เตเด๊อะโลแถ่ 19:10 - Eastern Kayah Shadaw Dialect

¹⁰ ꤠꤢꤧ꤭ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤡꤢꤪꤙꤢꤩ꤭ꤓꤢꤧ꤬ ꤜꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤡꤢꤪꤙꤢꤩ꤭ ꤒ꤫ꤢꤧ꤬ ꤠꤢꤧ꤭ ꤒ꤫ꤢꤧ꤬ꤗꤢꤩ꤬, ꤠꤢꤧ꤭ ꤔꤢꤧ ꤔꤢꤧ꤬ ꤔꤢꤧ ꤔꤢꤧ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤞꤤ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤞꤢꤧꤜꤢꤨ꤭ ꤖꤢꤧ꤯ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤢꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤕ꤫ꤢꤦ꤬ꤗꤢ꤬ꤚꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ꤊꤢꤧ꤭ ꤕ꤫ꤢꤩ꤬ ꤕꤢꤩ꤬ ꤣꤧ꤭ꤔꤣꤧ꤬꤯ ꤟꤢꤨꤔꤣꤧ꤬ꤚꤣꤧ꤬, ꤡꤢꤪꤙꤢꤩ꤭ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬, ꤡꤢꤪꤙꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ ꤕ꤫ꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤩꤙꤢꤩ꤬ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯”

ลีเทส่อพ๊าอาเซ เร๊อ เห่ขุทวาลู๊

¹⁰ แว แด๊งือแล เด๊อ อาเป๊เส่เง เร๊อ แว เตเร จ๊อเบแถ่ ลู หม่าแน๊เรอ อา เฮ๊ แว เน๊อ, “จ๊อเบ แต่ แว แต่เหม่, แว เร๊อ เน เร๊อ เน โป่แหว่ ครี๊พู๊ ซี เต๊เห่ เนอหม่า หลู่เล๊ แซ๊ลู แพ๊. เป หม่า แกแย เต๊เห่ เด๊อ อา เด๊อะโล เป่ อู เร๊อ เหย่ซู่ อาหรี่อาแก เต๊เห่ เร๊อ ปื่อหม่าหนิ เตหมะเตจ๊อ เด๊อ เหย่ซู่ครี๊ เด๊อะโลซิเงแก เป่ เป เออเนอ. ฮู๊เนอเรอ, จ๊อเบ แต่ อู เตเพร่ว แต่เหม่, จ๊อเบ เด๊อ จอแปแหร่ เนอ. เมเตเฮ๊เรอ เตหมะเตจ๊อ เด๊อ เหย่ซู่ครี๊ เด๊อะโล เป่ เออเนอหม่า อา แซ่เฮ๊อ เร๊อ จอแปแหร่ นอเฮ๊เบ่ เพรโพร เต๊เห่เนอ เฮ๊อ.”

เตเด๊อะโลแถ่ 19:10 ပူးပေါင်းရင်းမြစ်များ

ꤛꤥ꤭ꤟꤢ꤬ 5:39

ꤞꤤ꤭ ꤗꤢꤧꤕꤢꤨ꤭ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤒꤣꤧ꤬ꤟꤢꤩ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤒꤣꤧ꤬ꤔꤢꤩ꤬ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤙꤣꤧ ꤜꤤ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤕꤢ꤭꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ꤟꤣꤧ ꤒꤢꤩ꤬ ꤔꤢꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤟꤣꤧ꤯

ꤟꤤꤙꤚꤢꤨ 1:14

ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤗꤢ꤬ ꤢꤨ꤭ꤕꤢꤩ꤭? ꤛꤢꤩ꤬ꤞꤤ꤭ ꤗꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬꤯ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤗꤢꤩ꤬ꤡꤝ꤫ꤢ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤖꤢꤧ꤯

เตเด๊อะโลแถ่ 4:10

ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤣꤧ꤭ꤔꤣꤧ꤬ ꤢ꤬ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤖꤚꤢꤩ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤖꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯ ꤛꤢꤩ꤬ꤞꤤ꤭ ꤘꤢꤧ꤬ꤒꤢ꤭ꤊꤢꤧ꤭ ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤤ꤬ꤚꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤔꤢꤧ,

เตเด๊อะโลแถ่ 12:17

ꤕꤜꤢꤧ꤬ ꤣꤧ꤭ꤒꤣ꤬ꤙꤥ꤭ ꤞꤤꤕꤜꤢꤪ꤬ꤘꤢꤨ꤬ ꤖꤚꤢꤩ꤬ꤗꤢꤪ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤝꤢꤏꤢ ꤊꤣꤧ꤭ꤜꤢ꤭ꤒꤢꤩ꤬ ꤔꤢꤧ ꤖꤚꤢꤩ꤬ꤗꤢꤪ꤬ ꤢ꤬ꤖꤢꤨꤢ꤬ꤜꤣꤧ꤬ ꤘꤣ ꤢ꤬ ꤥ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤢ꤬ ꤥ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤊꤢꤧ꤭ꤍ꤫ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤡꤢꤪ ꤔꤢꤧ ꤢ꤬ ꤒꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤘꤣ ꤛꤢꤩ꤬ꤏꤛꤢꤨ ꤘꤣꤧꤜꤥ꤭ꤊꤢꤧ꤭ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เตเด๊อะโลแถ่ 12:11

ꤕꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤘꤣ ꤞꤤꤗꤤ꤬ꤖꤢꤨ ꤢ꤬ꤞꤝꤤ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤢꤧ ꤛꤢꤩ꤬ꤞꤤ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤛꤢꤩ꤬ꤞꤤ꤭ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤟꤣꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤟꤣꤧ꤯ ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ꤙꤢꤩ꤬ ꤡꤣꤧ ꤔꤢꤧ ꤒꤢꤩ꤬ꤞꤣꤧ꤭ ꤙꤢꤩ꤬ꤙꤢꤩ꤬, ꤢ꤬ ꤞꤤꤜꤥ꤭ ꤚꤣꤧꤘꤢꤦ꤬ ꤢ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤥ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

ꤟꤢꤨꤔꤣꤧ꤬ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤡꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤋꤢꤧꤜꤥ꤭ ꤢ꤬ꤔ꤫ꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ꤒꤥ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤩ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤜꤣꤧ꤬ꤟꤥ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤔꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬ ꤖꤢꤧ꤯

ꤟꤤꤙꤚꤢꤨ 12:25

ꤟꤢꤨꤔꤣꤧ꤬ꤚꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ ꤒ꤫ꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ꤖꤚꤢ꤬ꤓꤢꤧ꤬ ꤚꤣꤧ꤬ ꤢ꤬ ꤓꤢꤩꤏꤢꤦ꤬ꤊꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤙꤣꤧ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔ꤫ꤤ꤬ꤟꤥ꤭ ꤒꤢꤩ꤬ꤘꤣꤧꤚꤢꤪ꤬ ꤛꤢꤩ꤬ꤞꤤ꤭ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤜꤢꤨ꤭ꤍ꤫ꤥ꤬ ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤊꤜꤢꤧ꤬ ꤜꤣꤧ꤬ꤕꤜꤢꤩꤙꤢꤩ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤘꤣꤧꤡꤢ꤭ ꤒꤥ꤬꤯ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤊꤢꤩ꤬ ꤕꤢꤩ꤬ ꤓꤢꤩꤏꤢꤦ꤬ꤊꤢꤧ꤭ ꤘꤣ ꤗꤢꤪꤋꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤕꤢꤩ꤬ꤣꤧ꤭ ꤊꤢꤩ꤬ꤟꤢꤩꤚꤣꤧ꤬, ꤒꤣꤧ꤬ꤔꤢꤩ꤬ꤗꤢꤧꤗꤣꤧ꤭, ꤞꤤ꤭ ꤊꤜꤢꤧ꤬ ꤜꤣꤧ꤬ꤕꤜꤢꤩ ꤙꤢꤩꤡ꤫ꤢꤧ꤬ ꤕꤢ꤬ ꤡꤣꤧꤔꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤊꤤ꤬꤮ ꤡꤣꤧ ꤔꤢꤧ꤭ꤒꤥ꤬ꤟꤣꤧ꤯

มัทธิว 4:10

ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤜꤢꤨ꤭ ꤔꤢꤧ, “ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ꤮! ꤡꤝꤢ ꤒꤣꤧ꤬ꤖꤢ꤭ꤛꤢ꤬ꤊꤢꤧ꤭꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, ‘ꤡꤢꤪꤙꤢꤩ꤭ꤓꤢꤧ꤬ ꤖꤢꤧꤒꤢꤦ ꤔꤢꤧ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤗꤢꤩ꤬ꤖꤢꤧꤒꤢꤦ ꤢ꤬ꤒꤢꤩ꤬ꤗꤢꤩ꤬ ꤖꤢꤧ ꤔꤤ,’” ꤢ꤬ ꤟꤢꤩ ꤟꤢꤨꤔꤣꤧ꤬꤯

เตเด๊อะโลแถ่ 14:7

ꤢ꤬ ꤢꤩꤓꤥ꤭ ꤖꤚꤢ꤬ꤏꤝꤢ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤢ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤟꤣꤧ꤯ ꤡꤢꤪꤙꤢꤩ꤭ꤓꤢꤧ꤬ ꤗꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤙꤢꤧꤜꤢꤧ꤬ ꤗꤢꤪꤋꤢꤨ꤬ ꤔꤢꤧ ꤟꤢꤩ꤬ꤋꤢꤨ꤬ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤔꤢꤧ ꤓꤣꤧ꤭ꤓꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬ꤔꤣꤧ꤬꤯”

เตเด๊อะโลแถ่ 15:4

ꤊꤣ꤮ ꤙꤢꤧ꤬ꤡꤢꤩ꤬꤮, ꤢꤨ꤭ ꤞꤤꤤ꤬ꤏꤢꤩ꤭ ꤔꤢꤧ꤬ ꤒꤥ꤬, ꤢꤨ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤔꤢꤧ꤬ ꤒꤥ꤬ ꤔꤣꤧ꤬ ꤢꤨ꤭ ꤥ꤬ꤡ꤫ꤢꤧ꤬ ꤕꤢ꤬ ꤡꤣꤧ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ ꤢ꤬ ꤥ꤬ ꤖꤢꤧꤒꤢꤦ ꤔꤢꤧ꤬ꤒꤣ꤬ꤖꤚꤢꤩ꤬ ꤖꤢꤧ꤯ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤜꤢꤪ꤭꤮ ꤕꤜꤤ꤬ ꤗꤢꤧꤓ꤫ꤣꤧ꤬ ꤔꤢꤧ꤬ ꤗꤢꤩ꤬ꤒꤢꤩ꤬ꤒꤥ꤭ ꤗꤢꤩ꤬ꤒꤢꤩ꤬ꤡꤢꤪ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤟꤢꤧ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤪ꤭ ꤔꤢꤧ꤬ ꤕꤢ꤭꤯”

เพรโด่แนพู๊ เต๊เห่ 10:43

ꤖꤚꤢꤩ꤬ꤖꤚꤥ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤥ꤬ꤔꤢꤩ꤬ ꤓꤥ꤭ꤟꤣꤧ ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩ ꤔꤢꤧ, ‘ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤘꤤ꤭ꤒ꤫ꤢꤦ꤬ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤞꤢꤦ ꤔꤢꤧ ꤢ꤬ꤗꤝꤤ꤭ꤋꤛꤢ꤭ ꤕꤢ꤭,’” ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

เตเด๊อะโลแถ่ 1:9

ꤠꤢꤧ꤭ ꤗꤢ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤞꤢꤧꤊꤣꤧ꤭ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤗꤢ꤬ ꤞꤤ꤭ ꤋꤥ꤭ꤙꤢꤧꤞꤝꤢ ꤘꤣ ꤢ꤬ ꤋꤢꤧꤡꤢ꤭ꤋꤢꤧꤡꤢꤦ꤬ ꤚ꤫ꤥ꤬ꤊꤣꤧ꤭ꤒꤢꤩ꤬ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬, ꤠꤢꤧ꤭ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤞꤢꤧꤊꤣꤧ꤭ ꤔꤢꤧ ꤞꤤ꤭ꤞꤤ꤭, ꤚꤣꤧ꤬ ꤠꤢꤧ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤚ꤫ꤥ꤬ꤊꤣꤧ꤭ꤒꤢꤩ꤬ ꤔꤢꤧ ꤞꤤ꤭ ꤒꤣ꤬ꤖꤚꤢꤩ꤬ ꤖꤢꤧ꤯ ꤘꤣ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤔꤢꤧ ꤒꤢꤩ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤋꤢꤧꤜꤥ꤭ ꤕ꤫ꤢꤩ꤬ ꤠꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤡꤝꤢ ꤘꤢꤧ꤬ꤥ꤬ꤊꤢꤧ꤭ ꤠꤢꤧ꤭ ꤘꤣ ꤕꤢ꤬ꤗꤢꤨꤊꤜꤢꤦꤋꤢꤨ꤬ ꤟꤣꤧ꤯

ฟีลิปปี 3:3

ꤕꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤗ꤫ꤢ꤬ꤔꤤꤔꤢꤧ꤬ ꤒꤣꤧ꤬ꤟꤢꤩ꤬ ꤟꤣꤧ, ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤗ꤫ꤢ꤬ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢꤩ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤕꤢꤩ꤬ ꤟꤢꤩꤙꤢꤩ꤬ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤒꤢꤩ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤞꤤꤜꤢꤩ꤬ꤓꤢꤧ꤬ ꤚꤣꤧꤘꤢꤦ꤬ ꤊꤣꤧ꤭ ꤒꤢꤩ꤬ꤘꤣ ꤕꤢꤩ꤬ ꤗꤢꤩ꤬ ꤟꤣꤧ ꤢ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤜꤥ꤬ ꤒꤥ꤬꤯

ꤜꤢꤨꤊꤢ꤬ 24:44

ꤓꤥ꤭ꤚꤣꤧ꤬ ꤢ꤬ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤙꤣꤧ ꤠꤢꤧ꤭ ꤥ꤬ꤊꤣꤧ꤭ꤕꤢ꤬ ꤔꤢꤧ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤜꤢꤪ꤭ ꤢꤨ꤭ ꤚꤢ꤭ꤥ꤬ ꤓꤥ꤭ꤟꤣꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤘꤣ ꤋꤢꤨ꤭ꤗꤢꤪꤎꤢꤧ ꤢ꤬ꤜꤤ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤖꤚꤢꤩ꤬ꤖꤚꤥ꤬ ꤚꤢ꤭ꤥ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤘꤣ ꤜꤤ꤬ꤓꤢꤨ꤬ꤞꤢꤩꤓꤢꤧ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤙꤢꤩ꤬ ꤜꤣꤙꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤕꤝꤢ꤭꤮ ꤒꤣ꤬ꤡꤣ꤬ ꤕꤢ꤭ꤔꤣꤧ꤬, ꤠꤢꤧ꤭ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤞꤤ꤭ ꤟꤣꤧ꤯”

ꤜꤢꤨꤊꤢ꤬ 1:19

ꤚꤣꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤗꤢ꤬ ꤊꤢ꤬ꤙꤚꤤ꤬ꤛꤢꤩꤜꤢ꤬, ꤠꤢꤧ꤭ ꤊꤣꤧ꤬ꤓꤢꤪ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤠꤢꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ ꤟꤢꤩꤏꤥ꤬ ꤕ꤫ꤢꤩ꤬ ꤔꤢꤧ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ ꤢ꤬ꤗꤝꤤ꤭ꤜꤢ꤬ ꤣꤧ꤭ꤒꤣ꤬ꤡꤣ꤬ ꤔꤣꤧ꤬ꤖꤢꤧ꤯

ꤗꤢ꤬ꤊꤢꤨ 5:22

ꤚꤣꤧ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤊꤢꤨ꤬ꤊꤜꤢꤪꤘꤢꤨ꤬ ꤒꤣ꤬ꤖꤚꤢꤩ꤬, ꤢ꤬ꤗꤝꤤ꤭ ꤔꤢꤧ ꤖꤢꤩ꤭ꤛꤢ꤬ꤤꤚꤢꤨ ꤟꤢꤧ꤭ꤗꤢꤧꤓ꤫ꤣꤧ꤬ ꤛꤢꤩ꤬ꤏꤛꤢꤨ ꤚꤣꤧ꤬ ꤢ꤬ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤜꤢꤨ꤭ꤋꤢꤧꤘꤥ꤬ ꤏꤢ꤯

เพรโด่แนพู๊ เต๊เห่ 13:27

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤢ꤬ꤊꤢꤨ꤬ꤊꤜꤢꤪ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤑꤢꤩ꤭ ꤊꤣꤧ꤭ ꤜꤢꤨ꤭ ꤔꤢꤧ ꤢ꤬ ꤗꤢ꤬ ꤖꤚꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ ꤟꤢꤨꤔꤣꤧ꤬ꤒꤥ꤬꤯ ꤓꤥ꤭ꤒꤥ꤬ ꤖꤚꤢꤩ꤬ꤖꤚꤥ꤬ꤒꤣꤧ꤬ꤟꤢꤩ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤢꤨ꤭ ꤘꤢꤧꤜꤥ꤭ꤓꤢꤧ꤬ ꤢ꤬ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤕꤝꤢ꤭꤮ ꤒꤣ꤬ꤖꤥ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤛꤢꤩ꤬ꤞꤤ꤭ ꤞꤤꤑꤢꤩ꤭ ꤒꤢ꤭ꤕꤜꤢꤨ ꤊꤣꤧ꤭ꤢꤨ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤞꤢꤧꤟꤢꤨ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤊ꤫ꤢꤦ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤔꤢꤪ꤭ꤘꤣꤧꤡꤢ꤭ ꤞꤣꤧ꤭ꤊꤢꤧ꤭ ꤟꤣꤧ ꤛꤢꤩ꤬ꤏꤛꤢꤨ ꤖꤢꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:21

ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤞꤤ꤭꤮ ꤡꤢꤪꤙꤢꤩ꤭ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ꤚꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:15

ꤔꤢꤪ꤭ꤗꤢꤩ꤬ꤜꤣꤧ꤭ ꤊꤢ꤬ꤋꤛꤢ꤭ꤏꤢꤦ꤬ ꤒ꤫ꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤗꤢꤩ꤬ꤞꤢꤦ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤢꤧꤡꤢꤦ ꤗꤢꤩ꤬ꤚꤢꤧ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤚꤣꤧ꤬ ꤢꤧꤡꤢꤦ ꤗꤢꤩ꤬ꤚꤢꤧ ꤚꤣꤧꤕ꤫ꤢꤩ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤔꤤ꤮꤯

เอเฟซัส 5:15

ꤟꤢꤨꤔꤣꤧ꤬ꤚꤣꤧ꤬, ꤞꤤ꤭ ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨꤒꤢꤩ꤭ꤔꤣꤧ꤬, ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤔꤢꤩ꤬ꤕꤜꤥ꤭ ꤒꤣꤧ꤬ꤔꤢꤩ꤬ꤖꤢꤩ ꤊꤣꤧ꤭ꤢꤨ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤔꤢꤩ꤬ꤕꤜꤥ꤭ ꤒꤣꤧ꤬ꤔꤢꤩ꤬ꤖꤢꤩ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

โครินธ์ เนอบ่า ต๊าบ่า 8:7

ꤞꤤ꤭ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤡꤣꤧ꤯ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤗꤢ꤬ ꤢ꤬ꤏꤢꤪ꤭, ꤞꤤ꤭ ꤟꤢꤩꤙꤢꤩ꤬ꤡ꤫ꤢꤧ꤬ ꤟꤢꤩꤙꤢꤩ꤬ꤕꤜꤥ꤭, ꤞꤤ꤭ ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤋꤝꤢꤞꤤꤑꤢꤩ꤭, ꤞꤤ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭, ꤓꤥ꤭ꤒꤥ꤬ ꤞꤤ꤭ ꤗꤥ꤬ꤔꤢꤧ꤬ꤡꤣꤧ ꤕꤢꤩ꤬꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤞꤤꤛ꤫ꤢꤦ꤬ ꤊꤣꤧ꤭ ꤕ꤫ꤥ꤬ ꤘꤣ ꤞꤤ꤭ ꤊ꤫ꤢꤦ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤡꤝ꤫ꤢ꤬ ꤢꤨ꤭ ꤒꤣꤧ꤬ꤟꤢꤩ꤬꤯

ꤗꤢ꤬ꤊꤢꤨ 7:25

ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤔ꤫ꤤ꤬ꤟꤥ꤭ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ꤊꤢꤧ꤭ ꤔꤢꤧ ꤒꤣ꤬ꤖꤥꤒꤥ꤬ ꤢ꤬ ꤟꤢꤧ꤭ ꤘꤢꤧꤍꤢꤦ꤬ꤡꤢꤪꤙꤢꤩ꤭ꤜꤢꤧ꤬ ꤘꤣ ꤛꤢꤩ꤬ꤏꤛꤢꤨ ꤋꤢꤧꤘꤥ꤬ꤏꤢ꤯ ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ ꤕꤣꤧ꤬ꤒꤤꤟꤢꤨ ꤥ꤬ ꤒꤣ꤬ꤖꤚꤢꤩ꤬ ꤚꤣꤧ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤩ꤬ꤙꤢꤩ꤬ ꤜꤢꤨ꤭ ꤒꤢꤩ꤬꤯

เอเฟซัส 5:33

ꤗꤢ꤬ꤔꤢꤧꤚꤣꤧ꤬, ꤞꤤ꤭ ꤙꤢꤩ꤬ꤙꤢꤩ꤬, ꤞꤤ꤭ ꤙꤢꤩ꤬ ꤗꤥ꤬ꤜꤢꤧ꤬ ꤚꤣꤧꤘꤢꤦ꤬ ꤞꤤ꤭ꤗꤢꤩ꤭ ꤟꤢꤨ ꤞꤤ꤭ ꤗꤥ꤬ꤜꤢꤧ꤬ ꤚꤣꤧꤘꤢꤦ꤬ ꤞꤤ꤭ꤔ꤫ꤢꤩ꤬ꤔꤣꤧ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯ ꤓꤥ꤭ꤚꤣꤧ꤬ ꤗꤢꤩ꤭ ꤙꤢꤩ꤬ꤙꤢꤩ꤬, ꤢ꤬ ꤙꤢꤩ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤚꤣꤧ ꤢ꤬ꤠꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

เตเด๊อะโลแถ่ 1:1

ꤜꤤ꤬ ꤣꤧ꤭ꤒꤣ꤬ꤙꤢ꤬ ꤗꤢ꤬ ꤜꤤ꤬ ꤘꤣ ꤢ꤬ ꤚꤢ꤭ꤗꤢꤚꤢ꤭ꤒꤢꤩ꤭ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ꤓꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤞꤢꤧꤟꤢꤨ ꤛꤢꤩ꤬ꤏꤛꤢꤨꤋꤚꤤ ꤊ꤫ꤢꤦ꤬ ꤤ꤬ꤛꤢꤨ꤭ꤜꤥ꤭ ꤕ꤫ꤢꤩ꤬ ꤢ꤬ꤜꤢꤨ꤬ꤜꤢꤩ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ ꤊ꤫ꤢꤦ꤬ꤚꤢꤩ꤭ ꤓꤝꤢ꤭ꤓꤢꤧ꤬ ꤖꤢꤦ꤬ꤜꤢ꤭ꤟꤣꤧ ꤕꤢ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤕ꤫ꤢꤩ꤬ ꤒꤢꤩ꤬ꤘꤣꤧꤜꤥ꤭ꤓꤢꤧ꤬ ꤣꤧ꤭ꤔꤣꤧ꤬ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤗ꤫ꤢ꤬ꤘꤢꤦ꤬ ꤟꤣꤧ ꤠꤢꤧ꤭ ꤘꤣ ꤢ꤬ ꤓꤝꤢ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ꤜꤢꤨ꤬ꤜꤢꤩ ꤣꤧ꤭ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤞꤢꤨ꤭ꤜꤢꤧ꤬ ꤢ꤬ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤠꤢꤧ꤭ꤥ꤬ ꤚꤣꤧ꤬ ꤢ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤠꤢꤧ꤭ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬꤯

เตเด๊อะโลแถ่ 19:9

ꤓꤥ꤭ꤚꤣꤧ꤬ ꤒꤣꤧ꤬ꤔꤢꤩꤖꤢꤨ ꤟꤢꤩ ꤠꤢꤧ꤭ ꤔꤢꤧ, “ꤚꤢ꤭ꤗꤢꤊꤢꤧ꤭ ꤗꤣꤧ꤭ ꤣꤧ꤭ꤔꤣꤧ꤬꤯ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤗ꤫ꤢ꤬ꤟꤢꤧ꤭ ꤒ꤫ꤣ꤬ꤊꤣꤧ꤭ ꤜꤢꤨ꤭ ꤘꤣ ꤞꤤꤗꤤ꤬ꤖꤢꤨ ꤣꤧ꤭ꤒꤣ꤬ꤘꤥ꤭ ꤢ꤬ꤕꤝꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯” ꤓꤥ꤭ꤚꤣꤧ꤬ ꤒꤣꤧ꤬ꤔꤢꤩꤖꤢꤨ ꤟꤢꤩ ꤕ꤫ꤥ꤬ ꤔꤢꤧ, “ꤍ꤫ꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯”