มัทธิว 17:1 - Eastern Kayah Shadaw Dialect

¹ ꤗ꤫ꤢꤪ꤬ꤔꤣꤧ꤭ ꤞꤥ꤭ꤞꤝꤢ ꤙꤢ꤭ꤓꤥ꤭ꤔꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢꤩꤔ꤫ꤤ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ, ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤔꤢꤧ ꤢ꤬ꤕ꤫ꤥ꤬ ꤋꤢꤨ꤭ꤛꤥ꤭ꤟꤢ꤬ ꤚꤣꤧ꤬ ꤢ꤬ ꤡꤝꤢꤓꤢꤧ꤬ ꤘꤣ ꤏꤥ꤬ꤓꤢꤧ꤬ꤜꤥ꤭ ꤒꤣ꤬ꤗꤢꤩ꤭ ꤢ꤬ꤜꤥ꤬꤯ ꤚꤣꤧ꤬ ꤢ꤬ ꤞꤤꤛ꤫ꤢꤦ꤬ ꤡꤝꤢꤥ꤬ꤒꤢꤦꤘꤢꤦ꤬ ꤊꤣꤧ꤭ꤔꤢꤧ ꤛꤢꤩ꤬ꤞꤤ꤭ ꤖꤢꤧ꤯

ลีเทส่อพ๊าอาเซ เร๊อ เห่ขุทวาลู๊

¹ ม๊อเนอ โซซว๊า บาโทเนอ แบ่เจ่ เหย่ซู่ เอ๊หนิ คูเปโตร, คูยากอบ เร๊อ คูยอห์น หม่าเฮ๊อ คูยากอบ อาโป่เออ เร๊อ เหย่ซี จว๊าแถ่ เด๊อ โฉ่แถ่โล เตเม อาลู. เร๊อ อา ซิ หยื่อ จว๊าโอ่ตื้อดื่อ เกอเร๊อ เหย่ซี แพ๊.

มัทธิว 17:1 ပူးပေါင်းရင်းမြစ်များ

มัทธิว 26:37

ꤢ꤬ ꤢꤩꤋꤚꤝꤢ꤭ꤡꤝꤢꤔ꤫ꤤ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤖꤢꤩ꤭ꤞꤢꤩꤙꤢꤩ꤬ꤘꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤞꤤꤔꤣꤧ꤭ ꤚꤣꤧ꤬ ꤢ꤬ ꤞꤤꤕꤜꤢꤩ꤭ꤞꤤꤛꤢꤪ꤬ ꤟꤢꤧ꤭ ꤚꤣꤧ꤬ ꤢ꤬ ꤞꤤꤕꤜꤢꤪ꤬ꤊ꤫ꤢꤨ꤬ ꤞꤤꤕꤜꤢꤪ꤬ꤊꤢꤧ꤭ ꤟꤢꤧ꤭꤯

ꤗꤢ꤬ꤊꤢꤨ 5:37

ꤓꤥ꤭ꤚꤣꤧ꤬ ꤢ꤬ ꤢꤩꤋꤚꤝꤢ꤭ꤔ꤫ꤤ꤬ ꤖꤢꤧꤒꤢꤦ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ, ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤔꤢꤧ ꤢ꤬ꤕ꤫ꤥ꤬ꤋꤢꤨ꤭ꤛꤥ꤭ꤟꤢ꤬ ꤖꤢꤧ꤯ ꤢ꤬ ꤢꤩꤔ꤫ꤤ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

เปโตร เนอบ่า ต๊าบ่า 1:18

ꤙꤣꤧ ꤕꤢꤩ꤬ ꤥ꤬ꤊꤣꤧ꤭ ꤔꤢꤧ ꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤏꤥ꤬ꤋꤢꤨ꤬ ꤚꤣꤧ꤬ ꤍ꤫ꤥ꤬ ꤥ꤬ ꤘꤣ ꤗꤢꤪꤋꤢꤨ꤬ ꤖꤚꤢ꤬ꤒꤢ꤭ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤔ꤫ꤤ꤬ꤟꤥ꤭ꤡꤣꤧ ꤔꤢꤧ ꤕꤢꤩ꤬ꤔ꤫ꤢꤩ꤬꤯

โครินธ์ เนอบ่า ต๊าบ่า 13:1

ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤞꤤ꤭ ꤣꤧ꤭ꤒꤣ꤬ꤖꤥ꤬ ꤔꤣꤧ꤬ꤗꤢ꤬ ꤞꤥ꤭ꤖꤥꤒꤣ꤬ꤖꤥ ꤟꤣꤧ꤯ ꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, “ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤘꤢꤧ꤬ ꤢ꤬ ꤋꤥ꤭ꤙꤢꤧꤞꤝꤢ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤢ꤬ꤒꤢꤩ꤬ꤞꤢꤦ ꤊꤢꤩ꤬ꤟꤢꤩꤚꤣꤧ꤬, ꤕꤣꤧ꤬ꤒꤤꤒꤣꤧ꤬ꤘꤢꤦ꤬ ꤊꤣꤧ꤬ꤛꤢꤧ꤭ ꤞꤤꤔꤣꤧ꤭ ꤗ꤫ꤢ꤬ꤒꤥ꤬ꤚꤣꤧ꤬ ꤞꤤꤞꤥ꤭ ꤙꤢꤩ꤬ ꤋꤢꤧꤟꤢꤩꤏꤥ꤬ꤜꤥ꤭ ꤙꤢꤩ ꤒꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤘꤢꤧ꤬ ꤢ꤬ ꤋꤥ꤭ꤙꤢꤧꤞꤝꤢ ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬ꤗꤢ꤬ ꤢ꤬ꤒꤥ꤭ ꤗ꤫ꤢ꤬ꤔꤤꤔꤢꤧ꤬ ꤟꤢꤨꤔꤣꤧ꤬꤯”

ꤜꤢꤨꤊꤢ꤬ 8:51

ꤙꤣꤧ ꤢ꤬ ꤡꤝꤢꤒ꤫ꤥ꤬ ꤘꤣ ꤟꤤ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤔꤥ꤭ ꤢꤨ꤭ ꤘꤣ ꤟꤤ꤬ꤘꤢꤪꤊꤢꤨ꤭ ꤒꤣ꤬ꤖꤚꤢꤩ꤬꤮ ꤒꤥ꤬, ꤢ꤬ ꤢꤩꤔꤥ꤭ꤔ꤫ꤤ꤬ ꤒꤢꤦꤖꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ, ꤋꤢꤨ꤭ꤛꤥ꤭ꤟꤢ꤬, ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬ ꤔꤢꤧ ꤖꤚꤢꤩ꤬ꤗꤢꤪ꤬ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤗ꤫ꤥ꤬ꤢ꤬ꤖꤢꤩ꤭ ꤖꤢꤧ꤯

มัทธิว 17:2

ꤙꤣꤧ ꤛꤢꤩ꤬ꤞꤤ꤭ ꤥ꤬ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤊꤜꤢꤧ꤬ ꤋꤥꤜꤢꤪ꤭ ꤘꤣ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ꤑꤢꤩ꤭꤯ ꤢ꤬ꤕꤣꤧꤞꤢꤩ꤬ ꤒꤣ꤬ꤙꤢꤩ꤬ ꤔꤣꤧ꤬ ꤢ꤬ ꤒꤣꤧ꤬ꤋꤢꤩ꤭ ꤞꤢꤧꤡꤣꤧꤔꤢꤧ ꤒꤣꤧꤗ꤫ꤢꤪ꤬ꤔꤣꤧ꤬, ꤢ꤬ꤟꤣꤧ꤬ꤡꤢ꤬ ꤔꤣꤧ꤬ ꤢ꤬ ꤙꤢꤨ꤭ꤞꤢꤨꤒꤢꤨ ꤕꤜꤢꤧꤒꤣꤧ꤬ꤋꤢꤩ꤭ ꤡꤣꤧ꤯

ꤗꤢ꤬ꤊꤢꤨ 13:3

ꤙꤣꤧ ꤛꤢꤩ꤬ꤏꤛꤢꤨ ꤥ꤬ꤔꤢꤧ꤭ꤥ꤬ ꤘꤣ ꤢꤪꤜꤤꤠꤢ꤬ꤏꤥ꤬ꤋꤢꤨ꤬ ꤚꤣꤧ꤬ ꤢ꤬ ꤗꤢꤧꤡꤝꤢ ꤒꤥ꤭ꤘꤢꤩ꤭ ꤘꤣ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤥ꤬ ꤢ꤬ꤋꤢꤩ꤭ꤔꤣꤧ꤬, ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ, ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤋꤢꤨ꤭ꤛꤥ꤭ꤟꤢ꤬, ꤋꤢꤨ꤭ꤢꤧ꤬ꤘꤚꤢꤨ, ꤟꤢꤧ꤭ꤟꤥ꤬ꤚꤣꤧ ꤘꤣ ꤜꤢꤨ꤭ꤥ꤬ ꤚꤣꤧ꤬ ꤘꤣꤧꤟꤣꤧ꤭ ꤜꤢꤨ꤭ ꤔꤢꤧ,

เปโตร เนอบ่า ต๊าบ่า 1:16

ꤙꤣꤧ ꤕꤢꤩ꤬ ꤘꤣꤧꤞꤤꤑꤢꤩ꤭ ꤕ꤫ꤢꤩ꤬ ꤟꤣꤧ ꤞꤤ꤭ ꤔꤢꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤔꤢꤧ ꤢ꤬ꤒꤢꤩ꤬ꤟꤢꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤒꤢꤩ꤬ꤘꤥ꤬ꤔꤢꤧ꤭ ꤘꤣ ꤢ꤬ꤗ꤫ꤢ꤬ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤊꤣꤧ꤬ꤛꤢꤧ꤭ ꤡ꤫ꤢꤧ꤬ꤘꤢꤧ ꤜꤣꤧ꤬ꤟꤥ꤭ ꤒꤣꤧ꤬ꤟꤢꤩ꤬ ꤘꤢꤧꤕ꤫ꤢꤩ꤬ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤋꤚꤝꤢ꤭ꤘꤢꤧ ꤊꤣꤧ꤭ꤢꤨ꤭ ꤒꤥ꤬꤯ ꤕꤢꤩ꤬ ꤗꤢꤧꤓ꤫ꤣꤧ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤘꤢꤨ꤬ꤢ꤬ꤓꤢꤨ꤭ ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ꤕꤣꤧꤞꤢꤩ꤬ ꤚꤣꤧꤘꤢꤦ꤬ ꤡꤣꤧ꤯