เตเด๊อะโลแถ่ 7:13 - Eastern Kayah Shadaw Dialect

¹³ ꤓꤥ꤭ꤚꤣꤧ꤬ ꤘꤣ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤘꤣꤧꤟꤣꤧ꤭ ꤠꤢꤧ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤢꤦ꤭ꤞꤢꤧ ꤡꤢ꤬ꤡꤝꤢ꤬ꤙꤢꤨ꤭ꤓꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢꤨ꤭ꤕꤢꤩ꤭? ꤛꤢꤩ꤬ꤞꤤ꤭ ꤗꤢ꤬ ꤢ꤬ ꤥ꤬ ꤙꤣꤧꤒꤢꤩ꤭ ꤟꤢꤧ꤭?”

ลีเทส่อพ๊าอาเซ เร๊อ เห่ขุทวาลู๊

¹³ โทเรอ เด๊อ โหมะพรูโหมะเผร่ เนอเต๊เห่ อาเกล เตเพรเนอ อา แด๊เฮอ แว เน๊อ, “แกแย เด๊อ อา กือแซ๊ จาจวาบูทู เออเต๊เห่ เนอหม่า อูเป? เหย่ซี หม่า อา โอ่ เบ๊อะเตแฮ?”

เตเด๊อะโลแถ่ 7:13 ပူးပေါင်းရင်းမြစ်များ

ꤛꤥ꤭ꤟꤢ꤬ 7:28

ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤤ꤬ꤞꤝꤢꤒꤢ꤭ꤕꤢ꤬ ꤢꤨ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤢꤩꤓꤥ꤭ꤓꤢꤧ꤬ ꤔꤢꤧ, “ꤞꤤ꤭ ꤞꤤꤑꤢꤩ꤭ ꤠꤢꤧ꤭ ꤔꤣꤧ꤬ꤗꤢ꤬ ꤢ꤬ꤗ꤫ꤢ꤬ꤠꤢ꤯ ꤠꤢꤧ꤭ ꤥ꤬ ꤒꤥ꤭ ꤙꤣꤧꤒꤢꤩ꤭ ꤟꤢꤧ꤭ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤗ꤫ꤢ꤬ꤔꤤꤔꤢꤧ꤬ ꤔꤢꤧ꤭ ꤠꤢꤧ꤭ ꤔ꤫ꤤ꤬꤯ ꤠꤢꤧ꤭ ꤟꤢꤧ꤭ ꤡꤢꤨ꤮ ꤘꤢꤦ꤬ ꤠꤢꤧ꤭ ꤞꤤꤕꤜꤢꤪ꤬ ꤗ꤫ꤢ꤬ꤒꤥ꤬꤯ ꤖꤚꤢꤩ꤬ ꤘꤣ ꤢ꤬ ꤔꤢꤪ꤭ꤟꤢꤧ꤭ ꤠꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬, ꤞꤤ꤭ ꤞꤤꤑꤢꤩ꤭ ꤜꤢꤨ꤭ ꤒꤥ꤬꤯ ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ꤡꤢꤪ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 3:12

ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤗꤢꤧꤓ꤫ꤣꤧ꤬ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤋꤥ꤭ꤙꤢꤧꤞꤝꤢ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤞꤤ꤭꤮ ꤞꤤ꤭ ꤡꤝꤢ ꤋꤛꤢꤛꤢꤦ ꤜꤢ꤭ꤋꤢꤧ꤭ ꤒꤢꤩ꤬ꤗꤢꤩ꤬ ꤣꤧ꤭ꤒꤣ꤬ꤡꤣ꤬ ꤢ꤬ꤜ꤫ꤢꤩ꤬ ꤗꤢꤩ꤬ꤒꤢꤩ꤭? ꤞꤤ꤭ ꤡꤝꤢ ꤗꤢꤧꤥ꤬ꤒ꤫ꤢꤧ꤬ ꤒ꤫ꤥ꤬ ꤜꤢꤪ꤭ ꤕꤢꤩ꤬ ꤗꤢꤩ꤬ꤒꤢꤩ꤭? ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤡꤝꤢꤡ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤞꤤ꤭ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤗꤢꤩ꤬ ꤕ꤫ꤢꤩ꤬ ꤢ꤬ ꤔꤢꤧ ꤕꤢꤩ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤔꤣꤧ꤬ ꤟꤢꤧ꤭? ꤞꤤ꤭ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤔꤢꤧ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤟꤢꤨꤔꤣꤧ꤬ ꤟꤢꤧ꤭?

เตเด๊อะโลแถ่ 3:4

“ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤖꤥꤏꤣꤧ ꤚꤣꤧ꤬ ꤢ꤬ꤟꤣꤧ꤬ꤡꤢ꤬ ꤕꤜꤤ꤭ꤖꤥ ꤜꤢꤪ꤭ꤕꤢ꤬ ꤙꤣꤧ ꤎꤢ꤬ꤘꤤ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤊꤢꤨ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤥ꤬ꤕꤣꤧ꤬ꤒꤤ ꤖꤢꤧ꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤊꤢꤦ꤭ꤞꤢꤧꤓꤢꤧ꤬ ꤟꤣꤧ꤬ꤡꤢ꤬ꤙꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤝꤢꤒ꤫ꤣ꤬ ꤊꤣꤧ꤭ꤘꤢꤦ꤬ ꤔꤢꤧ ꤠꤢꤧ꤭ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤊꤢꤪ꤬ ꤡꤝꤢꤒ꤫ꤣ꤬ꤊꤣꤧ꤭ ꤔꤢꤧ꤭ ꤔꤢꤧ ꤠꤢꤧ꤭ ꤟꤣꤧ꤯

เตเด๊อะโลแถ่ 4:10

ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤣꤧ꤭ꤔꤣꤧ꤬ ꤢ꤬ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤖꤚꤢꤩ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤖꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯ ꤛꤢꤩ꤬ꤞꤤ꤭ ꤘꤢꤧ꤬ꤒꤢ꤭ꤊꤢꤧ꤭ ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤤ꤬ꤚꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤔꤢꤧ,

เตเด๊อะโลแถ่ 4:4

ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤘꤣ ꤢ꤬ꤚꤥ꤬ ꤔꤣꤧ꤭ꤏꤣꤧ꤭ ꤔꤢꤧ ꤜꤝꤤ꤭ꤗꤢꤩ꤭ ꤣꤧ꤭ꤔꤣꤧ꤬ ꤢ꤬ ꤥ꤬ꤒꤣꤧ꤬ꤠꤢ꤬ ꤔꤢꤧ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ ꤚꤣꤧ꤬ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤨ꤬ ꤔꤣꤧ꤬, ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤘꤣ ꤢ꤬ ꤊꤢꤦ꤭ꤞꤢꤧꤓꤢꤧ꤬ ꤟꤣꤧ꤬ꤡꤢ꤬ꤙꤢꤨ꤭ ꤚꤣꤧ꤬ ꤢ꤬ ꤊ꤫ꤥ꤬ꤓꤢꤧ꤬ ꤊꤢꤨꤊ꤫ꤥ꤬ꤓꤢꤩ꤭ ꤒꤣꤧ꤬ꤟꤢꤩ꤬ ꤥ꤬ꤔꤢꤧ꤭ꤥ꤬ ꤜꤢ꤭ꤋꤢꤧ꤭ ꤙꤣꤧꤔꤣꤧ꤬꤯

เตเด๊อะโลแถ่ 5:11

ꤣꤧ꤭ꤒꤣ꤬ꤖꤥꤚꤣꤧ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤥ꤬ ꤘꤣ ꤢ꤬ꤞꤤ꤭ ꤘꤣ ꤢ꤬ꤞꤤ꤭ꤊꤢꤨ꤭ ꤚꤣꤧ꤬ ꤘꤢꤧꤜꤢꤪ꤭ꤕ꤫ꤢꤩ꤬ ꤕꤢ꤬ ꤡꤣꤧꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬ꤖꤚꤢ꤬ꤓꤢꤧ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤥ꤬ꤒꤣꤧ꤬ꤠꤢ꤬ ꤜꤢ꤭ꤋꤢꤧ꤭ ꤔꤢꤧ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ ꤔꤢꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ꤔꤣꤧ꤬ ꤜꤝꤤ꤭ꤘꤥ꤭ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เตเด๊อะโลแถ่ 5:5

ꤣꤧ꤭ꤒꤣ꤬ꤖꤥꤚꤣꤧ꤬ ꤘꤣ ꤗ꤫ꤥ꤬ꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬, ꤛꤢꤨꤘꤢ꤬ ꤗꤤ꤭ꤡꤣ꤬ꤖꤢꤨ ꤢꤞ꤫ꤤ꤬ ꤣꤧ꤭ꤒꤣ꤬ꤘꤥ꤭, ꤋꤢꤨ꤭ꤘꤢ꤬ꤠꤤ꤬ ꤢ꤬ꤊꤜꤝꤤ꤭ꤜꤢꤧ꤭ ꤊꤣꤧ꤬ꤜꤢꤧ꤬ ꤘꤤ꤭ꤒ꤫ꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ꤟꤣꤧ ꤒꤢꤩ꤬ꤗꤢꤩ꤬ꤕ꤫ꤢꤩ꤬ ꤟꤣꤧ, ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤢꤨꤢꤊꤢꤧ꤭ ꤒꤢꤩ꤬ꤗꤢꤩ꤬ꤗꤢꤗꤢꤩ꤬ꤒꤢꤩ꤭ ꤞꤥ꤭ꤞꤝꤢꤒꤣ꤬ꤊꤥ꤬ ꤣꤧ꤭ ꤚꤣꤧ꤬ ꤢ꤬ ꤙꤢꤗꤥ꤭ ꤕ꤫ꤢꤩ꤬ ꤕꤢꤩ꤬ ꤜꤤ꤬ꤒꤣꤧ꤬ꤜꤢꤨ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤟꤣꤧ꤯”

เตเด๊อะโลแถ่ 7:9

ꤒꤢꤩ꤬ꤗꤢꤩ꤬ꤢ꤬ꤔ꤫ꤢꤩ꤬ ꤟꤢꤨꤣꤧ꤭ ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤥ꤬ꤚ꤫ꤥ꤬ꤥ꤬ꤢꤩ ꤔꤢꤧ꤬ꤡꤣꤧ ꤒꤣ꤬ꤗꤢꤨ꤬ ꤚꤣꤧ꤬ ꤢꤨ꤭ ꤘꤢꤧ ꤜꤢꤪ꤭ꤕ꤫ꤢꤩ꤬ ꤛꤢꤩ꤬ꤞꤤ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤛꤢꤩ꤬ꤞꤤ꤭ ꤥ꤬ ꤘꤣ ꤗꤤ꤭ꤡꤣ꤬ ꤕꤝꤢ꤭ꤒꤣ꤬ꤡꤣ꤬, ꤊꤜꤝꤤ꤭ꤜꤢꤧ꤭ ꤕꤝꤢ꤭ꤒꤣ꤬ꤗ꤫ꤥ꤬, ꤊꤣꤧ꤬ꤛꤢꤧ꤭ ꤕꤝꤢ꤭ꤒꤣ꤬ꤗꤢꤨ꤬, ꤔꤢꤧ ꤍ꤫ꤥ꤬ ꤕꤝꤢ꤭꤮ ꤒꤣ꤬ꤡꤣ꤬ ꤟꤢꤧ꤭ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤧ꤭ꤊꤣꤧ꤬ꤓꤢꤪ꤬ꤥ꤬ ꤘꤣ ꤞꤤꤗꤤ꤬ꤖꤢꤨ ꤔꤢꤧ ꤢ꤬ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤊꤢꤦ꤭ꤞꤢꤧꤓꤢꤧ꤬ꤔ꤫ꤤ꤬ ꤡꤢ꤬ꤡꤝꤢ꤬ꤙꤢꤨ꤭ꤓꤢꤨ꤭ ꤚꤣꤧ꤬ ꤕ꤫ꤢꤦ꤬ꤗꤢ꤬ꤚꤣꤧ ꤜꤢ꤭ꤋꤢꤧ꤭ ꤊꤣꤧ꤬ꤔꤢꤪ꤭ꤘꤢꤨ꤬ꤖꤢꤧ꤭ ꤒꤣꤧ꤬ꤟꤢꤩ꤬꤯