เตเด๊อะโลแถ่ 13:6 - Eastern Kayah Shadaw Dialect

⁶ ꤢ꤬ ꤡꤢꤓꤢꤧ꤬ ꤤ꤬ꤏꤢꤪ꤭ꤤ꤬ꤙꤢ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤗꤝꤤ꤭, ꤓꤥ꤭ꤒꤥ꤬ ꤢ꤬ ꤤ꤬ꤏꤢꤪ꤭ꤤ꤬ꤙꤢ꤬ ꤒ꤫ꤥ꤬ ꤡꤢꤪꤗꤣꤧ꤬ꤚꤢꤧ꤬ ꤜ꤫ꤢꤩ꤬ꤥ꤬ꤜ꤫ꤢꤩ꤬ꤙꤢꤧ꤬ ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ꤔꤣꤧ꤬ ꤒꤣꤧ꤬ꤟꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

⁶ อา เป๊อะแถ่ อิชออี๊บ่า จอแปแหร่ เร๊อ จอแปแหร่ อามุย, โท๊โต่ อา อิชออี๊บ่า โต่ จอแปแหร่ เหล่โอ่เหล่แบ่ เร๊อ ล๋อ แกแย เด๊อ อา โอ่ เด๊อ ม๊อขุเนอ เต๊เห่.

เตเด๊อะโลแถ่ 13:6 ပူးပေါင်းရင်းမြစ်များ

เตเด๊อะโลแถ่ 12:12

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤗꤢꤪꤋꤢꤨ꤬ ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤜꤢꤪ꤭꤮ ꤕꤜꤤ꤬ ꤞꤤ꤭, ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭ ꤔꤤ꤮, ꤗꤢ꤬ꤔꤢꤧꤚꤣꤧ꤬ ꤘꤣ ꤟꤢꤩ꤬ꤋꤢꤨ꤬ ꤔꤢꤧ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤑꤢꤩ꤭ꤔꤣꤧ꤬ ꤢ꤬ꤡꤢ꤭ꤢ꤬ꤡꤢꤦ꤬ ꤔꤢꤧ꤬ꤡꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤟꤢꤧ꤭ꤜꤢꤧ꤬ꤟꤣꤧ ꤘꤣ ꤞꤤ꤭ꤥ꤬ ꤚꤣꤧ꤬ ꤢ꤬ ꤞꤤꤕꤜꤢꤪ꤬ꤘꤢꤨ꤬ ꤔꤢꤧ꤬ꤡꤣꤧ ꤟꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤞꤤꤑꤢꤩ꤭ ꤔꤢꤧ ꤢ꤬ ꤢ꤬ꤏꤣꤧꤢ꤬ꤋꤢꤩ꤭ ꤥ꤬ꤊꤢꤧ꤭ ꤕꤢ꤬ꤖꤢꤧ ꤒꤣꤧ꤬ꤕꤜꤣ꤬ꤟꤢꤨ ꤖꤢꤧ꤯”

ꤟꤤꤙꤚꤢꤨ 9:24

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤚꤣꤧꤘꤢꤦ꤬ ꤘꤣ ꤢꤨ꤭ ꤗꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤊꤢꤨꤋꤢꤨ꤬ ꤚꤣꤧ꤬ ꤢꤨ꤭ ꤗꤢꤧꤙꤢꤦ꤭ ꤗꤢꤩ꤬ꤊꤣꤧ꤭ ꤖꤢꤧ ꤢ꤬ꤗ꤫ꤥ꤬ꤊꤜ꤫ꤢꤪ꤬ ꤗ꤫ꤢ꤬ꤔꤤꤔꤢꤧ꤬ ꤣꤧ꤭ꤒꤣ꤬ꤗꤢꤩ꤭ ꤢ꤬ꤊꤢꤨ꤭ ꤔꤣꤧ꤬, ꤋꤚꤤ ꤡꤝꤢꤔꤥ꤭ ꤙꤣꤧꤔꤣꤧ꤬ ꤗ꤫ꤢ꤬ꤒꤥ꤬꤯ ꤢ꤬ ꤡꤝꤢꤔꤥ꤭ ꤚꤣꤧꤘꤢꤦ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤊꤝꤤ꤭ꤞꤤꤛꤢꤪ꤬ ꤕ꤫ꤢꤩ꤬ ꤕꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭꤯

มัทธิว 15:19

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤗꤢꤩ꤬ꤞꤣꤧ꤭ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭, ꤡꤝꤢꤞꤢꤦ ꤢꤨ꤭ꤖꤢꤨꤢꤨ꤭ꤗꤢꤩ꤭, ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭, ꤢꤩ꤬ꤟꤥ꤬ꤢꤩ꤬ꤟꤤ, ꤋꤢꤧꤜꤣꤧ꤬ꤟꤥ꤭ ꤜꤢ꤭ꤋꤢꤧ꤭ ꤒꤢꤩ꤬, ꤘꤢꤧꤗꤣꤧ꤬ꤓ꤫ꤣꤧ꤬ꤛꤥ꤬, ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤖꤚꤥꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬, ꤜꤢꤪ꤭ ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ꤓꤢꤩ꤬ꤜꤢꤪ꤭ ꤘꤣ ꤊꤣꤧ꤬ꤛꤢꤧ꤭ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤖꤢꤧ꤯

มัทธิว 12:34

ꤚ꤫ꤢꤨ꤬ꤞꤤ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤞꤤ꤭꤮, ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤊꤜꤝꤤ꤭ꤜꤢꤧ꤭ ꤗꤢꤨꤗ꤫ꤢꤧ꤬ ꤚꤣꤧ꤬ ꤞꤤ꤭ ꤡꤝꤢ ꤟꤢꤩꤙꤢꤩ꤬ ꤚꤢꤧ ꤙꤢꤩꤡ꤫ꤢꤧ꤬ ꤟꤢꤨꤒꤢꤩ꤭? ꤊꤣꤧ꤬ꤛꤢꤧ꤭ ꤔꤣꤧ꤬ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤥ꤬ꤙꤢ꤭ ꤒꤢ꤭ꤕꤢꤪ꤬ꤒꤢ꤭ꤕꤢꤩ꤭ ꤟꤢꤨꤒꤢꤩ꤭ꤚꤣꤧ꤬ ꤢ꤬ꤊꤢꤨꤢꤨ꤬ ꤋꤚꤝꤢ꤭ ꤟꤢꤩꤙꤢꤩ꤬ꤓꤢꤩ꤬ ꤊꤣꤧ꤭ ꤟꤢꤨꤔꤣꤧ꤬ꤖꤢꤧ꤯

เตเด๊อะโลแถ่ 21:3

ꤠꤢꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ꤏꤝꤢ꤬ ꤒꤣ꤬ꤗꤢꤦ꤭ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤥ꤬ꤔꤣꤧ꤬, ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤢꤨꤔ꤫ꤢꤧ꤬ꤣꤧ꤭ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ꤥ꤬ꤒ꤫ꤣ꤬ꤊꤣꤧ꤭ ꤟꤣꤧ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤟꤣꤧ꤯ ꤢ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤕꤢ꤭꤯ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤕꤢ꤭꤯

เตเด๊อะโลแถ่ 18:20

ꤊꤣ꤮ ꤗꤢꤪꤋꤢꤨ꤬ꤖꤢꤨ ꤞꤤꤋꤚꤢꤦ꤭ꤗꤣꤧ꤭ ꤜꤢ꤭ꤋꤢꤧ꤭, ꤊꤣ꤮ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤞꤤ꤭, ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤞꤤ꤭ ꤔꤢꤧ ꤖꤚꤢꤩ꤬ꤖꤚꤥ꤬ ꤞꤤ꤭꤮, ꤘꤣ ꤢ꤬ꤕꤛꤢꤢ꤬ꤜ꤫ꤢꤨ꤬ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤꤋꤚꤢꤦ꤭ꤗꤣꤧ꤭ ꤜꤢ꤭ꤋꤢꤧ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤘꤣ ꤢ꤬ ꤗꤢꤩ꤬ꤡꤢ꤭ ꤓꤥ꤭ꤟꤣꤧ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ꤟꤣꤧ ꤢ꤬꤯’”

เตเด๊อะโลแถ่ 11:12

ꤟꤢꤨꤔꤣꤧ꤬ꤓꤥ꤭ꤚꤣꤧ꤬ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤣꤧ꤭ꤞꤤꤔꤣꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤟꤢꤧ꤭ꤓꤢꤧ꤬ ꤜꤢ꤭ꤋꤢꤧ꤭ ꤘꤣꤣꤧ꤭” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯ ꤚꤣꤧ꤬ ꤙꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤥ꤬ꤕ꤫ꤢꤪ꤬ꤗꤢꤧ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤊꤢ꤬ꤊꤣꤧ꤬ꤓꤢꤧ꤬ ꤔꤥ꤭ ꤘꤣ ꤢꤪꤜ꤫ꤥ꤬ ꤒꤣ꤬ꤙꤢ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤓꤢꤧ꤬ꤜꤢ꤭ ꤘꤣ ꤗꤢꤪꤋꤢꤨ꤬꤯

เตเด๊อะโลแถ่ 7:9

ꤒꤢꤩ꤬ꤗꤢꤩ꤬ꤢ꤬ꤔ꤫ꤢꤩ꤬ ꤟꤢꤨꤣꤧ꤭ ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤥ꤬ꤚ꤫ꤥ꤬ꤥ꤬ꤢꤩ ꤔꤢꤧ꤬ꤡꤣꤧ ꤒꤣ꤬ꤗꤢꤨ꤬ ꤚꤣꤧ꤬ ꤢꤨ꤭ ꤘꤢꤧ ꤜꤢꤪ꤭ꤕ꤫ꤢꤩ꤬ ꤛꤢꤩ꤬ꤞꤤ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤛꤢꤩ꤬ꤞꤤ꤭ ꤥ꤬ ꤘꤣ ꤗꤤ꤭ꤡꤣ꤬ ꤕꤝꤢ꤭ꤒꤣ꤬ꤡꤣ꤬, ꤊꤜꤝꤤ꤭ꤜꤢꤧ꤭ ꤕꤝꤢ꤭ꤒꤣ꤬ꤗ꤫ꤥ꤬, ꤊꤣꤧ꤬ꤛꤢꤧ꤭ ꤕꤝꤢ꤭ꤒꤣ꤬ꤗꤢꤨ꤬, ꤔꤢꤧ ꤍ꤫ꤥ꤬ ꤕꤝꤢ꤭꤮ ꤒꤣ꤬ꤡꤣ꤬ ꤟꤢꤧ꤭ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤧ꤭ꤊꤣꤧ꤬ꤓꤢꤪ꤬ꤥ꤬ ꤘꤣ ꤞꤤꤗꤤ꤬ꤖꤢꤨ ꤔꤢꤧ ꤢ꤬ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭꤯ ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤊꤢꤦ꤭ꤞꤢꤧꤓꤢꤧ꤬ꤔ꤫ꤤ꤬ ꤡꤢ꤬ꤡꤝꤢ꤬ꤙꤢꤨ꤭ꤓꤢꤨ꤭ ꤚꤣꤧ꤬ ꤕ꤫ꤢꤦ꤬ꤗꤢ꤬ꤚꤣꤧ ꤜꤢ꤭ꤋꤢꤧ꤭ ꤊꤣꤧ꤬ꤔꤢꤪ꤭ꤘꤢꤨ꤬ꤖꤢꤧ꤭ ꤒꤣꤧ꤬ꤟꤢꤩ꤬꤯

เตเด๊อะโลแถ่ 5:13

ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤜꤢꤪ꤭ ꤒꤢꤩ꤬ ꤘꤣ ꤢ꤬ꤞꤤꤕꤜꤢꤪ꤬ ꤞꤣꤧ꤭ꤖꤚꤢꤩ꤬ ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤘꤣ ꤟꤢꤩ꤬ꤋꤢꤨ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤘꤣ ꤟꤢꤩ꤬ꤜꤢꤩ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤜꤢꤩ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤜꤢꤪ꤭ ꤒꤢꤩ꤬ꤙꤢꤩ꤬ꤙꤢꤧ ꤥ꤬ ꤘꤣ ꤗꤢꤪꤜꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤢ꤬ ꤤ꤬ꤚꤥ꤭ꤓꤢꤧ꤬ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤣꤧ꤭, “ꤒꤢꤩ꤬ꤓꤢꤨ꤬ꤞꤢꤩꤓꤢꤧ꤬, ꤒꤢꤩ꤬ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭, ꤒꤢꤩ꤬ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤔꤢꤧ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤔꤣꤧ꤬ ꤢ꤬ ꤊ꤫ꤢꤦ꤬ ꤥ꤬ ꤊꤣꤧ꤭ꤘꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤔꤤ꤮꤯”

เตเด๊อะโลแถ่ 4:4

ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤘꤣ ꤢ꤬ꤚꤥ꤬ ꤔꤣꤧ꤭ꤏꤣꤧ꤭ ꤔꤢꤧ ꤜꤝꤤ꤭ꤗꤢꤩ꤭ ꤣꤧ꤭ꤔꤣꤧ꤬ ꤢ꤬ ꤥ꤬ꤒꤣꤧ꤬ꤠꤢ꤬ ꤔꤢꤧ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ ꤚꤣꤧ꤬ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤨ꤬ ꤔꤣꤧ꤬, ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤘꤣ ꤢ꤬ ꤊꤢꤦ꤭ꤞꤢꤧꤓꤢꤧ꤬ ꤟꤣꤧ꤬ꤡꤢ꤬ꤙꤢꤨ꤭ ꤚꤣꤧ꤬ ꤢ꤬ ꤊ꤫ꤥ꤬ꤓꤢꤧ꤬ ꤊꤢꤨꤊ꤫ꤥ꤬ꤓꤢꤩ꤭ ꤒꤣꤧ꤬ꤟꤢꤩ꤬ ꤥ꤬ꤔꤢꤧ꤭ꤥ꤬ ꤜꤢ꤭ꤋꤢꤧ꤭ ꤙꤣꤧꤔꤣꤧ꤬꤯

เตเด๊อะโลแถ่ 4:1

ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤓꤥ꤭ ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ꤜꤝꤢ ꤥ꤬ꤔꤢꤩ꤬ꤕ꤫ꤥ꤬ ꤒꤢꤩ꤬ꤢ꤬ꤚꤥ꤬ ꤒꤣ꤬ꤡꤣ꤬꤯ ꤘꤣ ꤗꤢꤪꤋꤢꤨ꤬ꤔꤣꤧ꤬, ꤊꤣꤧ꤬ꤘꤢ꤭ ꤒꤣ꤬ꤙꤢꤩ꤬ ꤜꤢꤨ꤬ꤗꤥ꤭ꤥ꤬ ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤖꤚꤢ꤬ꤓꤢꤧ꤬ ꤒꤣ꤬ꤡꤣ꤬ ꤚꤣꤧ꤬ ꤢ꤬ ꤖꤚꤢ꤬ ꤞꤢꤧꤔꤢꤧ ꤊꤝꤢ꤬ꤖꤚꤢ꤬ ꤟꤢꤨ ꤠꤢꤧ꤭ ꤔ꤫ꤤ꤬ꤟꤥ꤭ ꤓꤥ꤭ꤟꤣꤧ ꤘꤣ ꤊꤣꤧ꤬ꤜꤢꤨꤋꤢꤩ꤭ ꤔꤣꤧ꤬, ꤚꤣꤧ꤬ ꤢ꤬ ꤟꤢꤩꤙꤢꤩ꤬ ꤠꤢꤧ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤓꤢꤧ꤬ꤘꤣꤣꤧ꤭, ꤣꤧ꤭ꤒꤣꤧ꤬ꤟꤢꤩ꤬ ꤓꤝꤢ꤭ꤓꤢꤧ꤬ ꤓꤥ꤭ꤕꤢ꤭ ꤚꤣꤧ꤬ ꤋꤚꤢꤧ꤮ ꤗꤢ꤬ꤒꤢꤩ꤭ ꤙꤢꤩ꤬ ꤓꤝꤢ꤭ꤓꤢꤧ꤬ ꤜꤢ꤭ꤒꤢꤩ꤬ ꤕꤢ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤔꤢꤧ꤬꤯”

ꤟꤤꤙꤚꤢꤨ 9:2

ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤣꤧ꤭ꤔꤣꤧ꤬ ꤢ꤬ ꤥ꤬ ꤔꤣꤧ꤭ꤒ꤫ꤥ꤬꤯ ꤢ꤬ꤚ꤫ꤣꤧ꤬ ꤒꤣ꤬ꤒ꤫ꤥ꤬ꤔꤣꤧ꤬ ꤢꤨ꤭ ꤘꤢꤧ꤬ꤥ꤬ ꤔꤢꤧ ꤗꤤ꤬ꤊꤢꤪ꤭ꤚ꤫ꤢꤩ꤬ ꤒꤣ꤬ꤋꤢꤨ꤬, ꤘꤤ꤭ꤚ꤫ꤢꤩ꤬ ꤓꤢꤧ꤬ꤜꤥ꤭ ꤒꤣ꤬ꤋꤢꤨ꤬ ꤔꤢꤧ ꤋꤢꤪꤗꤢꤨ꤭ ꤘꤣ ꤢ꤬ꤘꤣꤧꤜꤥ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤊꤣꤧ꤭ ꤔꤢꤧ ꤞꤤ꤭ ꤚꤣꤧ꤬ ꤢꤨ꤭ ꤘꤢꤧ꤬ꤓꤢꤧ꤬ ꤥ꤬ ꤜꤢꤨ꤭ ꤘꤣ ꤘꤤ꤭ꤚ꤫ꤢꤩ꤬ ꤓꤢꤧ꤬ꤜꤥ꤭ꤋꤢꤨ꤬ ꤒꤣꤧ꤬ꤟꤢꤩ꤬꤯ ꤣꤧ꤭ꤒꤣ꤬ꤒ꤫ꤥ꤬ ꤔꤣꤧ꤬ꤗꤢ꤬ ꤢꤨ꤭ ꤢꤩ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬꤯

ꤚꤥꤗꤢꤩ꤬ 3:13

ꤛꤢꤩ꤬ꤞꤤ꤭ ꤒꤢꤩ꤬ꤟꤢꤩꤙꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤜ꤫ꤢꤩ꤬ꤞꤤꤛ꤫ꤢꤪ꤬ꤞꤤꤙꤤ꤭ ꤞꤢꤧꤡꤣꤧꤔꤢꤧ ꤔꤢꤧ꤬ ꤗꤢꤩ꤬ꤗꤥ꤭ ꤜꤥ꤭ꤊꤢꤨ꤭ ꤚꤣꤧ꤬ ꤢ꤬ ꤔꤥ꤬ꤞꤢꤪ꤭ ꤓꤢꤩ꤬ꤜꤥ꤭ ꤔꤣꤧ꤬ ꤡꤣꤧ꤯ ꤛꤢꤩ꤬ꤞꤤ꤭ ꤗꤢꤧꤕꤢꤨ꤭ ꤢꤩꤜꤢ꤬ꤜꤣꤧ꤬ꤟꤥ꤭ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬꤯ ꤢ꤬ꤞꤢꤧꤔꤢꤧ ꤚ꤫ꤢꤨ꤬ꤞꤤ ꤤ꤬ꤖꤥ꤭ ꤢꤨ꤭ ꤚꤣꤧ꤬ ꤢ꤬ꤚꤢꤧ꤭ ꤔꤣꤧ꤬, ꤛꤢꤩ꤬ꤞꤤ꤭ ꤗꤢꤩ꤬ꤕꤛꤢꤗꤢꤩ꤬ꤜ꤫ꤢꤨ꤬ ꤜꤢꤪ꤭ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤟꤢꤩꤙꤢꤩ꤬ ꤒꤣꤧ꤬ꤟꤢꤩ꤬꤯

โคโลสี 2:9

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ ꤊꤜꤝꤢ꤬ꤓꤢꤧ꤬ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤟꤢꤨ ꤊꤣꤧ꤬ꤛꤢꤧ꤭ ꤔꤣꤧ꤬ ꤒꤣꤧ꤬ꤘꤢꤦꤚꤣꤧ꤬, ꤢ꤬ ꤜꤣꤙꤢ꤭ ꤜꤢꤪ꤭ ꤡꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤒꤣꤧ꤬ꤟꤢꤩ꤬ ꤜꤢꤪ꤭꤮ ꤕꤜꤤ꤭ ꤡꤣꤧ꤯

โคโลสี 1:19

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤜꤣꤒꤢꤩ꤬ꤙꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤤꤛ꤫ꤢꤦ꤬ ꤔꤢꤪ꤭ꤥ꤬ꤊꤣꤧ꤭ ꤘꤣ ꤋꤚꤤ ꤢ꤬ꤊꤢꤨ꤭꤯

ꤛꤥ꤭ꤟꤢ꤬ 1:14

ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤢꤩ ꤢ꤬ ꤔꤢꤧ ꤒꤢꤩ꤬ꤜꤢ꤭ꤒꤢꤩ꤬ꤍ꤫ꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤧ꤭ꤓꤝꤢ꤭ ꤟꤢꤨ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤔꤣꤧ꤬ ꤚꤣꤧ꤬ ꤢ꤬ ꤟꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤕꤢꤩ꤬ꤊꤜꤢꤩ꤭꤯ ꤕꤢꤩ꤬ ꤗꤢꤧꤓ꤫ꤣꤧ꤬ꤟꤣꤧ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤜꤢ꤭ ꤥ꤬ꤒꤢꤦ ꤒꤣ꤬ꤖꤚꤢꤩ꤬ꤖꤢꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤕꤜꤤ꤭ ꤡꤣꤧ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ ꤘꤣ ꤢ꤬ꤖꤢꤩ꤭ꤥ꤬ ꤡꤣꤧ꤯ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣ꤬ꤖꤚꤢꤩ꤬꤯

เตเด๊อะโลแถ่ 7:15

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤊꤣꤧ꤬ꤓꤢꤪ꤬ꤥ꤬ ꤔ꤫ꤤ꤬ꤙꤢꤩꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤟꤣꤧ ꤚꤣꤧ꤬ ꤛꤢꤩ꤬ꤞꤤ꤭ ꤗꤢꤩ꤬ ꤟꤣꤧ ꤜꤢꤨ꤭ ꤒꤢꤩ꤬ꤗꤢꤩ꤬ ꤗ꤫ꤢꤪ꤬ꤋꤤꤋꤤ, ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤔꤣꤧ꤬ ꤟꤣꤧ꤯ ꤖꤚꤢꤩ꤬ ꤘꤣ ꤢ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤖꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤜꤥ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤒꤣꤧ꤬ꤊꤢꤪ꤭ꤒꤣꤧ꤬ꤊꤢꤩ꤬ ꤚꤣꤧꤘꤢꤦ꤬ ꤛꤢꤩ꤬ꤞꤤ꤭ ꤕꤢ꤭꤯

เตเด๊อะโลแถ่ 15:5

ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤗꤢꤪꤋꤢꤨ꤬ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤗ꤫ꤢ꤬ꤟꤣꤧ ꤘꤣ ꤒꤢꤩ꤬ꤣ꤭ꤜꤢꤧ꤬ ꤜ꤫ꤢꤩ꤬ꤞꤢꤦ꤬ꤘꤢꤨ꤬ꤊꤢꤨ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤥ꤬ ꤚꤣꤧꤘꤢꤦ꤬ ꤔꤣꤧ꤬ꤒꤣ꤬ꤖꤥ꤬ ꤢ꤬ꤊꤢꤨ꤭ ꤜꤢꤨ꤬ꤗꤥ꤭ꤓꤢꤧ꤬꤯