เตเด๊อะโลแถ่ 18:2 - Eastern Kayah Shadaw Dialect

² ꤢ꤬ ꤢꤩꤓꤥ꤭ ꤒꤣꤧ꤬ꤠꤢꤪꤒꤣꤧ꤬ꤞꤢꤦ꤭ ꤏꤝꤢ꤬ ꤔꤢꤧ, “ꤢ꤬ ꤜꤣꤧ꤬ꤒꤢ꤭ꤖꤚꤢꤪ꤬ ꤟꤣꤧ, ꤠꤤ꤭ꤘꤢꤨ꤬ ꤙꤢ꤬ꤙꤢꤨ꤬ꤜꤥ꤬ ꤜꤣꤧ꤬ꤒꤢ꤭ꤖꤚꤢꤪ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ ꤓꤝꤢ꤭ꤊꤢꤧ꤭ ꤟꤣꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤔꤢꤧ ꤜꤥ꤭ꤔꤢꤩ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ ꤜ꤫ꤢꤩ꤬ꤥ꤬ꤠꤢ ꤟꤣꤧ꤯ ꤢ꤬ ꤓꤝꤢ꤭ꤊꤢꤧ꤭ ꤟꤣꤧ ꤓꤢꤨ꤬ꤟꤢꤨ ꤘꤣ ꤢꤨ꤭ ꤜ꤫ꤢꤩ꤬ꤞꤤꤛ꤫ꤢꤪ꤬ꤞꤤꤙꤤ꤭, ꤢꤨ꤭ ꤜ꤫ꤢꤩ꤬ꤞꤤꤓꤢꤩ꤬ꤞꤤꤟꤢ꤭ ꤒꤣꤧ꤬ꤟꤢꤩ꤬ ꤜ꤫ꤢꤩ꤬ꤥ꤬ꤠꤢ ꤢ꤬ꤜ꤫ꤢꤩ꤬ꤥ꤬ ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

² อา เอ๊โท ตอว๊อตือซือ ฉว่า เน๊อ, “อา แลตาพรอ เฮ๊อ, วีดุ บาบิโลน แลตาพรอ เฮ๊อ. กู๊แหน่เรอ อา ทวาแก เฮ๊อ โลเน๊ เร๊อ โลเน๊มู๊แหม่ เต๊เห่ อา เหล่โอ่ว๊า เฮ๊อ. อา ทวาแก เฮ๊อ ถู่ เด๊อ อู เหล่ซิหย่อซิบี, อู เหล่ซิเถ่ซิฮา เต๊เห่ เหล่โอ่ว๊า อาเหล่โอ่ เฮ๊อ.

เตเด๊อะโลแถ่ 18:2 ပူးပေါင်းရင်းမြစ်များ

เตเด๊อะโลแถ่ 14:8

ꤒꤣꤧ꤬ꤔꤢꤩꤖꤢꤨ ꤔꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤋꤚꤝꤢ꤭ꤟꤢꤩꤊꤣꤧ꤭ ꤜꤢꤨ꤭ꤋꤛꤢ꤭ ꤔꤢꤧ, “ꤢ꤬ ꤜꤣꤧ꤬ꤒꤢ꤭ꤖꤚꤢꤪ꤬ꤊꤢꤧ꤭ ꤟꤣꤧ, ꤠꤤ꤭ꤘꤢꤨ꤬ ꤙꤢ꤬ꤙꤢꤨ꤬ꤜꤥ꤬ ꤜꤣꤧ꤬ꤒꤢ꤭ꤖꤚꤢꤪ꤬ꤊꤢꤧ꤭ ꤟꤣꤧ, ꤢ꤬ ꤔꤢꤪ꤭ꤥ꤭ ꤓꤥ꤭ꤜꤢꤪ꤭ꤟꤣꤧ ꤢꤨ꤭ ꤔꤢꤧ ꤓꤣꤧ꤭ꤛꤢꤧ꤭ꤡꤢꤧ꤭ ꤗ꤫ꤢ꤬ꤟꤣꤧ ꤞꤝꤤ꤬ꤓꤣꤧ꤭ꤖꤢꤛꤢ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ꤯”

เตเด๊อะโลแถ่ 18:21

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ ꤟꤢꤧ꤭ꤚꤢꤩ꤬ꤏꤝꤢ꤬ꤏꤢꤪ꤭ ꤒꤣ꤬ꤖꤚꤢꤩ꤬ ꤖꤛꤢꤟꤢꤧ꤭ꤔ꤫ꤤ꤬ ꤜ꤫ꤢꤪ꤬ꤘꤢꤨ꤬꤮ ꤒꤣ꤬ꤗꤢꤩ꤭ ꤘꤣ ꤢ꤬ꤞꤢꤧꤔꤢꤧ ꤊꤢꤨꤏꤢꤦ꤬ꤤ꤬ꤠꤤ꤭ ꤔꤣꤧ꤬ꤚꤣꤧ꤬ ꤢ꤬ ꤒ꤫ꤢ꤬ꤒꤢ꤭ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤤ꤭ꤘꤢꤨ꤬ ꤙꤢ꤬ꤙꤢꤨ꤬ꤜꤥ꤬ ꤣꤧ꤭ꤔꤣꤧ꤬, ꤢꤨ꤭ ꤙꤢꤩ꤬ ꤒ꤫ꤢ꤬ꤒꤢ꤭ꤊꤢꤧ꤭ ꤜꤢꤨ꤭ ꤞꤢꤧꤟꤢꤨ ꤣꤧ꤭ꤔꤣꤧ꤬ ꤕꤢ꤭ ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤕꤢ꤬ ꤢ꤬ ꤒꤣ꤬ꤖꤥ꤮ ꤒꤥ꤬꤯

เตเด๊อะโลแถ่ 18:10

ꤛꤢꤩ꤬ꤞꤤ꤭ ꤞꤤꤤ꤬ꤏꤢꤩ꤭ ꤔꤢꤧ ꤕꤢ꤭ꤗꤢ꤬ ꤢ꤬ ꤋꤢꤧꤙꤢꤩ꤬ ꤒ꤫ꤣ꤬ꤊꤣꤧ꤭ ꤒꤢꤩ꤬ꤡꤢ꤭ꤣꤧ꤭ ꤟꤢꤩ꤬꤮ ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤚꤣꤧ꤬ ꤢ꤬ ꤡꤝꤢꤥ꤬ ꤊꤣꤧ꤬ꤓꤢꤪ꤬ꤗꤢꤧ ꤜꤢ꤭ꤋꤢꤧ꤭ ꤘꤣ ꤢ꤬ꤛꤢ꤬ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, ‘ꤊꤣ꤮ ꤢ꤬ ꤒꤣꤧ꤬ꤚꤢꤪ꤬ꤞꤢꤩ ꤞꤣꤧ꤭ꤊꤢꤧ꤭ ꤟꤣꤧ ꤔꤤ꤭꤮, ꤢ꤬ꤡꤢ꤭ ꤞꤣꤧ꤭ꤊꤢꤧ꤭ꤟꤣꤧ ꤔꤢꤧ꤬ ꤔꤤ꤭꤮, ꤊꤣ꤮ ꤙꤢ꤬ꤙꤢꤨ꤬ꤜꤥ꤬, ꤔꤢꤧ꤬ ꤗꤢ꤬ ꤠꤤ꤭ꤘꤢꤨ꤬ꤠꤤ꤭ꤓꤢꤨ꤭, ꤠꤤ꤭ꤒꤣꤧ꤬ꤔꤢꤧ꤭ ꤔꤢꤧ꤬ꤡꤣꤧ ꤒꤣ꤬ꤠꤤ꤭ ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤖꤢꤧ ꤔꤢꤧ꤬ ꤒꤣꤧ꤬ꤕꤜꤣ꤬ꤟꤢꤨ ꤚꤣꤧ꤬ ꤔꤢꤧ꤬ ꤕꤛꤢꤊꤢꤧ꤭ ꤜꤢꤪ꤭ ꤡꤣꤧ ꤔꤤ꤭꤮꤯’

เตเด๊อะโลแถ่ 17:18

ꤖꤚꤢꤩ꤬ꤗꤢꤪ꤬ ꤘꤣ ꤔꤢꤧ꤬ ꤗꤢꤧꤓ꤫ꤣꤧ꤬ ꤢ꤬ ꤒꤣ꤬ꤖꤚꤢꤩ꤬ꤔꤣꤧ꤬ ꤗꤢ꤬ ꤗ꤫ꤢ꤬ ꤖꤢꤧ ꤠꤤ꤭ꤘꤢꤨ꤬꤮ ꤔꤣꤧ꤬ꤒꤣ꤬ꤠꤤ꤭ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ ꤢ꤬ꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤖꤢꤧ꤯”

เตเด๊อะโลแถ่ 17:5

ꤘꤣ ꤢ꤬ ꤗꤢ꤭ꤓꤢꤩꤜꤥ꤬ ꤔꤣꤧ꤬, ꤢꤨ꤭ ꤚꤢ꤭ꤥ꤬ ꤜꤢꤨ꤭ꤗꤝꤤ꤭ ꤘꤣ ꤢ꤬ꤥ꤬ ꤔꤢꤧ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤘꤢꤪꤥꤘꤢꤪꤙꤤ ꤒꤣ꤬ꤕꤜꤢꤪ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤤ꤭ꤘꤢꤨ꤬ ꤙꤢ꤬ꤙꤢꤨ꤬ꤜꤥ꤬ ꤗ꤫ꤢ꤬ꤟꤣꤧ ꤜꤢꤪ꤭ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤗ꤫ꤥ꤬,” ꤢꤨ꤭ ꤚꤢ꤭ꤥ꤬ ꤟꤢꤨꤔꤣꤧ꤬꤯

เตเด๊อะโลแถ่ 16:19

ꤠꤤ꤭ꤘꤢꤨ꤬ ꤔꤣꤧ꤬ ꤒꤣ꤬ꤠꤤ꤭ ꤜꤢꤨ꤬ꤡꤤꤊꤛꤢ꤭ꤊꤢꤧ꤭ ꤞꤥ꤭ꤊꤛꤢ꤭ ꤚꤣꤧ꤬ ꤓꤣꤧ꤭ꤊ꤫ꤢꤩ꤬ ꤕꤝꤢ꤭ꤒꤣ꤬ꤙꤢ꤬ ꤢ꤬ꤠꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤜꤢꤨ꤬ꤖꤚꤥꤜꤢꤨ꤬ꤖꤚꤢꤧ꤭ꤊꤢꤧ꤭ ꤜꤢꤪ꤭ꤕꤜꤤ꤭ ꤡꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤔꤢꤩ꤬ꤓꤢꤧ꤬ ꤒ꤫ꤥ꤬ ꤠꤤ꤭ꤘꤢꤨ꤬ ꤙꤢ꤬ꤙꤢꤨ꤬ꤜꤥ꤬ ꤚꤣꤧ꤬ ꤢ꤬ ꤘꤣꤧ ꤥ꤭ ꤠꤤ꤭ꤙꤢ꤬ꤙꤢꤨ꤬ꤜꤥ꤬ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤏꤝꤢ꤬ꤏꤢꤪ꤭ ꤢ꤬ꤓꤣꤧ꤭ꤛꤢꤧ꤭ ꤢ꤬ ꤙꤢꤩ꤭ꤜ꤫ꤢꤪ꤬ꤣꤧ꤭꤯

เตเด๊อะโลแถ่ 16:13

ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤗꤢꤨꤗ꤫ꤢꤧ꤬ ꤞꤥ꤭ꤘꤥ꤭ ꤘꤣ ꤢ꤬ꤞꤢꤧꤔꤢꤧ ꤘꤤ꤬ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤥ꤬ ꤘꤣ ꤕꤜꤢꤧ꤬ ꤊꤢꤧ꤭ꤊꤢꤨ꤭ ꤔꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ꤚ꤫ꤣꤧ꤬ ꤔꤣꤧ꤬ꤒꤣ꤬ꤘꤥ꤭ ꤢ꤬ꤊꤢꤧ꤭ꤊꤢꤨ꤭ ꤔꤢꤧ ꤖꤚꤢꤩ꤬ꤖꤚꤥ꤬ ꤜꤣꤧ꤬ꤟꤥ꤭ ꤗ꤫ꤢ꤬ꤟꤣꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤭ꤘꤥ꤭ ꤒꤣ꤬ꤘꤥ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ꤊꤢꤧ꤭ꤊꤢꤨ꤭ ꤚꤣꤧ꤬ ꤢ꤬ ꤓꤢꤩ꤬꤯

เตเด๊อะโลแถ่ 14:15

ꤓꤥ꤭ꤚꤣꤧ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ ꤥ꤬ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ꤓꤢꤩ꤬꤯ ꤚꤣꤧ꤬ ꤢ꤬ ꤢꤩꤓꤥ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤥ꤬ꤔꤢꤧ꤭ꤥ꤬ ꤘꤣ ꤢꤪꤜ꤫ꤥ꤬ꤜꤥ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ, “ꤔꤢꤪ꤭ꤢꤩ꤬ ꤔꤢꤧ꤬ ꤒꤣꤧ꤬ꤡꤢꤩ꤭ꤔꤣꤧ꤬ ꤚꤣꤧ꤬ ꤊꤢꤩꤗꤣꤧ꤭ ꤙꤥꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤥ꤭ ꤊꤢꤩ ꤙꤥ ꤏꤣꤧꤋꤢꤩ꤭ ꤒ꤫ꤥ꤬ꤟꤣꤧ꤯ ꤘꤣ ꤟꤢꤩ꤬ꤋꤢꤨ꤬ ꤣꤧ꤭, ꤙꤥꤗꤤ꤭ ꤜꤢꤪ꤭ꤟꤣꤧ꤯”

เตเด๊อะโลแถ่ 10:3

ꤚꤣꤧ꤬ ꤢ꤬ ꤢꤩꤓꤥ꤭ ꤖꤚꤢ꤬ꤓꤢꤧ꤬ꤏꤝꤢ꤬ ꤞꤢꤧꤡꤣꤧꤔꤢꤧ ꤢꤞ꤫ꤤ꤬ ꤒꤣꤧ꤬ꤟꤢꤩ꤬ ꤊ꤫ꤢꤪ꤬ꤒꤣꤧ꤬ꤍꤢꤩ꤬ ꤔꤣꤧ꤬꤯ ꤙꤣꤧ ꤢ꤬ ꤢꤩꤓꤥ꤭ꤓꤢꤧ꤬ ꤓꤥ꤭ꤔꤣꤧ꤬, ꤏꤢ꤬ꤜꤢꤧ꤬ ꤏꤢꤦ꤬ꤕ꤫ꤢꤩ꤬ ꤜꤢꤨ꤭ ꤞꤥ꤭ꤞꤝꤢꤒꤣ꤬ꤟꤢꤦ꤬꤯

เตเด๊อะโลแถ่ 5:2

ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤖꤢꤨ ꤟꤢꤧ꤭ꤏꤝꤢ꤬ꤚꤢꤩ꤬ꤏꤢꤪ꤭ ꤘꤣ ꤢ꤬ ꤢꤩꤓꤥ꤭ꤓꤢꤧ꤬ꤏꤝꤢ꤬ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤢꤨ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤢꤪ꤬ ꤡꤢꤨꤢꤗꤥ꤭ꤊꤢꤧ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤗꤢꤩ꤬ꤗꤢꤗꤢꤩ꤬ꤒꤢꤩ꤭ ꤘꤣ ꤢꤨ꤭ ꤊꤜꤢꤩꤡ꤫ꤢꤩ꤬ꤡꤢꤦ꤭ꤗꤢ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤙꤢꤗꤥ꤭ꤓꤢꤧ꤬ ꤜꤤ꤬ꤒꤣꤧ꤬ꤜꤢꤨ꤭ ꤣꤧ꤭ꤔꤣꤧ꤬ꤗꤢ꤬ ꤢꤨ꤭ꤕꤢꤩ꤭?”

เตเด๊อะโลแถ่ 1:15

ꤢ꤬ꤋꤢꤧꤘꤥ꤬ ꤔꤣꤧ꤬ ꤢ꤬ ꤒꤣꤧ꤬ꤋꤢꤩ꤭ ꤞꤢꤧꤡꤣꤧꤔꤢꤧ ꤒꤣꤧ꤬ꤜꤤ꤭ꤙꤢꤧ꤭ ꤘꤣ ꤢꤨ꤭ ꤜꤥ꤭ ꤓꤥ꤭ꤟꤣꤧ ꤜꤢꤨ꤭ ꤔꤢꤧ ꤗꤤ꤬ ꤔꤣꤧ꤬ ꤡꤣꤧ꤯ ꤢ꤬ꤍ꤫ꤥ꤬ ꤖꤚꤢ꤬ ꤒꤣꤧ꤬ꤠꤢꤪꤒꤣꤧ꤬ꤞꤢꤦ꤭ ꤞꤢꤧꤡꤣꤧꤔꤢꤧ ꤓꤣꤧ꤭ ꤏꤢꤒꤢ꤭ ꤔꤣꤧ꤬ ꤡꤣꤧ꤯

เตเด๊อะโลแถ่ 11:8

ꤢ꤬ ꤗꤢꤩ꤬ꤞꤣꤧ꤭ ꤓꤥ꤭ ꤛꤢꤩ꤬ꤞꤤ꤭ ꤚꤣꤧ꤬ ꤢꤨ꤭ ꤘꤢꤧ꤬ꤜꤢꤧ꤬ ꤛꤢꤩ꤬ꤞꤤ꤭ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤙꤣꤧ ꤠꤤ꤭ꤘꤢꤨ꤬ ꤔꤣꤧ꤬ꤒꤣ꤬ꤠꤤ꤭ ꤢ꤬ ꤊꤜꤢꤧꤘꤢꤩ꤭ꤊꤢꤨ꤭ ꤔꤣꤧ꤬ ꤕꤢ꤭꤯ ꤠꤤ꤭ꤔꤣꤧ꤬ ꤒꤣ꤬ꤠꤤ꤭ ꤗꤢ꤬ꤗ꤫ꤢ꤬ ꤠꤤ꤭ ꤘꤣ ꤢꤨ꤭ ꤜ꤫ꤢꤩ꤬ꤗꤢꤩ꤬ꤞꤣꤧ꤭ ꤢ꤬ ꤙꤢꤧ꤬ꤡꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤔꤣꤧ꤬ꤒꤣ꤬ꤖꤥ꤬ ꤟꤣꤧ꤯ ꤠꤤ꤭ꤣꤧ꤭ ꤒꤣ꤬ꤠꤤ꤭ ꤔꤣꤧ꤬ꤗꤢ꤬ ꤢꤨ꤭ ꤢꤩ ꤜꤢꤨ꤭ ꤔꤢꤧ ꤒꤢꤩ꤬ ꤘꤣ ꤢꤨ꤭ ꤜ꤫ꤢꤩ꤬ꤗꤢꤧꤙꤢꤦ꤭ꤗꤢꤧꤗꤢ ꤊꤢꤧ꤭ ꤊꤣꤧ꤭ꤘꤢꤦ꤬ ꤠꤤ꤭ꤎꤢ꤬ꤘꤥ꤬ ꤒꤥ꤬ꤗꤢ꤬ꤔꤢꤧ ꤤ꤬ꤡꤛꤤꤊ꤫ꤢꤩ꤬ ꤔꤣꤧ꤬ ꤖꤢꤧ꤯