ꤗꤢ꤬ꤊꤢꤨ 6:2 - Eastern Kayah Shadaw Dialect

² ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ ꤗ꤫ꤢꤪ꤬ꤔꤣꤧ꤭ꤘꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨ ꤡꤢꤓꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤒꤢꤩ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭꤯ ꤊꤣꤧ꤬ꤛꤢꤧ꤭ ꤢꤩꤖꤚꤢꤩ꤬ ꤔ꤫ꤤ꤬ꤟꤥ꤭ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤚꤣꤧ꤬ ꤢ꤬ ꤋꤛꤢꤛꤢꤦ ꤜꤢꤪ꤭ ꤡꤣꤧ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤔꤣꤧ꤬ ꤔꤢꤧ ꤢ꤬ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤜꤢꤪ꤭꤮ ꤕꤜꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤡꤝꤢꤔ꤫ꤤ꤬ꤙꤢꤩ꤬ ꤒꤥ꤭ ꤙꤣꤧꤒꤢꤩ꤭ꤒꤢꤩ꤭? ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤒꤢꤩ꤬ꤞꤤꤖꤢꤩ ꤟꤢꤨꤒꤢꤩ꤬ꤒꤣ꤬ꤡꤣ꤬ ꤒꤢꤩ꤭ꤒꤢꤩ꤭? ꤓꤥ꤭ꤚꤣꤧ꤬ ꤢ꤬ ꤡꤝꤢꤗꤢꤩ꤬ ꤡ꤫ꤢꤧ꤬ ꤒ꤫ꤥ꤬ ꤒꤢꤩ꤬ꤋꤥꤒꤣꤧ꤬ꤊꤜꤤ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤟꤢꤨꤒꤢꤩ꤭ꤒꤢꤩ꤭?

ลีเทส่อพ๊าอาเซ เร๊อ เห่ขุทวาลู๊

² เบ๊อะแกแยยิวพู๊ อา ม๊อเนอโด่ เบ๊อะเนอ, เหย่ซู่ เป๊อแถ่ อิซว๊าอี๊แส่ เด๊อ เตจ๊อเบโฮกู. แกแย โอ่โร๊ลู หนิโฮ อา เตอิซว๊าอี๊แส่. เร๊อ อา คย๊าอายื๊อ ลอ เจ๊อ เร๊อ อา เฮ๊ แลแค เนอ. “อา เตลีแมลีเพ๊ เออเนอ เร๊อ อาเตเม อาโค๊ตีกลี๊ ล๋อ ปลี เออเต๊เห่ เนอหม่า อา จว๊าพย๊าหนิ โต เบ๊อะเตเต? อา เตลีแมลีเพ๊ เด๊อ อา พย๊าหนิ เออเต๊เห่ เนอหม่า เตลีแมลีเพ๊ ฮู๊เต เต๊อเจ่อ เตเต? โทเรอ อา จว๊าเม แจ่ โต อาโค๊ตีกลี๊ เออเต๊เห่ เนอหม่า ฮู๊เตเต?

ꤗꤢ꤬ꤊꤢꤨ 6:2 ပူးပေါင်းရင်းမြစ်များ

ꤛꤥ꤭ꤟꤢ꤬ 6:42

ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤗꤢ꤬ ꤖꤢꤩ꤭ꤡꤛꤥꤎꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨ ꤟꤢꤩꤔꤣꤧ꤬ ꤒꤣ꤬ꤖꤚꤢꤩ꤬ ꤖꤢꤧ ꤠꤢꤧ꤭ꤟꤢꤩꤒ꤫ꤥ꤬? ꤢ꤬ꤗ꤫ꤥ꤬ꤢ꤬ꤖꤢꤩ꤭ ꤗꤢ꤬ ꤕꤢꤩ꤬ ꤞꤤꤑꤢꤩ꤭ ꤖꤢꤧ ꤠꤢꤧ꤭ꤟꤢꤩ? ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤢ꤬ ꤡꤝꤢ ꤟꤢꤩꤒ꤫ꤥ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ, ‘ꤠꤢꤧ꤭ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤜꤢꤧ꤬’ ꤟꤢꤨꤒꤢꤩ꤭?”

ꤛꤥ꤭ꤟꤢ꤬ 7:15

ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤋꤛꤢꤛꤢꤦ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤓꤢꤧ꤬ꤘꤢꤧꤔꤢꤪ ꤊꤣꤧ꤭ꤢꤨ꤭ ꤘꤣ ꤛꤢꤨꤘꤢ꤬ꤖꤢꤨ ꤞꤝꤢꤜꤤ꤭ꤟꤥ꤭ ꤢ꤬ ꤞꤢꤚꤢꤘꤢꤨ꤬ ꤒꤣꤧ꤬ꤟꤢꤩ꤬ ꤢ꤬ ꤊꤣꤧ꤬ꤘꤢ꤭ꤊꤢꤨ꤭ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤡꤝꤢ ꤞꤤꤑꤢꤩ꤭ ꤢꤩꤔꤢꤧ꤬ꤡꤣꤧ ꤙꤢꤣꤧ꤭ ꤔꤣꤧ꤬ꤗꤢ꤬ ꤢ꤬ ꤡꤝꤢ ꤤ꤬ꤞꤝꤢꤔ꤫ꤤ꤬ꤒꤥ꤭ ꤙꤣꤧꤒꤢꤩ꤭ꤒꤢꤩ꤭?”

มัทธิว 4:23

ꤛꤢꤩ꤬ꤏꤛꤢꤨ ꤜꤢꤩ꤭ ꤜꤢꤪ꤭ ꤊꤢꤧꤜꤢ꤬ꤜꤤ꤬ ꤒꤣ꤬ꤊ꤫ꤢꤩ꤬ꤜꤢꤩ꤭ ꤚꤣꤧ꤬ ꤢ꤬ ꤜꤢꤩ꤭ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤥ꤬꤯ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤜꤢꤪ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤏꤝꤤ ꤕꤝꤢ꤭ꤒꤣ꤬ꤗꤤ꤭ ꤒꤢꤩ꤬ꤏꤢꤩ꤭ ꤕꤝꤢ꤭ꤒꤣ꤬ꤡꤣ꤬꤯

มัทธิว 7:28

ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤓꤥ꤭ꤟꤣꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤘꤣ ꤢ꤬ ꤔ꤫ꤤ꤬ꤟꤥ꤭ ꤜꤢꤨ꤭ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤋꤛꤢꤛꤢꤦ ꤜꤢꤪ꤭ꤕꤜꤤ꤭ ꤡꤣꤧ꤯

ꤜꤢꤨꤊꤢ꤬ 4:15

ꤢ꤬ ꤤ꤬ꤞꤝꤢ ꤕ꤫ꤢꤩ꤬ ꤢꤨ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭, ꤚꤣꤧ꤬ ꤢꤨ꤭ ꤓꤢꤨ꤬ꤞꤢꤩꤚꤣꤧ ꤜꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯

ꤗꤢ꤬ꤊꤢꤨ 1:39

ꤚꤣꤧ꤬ ꤛꤢꤩ꤬ꤏꤛꤢꤨ ꤔꤢꤧ ꤢ꤬ꤋꤥ꤭ꤖꤢꤨꤡ꤫ꤢꤩ꤬ ꤡꤝꤢꤜꤢꤩ꤭ ꤒꤣꤧ꤬ꤠꤢ꤬ꤜꤢꤪ꤭ ꤊꤢꤧꤜꤢ꤬ꤜꤤ꤬ ꤒꤣ꤬ꤊ꤫ꤢꤩ꤬ꤜꤢꤩ꤭ ꤚꤣꤧ꤬ ꤢ꤬ ꤜꤢꤩ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭, ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤘꤣ ꤊꤢꤧꤜꤢ꤬ꤜꤤ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤥ꤬, ꤚꤣꤧ꤬ ꤢ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤕ꤫ꤢꤩ꤬ ꤢꤨ꤭ ꤜꤥ꤭ꤔꤢꤩꤜꤥ꤭ꤔꤢ꤬ ꤒꤣꤧ꤬ꤟꤢꤩ꤬꤯

ꤗꤢ꤬ꤊꤢꤨ 10:1

ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤥ꤬ ꤙꤣꤧꤔꤣꤧ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤛꤢꤨ꤬ꤘꤢ꤬ꤊ꤫ꤢꤩ꤬ ꤚꤣꤧ꤬ ꤢ꤬ ꤡꤝꤢ ꤘꤣ ꤡꤛꤢꤪ꤬ꤘꤢ꤬ ꤓꤣꤧ꤭ꤊꤜꤥ꤭ ꤙꤢꤩꤚꤢꤩ꤭ ꤒꤣ꤬ꤊꤛꤢ꤭꤯ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤟꤢꤧ꤭ꤥ꤬ꤕꤜꤢꤪꤒꤣꤧ꤬ꤠꤢ꤬ ꤊꤣꤧ꤭ꤜꤢꤪ꤭ ꤋꤛꤢ꤭ꤞꤢꤧ ꤜꤢꤨ꤭ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤚꤣꤧ꤬ ꤢ꤬ ꤤ꤬ꤞꤝꤢꤒꤢ꤭ ꤕ꤫ꤢꤩ꤬ ꤢꤨ꤭ ꤟꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤤ꤬ꤞꤝꤢ ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤖꤥ ꤔꤣꤧ꤬꤯

ꤜꤢꤨꤊꤢ꤬ 2:47

ꤙꤣꤧ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤔ꤫ꤤ꤬ꤟꤥ꤭ ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤋꤛꤢꤛꤢꤦ ꤜꤢꤪ꤭ꤕꤜꤤ꤭ ꤡꤣꤧ ꤢ꤬ ꤒꤢꤩ꤬ꤡ꤫ꤢꤧ꤬ ꤔꤢꤧ ꤢ꤬ ꤒꤢꤩ꤬ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧ꤯