เตเด๊อะโลแถ่ 21:2 - Eastern Kayah Shadaw Dialect

² ꤠꤢꤧ꤭ ꤗꤢꤧꤓ꤫ꤣꤧ꤬ ꤠꤤ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤚꤣꤧꤘꤢꤦ꤬ ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤠꤤ꤭ꤞꤢꤩ꤭ ꤣꤧ꤭ꤒꤣꤧ꤬ꤠꤤ꤭ ꤔꤣꤧ꤬, ꤚꤣꤧ꤬ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤧ꤭ꤜꤢꤧ꤬꤯ ꤢꤨ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤊꤢꤦ꤭ꤞꤢꤧ ꤥ꤬ꤔꤢꤩ꤬ ꤕ꤫ꤢꤩ꤬ ꤜꤢꤨ꤭ ꤟꤢꤨ ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤥ꤬ꤕ꤫ꤢꤪ꤬ꤏꤢꤦ꤬ ꤢ꤬ꤠꤢꤩ꤬ ꤔꤣꤧ꤬꤯

ลีเทส่อพ๊าอาเซ เร๊อ เห่ขุทวาลู๊

² แว แม๊เถอะ วีบูโพ๊ หม่าดื่อเฮ๊อ เยรูซาเล็ม วีเซ เออตีวีเนอ, เร๊อ อา โอ่ เด๊อ ม๊อขุ เด๊อ จอแปแหร่ อา โอ่ เร๊อ อา แฮแล. อู ตี๊หรี่แตแร กือแซ๊ หนื่ออื่อ เป่ ลู ฮู๊ เพรกาฉู่แด่ เพรเหมาะ เตเพร เด๊อ อา โอ่ป่อฉื่อ อาเว เนอ.

เตเด๊อะโลแถ่ 21:2 ပူးပေါင်းရင်းမြစ်များ

ꤛꤥ꤭ꤟꤢ꤬ 3:29

ꤠꤢꤧ꤭ ꤗꤢ꤬ ꤢ꤬ꤞꤢꤧꤔꤢꤧ ꤖꤚꤢꤩ꤬ꤋꤚꤝꤢ꤭ꤋꤚꤝꤥ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬꤯ ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤗꤢ꤬ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤢ꤬ꤒꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤋꤚꤝꤢ꤭ꤋꤚꤝꤥ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤊꤣꤧ꤬ꤓꤢꤪ꤬ ꤔ꤫ꤤ꤬ꤘꤢ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤟꤢꤩꤙꤢꤩ꤬꤯ ꤢ꤬ ꤔ꤫ꤤ꤬ꤟꤥ꤭ ꤜꤢꤨ꤭ꤍ꤫ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ꤯ ꤟꤢꤨꤔꤣꤧ꤬ꤟꤣꤧ ꤠꤢꤧ꤭ ꤒꤢꤩ꤬ꤞꤤꤋꤚꤢꤦ꤭ ꤣꤧ꤭ꤔꤣꤧ꤬ ꤢ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤟꤣꤧ꤯

โครินธ์ เนอบ่า ต๊าบ่า 11:2

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤔꤢꤧ꤬ꤡꤣꤧ ꤘꤣ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤪ꤬ꤡꤢꤪ ꤒꤣꤧ꤬ꤘꤢꤦ꤬ ꤔꤢꤧ ꤋꤚꤤ꤯ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤢꤧꤡꤣꤧꤔꤢꤧ ꤖꤚꤢꤩ꤬ꤗꤢꤪ꤬ꤖꤢꤨꤞꤢꤩ꤬ ꤘꤣ ꤢ꤬ꤞꤤꤕꤜꤢꤪ꤬ ꤕꤜꤤ꤭ꤖꤥ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ ꤢꤪꤜꤢꤧ꤬ ꤓꤥ꤭ꤟꤣꤧ ꤠꤢꤧ꤭ꤍ꤫ꤥ꤬ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤘꤝꤢ ꤕ꤫ꤢꤩ꤬ ꤔꤢꤧ ꤖꤚꤢꤩ꤬ꤋꤢꤨ꤭ ꤕꤢ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗ꤫ꤢ꤬ꤟꤣꤧ ꤒꤢꤦ ꤋꤚꤤ ꤣꤧ꤭ ꤕꤢ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯

ꤟꤤꤙꤚꤢꤨ 11:10

ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤗꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤜꤢꤨ꤭ ꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤥ꤬ꤕ꤫ꤢꤪ꤬ ꤗꤢꤧꤏꤢꤦ꤭ꤚꤣꤧ ꤠꤤ꤭ ꤘꤣ ꤢ꤬ꤊꤢꤧ꤭ꤏꤢ ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤠꤤ꤭꤯ ꤠꤤ꤭ ꤣꤧ꤭ꤒꤣꤧ꤬ꤠꤤ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤓꤥ꤭ꤟꤣꤧ ꤚꤣꤧ꤬ ꤢ꤬ ꤤ꤬ꤏꤢꤪꤓꤢꤧ꤬ ꤓꤥ꤭ꤚꤣꤧꤘꤢꤦ꤬ ꤟꤣꤧ ꤔꤢꤧ ꤢ꤬ꤔ꤫ꤢꤩ꤬꤯

ꤟꤤꤙꤚꤢꤨ 11:16

ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤗꤢꤧꤏꤢꤦ꤭ ꤞꤤꤔꤢꤩ꤬ꤞꤥ꤬ ꤔꤢꤧ꤬ꤡꤣꤧ ꤗꤢꤪꤋꤢꤨ꤬ ꤓꤣꤧ꤭ꤊ꤫ꤢꤩ꤬ ꤘꤣ ꤢ꤬ ꤗꤥ꤬ꤜꤣ ꤣꤧ꤭ꤔꤣꤧ꤬ ꤒꤣ꤬ꤙꤢ꤬꤯ ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤢꤩ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤛꤢꤩ꤬ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤒꤣꤧ꤬ꤚꤢꤩ꤭ꤒꤥ꤬꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤕ꤫ꤢꤩ꤬ꤟꤣꤧ ꤛꤢꤩ꤬ꤞꤤ꤭ ꤠꤤ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤜꤥ꤭ ꤟꤣꤧ ꤔꤢꤧ ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤢꤩ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤛꤢꤩ꤬ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ ꤢ꤬ ꤞꤤꤒꤣꤧ꤬ꤚꤢꤩ꤭ ꤜꤢ꤭ꤋꤢꤧ꤭ ꤒꤥ꤬꤯

ꤟꤤꤙꤚꤢꤨ 12:22

ꤗꤢ꤬ꤔꤢꤧꤚꤣꤧ꤬, ꤞꤤ꤭ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬ ꤞꤤ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤞꤤꤥ꤬ꤏꤥ꤬ ꤟꤣꤧ꤯ ꤏꤥ꤬ ꤣꤧ꤭ꤒꤣ꤬ꤗꤢꤩ꤭ꤔꤣꤧ꤬ ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤠꤤ꤭ ꤒꤣ꤬ꤠꤤ꤭ ꤘꤣ ꤢꤨ꤭ ꤢꤩ ꤔꤢꤧ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤘꤣ ꤗꤢꤪꤋꤢꤨ꤬ ꤣꤧ꤭ꤔꤣꤧ꤬ ꤒꤣ꤬ꤠꤤ꤭ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ ꤥ꤬ ꤡꤣꤧ ꤘꤣ ꤢ꤬ꤞꤤ꤭ ꤔꤢꤧ ꤢ꤬ꤞꤤ꤭ꤊꤢꤨ꤭ ꤒꤣꤧ꤬ꤟꤢꤩ꤬ ꤟꤢꤧ꤭ꤥ꤬ꤕꤜꤢꤪ ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤚ꤫ꤥ꤬ꤊꤣꤧ꤭ ꤜꤢꤪ꤭ ꤜꤢꤨ꤭ ꤙꤣꤧꤔꤣꤧ꤬꤯ ꤚꤣꤧ꤬ ꤞꤤ꤭ ꤟꤢꤧ꤭ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤢ꤬ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

ꤟꤤꤙꤚꤢꤨ 13:14

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤤ꤭ ꤘꤣ ꤕꤢꤩ꤬ꤑꤢꤩ꤭ ꤘꤣ ꤢ꤬ ꤥ꤬ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬ ꤢ꤬ꤥ꤬ ꤒꤣ꤬ꤠꤤ꤭꤮ ꤒꤥ꤬꤯ ꤕꤢꤩ꤬ ꤗꤢꤧꤕꤢꤨ꤭ ꤠꤤ꤭ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ ꤕꤢ꤭ ꤣꤧ꤭ꤔꤣꤧ꤬ ꤒꤣ꤬ꤠꤤ꤭꤯

เตเด๊อะโลแถ่ 1:1

ꤜꤤ꤬ ꤣꤧ꤭ꤒꤣ꤬ꤙꤢ꤬ ꤗꤢ꤬ ꤜꤤ꤬ ꤘꤣ ꤢ꤬ ꤚꤢ꤭ꤗꤢꤚꤢ꤭ꤒꤢꤩ꤭ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ꤓꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤞꤢꤧꤟꤢꤨ ꤛꤢꤩ꤬ꤏꤛꤢꤨꤋꤚꤤ ꤊ꤫ꤢꤦ꤬ ꤤ꤬ꤛꤢꤨ꤭ꤜꤥ꤭ ꤕ꤫ꤢꤩ꤬ ꤢ꤬ꤜꤢꤨ꤬ꤜꤢꤩ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ ꤊ꤫ꤢꤦ꤬ꤚꤢꤩ꤭ ꤓꤝꤢ꤭ꤓꤢꤧ꤬ ꤖꤢꤦ꤬ꤜꤢ꤭ꤟꤣꤧ ꤕꤢ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ ꤒꤢꤩ꤬ꤘꤣꤧꤜꤥ꤭ꤓꤢꤧ꤬ ꤣꤧ꤭ꤔꤣꤧ꤬ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤗ꤫ꤢ꤬ꤘꤢꤦ꤬ ꤟꤣꤧ ꤠꤢꤧ꤭ ꤘꤣ ꤢ꤬ ꤓꤝꤢ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ꤜꤢꤨ꤬ꤜꤢꤩ ꤣꤧ꤭ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤞꤢꤨ꤭ꤜꤢꤧ꤬ ꤢ꤬ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤠꤢꤧ꤭ꤥ꤬ ꤚꤣꤧ꤬ ꤢ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤠꤢꤧ꤭ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬꤯

เตเด๊อะโลแถ่ 1:4

ꤠꤢꤧ꤭ ꤗꤢ꤬ ꤋꤢꤨ꤭ꤛꤥ꤭ꤟꤢ꤬꤯ ꤠꤢꤧ꤭ ꤚꤢ꤭ꤡꤝꤢ ꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤞꤥ꤭ꤞꤝꤢꤒꤣ꤬ꤗꤢꤨ꤬ ꤘꤣ ꤢ꤬ ꤥ꤬ ꤘꤣ ꤢ꤬ꤏꤛꤢꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭, ꤓꤥ꤭ꤒꤥ꤬ ꤊꤢꤨꤔ꤫ꤢꤧ꤬ꤋꤢꤩ꤭ ꤗꤢ꤬ ꤢ꤬ ꤞꤣꤧ꤭ꤖꤚꤢꤩ꤬ꤖꤚꤢꤩ꤬, ꤔꤥ꤬ꤕꤢ꤭ ꤗꤢ꤬ ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤘꤣ ꤢ꤬ ꤥ꤬ ꤘꤣ ꤜꤢꤨ꤭ ꤊꤢꤨ꤬ꤊꤜꤢꤧꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤔꤢꤧ ꤢ꤬ ꤒꤢꤩ꤬ꤞꤥ꤬ꤒꤢꤩ꤬ꤋꤚꤢꤩ꤭ ꤣꤧ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤘꤢꤦ꤬ ꤔꤤ꤮꤯

เตเด๊อะโลแถ่ 1:9

ꤠꤢꤧ꤭ ꤗꤢ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤞꤢꤧꤊꤣꤧ꤭ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤗꤢ꤬ ꤞꤤ꤭ ꤋꤥ꤭ꤙꤢꤧꤞꤝꤢ ꤘꤣ ꤢ꤬ ꤋꤢꤧꤡꤢ꤭ꤋꤢꤧꤡꤢꤦ꤬ ꤚ꤫ꤥ꤬ꤊꤣꤧ꤭ꤒꤢꤩ꤬ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬, ꤠꤢꤧ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤞꤢꤧꤊꤣꤧ꤭ ꤔꤢꤧ ꤞꤤ꤭ꤞꤤ꤭, ꤚꤣꤧ꤬ ꤠꤢꤧ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤚ꤫ꤥ꤬ꤊꤣꤧ꤭ꤒꤢꤩ꤬ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬ ꤖꤢꤧ꤯ ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤔꤢꤧ ꤒꤢꤩ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤋꤢꤧꤜꤥ꤭ ꤕ꤫ꤢꤩ꤬ ꤠꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤡꤝꤢ ꤘꤢꤧ꤬ꤥ꤬ꤊꤢꤧ꤭ ꤠꤢꤧ꤭ ꤘꤣ ꤕꤢ꤬ꤗꤢꤨꤊꤜꤢꤦꤋꤢꤨ꤬ ꤟꤣꤧ꤯

เตเด๊อะโลแถ่ 11:2

ꤗꤢ꤬ꤔꤢꤧꤚꤣꤧ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤜꤢꤪ꤭ ꤜꤥ꤬ꤊꤣꤧ꤬ꤚꤢꤩꤊꤢꤨ꤭ ꤔꤣꤧ꤬ ꤒꤢꤩ꤭ꤗꤢꤧ ꤒ꤫ꤥ꤬ ꤒ꤫ꤢꤧ꤬ ꤢ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢꤨ꤭ ꤘꤣꤧꤒꤢ꤭ ꤓꤥ꤭ꤟꤣꤧ ꤢ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤟꤣꤧ꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤓꤢꤧ꤬ꤋꤢꤩ꤭ꤛ꤫ꤤ꤬ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤠꤤ꤭ ꤠꤤ꤭ ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤣꤧ꤭ꤒꤣꤧ꤬ꤠꤤ꤭ ꤔꤣꤧ꤬ ꤜꤝꤤ꤭ꤏꤣꤧ꤭ ꤔꤢꤧ ꤔꤣꤧ꤭ꤜꤢꤩ꤭ ꤢ꤬ꤊꤢꤨ꤭ ꤕꤢ꤭꤯

เตเด๊อะโลแถ่ 21:10

ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤥ꤬ꤊꤣꤧ꤭ ꤔꤢꤧ ꤠꤢꤧ꤭ ꤚꤣꤧ꤬ ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ ꤡꤢꤪ꤭ꤡꤝꤢ ꤠꤢꤧ꤭ ꤘꤣ ꤏꤥ꤬ꤘꤢꤨ꤬ꤏꤥ꤬ꤓꤢꤨ꤭ ꤒꤣ꤬ꤗꤢꤩ꤭ ꤢ꤬ꤋꤣꤧ꤭꤯ ꤚꤣꤧ꤬ ꤢ꤬ ꤤ꤬ꤛꤢꤨ꤭ꤜꤥ꤭ ꤠꤢꤧ꤭ ꤔꤢꤧ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤞꤢꤩ꤭ ꤢ꤬ꤗ꤫ꤢ꤬ ꤠꤤ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤚꤣꤧꤘꤢꤦ꤬ ꤣꤧ꤭ꤒꤣꤧ꤬ꤠꤤ꤭꤯ ꤠꤤ꤭ꤣꤧ꤭ꤔꤣꤧ꤬ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤘꤣ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤧ꤭ꤜꤢꤧ꤬꤯

เตเด๊อะโลแถ่ 21:9

ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤞꤥ꤭ꤞꤝꤢꤒꤣ꤬ꤙꤢꤩ꤬ ꤘꤣ ꤢ꤬ ꤙꤢ꤭ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣꤋꤛꤢ꤭ꤜꤣ ꤞꤥ꤭ꤞꤝꤢꤒꤣ꤬ꤡꤣ꤬ ꤣꤧ꤭ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤘꤣ ꤠꤢꤧ꤭ ꤥ꤬ ꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤟꤢꤧ꤭ꤗꤣꤧ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤤ꤬ꤛꤢꤨ꤭ꤜꤥ꤭ ꤔꤢꤧ꤬ ꤔꤢꤧ ꤞꤤꤗꤤ꤬ꤖꤢꤨ ꤢ꤬ꤗꤢꤩ꤭ ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬꤯”

เตเด๊อะโลแถ่ 22:17

ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤢꤧ ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤟꤢꤩ ꤔꤢꤧ, “ꤟꤢꤧ꤭ꤗꤣꤧ꤭ ꤜꤢ꤭ꤋꤢꤧ꤭꤯” ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤪ꤭ꤟꤢꤩꤊꤣꤧ꤭ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ, “ꤟꤢꤧ꤭ꤗꤣꤧ꤭ ꤜꤢ꤭ꤋꤢꤧ꤭꤯” ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤥ꤭ꤓꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤟꤢꤧ꤭ꤗꤣꤧ꤭, ꤟꤢꤧ꤭ꤖꤛꤢ ꤥ꤭ ꤋꤚꤢ꤭ ꤜꤢ꤭ꤋꤢꤧ꤭ ꤓꤣꤧ꤭ ꤞꤣꤧ꤭ꤖꤚꤢꤩ꤬ꤣꤧ꤭꤯

เตเด๊อะโลแถ่ 22:19

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤒꤢ꤭ꤛꤝꤢ꤬ꤊꤢꤧ꤭ ꤒꤢꤩ꤬ꤒꤣ꤬ꤡꤣ꤬ꤡꤣ꤬ ꤘꤣ ꤜꤤ꤬ꤣꤧ꤭ꤒꤣ꤬ꤙꤢ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤢꤪ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤬ ꤔꤢꤧ ꤠꤤ꤭ ꤢ꤬ꤞꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤚꤣꤧꤘꤢꤦ꤬ ꤘꤣ ꤢꤨ꤭ ꤟꤢꤩꤜꤥ꤭ꤥ꤬ ꤘꤣ ꤜꤤ꤬ꤣꤧ꤭ꤒꤣ꤬ꤙꤢ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤖꤛꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤜꤢꤨ꤭ ꤕꤢ꤭꤯ ꤢ꤬ ꤢꤩ꤬ꤔꤢꤪꤕꤢ꤭ ꤞꤢꤪ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤬ ꤒꤥ꤬꤯ ꤢ꤬ ꤔꤥ꤭ꤔꤢꤪ ꤕꤢ꤬ ꤘꤣ ꤠꤤ꤭ ꤢ꤬ꤞꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤚꤣꤧꤘꤢꤦ꤬ ꤣꤧ꤭ꤔꤣꤧ꤬ ꤢ꤬ꤊꤢꤨ꤭ ꤒꤥ꤬꤯

เตเด๊อะโลแถ่ 3:12

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤕ꤫ꤢꤩ꤬ ꤒꤢꤩ꤬ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤓꤝꤢ꤭ꤓꤢꤧ꤬ ꤢ꤬ ꤔꤢꤧ ꤠꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤟꤤ꤬ꤓꤢꤦ꤬ ꤕꤢ꤭, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤥ꤬ ꤒꤣꤧ꤬ꤘꤢꤦ꤬ꤜꤢ꤭ ꤙꤣꤧꤔꤣꤧ꤬ ꤕꤢ꤭꤯ ꤠꤢꤧ꤭ ꤊ꤫ꤢꤦ꤬ ꤚꤢ꤭ꤥ꤬ꤚꤣꤧ ꤠꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤗꤝꤤ꤭ ꤘꤣ ꤢ꤬ꤜꤥ꤬ ꤕꤢ꤭꤯ ꤓꤥ꤭ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤚꤢ꤭ꤥ꤬ ꤠꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤠꤤ꤭ ꤗ꤫ꤢ꤬ꤘꤢꤦ꤬ ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤠꤤ꤭ꤞꤢꤩ꤭ ꤢ꤬ꤗꤝꤤ꤭ ꤣꤧ꤭ꤔꤣꤧ꤬ ꤘꤣ ꤢ꤬ꤜꤥ꤬ ꤕꤢ꤭꤯ ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤠꤤ꤭ꤞꤢꤩ꤭ ꤣꤧ꤭ꤔꤣꤧ꤬, ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤘꤣ ꤠꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤥ꤬ ꤚꤣꤧ꤬ ꤢ꤬ ꤟꤢꤧ꤭ꤜꤢꤧ꤬꤯ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤚꤢ꤭ꤥ꤬ꤊꤣꤧ꤭ ꤠꤢꤧ꤭ ꤗꤝꤤ꤭ꤞꤢꤩ꤭ ꤘꤣ ꤢ꤬ꤜꤥ꤬ ꤕꤢ꤭꤯