ꤜꤢꤨꤊꤢ꤬ 7:13 - Eastern Kayah Shadaw Dialect

¹³ ꤙꤣꤧ ꤙꤢꤧ꤬ꤡꤢꤩ꤬ ꤗꤢꤧꤓ꤫ꤣꤧ꤬ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯”

ลีเทส่อพ๊าอาเซ เร๊อ เห่ขุทวาลู๊

¹³ เบ๊อะแบ่เจ่ แม๊เถอะ เพร เหมาะโอ่แคร๊ เออเตเพร เบ๊อะเนอ, อา ซิยอ เกอเร๊อ แหน่เจ๊อ ลู เร๊อ อา เฮ๊ ลู เน๊อ, “โหง่ แต่เหม่ นี๋.”

ꤜꤢꤨꤊꤢ꤬ 7:13 ပူးပေါင်းရင်းမြစ်များ

ꤟꤤꤙꤚꤢꤨ 4:15

ꤕꤢꤩ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤞꤤꤑꤢꤩ꤭ ꤕꤢꤩ꤬ ꤒꤢꤩ꤬ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤕꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤪꤟꤣꤧ ꤔꤢꤧ ꤒꤢꤩ꤬ꤢꤩꤜꤢ꤬ꤢꤩꤕꤜꤢꤩ ꤕꤝꤢ꤭꤮ ꤒꤣ꤬ꤡꤣ꤬ ꤟꤢꤨ ꤕꤢꤩ꤬ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤣꤧ꤭ꤔꤣꤧ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤗꤢꤩ꤬ꤞꤢꤦꤊꤣꤧ꤭ ꤒꤢꤩ꤬ ꤒꤥ꤬꤯

ꤜꤢꤨꤊꤢ꤬ 8:52

ꤊꤣꤧ꤬ꤛꤢꤧ꤭ ꤥ꤬ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤍ꤫ꤥ꤬ꤟꤢꤩ꤬ ꤚꤣꤧꤘꤢꤦ꤬ꤜꤢꤪ꤭ ꤖꤚꤢꤩ꤬ꤗꤢꤪ꤬ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤍ꤫ꤥ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬꤯ ꤖꤚꤢꤩ꤬ꤗꤢꤪ꤬ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤞꤣꤧ꤭ ꤗ꤫ꤢ꤬ꤒꤥ꤬, ꤢ꤬ ꤥ꤬ꤗꤣꤧ꤭ꤒꤣꤧ꤬ꤕꤢ꤬ ꤖꤢꤧ!”

ꤟꤤꤙꤚꤢꤨ 2:17

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤢꤧꤟꤢꤨ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊ꤫ꤢꤦ꤬ ꤓꤝꤢ꤭ꤘꤢꤦ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤘꤣ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤚꤣꤧ꤬ ꤢ꤬ ꤞꤤꤛꤢꤪ꤬ꤡ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤋꤢꤧꤞꤣꤧ꤭ꤕ꤫ꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤗꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤟꤢꤧ꤭ꤜꤢꤧ꤬ ꤖꤛꤢ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤜ꤫ꤢꤩ꤬ꤊꤜꤥ꤭ ꤞꤢꤧꤔꤢꤧ ꤢ꤬ꤕ꤫ꤥ꤬ꤢ꤬ꤗ꤫ꤢꤧ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 20:15

“ꤖꤚꤢꤩ꤬ꤗꤢꤪ꤬꤮, ꤔꤢꤧ꤬ ꤍ꤫ꤥ꤬ ꤗꤢꤩ꤬ꤒꤢꤩ꤭? ꤔꤢꤧ꤬ ꤗꤢꤧꤕꤢꤨ꤭ ꤢꤨ꤭ꤕꤢꤩ꤭?” ꤢ꤬ ꤘꤣꤧꤟꤣꤧ꤭ ꤜꤢꤨ꤭ ꤟꤢꤨꤔꤣꤧ꤬꤯ ꤗꤢꤪ꤬ꤗꤢ꤬ꤚꤤ ꤒꤣꤧ꤬ꤔꤢꤩ꤬ꤒ꤫ꤢꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔꤢꤧ ꤖꤚꤢꤩ꤬ꤥ꤬ꤕ꤫ꤢꤪ꤬ ꤗꤢꤧꤡꤢꤧ꤬ ꤊꤣꤧ꤬ꤚꤢꤩꤊꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤗ꤫ꤢꤧ꤬꤮, ꤔꤢꤧ꤬ ꤊꤢꤩ꤬ ꤖꤛꤢꤡꤝꤢ ꤜꤢꤨ꤭ ꤟꤢꤩꤚꤣꤧ꤬ ꤔꤢꤧ꤬ ꤡꤝꤢꤘꤢꤧ꤬ꤥ꤬ ꤒꤥ꤭ ꤜꤢꤨ꤭ ꤙꤣꤧꤒꤢꤩ꤭ ꤒꤣ꤬ꤖꤥ꤬ꤔꤣꤧ꤬, ꤟꤢꤩꤜꤥ꤭ ꤕ꤫ꤢꤩ꤬ ꤠꤢꤧ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤡꤝꤢꤖꤛꤢꤋꤛꤢ꤭ ꤢ꤬,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤗꤢ꤬ꤊꤢꤨ 8:2

“ꤠꤢꤧ꤭ ꤞꤤꤛꤢꤪ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬, ꤢ꤬ ꤥ꤬ ꤊꤣꤧ꤭ ꤜꤢ꤭ꤋꤢꤧ꤭ ꤔꤢꤧ ꤠꤢꤧ꤭ ꤙꤣꤧꤣꤧ꤭ ꤗꤢ꤬ ꤢ꤬ ꤙꤢ꤭ ꤟꤣꤧ ꤞꤥ꤭ꤔꤣꤧ꤭ ꤟꤣꤧ꤯ ꤛꤢꤩ꤬ꤞꤤ꤭ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤥ꤬ ꤜꤢ꤭ꤋꤢꤧ꤭ ꤒꤣ꤬ꤡꤣ꤬꤮ ꤒꤥ꤬꤯

ꤛꤥ꤭ꤟꤢ꤬ 11:2

ꤗꤢꤪ꤬ꤗꤢ꤬ꤚꤤ ꤣꤧ꤭ꤒꤣ꤬ꤖꤚꤢꤩ꤬ ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤜꤢꤧꤒꤢ꤭ ꤓꤣꤧ꤭ꤔꤥ꤬ꤗꤢꤦ ꤘꤣ ꤙꤢꤧ꤬ꤡꤢꤩ꤬ ꤢ꤬ ꤋꤢꤧꤘꤥ꤬ꤜꤥ꤬ ꤚꤣꤧ꤬ ꤢ꤬ ꤓꤢꤦꤕꤜꤤ꤭ ꤔꤢꤧ ꤢ꤬ꤊꤢꤨꤜꤥ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯ ꤋꤢꤨ꤭ꤜꤢ꤬ꤎꤢ꤬ꤚꤢꤨ ꤘꤣ ꤢ꤬ꤏꤝꤤ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤕ꤫ꤥ꤬ꤖꤚꤢꤩ꤬ꤋꤢꤨ꤭ ꤟꤣꤧ꤯

ꤜꤢꤨꤊꤢ꤬ 24:34

ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤟꤢꤩ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤟꤢꤧ꤭ꤒ꤫ꤥ꤬ ꤗꤥꤕꤢ꤬ ꤣꤧ꤭ꤞꤤꤔꤣꤧ꤭ ꤔꤢꤧ, “ꤙꤢꤧ꤬ꤡꤢꤩ꤬ ꤞꤣꤧ꤭ꤖꤚꤢꤩ꤬ ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤟꤣꤧ ꤗꤢꤩ꤭꤯ ꤢ꤬ ꤘꤣꤧꤜꤥ꤭ ꤕ꤫ꤢꤩ꤬ ꤓꤥ꤭ꤟꤣꤧ ꤢ꤬ꤔ꤫ꤢꤩ꤬ ꤔꤢꤧ ꤋꤢꤨ꤭ꤏꤛꤤꤗꤥ꤬ ꤟꤣꤧ!”

ꤜꤢꤨꤊꤢ꤬ 17:5

ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤟꤢꤩꤏꤥ꤬ ꤙꤢꤧ꤬ꤡꤢꤩ꤬ ꤔꤢꤧ, “ꤗꤢꤩ꤬ꤏꤢꤪ꤭ꤓꤢꤧ꤬ ꤕ꤫ꤢꤩ꤬ ꤕꤢꤩ꤬ ꤒꤢꤩ꤬ꤛ꤫ꤢꤦ꤬꤯”

โครินธ์ อาเหร่อเล๊อ ต๊าบ่า 7:30

ꤊꤣꤧ꤬ꤛꤢꤧ꤭ ꤘꤣ ꤢ꤬ꤍ꤫ꤥ꤬ꤢ꤬ꤟꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤛꤢꤩ꤬ꤞꤤ꤭ ꤍ꤫ꤥ꤬ ꤒꤥ꤬ ꤔꤣꤧ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤋꤚꤢꤦ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨ ꤛꤢꤩ꤬ꤞꤤ꤭ ꤞꤤꤋꤚꤢꤦ꤭ ꤒꤥ꤬ ꤔꤣꤧ꤬꤯ ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤤ꤬ꤖꤚꤤ꤬ ꤒꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ꤞꤤꤕꤜꤢꤪ꤬ ꤒꤥ꤭ꤙꤢꤩ꤬ ꤡ꤫ꤢꤩ꤬ꤡꤢꤦ꤭ꤔ꤫ꤤ꤬ ꤔꤢꤧ ꤒꤢ꤭ꤒꤢꤩ꤬ ꤘꤣ ꤢ꤬ ꤤ꤬ꤖꤚꤤ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬꤯

ꤛꤥ꤭ꤟꤢ꤬ 20:13

ꤚꤣꤧ꤬ ꤛꤢꤩ꤬ꤞꤤ꤭ ꤘꤣꤧꤟꤣꤧ꤭ ꤗꤢꤪ꤬ꤗꤢ꤬ꤚꤤ ꤔꤢꤧ, “ꤖꤚꤢꤩ꤬ꤗꤢꤪ꤬, ꤔꤢꤧ꤬ ꤍ꤫ꤥ꤬ ꤗꤢꤩ꤬ꤒꤢꤩ꤭?” ꤚꤣꤧ꤬ ꤗꤢꤪ꤬ꤗꤢ꤬ꤚꤤ ꤟꤢꤩ ꤊꤢ꤬ꤋꤛꤢ꤭ꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤛꤢꤩ꤬ꤞꤤ꤭ ꤖꤛꤢꤡꤝꤢꤗ꤫ꤢꤩ꤬ꤊꤢꤧ꤭ ꤟꤣꤧ ꤠꤢꤧ꤭ ꤙꤢꤧ꤬ꤡꤢꤩ꤬ ꤟꤣꤧ, ꤛꤢꤩ꤬ꤞꤤ꤭ ꤡꤝꤢꤘꤢꤧ꤬ꤥ꤬ ꤒꤥ꤭ ꤜꤢꤨ꤭ ꤙꤣꤧꤒꤢꤩ꤭ꤔꤣꤧ꤬ ꤠꤢꤧ꤭ ꤞꤤꤑꤢꤩ꤭ꤒꤥ꤬,” ꤢ꤬ ꤟꤢꤩꤏꤢꤦ꤬ ꤟꤢꤨꤔꤣꤧ꤬꤯

ꤜꤢꤨꤊꤢ꤬ 13:15

ꤚꤣꤧ꤬ ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤜꤢꤨ꤭ ꤔꤢꤧ, “ꤖꤚꤢꤩ꤬ ꤢꤧꤡꤢꤪꤢꤧꤒꤢꤩ꤬ ꤙꤛꤢ꤬ꤖꤢꤧ ꤢ꤬ꤔ꤫ꤢꤩ꤬ ꤞꤤ꤭꤮ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤏꤤ꤬ꤜꤥ ꤜꤢ꤭ꤋꤢꤧ꤭ ꤞꤤ꤭ ꤕ꤫ꤢꤨ꤬ꤕꤜꤣꤧ꤬, ꤗ꤫ꤢ꤬ꤒꤥ꤬ꤚꤣꤧ꤬ ꤞꤤ꤭ ꤒꤣꤧ꤬ꤞꤤꤕꤜꤣꤧ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤚꤣꤧ꤬ ꤞꤤ꤭ ꤡꤝꤤ꤬ꤓꤢꤩ꤬ꤡꤝꤢ ꤙꤥ꤬ꤥ꤭ ꤢ꤬ꤓꤣꤧ꤭ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤢ꤬ꤋꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬ ꤟꤢꤧ꤭?

ꤜꤢꤨꤊꤢ꤬ 10:1

ꤓꤥ꤭ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔꤝꤢꤓꤢꤧ꤬ ꤚ꤫ꤥ꤬ꤢꤩ ꤕ꤫ꤥ꤬ ꤟꤣꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤘꤣ ꤢ꤬ꤚꤥ꤬ ꤞꤥ꤭ꤞꤝꤢꤒꤣ꤬ꤏꤣꤧ꤭ ꤔꤢꤧ ꤞꤤꤔꤣꤧ꤭ ꤚꤣꤧ꤬ ꤢ꤬ ꤔꤢꤪ꤭ꤡꤝꤢ ꤛꤢꤩ꤬ꤞꤤ꤭ ꤒꤣ꤬ꤖꤥ꤬ ꤔꤢꤧ ꤞꤤꤔꤣꤧ꤭ ꤚꤣꤧ꤬ ꤢ꤬ ꤔꤢꤪ꤭ ꤡꤝꤢ ꤚ꤫ꤣꤧ꤬ ꤜꤢꤪ꤭ ꤛꤢꤩ꤬ꤞꤤ꤭ ꤘꤣ ꤘꤢꤪ꤭ ꤕꤝꤢ꤭ꤒꤣ꤬ꤘꤢꤪ꤭ ꤢ꤬ꤊꤢꤨ꤭, ꤠꤤ꤭ ꤕꤝꤢ꤭ꤒꤣ꤬ꤠꤤ꤭ ꤢ꤬ꤊꤢꤨ꤭ ꤔꤢꤧ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤙꤣꤧ ꤜ꤫ꤢꤩ꤬ꤥ꤬ ꤘꤣ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ꤚꤢꤩ꤭ ꤡꤝꤢ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬꤯

ꤜꤢꤨꤊꤢ꤬ 7:19

ꤚꤣꤧ꤬ ꤋꤢꤨ꤭ꤛꤥ꤭ꤟꤢ꤬ ꤢꤩꤟꤢꤧ꤭ ꤚꤣꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤞꤤꤔꤣꤧ꤭ ꤚꤣꤧ꤬ ꤢ꤬ ꤔꤢꤪ꤭ꤡꤝꤢ ꤛꤢꤩ꤬ꤞꤤ꤭ ꤘꤣ ꤛꤢꤩ꤬ꤏꤛꤢꤨ ꤢ꤬ ꤥ꤬ ꤚꤣꤧ꤬ ꤢ꤬ ꤔꤢꤪ꤭ꤡꤝꤢꤘꤣꤧꤟꤣꤧ꤭ ꤜꤢꤨ꤭ ꤔꤢꤧ, “ꤔꤢꤧ꤬ ꤗꤢ꤬ ꤗꤢꤩ꤬ꤏꤤꤛꤢ꤬ ꤘꤣ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤟꤢꤩꤥ꤬ꤔꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤟꤢꤧ꤭ ꤕꤢ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ ꤟꤢꤧ꤭? ꤗ꤫ꤢ꤬ꤒꤥ꤬ꤚꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤥ꤬ꤕ꤫ꤢꤪ꤬ꤗꤢꤧꤏꤢꤦ꤭ꤕꤢ꤬ ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤟꤢꤧ꤭ ꤕꤢ꤭ ꤢ꤬ꤑꤢꤩ꤭ ꤔꤣꤧ꤬ ꤟꤢꤧ꤭? ꤡꤝꤢꤘꤣꤧꤟꤣꤧ꤭ ꤟꤢꤨꤔꤣꤧ꤬ ꤔꤤ,” ꤢ꤬ ꤟꤢꤩꤡꤝꤢ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

ꤕ꤫ꤥ꤬ꤠ꤫ꤢꤧ꤬ꤞꤤ꤭, ꤕꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ꤊꤣꤧ꤭ ꤞꤤ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤚꤣꤧ꤬ ꤢ꤬ ꤞꤣꤧ꤭ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤢꤩ꤬ꤗꤢꤧꤏꤢꤦ꤭ ꤥ꤬ꤊꤣꤧ꤭ꤢꤨ꤭ ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤞꤤꤕꤜꤢꤩ꤭ꤔꤢꤩ꤬ꤙꤢꤩ꤬ ꤔꤣꤧ꤬, ꤕꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤓꤝꤢ꤭ ꤊꤣꤧ꤭ ꤞꤤ꤭ ꤟꤢꤨꤔꤣꤧ꤬ꤒꤥ꤬꤯

ꤜꤢꤨꤊꤢ꤬ 22:61

ꤙꤢꤧ꤬ꤡꤢꤩ꤬ ꤒꤣꤧ꤬ꤚꤤ ꤗꤢꤧꤡꤝꤢ ꤒꤥ꤭ꤘꤢꤩ꤭ ꤜꤢꤨ꤭ ꤢ꤬ꤋꤢꤩ꤭, ꤢ꤬ ꤒꤣꤧ꤬ꤔꤢꤩ꤬ꤓꤢꤧ꤬ ꤒ꤫ꤥ꤬ꤙꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤥ꤬ꤔꤢꤩ꤬ꤊꤢꤧ꤭ ꤜꤢꤨ꤭ ꤍ꤫ꤥ꤬ ꤔꤢꤧ, “ꤣꤧ꤭ꤒꤣ꤬ꤞꤢꤩ꤭ ꤕꤢ꤭, ꤙꤣꤧ ꤏꤢ꤭ꤖꤢꤩ꤭ ꤤ꤬ꤢꤨ꤬ꤓꤢꤧ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤔꤣꤧ꤬, ꤔꤢꤧ꤬ ꤓꤢꤩꤙꤤꤊꤢꤧ꤭ꤚꤣꤧ ꤠꤢꤧ꤭ ꤞꤥ꤭ꤖꤥ ꤕꤢ꤭,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤜꤢꤨꤊꤢ꤬ 7:12

ꤙꤣꤧ ꤢ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤒ꤫ꤥ꤬ꤟꤣꤧ ꤘꤣ ꤠꤤ꤭ ꤊꤣꤧ꤬ꤘꤢ꤭ꤓꤢꤦ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡꤝꤢ ꤒꤢ꤭ꤏꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣ꤬ꤗꤢꤨ꤬ ꤛꤢꤧꤟꤢꤧ꤭ ꤜꤥꤜꤥ꤭꤯ ꤜꤥ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤘꤢꤦ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤥ꤬ꤋꤚꤢꤧ ꤒꤢꤦꤘꤢꤦ꤬ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬꤯ ꤊꤣꤧ꤬ꤛꤢꤧ꤭ ꤘꤢꤪ꤭ꤖꤢꤨꤏꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤋꤚꤝꤢ꤭ ꤟꤢꤧ꤭ꤕꤜꤢꤨ꤬ꤟꤢꤧ꤭ꤖꤢꤩ꤬ ꤊꤣꤧ꤭ꤜꤢꤪ꤭ ꤔꤢꤧ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤣꤧ꤭ꤒꤣ꤬ꤖꤚꤢꤩ꤬꤯

ꤜꤢꤨꤊꤢ꤬ 7:14

ꤚꤣꤧ꤬ ꤛꤢꤩ꤬ꤏꤛꤢꤨ ꤡꤝꤢꤒꤥ꤭ ꤘꤣ ꤜꤥ꤭ ꤣꤧ꤭ ꤢ꤬ ꤥ꤬ ꤚꤣꤧ꤬ ꤢ꤬ ꤡꤝꤢꤒꤥ꤬ ꤜꤥ꤭ꤔꤣꤧ꤬꤯ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛꤢꤧꤟꤢꤧ꤭ ꤜꤥ꤭ ꤒꤣꤧ꤬ꤟꤢꤩ꤬ ꤥ꤬ꤊꤥ꤯ ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤔꤢꤧ, “ꤖꤚꤢꤩ꤬ꤋꤢꤨ꤭ꤖꤢꤨꤞꤢꤩ꤬ ꤊꤣꤧ꤬ꤓꤢꤪ꤬ ꤗꤣꤧ꤭꤯”

ꤜꤢꤨꤊꤢ꤬ 11:1

ꤒꤣ꤬ꤔꤣꤧ꤭ꤋꤢꤩ꤭ ꤛꤢꤩ꤬ꤏꤛꤢꤨ ꤊꤝꤤ꤭ꤡꤢꤪꤙꤢꤩ꤭ ꤘꤣ ꤜ꤫ꤢꤩ꤬ꤥ꤬ ꤒꤣ꤬ꤖꤥ꤬꤯ ꤙꤣꤧ ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤓꤥ꤭ꤟꤣꤧ ꤢ꤬ꤋꤢꤩ꤭, ꤘꤣ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤙꤢꤧ꤬ꤡꤢꤩ꤬, ꤤ꤬ꤞꤝꤢ ꤕ꤫ꤢꤩ꤬ ꤊꤣꤧ꤭ ꤕꤢꤩ꤬ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤟꤢꤨ ꤋꤢꤨ꤭ꤛꤥ꤭ꤟꤢ꤬ ꤤ꤬ꤞꤝꤢ ꤕ꤫ꤢꤩ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬꤯”

ꤜꤢꤨꤊꤢ꤬ 11:39

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤖꤢ꤬ꤚꤤ꤬ꤏꤛꤢꤧꤖꤢꤨ ꤞꤤ꤭, ꤞꤤ꤭ ꤞꤢꤨꤕꤜꤤ꤭ ꤚꤢꤧ ꤔꤢꤧ꤬ꤡꤣꤧ ꤙꤢꤩ꤭ꤜ꤫ꤢꤪ꤬ ꤔꤢꤧ ꤘꤤ꤭ꤙꤢꤩ꤭ ꤘꤣ ꤢ꤬ꤊꤜꤢꤪ꤭ ꤔꤣꤧ꤬ꤒꤣ꤬ꤊꤛꤢ꤭ ꤡꤣꤧ꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ꤔꤣꤧ꤬, ꤢ꤬ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ ꤚꤣꤧꤘꤢꤦ꤬ꤑꤢꤩ꤭ ꤔꤢꤧ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ꤒꤣꤧ꤬ꤟꤢꤩ꤬ ꤡꤣꤧ꤯

ꤜꤢꤨꤊꤢ꤬ 12:42

ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤟꤢꤨꤔꤣꤧ꤬ꤚꤣꤧ꤬, ꤢ꤬ ꤓꤝꤢ꤭ ꤜꤢꤨ꤬ꤜꤢꤩꤊꤢꤨ꤬ꤊꤜꤢꤪ ꤘꤣ ꤢ꤬ꤡꤢꤪ ꤚꤣꤧ꤬ ꤢ꤬ ꤥ꤬ ꤔꤢꤧ ꤒꤢꤩ꤬ꤞꤤꤖꤢꤩ ꤒꤣ꤬ꤖꤚꤢꤩ꤬ꤗꤢ꤬ ꤢꤨ꤭ꤕꤢꤩ꤭? ꤜꤢꤨ꤬ꤜꤢꤩꤊꤢꤨ꤬ꤊꤜꤢꤪ ꤘꤣ ꤢ꤬ꤡꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤘꤣꤧꤒꤢ꤭ ꤜꤢꤪ꤭ ꤢ꤬ꤜꤢꤨ꤬ꤜꤢꤩ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤘꤣ ꤜꤢꤨ꤭ ꤊꤢꤨꤛꤢ꤭ꤊꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤔꤢꤪ꤭ꤗꤢꤧꤔꤢꤪ꤭ꤡꤢꤧ꤬ꤚꤣꤧ ꤜꤢꤨ꤭ ꤔꤢꤧ ꤛꤢꤩ꤬ꤞꤤ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤢꤩ꤬ꤒꤥ꤭ꤘꤣꤧꤥ꤭ꤙꤢꤩ꤬ ꤕ꤫ꤢꤩ꤬ ꤢꤨ꤭ ꤢ꤬ꤏꤣꤧꤢ꤬ꤋꤢꤩ꤭ ꤒꤣ꤬ꤖꤥ ꤔꤢꤧ ꤒꤣ꤬ꤖꤥ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤢ꤭ ꤗ꤫ꤢ꤬ꤒꤥ꤬ ꤟꤢꤧ꤭?

ꤜꤢꤨꤊꤢ꤬ 17:6

ꤚꤣꤧ꤬ ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤒꤢꤩ꤬ꤛ꤫ꤢꤦ꤬ ꤊꤢꤩ꤬ ꤥ꤬ ꤒꤤ꤮ ꤒꤣꤧ꤬ꤕꤜꤢꤩ꤬ꤕꤜꤢꤪ꤬ ꤒꤣ꤬ꤕꤜꤢꤪ꤬ ꤔꤣꤧ꤬ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤊꤢꤩ꤬ ꤟꤢꤩ ꤞꤢꤪ꤬ꤗ꤫ꤢꤪ꤬ꤘꤢꤨ꤬ ꤣꤧ꤭ꤒꤣ꤬ꤗ꤫ꤢꤪ꤬ ꤔꤢꤧ, ‘ꤡꤢꤦꤓꤢꤩ꤬ ꤔꤢꤧ꤬ꤚꤝ꤫ꤤ꤬ꤔꤣꤧ꤬, ꤚꤣꤧ꤬ ꤡꤝꤢꤤ꤬ꤏꤢꤪꤥ꤬ ꤔꤢꤧ꤬ꤔ꤫ꤢꤩ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤊꤢꤨ꤭ꤔꤣꤧ꤬,’ ꤞꤤ꤭ ꤊꤢꤩ꤬ ꤟꤢꤩ ꤢ꤬ ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤨ꤭ꤢꤩ꤬ ꤞꤤ꤭ꤍ꤫ꤥ꤬ ꤖꤢꤧ꤯

ꤜꤢꤨꤊꤢ꤬ 18:6

ꤓꤥ꤭ꤚꤣꤧ꤬ ꤙꤢꤧ꤬ꤡꤢꤩ꤬ ꤟꤢꤩ ꤔꤢꤧ, “ꤞꤤ꤭ ꤔ꤫ꤤ꤬ꤘꤢ꤭ ꤗꤢꤧꤗꤢꤧ ꤖꤚꤢꤩ꤬ꤡꤢꤧ꤬ꤒꤥ꤭ꤙꤢꤩ꤬ꤒꤢꤩ꤬ ꤡꤢꤪꤒꤢꤩ꤬ꤒꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤩ ꤍ꤫ꤥ꤬ ꤣꤧ꤭ꤒꤣ꤬ꤗꤢꤦ꤭ ꤔꤣꤧ꤬꤯

ꤜꤢꤨꤊꤢ꤬ 19:8

ꤋꤢꤨ꤭ꤞꤢꤧꤋꤤꤛꤣ꤬ ꤊꤣꤧ꤬ꤓꤢꤪ꤬ ꤚꤣꤧ꤬ ꤢ꤬ ꤟꤢꤩ ꤙꤢꤧ꤬ꤡꤢꤩ꤬ ꤔꤢꤧ, “ꤙꤢꤧ꤬ꤡꤢꤩ꤬, ꤗꤢꤧꤗꤣꤧ꤭, ꤊꤢꤨꤔ꤫ꤢꤧ꤬ꤣꤧ꤭ ꤠꤢꤧ꤭ ꤢꤨ꤬ꤡꤢꤩ꤭ꤒꤣꤧ꤬ꤛ꤫ꤢꤩ꤬ ꤘꤣ ꤢ꤬ ꤥ꤬ ꤔꤢꤧ ꤠꤢꤧ꤭ ꤒꤣꤧ꤬ꤊꤜꤢꤧ꤭ꤗꤢꤩ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤒꤢ꤭ꤊꤢꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣꤧ꤬ꤟꤢꤩ꤬꤯ ꤓꤥ꤭ꤒꤥ꤬ ꤊꤢꤩ꤬ ꤠꤢꤧ꤭ ꤢꤩ꤬ꤒꤢꤦ꤭ꤥ꤭ꤒꤢꤦ꤭ ꤢꤨ꤭ꤋꤢꤨ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ꤟꤢꤩꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤘꤣꤧꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤢ꤬ ꤜꤝꤤ꤭ꤕꤝꤤ ꤕꤢ꤭꤯”

ꤜꤢꤨꤊꤢ꤬ 24:3

ꤛꤢꤩ꤬ꤞꤤ꤭ ꤔꤥ꤭ꤗꤢꤧ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤗꤢꤧꤓ꤫ꤣꤧ꤬ ꤕꤢ꤬ ꤛꤢꤩ꤬ꤏꤛꤢꤨ ꤢ꤬ꤜꤥ꤭ ꤒꤥ꤬꤯

ꤛꤥ꤭ꤟꤢ꤬ 4:1

ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤔ꤫ꤤ꤬ꤟꤥ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤥ꤬ꤢꤩꤓꤢꤧ꤬ ꤔꤢꤧ ꤢꤩꤓꤢꤧ꤬ ꤓꤥ꤭ꤚꤣꤧ꤬ ꤢ꤬ ꤡꤢꤩ꤬ ꤔ꤫ꤤ꤬ꤢꤩ ꤜꤣ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤢꤨ꤭ꤛꤥ꤭ꤟꤢ꤬꤯

ꤛꤥ꤭ꤟꤢ꤬ 6:23

ꤓꤥ꤭ꤚꤣꤧ꤬ ꤞꤢꤪ꤬ꤊꤜꤣꤧ꤭ ꤥ꤬ ꤘꤣ ꤠꤤ꤭ꤒꤤꤙꤢꤩ꤬ꤚꤤ ꤚꤣꤧ꤬ ꤢ꤬ ꤟꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤟꤢꤧ꤭ ꤥ꤬ꤊꤥ ꤖꤢꤦ꤬ ꤜꤢ꤭ꤋꤢꤧ꤭ ꤙꤣꤧ ꤙꤢꤧ꤬ꤡꤢꤩ꤬ ꤜ꤫ꤢꤩ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤢ꤬ ꤙꤥ꤬ꤢꤩ꤬ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤒꤣꤧ꤬ꤟꤢꤩ꤬ ꤔꤢꤧ ꤋꤢꤪꤗꤢꤨ꤭ ꤢ꤬ꤜ꤫ꤢꤩ꤬ꤥ꤬ ꤔꤣꤧ꤬ꤒꤣ꤬ꤖꤥ꤬꤯

ꤛꤥ꤭ꤟꤢ꤬ 11:3

ꤢ꤬ ꤗ꤫ꤢꤧ꤬ꤖꤚꤢꤩ꤬ꤗꤢꤪ꤬ ꤣꤧ꤭ꤞꤤꤔꤣꤧ꤭ ꤔꤢꤪ꤭ꤡꤝꤢ ꤟꤢꤩꤏꤥ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ, ꤚꤣꤧ꤬ ꤛꤢꤩ꤬ꤞꤤ꤭ ꤡꤝꤢ ꤟꤢꤩ ꤛꤢꤩ꤬ꤏꤛꤢꤨ ꤔꤢꤧ, “ꤙꤢꤧ꤬ꤡꤢꤩ꤬, ꤔꤢꤧ꤬ ꤋꤥ꤭ꤙꤢꤧꤞꤝꤢꤗꤥ꤬ ꤋꤢꤨ꤭ꤜꤢ꤬ꤎꤢ꤬ꤚꤢꤨ ꤞꤤꤏꤝꤤ ꤟꤣꤧ꤯”