เตเด๊อะโลแถ่ 16:17 - Eastern Kayah Shadaw Dialect

¹⁷ ꤓꤥ꤭ꤚꤣꤧ꤬ ꤘꤣꤋꤛꤢ꤭ꤔꤣꤧ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤖꤚꤢꤩ꤬ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤡꤝꤢ ꤊꤜꤢꤪ꤭ꤒꤢ꤭ ꤢ꤬ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤘꤣ ꤊ꤫ꤢꤩ꤬ꤜꤣꤧ꤬ꤞꤢꤩꤊꤜꤢꤩ꤭ ꤚꤣꤧ꤬ ꤍ꤫ꤥ꤬ꤖꤚꤢ꤬ꤓꤢꤧ꤬ꤏꤝꤢ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤙꤣꤧ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ꤔꤣꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤢ꤬ ꤓꤥ꤭ꤟꤣꤧ,” ꤟꤢꤨꤔꤣꤧ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁷ โทเรอ เด๊อคยาเนอ เตเน่วพู๊ อาเพร โซซว๊าเตเพร เนอเตเพร จว๊า กลอตา อาเบหล่อดุ เด๊อ เก่แลเซ๊เกล เร๊อ โหง่พราแถ่ฉว่า เด๊อ จ๊อแผ่ กู่แกล๊เท แถ่โล เบ๊อะเตหลู่เเตโฮ อากูเนอ เร๊อ อา เฮ๊ เน๊อ, “อา โทเฮ๊อ,” ฮู๊เนอ.

เตเด๊อะโลแถ่ 16:17 ပူးပေါင်းရင်းမြစ်များ

เตเด๊อะโลแถ่ 21:6

ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤢ꤬ ꤓꤥ꤭ꤟꤣꤧ, ꤠꤢꤧ꤭ ꤗꤢ꤬ ꤢ꤬ꤚ꤫ꤣꤧ꤬ꤜꤣ ꤔꤢꤧ ꤢ꤬ꤔꤥ꤬ꤜꤣ ꤢꤨ꤭ ꤟꤣꤧ꤯ ꤠꤢꤧ꤭ ꤗꤢ꤬ ꤢ꤬ꤊꤢꤧ꤭ꤏꤢ ꤔꤢꤧ ꤢ꤬ꤒꤣꤧ꤬ꤘꤢꤦ꤬ ꤟꤣꤧ꤯ ꤓꤣꤧ꤭ꤓꤢꤩ꤬ꤋꤢꤨ꤬ ꤘꤣ ꤢ꤬ ꤘꤣꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ꤓꤣꤧ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤔꤣꤧ꤬ ꤢ꤬ ꤥ꤬ ꤒꤣ꤬ꤢꤪ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤥ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤥ꤭ꤋꤚꤢ꤭ ꤢ꤬ ꤕꤢ꤭꤯

ꤛꤥ꤭ꤟꤢ꤬ 19:30

ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤕꤥ꤬ꤗꤢꤧ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤔꤢꤧ, “ꤢ꤬ ꤓꤥ꤭ꤟꤣꤧ꤯” ꤚꤣꤧ꤬ ꤢ꤬ ꤊꤢꤨ꤬ꤊꤜꤢꤪ ꤒꤢ꤭ꤍꤢꤪ꤬ꤊꤢꤧ꤭, ꤓꤥ꤭ꤚꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ꤞꤤꤕꤜꤢꤪ꤬ ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯

เอเฟซัส 2:2

ꤙꤣꤧꤔꤣꤧ꤬ꤢ꤬ꤋꤢꤩ꤭, ꤞꤤ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬꤯ ꤞꤤ꤭ ꤔ꤫ꤤ꤬ꤘꤢ꤭ ꤡꤢꤨ꤭ꤢꤩ꤬ ꤊꤣꤧ꤭ ꤖꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤕꤣꤚꤣꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤗꤢꤪꤜꤢꤩ꤭ ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤣꤧ꤭ꤔꤣꤧ꤬, ꤢ꤬ ꤕꤣꤚꤣꤧꤕꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เอเฟซัส 6:12

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤢꤩ꤬ ꤏꤢꤏꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤥ꤬ ꤔꤢꤧ ꤢ꤬ꤖꤢꤢ꤬ꤛꤢ꤬ ꤢ꤬ꤞꤝꤤ꤬ꤢ꤬ꤓꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤗ꤫ꤢ꤬ꤒꤥ꤬꤯ ꤕꤢꤩ꤬ ꤏꤢꤏꤢꤦ꤬ ꤔꤢꤧ ꤜꤥ꤭ꤔꤢꤩꤜꤥ꤭ꤔꤢ꤬ ꤘꤣ ꤢ꤬ ꤕꤣꤒꤢꤩ꤬ ꤒꤣꤧ꤬ꤟꤢꤩ꤬, ꤔꤢꤧ ꤜꤥ꤭ꤔꤢꤩ ꤘꤣ ꤢ꤬ꤥ꤬ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤒꤣꤧ꤬ꤟꤢꤩ꤬ ꤔꤢꤧ ꤜꤥ꤭ꤔꤢꤩ ꤏꤝꤢ꤬ꤏꤢꤪ꤭ ꤘꤣ ꤢ꤬ ꤕꤣ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤜꤥ꤭ꤔꤢꤩ ꤗꤢꤨꤗ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤜꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

เตเด๊อะโลแถ่ 16:1

ꤓꤥ꤭ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ ꤒꤣꤧ꤬ꤠꤢꤪꤒꤣꤧ꤬ꤞꤢꤦ꤭ ꤏꤝꤢ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤩ ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ, “ꤡꤝꤢ ꤊꤜꤢꤪ꤭ꤒꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤣꤧ꤭ ꤘꤣ ꤟꤢꤩ꤬ꤋꤢꤨ꤬ꤔꤣꤧ꤬꤯”

เตเด๊อะโลแถ่ 14:17

ꤟꤢꤨꤔꤣꤧ꤬ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤥ꤬ ꤘꤣ ꤗꤢꤪꤋꤢꤨ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ꤓꤢꤩ꤬ ꤚꤣꤧ꤬ ꤢ꤬ ꤕ꤫ꤢꤦ꤬ꤔ꤫ꤤ꤬ ꤚꤣꤧꤊꤣꤧ꤭ ꤒꤣꤧ꤬ꤡꤢꤩ꤭ ꤓꤢꤧ꤭ꤚꤢꤧ ꤒꤣ꤬ꤙꤢꤩ꤬ꤙꤢꤩ꤬꤯

เตเด๊อะโลแถ่ 14:15

ꤓꤥ꤭ꤚꤣꤧ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ ꤥ꤬ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ꤓꤢꤩ꤬꤯ ꤚꤣꤧ꤬ ꤢ꤬ ꤢꤩꤓꤥ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤥ꤬ꤔꤢꤧ꤭ꤥ꤬ ꤘꤣ ꤢꤪꤜ꤫ꤥ꤬ꤜꤥ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ, “ꤔꤢꤪ꤭ꤢꤩ꤬ ꤔꤢꤧ꤬ ꤒꤣꤧ꤬ꤡꤢꤩ꤭ꤔꤣꤧ꤬ ꤚꤣꤧ꤬ ꤊꤢꤩꤗꤣꤧ꤭ ꤙꤥꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤥ꤭ ꤊꤢꤩ ꤙꤥ ꤏꤣꤧꤋꤢꤩ꤭ ꤒ꤫ꤥ꤬ꤟꤣꤧ꤯ ꤘꤣ ꤟꤢꤩ꤬ꤋꤢꤨ꤬ ꤣꤧ꤭, ꤙꤥꤗꤤ꤭ ꤜꤢꤪ꤭ꤟꤣꤧ꤯”

เตเด๊อะโลแถ่ 11:19

ꤙꤣꤧꤔꤣꤧ꤬ꤋꤢꤩ꤭ ꤢꤨ꤭ ꤙꤢꤗꤥ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤘꤣ ꤗꤢꤪꤋꤢꤨ꤬ ꤔꤣꤧ꤬ꤒꤣ꤬ꤗꤢꤩ꤭꤯ ꤚꤣꤧ꤬ ꤢꤨ꤭ ꤗꤢꤧꤓ꤫ꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤢꤪꤜꤢꤧ꤬ꤔꤢꤪ꤬ꤜꤢꤧ꤬ ꤢ꤬ꤒꤣ ꤥ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬꤯ ꤓꤥ꤭ꤚꤣꤧ꤬ ꤒꤣꤧ꤬ꤛ꤫ꤢ꤬ꤙꤢꤪ, ꤒꤢꤩ꤬ꤖꤚꤢ꤬ꤚ꤫ꤢꤨ꤬ꤖꤚꤢ꤬ꤒꤢꤩ, ꤗꤢꤪꤋꤚꤢꤪ꤭ ꤏꤢ꤬ꤜꤢꤧ꤬, ꤒꤣꤧ꤬ꤔꤢꤩꤓꤢꤪꤘꤤ꤭, ꤒꤣꤧ꤬ꤋꤚꤢꤦ꤬ꤞꤢꤩ꤬ ꤕꤜꤢꤪ꤬ꤘꤢꤨ꤬ ꤒꤣꤧ꤬ꤟꤢꤩ꤬ ꤡ꤫ꤢ꤬ꤒꤢ꤭ ꤞꤢꤧꤡꤣꤧꤟꤢꤨ ꤊ꤫ꤢꤩ꤬ꤡꤢꤦ꤬ ꤔꤣꤧ꤬꤯

เตเด๊อะโลแถ่ 11:15

ꤓꤥ꤭ꤚꤣꤧ꤬ ꤙꤣꤧ ꤒꤣꤧ꤬ꤔꤢꤩꤖꤢꤨ ꤢ꤬ꤖꤚꤢꤩ꤬ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤥꤓꤢꤧ꤬ ꤢ꤬ꤊꤝꤢ꤬ ꤢ꤬ꤋꤢꤩ꤭ꤔꤣꤧ꤬, ꤍ꤫ꤥ꤬ꤒꤣꤧ꤬ꤟꤢꤩ꤬ ꤖꤚꤢ꤬ꤓꤢꤧ꤬ ꤏꤝꤢ꤬ꤔꤢꤧ꤬ꤡꤣꤧ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤢꤨꤔ꤫ꤢꤧ꤬ꤣꤧ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤕꤣ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤓꤝꤢ꤭ꤟꤣꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤔꤢꤧ ꤢ꤬ ꤗꤢꤩ꤬ꤏꤤꤛꤢ꤬ ꤢ꤬ꤒꤢꤩ꤬ ꤟꤣꤧ ꤚꤣꤧ꤬ ꤢ꤬ ꤊ꤫ꤢꤦ꤬ ꤕꤣꤒꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤟꤣꤧ꤯”