ꤗꤢ꤬ꤊꤢꤨ 6:3 - Eastern Kayah Shadaw Dialect

³ ꤢ꤬ ꤗꤢ꤬ ꤖꤚꤢꤩ꤬ꤤ꤬ꤏꤢꤪꤡ꤫ꤢꤧ꤬ꤟꤤ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤠꤢꤧ꤭ꤟꤢꤩ? ꤚꤣꤧ꤬ ꤢ꤬ ꤗꤢ꤬ ꤗ꤫ꤥ꤬ꤗꤢ꤬ꤚꤤ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤠꤢꤧ꤭ꤟꤢꤩ? ꤢ꤬ꤕ꤫ꤥ꤬ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤋꤢꤨ꤭ꤛꤥ꤬ꤎꤢꤩ, ꤋꤢꤨ꤭ꤛꤢꤨꤘꤢ꤬, ꤔꤢꤧ ꤋꤢꤨ꤭ꤏꤛꤤꤗꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤗ꤫ꤢ꤬ ꤠꤢꤧ꤭ꤟꤢꤩꤒ꤫ꤥ꤬? ꤚꤣꤧ꤬ ꤢ꤬ꤕ꤫ꤥ꤬ꤖꤚꤢꤩ꤬ꤗꤢꤪ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ ꤖꤢꤧ ꤙꤣꤧ ꤘꤢꤪ꤭ꤊꤢꤨ꤭ꤣꤧ꤭ ꤖꤢꤧ ꤠꤢꤧ꤭ꤟꤢꤩꤒ꤫ꤥ꤬?” ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬ꤚꤣꤧ꤬, ꤛꤢꤩ꤬ꤞꤤ꤭ ꤞꤤꤓꤢꤩ꤬ ꤛꤢꤩ꤬ꤏꤛꤢꤨ ꤚꤣꤧ꤬ ꤢ꤬ ꤢꤩꤗꤥ꤬ꤏꤢꤦ꤬ ꤜꤢꤨ꤭ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

³ อา หม่า เพรเมแจ่หี่ เนอเตเพร แวเฮ๊? เร๊อ อา หม่าโหมะ มารีย์ อาพู๊เพรคู แวเฮ๊? อาโป่ เต๊เห่ เนอหมา คูยากอบ, คูโยเสส, คูยูดาห์, เร๊อ คูซีโมน เออเต๊เห่ หม่า แวเฮ๊? เร๊อ อาโป่เพรเหมาะ เต๊เห่ เนอหมา อา โอ่ แพ๊ เบ๊อะดอกูเออ แพ๊ แวเฮ๊?” เหย่ซี เฮ๊ แลแค ฮู๊เนอเรอ, เหย่ซี ซิเถ่ เหย่ซู่ เร๊อ อาเอ๊โมฉื่อ ลู โต่.

ꤗꤢ꤬ꤊꤢꤨ 6:3 ပူးပေါင်းရင်းမြစ်များ

มัทธิว 11:6

ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤕꤜꤢꤪ꤬ꤕꤛꤢ ꤕ꤫ꤢꤩ꤬ꤒꤥ꤬, ꤢ꤬ ꤛ꤫ꤢꤦ꤬ꤢꤩ꤬ ꤒꤣꤧ꤬ꤘꤢꤦ꤬ ꤟꤢꤧ꤭ꤑꤢꤩ꤭ꤜꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯”

มัทธิว 12:46

ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤙꤢꤩ꤬ꤟꤢꤩꤏꤥ꤭ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ꤗ꤫ꤥ꤬ ꤔꤢꤧ ꤢ꤬ ꤕ꤫ꤥ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤟꤢꤧ꤭ ꤊꤣꤧ꤬ꤓꤢꤪ꤬ ꤥ꤬ꤕ꤫ꤢꤪ꤬ ꤥ꤬ ꤜꤢꤨ꤭ ꤘꤣ ꤢ꤬ꤊꤜꤢꤪ꤭ ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤟꤢꤩꤙꤢꤩ꤬ ꤜꤢꤨ꤭꤯

ꤗꤢ꤬ꤊꤢꤨ 15:40

ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤊꤣꤧ꤬ꤓꤢꤪ꤬ꤥ꤬ ꤗꤢꤧꤡꤝꤢꤏꤢꤔꤢꤩꤜꤥ꤭ ꤘꤣ ꤢ꤬ꤛꤢ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ ꤗꤢ꤬ꤊꤢ꤬ꤘꤢ꤬ꤜꤢ ꤘꤢꤪ꤭ꤊꤢꤨ꤭ꤗ꤫ꤥ꤬ ꤗꤢꤪ꤬ꤗꤢ꤬ꤚꤤ, ꤔꤢꤧ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤘꤣ ꤢ꤬ ꤖꤢꤨꤡ꤫ꤢꤩ꤬ꤜꤣ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ ꤋꤢꤨ꤭ꤛꤥ꤬ꤎꤢꤩ ꤢ꤬ꤗ꤫ꤥ꤬ ꤗ꤫ꤥ꤬ꤗꤢ꤬ꤚꤤ, ꤔꤢꤧ ꤗꤢꤪ꤬ꤎꤢ꤬ꤜꤥ꤬ ꤥ꤬ꤒ꤫ꤣ꤬ꤊꤣꤧ꤭ ꤙꤣꤧꤔꤣꤧ꤬꤯

ꤗꤢ꤬ꤊꤢꤨ 3:18

ꤋꤢꤨ꤭ꤢꤧ꤬ꤘꤚꤢꤨ, ꤋꤢꤨ꤭ꤖꤤꤜꤤ꤬ꤕꤢꤨ꤬, ꤋꤢꤨ꤭ꤙꤢ꤬ꤞꤢꤪ꤬ꤜꤢꤪꤗꤢꤧ, ꤋꤢꤨ꤭ꤗꤢꤞꤢꤧ, ꤋꤢꤨ꤭ꤞꤥꤗꤢ, ꤖꤢꤩ꤭ꤢ꤬ꤜꤢ꤬ꤖꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤋꤢꤨ꤭ꤞꤢꤘꤢꤧ, ꤋꤢꤨ꤭ꤏꤛꤤꤗꤥ꤬ ꤘꤣ ꤢ꤬ ꤗꤥ꤬ ꤚꤣꤧꤘꤢꤦ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬,

ꤜꤢꤨꤊꤢ꤬ 2:34

ꤖꤢꤩ꤭ꤎꤤ꤬ꤗꤤꤥ꤬ ꤏꤢꤪ꤭ꤚꤤ꤬ ꤓꤥ꤭ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤟꤢꤩꤊꤢꤧ꤭ꤚꤣꤧ ꤖꤢꤨꤡ꤫ꤢꤩ꤬ꤟꤢꤨ ꤢ꤬ꤗ꤫ꤥ꤬ ꤗ꤫ꤥ꤬ꤗꤢ꤬ꤚꤤ ꤣꤧ꤭ꤔꤣꤧ꤬ ꤔꤢꤧ, “ꤖꤢꤨꤡ꤫ꤢꤩ꤬ꤟꤢꤨꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ꤟꤣꤧ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤧ꤬ꤜꤥ꤭ ꤊꤣꤧ꤭ꤜꤢ꤭ꤒꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤕꤢ꤭꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤒꤣ꤬ꤡꤣ꤬, ꤚꤣꤧ꤬ ꤊꤣꤧ꤬ꤛꤢꤧ꤭ ꤢꤩꤖꤚꤢꤩ꤬ ꤊ꤫ꤢꤦ꤬ ꤟꤢꤩꤙꤢꤩ꤬ ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ꤏꤢꤦ꤬ ꤜꤢꤨ꤭ ꤕꤢ꤭꤯

ꤜꤢꤨꤊꤢ꤬ 7:23

ꤘꤣ ꤠꤢꤧ꤭ꤋꤝꤢ꤬ꤠꤢꤧ꤭ꤋꤛꤢ꤭ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤕꤜꤢꤪ꤬ꤕꤛꤢ ꤕ꤫ꤢꤩ꤬ꤒꤥ꤬, ꤢ꤬ ꤛ꤫ꤢꤦ꤬ꤢꤩ꤬ ꤒꤣꤧ꤬ꤘꤢꤦ꤬ ꤟꤢꤧ꤭ꤑꤢꤩ꤭ꤜꤢ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯”

ꤜꤢꤨꤊꤢ꤬ 8:20

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤟꤢꤩ ꤜꤢꤨ꤭ ꤔꤢꤧ, “ꤔꤢꤧ꤬ꤗ꤫ꤥ꤬ ꤔꤢꤧ ꤔꤢꤧ꤬ ꤕ꤫ꤥ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤟꤢꤧ꤭ꤊꤣꤧ꤬ꤓꤢꤪ꤬ ꤥ꤬ꤕ꤫ꤢꤪ꤬ ꤔꤢꤧ꤬ ꤘꤣ ꤢ꤬ꤊꤜꤢꤪ꤭ꤔꤣꤧ꤬꤯ ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤢꤧ ꤔꤢꤧ꤬ ꤟꤢꤩꤔꤣꤧ꤭꤯”

ꤛꤥ꤭ꤟꤢ꤬ 14:22

ꤣꤧ꤭ꤒꤣ꤬ꤖꤥꤚꤣꤧ꤬ ꤋꤢꤨ꤭ꤛꤢꤨꤘꤢ꤬ (ꤋꤢꤨ꤭ꤛꤢꤨꤘꤢ꤬ ꤤ꤬ꤎꤢ꤬ꤊꤢꤚꤤꤛꤥ꤬ ꤗ꤫ꤢ꤬ꤒꤥ꤬) ꤟꤢꤩ ꤔꤢꤧ, “ꤙꤢꤧ꤬ꤡꤢꤩ꤬, ꤔꤢꤧ꤬ ꤞꤤꤛ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤕꤢꤩ꤬ ꤔꤢꤧ ꤔꤢꤧ꤬ꤔ꤫ꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤔꤢꤧ꤬ ꤘꤣꤧꤜꤥ꤭ ꤒ꤫ꤥ꤬ꤕ꤫ꤢꤩ꤬ꤊꤣꤧ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤥ꤬ ꤗꤢꤩ꤬ꤒꤢꤩ꤭?”

ꤛꤥ꤭ꤟꤢ꤬ 6:42

ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤗꤢ꤬ ꤖꤢꤩ꤭ꤡꤛꤥꤎꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨ ꤟꤢꤩꤔꤣꤧ꤬ ꤒꤣ꤬ꤖꤚꤢꤩ꤬ ꤖꤢꤧ ꤠꤢꤧ꤭ꤟꤢꤩꤒ꤫ꤥ꤬? ꤢ꤬ꤗ꤫ꤥ꤬ꤢ꤬ꤖꤢꤩ꤭ ꤗꤢ꤬ ꤕꤢꤩ꤬ ꤞꤤꤑꤢꤩ꤭ ꤖꤢꤧ ꤠꤢꤧ꤭ꤟꤢꤩ? ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤢ꤬ ꤡꤝꤢ ꤟꤢꤩꤒ꤫ꤥ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ, ‘ꤠꤢꤧ꤭ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤜꤢꤧ꤬’ ꤟꤢꤨꤒꤢꤩ꤭?”

เพรโด่แนพู๊ เต๊เห่ 1:13

ꤛꤢꤩ꤬ꤞꤤ꤭ ꤊꤢ꤬ꤒ꤫ꤥ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤚꤣꤧ꤬ ꤢ꤬ ꤡꤝꤢꤓꤢꤧ꤬ꤔꤥ꤭ ꤘꤣ ꤟꤤ꤬ ꤘꤣ ꤛꤢꤩ꤬ꤞꤤ꤭ ꤜ꤫ꤢꤩ꤬ꤡꤝꤢꤥ꤬ꤊꤥ ꤚꤣꤧꤘꤢꤦ꤬ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧꤟꤢꤨ ꤣꤧ꤭ꤔꤣꤧ꤬ꤒꤣ꤬ꤗꤢꤩ꤭ ꤘꤣ ꤢ꤬ꤋꤢꤨ꤬ꤔꤣꤧ꤬ ꤒꤣ꤬ꤒ꤫ꤥ꤬꤯ ꤚꤣꤧ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤗꤢ꤬ ꤋꤚꤢꤧ꤮ ꤢꤨ꤭ꤕꤢꤩ꤭ ꤟꤢꤩꤚꤣꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ, ꤋꤢꤨ꤭ꤛꤥ꤭ꤟꤢ꤬, ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤋꤢꤨ꤭ꤢꤧ꤬ꤘꤚꤢꤨ, ꤋꤢꤨ꤭ꤖꤤꤜꤤ꤬ꤕꤢꤨ꤬, ꤋꤢꤨ꤭ꤞꤥꤗꤢ, ꤋꤢꤨ꤭ꤙꤢ꤬ꤞꤢꤪ꤬ꤜꤢꤪꤗꤢꤧ, ꤋꤢꤨ꤭ꤗꤢꤞꤢꤧ, ꤖꤢꤩ꤭ꤢ꤬ꤜꤢ꤬ꤖꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤋꤢꤨ꤭ꤏꤛꤤꤗꤥ꤬ ꤘꤣ ꤢ꤬ ꤗꤥ꤬ ꤚꤣꤧꤘꤢꤦ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ ꤖꤢꤩ꤭ꤡꤛꤢꤩ꤭ꤗꤢ꤬ꤎꤣ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤛꤢꤨꤘꤢ꤬ ꤞꤤ꤭ꤒꤣꤧ꤬ꤟꤢꤩ꤬ ꤖꤢꤧ꤯

เพรโด่แนพู๊ เต๊เห่ 12:17

ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤞꤤꤛ꤫ꤢꤦ꤬ ꤔꤢꤪ꤭ꤞꤥ꤬ꤞꤥ꤬꤮ ꤥ꤬ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤠꤢꤦꤠ꤫ꤢꤧ꤬ꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤢ꤬ꤊꤢꤨꤋꤢꤨ꤬꤯ ꤚꤣꤧ꤬ ꤢ꤬ ꤟꤢꤩꤏꤥ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤓꤢꤩ꤬ ꤋꤚꤢꤧ꤮ ꤢ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤟꤢꤨꤒꤢꤩ꤭ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤟꤢꤩꤏꤥ꤬ ꤕ꤫ꤢꤩ꤬ꤊꤣꤧ꤭ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤔꤢꤧ ꤜꤢꤪ꤭꤮ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤚꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ ꤔꤤ꤮,” ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩꤓꤥ꤭ꤊꤢꤧ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤢ꤬ꤚꤥ꤬ ꤒꤣ꤬ꤖꤥ꤬꤯

โครินธ์ อาเหร่อเล๊อ ต๊าบ่า 1:23

ꤟꤢꤨꤔꤣꤧ꤬ꤚꤣꤧ꤬ ꤙꤣꤧ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤋꤚꤤ ꤞꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤞꤤꤕꤜꤢꤪ꤬ꤏꤢꤩ꤭ ꤔꤢꤧ꤬ꤡꤣꤧ꤯ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤜꤢ꤭ꤒꤢꤩ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ ꤢ꤬ꤍ꤫ꤥ꤬ꤜꤣꤧ꤬ꤏꤢ ꤥ꤬ ꤘꤣ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯

โครินธ์ อาเหร่อเล๊อ ต๊าบ่า 9:4

ꤠꤢꤧ꤭ ꤗꤢꤩ꤬ ꤒꤢꤩ꤬ꤗꤢꤩ꤬ꤣꤧ꤭ ꤚꤣꤧ꤬ ꤠꤢꤧ꤭ ꤒꤥ꤭ꤙꤢꤩ꤬ ꤔ꤫ꤤ꤬ꤙꤢꤩ꤬ ꤔꤢꤧ꤭ ꤢꤨ꤭ ꤒꤢꤩ꤬ꤙꤥ꤬ꤢꤩ꤬ꤙꤥ꤬ꤥ꤭ ꤠꤢꤧ꤭ ꤒꤥ꤬ ꤟꤢꤧ꤭?

ꤊꤢ꤬ꤜꤢ꤬ꤒꤤ 1:19

ꤠꤢꤧ꤭ ꤗꤢꤧꤓ꤫ꤣꤧ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤦꤖꤢꤧ ꤙꤢꤧ꤬ꤡꤢꤩ꤬ ꤢ꤬ꤕ꤫ꤥ꤬ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤖꤢꤧ꤯

เปโตร อาเหร่อเล๊อ ต๊าบ่า 2:4

ꤟꤢꤧ꤭ ꤜꤢ꤭ꤋꤢꤧ꤭ ꤘꤣ ꤙꤢꤧ꤬ꤡꤢꤩ꤬ ꤥ꤬ꤣꤧ꤭, ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤜ꤫ꤢꤪ꤬ꤞꤣꤧ꤭ꤖꤚꤢꤩ꤬ ꤒꤣ꤬ꤗꤢꤩ꤭ ꤘꤣ ꤢꤨ꤭ ꤒꤣꤧ꤬ꤔꤢꤩ꤬ ꤜꤢꤨ꤭ ꤔꤢꤧ ꤢ꤬ꤍꤢꤨ꤬ꤢ꤬ꤖꤚꤤ꤬ ꤥ꤬ꤒꤥ꤬, ꤚꤣꤧ꤬ ꤢꤨ꤭ ꤠꤤ꤭ꤊꤢꤧ꤭ ꤊꤢꤧ꤭ ꤜꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤖꤛꤢꤓꤢꤧ꤬ ꤋꤛꤢ꤭ꤞꤢꤧ ꤜꤢꤨ꤭ ꤚꤣꤧ꤬ ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤔꤢꤧ꤬ꤡꤣꤧ ꤘꤣ ꤜꤢꤨ꤭ꤑꤢꤩ꤭꤯

ꤛꤢꤨꤘꤢ꤬ 1:1

ꤠꤢꤧ꤭ ꤗꤢ꤬ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤢ꤬ꤕ꤫ꤥ꤬ꤋꤢꤨ꤭ꤛꤢꤨꤘꤢ꤬, ꤓꤥ꤭ꤒꤥ꤬ ꤠꤢꤧ꤭ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤜꤢꤨ꤬ꤜꤢꤩ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤞꤤꤛ꤫ꤢꤦ꤬ ꤚꤢ꤭ꤡꤝꤢꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤗꤥ꤬ ꤚꤣꤧꤘꤢꤦ꤬ ꤛꤢꤩ꤬ꤞꤤ꤭, ꤓꤥ꤭ꤒꤥ꤬ ꤛꤢꤩ꤬ꤏꤛꤢꤨꤋꤚꤤ ꤥ꤬ꤕ꤫ꤢꤪ꤬ ꤒꤣꤧ꤬ꤊꤢꤪ꤭ꤒꤣꤧ꤬ꤊꤢꤩ꤬ꤙꤤ ꤚꤣꤧꤘꤢꤦ꤬ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯