มัทธิว 8:6 - Eastern Kayah Shadaw Dialect

⁶ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤙꤢꤧ꤬ꤡꤢꤩ꤬ ꤠꤢꤧ꤭ꤜꤢꤨ꤬ꤜꤢꤩ ꤒꤣ꤬ꤖꤚꤢꤩ꤬ ꤢ꤬ꤏꤝꤤ ꤞꤣꤧ꤭ꤡꤤꤊꤛꤢ꤭ ꤚꤣꤧ꤬ ꤢ꤬ ꤥ꤬ꤗꤣꤧ꤭ꤒ꤫ꤢꤧ꤬ ꤖꤢꤧ ꤘꤣ ꤜ꤫ꤢꤩ꤬ꤥ꤬ꤗꤣꤧ꤭ꤊꤢꤨ꤭ ꤟꤢꤨꤔꤣꤧ꤬꤯ ꤢ꤬ꤡꤢ꤭ ꤔꤢꤧ꤬ꤡꤣꤧ ꤜꤢꤨ꤭ ꤟꤣꤧ꤯”

ลีเทส่อพ๊าอาเซ เร๊อ เห่ขุทวาลู๊

⁶ เร๊อ อา เฮ๊ ลู เน๊อ, “แบ่เจ่ แวหลู่เล๊ เตเพร อาชุ๊ย เซอ ชิกยา เร๊อ อา โอ่เมอแต่ แพ๊ เด๊อ เหล่โอ่หี่กู ฮู๊เนอ. เร๊อ อาจา แหน่เจ๊อ ลู เฮ๊อ.”

มัทธิว 8:6 ပူးပေါင်းရင်းမြစ်များ

โคโลสี 4:1

ꤡ꤫ꤢꤦ꤬ ꤙꤢꤧ꤬ꤡꤢꤩ꤬ ꤞꤤ꤭꤮ ꤗꤢꤩ꤬ꤚꤢꤧ ꤜꤢ꤭ꤋꤢꤧ꤭ ꤞꤤ꤭ꤡ꤫ꤢꤦ꤬ ꤔꤤ꤮, ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢ꤭ꤋꤢꤧ꤭ ꤞꤤꤕꤜꤢꤪ꤬ ꤘꤣ ꤛꤢꤩ꤬ꤞꤤ꤭ ꤢ꤬ꤋꤢꤨ꤬ ꤔꤤ꤮, ꤗꤢꤧꤘꤢꤨ꤬ꤗꤢꤧꤕꤣꤧ꤬ꤒꤤ ꤒ꤫ꤢꤧ꤬ ꤢꤨ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤑꤢꤩ꤭ ꤊꤣꤧ꤭ꤘꤢꤦ꤬ ꤟꤣꤧ ꤔꤢꤧ ꤞꤤ꤭ ꤙꤢꤧ꤬ꤡꤢꤩ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤣꤧ꤯

มัทธิว 4:24

ꤙꤢꤧ꤬ꤡꤢꤩ꤬ ꤢ꤬ꤗꤝꤤ꤭ ꤜꤥ꤭ꤕꤣꤧ꤬ꤏꤤ꤭ ꤡꤝꤢꤜꤢꤪ꤭ ꤎꤢꤨ꤬ꤚꤤꤊ꤫ꤢꤩ꤬ ꤒꤣ꤬ꤊ꤫ꤢꤩ꤬ ꤜꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢꤨ꤭ ꤢꤩꤟꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤙꤢꤩ꤬ ꤒꤢꤩ꤬ꤏꤝꤤꤒꤢꤩ꤬ꤏꤢꤩ꤭ ꤢꤩꤗꤤ꤭ꤢꤩꤡꤣ꤬ ꤘꤣ ꤜꤢꤨ꤭ꤥ꤬꤯ ꤚꤣꤧ꤬ ꤢꤨ꤭ ꤢꤩꤟꤢꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤢꤩ꤭ꤡꤢ꤭ꤏꤢꤩ꤭ꤡꤢꤦ꤬ ꤜꤢꤨ꤭ꤔ꤫ꤢꤩ꤬ ꤒꤣꤧ꤬ꤟꤢꤩ꤬, ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤩ꤬ꤙꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬, ꤢ꤬ ꤒꤣꤧ꤬ꤗꤝꤤ꤭ꤏꤢ꤭ꤟꤢꤨꤊꤥ꤬ ꤞꤤ꤭ ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤞꤣꤧ꤭ꤡꤤꤊꤛꤢ꤭ ꤞꤤ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤥ꤬ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤜꤢꤪ꤭ꤕ꤫ꤢꤩ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

โคโลสี 3:11

ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ꤊꤢꤨ꤭ ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤊꤣꤧ꤬ꤛꤢꤧ꤭ ꤘꤢꤦꤒꤣꤧ꤬ꤜꤤꤖꤢ ꤔꤢꤧ ꤘꤢꤦꤒꤣꤧ꤬ꤜꤤꤖꤢꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤓꤣꤧ꤭ꤊ꤫ꤢꤩ꤬ꤚꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤊꤣꤧ꤬ꤛꤢꤧ꤭ ꤗꤤ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤡ꤫ꤢꤦ꤬ꤖꤢꤨ ꤔꤢꤧ ꤊꤣꤧ꤬ꤛꤢꤧ꤭ ꤕꤣꤧ꤬ꤜꤢ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤒꤥ꤭ꤙꤢꤩ꤬ ꤒꤣꤧ꤬ꤔꤢꤩ꤬ ꤕꤢ꤬ ꤔꤢꤧ ꤢ꤬ ꤋꤥꤜꤢꤨ꤭ ꤒꤣꤧ꤬ꤊꤤ꤬꤮ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤜꤢꤨ꤭ꤊꤢꤨ꤭ ꤟꤣꤧ꤯ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤚꤤ ꤗꤢ꤬ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤢꤨ꤭ ꤟꤣꤧ꤯

เพรโด่แนพู๊ เต๊เห่ 9:33

ꤚꤣꤧ꤬ ꤢ꤬ ꤡꤝꤢ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤞꤣꤧ꤭ꤡꤤꤊꤛꤢ꤭ ꤘꤣ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤢꤧꤔꤢꤩꤛꤢ꤬ ꤥ꤬ ꤙꤣꤧꤔꤣꤧ꤬ ꤒꤣ꤬ꤖꤚꤢꤩ꤬, ꤢ꤬ ꤥ꤬ꤗꤣꤧ꤭ꤢꤩ꤭ꤥ꤬ ꤖꤢꤧ ꤘꤣ ꤜ꤫ꤢꤩ꤬ꤗꤣꤧ꤭ꤊꤢꤨ꤭ ꤚꤣꤧ꤬ ꤢ꤬ ꤊꤣꤧ꤬ꤓꤢꤪ꤬ꤙꤢꤩꤒꤥ꤬ ꤔꤣꤧ꤬ ꤢ꤬ ꤥ꤬ ꤟꤣꤧ ꤢ꤬ꤔꤢ꤬ꤜꤝꤤ꤭ꤞꤝꤢ ꤟꤣꤧ꤯

ฟีเลโมน 1:16

ꤚꤣꤧ꤬ ꤔꤢꤧ꤬ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤋꤢꤨ꤭ꤢꤪꤔꤢꤩ꤬ꤎꤢꤩꤗꤢꤨ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤕꤢ꤬ ꤟꤢꤨ ꤡ꤫ꤢꤦ꤬ ꤒꤣ꤬ꤖꤚꤢꤩ꤬ ꤒꤥ꤬, ꤢ꤬ꤚꤢꤧ ꤜꤣ ꤡꤣꤧ ꤔꤢꤧ ꤡ꤫ꤢꤦ꤬, ꤢ꤬ ꤓꤝꤢ꤭ ꤡꤣꤧ ꤟꤣꤧ ꤟꤢꤨ꤮ ꤕ꤫ꤥ꤬ꤠ꤫ꤢꤧ꤬ ꤘꤣ ꤋꤚꤤ ꤢ꤬ꤊꤢꤨ꤭ ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯ ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤕ꤫ꤥ꤬ꤠ꤫ꤢꤧ꤬ ꤘꤣ ꤠꤢꤧ꤭ ꤗꤥ꤬ꤚꤣꤧ ꤜꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤔꤢꤧ꤬ ꤊ꤫ꤢꤦ꤬ ꤗꤥ꤬ꤜꤣ ꤡꤣꤧ ꤜꤢꤨ꤭ ꤔꤢꤧ ꤠꤢꤧ꤭ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤔꤢꤧ꤬ ꤔ꤫ꤤ꤬ꤙꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤟꤢꤨ ꤡ꤫ꤢꤦ꤬ ꤒꤣ꤬ꤖꤚꤢꤩ꤬ ꤔꤢꤧ ꤕ꤫ꤥ꤬ꤠ꤫ꤢꤧ꤬ ꤘꤣ ꤙꤢꤧ꤬ꤡꤢꤩ꤬ ꤢ꤬ꤊꤢꤨ꤭ ꤔꤣꤧ꤭ꤡꤣ꤬ ꤜꤢꤪ꤭ꤟꤣꤧ꤯

ทิโมธี อาเหร่อเล๊อ ต๊าบ่า 6:2

ꤡ꤫ꤢꤦ꤬ ꤘꤣ ꤢ꤬ ꤥ꤬ ꤔꤢꤧ ꤢ꤬ꤙꤢꤧ꤬ꤡꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤓꤥ꤭ꤟꤣꤧ ꤋꤚꤤ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ꤙꤢꤧ꤬ꤡꤢꤩ꤬ ꤗꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤖꤢꤧ ꤒꤣꤧ꤬ꤔꤢꤩ꤬ ꤚꤣꤧ꤬ ꤒꤥ꤭ ꤗꤢꤩ꤬ꤒꤣꤧ꤬ꤗꤥ꤭ꤒꤣꤧ꤬ꤊꤢꤩ꤬ ꤚꤣꤧ ꤢ꤬ꤙꤢꤧ꤬ꤡꤢꤩ꤬ ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤢ꤬ ꤙꤢꤩ꤬ ꤗꤢꤩ꤬ꤚꤢꤧ ꤜꤣ ꤡꤣꤧ ꤒꤢꤩ꤬ ꤔꤢꤧ ꤔꤣꤧ꤬ ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ꤙꤢꤧ꤬ꤡꤢꤩ꤬ ꤘꤣ ꤛꤢꤩ꤬ꤞꤤ꤭ ꤗꤢꤩ꤬ ꤕ꤫ꤢꤩ꤬ ꤜꤢꤨ꤭ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤚꤣꤧ꤬ ꤡ꤫ꤢꤦ꤬ꤒꤣꤧ꤬ꤟꤢꤩ꤬ ꤗꤥ꤬ ꤚꤣꤧꤘꤢꤦ꤬ ꤜꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤗꤢꤩ꤬ꤚꤢꤧ ꤜꤣꤡꤣꤧ꤯ ꤞꤤ꤭ꤙꤢꤩ꤬ ꤤ꤬ꤞꤝꤢ ꤛꤢꤩ꤬ꤞꤤ꤭ ꤚꤣꤧ꤬ ꤔꤢꤪ꤭ꤏꤝꤢ꤬ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤙꤢꤩ꤬ ꤋꤚꤝꤢ꤭ꤗꤢꤩ꤬ ꤟꤢꤨꤔꤣꤧ꤬꤯

เพรโด่แนพู๊ เต๊เห่ 10:7

ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤓꤢꤩ꤬ꤡꤝꤢꤊꤢꤧ꤭ ꤓꤥ꤭ꤚꤣꤧ꤬, ꤖꤢꤩ꤭ꤊꤢꤪꤔꤢꤩ꤬ꤜꤤ ꤢꤩꤟꤢꤧ꤭ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ ꤟꤤ꤬ꤘꤢꤪꤊꤢꤨ꤭ ꤞꤤꤔꤣꤧ꤭ ꤔꤢꤧ ꤊꤜꤣꤧ꤭ꤟꤢꤨ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤢ꤬ ꤜ꤫ꤢꤩ꤬ꤛ꤫ꤢꤦ꤬ꤢꤩ꤬ ꤚꤣꤧꤘꤢꤦ꤬ ꤜꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬, ꤚꤣꤧ꤬ ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ꤜꤢꤪ꤭ ꤛꤢꤩ꤬ꤞꤤ꤭ ꤔꤢꤧ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤓꤥ꤭ꤟꤣꤧ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤣꤧ꤭ꤒꤣꤧ꤬ꤟꤢꤩ꤬, ꤓꤥ꤭ꤚꤣꤧ꤬ ꤢ꤬ ꤔꤢꤪ꤭ꤡꤝꤢ ꤛꤢꤩ꤬ꤞꤤ꤭ ꤘꤣ ꤠꤤ꤭ꤡꤛꤥꤕꤢ꤬꤯

เพรโด่แนพู๊ เต๊เห่ 8:7

ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤢꤩꤓꤥ꤭ꤢꤩꤗꤥ꤬ ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤔꤣꤧ꤬ ꤢ꤬ ꤥ꤬ ꤢꤩꤜꤥ꤬, ꤓꤥ꤭ꤒꤥ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤢꤩꤜꤥ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ꤡꤤꤊꤛꤢ꤭ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤢꤧꤘꤥ꤬ꤘꤢ ꤒꤣꤧ꤬ꤟꤢꤩ꤬꤯

มัทธิว 9:2

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤛꤢꤧꤟꤢꤧ꤭ꤔ꤫ꤤ꤬ ꤊꤣꤧ꤬ꤛꤢꤧ꤭ ꤞꤣꤧ꤭ꤡꤤꤊꤛꤢ꤭ ꤒꤣ꤬ꤖꤚꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ ꤥ꤬ ꤚꤣꤧ꤬ ꤢ꤬ ꤥ꤬ꤗꤣꤧ꤭ꤥ꤬ ꤖꤢꤧ ꤘꤣ ꤜ꤫ꤢꤩ꤬ꤗꤣꤧ꤭ꤋꤢꤨ꤬꤯ ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤗꤢꤧꤓ꤫ꤣꤧ꤬ ꤛꤢꤩ꤬ꤞꤤ꤭ ꤒꤢꤩ꤬ꤛ꤫ꤢꤦ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤊꤣꤧ꤬ꤛꤢꤧ꤭ ꤞꤣꤧ꤭ꤡꤤꤊꤛꤢ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ, “ꤠꤢꤧ꤭ ꤖꤢꤨꤖꤚꤢꤩ꤬ꤋꤢꤨ꤭꤮ ꤘꤢꤧ꤬ꤏꤝꤢ꤬ꤘꤢꤧ꤬ꤏꤢꤪ꤭ ꤔꤢꤧ꤬ ꤞꤤꤕꤜꤢꤪ꤬ ꤔꤤ꤮꤯ ꤠꤢꤧ꤭ ꤕꤜꤝꤢ꤭ꤊꤢꤧ꤭ꤟꤣꤧ ꤔꤢꤧ꤬ ꤒꤢꤩ꤬ꤞꤢꤦ ꤟꤣꤧ꤯”

มัทธิว 8:7

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤡꤝꤢ ꤛ꤫ꤢꤧ꤬ꤥ꤬ꤗ꤫ꤢꤩ꤬ꤘꤢꤦ꤬ ꤕꤢ꤭꤯”