เตเด๊อะโลแถ่ 15:1 - Eastern Kayah Shadaw Dialect

¹ ꤟꤢꤨꤔꤣꤧ꤬ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤩ꤬ꤋꤥꤒꤣꤧ꤬ꤊꤜꤤ ꤘꤢꤨ꤬ ꤘꤣ ꤢ꤬ꤚꤥ꤬ ꤒꤣ꤬ꤡꤣ꤬ ꤥ꤬ꤜꤥ꤭ꤓꤢꤧ꤬ ꤘꤣ ꤗꤢꤪꤜꤢꤩ꤭꤯ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤞꤥ꤭ꤞꤝꤢꤒꤣ꤬ꤡꤣ꤬꤯ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣꤋꤛꤢ꤭ ꤒꤣꤧ꤬ꤘꤢꤦ꤬ꤜꤣ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤣꤧ꤭ꤒꤣꤧ꤬ꤟꤢꤩ꤬ ꤓꤝꤢ꤭ꤓꤢꤧ꤬ ꤓꤥ꤭ꤕꤢ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤘꤢꤨ꤬ ꤕꤢ꤬ꤒꤥ꤬ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹ ฮู๊เนอโทเรอ แว แม๊เถอะ เตโค๊ตีกลี๊ ดู๋ เด๊อ อาโร เต๊อเจ่อ โอ่โลแถ่ เด๊อ ม๊อเล. แว แม๊เถอะ เตเน่วพู๊ โซซว๊าเตเพร เด๊อ อา ปื่อหม่า เกอเร๊อ เน๊อ เตจาเตจือ โซซว๊าเต๊อเจ่อ. เออเต๊เห่ หม่า เตจาเตจือ เด๊อคยา ตื๊อดื่อเล๊อ เฮ๊อ, เมเตเฮ๊เรอ, เออเต๊เห่ ทวาแถ่ โทปาเนอ, จอแปแหร่ ซิปล่อดุ ปาโต่เฮ๊อ.

เตเด๊อะโลแถ่ 15:1 ပူးပေါင်းရင်းမြစ်များ

เตเด๊อะโลแถ่ 21:9

ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤞꤥ꤭ꤞꤝꤢꤒꤣ꤬ꤙꤢꤩ꤬ ꤘꤣ ꤢ꤬ ꤙꤢ꤭ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣꤋꤛꤢ꤭ꤜꤣ ꤞꤥ꤭ꤞꤝꤢꤒꤣ꤬ꤡꤣ꤬ ꤣꤧ꤭ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤘꤣ ꤠꤢꤧ꤭ ꤥ꤬ ꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤟꤢꤧ꤭ꤗꤣꤧ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤤ꤬ꤛꤢꤨ꤭ꤜꤥ꤭ ꤔꤢꤧ꤬ ꤔꤢꤧ ꤞꤤꤗꤤ꤬ꤖꤢꤨ ꤢ꤬ꤗꤢꤩ꤭ ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬꤯”

เตเด๊อะโลแถ่ 19:15

ꤔꤢꤩ ꤢ꤬ ꤓꤢꤧ꤭ꤚꤢꤧ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤜꤢꤪ꤭ ꤓꤣꤧ꤭ꤊ꤫ꤢꤩ꤬ ꤒꤣꤧ꤬ꤟꤢꤩ꤬ ꤒꤣ꤬ꤙꤢꤩ꤬ꤔꤣꤧ꤬ ꤢ꤬ ꤥ꤬ ꤘꤣ ꤜꤢꤨ꤭ ꤊꤢꤧ꤭ꤊꤢꤨ꤭ ꤓꤢꤩ꤬꤯ ꤚꤣꤧ꤬ ꤢ꤬ ꤊ꤫ꤢꤦ꤬ ꤕꤣ ꤛꤢꤩ꤬ꤞꤤ꤭ ꤔꤢꤧ ꤤ꤬ꤕꤢꤪ꤬ ꤒ꤫ꤢꤪ꤬ꤓꤢꤩ ꤕꤢ꤭꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤡ꤫ꤢꤧ꤬ꤒꤢꤩ꤬ꤜꤢꤪ꤭ ꤞꤤꤑꤢꤩ꤭ꤒꤢꤩ꤬ꤕꤜꤤ꤭ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤘꤣꤧꤜꤥ꤭ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤞꤢꤧꤔꤢꤧ ꤢꤨ꤭ ꤤ꤬ꤠꤤ꤭ꤓꤢꤩ꤬ ꤎꤢ꤬ꤕꤛꤤꤓꤣꤧ꤭ ꤔꤣꤧ꤬ ꤕꤢ꤭꤯

เตเด๊อะโลแถ่ 16:1

ꤓꤥ꤭ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ ꤒꤣꤧ꤬ꤠꤢꤪꤒꤣꤧ꤬ꤞꤢꤦ꤭ ꤏꤝꤢ꤬ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤩ ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ, “ꤡꤝꤢ ꤊꤜꤢꤪ꤭ꤒꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤣꤧ꤭ ꤘꤣ ꤟꤢꤩ꤬ꤋꤢꤨ꤬ꤔꤣꤧ꤬꤯”

เตเด๊อะโลแถ่ 14:19

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤒꤣꤧ꤬ꤔꤢꤩꤖꤢꤨ ꤔꤣꤧ꤬ꤒꤣ꤬ꤖꤚꤢꤩ꤬ ꤚꤢꤧ꤭ꤒꤢ꤭ ꤢ꤬ꤒꤣꤧ꤬ꤡꤢꤩ꤭ ꤘꤣ ꤟꤢꤩ꤬ꤋꤢꤨ꤬ ꤚꤣꤧ꤬ ꤢ꤬ ꤊꤢꤩꤊꤢꤧ꤭ ꤢ꤬ ꤎꤢ꤬ꤕꤛꤤꤞꤢꤩ꤬ꤣꤧ꤭ ꤓꤥ꤭ꤚꤣꤧ꤬ ꤢ꤬ ꤠꤤ꤭ꤔꤥ꤭ꤊꤢꤧ꤭ ꤘꤣ ꤢꤨ꤭ ꤜ꤫ꤢꤩ꤬ꤠꤤ꤭ꤓꤢꤩ꤬ ꤓꤢ꤬ꤓꤣꤧ꤭ ꤘꤣ ꤢ꤬ꤘꤢꤨ꤬ꤢ꤬ꤒꤣꤧ꤬ꤔꤢꤧ꤭ ꤘꤣ ꤢ꤬ꤞꤢꤧꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤣꤧ꤭ꤔꤣꤧ꤬ ꤢ꤬ꤊꤢꤨ꤭꤯

เตเด๊อะโลแถ่ 14:10

ꤛꤢꤩ꤬ꤞꤤ꤭ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤢ꤬ ꤊ꤫ꤢꤦ꤬ ꤥ꤭ ꤊꤣꤧ꤭ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤢ꤬ꤓꤣꤧ꤭ꤛꤢꤧ꤭ ꤕꤢ꤭꤯ ꤢ꤬ ꤒꤢꤩ꤬ꤞꤤꤕꤜꤢꤪ꤬ꤘꤢꤨ꤬ ꤢ꤬ꤙꤢꤩ꤭ ꤣꤧ꤭ꤒꤣ꤬ꤙꤢꤩ꤭ ꤔꤣꤧ꤬, ꤢꤨ꤭ ꤛꤢꤦ꤬ꤔꤥ꤭ꤙꤢ꤭ ꤔꤢꤧ ꤓꤣꤧ꤭ꤛꤢꤧ꤭ꤡꤢꤧ꤭꤯ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤒꤢꤩ꤬ ꤟꤢꤨꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤙꤢꤩ꤬ ꤋꤢꤧꤙꤢꤩ꤬ ꤔꤢꤧ꤬ꤡꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣ ꤗꤤ꤬ ꤘꤣ ꤢꤨ꤭ ꤏꤢꤦꤢꤦ꤭ ꤔꤢꤧ ꤛꤢ꤬ꤞꤢꤨꤙꤢꤧ꤭ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤋꤢꤧꤡꤢ꤭ꤋꤢꤧꤡꤢꤦ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤞꤤꤗꤤ꤬ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭꤯

เตเด๊อะโลแถ่ 11:14

ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤔꤣꤧ꤭ꤟꤢꤦ꤬ꤒꤣꤧ꤬ꤟꤢꤦ꤬ ꤗꤢꤩ꤬ ꤓꤥ꤭ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤑꤢ꤭ꤒꤢꤧ꤬ꤒꤥ꤬ ꤔꤣꤧ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤞꤥ꤭ꤡꤣ꤬ꤒꤣ꤬ꤡꤣ꤬ ꤊ꤫ꤢꤦ꤬ ꤟꤢꤧ꤭ꤜꤢꤩ ꤕ꤫ꤥ꤬ ꤕꤢ꤭꤯

เตเด๊อะโลแถ่ 10:3

ꤚꤣꤧ꤬ ꤢ꤬ ꤢꤩꤓꤥ꤭ ꤖꤚꤢ꤬ꤓꤢꤧ꤬ꤏꤝꤢ꤬ ꤞꤢꤧꤡꤣꤧꤔꤢꤧ ꤢꤞ꤫ꤤ꤬ ꤒꤣꤧ꤬ꤟꤢꤩ꤬ ꤊ꤫ꤢꤪ꤬ꤒꤣꤧ꤬ꤍꤢꤩ꤬ ꤔꤣꤧ꤬꤯ ꤙꤣꤧ ꤢ꤬ ꤢꤩꤓꤥ꤭ꤓꤢꤧ꤬ ꤓꤥ꤭ꤔꤣꤧ꤬, ꤏꤢ꤬ꤜꤢꤧ꤬ ꤏꤢꤦ꤬ꤕ꤫ꤢꤩ꤬ ꤜꤢꤨ꤭ ꤞꤥ꤭ꤞꤝꤢꤒꤣ꤬ꤟꤢꤦ꤬꤯

เตเด๊อะโลแถ่ 8:6

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ꤚꤣꤧꤘꤢꤦ꤬ ꤔꤢꤧ ꤢ꤬ꤊꤝꤢ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤥꤓꤢꤧ꤬ ꤢ꤬ꤊꤝꤢ꤬ ꤒꤣꤧ꤬ꤟꤢꤩ꤬꤯

เตเด๊อะโลแถ่ 8:13

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤠꤢꤧ꤭ ꤗꤢꤧꤓ꤫ꤣꤧ꤬ ꤜꤢ꤭ꤙꤢꤨ꤭ꤘꤢꤨ꤬ ꤒꤣ꤬ꤙꤢꤩ꤬ ꤛꤥ꤬ ꤘꤣ ꤗꤢꤪꤜꤢꤩ꤭ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤢ꤬ꤖꤚꤢ꤬ꤓꤢꤧ꤬ ꤔꤢꤧ, “ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ꤚꤥ꤬ ꤔꤣꤧ꤬ ꤞꤤꤞꤥ꤭ ꤊ꤫ꤢꤦ꤬ꤚꤢꤩ꤭ ꤥꤓꤢꤧ꤬ ꤟꤣꤧ ꤢ꤬ꤊꤝꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤟꤢꤩ꤬ꤋꤢꤨ꤬ꤔꤢꤩꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬, ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬, ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬,” ꤢ꤬ ꤖꤚꤢ꤬ꤓꤢꤧ꤬ ꤟꤢꤨꤔꤣꤧ꤬꤯

เตเด๊อะโลแถ่ 8:2

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤚꤣꤧ꤬ ꤢ꤬ ꤊꤣꤧ꤬ꤓꤢꤪ꤬ ꤥ꤬ ꤘꤣ ꤜꤢꤨ꤭ꤕꤣꤧꤞꤢꤩ꤬ꤑꤢꤩ꤭ ꤕꤝꤢ꤭꤮ ꤒꤣ꤬ꤖꤥ, ꤚꤣꤧ꤬ ꤢꤨ꤭ ꤘꤣꤧ ꤛꤢꤩ꤬ꤞꤤ꤭ ꤊꤝꤢ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭꤯

เตเด๊อะโลแถ่ 9:20

ꤊꤣꤧ꤬ꤛꤢꤧ꤭ ꤘꤣ ꤢ꤬ꤥ꤬ ꤜꤣꤧ꤬ꤕꤜꤢꤩꤊꤢꤧ꤭ ꤔꤢꤧ ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤢ꤬ꤒꤢꤩ꤬ ꤞꤣꤧ꤭ꤚ꤫ꤢ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤚꤣꤧꤘꤢꤦ꤬ꤕꤢ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤢ꤬ ꤛꤢꤧ꤬ ꤚꤣꤧ ꤕ꤫ꤢꤩ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤒꤥ꤬꤯ ꤛꤢꤩ꤬ꤞꤤ꤭ ꤡꤢꤪꤙꤢꤩ꤭ ꤒꤣꤧ꤬ꤘꤢꤦ꤬ꤕꤢ꤬ ꤜꤢ꤭ꤋꤢꤧ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬, ꤖꤚꤢꤩ꤬ꤛꤥ꤬ ꤘꤣ ꤢꤨ꤭ ꤗꤢꤩ꤬ꤔꤢꤧ ꤓꤢꤩ꤭, ꤢꤨ꤭ ꤗꤢꤩ꤬ꤔꤢꤧ ꤚꤢꤦ꤭, ꤢꤨ꤭ ꤗꤢꤩ꤬ꤔꤢꤧ ꤒꤣꤧ꤬ꤜꤤ꤭ ꤔꤢꤧ ꤜ꤫ꤢꤪ꤬ ꤔꤢꤧ ꤞꤢꤪ꤬ ꤘꤣ ꤢ꤬ ꤗꤢꤧꤓ꤫ꤣꤧ꤬ꤡ꤫ꤢꤧ꤬ꤒꤥ꤬, ꤓꤥ꤭ꤚꤣꤧ꤬ ꤢ꤬ ꤔ꤫ꤤ꤬ꤟꤥ꤭ ꤡ꤫ꤢꤧ꤬ꤒꤥ꤬, ꤢ꤬ ꤡꤝꤢꤡ꤫ꤢꤧ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เตเด๊อะโลแถ่ 17:1

ꤣꤧ꤭ꤒꤣ꤬ꤖꤥꤚꤣꤧ꤬ ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤞꤥ꤭ꤞꤝꤢꤒꤣ꤬ꤙꤢꤩ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤘꤣ ꤠꤢꤧ꤭ ꤥ꤬ ꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤟꤢꤧ꤭ꤗꤣꤧ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤔꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤗꤝꤤ꤭ꤜꤢ꤬ꤘꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤨꤒꤢꤩ꤭ ꤕꤢ꤭ ꤔꤣꤧ꤬꤯ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤠꤤ꤭ꤘꤢꤨ꤬ꤠꤤ꤭ꤓꤢꤨ꤭ ꤘꤣ ꤢ꤬ ꤥ꤬ ꤘꤣ ꤜꤢꤧ꤭ꤗ꤫ꤥ꤬ꤘꤢꤨ꤬ ꤢꤩꤙꤥ꤭ ꤢ꤬ꤜꤥ꤬ ꤣꤧ꤭ꤒꤣꤧ꤬ꤠꤤ꤭꤯