เตเด๊อะโลแถ่ 8:8 - Eastern Kayah Shadaw Dialect

⁸ ꤟꤢꤨꤔꤣꤧ꤬ꤓꤥ꤭ꤚꤣꤧ꤬ ꤙꤣꤧ ꤒꤣꤧ꤬ꤔꤢꤩꤖꤢꤨ ꤔꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤒꤢꤩ꤬ꤒꤣ꤬ꤡꤣ꤬ ꤘꤣ ꤢ꤬ꤞꤢꤧꤔꤢꤧ ꤗꤤ꤬ꤢꤦ꤭ꤊꤢꤧ꤭ ꤒꤣꤧ꤬ꤞꤥ꤭ꤓꤢꤧ꤬ ꤏꤥ꤬ꤘꤢꤨ꤬ ꤒꤣ꤬ꤗꤢꤩ꤭ ꤣꤧ꤭ꤔꤣꤧ꤬ ꤢꤨ꤭ ꤠꤤ꤭ꤒꤢ꤭ ꤢ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ꤊꤢꤨ꤭꤯ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤞꤥ꤭ꤕꤝꤤꤒꤣ꤬ꤕꤝꤤ ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤞꤝꤤ꤬꤯

ลีเทส่อพ๊าอาเซ เร๊อ เห่ขุทวาลู๊

⁸ ฮู๊เนอโทเรอ เบ๊อะเตเน่วพู๊ เนอเพร เตเพร โอ๊แถ่ อากวา เบ๊อะเนอ, เตเต๊อเจ่อ เด๊อ อาแซ่เน๊อ หมิอือแก แถ่ โฉ่ดุ เตเม เออเนอ อู วีตา อา เด๊อ เทอดุซาวากู. เทอดุซาวา โซปุ๊ยตูปุ๊ย เนอ อา ทวาแถ่ ลอปลี สุ่ย.

เตเด๊อะโลแถ่ 8:8 ပူးပေါင်းရင်းမြစ်များ

ꤗꤢ꤬ꤊꤢꤨ 11:23

ꤠꤢꤧ꤭ ꤟꤢꤩꤡꤢꤪꤡꤢꤪ ꤔꤢꤧ꤬, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ ꤊꤢꤩ꤬ ꤟꤢꤩ ꤏꤥ꤬ꤣꤧ꤭ꤒꤣ꤬ꤗꤢꤩ꤭ ꤔꤢꤧ, ‘ꤞꤢꤪꤞꤢꤦ ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤊꤢꤨ꤭ꤔꤣꤧ꤬,’ ꤚꤣꤧ꤬ ꤢ꤬ ꤊꤢꤩ꤬ ꤞꤤꤕꤜꤢꤪ꤬ꤚꤢ꤬ꤚꤢꤩ꤬ ꤒꤥ꤬ ꤚꤣꤧ꤬ ꤢ꤬ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤩꤔꤣꤧ꤬, ꤢ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤕ꤫ꤢꤩ꤬ ꤜꤢꤨ꤭ ꤟꤢꤨ ꤢ꤬ ꤟꤢꤩ ꤔꤣꤧ꤬ ꤕꤢ꤭꤯

เตเด๊อะโลแถ่ 8:7

ꤙꤣꤧ ꤒꤣꤧ꤬ꤔꤢꤩꤖꤢꤨ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤡ꤫ꤢ꤬ꤒꤢ꤭ ꤒꤣꤧ꤬ꤋꤚꤢꤦ꤬ꤞꤢꤩ꤬꤯ ꤓꤥ꤭ꤚꤣꤧ꤬ ꤢꤨ꤭ ꤟꤢꤒꤢ꤭ ꤞꤝꤤ꤬ ꤘꤣ ꤢ꤬ ꤏꤤ꤭ꤜꤢꤧ ꤔꤢꤧ ꤗꤤ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭꤯ ꤣꤧ꤭ꤒꤣ꤬ꤖꤥꤚꤣꤧ꤬ ꤗꤤ꤬ ꤢꤦ꤭ꤜꤢꤪ꤭ꤊꤢꤧ꤭ ꤟꤢꤩ꤬ꤋꤢꤨ꤬ꤣꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ, ꤞꤢꤪ꤬ꤗ꤫ꤢꤪ꤬ ꤒꤣꤧ꤬ꤟꤢꤩ꤬ ꤞꤥ꤭ꤕꤝꤤꤒꤣ꤬ꤕꤝꤤ, ꤓꤥ꤭ꤚꤣꤧ꤬ ꤢ꤬ ꤢꤦ꤭ ꤜꤢꤪ꤭ꤕꤜꤤ꤭ ꤡꤣꤧ ꤗꤤ꤬ꤞꤢꤩ꤬ꤗ꤫ꤢꤪ꤬ ꤔꤢꤧ ꤞꤢꤪ꤬ꤒꤢꤪ꤭ꤗ꤫ꤢꤪ꤬ ꤜꤢꤪ꤭꤮ ꤕꤜꤤ꤭ꤡꤣꤧ꤯

เตเด๊อะโลแถ่ 11:6

ꤙꤣꤧ ꤛꤢꤩ꤬ꤞꤤ꤭ ꤟꤢꤩꤖꤚꤥ꤬ ꤥ꤬ꤔꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤊ꤫ꤢꤩ꤬ ꤊ꤫ꤢꤦ꤬ ꤡꤢꤦ꤬ ꤒ꤫ꤢꤧ꤬ ꤒꤣꤧ꤬ꤊꤤ꤬꤮ ꤗꤢꤩ꤬ ꤔꤣꤧ꤬ꤚꤣꤧ꤬, ꤛꤢꤩ꤬ꤞꤤ꤭ ꤥ꤬ ꤔꤢꤧ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤗꤢꤩ꤬ꤙꤤꤊꤢꤧ꤭ꤡ꤫ꤢꤧ꤬ ꤗꤢꤪꤋꤢꤨ꤬ ꤢ꤬ꤊꤣꤧ꤬ꤘꤢ꤭ ꤕꤢ꤭꤯ ꤓꤥ꤭ꤒꤥ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤥ꤬ꤕꤢ꤬ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤓꤣꤧ꤭ꤣꤧ꤭ꤔꤣꤧ꤬ ꤔꤢꤧ ꤞꤝꤤ꤬ ꤔꤣꤧ꤬ꤗꤢ꤬ ꤢ꤬ ꤗꤢꤩ꤬ ꤡ꤫ꤢꤧ꤬ꤡ꤫ꤢꤧ꤬꤯ ꤓꤥ꤭ꤒꤥ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤥ꤬ꤕꤢ꤬ ꤔꤢꤧ ꤢ꤬ ꤊꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤒꤣꤧ꤬ꤗꤥ꤭ꤗꤥ꤭ ꤊ꤫ꤢꤩ꤬ꤚ꤫ꤢ꤬ꤊ꤫ꤢꤩ꤬ꤘꤝꤢ꤭ ꤞꤤ꤭ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬, ꤢ꤬ ꤗꤢꤦ꤭ꤒꤢ꤭ ꤟꤢꤩ꤬ꤋꤢꤨ꤬ ꤚꤣꤧ꤬ ꤢ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤔꤣꤧ꤬ꤗꤢ꤬, ꤢ꤬ ꤗꤢꤩ꤬ ꤡ꤫ꤢꤧ꤬ꤡ꤫ꤢꤧ꤬ ꤖꤢꤧ꤯

เตเด๊อะโลแถ่ 9:15

ꤒꤣꤧ꤬ꤔꤢꤩꤖꤢꤨ ꤢ꤬ꤖꤚꤢꤩ꤬ ꤞꤥ꤭ꤞꤝꤢ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤡꤝꤢ ꤕꤜꤝꤢ꤭ꤓꤢꤩ꤬ꤊꤢꤧ꤭ ꤒꤣꤧ꤬ꤔꤢꤩꤖꤢꤨ ꤣꤧ꤭ꤞꤤꤜꤝꤤ꤭ ꤚꤣꤧ꤬ ꤛꤢꤩ꤬ꤞꤤ꤭ ꤣꤧ꤭ꤔꤣꤧ꤬, ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤋꤥꤘꤢꤦ꤬ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ ꤒꤥ꤭ꤒꤢꤦꤊꤢꤧ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤞꤥ꤭ꤕꤝꤤꤒꤣ꤬ꤕꤝꤤ ꤙꤣꤧ ꤒꤣ꤬ꤗꤢꤦ꤭ ꤢ꤬ꤊꤢꤨ꤭, ꤒꤣ꤬ꤔꤣꤧ꤭ ꤢ꤬ꤊꤢꤨ꤭, ꤒꤣ꤬ꤜꤢꤩ꤭ ꤢ꤬ꤊꤢꤨ꤭ ꤔꤢꤧ ꤒꤣ꤬ꤔꤢ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯

เตเด๊อะโลแถ่ 9:18

ꤗꤤ꤬ꤊꤢꤧ꤭ꤓꤢꤩ꤬, ꤗꤤ꤬ꤋꤥ꤬ꤓꤢꤩ꤬, ꤛꤢ꤬ꤞꤢꤨꤙꤢꤧ꤭ ꤓꤢꤩ꤬ ꤘꤣ ꤒꤣꤧ꤬ꤞꤤ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤧ꤭ꤊꤢꤨ꤭꤯ ꤘꤣ ꤒꤢꤩ꤬ꤣꤧ꤭ꤞꤥ꤭ꤡꤣ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤞꤣꤧ꤭ ꤞꤥ꤭ꤕꤝꤤꤒꤣ꤬ꤕꤝꤤ꤯

เตเด๊อะโลแถ่ 12:4

ꤢ꤬ ꤡꤝꤤ꤬ ꤜꤣꤧ꤬ꤒꤢ꤭ ꤏꤢꤩ꤬ ꤞꤥ꤭ꤕꤝꤤꤒꤣ꤬ꤕꤝꤤ ꤘꤣ ꤗꤢꤪꤜꤢꤩ꤭ ꤔꤢꤧ ꤢ꤬ꤊꤢꤨꤗꤤ꤬ ꤚꤣꤧ꤬ ꤢ꤬ ꤠꤤ꤭ꤒꤢ꤭ ꤜꤢꤪ꤭ ꤏꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤟꤢꤩ꤬ꤋꤢꤨ꤬꤯ ꤕꤜꤢꤧ꤬ ꤣꤧ꤭ꤒꤣ꤬ꤙꤥ꤭ ꤔꤣꤧ꤬, ꤢ꤬ ꤊꤣꤧ꤬ꤓꤢꤪ꤬ꤥ꤬ ꤘꤣ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤖꤢꤨꤥ꤬ ꤒꤣꤧ꤬ꤜꤤꤟꤣꤧ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤊꤢꤩ꤬ ꤖꤢꤨꤥ꤬ꤥ꤬ ꤔꤢꤧ ꤢ꤬ ꤊ꤫ꤢꤦ꤬ꤚꤢꤩ꤭ ꤕ꤫ꤢꤦ꤬ꤢꤩ꤬ꤊꤢꤧ꤭ ꤜꤢꤨ꤭ꤖꤢꤨ꤯