ꤗꤢ꤬ꤊꤢꤨ 2:20 - Eastern Kayah Shadaw Dialect

²⁰ ꤏꤢ꤮ ꤢꤨ꤭ ꤢꤩꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ꤟꤣꤧ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤟꤣꤧ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤘꤥ꤬ꤢꤩ꤬ꤘꤥ꤬ꤥ꤭ ꤜꤢ꤭ꤋꤢꤧ꤭ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

²⁰ ช๋า, อู เอ๊จว๊า ตาพาแกเฮ๊อ กาฉู่แด่เพรคู เฮ๊อ ปา เบ๊อะเนอ, เหย่ซี เก่ โด่เอ่โด่โอ แลแค ปา.

ꤗꤢ꤬ꤊꤢꤨ 2:20 ပူးပေါင်းရင်းမြစ်များ

ꤜꤢꤨꤊꤢ꤬ 17:22

ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ, “ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤘꤣ ꤞꤤ꤭ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤢꤧ꤬ꤡꤣꤧ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ ꤒꤣ꤬ꤔꤣꤧ꤭ꤔꤣꤧ꤭ ꤕꤢ꤭, ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤗꤢꤧꤓ꤫ꤣꤧ꤬ ꤡ꤫ꤢꤧ꤬ ꤢ꤬ ꤒꤥ꤬꤯

เตเด๊อะโลแถ่ 21:9

ꤒꤣꤧ꤬ꤔꤢꤩꤖꤢꤨ ꤞꤥ꤭ꤞꤝꤢꤒꤣ꤬ꤖꤚꤢꤩ꤬ ꤘꤣ ꤢ꤬ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤙꤢꤩ꤭ꤜ꤫ꤢꤪ꤬ꤘꤢꤨ꤬ ꤞꤥ꤭ꤞꤝꤢꤒꤣ꤬ꤙꤢꤩ꤬ ꤘꤣ ꤢ꤬ ꤙꤢ꤭ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤘꤣꤋꤛꤢ꤭ꤜꤣ ꤞꤥ꤭ꤞꤝꤢꤒꤣ꤬ꤡꤣ꤬ ꤣꤧ꤭ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤘꤣ ꤠꤢꤧ꤭ ꤥ꤬ ꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤟꤢꤧ꤭ꤗꤣꤧ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤤ꤬ꤛꤢꤨ꤭ꤜꤥ꤭ ꤔꤢꤧ꤬ ꤔꤢꤧ ꤞꤤꤗꤤ꤬ꤖꤢꤨ ꤢ꤬ꤗꤢꤩ꤭ ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬꤯”

เตเด๊อะโลแถ่ 19:7

ꤕꤢꤩ꤬ ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ꤓꤢꤧ꤬ ꤚ꤫ꤥ꤬ꤜꤢꤨ꤭ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤕꤥ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤊ꤫ꤢꤦ꤬ ꤒꤥ꤭ꤙꤢꤩ꤬ ꤊꤢ꤬ꤏꤥ꤭ꤘꤢꤧ꤬ ꤏꤣꤧꤋꤢꤩ꤭ ꤒ꤫ꤥ꤬ꤟꤣꤧ꤯ ꤖꤚꤢꤩ꤬ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤕ꤫ꤢꤩ꤬ ꤟꤣꤧ ꤜꤢꤨ꤭ ꤟꤣꤧ꤯

โครินธ์ เนอบ่า ต๊าบ่า 11:27

ꤠꤢꤧ꤭ ꤙꤢꤩ꤬ ꤢꤩ꤬ꤚꤢꤧ꤬ ꤞꤤꤖꤚꤢꤞꤤꤒ꤫ꤥ꤬ ꤚꤣꤧ꤬ ꤠꤢꤧ꤭ ꤙꤢꤩ꤬ ꤡ꤫ꤢ꤬ꤖꤚꤣꤧ꤭ꤡ꤫ꤢ꤬ꤚ꤫ꤢꤪ꤬ ꤚꤢꤧ꤬ ꤜꤣꤧ꤬ꤘꤢꤧꤜꤣꤧ꤬ꤘꤢ꤭ ꤡꤣꤧ ꤠꤢꤧ꤭ꤔ꤫ꤢꤩ꤬꤯ ꤠꤢꤧ꤭ ꤥ꤬ꤗꤣꤧ꤭ꤔ꤫ꤤ꤬ ꤒꤥ꤬ ꤔꤣꤧ꤬ꤗꤢ꤬ ꤒꤣꤧ꤬ꤗꤥ꤭ꤗꤥ꤭ ꤡꤣꤧ꤯ ꤠꤢꤧ꤭ ꤒ꤫ꤥ꤬ꤡꤣꤧ ꤘꤣ ꤒꤢꤩ꤬ꤜꤣꤧ꤬ꤘꤢꤧꤢꤩ꤬ ꤜꤣꤧ꤬ꤘꤢꤧꤥ꤭ ꤗꤢ꤬ ꤢ꤬ ꤥ꤬ꤥ꤬꤯ ꤢꤩ꤬ꤊꤢꤪꤥ꤭ꤙꤢ꤭ ꤒꤥ꤬ ꤒꤣꤧ꤬ꤗꤥ꤭ꤗꤥ꤭ ꤡꤣꤧ꤯ ꤠꤢꤧ꤭ ꤟꤣꤧ꤬ꤡꤢ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤥ꤬ ꤜꤣꤙꤢ꤭ꤒꤥ꤬ ꤚꤣꤧ꤬ ꤠꤢꤧ꤭ ꤙꤢꤩ꤬ ꤋꤢꤧꤙꤢꤩ꤬ ꤊ꤫ꤢꤩ꤬ꤚ꤫ꤥ꤬ꤊ꤫ꤢꤩ꤬ꤏꤝꤤ ꤡꤣꤧ꤯

โครินธ์ เนอบ่า ต๊าบ่า 11:2

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤔꤢꤧ꤬ꤡꤣꤧ ꤘꤣ ꤞꤤ꤭ ꤊ꤫ꤢꤦ꤬ ꤞꤤꤕꤜꤢꤪ꤬ꤡꤢꤪ ꤒꤣꤧ꤬ꤘꤢꤦ꤬ ꤔꤢꤧ ꤋꤚꤤ꤯ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤞꤢꤧꤡꤣꤧꤔꤢꤧ ꤖꤚꤢꤩ꤬ꤗꤢꤪ꤬ꤖꤢꤨꤞꤢꤩ꤬ ꤘꤣ ꤢ꤬ꤞꤤꤕꤜꤢꤪ꤬ ꤕꤜꤤ꤭ꤖꤥ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ ꤢꤪꤜꤢꤧ꤬ ꤓꤥ꤭ꤟꤣꤧ ꤠꤢꤧ꤭ꤍ꤫ꤥ꤬ ꤔꤢꤧ ꤠꤢꤧ꤭ ꤊ꤫ꤢꤦ꤬ ꤘꤝꤢ ꤕ꤫ꤢꤩ꤬ ꤔꤢꤧ ꤖꤚꤢꤩ꤬ꤋꤢꤨ꤭ ꤕꤢ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗ꤫ꤢ꤬ꤟꤣꤧ ꤒꤢꤦ ꤋꤚꤤ ꤣꤧ꤭ ꤕꤢ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯

โครินธ์ อาเหร่อเล๊อ ต๊าบ่า 7:5

ꤗꤢꤩ꤭ ꤔꤢꤧ ꤠꤢꤩ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤙꤢꤩ꤬ ꤛꤥ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤞꤤ꤭ ꤞꤤꤛ꤫ꤢꤦ꤬ ꤊꤝꤤ꤭ꤡꤢꤪꤙꤢꤩ꤭ ꤞꤥ꤬ꤋꤚꤢꤦꤞꤥ꤬ꤋꤚꤢꤩ꤭ ꤒꤢꤦꤘꤢꤦ꤬ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤊꤢꤩ꤬ ꤞꤤꤕꤜꤢꤪ꤬ꤒꤥ꤭ ꤜꤢꤨ꤭ ꤘꤣ ꤞꤤ꤭ ꤊ꤫ꤢꤦ꤬ ꤥ꤬ꤗꤣꤧ꤭ ꤒꤣꤧ꤬ꤖꤢ꤭ ꤋꤥ ꤑꤢ꤭ꤜꤥ꤬ ꤜꤢꤨ꤭ ꤒꤥ꤬ ꤊꤢꤩ꤬ꤟꤢꤩꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤊꤝꤤ꤭ꤡꤢꤪꤙꤢꤩ꤭ ꤓꤥ꤭ꤔꤣꤧ꤬, ꤞꤤ꤭ ꤙꤢꤩ꤬ ꤥ꤬ꤗꤣꤧ꤭ꤒ꤫ꤣ꤬ ꤋꤛꤢ꤭ꤜꤢꤨ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤢꤩ꤬ ꤞꤤ꤭ ꤋꤢꤪ꤭ꤕ꤫ꤢꤩ꤬ ꤚꤣꤧ ꤞꤤ꤭ ꤞꤤꤕꤜꤢꤪ꤬ ꤒꤥ꤬ ꤟꤢꤩꤔꤣꤧ꤬, ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤊ꤫ꤢꤦ꤬ ꤢꤩꤜꤢ꤬ꤢꤩꤕꤜꤢꤩꤔ꤫ꤤ꤬ ꤞꤤ꤭ ꤕꤢ꤭꤯

เพรโด่แนพู๊ เต๊เห่ 14:23

ꤘꤣ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤒꤣ꤬ꤗꤢꤨ꤬ ꤔꤢꤧ ꤒꤣ꤬ꤗꤢꤨ꤬ ꤢ꤬ꤊꤢꤨ꤭ꤔꤣꤧ꤬, ꤋꤢꤨ꤭ꤕꤢꤪꤜꤢꤨ ꤔꤢꤧ ꤋꤢꤨ꤭ꤙꤢ꤬ꤔꤢ꤬ꤙꤢ ꤔꤝꤢꤓꤢꤧ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤙꤢꤩ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭, ꤓꤥ꤭ꤚꤣꤧ꤬ ꤢ꤬ ꤘꤥ꤬ꤢꤩ꤬ ꤏꤢꤩ꤬ꤢꤩ꤬ꤏꤢꤩ꤬ꤥ꤭, ꤢ꤬ ꤗꤢꤩ꤬ꤓꤥ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤘꤣꤧꤒꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤘꤣ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ ꤚꤣꤧꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯

เพรโด่แนพู๊ เต๊เห่ 3:21

ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤞꤤꤑꤢꤩ꤭ꤥ꤬ꤔꤢꤩ꤬ ꤓꤥ꤭ꤘꤢꤦ꤬ꤟꤣꤧ ꤔꤢꤧ ꤢ꤬ꤖꤚꤢꤩ꤬ꤖꤚꤥ꤬ ꤘꤣ ꤢ꤬ꤔꤝꤢꤓꤢꤧ꤬ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤢꤨ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬ ꤢ꤬ ꤒꤥ꤭ꤙꤢꤩ꤬ ꤥ꤬ ꤘꤣ ꤗꤢꤪꤋꤢꤨ꤬ ꤒ꤫ꤥ꤬ꤘꤣ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤢꤩ꤭ ꤊꤢ꤬ꤋꤛꤢ꤭ ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤢ꤬ꤋꤢꤩ꤭ꤔꤣꤧ꤬ ꤕꤢ꤭꤯

เพรโด่แนพู๊ เต๊เห่ 1:9

ꤛꤢꤩ꤬ꤏꤛꤢꤨ ꤟꤢꤩꤙꤢꤩ꤬ ꤓꤥ꤭ꤚꤣꤧ꤬ ꤙꤣꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤒ꤫ꤢꤨ꤬ꤓꤢꤧ꤬ꤗꤢꤧ ꤢ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤢꤩꤊꤢ꤬ ꤊꤣꤧ꤬ꤓꤢꤧ꤬ꤊꤢꤧ꤭ ꤜꤢꤨ꤭ ꤘꤣ ꤗꤢꤪꤋꤢꤨ꤬꤯ ꤢꤪꤜ꤫ꤥ꤬ ꤒꤣ꤬ꤙꤢ꤬ ꤊꤥ꤭ꤙꤤꤊꤢꤧ꤭ ꤜꤢꤨ꤭ ꤚꤣꤧ꤬ ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤕꤢ꤬ ꤜꤢꤨ꤭ ꤒꤥ꤬꤯

ꤛꤥ꤭ꤟꤢ꤬ 17:13

“ꤠꤢꤧ꤭ ꤟꤢꤧ꤭ꤟꤣꤧ ꤘꤣ ꤔꤢꤧ꤬ꤥ꤬ ꤊꤢꤨꤔ꤫ꤢꤧ꤬ ꤟꤣꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤢ꤬ꤑꤢꤩ꤭ꤔꤣꤧ꤬, ꤙꤣꤧ ꤠꤢꤧ꤭ ꤥ꤬ꤕꤢ꤬ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭, ꤠꤢꤧ꤭ ꤟꤢꤩꤜꤥ꤭ ꤕ꤫ꤢꤩ꤬ ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 17:11

ꤠꤢꤧ꤭ ꤥ꤬ ꤒꤣꤧ꤬ꤘꤢꤦ꤬ ꤕꤢ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤒꤥ꤬, ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤥ꤬ ꤒꤣꤧ꤬ꤘꤢꤦ꤬ꤕꤢ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤕꤢ꤭꤯ ꤠꤢꤧ꤭ꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤔꤢꤧ꤬ꤥ꤬ ꤕꤢ꤭꤯ ꤊꤣ꤮ ꤖꤢꤩ꤭! ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤥ꤬ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭ ꤟꤢꤨ ꤠꤢꤧ꤭ ꤔꤢꤧ ꤔꤢꤧ꤬ ꤥ꤬ꤜꤢꤨ꤭ ꤔꤢꤧ ꤞꤤꤕꤜꤢꤪ꤬ ꤒꤣ꤬ꤗꤢꤩ꤭ꤡꤢꤦ꤭ ꤢ꤬ꤊꤢꤨ꤭ꤔꤣꤧ꤬, ꤒꤣꤧ꤬ꤊꤢꤪ꤭ꤒꤣꤧ꤬ꤊꤢꤩ꤬ ꤙꤤꤚꤣꤧꤘꤢꤦ꤬ ꤛꤢꤩ꤬ꤞꤤ꤭ ꤔꤢꤧ ꤔꤢꤧ꤬ꤗꤝꤤ꤭ ꤘꤣ ꤢ꤬ꤖꤚꤥ꤬ꤢ꤬ꤖꤚꤢꤧ꤬, ꤔꤢꤧ꤬ꤗꤝꤤ꤭ ꤘꤣ ꤔꤢꤧ꤬ ꤘꤣꤧ ꤠꤢꤧ꤭ ꤣꤧ꤭ꤔꤣꤧ꤬ ꤔꤤ꤮꤯

ꤛꤥ꤭ꤟꤢ꤬ 16:28

ꤠꤢꤧ꤭ ꤥ꤬ ꤘꤣ ꤖꤢꤩ꤭ꤥ꤬ ꤟꤢꤧ꤭ ꤚꤣꤧ꤬ ꤠꤢꤧ꤭ ꤟꤢꤧ꤭ꤜꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤓꤢꤩ꤬ꤊꤢ꤬ꤊꤢꤧ꤭ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤠꤢꤧ꤭ꤖꤢꤩ꤭ ꤢ꤬ ꤥ꤬꤯”

ꤛꤥ꤭ꤟꤢ꤬ 16:7

ꤊꤢꤩ꤬ ꤟꤢꤩ ꤜꤢꤪ꤭ꤜꤢꤪ꤭ ꤍ꤫ꤥ꤬ ꤗꤢ꤬, ꤠꤢꤧ꤭ ꤡꤝꤢꤊꤢꤧ꤭ ꤞꤤ꤭ꤜ꤫ꤢꤩ꤬ ꤗꤢ꤬ ꤢ꤬ꤚꤢꤧ ꤜꤣ ꤡꤣꤧ ꤘꤣ ꤞꤤ꤭ꤑꤢꤩ꤭ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤊꤢꤩ꤬ ꤡꤝꤢ ꤒꤥ꤬ ꤟꤢꤩꤔꤣꤧ꤬, ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤧ꤭ ꤘꤣ ꤞꤤ꤭ꤥ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊꤢꤩ꤬ ꤡꤝꤢ ꤟꤢꤩꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤜꤢ꤭ꤒꤢꤩ꤬ ꤜꤢꤨ꤭ ꤘꤣ ꤞꤤ꤭ꤥ꤬ ꤕꤢ꤭꤯

ꤛꤥ꤭ꤟꤢ꤬ 13:33

“ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤞꤤ꤭, ꤠꤢꤧ꤭ ꤥ꤬ꤒ꤫ꤣ꤬ ꤑꤢ꤭ꤊꤣꤧ꤭ꤕꤢ꤬ ꤔꤢꤧ ꤞꤤ꤭ ꤒ꤫ꤥ꤬ꤟꤣꤧ꤯ ꤞꤤ꤭ ꤊ꤫ꤢꤦ꤬ ꤗꤢꤧꤕꤢꤨ꤭ꤞꤢꤦ ꤠꤢꤧ꤭ ꤕꤢ꤭꤯ ꤟꤢꤨ ꤠꤢꤧ꤭ ꤟꤢꤩꤓꤥ꤭ꤟꤣꤧ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩ ꤕ꤫ꤥ꤬ ꤕ꤫ꤢꤩ꤬ ꤞꤤ꤭ ꤊꤢꤨꤔ꤫ꤢꤧ꤬ꤣꤧ꤭ ꤔꤢꤧ ꤜ꤫ꤢꤩ꤬ꤥ꤬ ꤘꤣ ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤡꤝꤢ ꤣꤧ꤭ꤔꤣꤧ꤬, ꤞꤤ꤭ ꤡꤝꤢꤡ꤫ꤢꤧ꤬ꤒꤥ꤬꤯

ꤛꤥ꤭ꤟꤢ꤬ 3:29

ꤠꤢꤧ꤭ ꤗꤢ꤬ ꤢ꤬ꤞꤢꤧꤔꤢꤧ ꤖꤚꤢꤩ꤬ꤋꤚꤝꤢ꤭ꤋꤚꤝꤥ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ꤔꤣꤧ꤬꤯ ꤊꤢ꤬ꤏꤥ꤭ꤘꤢꤧ꤬ ꤖꤚꤢꤩ꤬ꤗꤢꤪ꤬ ꤗꤢ꤬ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤢ꤬ꤒꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤋꤚꤝꤢ꤭ꤋꤚꤝꤥ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤊꤣꤧ꤬ꤓꤢꤪ꤬ ꤔ꤫ꤤ꤬ꤘꤢ꤭ ꤊꤢ꤬ꤏꤥ꤭ꤗꤢꤩ꤭ ꤖꤚꤢꤩ꤬ꤋꤢꤨ꤭ ꤟꤢꤩꤙꤢꤩ꤬꤯ ꤢ꤬ ꤔ꤫ꤤ꤬ꤟꤥ꤭ ꤜꤢꤨ꤭ꤍ꤫ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ꤯ ꤟꤢꤨꤔꤣꤧ꤬ꤟꤣꤧ ꤠꤢꤧ꤭ ꤒꤢꤩ꤬ꤞꤤꤋꤚꤢꤦ꤭ ꤣꤧ꤭ꤔꤣꤧ꤬ ꤢ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤟꤣꤧ꤯

มัทธิว 26:31

ꤓꤥ꤭ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, ‘ꤠꤢꤧ꤭ ꤊ꤫ꤢꤦ꤬ ꤗꤢꤦ꤭ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤕꤢ꤭, ꤚꤣꤧ꤬ ꤞꤤꤗꤤ꤬ꤗꤢꤨ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤊꤜꤢꤧ꤬ꤖꤚꤥꤊꤜꤢꤧ꤬ꤖꤚꤢꤧ꤭ ꤜꤢꤪ꤭ ꤕꤢ꤭꤯’ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤣꤧ꤭ꤒꤣ꤬ꤞꤢꤩ꤭ ꤕꤢ꤭ ꤔꤣꤧ꤬, ꤒꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤔꤢꤧ ꤠꤢꤧ꤭ ꤟꤢꤨꤣꤧ꤭ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤓꤢꤩ꤬ꤊꤜꤢꤧ꤬ ꤡꤝꤢꤋꤥꤊꤢꤧ꤭ꤜꤢꤪ꤭ ꤠꤢꤧ꤭ꤜ꤫ꤢꤩ꤬ ꤕꤢ꤭,” ꤢ꤬ ꤟꤢꤩ ꤟꤢꤨꤔꤣꤧ꤬꤯

โครินธ์ เนอบ่า ต๊าบ่า 6:5

ꤢꤨ꤭ꤗꤢꤦ꤭ꤢꤨ꤭ꤕꤢꤪ꤬ ꤡꤣꤧ ꤕꤢꤩ꤬꤯ ꤢꤨ꤭ ꤘꤢꤪꤒꤢ꤭ ꤕꤢꤩ꤬ ꤘꤣ ꤢ꤬ꤕꤥ꤬ꤊꤢꤨ꤭꤯ ꤢꤨ꤭ ꤗꤢꤩ꤬ ꤒꤣꤧ꤬ꤕꤜꤢꤪ꤬ꤜꤣꤧ꤬ꤛꤢꤪ꤬ ꤕꤢꤩ꤬ ꤚꤣꤧ꤬ ꤢꤨ꤭ ꤠ꤫ꤢꤩ꤬ꤓꤢꤩ꤬ꤡꤝꤢꤊꤢꤧ꤭ ꤕꤢꤩ꤬, ꤕꤢꤩ꤬ ꤢꤩ꤬ꤚꤢꤧ꤬ ꤞꤤꤖꤚꤢꤜꤣꤧ꤬ꤘꤢꤧ ꤕꤝꤢ꤭ꤔꤣꤧ꤭ꤕꤝꤢ꤭ꤞꤢꤩ꤭ ꤡꤣꤧ, ꤒꤣ꤬ꤞꤢꤩ꤭꤮ ꤒꤣ꤬ꤞꤢꤩ꤭ ꤥ꤬ꤗꤣꤧ꤭ꤔꤢꤪꤒꤥ꤬ ꤔꤣꤧ꤬ ꤢ꤬ꤥ꤬ ꤢ꤬ꤞꤢꤩ꤭ ꤢꤩ ꤜꤥ꤬, ꤓꤥ꤭ꤚꤣꤧ꤬ ꤢꤩ꤬ꤔꤢꤪꤥ꤭ꤔꤢꤪ ꤒꤥ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤥ꤬꤯

ꤛꤥ꤭ꤟꤢ꤬ 12:8

ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ, ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ꤣꤧ꤭ꤔꤣꤧ꤬ ꤠꤢꤧ꤭ ꤥ꤬ꤒ꤫ꤣ꤬ꤜꤥ꤬ ꤊꤣꤧ꤭ ꤔꤢꤧ ꤞꤤ꤭ ꤒꤥ꤬꤯”

มัทธิว 9:15

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ ꤍ꤫ꤥ꤬ꤋꤢꤋꤥ꤬ ꤒꤣ꤬ꤗꤢꤦ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤙꤣꤧ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤥ꤬ꤒ꤫ꤣ꤬ꤊꤣꤧ꤭ꤕꤢ꤬ ꤔꤢꤧ ꤢ꤬ꤋꤥ꤭ ꤞꤤꤖꤚ꤫ꤢꤩ꤬ꤞꤤꤗꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤋꤥ꤭ꤞꤤꤖꤚ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤡꤝꤢꤞꤤꤕꤜꤢꤩ꤭ ꤡ꤫ꤢꤧ꤬ ꤟꤢꤨꤒꤢꤩ꤭? ꤗꤢ꤬ꤔꤢꤧꤚꤣꤧ꤬ ꤏꤢ꤮ ꤏꤣꤧꤋꤢꤩ꤭ ꤟꤢꤧ꤭ꤒ꤫ꤥ꤬ꤟꤣꤧ ꤘꤣ ꤢꤨ꤭ ꤢꤩꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ꤟꤣꤧ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤟꤣꤧꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤘꤥ꤬ꤢꤩ꤬ꤘꤥ꤬ꤥ꤭ ꤜꤢ꤭ꤋꤢꤧ꤭ ꤕꤢ꤭꤯

ꤗꤢ꤬ꤊꤢꤨ 2:19

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ ꤍ꤫ꤥ꤬ꤋꤢꤋꤥ꤬ ꤒꤣ꤬ꤗꤢꤦ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤙꤣꤧ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤥ꤬ꤒ꤫ꤣ꤬ꤊꤣꤧ꤭ꤕꤢ꤬ ꤔꤢꤧ ꤢ꤬ꤋꤥ꤭ ꤞꤤꤖꤚ꤫ꤢꤩ꤬ꤞꤤꤗꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤋꤥ꤭ꤞꤤꤖꤚ꤫ꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤡꤝꤢꤘꤥ꤬ꤢꤩ꤬ꤘꤥ꤬ꤥ꤭ ꤡ꤫ꤢꤧ꤬ ꤟꤢꤨꤒꤢꤩ꤭? ꤙꤣꤧ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤡꤝꤢꤊꤢꤧ꤭ ꤜꤢ꤭ꤟꤤꤒꤥ꤬, ꤢ꤬ ꤘꤢ꤭ ꤥ꤬ꤒ꤫ꤣ꤬ꤊꤣꤧ꤭ꤕꤢ꤬ ꤔꤢꤧ ꤢ꤬ꤋꤥ꤭ꤢ꤬ꤞꤝꤢ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬, ꤛꤢꤩ꤬ꤞꤤ꤭ ꤘꤥ꤬ꤢꤩ꤬ ꤡ꤫ꤢꤧ꤬ ꤏꤢꤩ꤬ꤢꤩ꤬ꤏꤢꤩ꤬ꤥ꤭ ꤒꤥ꤬꤯

ꤗꤢ꤬ꤊꤢꤨ 2:21

“ꤢꤨ꤭ ꤏꤢꤩꤖꤢꤩ꤬ ꤟꤣꤧ꤬ꤡꤢ꤬ꤜꤣꤧ꤬ ꤔꤢꤧ ꤤ꤬ꤊꤢꤩ꤭ꤞꤢꤩ꤭ ꤘꤣ ꤢ꤬ ꤒꤣꤧ꤬ꤔꤥ ꤜꤢ꤭ꤟꤤꤒꤥ꤬ꤣꤧ꤭ ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤊꤢꤩ꤬ ꤏꤢꤩꤖꤢꤩ꤬ ꤟꤢꤨꤔꤣꤧ꤬ ꤟꤢꤩꤔꤣꤧ꤬ꤗꤢ꤬ ꤤ꤬ꤊꤢꤩ꤭ꤞꤢꤩ꤭ꤣꤧ꤭ ꤢ꤬ ꤊ꤫ꤢꤦ꤬ ꤓꤢꤪꤒꤣꤧ꤬ꤔꤥꤊꤢ꤬ ꤚꤣꤧ꤬ ꤢ꤬ ꤜꤢꤦ ꤓꤢꤪꤒꤣꤧ꤬ꤛꤝꤤ ꤜꤣꤧ꤬ꤛꤢ꤭ ꤡꤝꤢꤜ꤫ꤢꤧ꤬ꤚꤢꤧ ꤕ꤫ꤥ꤬ ꤟꤣꤧ꤬ꤡꤢ꤬ꤜꤣꤧ꤬ꤣꤧ꤭ ꤕꤢ꤭꤯

ꤜꤢꤨꤊꤢ꤬ 5:35

ꤒꤣ꤬ꤔꤣꤧ꤭ꤔꤣꤧ꤭ ꤕꤢ꤭ꤔꤣꤧ꤬ ꤢꤨ꤭ ꤊ꤫ꤢꤦ꤬ ꤢꤩꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤊꤢ꤬ꤏꤥ꤭ꤗꤢꤩ꤭ꤖꤚꤢꤩ꤬ꤋꤢꤨ꤭ ꤕꤢ꤭꤯ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤕꤢ꤭ꤗꤢ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤘꤥ꤬ꤢꤩ꤬ꤘꤥ꤬ꤥ꤭ ꤜꤢ꤭ꤋꤢꤧ꤭ ꤕꤢ꤭꤯”