ꤗꤢ꤬ꤊꤢꤨ 10:1 - Eastern Kayah Shadaw Dialect

¹ ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤥ꤬ ꤙꤣꤧꤔꤣꤧ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤘꤣ ꤛꤢꤨ꤬ꤘꤢ꤬ꤊ꤫ꤢꤩ꤬ ꤚꤣꤧ꤬ ꤢ꤬ ꤡꤝꤢ ꤘꤣ ꤡꤛꤢꤪ꤬ꤘꤢ꤬ ꤓꤣꤧ꤭ꤊꤜꤥ꤭ ꤙꤢꤩꤚꤢꤩ꤭ ꤒꤣ꤬ꤊꤛꤢ꤭꤯ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤟꤢꤧ꤭ꤥ꤬ꤕꤜꤢꤪꤒꤣꤧ꤬ꤠꤢ꤬ ꤊꤣꤧ꤭ꤜꤢꤪ꤭ ꤋꤛꤢ꤭ꤞꤢꤧ ꤜꤢꤨ꤭ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤚꤣꤧ꤬ ꤢ꤬ ꤤ꤬ꤞꤝꤢꤒꤢ꤭ ꤕ꤫ꤢꤩ꤬ ꤢꤨ꤭ ꤟꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤤ꤬ꤞꤝꤢ ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤖꤥ ꤔꤣꤧ꤬꤯

ลีเทส่อพ๊าอาเซ เร๊อ เห่ขุทวาลู๊

¹ โทเร๊อ เหย่ซู่ โอ่ เบ๊อะเนอ เร๊อ อา เถ่จว๊าแก เด๊อ ยูดาห์เก่ เร๊อ อา จว๊า เด๊อจอร์แดน เทอแลโหมะเบ๊เรตากยา. แกแย ตู๊หมู่ดุ แฮโอ่ปล๊อตาวา เกอลอคยาแซ๊ลู ตอกล๊อตูปลู เร๊อ อา อิซว๊าตา เป่ อู ฮู๊ อาเหล่โกล อิซว๊า เป่ อู ปว๋า โพ๊ เนอ.

ꤗꤢ꤬ꤊꤢꤨ 10:1 ပူးပေါင်းရင်းမြစ်များ

ꤛꤥ꤭ꤟꤢ꤬ 10:40

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤡꤛꤢꤪ꤬ꤘꤢ꤬ ꤓꤣꤧ꤭ꤊꤜꤥ꤭ ꤙꤢꤩꤚꤢꤩ꤭ ꤒꤣ꤬ꤊꤛꤢ꤭, ꤙꤣꤧ ꤋꤢꤨ꤭ꤛꤥ꤭ꤟꤢ꤬ ꤜ꤫ꤢꤩ꤬ꤡꤢꤩ꤬ ꤚ꤫ꤣꤧ꤬ꤜꤣ ꤕ꤫ꤢꤩ꤬ ꤢꤨ꤭ ꤢ꤬ꤜ꤫ꤢꤩ꤬ꤥ꤬ ꤔꤣꤧ꤬ꤒꤣ꤬ꤖꤥ꤬, ꤚꤣꤧ꤬ ꤢ꤬ ꤊꤢ꤬ꤥ꤬ ꤙꤣꤧꤔꤣꤧ꤬꤯

ꤗꤢ꤬ꤊꤢꤨ 4:2

ꤛꤢꤩ꤬ꤏꤛꤢꤨ ꤤ꤬ꤞꤝꤢꤤ꤬ꤞꤢꤧ꤬ ꤋꤥ꤬ ꤛꤢꤩ꤬ꤞꤤ꤭ ꤔꤢꤧ ꤍ꤫ꤥ꤬ꤋꤢꤋꤥ꤬ ꤢꤩꤔꤢꤧ꤬ꤡꤣꤧ꤯ ꤙꤣꤧ ꤢ꤬ ꤤ꤬ꤞꤝꤢ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤔꤢꤧ,

ꤛꤥ꤭ꤟꤢ꤬ 11:7

ꤓꤥ꤭ꤚꤣꤧ꤬ ꤢ꤬ ꤟꤢꤩ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ, “ꤕꤢꤩ꤬ ꤊꤢ꤬ ꤘꤣ ꤛꤢꤨ꤬ꤘꤢ꤬ꤊ꤫ꤢꤩ꤬ ꤕꤥ꤮꤯”

ꤗꤢ꤬ꤊꤢꤨ 6:34

ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤥ꤬ ꤘꤣ ꤞꤢꤪ꤬ꤊꤜꤣꤧ꤭ꤊꤢꤨ꤭ ꤓꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ꤘꤢꤨ꤬ ꤡꤝꤢ ꤥ꤬ꤕ꤫ꤢꤪ꤬ ꤥ꤬ꤔꤢꤩ꤬ ꤚ꤫ꤣꤧ꤬ ꤜꤢꤪ꤭ꤟꤣꤧ ꤘꤣ ꤑꤢꤩ꤭ꤟꤣꤧ ꤚꤣꤧ꤬ ꤢ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤞꤢꤧꤔꤢꤧ ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤘꤣ ꤖꤚꤢꤩ꤬ꤊꤢꤩ꤭ ꤥ꤬ ꤜꤢꤨ꤭ ꤒꤥ꤬ ꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤡꤢꤓꤢꤧ꤬ ꤤ꤬ꤞꤝꤢ ꤢꤩ ꤔꤢꤧ꤬ꤡꤣꤧ ꤕ꤫ꤢꤩ꤬ ꤛꤢꤩ꤬ꤞꤤ꤭꤯

มัทธิว 4:23

ꤛꤢꤩ꤬ꤏꤛꤢꤨ ꤜꤢꤩ꤭ ꤜꤢꤪ꤭ ꤊꤢꤧꤜꤢ꤬ꤜꤤ꤬ ꤒꤣ꤬ꤊ꤫ꤢꤩ꤬ꤜꤢꤩ꤭ ꤚꤣꤧ꤬ ꤢ꤬ ꤜꤢꤩ꤭ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤥ꤬꤯ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤜꤢꤪ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤏꤝꤤ ꤕꤝꤢ꤭ꤒꤣ꤬ꤗꤤ꤭ ꤒꤢꤩ꤬ꤏꤢꤩ꤭ ꤕꤝꤢ꤭ꤒꤣ꤬ꤡꤣ꤬꤯

ꤛꤥ꤭ꤟꤢ꤬ 18:20

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤤ꤬ꤞꤝꤢꤟꤥ꤬ ꤤ꤬ꤞꤝꤢꤞꤝꤢꤩꤔꤢꤪ ꤔꤢꤧ ꤢꤨ꤭ ꤒꤥ꤬, ꤠꤢꤧ꤭ ꤤ꤬ꤞꤝꤢꤜ꤫ꤢ꤬ꤤ꤬ꤞꤝꤢꤜꤤ꤭ ꤢꤨ꤭ ꤘꤣ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤖꤢꤧ꤯ ꤜꤢꤪ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤜ꤫ꤢꤩ꤬ꤟꤢꤧ꤭ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤚꤣꤧ ꤜꤢꤨ꤭ ꤢ꤬ꤜ꤫ꤢꤩ꤬ꤥ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤢꤨ꤭ ꤔꤣꤧ꤬ ꤙꤢꤩ꤬ꤙꤢꤩ꤬, ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ꤔꤣꤧ꤬ ꤙꤢꤩ꤬ꤙꤢꤩ꤬ ꤠꤢꤧ꤭ ꤤ꤬ꤞꤝꤢ ꤢꤨ꤭ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯

ꤗꤢ꤬ꤊꤢꤨ 6:6

ꤘꤢꤪ꤭ꤖꤢꤨꤏꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤚꤣꤧ ꤜꤢꤨ꤭ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤋꤛꤢꤛꤢꤦ ꤔꤢꤧ꤬ꤡꤣꤧ꤯ ꤣꤧ꤭ꤒꤣ꤬ꤖꤥꤚꤣꤧ꤬ ꤛꤢꤩ꤬ꤏꤛꤢꤨ ꤓꤢꤩ꤬ꤡꤝꤢꤜꤢꤩ꤭ ꤘꤢꤪ꤭ ꤘꤣ ꤢ꤬ ꤥ꤬ ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤙꤣꤧꤔꤣꤧ꤬ ꤒꤣ꤬ꤘꤢꤪ꤭ꤓꤥ꤭ꤒꤣ꤬ꤘꤢꤪ꤭ ꤚꤣꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭꤯

ꤗꤢ꤬ꤊꤢꤨ 2:13

ꤛꤢꤩ꤬ꤏꤛꤢꤨ ꤓꤢꤩ꤬ꤡꤝꤢ ꤋꤛꤢ꤭ꤞꤢꤧ ꤘꤣ ꤊꤢꤧꤜꤢ꤬ꤜꤤ꤬ ꤓꤣꤧ꤭ꤢꤪ꤬ꤘꤢꤨ꤬ꤒꤣꤧ꤬ꤠꤢꤪ꤬ ꤊꤢꤧ꤭ꤏꤢ ꤚꤣꤧ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤟꤢꤧ꤭ ꤥ꤬ꤒꤣꤧ꤬ꤠꤢ꤬ ꤜꤢꤪ꤭ ꤋꤛꤢ꤭ ꤜꤢꤨ꤭ ꤚꤣꤧ꤬ ꤢ꤬ ꤡꤢꤓꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤙꤣꤧꤔꤣꤧ꤬꤯

มัทธิว 26:55

ꤓꤥ꤭ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤔꤢꤧ, “ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤢꤦ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣ꤬ꤖꤚꤢꤩ꤬ ꤔꤢꤧ꤭ ꤟꤢꤧ꤭? ꤞꤤ꤭ ꤟꤢꤧ꤭ꤕ꤫ꤢꤦ꤬ ꤠꤢꤧ꤭ ꤚꤣꤧ꤬ ꤞꤤ꤭ ꤟꤢꤧ꤭ ꤡꤣꤧ ꤔꤢꤧ ꤔꤢꤩ ꤔꤢꤧ ꤤ꤬ꤗꤢꤦ꤭ꤤ꤬ꤕꤢꤪ꤬ ꤡꤣꤧ ꤟꤢꤨꤒꤢꤩ꤭? ꤠꤢꤧ꤭ ꤥ꤬ꤔꤢꤧ꤭ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤕꤝꤢ꤭ꤔꤣꤧ꤭ꤕꤝꤢ꤭ꤞꤢꤩ꤭ ꤡꤣꤧ ꤚꤣꤧ꤬ ꤞꤤ꤭ ꤕ꤫ꤢꤦ꤬ ꤠꤢꤧ꤭ ꤒꤥ꤬ꤒꤥ꤬꤯

ꤗꤢ꤬ꤊꤢꤨ 1:21

ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢꤒ꤫ꤥ꤬ ꤘꤣ ꤠꤤ꤭ꤊꤢ꤬ꤕꤢꤩ꤬ꤚꤢ꤬ꤔꤢꤪ꤬ ꤚꤣꤧ꤬ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤔꤣꤧ꤬ꤒꤣ꤬ꤔꤣꤧ꤭ꤔꤣꤧ꤬, ꤢ꤬ ꤡꤝꤢꤔꤥ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤚꤣꤧ꤬ ꤢ꤬ ꤡꤝꤢꤔꤥ꤭ ꤤ꤬ꤞꤝꤢ ꤕ꤫ꤢꤩ꤬ ꤢꤨ꤭ ꤙꤣꤧꤔꤣꤧ꤬꤯

ꤗꤢ꤬ꤊꤢꤨ 6:2

ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ ꤗ꤫ꤢꤪ꤬ꤔꤣꤧ꤭ꤘꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨ ꤡꤢꤓꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤒꤢꤩ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭꤯ ꤊꤣꤧ꤬ꤛꤢꤧ꤭ ꤢꤩꤖꤚꤢꤩ꤬ ꤔ꤫ꤤ꤬ꤟꤥ꤭ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤚꤣꤧ꤬ ꤢ꤬ ꤋꤛꤢꤛꤢꤦ ꤜꤢꤪ꤭ ꤡꤣꤧ ꤚꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ, “ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤔꤣꤧ꤬ ꤔꤢꤧ ꤢ꤬ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤜꤢꤪ꤭꤮ ꤕꤜꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤡꤝꤢꤔ꤫ꤤ꤬ꤙꤢꤩ꤬ ꤒꤥ꤭ ꤙꤣꤧꤒꤢꤩ꤭ꤒꤢꤩ꤭? ꤢ꤬ ꤒꤢꤩ꤬ꤞꤤꤒꤢꤩ꤬ꤖꤢꤩ ꤘꤣ ꤢ꤬ ꤔ꤫ꤤ꤬ꤙꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤒꤢꤩ꤬ꤞꤤꤖꤢꤩ ꤟꤢꤨꤒꤢꤩ꤬ꤒꤣ꤬ꤡꤣ꤬ ꤒꤢꤩ꤭ꤒꤢꤩ꤭? ꤓꤥ꤭ꤚꤣꤧ꤬ ꤢ꤬ ꤡꤝꤢꤗꤢꤩ꤬ ꤡ꤫ꤢꤧ꤬ ꤒ꤫ꤥ꤬ ꤒꤢꤩ꤬ꤋꤥꤒꤣꤧ꤬ꤊꤜꤤ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤟꤢꤨꤒꤢꤩ꤭ꤒꤢꤩ꤭?

ꤗꤢ꤬ꤊꤢꤨ 10:2

ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤧ꤭ ꤒ꤫ꤥ꤬ꤊꤣꤧ꤭ ꤘꤣ ꤛꤢꤩ꤬ꤏꤛꤢꤨ ꤢ꤬ ꤥ꤬ ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤟꤢꤧ꤭ ꤗꤢꤧꤕꤢꤨ꤭ ꤕ꤫ꤢꤦ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤒꤢꤩ꤬ꤞꤢꤦ ꤚꤣꤧ꤬ ꤢ꤬ ꤟꤢꤧ꤭ ꤘꤣꤧꤟꤣꤧ꤭ ꤒꤣꤧ꤬ꤊꤢꤩ꤬ ꤜꤢꤨ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤥ꤬ꤊꤢꤧ꤭ ꤢ꤬ꤗꤢꤩ꤭ ꤗꤢ꤬ ꤢ꤬ꤔ꤫ꤤ꤬ ꤖꤢꤧ ꤕꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩꤔꤢꤧ꤭ ꤟꤢꤨꤔꤣꤧ꤬ ꤟꤢꤧ꤭?”

ꤗꤢ꤬ꤊꤢꤨ 12:35

ꤙꤣꤧ ꤛꤢꤩ꤬ꤏꤛꤢꤨ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤟꤣꤧ꤭ ꤢꤨ꤭ ꤔꤢꤧ, “ꤖꤚꤢꤩ꤬ꤤ꤬ꤞꤝꤢ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤞꤢꤚꤢ ꤒꤣꤧ꤬ꤟꤢꤩ꤬ ꤢ꤬ ꤟꤢꤩ ꤔꤢꤧ ꤋꤚꤤ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤒꤢ꤭ꤊꤜꤝꤤ꤭ꤒꤢ꤭ꤜꤢꤧ꤭ ꤊꤣꤧ꤬ꤜꤢꤧ꤬ ꤘꤣ ꤋꤝꤤꤘꤢ꤬ꤠꤤ꤬ ꤢ꤬ ꤟꤢꤩ ꤟꤢꤨꤔꤣꤧ꤬ ꤠꤢꤧ꤭ꤟꤢꤩꤒ꤫ꤥ꤬?

ꤗꤢ꤬ꤊꤢꤨ 14:49

ꤕꤝꤢ꤭ꤔꤣꤧ꤭ꤔꤣꤧ꤭꤮ ꤠꤢꤧ꤭ ꤥ꤬ꤒ꤫ꤣ꤬ꤊꤣꤧ꤭ ꤘꤣ ꤞꤤ꤭ꤊꤜꤢꤩ꤭ ꤚꤣꤧ꤬ ꤠꤢꤧ꤭ ꤤ꤬ꤞꤝꤢꤤ꤬ꤞꤢꤧ꤬ ꤞꤤ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ ꤟꤥ꤭ꤊꤢꤨ꤭ ꤚꤣꤧ꤬ ꤞꤤ꤭ ꤕ꤫ꤢꤦ꤬ ꤠꤢꤧ꤭ ꤒꤥ꤬ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤡꤝꤢꤟꤢꤧ꤭ꤕ꤫ꤢꤦ꤬ ꤒ꤫ꤥ꤬ ꤠꤢꤧ꤭ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤔꤣꤧ꤬ꤗꤢ꤬ ꤢ꤬ ꤙꤢꤩ꤬ ꤓꤝꤢ꤭ꤓꤢꤧ꤬ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤔꤣꤧ꤬ ꤖꤢꤧꤔꤣꤧ꤭꤯”