬ ꤢꤦ꤭ ꤜꤢꤪ꤭ꤕꤜꤤ꤭ ꤡꤣꤧ ꤗꤤ꤬ꤞꤢꤩ꤬ꤗ꤫ꤢꤪ꤬ ꤔꤢꤧ ꤞꤢꤪ꤬ꤒꤢꤪ꤭ꤗ꤫ꤢꤪ꤬ ꤜꤢꤪ꤭꤮ ꤕꤜꤤ꤭ꤡꤣꤧ꤯

เตเด๊อะโลแถ่ 8:8

ꤟꤢꤨꤔꤣꤧ꤬ꤓꤥ꤭ꤚꤣꤧ꤬ ꤙꤣꤧ ꤒꤣꤧ꤬ꤔꤢꤩꤖꤢꤨ ꤔꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤒꤢꤩ꤬ꤒꤣ꤬ꤡꤣ꤬ ꤘꤣ ꤢ꤬ꤞꤢꤧꤔꤢꤧ ꤗꤤ꤬ꤢꤦ꤭ꤊꤢꤧ꤭ ꤒꤣꤧ꤬ꤞꤥ꤭ꤓꤢꤧ꤬ ꤏꤥ꤬ꤘꤢꤨ꤬ ꤒꤣ꤬ꤗꤢꤩ꤭ ꤣꤧ꤭ꤔꤣꤧ꤬ ꤢꤨ꤭ ꤠꤤ꤭ꤒꤢ꤭ ꤢ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ꤊꤢꤨ꤭꤯ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤞꤥ꤭ꤕꤝꤤꤒꤣ꤬ꤕꤝꤤ ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤞꤝꤤ꤬꤯

เตเด๊อะโลแถ่ 8:9

ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤥ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤣꤧ꤭ꤊꤢꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ, ꤓꤥ꤭ꤚꤣꤧ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤕꤛꤢꤊꤢꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ꤯

เตเด๊อะโลแถ่ 8:10

ꤓꤥ꤭ꤚꤣꤧ꤬ ꤒꤣꤧ꤬ꤔꤢꤩꤖꤢꤨ ꤞꤥ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤏꤢꤩ꤬ꤘꤢꤨ꤬ ꤒꤣ꤬ꤗꤢꤩ꤭ ꤘꤣ ꤢ꤬ ꤜꤤ꤭ꤒꤣꤧ꤬ꤋꤢꤩ꤭ ꤞꤢꤧꤡꤣꤧꤔꤢꤧ ꤗꤤ꤬ꤊꤢꤪ꤭ ꤣꤧ꤭ꤒꤣ꤬ꤗꤢꤩ꤭ ꤥ꤬ ꤘꤣ ꤗꤢꤪꤜꤢꤩ꤭ ꤜꤣꤧ꤬ꤒꤢ꤭ ꤚꤣꤧ꤬ ꤢ꤬ ꤜꤣꤧ꤬ꤒꤢ꤭ꤔꤥ꤭ ꤘꤣ ꤜꤢꤧ꤭ꤗ꤫ꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤞꤥ꤭ꤕꤝꤤꤒꤣ꤬ꤕꤝꤤ, ꤢ꤬ ꤜꤣꤧ꤬ꤒꤢ꤭ꤔꤥ꤭ ꤘꤣ ꤓꤣꤧ꤭ꤓꤢꤩ꤬ꤋꤢꤨ꤬ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤞꤥ꤭ꤕꤝꤤꤒꤣ꤬ꤕꤝꤤ꤯

เตเด๊อะโลแถ่ 8:11

ꤚꤣꤧ꤬ ꤏꤢꤩ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬, ꤢ꤬ꤗꤝꤤ꤭ ꤔꤢꤧ “ꤒꤢꤩ꤬ꤋꤢꤩ꤬ ꤒꤣꤧ꤬ꤚꤢ,” ꤚꤣꤧ꤬ ꤓꤣꤧ꤭ ꤋꤢꤩ꤬ꤊꤢꤧ꤭ ꤜꤢꤪ꤭ ꤞꤥ꤭ꤕꤝꤤꤒꤣ꤬ꤕꤝꤤ꤯ ꤊꤣꤧ꤬ꤛꤢꤧ꤭ ꤥ꤭ ꤜꤢ꤭ꤋꤢꤧ꤭ ꤓꤣꤧ꤭ꤋꤢꤩ꤬ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤞꤣꤧ꤭ ꤢꤩꤜꤥ꤬꤯

เตเด๊อะโลแถ่ 8:12

ꤙꤣꤧ ꤒꤣꤧ꤬ꤔꤢꤩꤖꤢꤨ ꤜꤝꤤ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤒꤣꤧꤗ꤫ꤢꤪ꤬, ꤜꤢꤩ꤭, ꤏꤢꤩ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤕꤛꤢꤊꤢꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ꤯ ꤢ꤬ꤒꤢꤩ꤬ꤜꤤ꤭ ꤒꤣꤧ꤬ꤋꤣꤧ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ꤯ ꤗ꤫ꤢꤪ꤬ꤞꤤ꤭ꤊꤜꤢꤩ꤭ ꤋꤤꤊꤢꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ, ꤚꤣꤧ꤬ ꤗ꤫ꤢꤪ꤬ꤋꤤ ꤢ꤬ꤋꤢꤩ꤭ꤔꤣꤧ꤬, ꤜꤢꤩ꤭, ꤏꤢꤩ꤬ ꤒꤣꤧ꤬ꤟꤢꤩ꤬ ꤢ꤬ ꤋꤤꤊꤢꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ꤯

เตเด๊อะโลแถ่ 9:19

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤣꤧ꤬ꤞꤤ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤖꤚꤥ꤬ꤖꤚꤢꤧ꤬ꤏꤝꤢ꤬ꤏꤢꤪ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤏꤢꤩ꤭ꤢꤨ꤭ ꤔꤣꤧ꤬, ꤢ꤬ ꤥ꤬ ꤘꤣ ꤛꤢꤩ꤬ꤞꤤ꤭ ꤊꤢꤧ꤭ꤊꤢꤨ꤭ ꤔꤢꤧ ꤢ꤬ꤊꤢꤨꤗꤤ꤬ ꤢ꤬ꤜꤥ꤬ꤔꤣꤧ꤬꤯ ꤢ꤬ꤊꤢꤨꤗꤤ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊꤢꤨ꤬ꤊꤜꤢꤪꤥ꤬ ꤚꤣꤧ꤬ ꤢ꤬ꤊꤢꤨꤗꤤ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤞꤢꤧꤔꤢꤧ ꤚ꤫ꤢꤨ꤬ ꤊꤢꤨ꤬ꤊꤜꤢꤪ, ꤚꤣꤧ꤬ ꤢ꤬ ꤗꤢꤩ꤬ꤏꤝꤤꤗꤢꤩ꤬ꤏꤢꤩ꤭ ꤜꤢꤪ꤭ꤕꤜꤤ꤭ ꤢꤨ꤭ ꤔꤢꤧ ꤢ꤬ꤊꤢꤨꤗꤤ꤬ ꤣꤧ꤭ꤒꤣꤧ꤬ꤟꤢꤩ꤬꤯