มัทธิว 2:11 - Eastern Kayah Shadaw Dialect

¹¹ ꤚꤣꤧ꤬ ꤛꤢꤩ꤬ꤞꤤ꤭ ꤔꤥ꤭ ꤘꤣ ꤟꤤ꤬ꤊꤢꤨ꤭ ꤚꤣꤧ꤬ ꤔꤥ꤭ꤗꤢꤧꤓ꤫ꤣ꤬ ꤖꤢꤨꤡ꤫ꤢꤩ꤬ꤟꤢꤨꤣꤧ꤭ ꤥ꤬ꤒ꤫ꤣ꤬ꤔꤢꤧ ꤢ꤬ꤗ꤫ꤥ꤬ ꤗ꤫ꤥ꤬ꤗꤢ꤬ꤚꤤ꤯ ꤛꤢꤩ꤬ꤞꤤ꤭ ꤘꤢꤧꤍꤢꤦ꤬ꤜꤢꤧ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤖꤛꤢꤓꤢꤩ꤬ ꤓꤢꤩ꤭ ꤔꤢꤧ ꤒꤢꤩ꤬ꤔꤥ꤬ꤗꤢꤦ ꤘꤣ ꤢꤨ꤭ ꤢꤩ ꤔꤢꤧ ꤠꤢꤧ꤬ꤋꤣ꤬ꤎꤢꤧ ꤔꤢꤧ ꤗꤢꤨꤚꤢ꤬ ꤘꤣ ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤘꤣꤧ ꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤏꤢ꤭ꤛ꤫ꤢꤨ꤬꤯

ลีเทส่อพ๊าอาเซ เร๊อ เห่ขุทวาลู๊

¹¹ เร๊อ เหย่ซี โน เด๊อ อาหี่กู เร๊อ โนแม๊เถอะ เป๊เจ่เออ โอ่เต่อเร๊อ อาโหมะ มารีย์. เหย่ซี แด๊งือแล จ๊อบู่จ๊อเบแถ่ ลู. โทเร๊อ อา พย๊าเถ่ เท เร๊อ เตโนมื๊อ เด๊อ อู เอ๊ เน๊อ แหว่ขื่อแซ๊ เร๊อ มู๊หร่า เด๊อ อางูดุงูชอ เออเต๊เห่ เร๊อ อา เด๊อะ เน๊อ เป๊เจ่ เชหยู่.

มัทธิว 2:11 ပူးပေါင်းရင်းမြစ်များ

ꤜꤢꤨꤊꤢ꤬ 2:16

ꤚꤣꤧ꤬ ꤛꤢꤩ꤬ꤞꤤ꤭ ꤓꤢꤩ꤬ꤡꤝꤢ ꤒꤣꤧ꤬ꤕꤜ꤫ꤥ꤬ꤒꤣꤧ꤬ꤕꤛꤢ꤭ ꤜꤢ꤭ꤋꤢꤧ꤭ ꤚꤣꤧ꤬ ꤡꤝꤢꤗꤢꤧꤓ꤫ꤣꤧ꤬ ꤗ꤫ꤥ꤬ꤗꤢ꤬ꤚꤤ ꤔꤢꤧ ꤖꤢꤩ꤭ꤡꤛꤥꤎꤢꤧ, ꤓꤥ꤭ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢꤗꤢꤧꤓ꤫ꤣꤧ꤬ ꤢꤨ꤭ ꤘꤢꤧ꤬ ꤥ꤬ꤗꤣꤧ꤭ꤒꤢ꤭ ꤖꤢꤨꤡ꤫ꤢꤩ꤬ꤟꤢꤨ ꤒꤣ꤬ꤖꤚꤢꤩ꤬ ꤘꤣ ꤕ꤫ꤢꤨ꤬ꤊꤜꤥꤊꤢꤨ꤭꤯

มัทธิว 2:2

“ꤖꤢꤨꤡ꤫ꤢꤩ꤬ꤟꤢꤨ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤓꤝꤢ꤭ꤓꤢꤧ꤬ ꤛꤢꤨꤘꤢ꤬ ꤢ꤬ꤋꤝꤤ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤒꤥ꤭ꤙꤣꤧꤒꤢꤩ꤭ ꤒꤣ꤬ꤖꤥ꤬? ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤗꤢꤧꤓ꤫ꤣ꤬ ꤢ꤬ꤏꤢꤩ꤬ ꤥ꤬ꤓꤢꤧ꤬ꤜꤥ꤭ ꤘꤣ ꤊ꤫ꤢꤩ꤬ꤞꤤꤓꤢꤩ꤬ ꤒꤣ꤬ꤊꤛꤢ꤭ ꤚꤣꤧ꤬ ꤕꤢꤩ꤬ ꤟꤢꤧ꤭ ꤘꤣ ꤕꤢꤩ꤬ ꤊ꤫ꤢꤦ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤢ꤬꤯”

เตเด๊อะโลแถ่ 19:10

ꤠꤢꤧ꤭ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤡꤢꤪꤙꤢꤩ꤭ꤓꤢꤧ꤬ ꤜꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤡꤢꤪꤙꤢꤩ꤭ ꤒ꤫ꤢꤧ꤬ ꤠꤢꤧ꤭ ꤒ꤫ꤢꤧ꤬ꤗꤢꤩ꤬, ꤠꤢꤧ꤭ ꤔꤢꤧ ꤔꤢꤧ꤬ ꤔꤢꤧ ꤔꤢꤧ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤞꤤ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤞꤢꤧꤜꤢꤨ꤭ ꤖꤢꤧ꤯ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤢꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤕ꤫ꤢꤦ꤬ꤗꤢ꤬ꤚꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ꤊꤢꤧ꤭ ꤕ꤫ꤢꤩ꤬ ꤕꤢꤩ꤬ ꤣꤧ꤭ꤔꤣꤧ꤬꤯ ꤟꤢꤨꤔꤣꤧ꤬ꤚꤣꤧ꤬, ꤡꤢꤪꤙꤢꤩ꤭ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬, ꤡꤢꤪꤙꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ ꤕ꤫ꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤩꤙꤢꤩ꤬ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯”

มัทธิว 14:33

ꤙꤣꤧꤔꤣꤧ꤬ꤢ꤬ꤋꤢꤩ꤭ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤞꤢꤪ꤬ꤊꤜꤣꤧ꤭ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤢꤪꤙꤢꤩ꤭ꤓꤢꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤔꤢꤧ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤔꤢꤧ꤭ ꤟꤣꤧ꤯”

เตเด๊อะโลแถ่ 5:8

ꤙꤣꤧ ꤢ꤬ ꤕ꤫ꤢꤦ꤬ꤗꤢ꤬ꤚꤣꤧ ꤜꤤ꤬ꤒꤣꤧ꤬ꤜꤢꤨ꤭ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤜꤝꤤ꤭ꤘꤥ꤭ꤣꤧ꤭ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤣꤧ꤭ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯ ꤛꤢꤩ꤬ꤞꤤ꤭ ꤒꤣ꤬ꤘꤥ꤭ ꤔꤢꤧ ꤒꤣ꤬ꤘꤥ꤭, ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤒꤤ꤬ ꤜ꤫ꤢꤩ꤬ꤘꤢꤪ꤬ ꤥ꤬ ꤓꤥ꤭ꤚꤣꤧ꤬ ꤢ꤬ꤥ꤬ ꤔꤢꤧ ꤢ꤬ꤙꤢꤩ꤭ꤓꤢꤩ꤭ ꤒꤣꤧ꤬ꤟꤢꤩ꤬꤯ ꤙꤢꤩ꤭ꤓꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤥ꤬ ꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭꤯ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭ ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤜꤢꤨꤊꤢ꤬ 2:38

ꤙꤣꤧꤔꤣꤧ꤬ꤋꤢꤩ꤭, ꤢ꤬ ꤟꤢꤧ꤭ꤒ꤫ꤥ꤬ ꤒꤥ꤭ꤒꤢꤦ ꤘꤣ ꤛꤢꤩ꤬ꤞꤤ꤭ ꤥ꤬ ꤚꤣꤧ꤬ ꤢ꤬ ꤓꤢꤨ꤬ꤞꤢꤩꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬꤯ ꤓꤥ꤭ꤚꤣꤧ꤬ ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤔꤢꤧ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ꤖꤢꤨ ꤕꤢ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

มัทธิว 1:18

ꤛꤢꤩ꤬ꤏꤛꤢꤨꤋꤚꤤ ꤔꤣꤧ꤬ ꤢ꤬ ꤟꤢꤧ꤭ꤜꤢꤧ꤬ ꤥ꤬ꤖꤢꤨꤡ꤫ꤢꤩ꤬ ꤟꤢꤨꤒꤢꤩ꤭ ꤟꤢꤩꤔꤣꤧ꤬ꤗꤢ꤬, ꤋꤢꤨ꤭ꤡꤛꤥꤎꤢꤧ ꤔꤣꤧ꤬ ꤢ꤬ ꤟꤢꤧ꤭ ꤘꤣꤧꤟꤣꤧ꤭ ꤘꤣꤧꤗꤢ ꤓꤥ꤭ꤟꤣꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤗ꤫ꤥ꤬ ꤗꤢꤪ꤬ꤗꤢ꤬ꤚꤤ ꤘꤣ ꤢ꤬ ꤊ꤫ꤢꤦ꤬ ꤖꤛꤢ ꤜꤢꤨ꤭꤯ ꤗꤢ꤬ꤔꤢꤧꤚꤣꤧ꤬ ꤙꤣꤧ ꤢ꤬ ꤖꤛꤢ ꤒꤢꤧ꤬ꤜꤢ꤭ꤟꤤ ꤜꤢꤨ꤭ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤗ꤫ꤥ꤬ꤘꤢꤪ꤭ꤓꤢꤧ꤬ ꤜꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬꤯

มัทธิว 2:10

ꤙꤣꤧ ꤛꤢꤩ꤬ꤞꤤ꤭ ꤗꤢꤧꤓ꤫ꤣ꤬ ꤏꤢꤩ꤬ꤔꤣꤧ꤬ꤒꤣ꤬ꤗꤢꤩ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤢꤧ꤬ꤡꤣꤧ꤯

มัทธิว 12:46

ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤙꤢꤩ꤬ꤟꤢꤩꤏꤥ꤭ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ꤗ꤫ꤥ꤬ ꤔꤢꤧ ꤢ꤬ ꤕ꤫ꤥ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤟꤢꤧ꤭ ꤊꤣꤧ꤬ꤓꤢꤪ꤬ ꤥ꤬ꤕ꤫ꤢꤪ꤬ ꤥ꤬ ꤜꤢꤨ꤭ ꤘꤣ ꤢ꤬ꤊꤜꤢꤪ꤭ ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤟꤢꤩꤙꤢꤩ꤬ ꤜꤢꤨ꤭꤯

ꤛꤥ꤭ꤟꤢ꤬ 19:39

ꤋꤢꤨ꤭ꤔꤤ꤬ꤊꤢ꤬ꤘꤢꤩꤗꤢꤨ꤬ ꤋꤚꤝꤢ꤭ꤡꤝꤢꤊꤣꤧ꤭ ꤔꤢꤧ ꤢ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤘꤣ ꤗ꤫ꤢꤪ꤬ꤋꤤꤋꤢꤩ꤭ ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤗꤢ꤬ ꤋꤢꤨ꤭ꤔꤤ꤬ꤊꤢ꤬ꤘꤢꤩꤗꤢꤨ꤬ ꤟꤣꤧ꤯ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤜ꤫ꤢꤩ꤬ꤕꤜ꤫ꤥ꤬ ꤔꤥ꤬ꤗꤢꤦ ꤔꤣꤧ꤭ꤡꤣ꤬ ꤘꤣ ꤢꤨ꤭ ꤢꤩ ꤔꤢꤧ, ꤗꤢꤨꤚꤢ꤬ ꤔꤢꤧ ꤢ꤬ꤜꤢꤨꤎꤢ꤬꤯ ꤢ꤬ ꤜꤢꤧ꤬ꤓꤥ꤬ꤔꤣꤧ꤬, ꤢ꤬ ꤖꤢꤦ꤬꤮ ꤥ꤬ ꤡꤣꤧ ꤔꤣꤧ꤭ꤏꤣꤧ꤭ ꤔꤢꤧ ꤍꤢꤧ꤭ꤡꤝ꤫ꤢꤩ꤬ ꤡꤣꤧ꤯