เตเด๊อะโลแถ่ 18:15 - Eastern Kayah Shadaw Dialect

¹⁵ ꤜꤢꤪ꤭ ꤖꤚꤢꤩ꤬ꤗꤢꤩ꤬ꤊ꤫ꤢꤦ꤬ꤗꤢꤩ꤬ꤋꤢ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤘꤣ ꤠꤤ꤭ꤔꤣꤧ꤬ ꤒꤣ꤬ꤠꤤ꤭ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤜꤢꤪ꤭ꤕꤜꤤ꤭ ꤔꤢꤧ ꤠꤤ꤭ꤔꤣꤧ꤬ ꤒꤣ꤬ꤠꤤ꤭ ꤢ꤬ꤋꤛꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤤꤤ꤬ꤏꤢꤩ꤭ ꤔꤢꤧ ꤕꤢ꤭ꤗꤢ꤬ ꤛꤢꤩ꤬ꤞꤤ꤭ ꤋꤢꤧꤙꤢꤩ꤬ ꤒ꤫ꤣ꤬ꤊꤣꤧ꤭ ꤒꤢꤩ꤬ ꤔꤢꤧ ꤠꤤ꤭ꤣꤧ꤭ ꤕꤢ꤭ ꤟꤢꤩ꤬ ꤢ꤬ ꤒꤣꤧ꤬ꤔꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤝꤢ ꤊꤣꤧ꤬ꤓꤢꤪ꤬ꤥ꤬ ꤒꤣꤧ꤬ꤖꤢ꤭ꤛꤢ꤬ꤊꤢꤧ꤭ ꤜꤢ꤭ꤋꤢꤧ꤭ ꤒꤣ꤬ꤖꤥ꤬ ꤕꤢ꤭, ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ꤍ꤫ꤥ꤬ꤊ꤫ꤢꤦ꤬ꤟꤢꤩ꤬ ꤜꤢ꤭ꤋꤢꤧ꤭ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ,

ลีเทส่อพ๊าอาเซ เร๊อ เห่ขุทวาลู๊

¹⁵ ล๋อ เพรเมกื่อเมค๊า ตาหมื่อตาเต เด๊อ วีเนอ ตีวี อากู เต๊เห่เนอ, อา ดุแหย่แถ่เซ ลอปลี เร๊อ วีเนอ ตีวี อาคยา. เหย่ซี เก่ ซิอิเช เร๊อ ปาหม่า เหย่ซี ข่าเบ่ เต่อเกอ เต เร๊อ วีเออ ปา เห่ อา เตเน เร๊อ อา เก่ จว๊า ก๊อถ่อโอ่ ตาพายาแก แลแค โต๊โผ่ ปา, โท๊โต่ เหย่ซี เก่โหง่เก่เห่ แลแค ปา, เร๊อ อา เก่ เฮ๊ แลแค เนอ,

เตเด๊อะโลแถ่ 18:15 ပူးပေါင်းရင်းမြစ်များ

เตเด๊อะโลแถ่ 18:3

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤓꤣꤧ꤭ꤊ꤫ꤢꤩ꤬ ꤕꤝꤢ꤭ꤒꤣ꤬ꤙꤢ꤬ ꤥ꤭ꤓꤥ꤭ꤟꤣꤧ ꤢ꤬ ꤓꤣꤧ꤭ꤛꤢꤧ꤭ꤡꤢꤧ꤭ ꤗ꤫ꤢ꤬ꤟꤣꤧ ꤞꤝꤤ꤬ꤓꤣꤧ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬꤯ ꤟꤢꤩ꤬ꤋꤢꤨ꤬ ꤕꤝꤢ꤭꤮ ꤒꤣ꤬ꤙꤢ꤬ ꤢ꤬ ꤋꤝꤤꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬ ꤡꤝꤢꤞꤢꤦꤡꤝꤢꤕꤜꤢ ꤜꤢꤪ꤭ ꤟꤣꤧ ꤔꤢꤧ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬, ꤚꤣꤧ꤬ ꤘꤣ ꤠꤤ꤭ꤙꤢ꤬ꤙꤢꤨ꤬ꤜꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤕꤣꤧ꤬ꤒꤤ꤭ꤕꤣꤧ꤬ꤒꤢ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤜꤝꤢꤒꤣꤧ꤬ꤕꤜꤢꤩ꤬ ꤏꤢꤦꤜꤢꤦ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤜꤢꤪ꤭ ꤖꤚꤢꤩ꤬ ꤗꤢꤩ꤬ꤊ꤫ꤢꤦ꤬ꤗꤢꤩ꤬ꤋꤢ ꤒꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤙꤢ꤬ꤜꤢꤪ꤭ ꤔꤣꤧ꤬, ꤛꤢꤩ꤬ꤞꤤ꤭ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤟꤢꤧ꤭ꤜꤢꤪ꤭ ꤟꤣꤧ꤯”

เพรโด่แนพู๊ เต๊เห่ 16:19

ꤙꤣꤧ ꤖꤚꤢꤩ꤬ꤗꤢꤪ꤬ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤙꤢꤧ꤬ꤡꤢꤩ꤬ ꤞꤤꤑꤢꤩ꤭ꤟꤣꤧ ꤔꤢꤧ ꤢ꤬ ꤜ꤫ꤢꤩ꤬ꤔ꤫ꤤ꤬ꤙꤢꤩ꤬ꤚꤢꤦ꤭ ꤊꤜꤢꤧ ꤥ꤬ ꤕꤢ꤬ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤕ꤫ꤢꤦ꤬ ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤎꤤꤜꤢ꤬ ꤚꤣꤧ꤬ ꤡꤝꤤ꤬ꤡꤝꤢ ꤛꤢꤩ꤬ꤞꤤ꤭ ꤘꤣ ꤊꤢꤨ꤬ꤊꤜꤢꤪꤘꤢꤨ꤬ꤊꤣꤧꤏꤢꤨ꤬ꤓꤢꤨ꤭ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤊꤜꤢꤩꤊꤢꤨ꤭ ꤔꤣꤧ꤬꤯

ꤗꤢ꤬ꤊꤢꤨ 11:17

ꤓꤥ꤭ꤚꤣꤧ꤬ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤛꤢꤩ꤬ꤞꤤ꤭ ꤔꤢꤧ, “ꤘꤣ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤔꤢꤧ, ‘ꤠꤢꤧ꤭ꤟꤤ꤬ ꤗꤢ꤬ ꤢꤨ꤭ ꤊ꤫ꤢꤦ꤬ ꤢꤩ ꤔꤢꤧ ꤗꤤ꤭ꤡꤣ꤬ꤚꤥ꤬ ꤕꤝꤢ꤭꤮ ꤒꤣ꤬ꤡꤣ꤬ ꤜ꤫ꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤟꤤ꤬’ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤡꤝꤢꤔꤢꤪ꤭ ꤓꤝꤢ꤭ꤓꤢꤧ꤬ ꤜꤢꤪ꤭ꤟꤣꤧ ꤢ꤬ ꤔꤢꤧ ‘ꤖꤚꤢꤩ꤬ꤢꤩ꤬ꤟꤥ꤬ꤢꤩ꤬ꤟꤤ ꤜ꤫ꤢꤩ꤬ꤥ꤬ꤠꤢꤥ꤬ ꤢ꤬ꤜ꤫ꤢꤩ꤬ꤥ꤬ ꤟꤣꤧ꤯’”

เตเด๊อะโลแถ่ 18:12

ꤛꤢꤩ꤬ꤞꤤ꤭ ꤚꤢꤦ꤭ꤓꤢꤩ꤭, ꤜ꤫ꤢꤪ꤬ꤞꤢꤩꤜ꤫ꤢꤪ꤬ꤖꤚꤥ꤬ ꤒꤣꤧ꤬ꤟꤢꤩ꤬, ꤖꤢꤞꤢꤩ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤒꤣꤧ꤬ꤟꤢꤩ꤬, ꤤ꤬ꤊꤢꤩ꤭ ꤙꤢꤧꤕꤜꤤ꤭ ꤒꤣꤧ꤬ꤟꤢꤩ꤬, ꤤ꤬ꤊꤢꤩ꤭ ꤒꤣꤧ꤬ꤖꤢꤩ꤬ꤜꤢꤪꤞꤢꤪ꤭ ꤒꤣꤧ꤬ꤟꤢꤩ꤬, ꤤ꤬ꤊꤢꤩ꤭ ꤜꤤ꤬ꤊꤣꤧ꤬ꤞꤝꤤ ꤒꤣꤧ꤬ꤟꤢꤩ꤬, ꤒꤣꤧ꤬ꤒ꤫ꤢꤨ꤬ꤖꤥ꤭ ꤒꤣꤧ꤬ꤟꤢꤩ꤬, ꤞꤢꤪ꤬ꤍꤢꤨ꤭ꤘꤢꤨ꤬ ꤕꤝꤢ꤭ꤒꤣ꤬ꤡꤣ꤬, ꤒꤢ꤭ꤒꤢꤩ꤬ ꤘꤣ ꤢꤨ꤭ ꤗꤢꤩ꤬ ꤢ꤬ ꤔꤢꤧ ꤒꤣꤧ꤬ꤏꤢꤧ꤭ꤒꤣꤧ꤬ꤗꤢꤧ ꤕꤝꤢ꤭ꤒꤣ꤬ꤡꤣ꤬, ꤒꤢ꤭ꤒꤢꤩ꤬ ꤘꤣ ꤢꤨ꤭ ꤗꤢꤩ꤬ ꤢ꤬ ꤔꤢꤧ ꤞꤢꤪ꤬ꤔꤥ꤬ꤗꤢꤦ ꤕꤝꤢ꤭ꤒꤣ꤬ꤡꤣ꤬, ꤒꤣꤧ꤬ꤜꤤ꤭ꤙꤢꤧ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤒ꤫ꤢꤪ꤬ꤓꤢꤩ ꤔꤢꤧ ꤜ꤫ꤢꤪ꤬ꤙꤢꤨ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬,

เตเด๊อะโลแถ่ 18:13

ꤤ꤬ꤞꤝꤤ ꤢ꤬ꤋꤚꤢꤩ꤭ꤢ꤬ꤙꤢꤩ꤭ ꤢ꤬ꤟꤝꤢꤢ꤬ꤡꤤ꤭ ꤒꤣꤧ꤬ꤟꤢꤩ꤬, ꤒꤢꤩ꤬ꤔꤥ꤬ꤗꤢꤦꤔꤥ꤬ꤟꤝꤢ ꤒꤣꤧ꤬ꤟꤢꤩ꤬, ꤜ꤫ꤢꤩ꤬ꤏꤢꤦꤢꤦ꤭ ꤔꤥ꤬ꤗꤢꤦ ꤒꤣꤧ꤬ꤟꤢꤩ꤬, ꤓꤣꤧ꤭ꤛꤢꤧ꤭, ꤓꤢ꤬ꤓꤣꤧ꤭, ꤙꤥꤊꤢꤨ꤬ꤜꤢ꤭, ꤙꤥꤊꤢꤨ꤬ꤜꤢ꤭ꤗꤢꤦ꤬, ꤕ꤫ꤢꤨ꤬, ꤞꤤꤗꤤ꤬, ꤒꤣꤧ꤬ꤞꤤ, ꤒꤣꤧ꤬ꤞꤤꤜ꤫ꤥ꤬, ꤡ꤫ꤢꤦ꤬ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢꤨ꤭ ꤤ꤬ꤖꤚꤤ꤬ ꤕꤢ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯

เตเด๊อะโลแถ่ 18:14

“ꤖꤚꤢꤩ꤬ ꤗꤢꤩ꤬ꤊ꤫ꤢꤦ꤬ꤗꤢꤩ꤬ꤋꤢ ꤒꤢꤩ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤩ ꤠꤤ꤭ꤙꤢ꤬ꤙꤢꤨ꤬ꤜꤥ꤬ ꤕꤢ꤭ ꤔꤢꤧ, ‘ꤜꤢꤪ꤭ ꤒꤢꤩ꤬ꤊ꤫ꤢꤦ꤬ꤒꤢꤩ꤬ꤋꤢ ꤢ꤬ꤚꤢꤧ ꤘꤣ ꤔꤢꤧ꤬ ꤜ꤫ꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤜꤢꤪ꤭ꤟꤣꤧ꤯ ꤓꤥ꤭ꤚꤣꤧ꤬ ꤜꤢꤪ꤭ ꤒꤢꤩ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢ꤭ꤒꤢꤩ꤬ ꤘꤣ ꤢ꤬ ꤒꤣꤧ꤬ꤋꤢꤩ꤭ ꤕꤜꤢꤧꤒꤝ꤫ꤢ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤜꤢꤪ꤭ ꤟꤣꤧꤟꤣꤧ, ꤚꤣꤧ꤬ ꤔꤢꤧ꤬ ꤗꤢꤧꤓ꤫ꤣꤧ꤬ꤔꤢꤪ ꤕꤢ꤬ ꤢ꤬ ꤒꤣ꤬ꤖꤥ꤮ ꤒꤥ꤬꤯’

เตเด๊อะโลแถ่ 18:19

ꤛꤢꤩ꤬ꤞꤤ꤭ ꤊ꤫ꤢꤦ꤬ ꤘꤣꤧꤜꤥ꤭ ꤢ꤬ ꤒꤢꤩ꤬ꤞꤤꤕꤜꤢꤩ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤖꤢ꤬ꤓꤢꤧ꤬ ꤜꤢ꤭ꤋꤢꤧ꤭ ꤟꤢꤩ꤬ꤗꤢꤦ꤬ ꤘꤣ ꤢ꤬ ꤊꤢꤨ꤬ꤊꤜꤢꤪꤋꤢꤨ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ꤍ꤫ꤥ꤬ꤊ꤫ꤢꤦ꤬ꤟꤢꤩ꤬ ꤜꤢ꤭ꤋꤢꤧ꤭ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, ‘ꤊꤣ꤮ ꤢ꤬ ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤞꤣꤧ꤭ꤊꤢꤧ꤭ ꤟꤣꤧ ꤠꤢꤧ꤭ ꤔꤤ꤭꤮, ꤊꤣ꤮ ꤢ꤬ꤡꤢ꤭ ꤞꤣꤧ꤭ꤊꤢꤧ꤭ ꤟꤣꤧ ꤔꤢꤧ꤬ ꤔꤤ꤭꤮꤯ ꤔꤢꤧ꤬ ꤗꤢ꤬ ꤠꤤ꤭ꤘꤢꤨ꤬ ꤒꤣ꤬ꤠꤤ꤭ ꤚꤣꤧ꤬, ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤢꤪ꤬ꤊꤜꤣꤧ꤭ꤘꤢꤨ꤬ ꤥ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤜꤢ꤭ꤋꤢꤧ꤭ ꤔꤢꤧ ꤔꤢꤧ꤬ꤒꤢꤩ꤬ ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤗꤢ꤬ꤔꤢꤧꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ꤖꤢꤧ ꤔꤢꤧ꤬ ꤒꤣꤧ꤬ꤕꤜꤣ꤬ꤟꤢꤨ ꤚꤣꤧ꤬, ꤔꤢꤧ꤬ ꤕꤛꤢꤊꤢꤧ꤭ ꤜꤢꤪ꤭ ꤡꤣꤧ ꤟꤣꤧ꤯