เตเด๊อะโลแถ่ 13:1 - Eastern Kayah Shadaw Dialect

¹ ꤙꤣꤧꤔꤣꤧ꤬ꤢ꤬ꤋꤢꤩ꤭, ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤒꤣ꤬ꤘꤥ꤭ ꤥ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ꤓꤢꤧ꤬꤯ ꤢ꤬ꤔꤢꤪ꤬ ꤥ꤬ ꤢ꤬ꤖꤢꤧ꤭ꤏꤣꤧ, ꤢ꤬ ꤊꤢꤨ꤬ꤊꤜꤢꤪꤥ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭, ꤢ꤬ꤔꤢꤪ꤬ ꤕꤝꤢ꤭꤮ ꤒꤣ꤬ꤙꤥ꤭ ꤔꤣꤧ꤬, ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤥ꤬ꤜꤢꤪ꤭ꤕꤜꤤ꤭, ꤓꤥ꤭ꤚꤣꤧ꤬ ꤘꤣ ꤢ꤬ꤊꤢꤨ꤬ꤊꤜꤢꤪ ꤕꤝꤢ꤭ꤒꤣ꤬ꤗꤢꤩ꤭ ꤢ꤬ꤜꤥ꤬ꤔꤣꤧ꤬ ꤢꤨ꤭ ꤚꤢ꤭ ꤥ꤬ꤜꤢꤪ꤭ꤕꤜꤤ꤭ ꤜꤢꤨ꤭ꤗꤝꤤ꤭ ꤔꤢꤧ ꤒꤢꤩ꤬ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤔꤣꤧ꤬꤯

ลีเทส่อพ๊าอาเซ เร๊อ เห่ขุทวาลู๊

¹ เบ๊อะเนออาเค, แว แม๊เถอะ เตมีเตแหม่ โตโด โอ่ เด๊อ เทอดุซาวา อากู เร๊อ อา แฮแถ่. อานอ โอ่ แพเช๊อ, อา กู่กล๊อโอ่ โซซว๊าเตเม, อานอ ปว๋า โตโบ เนอ, อา กู๊โก่เท โอ่ลอปลี. โทเรอ เด๊อ อากู่กล๊อ ปว๊าเตเม อาลูเนอ อู รา โอ่ลอปลี ลูมูย เร๊อ เตเป๊อเจ่ออิแช๊ จอแปแหร่ ฮู๊เนอ.

เตเด๊อะโลแถ่ 13:1 ပူးပေါင်းရင်းမြစ်များ

เตเด๊อะโลแถ่ 11:7

ꤙꤣꤧ ꤛꤢꤩ꤬ꤞꤤ꤭ ꤋꤢꤧꤟꤢꤩꤏꤥ꤬ꤜꤥ꤭ ꤓꤥ꤭ꤟꤣꤧ ꤒꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤒꤣ꤬ꤘꤥ꤭ ꤥ꤬ ꤘꤣ ꤋꤚꤢꤪ꤭ꤊꤢꤨ꤭ꤘꤢꤨ꤬ ꤋꤚꤢꤪ꤭ꤊꤢꤨ꤭ꤛꤢꤧ꤭ ꤚꤣꤧ꤬ ꤢ꤬ ꤟꤢꤧ꤭ꤓꤢꤧ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤟꤢꤧ꤭ꤓꤢꤧ꤬ ꤏꤢꤏꤢꤦ꤬ ꤛꤢꤩ꤬ꤞꤤ꤭ ꤣꤧ꤭ꤞꤤꤔꤣꤧ꤭ ꤕꤢ꤭꤯ ꤢ꤬ ꤊ꤫ꤢꤦ꤬ ꤗꤢꤩ꤬ꤕ꤫ꤢꤩ꤬ ꤛꤢꤩ꤬ꤞꤤ꤭ ꤣꤧ꤭ꤞꤤꤔꤣꤧ꤭ ꤚꤣꤧ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤛꤢꤩ꤬ꤞꤤ꤭ ꤕꤢ꤭꤯

เตเด๊อะโลแถ่ 12:3

ꤚꤣꤧ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤋꤥꤒꤣꤧ꤬ꤊꤜꤤ ꤘꤣ ꤢ꤬ꤚꤥ꤬ ꤒꤣ꤬ꤡꤣ꤬ ꤥ꤬ꤜꤥ꤭ꤓꤢꤧ꤬ ꤕ꤫ꤥ꤬ ꤘꤣ ꤗꤢꤪꤜꤢꤩ꤭꤯ ꤚꤣꤧ꤬ ꤕꤜꤢꤧ꤬ꤜꤤ꤬ꤘꤢꤨ꤬ ꤘꤣ ꤢ꤬ ꤊꤢꤨ꤬ꤊꤜꤢꤪꤥ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭, ꤢ꤬ꤔꤢꤪ꤬ ꤥ꤬ ꤢ꤬ꤖꤢꤧ꤭ꤏꤣꤧ ꤚꤣꤧ꤬ ꤢ꤬ ꤊ꤫ꤥ꤬ꤔ꤫ꤤ꤬ ꤜꤢꤪ꤭ ꤊꤢꤨꤊ꤫ꤥ꤬ꤓꤢꤩ꤭ ꤘꤣ ꤢ꤬ ꤊꤢꤨ꤬ꤊꤜꤢꤪꤜꤥ꤬ ꤕꤝꤢ꤭ꤒꤣ꤬ꤗꤢꤩ꤭ ꤡꤣꤧ꤯

เตเด๊อะโลแถ่ 13:11

ꤟꤢꤨꤔꤣꤧ꤬ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ꤚꤥ꤬ ꤒꤣ꤬ꤘꤥ꤭ ꤥ꤬ ꤘꤣ ꤟꤢꤩ꤬ꤜꤢꤩ꤭ ꤟꤢꤧ꤭ꤓꤢꤩ꤬꤯ ꤚꤣꤧ꤬ ꤢ꤬ꤔꤢꤪ꤬ ꤥ꤬ ꤔꤣꤧ꤭ꤖꤢꤧ꤭ ꤚꤣꤧ꤬ ꤢ꤬ꤞꤢꤧꤔꤢꤧ ꤞꤤꤗꤤ꤬ ꤢ꤬ꤔꤢꤪ꤬ ꤔꤣꤧ꤬, ꤓꤥ꤭ꤚꤣꤧ꤬ ꤢ꤬ ꤟꤢꤩꤙꤢꤩ꤬ ꤞꤢꤧꤡꤣꤧꤔꤢꤧ ꤕꤜꤢꤧ꤬ ꤔꤣꤧ꤬ꤒꤣ꤬ꤙꤥ꤭ ꤡꤣꤧ꤯

เตเด๊อะโลแถ่ 13:14

ꤓꤥ꤭ꤚꤣꤧ꤬ ꤘꤣ ꤢ꤬ ꤘꤣꤧꤜꤥ꤭ ꤢ꤬ ꤒꤢꤩ꤬ꤒꤣꤧ꤬ꤊꤜꤤ ꤘꤣ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ꤚ꤫ꤣꤧ꤬ꤔꤣꤧ꤬ ꤒꤣ꤬ꤘꤥ꤭ ꤔꤢꤪ꤭ꤗꤢꤩ꤬ ꤜꤢꤨ꤭ ꤘꤣ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤚꤣꤧꤜꤢꤪ꤭ ꤊꤣꤧ꤬ꤛꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ ꤒꤣꤧ꤬ꤟꤢꤩ꤬꤯ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤭ꤘꤥ꤭ ꤒꤣ꤬ꤘꤥ꤭ꤣꤧ꤭, ꤢ꤬ ꤔꤢꤪ꤭ꤙꤢꤧꤓꤢꤧ꤬ ꤛꤢꤩ꤬ꤞꤤ꤭ ꤖꤚꤢꤩ꤬ꤛꤥ꤬ ꤒꤣ꤬ꤘꤥ꤭ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤊꤢ꤬ꤋꤛꤢ꤭ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ ꤙꤢꤩ꤬ ꤒꤣꤧ꤬ꤗꤢꤩ꤬ꤔꤢꤪ ꤔꤢꤧ ꤔꤢꤩ ꤚꤣꤧ꤬ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤕꤢ꤬ ꤔꤣꤧ꤬ꤒꤣ꤬ꤘꤥ꤭꤯

เตเด๊อะโลแถ่ 13:15

ꤞꤢꤧꤟꤢꤨ ꤖꤚꤢꤩ꤬ꤛꤥ꤬ꤣꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ꤡ꤫ꤢꤧ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤞꤣꤧ꤭ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤭ ꤜꤢꤨ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢꤨ꤭ ꤘꤣꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤭ꤘꤥ꤭ ꤔꤣꤧ꤬ꤒꤣ꤬ꤘꤥ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤢ꤬ ꤊ꤫ꤢꤦ꤬ ꤥꤔꤥ꤭ ꤞꤣꤧ꤭ꤖꤚꤢꤩ꤬ꤡ꤫ꤢꤧ꤬ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ꤚꤥ꤬ ꤔꤣꤧ꤬ ꤒꤣ꤬ꤘꤥ꤭ ꤢ꤬ꤖꤚꤢꤩ꤬ꤛꤥ꤬ ꤔꤣꤧ꤬꤯

เตเด๊อะโลแถ่ 15:2

ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤩ꤬ ꤘꤣ ꤢ꤬ꤞꤢꤧꤔꤢꤧ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤘꤣ ꤢ꤬ꤏꤣꤧꤊꤣꤧ꤬ꤜ꤫ꤣꤧ꤬ ꤏꤤ꤭ꤜꤢꤧ ꤒ꤫ꤣ꤬ꤔꤢꤧ ꤗꤤ꤬ ꤥ꤬ ꤒꤣ꤬ꤖꤢꤩ꤬꤯ ꤠꤢꤧ꤭ ꤗꤢꤧꤓ꤫ꤣꤧ꤬ꤕ꤫ꤥ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤗꤢꤩ꤬ꤕ꤫ꤢꤩ꤬ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ ꤔꤢꤧ ꤢ꤬ꤖꤚꤢꤩ꤬ꤛꤥ꤬, ꤔꤢꤧ ꤢ꤬ꤜꤤ꤬ꤕꤜꤢꤪ꤬ ꤘꤢꤧꤗꤢ ꤛꤢꤩ꤬ꤞꤥ꤭ꤞꤝꤢ ꤔꤢꤧ ꤏꤣꤧ꤭ꤞꤥ꤭ꤞꤝꤢ ꤔꤢꤧ ꤞꤥ꤭ꤞꤝꤢ ꤔꤣꤧ꤬ꤒꤣ꤬ꤘꤥ꤭ ꤛꤢꤩ꤬ꤞꤤ꤭ ꤊꤣꤧ꤬ꤓꤢꤪ꤬ꤥ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤏꤣꤧꤊꤣꤧ꤬ꤜ꤫ꤣꤧ꤬ ꤣꤧ꤭ ꤢ꤬ꤓꤢꤦ꤭ ꤔꤣꤧ꤬, ꤚꤣꤧ꤬ ꤢ꤬ ꤕ꤫ꤢꤦ꤬ꤗꤢ꤬ꤚꤣꤧ ꤜꤢ꤭ꤋꤢꤧ꤭ ꤒꤤ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

เตเด๊อะโลแถ่ 16:13

ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤗꤢꤨꤗ꤫ꤢꤧ꤬ ꤞꤥ꤭ꤘꤥ꤭ ꤘꤣ ꤢ꤬ꤞꤢꤧꤔꤢꤧ ꤘꤤ꤬ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤥ꤬ ꤘꤣ ꤕꤜꤢꤧ꤬ ꤊꤢꤧ꤭ꤊꤢꤨ꤭ ꤔꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤘꤣ ꤢ꤬ꤚ꤫ꤣꤧ꤬ ꤔꤣꤧ꤬ꤒꤣ꤬ꤘꤥ꤭ ꤢ꤬ꤊꤢꤧ꤭ꤊꤢꤨ꤭ ꤔꤢꤧ ꤖꤚꤢꤩ꤬ꤖꤚꤥ꤬ ꤜꤣꤧ꤬ꤟꤥ꤭ ꤗ꤫ꤢ꤬ꤟꤣꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤭ꤘꤥ꤭ ꤒꤣ꤬ꤘꤥ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤢ꤬ꤊꤢꤧ꤭ꤊꤢꤨ꤭ ꤚꤣꤧ꤬ ꤢ꤬ ꤓꤢꤩ꤬꤯

เตเด๊อะโลแถ่ 17:16

ꤢ꤬ꤔꤢꤪ꤬ ꤥ꤬ ꤢ꤬ꤖꤢꤧ꤭ꤏꤣꤧ ꤘꤣ ꤔꤢꤧ꤬ ꤗꤢꤧꤓ꤫ꤣꤧ꤬ ꤓꤥ꤭ꤟꤣꤧ ꤔꤣꤧ꤬ ꤔꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤬ꤒꤣ꤬ꤘꤥ꤭ ꤊ꤫ꤢꤦ꤬ ꤞꤤꤒꤣꤧ꤬ꤋꤥ꤭ꤊꤢꤧ꤭ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤖꤛꤢꤖꤢꤩ꤬ꤊꤢꤧ꤭ ꤜꤢꤪ꤭ꤖꤢꤩ꤬ ꤜꤢꤨ꤭ ꤜꤢꤪ꤭ ꤒꤢꤩ꤬ ꤘꤣ ꤢ꤬ꤥ꤬ ꤔꤢꤧ ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤔꤢꤪ꤭ ꤥ꤬ꤊ꤫ꤢ꤬ꤊꤜꤥ꤬ꤊꤢꤧ꤭ ꤜꤢꤨ꤭ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤢꤩ꤬ꤊꤢꤧ꤭ ꤜꤢꤨ꤭ꤛꤢ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤏꤢꤦꤢꤦ꤭ꤊꤢꤧ꤭ ꤜꤢꤪ꤭ ꤜꤢꤨ꤭ ꤔꤢꤧ ꤗꤤ꤬ ꤕꤢ꤭꤯

เตเด๊อะโลแถ่ 17:3

ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤗꤢꤩ꤬ꤡꤝ꤫ꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤢꤩꤡꤝꤢ ꤠꤢꤧ꤭ ꤘꤣ ꤊ꤫ꤢꤩ꤬ꤏꤢꤩ꤭ꤓꤣꤧ꤭ꤊꤢꤧ꤬ ꤜ꤫ꤢꤪ꤬ꤒꤣꤧ꤬ꤗꤢꤋꤢꤨ꤬ ꤒꤣ꤬ꤖꤥ꤬꤯ ꤠꤢꤧ꤭ ꤡꤝꤢ ꤙꤣꤧꤔꤣꤧ꤬ ꤒꤣ꤬ꤖꤥ꤬ ꤚꤣꤧ꤬ ꤠꤢꤧ꤭ ꤡꤝꤢꤗꤢꤧꤓ꤫ꤣꤧ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤥ꤬ꤔꤢꤧ꤭ꤥ꤬ ꤘꤣ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤜꤤ꤬ꤊꤣꤧ꤬ꤞꤝꤤ ꤔꤣꤧ꤬ꤒꤣ꤬ꤘꤥ꤭ ꤢ꤬ꤋꤢꤨ꤬꤯ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ ꤢ꤬ꤔ꤫ꤢꤩ꤬ꤜꤥ꤬ ꤒꤣ꤬ꤖꤚꤢꤩ꤬ ꤜꤢꤪ꤭ꤔꤣꤧ꤬, ꤢꤨ꤭ ꤚꤢ꤭ ꤥ꤬ ꤜꤢꤪ꤭ꤕꤜꤤ꤭ ꤔꤢꤧ ꤗꤝꤤ꤭ ꤚꤣꤧ꤬ ꤢꤨ꤭ ꤚꤢ꤭ ꤥ꤬ ꤢ꤬ꤗꤝꤤ꤭ ꤔꤢꤧ ꤢ꤬ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤔꤣꤧ꤬꤯ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ ꤔꤣꤧ꤬, ꤢ꤬ꤊꤢꤨ꤬ꤊꤜꤢꤪ ꤥ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤚꤣꤧ꤬ ꤢ꤬ꤔꤢꤪ꤬ ꤥ꤬ ꤡꤣꤧ ꤖꤢꤧ꤭ꤏꤣꤧ ꤡꤣꤧ꤯

เตเด๊อะโลแถ่ 17:5

ꤘꤣ ꤢ꤬ ꤗꤢ꤭ꤓꤢꤩꤜꤥ꤬ ꤔꤣꤧ꤬, ꤢꤨ꤭ ꤚꤢ꤭ꤥ꤬ ꤜꤢꤨ꤭ꤗꤝꤤ꤭ ꤘꤣ ꤢ꤬ꤥ꤬ ꤔꤢꤧ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤘꤢꤪꤥꤘꤢꤪꤙꤤ ꤒꤣ꤬ꤕꤜꤢꤪ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤠꤤ꤭ꤘꤢꤨ꤬ ꤙꤢ꤬ꤙꤢꤨ꤬ꤜꤥ꤬ ꤗ꤫ꤢ꤬ꤟꤣꤧ ꤜꤢꤪ꤭ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤗ꤫ꤥ꤬,” ꤢꤨ꤭ ꤚꤢ꤭ꤥ꤬ ꤟꤢꤨꤔꤣꤧ꤬꤯

เตเด๊อะโลแถ่ 19:19

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤔꤣꤧ꤬ꤒꤣ꤬ꤘꤥ꤭ ꤔꤢꤧ ꤟꤢꤩ꤬ꤋꤢꤨ꤬ ꤋꤝꤤꤡꤢꤪꤖꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤥ꤬ꤕꤜꤢꤪꤒ꤫ꤣ꤬ ꤜꤢꤪ꤭ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤏꤢ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ ꤒꤣꤧ꤬ꤞꤤ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ ꤢ꤬ꤊꤜꤣꤧ꤭ꤟꤢꤨ ꤔꤣꤧ꤬ꤒꤣꤧ꤬ꤟꤢꤩ꤬꤯