ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤔ꤫ꤤ꤬ꤘꤢ꤭ ꤕꤢꤩ꤬ ꤒꤢꤩ꤬ꤟꤢꤩꤙꤢꤩ꤬ ꤣꤧ꤭ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ꤗꤝꤤ꤭ ꤔꤢꤧ ꤗꤢꤪ꤬ꤜꤢꤩꤘꤤ꤬ꤛꤣ꤬, ꤢ꤬ ꤗꤢ꤬ ꤠꤤ꤭ꤞꤝꤢ꤬ꤒꤤꤚꤢ꤬ꤖꤢꤨ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤤ꤬ꤏꤢꤩ꤭ ꤤ꤬ꤊꤢꤩ꤭ ꤜꤤ꤬ꤜꤢꤪꤞꤢꤪ꤭ ꤍꤢꤨ꤬ꤘꤢꤨ꤬ ꤒꤣꤧ꤬ꤟꤢꤩ꤬꤯ ꤢ꤬ ꤗꤢ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤡꤢꤪꤗꤣꤧ꤬ꤚꤢꤧ꤬꤯ ꤚꤣꤧ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ꤊꤣꤧ꤭ ꤋꤢꤨ꤭ꤕꤢꤪꤜꤢꤨ ꤢ꤬ ꤒꤢꤩ꤬ꤘꤥ꤬ꤔꤢꤧ꤭ꤟꤢꤩꤙꤢꤩ꤬ ꤕ꤫ꤢꤩ꤬ ꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤙꤢꤗꤥ꤭ ꤕ꤫ꤢꤩ꤬ ꤜꤢꤨ꤭ꤞꤤꤕꤜꤢꤪ꤬꤯
เตเด๊อะโลแถ่ 1:11 - Eastern Kayah Shadaw Dialect11 ꤍ꤫ꤥ꤬ꤖꤚꤢ꤬ꤓꤢꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤚꤢ꤭ꤗꤢꤚꤢ꤭ꤒꤢꤩ꤭ ꤒꤢꤩ꤬ꤘꤣ ꤔꤢꤧ꤬ ꤗꤢꤧꤓ꤫ꤣꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤞꤢꤨ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤞꤥ꤭ꤞꤝꤢꤒꤣ꤬ꤗꤢꤨ꤬ ꤘꤣ ꤢ꤬ ꤗ꤫ꤢ꤬ꤘꤢꤦ꤬ ꤢꤩꤖꤢꤩꤎꤢꤨ꤬, ꤎꤢ꤬ꤗꤢꤨꤚꤢ꤬ꤔꤢ, ꤕꤢꤩ꤬ꤊꤢ꤬ꤗꤢꤨ, ꤞꤝꤢ꤬ꤒꤤꤚꤢ꤬, ꤎꤢ꤬ꤘꤤ, ꤖꤤ꤬ꤜꤢ꤬ꤘꤢꤩꤜꤢ꤬ꤖꤤ, ꤜꤢꤪꤘꤤ꤬ꤊꤤ꤬ ꤘꤣ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ ꤞꤥ꤭ꤞꤝꤢꤒꤣ꤬ꤠꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ꤔꤣꤧ꤬꤯” အခန်းကိုကြည့်ပါ။ลีเทส่อพ๊าอาเซ เร๊อ เห่ขุทวาลู๊11 โหง่พราแถ่ เร๊อ อา เฮ๊ เน๊อ, “ราม๊าราแด เตเด๊อ เน แม๊เถอะ เนอเต๊เห่. โทเรอ ซูจว๊าเป่ ลีเออ เด๊อ เพรหยื่อเอ่ตู๊หมู่ตอกล๊อ โซซว๊าตู๊หมู่ เด๊อ อา หม่าดื่อ วีเอเฟซัส, วีสเมอร์นา, วีเปอร์กามัน, วีธิยาทิรา, วีซาร์ดิส, วีฟีลาเดลเฟีย, วีเลาดีเซีย เด๊อ อา โอ่ แลแค เด๊อ วี โซซว๊าเตอวี เออเต๊เห่ อากูเนอ.” အခန်းကိုကြည့်ပါ။ |
เตเด๊อะโลแถ่ 1:11
37 ပူးပေါင်းရင်းမြစ်များ
ꤙꤣꤧ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ ꤣꤧ꤭ꤔꤣꤧ꤬, ꤠꤢꤧ꤭ ꤋꤢꤧꤙꤢꤩ꤬ ꤔꤢꤧ꤬ꤡꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ꤞꤤꤟꤢ꤭ ꤠꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤤꤛ꤫ꤢꤦ꤬ ꤢꤩ꤬ ꤠꤢꤧ꤭ꤛꤢ꤬ ꤔꤣꤧ꤬ꤗꤢ꤬ ꤢ꤬ ꤞꤢꤧꤡꤣꤧꤔꤢꤧ ꤒꤢꤩ꤬ꤗꤤ꤬ꤒꤢꤩ꤬ꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤡꤣꤧ꤯ ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤞꤣꤧ꤭ꤓꤥ꤭ ꤒꤣꤧ꤬ꤟꤢꤩ꤬ ꤊꤢꤩ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤕꤢ꤬ꤒꤥ꤬ ꤊꤢꤩ꤬ꤟꤢꤩꤚꤣꤧ꤬, ꤠꤢꤧ꤭ ꤡꤝꤢ ꤋꤢꤧꤞꤤꤕꤜꤢꤪ꤬ꤓꤢꤨ꤭, ꤋꤢꤧꤡꤢ꤭ꤋꤢꤧꤡꤢꤦ꤬ ꤊꤣꤧ꤬ꤒꤢꤩ꤮ ꤣꤧ꤭ ꤗꤢꤩ꤬ꤒꤢꤩ꤭? ꤊꤢꤩ꤬ ꤢꤨ꤭ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤕꤢ꤬ ꤒꤥ꤬ ꤊꤢꤩ꤬ꤟꤢꤩꤚꤣꤧ꤬, ꤢ꤬ꤚꤢꤧꤜꤣ ꤗꤢ꤬ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤗꤥ꤬ꤗꤢꤩ꤬ꤖꤝꤤ꤭ ꤕꤢꤩ꤬ꤔ꤫ꤢꤩ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤊꤣꤧ꤭ ꤟꤢꤨ ꤢꤨ꤭ ꤟꤢꤩꤥ꤬ ꤍ꤫ꤥ꤬ ꤒꤣ꤬ꤗꤢꤦ꤭ ꤔꤢꤧ, “ꤕꤣꤧꤚꤥ꤬ꤕꤢ꤭ ꤗꤢ꤬ ꤕꤢꤩ꤬ ꤞꤣꤧ꤭ ꤟꤣꤧ ꤕꤢ꤭ ꤟꤢꤧ꤭꤮, ꤚꤣꤧ꤬ ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤕꤥ꤮, ꤗꤢꤩ꤬ꤗꤥ꤬ꤗꤢꤩ꤬ꤖꤝꤤ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤕꤢꤩ꤬ꤔ꤫ꤢꤩ꤬ ꤕꤥ꤮꤯” ꤍ꤫ꤥ꤬ ꤘꤥ꤬ꤔꤢꤧ꤭ ꤥ꤬ ꤟꤢꤨꤔꤣꤧ꤬꤯
ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤪꤜꤢꤨ꤯ ꤡꤢꤪꤗꤣꤧ꤬ꤚꤢꤧ꤬ ꤞꤤꤕꤜꤢꤪ꤬ꤥ꤬ ꤘꤣ ꤠꤢꤧ꤭ ꤊ꤫ꤢꤦ꤬ ꤓꤝꤢ꤭ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ꤒꤣ꤬ꤙꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤚꤣꤧ꤬, ꤞꤤ꤭ ꤠꤤ꤭ꤊꤢꤧ꤭ ꤞꤤ꤭ ꤒꤢꤩ꤬ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤥ꤬꤯
ꤙꤣꤧ ꤠꤢꤧ꤭ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤗꤢꤧ꤬ꤎꤤ꤬ꤘꤥꤔꤤ꤬ꤛꤢ꤬ꤊ꤫ꤢꤩ꤬ ꤢ꤬ꤋꤢꤩ꤭, ꤟꤢꤨ ꤠꤢꤧ꤭ ꤔꤢꤪ꤭ꤥ꤬ ꤒꤣꤧ꤬ꤘꤢꤦ꤬ ꤓꤥ꤭ꤟꤣꤧ ꤔꤢꤧ꤬ ꤙꤣꤧ ꤠꤤ꤭ꤢꤩꤖꤢꤩꤎꤢꤨ꤬ ꤢ꤬ꤊꤢꤨ꤭ꤔꤣꤧ꤬, ꤚꤣꤧ꤬ ꤥ꤬ ꤒꤣꤧ꤬ꤘꤢꤦ꤬ ꤟꤢꤧ꤭ꤑꤢꤩ꤭ꤕ꤫ꤥ꤬ ꤊꤥꤚꤣꤧ ꤙꤣꤧꤔꤣꤧ꤬ ꤔꤤ꤮꤯ ꤊꤣꤧ꤬ꤛꤢꤧ꤭ ꤥ꤬ ꤙꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤜꤢ꤭ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤘꤣ ꤢ꤬ꤚꤥ꤬ ꤚꤣꤧ꤬ ꤢ꤬ꤞꤢꤦ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤔꤢꤧ꤬ ꤙꤢꤩ꤬ ꤟꤢꤩꤒꤢ꤭ꤏꤢꤪ꤭ ꤔꤢꤧ꤬ꤍ꤫ꤥ꤬ ꤔꤢꤧ ꤔꤢꤪ꤭ꤥ꤬ꤊꤥꤊꤢꤧ꤭ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯
ꤏꤢꤩ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤘꤣ ꤔꤢꤧ꤬ ꤗꤢꤧꤓ꤫ꤣꤧ꤬ ꤢ꤬ ꤥ꤬ ꤘꤣ ꤠꤢꤧ꤭ ꤊꤢꤨꤋꤢꤨ꤬ ꤡꤢꤓꤝꤢ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤔꤢꤧ ꤗꤤ꤬ꤊꤢꤪ꤭ꤓꤢꤩ꤭ ꤞꤥ꤭ꤞꤝꤢꤒꤣ꤬ꤗꤢꤩ꤭ꤣꤧ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ ꤗꤢ꤬ ꤟꤢꤨꤒꤢꤩ꤭ꤟꤢꤩꤚꤣꤧ꤬ ꤏꤢꤩ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤞꤥ꤭ꤞꤝꤢꤒꤣ꤬ꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤚꤣꤧ꤬ ꤗꤤ꤬ꤊꤢꤪ꤭ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤗꤢ꤬ ꤗ꤫ꤢ꤬ꤟꤣꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤞꤥ꤭ꤞꤝꤢꤒꤣ꤬ꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯”
ꤠꤢꤧ꤭ ꤗꤢ꤬ ꤋꤢꤨ꤭ꤛꤥ꤭ꤟꤢ꤬꤯ ꤠꤢꤧ꤭ ꤚꤢ꤭ꤡꤝꤢ ꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤞꤥ꤭ꤞꤝꤢꤒꤣ꤬ꤗꤢꤨ꤬ ꤘꤣ ꤢ꤬ ꤥ꤬ ꤘꤣ ꤢ꤬ꤏꤛꤢꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭, ꤓꤥ꤭ꤒꤥ꤬ ꤊꤢꤨꤔ꤫ꤢꤧ꤬ꤋꤢꤩ꤭ ꤗꤢ꤬ ꤢ꤬ ꤞꤣꤧ꤭ꤖꤚꤢꤩ꤬ꤖꤚꤢꤩ꤬, ꤔꤥ꤬ꤕꤢ꤭ ꤗꤢ꤬ ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤘꤣ ꤢ꤬ ꤥ꤬ ꤘꤣ ꤜꤢꤨ꤭ ꤊꤢꤨ꤬ꤊꤜꤢꤧꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤔꤢꤧ ꤢ꤬ ꤒꤢꤩ꤬ꤞꤥ꤬ꤒꤢꤩ꤬ꤋꤚꤢꤩ꤭ ꤣꤧ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤘꤢꤦ꤬ ꤔꤤ꤮꤯
ꤓꤥ꤭ꤚꤣꤧ꤬ ꤠꤢꤧ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤖꤚꤢ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤚꤢ꤭ꤗꤢꤊꤢꤧ꤭ ꤣꤧ꤭ꤔꤣꤧ꤬, ꤡꤢꤓꤢꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ ꤔꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯” ꤙꤢꤧ꤬ꤡꤢꤩ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤩ ꤔꤢꤧ, “ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤊꤥꤊꤢꤧ꤭ ꤜꤢ꤭ꤋꤢꤧ꤭ ꤟꤣꤧ ꤘꤣ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤔꤢꤧ ꤢ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭ ꤟꤣꤧ꤯ ꤓꤥ꤭ꤒꤥ꤬ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤋꤚꤝꤢ꤭ꤊꤣꤧ꤭ ꤛꤢꤩ꤬ꤞꤤ꤭ꤋꤛꤢ꤭ ꤕꤢ꤭꤯”
“ꤚꤢ꤭ꤡꤝꤢ ꤜꤤ꤬ꤣꤧ꤭ ꤘꤣ ꤢꤩꤖꤢꤩꤎꤢꤨ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤥ꤬ ꤔꤣꤧ꤬,” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ꤚꤣꤧ ꤏꤢꤩ꤬ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤘꤣ ꤢ꤬ꤊꤢꤨꤋꤢꤨ꤬ ꤡꤢꤓꤝꤢ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤡꤝꤢ ꤘꤣ ꤗꤤ꤬ꤊꤢꤪ꤭ꤓꤢꤩ꤭ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤢ꤬ꤊꤜꤢꤩ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤥ꤬ ꤚꤣꤧ꤬ ꤢ꤬ ꤚꤢ꤭ꤡꤝꤢꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨꤣꤧ꤭,
“ꤚꤢ꤭ꤡꤝꤢ ꤜꤤ꤬ꤣꤧ꤭ꤔꤣꤧ꤬ ꤘꤣ ꤞꤝꤢ꤬ꤒꤤꤚꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤥ꤬ꤔꤣꤧ꤬,” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤢ꤬ꤥ꤬꤯ ꤢ꤬ ꤕꤣꤧꤞꤢꤩ꤬ꤕꤜꤢꤪ꤬ ꤔꤣꤧ꤬ ꤢ꤬ ꤊꤢꤧ꤭ꤒꤣꤧ꤬ꤞꤥ꤭ ꤞꤢꤧꤡꤣꤧꤔꤢꤧ ꤗꤤ꤬ꤔꤣꤧ꤬, ꤢ꤬ ꤋꤢꤧꤘꤥ꤬ꤔꤣꤧ꤬, ꤢ꤬ ꤒꤣꤧ꤬ꤋꤣꤧ꤬ꤒꤣꤧ꤬ꤋꤢꤩ꤭ ꤞꤢꤧꤡꤣꤧꤔꤢꤧ ꤒꤣꤧ꤬ꤜꤤ꤭ꤙꤢꤧ꤭ ꤘꤣ ꤢꤨ꤭ ꤓꤢꤦꤕꤜꤢꤧꤜꤤ꤬ꤏꤤ ꤢ꤬ꤔꤣꤧ꤬ ꤡꤣꤧ꤯
ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤞꤝꤢ꤬ꤒꤤꤚꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ ꤥ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤢꤨ꤭ ꤖꤚꤢꤩ꤬ꤗꤢꤪ꤬ ꤡꤢꤩ꤬ꤎꤢ꤬ꤙꤢꤩꤜꤢ꤬ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤘꤣ ꤢꤨ꤭ ꤢꤩ ꤔꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ꤒꤢꤩ꤬ ꤘꤢꤪꤥꤘꤢꤪꤙꤤ ꤢ꤬ꤘꤢꤨ꤬ꤢ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤒꤥ꤬꤯ ꤠꤢꤧ꤭ ꤘꤢꤧ꤬ꤓꤢꤧ꤬ꤕꤢ꤬ ꤔꤢꤧ ꤒꤢꤩ꤬ꤠꤤꤒꤢꤩ꤬ꤛꤢꤧ ꤘꤣ ꤞꤤ꤭ꤜꤥ꤬ ꤒꤣ꤬ꤡꤣ꤬꤮ ꤒꤥ꤬꤯
“ꤠꤢꤧ꤭ ꤗꤢ꤬ ꤛꤢꤩ꤬ꤏꤛꤢꤨ꤯ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤥ꤬ ꤜꤥ꤭ꤕ꤫ꤢꤩ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤞꤢꤨ꤭ꤜꤢꤧ꤬ ꤕ꤫ꤢꤩ꤬ ꤞꤤ꤭ ꤠꤢꤧ꤭ ꤒꤣꤧ꤬ꤔꤢꤩꤖꤢꤨ ꤟꤣꤧ꤯ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤊꤜꤝꤤ꤭ꤜꤢꤧ꤭ ꤗꤢ꤬ ꤗ꤫ꤢ꤬ꤟꤣꤧ ꤋꤢꤨ꤭ꤘꤢ꤬ꤠꤤ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤊꤣꤧ꤬ꤜꤢꤧ꤬ ꤔꤣꤧ꤬ ꤒꤣ꤬ꤗ꤫ꤥ꤬ꤒꤣ꤬ꤊꤜꤢꤪ ꤟꤣꤧ꤯ ꤠꤢꤧ꤭ ꤗꤢ꤬ ꤏꤢꤩ꤬ꤒ꤫ꤢꤪ꤬ꤚꤥ꤬ ꤘꤣ ꤢ꤬ ꤜꤤ꤭ꤒꤣꤧ꤬ꤋꤢꤩ꤭ꤒꤣꤧ꤬ꤞꤥ꤭ ꤔꤣꤧ꤬ꤒꤣ꤬ꤗꤢꤩ꤭ ꤟꤣꤧ꤯”
“ꤚꤢ꤭ꤡꤝꤢ ꤜꤤ꤬ꤣꤧ꤭ ꤘꤣ ꤎꤢ꤬ꤘꤤ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤥ꤬ ꤔꤣꤧ꤬,” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤖꤚꤢꤩ꤬ ꤘꤣ ꤢ꤬ ꤕꤣꤚꤣꤧ ꤢ꤬ ꤛ꤫ꤢꤧ꤬ꤛꤥ꤬ ꤣꤧ꤭ꤞꤥ꤭ꤞꤝꤢꤒꤣ꤬ꤗꤢꤩ꤭ ꤘꤣ ꤢ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤏꤢꤩ꤬ꤣꤧ꤭ ꤞꤥ꤭ꤞꤝꤢꤒꤣ꤬ꤗꤢꤩ꤭ ꤢ꤬ꤥ꤬꤯ ꤔꤢꤧ꤬ ꤗꤢꤩ꤬ꤋꤚꤢꤧ꤮ ꤤ꤬ꤒꤢꤩ꤭ ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤑꤢꤩ꤭꤯ ꤔꤢꤧ꤬ ꤥ꤬ꤞꤣꤧ꤭ꤖꤚꤢꤩ꤬ ꤡꤢꤪꤜꤢ꤭ ꤔꤢꤧ ꤠꤢꤧ꤭ ꤢꤨ꤭ ꤟꤢꤩ ꤟꤢꤨꤔꤣꤧ꤬ ꤒꤣꤧ꤬ꤘꤢꤦꤚꤣꤧ꤬ ꤔꤢꤧ꤬ ꤋꤚꤝꤢ꤭ ꤠꤢꤧ꤭ꤋꤛꤢ꤭ ꤒꤥ꤬, ꤔꤢꤧ꤬ ꤞꤢꤧꤖꤢꤧꤔꤢꤧ ꤊꤣꤧ꤬ꤛꤢꤧ꤭ꤞꤣꤧ꤭꤯
“ꤚꤢ꤭ꤡꤝꤢ ꤜꤤ꤬ꤣꤧ꤭ ꤘꤣ ꤜꤢꤪꤘꤤ꤬ꤊꤤ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤥ꤬ ꤔꤣꤧ꤬,” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤢꤨ꤭ ꤢꤩ ꤔꤢꤧ, ‘ꤢ꤬ꤗꤢꤩ꤬’ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤥ꤬꤯ ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤤꤕꤜꤢꤪ꤬ꤡꤢꤪ ꤚꤣꤧ꤬ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤙꤢꤧꤒꤢ꤭ ꤘꤤ꤭ꤒ꤫ꤢꤦ꤬ ꤜꤢꤪ꤭ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤖꤢꤧ꤯
“ꤚꤢ꤭ꤡꤝꤢ ꤜꤤ꤬ꤣꤧ꤭ ꤘꤣ ꤖꤤ꤬ꤜꤢ꤬ꤘꤢꤩꤜꤢ꤬ꤖꤤ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤥ꤬ ꤔꤣꤧ꤬,” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤖꤚꤢꤩ꤬ ꤘꤣ ꤢ꤬ꤖꤥꤢ꤬ꤏꤣꤧ ꤢ꤬ꤡꤢꤪꤢ꤬ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤥ꤬꤯ ꤢ꤬ ꤕ꤫ꤢꤦ꤬ꤗꤢ꤬ꤥ꤬ ꤚꤣꤧ ꤋꤝꤤꤘꤢ꤬ꤠꤤ꤬ ꤢ꤬ꤞꤢꤪ꤭ꤓꤤ꤬꤯ ꤙꤣꤧ ꤢ꤬ ꤙꤢꤗꤥ꤭ ꤊꤣꤧ꤬ꤘꤢ꤭ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤗꤢꤩ꤬ꤙꤤꤡ꤫ꤢꤧ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤚꤣꤧ꤬ ꤙꤣꤧ ꤢ꤬ ꤗꤢꤩ꤬ꤙꤤ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤙꤢꤗꤥ꤭ꤡ꤫ꤢꤧ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯
ကြော်ငြာတွေ