ฟีลิปปี 4:5 - Eastern Kayah Shadaw Dialect

⁵ ꤔꤢꤧ꤬ ꤞꤤꤕꤜꤢꤪ꤬ ꤞꤤꤘꤥ꤭ꤞꤤꤍꤢ꤬ ꤣꤧ꤭ꤔꤣꤧ꤬ ꤔꤢꤪ꤭ꤗꤢꤧꤓ꤫ꤣꤧ꤬ ꤜꤢꤪ꤭ ꤔꤢꤧ ꤢꤨ꤭ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮꤯ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤔꤣꤧ꤬ ꤢ꤬ꤖꤢꤦ꤬ꤜꤢ꤭ꤟꤣꤧ꤯

ลีเทส่อพ๊าอาเซ เร๊อ เห่ขุทวาลู๊

⁵ เน ซิปล่อ ซิโดซิงา เออเนอ นอแม๊เถอะ ลอ เร๊อ อูปวา เตเพร นี๋. แบ่เจ่ เตเร แฮโน อาผื่อลาเฮ๊อ.

ฟีลิปปี 4:5 ပူးပေါင်းရင်းမြစ်များ

มัทธิว 6:25

“ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤟꤢꤩ ꤞꤤ꤭, ꤙꤢꤩ꤬ꤊ꤫ꤢꤨ꤬ꤙꤢꤩ꤬ꤊꤢꤧ꤭ ꤒ꤫ꤢꤧ꤬ ꤘꤣ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬꤯ ꤘꤣ ꤞꤤ꤭ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤢ꤬ꤑꤢꤩ꤭ ꤙꤢꤩ꤬ꤙꤢꤩ꤬, ꤞꤤ꤭ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤢ꤬ꤑꤢꤩ꤭ ꤙꤢꤩ꤬ꤙꤢꤩ꤬, ꤊ꤫ꤢꤨ꤬ꤊꤢꤧ꤭ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬꤯ ꤕꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤔꤣꤧ꤬ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤔꤢꤧ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤗ꤫ꤢ꤬ꤒꤥ꤬ ꤟꤢꤧ꤭? ꤕꤢꤩ꤬ ꤔ꤫ꤢꤩ꤬ꤊꤜ꤫ꤢꤪ꤬ꤣꤧ꤭ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤔꤢꤧ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤗ꤫ꤢ꤬ꤒꤥ꤬ ꤟꤢꤧ꤭?

ꤒꤤꤒꤢꤨ 3:2

ꤘꤣꤧ ꤞꤤꤔ꤫ꤢꤩ꤬ꤓꤢꤧ꤬ ꤕ꤫ꤥ꤬ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤔꤢꤧ ꤔꤢꤪ꤭ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤔꤢꤪ꤭ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤊꤛꤢꤜꤢꤨ꤭ꤒꤣꤧ꤬ꤍꤢ꤭ꤜꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤓꤥ꤭ꤚꤣꤧ꤬ ꤔꤢꤪ꤭ꤥ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤞꤤꤕꤜꤢꤪ꤬ ꤞꤤꤘꤥ꤭ꤞꤤꤍꤢ꤬, ꤚꤣꤧ꤬ ꤔꤢꤪ꤭ꤘꤣꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤞꤤ꤭ ꤢ꤬ꤒꤢꤩ꤬ꤋꤢꤧꤞꤤꤘꤥ꤭ ꤢ꤬ ꤒꤢꤩ꤬ꤏꤢꤧ꤬ꤜꤢꤧ꤬ ꤢ꤬ꤞꤤꤕꤜꤢꤪ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤢꤨ꤭ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮꤯

ꤟꤤꤙꤚꤢꤨ 10:37

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤑꤢ꤭ꤒꤢꤧ꤬ꤒꤥ꤬ ꤕꤢ꤭ꤔꤣꤧ꤬, ꤖꤚꤢꤩ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤣꤧ꤭ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤟꤢꤧ꤭ꤜꤢꤧ꤬ ꤕꤢ꤭, ꤢ꤬ ꤗꤢꤩ꤬ꤋꤢꤪ꤭ꤗꤢꤩ꤬ꤛꤢꤪ꤭ ꤕꤢ꤬ꤒꤥ꤬꤯

เปโตร อาเหร่อเล๊อ ต๊าบ่า 4:7

ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤢ꤬ ꤊ꤫ꤢꤦ꤬ꤚꤢꤩ꤭ ꤒꤣꤧ꤬ꤘꤢꤦ꤬ꤊꤢꤧ꤭ꤟꤣꤧ ꤔꤣꤧ꤬ ꤢ꤬ ꤟꤢꤧ꤭ꤒ꤫ꤥ꤬ ꤖꤢꤦ꤬ꤟꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤢꤧꤟꤢꤨ ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ꤙꤢꤩ ꤊꤣꤧ꤭ꤢꤨ꤭ ꤔꤣꤧ꤬, ꤥ꤬ꤞꤢ꤬ꤞꤢꤩ꤭ ꤊꤣꤧ꤭ ꤜꤢ꤭ꤋꤢꤧ꤭ ꤚꤣꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬, ꤓꤥ꤭ꤒꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤏꤢ꤭ꤖꤚ꤫ꤢꤩ꤬ ꤊꤣꤧ꤭ ꤜꤢ꤭ꤋꤢꤧ꤭ ꤔꤤ꤮꤯

โครินธ์ อาเหร่อเล๊อ ต๊าบ่า 6:7

ꤘꤣ ꤞꤤ꤭ ꤔꤢꤧ ꤞꤤ꤭ ꤡꤝꤢ ꤢꤩꤓꤢꤧ꤬ ꤟꤢꤩꤙꤢꤩ꤬ ꤜꤢꤨ꤭ ꤘꤣ ꤊꤣꤧ꤬ꤛꤢꤧ꤭ꤘꤢꤨ꤬ ꤟꤤ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤜꤥ꤭ ꤟꤣꤧ ꤔꤢꤧ ꤞꤤ꤭ ꤜꤣꤧ꤬ꤡ꤫ꤢꤨ꤬ꤊꤢꤧ꤭ ꤜꤢꤪ꤭ꤜ꤫ꤢ꤬ꤒꤣꤧ꤬ꤊꤜꤤ꤬ ꤟꤣꤧ꤯ ꤞꤤ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤕ꤫ꤢꤩ꤬ꤊꤢꤧ꤭ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤘꤣ ꤢ꤬ ꤗꤢꤩ꤬ꤞꤢꤦ ꤞꤤ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ꤚꤢꤧ ꤒꤣꤧ꤬ꤕꤜꤢꤩ꤬꤮ ꤜꤣ ꤒꤥ꤬ ꤟꤢꤧ꤭? ꤞꤤ꤭ ꤕꤜꤝꤢ꤭ ꤞꤢꤨ꤬ꤊꤢꤧ꤭ ꤞꤤ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ꤚꤢꤧ ꤒꤣꤧ꤬ꤕꤜꤢꤩ꤬꤮ ꤜꤣ ꤕꤢ꤬ ꤡꤣꤧ ꤔꤢꤧ ꤞꤤ꤭ ꤢꤩꤓꤢꤧ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤘꤣ ꤊꤣꤧ꤬ꤛꤢꤧ꤭ꤘꤢꤨ꤬ ꤢ꤬ꤟꤤ꤬ ꤔꤣꤧ꤬ ꤡꤣꤧ꤯

ꤟꤤꤙꤚꤢꤨ 10:25

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢ꤬ ꤠꤤ꤭ꤊꤢꤧ꤭ ꤒꤢꤩ꤬ꤡꤢꤪꤙꤢꤩ꤭ ꤒ꤫ꤣ꤬ꤚ꤫ꤥ꤬ꤜꤢꤨ꤭ ꤒꤣꤧ꤬ꤟꤢꤩ꤬, ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤚꤣꤧ꤬, ꤠꤤ꤭ꤊꤢꤧ꤭ ꤊꤣꤧ꤭ ꤒ꤫ꤢꤧ꤬ ꤢꤨ꤭ ꤕꤢꤩ꤬ ꤜ꤫ꤢꤩ꤬ꤊꤜꤥ꤭ ꤡꤢꤪꤙꤢꤩ꤭ ꤒ꤫ꤣ꤬ꤜꤢꤨ꤭ꤣꤧ꤭ ꤟꤢꤨ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤠꤤ꤭ꤊꤢꤧ꤭ ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤕꤢꤩ꤬ ꤊ꤫ꤢꤦ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤚ꤫ꤥ꤬ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤥ꤮꤯ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ꤋꤛꤢ꤭ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤣꤧ꤭ꤔꤣꤧ꤬ ꤢ꤬ ꤖꤢꤦ꤬ꤓꤢꤧ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤜꤢꤦ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤏꤝꤢ꤬ꤜꤣ ꤚꤣꤧꤘꤢꤦ꤬ ꤜꤣ ꤕ꤫ꤥ꤬ ꤡꤣꤧ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤕꤥ꤮꤯

เตเด๊อะโลแถ่ 22:7

ꤛꤢꤩ꤬ꤏꤛꤢꤨ ꤟꤢꤩ ꤔꤢꤧ, “ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭꤮, ꤠꤢꤧ꤭ ꤟꤢꤧ꤭ꤜꤢꤩ ꤕꤢ꤭, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤖꤚꤢꤩ꤬ꤖꤚꤥ꤬ꤍ꤫ꤥ꤬ ꤘꤣ ꤢ꤬ ꤟꤢꤩꤙꤢꤩ꤬ꤊꤢꤧ꤭ ꤘꤣ ꤜꤤ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬꤯”

โครินธ์ อาเหร่อเล๊อ ต๊าบ่า 8:13

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤘꤣ ꤠꤢꤧ꤭ ꤢꤩ꤬ ꤤ꤬ꤛꤢ꤬ ꤋꤝꤢ꤬ꤋꤛꤢ꤭ꤚꤣꤧ꤬ ꤢ꤬ ꤊꤢꤩ꤬ ꤘꤣꤧꤓꤝꤢ꤭ꤓꤢꤧ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ ꤒꤢꤩ꤬ꤜꤣꤧ꤬ꤋꤢꤦꤜꤣꤧ꤬ꤜꤢꤪ꤭ ꤊꤢꤩ꤬ꤟꤢꤩꤔꤣꤧ꤬, ꤠꤢꤧ꤭ ꤢꤩ꤬ ꤕꤢ꤬ ꤤ꤬ꤛꤢ꤬ ꤒꤣ꤬ꤖꤥ꤮ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤒꤢꤩ꤬ꤜꤣꤧ꤬ꤋꤢꤦꤜꤣꤧ꤬ꤜꤢꤪ꤭ ꤘꤣ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤢꤩ꤬ ꤕꤢ꤬ ꤒꤥ꤬ ꤖꤢꤧ꤯

มัทธิว 6:34

ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬, ꤕꤣꤧꤚꤥ꤬ꤕꤢ꤭ ꤢ꤬ꤑꤢꤩ꤭ꤔꤣꤧ꤬ ꤊ꤫ꤢꤨ꤬ꤊꤢꤧ꤭ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕꤣꤧꤚꤥ꤬ꤕꤢ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤒꤢꤩ꤬ꤊ꤫ꤢꤨ꤬ꤒꤢꤩ꤬ꤊꤢꤧ꤭ ꤥ꤬ꤋꤢꤪ꤬ ꤚꤣꤧꤘꤢꤦ꤬ ꤕꤢ꤭꤯ ꤒꤣ꤬ꤔꤣꤧ꤭ ꤔꤢꤧ ꤒꤣ꤬ꤔꤣꤧ꤭ ꤢ꤬ ꤒꤢꤩ꤬ꤊ꤫ꤢꤨ꤬ꤒꤢꤩ꤬ꤊꤢꤧ꤭ ꤔꤣꤧ꤬ ꤢ꤬ ꤕꤥ꤬ꤊ꤫ꤢꤨ꤬ꤕꤥ꤬ꤊꤢꤧ꤭ ꤚꤣꤧꤘꤢꤦ꤬ ꤟꤣꤧ꤯”

เตเด๊อะโลแถ่ 22:20

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤔꤢꤧ ꤜꤢꤪ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤩ ꤔꤢꤧ, “ꤢꤪ꤬, ꤠꤢꤧ꤭ ꤊ꤫ꤢꤦ꤬ ꤟꤢꤧ꤭ꤜꤢꤩ ꤕꤢ꤭,” ꤢ꤬ꤗꤢꤩ꤬, ꤊꤣ꤮ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ, ꤟꤢꤧ꤭ꤗꤣꤧ꤭ ꤒ꤫ꤢꤧ꤬꤮꤯

เปโตร อาเหร่อเล๊อ ต๊าบ่า 1:11

ꤋꤚꤤ ꤢ꤬ ꤛ꤫ꤢꤧ꤬ꤛꤥ꤬ ꤥ꤬ ꤘꤣ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤚꤣꤧ꤬ ꤢ꤬ ꤟꤢꤩꤥ꤬ꤔꤢꤩ꤬ ꤚ꤫ꤣꤧ꤬ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤢ꤬ ꤊ꤫ꤢꤦ꤬ ꤋꤢꤧꤙꤢꤩ꤬ꤚ꤫ꤣꤧ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣꤧ꤬ꤟꤢꤩ꤬ ꤕꤢ꤭, ꤓꤥ꤭ꤚꤣꤧ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ꤔꤥ꤬ ꤘꤣ ꤋꤛꤢ꤭ ꤕꤢ꤭, ꤛꤢꤩ꤬ꤞꤤ꤭ ꤗꤢꤧꤕꤢꤨ꤭ ꤞꤤꤑꤢꤩ꤭ ꤜꤢ꤭ꤋꤢꤧ꤭ ꤔꤢꤧ ꤢ꤬ꤏꤣꤧꤢ꤬ꤋꤢꤩ꤭ ꤊ꤫ꤢꤦ꤬ ꤙꤢꤩ꤬ ꤙꤢꤪꤋꤢꤩ꤭ꤒꤢꤩ꤭ ꤕꤢ꤭, ꤓꤥ꤭ꤚꤣꤧ꤬ ꤢ꤬ ꤊ꤫ꤢꤦ꤬ ꤗꤢꤩ꤬ ꤢ꤬ꤔ꤫ꤢꤩ꤬ ꤟꤢꤨꤒꤢꤩ꤭ ꤕꤢ꤭ ꤟꤢꤨꤔꤣꤧ꤬꤯

โครินธ์ อาเหร่อเล๊อ ต๊าบ่า 9:25

ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤜꤢꤧ꤬ꤘꤤꤡꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤋꤢꤪ꤭ꤚꤣꤧꤘꤢꤦ꤬ ꤢ꤬ꤞꤤꤕꤜꤢꤪ꤬, ꤢ꤬ ꤙꤢꤩ꤬ ꤤ꤬ꤞꤝꤢꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤣꤧ꤬ꤟꤢꤩ꤬꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤛꤢꤩ꤬ꤞꤤ꤭ ꤔꤢꤧ ꤊꤢꤨꤊ꤫ꤥ꤬ ꤘꤣ ꤢ꤬ꤔꤥꤢ꤬ꤊꤢ꤭, ꤢ꤬ꤕꤛꤢꤢ꤬ꤜ꤫ꤢꤨ꤬ꤡ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤖꤢꤧ ꤚꤣꤧ꤬, ꤢ꤬ ꤋꤢꤪ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤢꤨ꤭ ꤊ꤫ꤢꤦ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤕ꤫ꤢꤩ꤬ ꤔꤢꤧ ꤊꤢꤨꤊ꤫ꤥ꤬ ꤘꤣ ꤢ꤬ꤔꤥꤢ꤬ꤊꤢ꤭ꤡ꤫ꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬ ꤕꤢ꤭꤯

เธสะโลนิกา เนอบ่า ต๊าบ่า 2:2

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤟꤢꤩ ꤞꤤ꤭ ꤔꤢꤧ ꤙꤢꤧ꤬ꤡꤢꤩ꤬ ꤢ꤬ꤗ꤫ꤢꤪ꤬ꤔꤣꤧ꤭ ꤟꤢꤧ꤭ꤒ꤫ꤥ꤬ ꤓꤥ꤭ꤟꤣꤧ ꤟꤢꤩꤔꤣꤧ꤬ꤗꤢ꤬ ꤕꤢꤩ꤬ ꤊꤝꤤ꤭ꤞꤤꤛꤢꤪ꤬ ꤞꤤ꤭꤮, ꤋꤛꤢꤛꤢꤦ ꤛꤢꤨ꤭ꤑꤢ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤢ꤬ ꤊꤢꤩ꤬ ꤟꤢꤩ ꤕ꤫ꤢꤩ꤬ ꤡꤣꤧ ꤞꤤ꤭ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤩꤖꤚꤥ꤬ ꤥ꤬ꤔꤢꤩ꤬ ꤠꤢꤧ꤭ ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤢꤨ꤭ ꤟꤢꤩꤏꤥ꤬ ꤞꤤꤑꤢꤩ꤭ꤜꤥ꤭ ꤕ꤫ꤢꤩ꤬ ꤠꤢꤧ꤭ ꤟꤢꤨꤔꤣꤧ꤬ ꤢ꤬ ꤟꤢꤩꤡꤣꤧ ꤙꤢꤩ꤬ꤙꤢꤩ꤬, ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤊꤢꤩ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ ꤜꤤ꤬ ꤟꤢꤧ꤭ꤒ꤫ꤥ꤬ ꤘꤣ ꤕꤢꤩ꤬ ꤥ꤬ ꤒꤣ꤬ꤙꤢ꤬, ꤢ꤬ ꤊꤢꤩ꤬ ꤟꤢꤩꤡꤣꤧ ꤟꤢꤨꤔꤣꤧ꤬ ꤙꤢꤩ꤬ꤙꤢꤩ꤬ ꤛ꤫ꤢꤦ꤬ꤢꤩ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯

ꤜꤢꤨꤊꤢ꤬ 21:34

“ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤯ ꤙꤣꤧ ꤞꤤ꤭ ꤢꤩ꤬ꤗꤢꤦ꤬ꤥ꤭ꤗꤢꤦ꤬ ꤢ꤬ꤋꤢꤩ꤭ ꤞꤤ꤭ ꤗꤢꤩ꤬ꤙꤢꤪ꤭ꤗꤢꤩ꤬ꤙꤛꤢ꤬ ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤞꤤ꤭ ꤊ꤫ꤢꤨ꤬ꤊꤢꤧ꤭ ꤜꤢ꤭ꤋꤢꤧ꤭ ꤔꤢꤧ ꤞꤤ꤭ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤒꤣ꤬ꤓꤢꤦ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤗꤢꤩ꤬ꤜꤢꤪ꤭ꤊꤢꤧ꤭ꤘꤢꤩ꤭ ꤒ꤫ꤢꤧ꤬ ꤞꤤ꤭ ꤒꤢꤩ꤬ꤏꤣꤧꤒꤢꤩ꤬ꤋꤢꤩ꤭ ꤔꤢꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤯ ꤕꤢ꤭ꤗꤢ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ꤖꤚꤢꤦ ꤘꤣ ꤞꤤ꤭ ꤥ꤬ ꤙꤣꤧ ꤞꤤ꤭ ꤒꤣꤧ꤬ꤔꤢꤩ꤬ꤒ꤫ꤥ꤬ ꤒꤥ꤬ ꤔꤣꤧ꤬ꤒꤣ꤬ꤔꤣꤧ꤭ ꤔꤣꤧ꤬ꤒꤣ꤬ꤞꤢꤩ꤭ ꤕꤢ꤭꤯

โครินธ์ อาเหร่อเล๊อ ต๊าบ่า 16:22

ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤘꤣ ꤢ꤬ ꤗꤥ꤬ꤚꤣꤧ ꤙꤢꤧ꤬ꤡꤢꤩ꤬ ꤒꤥ꤬ ꤔꤣꤧ꤬, ꤒꤢꤩ꤬ꤤ꤬ꤏꤢꤪ꤭ꤟꤢ꤭ ꤊ꤫ꤢꤦ꤬ ꤙꤢꤩ꤬ꤘꤢꤦ꤬ ꤜꤢꤨ꤭ ꤔꤤ꤮꤯ “ꤗꤢ꤬ꤚꤢ꤬ꤔꤢꤞꤢ꤬” ꤊꤣ꤮ ꤕꤢꤩ꤬ ꤙꤢꤧ꤬ꤡꤢꤩ꤬꤮! ꤟꤢꤧ꤭ꤗꤣꤧ꤭ ꤔꤤ꤮꤯

โครินธ์ เนอบ่า ต๊าบ่า 10:1

ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤔꤢꤧ ꤙꤣꤧ ꤠꤢꤧ꤭ ꤟꤢꤩꤙꤢꤩ꤬ꤏꤢꤦ꤬ ꤔꤢꤧ ꤞꤤ꤭ ꤢ꤬ꤋꤢꤩ꤭, ꤠꤢꤧ꤭ ꤒꤣꤧ꤬ꤚꤥ꤬ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤙꤣꤧ ꤠꤢꤧ꤭ ꤚꤢ꤭ ꤔꤢꤧ ꤜꤤ꤬ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤙꤢꤩ꤬ꤏꤝꤢ꤬ꤟꤢꤩꤙꤢꤩ꤬ꤏꤢꤪ꤭ ꤔꤢꤧ꤬ꤡꤣꤧ, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤒꤣꤧ꤬ꤘꤢꤦ꤬ ꤡꤣꤧ ꤞꤤ꤭ ꤔꤢꤧ ꤒꤢꤩ꤬ꤞꤤꤘꤥ꤭ꤞꤤꤍꤢ꤬, ꤒꤢꤩ꤬ꤋꤢꤧꤞꤤꤘꤥ꤭ ꤟꤢꤨ ꤋꤚꤤ ꤘꤣꤧꤜꤥ꤭ ꤕ꤫ꤢꤩ꤬ ꤓꤥ꤭ꤟꤣꤧ ꤕꤢꤩ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤡꤣꤧ꤯