เตเด๊อะโลแถ่ 6:1 - Eastern Kayah Shadaw Dialect

¹ ꤠꤢꤧ꤭ ꤗꤢꤧꤓ꤫ꤣꤧ꤬ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤡꤢꤨꤢꤗꤥ꤭ꤓꤢꤧ꤬ ꤢꤨ꤭ ꤊꤜꤢꤩꤡ꤫ꤢꤩ꤬ꤡꤢꤦ꤭ꤗꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤘꤣ ꤞꤥ꤭ꤞꤝꤢꤒꤣ꤬ꤊꤥ꤬ ꤢ꤬ꤊꤜꤢꤩ꤭ꤣꤧ꤭ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤊꤥ꤬ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤘꤣ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤬ ꤜꤝꤤ꤭ꤘꤥ꤭ ꤢ꤬ꤊꤜꤢꤩ꤭ ꤒꤣ꤬ꤘꤥ꤭ꤔꤣꤧ꤬ ꤢ꤬ꤍ꤫ꤥ꤬ꤖꤚꤢ꤬ꤓꤢꤧ꤬ ꤞꤢꤧꤔꤢꤧ ꤏꤢ꤬ꤜꤢꤧ꤬ ꤔꤣꤧ꤬ ꤚꤣꤧ꤬ “ꤟꤢꤧ꤭ꤗꤣꤧ꤭” ꤢ꤬ ꤟꤢꤩ ꤟꤢꤨꤔꤣꤧ꤬꤯

ลีเทส่อพ๊าอาเซ เร๊อ เห่ขุทวาลู๊

¹ แว แม๊เถอะ ซิหมิพู๊ เนอโตโด ปาอ๊าโมแถ่ อู เกล๊จิจือหม่า เตม๊าเตแด เด๊อ โซซว๊าโต๊โก่ อาเกลเออ อาเหร่อเล๊อ โต๊โก่ เร๊อ แว หนิโฮ เด๊อ เตเซอเพร เนอ ลุยโด อาเกล โตโดเนอ อาโหง่พราแถ่ แซ่เร๊อ ฉ่าแล เนอ เร๊อ “แฮมอ” อา เฮ๊ ฮู๊เนอ.

เตเด๊อะโลแถ่ 6:1 ပူးပေါင်းရင်းမြစ်များ

ꤛꤥ꤭ꤟꤢ꤬ 1:29

ꤘꤣꤋꤛꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤋꤢꤨ꤭ꤛꤥ꤭ꤟꤢ꤬ ꤗꤢꤧꤓ꤫ꤣꤧ꤬ ꤛꤢꤩ꤬ꤏꤛꤢꤨ ꤟꤢꤧ꤭ ꤘꤣ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤗꤢꤧꤗꤣꤧ꤭, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤗꤤ꤬ꤖꤢꤨ ꤘꤣ ꤢ꤬ ꤖꤛꤢꤠꤤ꤭ꤊꤢꤧ꤭ ꤊꤢꤧ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤒꤣꤧ꤬ꤟꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 4:20

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ ꤔ꤫ꤤ꤬ꤟꤥ꤭ ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ꤔꤣꤧ꤬ ꤕꤢꤩ꤬ ꤊꤢꤩ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤢꤨ꤭ ꤒꤥ꤬ ꤟꤢꤩꤔꤣꤧ꤬, ꤕꤢꤩ꤬ ꤥ꤬ꤡ꤫ꤢꤧ꤬ ꤒꤥ꤬꤯”

เตเด๊อะโลแถ่ 11:19

ꤙꤣꤧꤔꤣꤧ꤬ꤋꤢꤩ꤭ ꤢꤨ꤭ ꤙꤢꤗꤥ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤘꤣ ꤗꤢꤪꤋꤢꤨ꤬ ꤔꤣꤧ꤬ꤒꤣ꤬ꤗꤢꤩ꤭꤯ ꤚꤣꤧ꤬ ꤢꤨ꤭ ꤗꤢꤧꤓ꤫ꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤢꤪꤜꤢꤧ꤬ꤔꤢꤪ꤬ꤜꤢꤧ꤬ ꤢ꤬ꤒꤣ ꤥ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬꤯ ꤓꤥ꤭ꤚꤣꤧ꤬ ꤒꤣꤧ꤬ꤛ꤫ꤢ꤬ꤙꤢꤪ, ꤒꤢꤩ꤬ꤖꤚꤢ꤬ꤚ꤫ꤢꤨ꤬ꤖꤚꤢ꤬ꤒꤢꤩ, ꤗꤢꤪꤋꤚꤢꤪ꤭ ꤏꤢ꤬ꤜꤢꤧ꤬, ꤒꤣꤧ꤬ꤔꤢꤩꤓꤢꤪꤘꤤ꤭, ꤒꤣꤧ꤬ꤋꤚꤢꤦ꤬ꤞꤢꤩ꤬ ꤕꤜꤢꤪ꤬ꤘꤢꤨ꤬ ꤒꤣꤧ꤬ꤟꤢꤩ꤬ ꤡ꤫ꤢ꤬ꤒꤢ꤭ ꤞꤢꤧꤡꤣꤧꤟꤢꤨ ꤊ꤫ꤢꤩ꤬ꤡꤢꤦ꤬ ꤔꤣꤧ꤬꤯

เตเด๊อะโลแถ่ 13:8

ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤜꤢꤨ꤭ ꤕꤢ꤭꤯ ꤡꤢꤓꤢꤧ꤬ ꤘꤣ ꤢꤨ꤭ ꤙꤢꤧꤜꤢꤧ꤬ꤜꤢꤨ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ꤕꤢ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢꤨ꤭ ꤚꤢ꤭ꤥ꤬ꤒ꤫ꤣ꤬ꤊꤣꤧ꤭ ꤜꤢ꤭ꤟꤤ ꤛꤢꤩ꤬ꤞꤤ꤭ꤗꤝꤤ꤭ ꤘꤣ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤜꤤ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤜꤢ꤭ꤋꤢꤧ꤭ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭꤯ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤗꤢ꤬ ꤗ꤫ꤢ꤬ꤟꤣꤧ ꤢꤨ꤭ ꤗꤢꤩ꤬ꤞꤣꤧ꤭ ꤢ꤬ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯

เตเด๊อะโลแถ่ 14:2

ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤖꤚꤢ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤒꤣ꤬ꤡꤣ꤬ ꤚꤣꤧ꤬ ꤢ꤬ ꤖꤚꤢ꤬ ꤞꤢꤧꤔꤢꤧ ꤓꤣꤧ꤭ꤒꤣꤧ꤬ꤚꤢꤧ꤬ ꤏꤢꤒꤢ꤭ ꤓꤥ꤭ꤚꤣꤧ꤬ ꤏꤢ꤬ꤜꤢꤧ꤬ ꤔꤣꤧ꤬꤯ ꤓꤥ꤭ꤒꤥ꤬ ꤢ꤬ ꤖꤚꤢ꤬ ꤞꤢꤧꤡꤣꤧꤔꤢꤧ ꤢꤨ꤭ ꤘꤢꤪ꤬ ꤖꤚꤢ꤬ꤚ꤫ꤢꤨ꤬ꤖꤚꤢ꤬ꤒꤢꤩ ꤒꤤ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤣꤧ꤯

เตเด๊อะโลแถ่ 19:6

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤠꤢꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ ꤘꤣ ꤢ꤬ ꤡ꤫ꤣ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤟꤢꤩꤙꤢꤩ꤬ ꤔꤣꤧ꤬꤯ ꤓꤥ꤭ꤚꤣꤧ꤬ ꤢ꤬ꤞꤢꤧꤔꤢꤧ ꤓꤣꤧ꤭ꤒꤣꤧ꤬ꤚꤢꤧ꤬ ꤓꤝꤤꤟꤢꤧ꤭ ꤖꤚꤢ꤬ꤚ꤫ꤢꤨ꤬ꤖꤚꤢ꤬ꤒꤢꤩ ꤔꤣꤧ꤬, ꤚꤣꤧ꤬ ꤢ꤬ ꤖꤚꤢ꤬ ꤒꤣꤧ꤬ꤕꤜꤢꤪ꤬ꤜꤣꤧ꤬ꤛꤢꤪ꤬ ꤏꤝꤢ꤬ ꤞꤢꤧꤡꤣꤧꤔꤢꤧ ꤏꤢ꤬ꤜꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤛꤢꤩ꤬ꤞꤤ꤭ ꤟꤢꤩ ꤔꤢꤧ, “ꤓꤢꤨ꤬ꤞꤢꤩꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤡ꤫ꤢꤧ꤬ꤒꤢꤩ꤬ꤜꤢꤪ꤭ ꤞꤤꤑꤢꤩ꤭ꤒꤢꤩ꤬ꤕꤜꤤ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤕꤣꤒꤣꤧ꤬ꤚꤤ꤬ ꤟꤣꤧ ꤒꤢꤩ꤬ ꤟꤣꤧ꤯

เตเด๊อะโลแถ่ 4:8

ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ꤣꤧ꤭ ꤜꤝꤤ꤭ꤘꤥ꤭ ꤜꤢꤪ꤭ꤔꤣꤧ꤬, ꤒꤣ꤬ꤘꤥ꤭ ꤔꤢꤧ ꤢ꤬ ꤘꤢꤥ꤬ ꤢ꤬ ꤙꤢꤩ꤬ ꤞꤥ꤭ꤞꤝꤢ, ꤢ꤬ ꤕꤣꤧꤞꤢꤩ꤬ꤕꤜꤢꤪ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤥ꤬ ꤜꤢꤪ꤭ꤕꤜꤤ꤭ ꤜꤢꤨ꤭ꤔ꤫ꤢꤩ꤬ ꤒꤣ꤬ꤖꤚꤢꤩ꤬ꤜꤢꤪ꤭ ꤡꤣꤧ, ꤢ꤬ꤥ꤬ ꤒ꤫ꤥ꤬ ꤜꤢꤪ꤭ ꤡꤣꤧ ꤘꤣ ꤢ꤬ꤘꤢꤜꤢꤩ꤭꤯ ꤛꤢꤩ꤬ꤞꤤ꤭ ꤤ꤬ꤚꤥ꤭ ꤓꤢꤨ꤬ꤞꤢꤩꤓꤢꤧ꤬ ꤕꤝꤢ꤭ꤔꤣꤧ꤭ꤔꤣꤧ꤭꤮ ꤕꤝꤢ꤭ꤞꤢꤩ꤭ꤞꤢꤩ꤭ ꤡꤣꤧ, ꤢ꤬ ꤥ꤬ꤊꤥ ꤒꤣ꤬ꤖꤥ꤮ ꤒꤥ꤬꤯ ꤚꤣꤧ꤬ ꤢ꤬ ꤤ꤬ꤚꤥ꤭ ꤓꤢꤨ꤬ꤞꤢꤩꤓꤢꤧ꤬ ꤜꤢ꤭ꤋꤢꤧ꤭ ꤔꤢꤧ, “ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤡ꤫ꤢꤧ꤬ꤒꤢꤩ꤬ ꤜꤢꤪ꤭꤮ ꤕꤜꤤ꤬ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣꤔꤢꤨ꤬ꤘꤣꤞꤢ꤬ꤋꤢꤩ꤭, ꤚꤣꤧ꤬ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤒ꤫ꤥ꤬ꤊꤢꤨꤔ꤫ꤢꤧ꤬, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤧ꤭ꤑꤢꤩ꤭ꤜꤢ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤥ꤬ ꤖꤢꤧꤒꤢꤦ ꤔꤢꤧ꤬ꤒꤣ꤬ꤖꤚꤢꤩ꤬ ꤖꤢꤧ, ꤢ꤬ ꤥ꤬ ꤖꤢꤧꤒꤢꤦ ꤔꤢꤧ꤬ꤒꤣ꤬ꤖꤚꤢꤩ꤬ ꤖꤢꤧ, ꤢ꤬ ꤥ꤬ ꤖꤢꤧꤒꤢꤦ ꤔꤢꤧ꤬ꤒꤣ꤬ꤖꤚꤢꤩ꤬ ꤖꤢꤧ꤯”

เตเด๊อะโลแถ่ 5:1

ꤠꤢꤧ꤭ ꤗꤢꤧꤓ꤫ꤣꤧ꤬ ꤜꤤ꤬ ꤒꤣꤧ꤬ꤜꤢꤨ꤭ ꤒꤣ꤬ꤊꤜꤢꤨ꤭ ꤥ꤬ ꤘꤣ ꤖꤚꤢꤩ꤬ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤢ꤬ꤊꤢꤨ꤭꤯ ꤜꤤ꤬ꤒꤣꤧ꤬ꤜꤢꤨ꤭ ꤣꤧ꤭ꤔꤣꤧ꤬, ꤢꤨ꤭ ꤚꤢ꤭ꤥ꤬ ꤜꤢꤪ꤭ꤕꤜꤤ꤭ ꤔꤢꤧ ꤜꤤ꤬ꤕꤜꤢꤪ꤬ ꤔꤣꤧ꤭ꤋꤥꤔꤣꤧ꤭ꤊꤛꤢ꤭ ꤜꤢꤪ꤭ ꤚꤣꤧ꤬ ꤢꤨ꤭ ꤊꤜꤢꤩꤡ꤫ꤢꤩ꤬ꤡꤢꤦ꤭ꤗꤢ꤬ ꤜꤢꤨ꤭ ꤔꤢꤧ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤞꤥ꤭ꤞꤝꤢꤒꤣ꤬ꤊꤥ꤬꤯

เตเด๊อะโลแถ่ 5:12

ꤚꤣꤧ꤬ ꤛꤢꤩ꤬ꤞꤤ꤭ ꤢꤩꤓꤥ꤭ ꤤ꤬ꤚꤥ꤭ ꤏꤝꤢ꤬ ꤜꤢ꤭ꤋꤢꤧ꤭ ꤔꤢꤧ, “ꤞꤤꤗꤤ꤬ꤖꤢꤨ ꤘꤣ ꤢꤨ꤭ ꤗꤢꤩ꤬ꤞꤣꤧ꤭ ꤜꤢꤨ꤭ ꤣꤧ꤭ꤔꤣꤧ꤬, ꤢ꤬ ꤊꤢꤪ꤬ ꤔ꤫ꤤ꤬ꤙꤢꤩ꤬ꤘꤢꤦ꤬ ꤒꤣꤧ꤬ꤚꤣꤧ꤭ꤖꤚꤥ꤬ꤖꤚꤢꤧ꤬, ꤒꤢꤩ꤬ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭, ꤒꤢꤩ꤬ꤞꤤꤒꤢꤩ꤬ꤖꤢꤩ, ꤒꤢꤩ꤬ꤟꤢꤧ꤭ꤒꤢꤩ꤬ꤚꤢꤩ꤬, ꤒꤢꤩ꤬ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤜꤢꤨ꤭, ꤒꤢꤩ꤬ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤜꤢꤨ꤭, ꤔꤢꤧ ꤒꤢꤩ꤬ꤓꤢꤨ꤬ꤞꤢꤩꤓꤢꤧ꤬ ꤘꤢꤦ꤬ ꤜꤢꤨ꤭ ꤔꤤ꤮꤯”

เตเด๊อะโลแถ่ 5:8

ꤙꤣꤧ ꤢ꤬ ꤕ꤫ꤢꤦ꤬ꤗꤢ꤬ꤚꤣꤧ ꤜꤤ꤬ꤒꤣꤧ꤬ꤜꤢꤨ꤭ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤜꤝꤤ꤭ꤘꤥ꤭ꤣꤧ꤭ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤣꤧ꤭ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯ ꤛꤢꤩ꤬ꤞꤤ꤭ ꤒꤣ꤬ꤘꤥ꤭ ꤔꤢꤧ ꤒꤣ꤬ꤘꤥ꤭, ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤒꤤ꤬ ꤜ꤫ꤢꤩ꤬ꤘꤢꤪ꤬ ꤥ꤬ ꤓꤥ꤭ꤚꤣꤧ꤬ ꤢ꤬ꤥ꤬ ꤔꤢꤧ ꤢ꤬ꤙꤢꤩ꤭ꤓꤢꤩ꤭ ꤒꤣꤧ꤬ꤟꤢꤩ꤬꤯ ꤙꤢꤩ꤭ꤓꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤥ꤬ ꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭꤯ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เตเด๊อะโลแถ่ 6:3

ꤙꤣꤧ ꤞꤤꤗꤤ꤬ꤖꤢꤨꤣꤧ꤭ ꤡꤢꤨꤢꤗꤥ꤭ꤓꤢꤧ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤔꤣꤧ꤭ꤊꤥ꤬ꤒꤣ꤬ꤊꤥ꤬ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤔ꤫ꤤ꤬ꤟꤥ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤭ꤘꤥ꤭ ꤒꤣ꤬ꤘꤥ꤭ ꤣꤧ꤭ꤔꤣꤧ꤬ ꤟꤢꤩ ꤔꤢꤧ, “ꤟꤢꤧ꤭ꤗꤣꤧ꤭꤯”

เตเด๊อะโลแถ่ 6:5

ꤓꤥ꤭ꤚꤣꤧ꤬ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤡꤢꤨꤢꤗꤥ꤭ꤓꤢꤧ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤞꤥ꤭ꤊꤥ꤬ꤒꤣ꤬ꤊꤥ꤬ ꤘꤣ ꤢꤨ꤭ ꤗꤢꤩ꤬ꤗꤢ꤬ ꤢ꤬ꤔꤣꤧ꤬, ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤞꤥ꤭ꤘꤥ꤭ ꤔꤣꤧ꤬ꤒꤣ꤬ꤘꤥ꤭ ꤟꤢꤩ ꤔꤢꤧ, “ꤟꤢꤧ꤭ꤗꤣꤧ꤭” ꤢ꤬ ꤟꤢꤩ ꤟꤢꤨꤔꤣꤧ꤬꤯ ꤠꤢꤧ꤭ ꤗꤢꤧ ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤞꤤꤜꤢꤪ꤬ ꤒꤣ꤬ꤘꤥ꤭ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ ꤜꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ꤥ꤬ ꤚꤣꤧꤘꤢꤦ꤬ ꤔꤢꤧ ꤡꤢꤧꤡꤢꤨꤜꤢꤩ꤬ ꤘꤣ ꤢ꤬ ꤊꤢꤨꤛꤢ꤭ꤊꤢꤨ꤭꤯

เตเด๊อะโลแถ่ 6:7

ꤓꤥ꤭ꤚꤣꤧ꤬ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤡꤢꤨꤢꤗꤥ꤭ꤓꤢꤧ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤜꤝꤤ꤭ꤊꤥ꤬ꤒꤣ꤬ꤊꤥ꤬ ꤘꤣ ꤢꤨ꤭ ꤗꤢꤩ꤬ꤗꤢ꤬ ꤢ꤬ꤔꤣꤧ꤬ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤜꤝꤤ꤭ꤘꤥ꤭ ꤔꤣꤧ꤬ꤒꤣ꤬ꤘꤥ꤭ ꤟꤢꤩ ꤔꤢꤧ, “ꤟꤢꤧ꤭ꤗꤣꤧ꤭” ꤢ꤬ ꤟꤢꤩ ꤟꤢꤨꤔꤣꤧ꤬꤯

เตเด๊อะโลแถ่ 8:1

ꤙꤣꤧ ꤞꤤꤗꤤ꤬ꤖꤢꤨ ꤡꤢꤨꤢꤗꤥ꤭ ꤒꤢꤩ꤬ꤗꤢꤩ꤬ꤗꤢ꤬ ꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤢ꤬ꤊꤥ꤬ ꤞꤥ꤭ꤞꤝꤢꤒꤣ꤬ꤊꤥ꤬ ꤣꤧ꤭ꤒꤣ꤬ꤊꤥ꤬ ꤢ꤬ꤋꤢꤩ꤭, ꤘꤣ ꤗꤢꤪꤋꤢꤨ꤬ ꤔꤣꤧ꤬, ꤒꤢꤩ꤬ꤞꤥ꤬ꤒꤢꤩ꤬ꤋꤚꤢꤩ꤭ ꤥ꤬ꤓꤢꤧ꤬ ꤑꤢ꤭ ꤚꤢ꤬ꤚꤢꤩ꤬ ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤡꤣꤧ ꤗꤤꤔꤤ ꤞꤥ꤭ꤏꤣꤧ꤭ ꤙꤣꤧꤔꤣꤧ꤬ ꤡꤣꤧ꤯