มัทธิว 4:12 - Eastern Kayah Shadaw Dialect

¹² ꤙꤣꤧ ꤛꤢꤩ꤬ꤏꤛꤢꤨ ꤔ꤫ꤤ꤬ꤟꤥ꤭ ꤔꤢꤧ ꤢꤨ꤭ ꤕ꤫ꤢꤦ꤬ꤘꤢꤪꤒꤢ꤭ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤓꤢꤩ꤬ꤊꤢ꤬ꤊꤢꤧ꤭ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

¹² เบ๊อะเหย่ซู่ หนิโฮ เร๊อ อู ปื่อด๊อตา คูยอห์น เด๊อ ทอกู เฮ๊อ เบ๊อะเนอ, อา เถ่กาแก เด๊อ กาลิลีเก่.

มัทธิว 4:12 ပူးပေါင်းရင်းမြစ်များ

ꤗꤢ꤬ꤊꤢꤨ 1:14

ꤙꤣꤧ ꤢꤨ꤭ ꤕ꤫ꤢꤦ꤬ꤘꤢꤪꤒꤢ꤭ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨ ꤡꤝꤢ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤚꤣꤧ꤬ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤙꤣꤧꤔꤣꤧ꤬꤯

ꤜꤢꤨꤊꤢ꤬ 3:20

ꤒꤢꤦꤣꤧ꤭ꤔꤣꤧ꤬ ꤓꤥ꤭ꤒꤥ꤬, ꤋꤝꤤꤟꤢꤩ꤬ꤚꤥ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤘꤢꤨ꤬ꤜꤣꤕ꤫ꤥ꤬ ꤒꤣ꤬ꤡꤣ꤬ ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤘꤢꤪꤒꤢ꤭ꤊꤢꤧ꤭ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤣꤧ꤭ꤔꤣꤧ꤬ ꤟꤣꤧ꤯

มัทธิว 14:3

ꤋꤝꤤꤟꤢꤩ꤬ꤚꤥ꤬ ꤜꤢ꤭ ꤡꤝꤢꤖꤛꤢ ꤋꤛꤢ꤭ꤞꤢꤧ ꤚꤣꤧꤘꤢꤦ꤬ ꤢ꤬ꤋꤤ꤭ ꤗ꤫ꤥ꤬ꤟꤢꤩ꤬ꤚꤥ꤬ꤘꤤ ꤗ꤫ꤢ꤬ꤟꤣꤧ ꤢ꤬ꤕ꤫ꤥ꤬ ꤋꤢꤨ꤭ꤖꤤꤜꤤ꤬ꤕꤢꤨ꤬ ꤢ꤬ꤗꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤨ꤭ꤛꤥ꤭ꤟꤢ꤬ ꤟꤢꤩꤓꤥ꤭ꤟꤢꤩꤞꤢꤧꤞꤢꤧ ꤜꤢꤨ꤭ ꤔꤢꤧ, “ꤔꤢꤧ꤬ ꤡꤝꤢꤖꤛꤢꤚꤣꤧ ꤋꤛꤢ꤭ꤞꤢꤧ ꤔꤢꤧ꤬ꤋꤤ꤭ ꤟꤢꤨꤔꤣꤧ꤬ ꤗꤢ꤬ ꤢ꤬ꤒꤥ꤭ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤥ꤬꤯” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤔꤢꤪ꤭ꤡꤝꤢꤕ꤫ꤢꤦ꤬ ꤡꤢꤪ꤭ꤊꤜꤢꤪ꤬ꤗꤢ꤬ ꤢ꤬ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤚꤣꤧ꤬ ꤢ꤬ ꤔꤢꤪ꤭ꤘꤢꤪꤒꤢ꤭ꤊꤢꤧ꤭ ꤜꤢꤨ꤭ ꤘꤣ ꤢ꤬ꤕꤥ꤬ꤊꤢꤨ꤭꤯

ꤛꤥ꤭ꤟꤢ꤬ 3:24

(ꤣꤧ꤭ꤗꤢ꤬ ꤙꤣꤧ ꤢꤨ꤭ ꤘꤢꤪꤒꤢ꤭ ꤜꤢ꤭ꤟꤤ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤒꤥ꤬ ꤢ꤬ꤋꤢꤩ꤭ꤔꤣꤧ꤬)

ꤜꤢꤨꤊꤢ꤬ 4:14

ꤓꤥ꤭ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤚꤣꤧ꤬ ꤢ꤬ ꤜꤣꤙꤢ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬꤯ ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤢꤨ꤭ ꤟꤢꤩꤏꤥ꤬ ꤕꤣꤧ꤬ꤏꤤ꤭ ꤜꤥ꤭ꤡꤝꤢꤒ꤫ꤥ꤬ ꤜꤢꤪ꤭ꤕꤜꤤ꤭ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤔꤢꤧ ꤘꤢꤪ꤭ꤏꤥ꤬ ꤥ꤬ꤖꤢꤦ꤬ ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬꤯

ꤗꤢ꤬ꤊꤢꤨ 6:17

ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ꤔꤣꤧ꤬ ꤗꤢ꤬ ꤋꤝꤤꤟꤢꤩ꤬ꤚꤥ꤬ ꤔꤢꤪ꤭ꤡꤝꤢꤕ꤫ꤢꤦ꤬ ꤡꤢꤪ꤭ꤊꤜꤢꤪ꤬ꤗꤢ꤬ ꤢ꤬ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤚꤣꤧ꤬ ꤢ꤬ ꤔꤢꤪ꤭ꤘꤢꤪꤒꤢ꤭ꤊꤢꤧ꤭ ꤜꤢꤨ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤔꤣꤧ꤬ꤗꤢ꤬ ꤗ꤫ꤥ꤬ꤟꤢꤩ꤬ꤚꤥ꤬ꤘꤤ ꤋꤝꤢ꤬ꤋꤛꤢ꤭ ꤟꤣꤧ꤯ ꤗ꤫ꤥ꤬ꤟꤢꤩ꤬ꤚꤥ꤬ꤘꤤ ꤗꤢ꤬ ꤡꤢꤪꤖꤢꤧ꤬ ꤟꤢꤩ꤬ꤚꤥ꤬ ꤢ꤬ꤋꤤ꤭, ꤢ꤬ꤕ꤫ꤥ꤬ ꤋꤢꤨ꤭ꤖꤤꤜꤤ꤬ꤕꤢꤨ꤬ ꤢ꤬ꤗꤢꤩ꤭ ꤚꤣꤧ꤬ ꤋꤢꤨ꤭ꤛꤥ꤭ꤟꤢ꤬ ꤟꤢꤩꤒꤢ꤭ꤒꤢꤦ꤭ ꤒꤣꤧ꤬ꤗꤥ꤭ꤗꤥ꤭ ꤋꤝꤤꤟꤢꤩ꤬ꤚꤥ꤬ ꤔꤢꤧ ꤢ꤬ ꤒꤥ꤭ ꤖꤛꤢꤔ꤫ꤤ꤬ ꤢ꤬ꤕ꤫ꤥ꤬ ꤋꤢꤨ꤭ꤖꤤꤜꤤ꤬ꤕꤢꤨ꤬ ꤢ꤬ꤗꤢꤩ꤭ ꤒꤥ꤬꤯

ꤛꤥ꤭ꤟꤢ꤬ 4:54

ꤣꤧ꤭ꤔꤣꤧ꤬ꤗꤢ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤥ꤬ ꤘꤣ ꤛꤢꤨ꤬ꤘꤢ꤬ꤊ꤫ꤢꤩ꤬ ꤚꤣꤧ꤬ ꤓꤢꤩ꤬ꤡꤝꤢ ꤋꤛꤢ꤭ꤞꤢꤧ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤚꤣꤧ꤬ ꤢ꤬ ꤘꤣꤧꤜꤥ꤭ ꤢ꤬ꤒꤢꤩ꤬ꤗꤢꤩ꤬ ꤋꤥꤒꤣꤧ꤬ꤊꤜꤤ ꤔꤣꤧ꤭ꤖꤥꤒꤣ꤬ꤖꤥ ꤣꤧ꤭ꤔꤣꤧ꤬ ꤟꤣꤧ꤯

ꤛꤥ꤭ꤟꤢ꤬ 4:43

ꤛꤢꤩ꤬ꤏꤛꤢꤨ ꤥ꤬ ꤙꤣꤧꤔꤣꤧ꤬ ꤔꤣꤧ꤭ꤔꤣꤧ꤭ ꤓꤥ꤭ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬꤯

ꤜꤢꤨꤊꤢ꤬ 4:31

ꤛꤢꤩ꤬ꤏꤛꤢꤨ ꤡꤝꤢ ꤘꤣ ꤠꤤ꤭ꤊꤢ꤬ꤕꤢꤩ꤬ꤚꤢ꤬ꤔꤢꤪ꤬ ꤘꤣ ꤢ꤬ ꤥ꤬ ꤙꤣꤧ ꤊꤢꤧꤜꤢ꤬ꤜꤤ꤬ ꤊ꤫ꤢꤩ꤬ꤊꤢꤨ꤭ ꤣꤧ꤭ꤔꤣꤧ꤬ ꤚꤣꤧ꤬ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤙꤣꤧꤔꤣꤧ꤬꤯

มัทธิว 11:2

ꤙꤣꤧ ꤋꤢꤨ꤭ꤛꤥ꤭ꤟꤢ꤬ ꤥ꤬ ꤘꤣ ꤢꤨ꤭ ꤜ꤫ꤢꤩ꤬ꤘꤢꤪꤒꤢ꤭ ꤜꤢꤨ꤭ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤔ꤫ꤤ꤬ꤟꤥ꤭ ꤔꤢꤧ ꤙꤢꤧ꤬ꤡꤢꤩ꤬ ꤗꤢꤩ꤬ꤒꤢꤩ꤬ꤒꤣꤧ꤬ꤊꤜꤤ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤔꤢꤪ꤭ꤡꤝꤢꤘꤣꤧꤟꤣꤧ꤭ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤚꤣꤧ꤬ ꤛꤢꤩ꤬ꤞꤤ꤭ ꤘꤣꤧꤟꤣꤧ꤭ ꤜꤢꤨ꤭ ꤔꤢꤧ,

ꤜꤢꤨꤊꤢ꤬ 23:5

ꤗꤢ꤬ꤔꤢꤧꤚꤣꤧ꤬, ꤛꤢꤩ꤬ꤞꤤ꤭ ꤜꤢꤦ ꤢꤩꤓꤥ꤭ꤓꤢꤧ꤬ ꤏꤝꤢ꤬ꤏꤝꤢ꤬ꤜꤣ ꤕ꤫ꤥ꤬ ꤔꤢꤧ, “ꤢ꤬ ꤡꤝꤢꤜꤢꤩ꤭ ꤗꤢꤩ꤬ꤒꤣꤧ꤬ꤕꤜꤢꤪ꤬ꤜꤣꤧ꤬ꤛꤢꤪ꤬ ꤜꤢꤪ꤭ ꤛꤢꤨꤘꤢ꤬ꤖꤢꤨ ꤒꤣ꤬ꤊ꤫ꤢꤩ꤬ꤜꤢꤩ꤭ ꤔꤢꤧ ꤢ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤣꤧ꤭ꤔꤣꤧ꤬꤯ ꤢ꤬ ꤡꤢꤓꤢꤧ꤬ ꤗꤢꤩ꤬ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤚꤣꤧ꤬ ꤢ꤬ ꤟꤢꤧ꤭ꤒ꤫ꤥ꤬ꤟꤣꤧ ꤙꤣꤧꤣꤧ꤭ ꤟꤣꤧ꤯”

ꤛꤥ꤭ꤟꤢ꤬ 1:43

ꤢ꤬ꤔꤥ꤬ ꤒꤣ꤬ꤔꤣꤧ꤭ ꤗ꤫ꤢꤪ꤬ꤜꤤ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨ ꤘꤢꤧ꤬ꤜꤢꤧ꤬ ꤟꤣꤧ ꤢ꤬ꤞꤤꤕꤜꤢꤪ꤬ ꤘꤣ ꤢ꤬ ꤊ꤫ꤢꤦ꤬ ꤡꤝꤢ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬꤯ ꤢ꤬ ꤗꤢꤧꤓ꤫ꤣꤧ꤬ ꤋꤢꤨ꤭ꤖꤤꤜꤤ꤬ꤕꤢꤨ꤬ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤡꤝꤢ! ꤋꤚꤝꤢ꤭ꤊꤣꤧ꤭ ꤠꤢꤧ꤭ꤋꤛꤢ꤭ ꤚꤣꤧ꤬ ꤓꤝꤢ꤭ꤓꤢꤧ꤬ꤊꤣꤧ꤭ ꤠꤢꤧ꤭ ꤋꤥ꤭ꤖꤢꤨꤡ꤫ꤢꤩ꤬ ꤟꤢꤧ꤬꤮꤯”

ꤛꤥ꤭ꤟꤢ꤬ 2:11

ꤛꤢꤩ꤬ꤏꤛꤢꤨ ꤗꤢꤩ꤬ꤒꤣꤧ꤬ꤊꤜꤤ ꤊꤣꤧ꤬ꤜꤢꤨ ꤒꤢꤩ꤬ ꤒꤣ꤬ꤖꤥ꤬ꤗꤢ꤬ ꤙꤣꤧ ꤠꤤ꤭ꤊꤢ꤬ꤔꤢ, ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤣꤧ꤭ꤔꤣꤧ꤬ꤟꤣꤧ, ꤚꤣꤧ꤬ ꤢ꤬ ꤘꤣꤧꤜꤥ꤭ꤓꤢꤧ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤙꤣꤧꤔꤣꤧ꤬꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤜꤢꤨ꤭꤯