ꤜꤢꤨꤊꤢ꤬ 7:12 - Eastern Kayah Shadaw Dialect

¹² ꤙꤣꤧ ꤢ꤬ ꤊ꤫ꤢꤦ꤬ꤚꤢꤩ꤭ ꤡꤝꤢꤒ꤫ꤥ꤬ꤟꤣꤧ ꤘꤣ ꤠꤤ꤭ ꤊꤣꤧ꤬ꤘꤢ꤭ꤓꤢꤦ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤡꤝꤢ ꤒꤢ꤭ꤏꤢꤦ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣ꤬ꤗꤢꤨ꤬ ꤛꤢꤧꤟꤢꤧ꤭ ꤜꤥꤜꤥ꤭꤯ ꤜꤥ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤘꤢꤦ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤥ꤬ꤋꤚꤢꤧ ꤒꤢꤦꤘꤢꤦ꤬ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬꤯ ꤊꤣꤧ꤬ꤛꤢꤧ꤭ ꤘꤢꤪ꤭ꤖꤢꤨꤏꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤋꤚꤝꤢ꤭ ꤟꤢꤧ꤭ꤕꤜꤢꤨ꤬ꤟꤢꤧ꤭ꤖꤢꤩ꤬ ꤊꤣꤧ꤭ꤜꤢꤪ꤭ ꤔꤢꤧ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤣꤧ꤭ꤒꤣ꤬ꤖꤚꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

¹² เบ๊อะอา เซเร จว๊าโตเฮ๊อ เด๊อ วี กู่ดาทือ เบ๊อะเนอ, อา จว๊า ตาฉื่อ เร๊อ แกแย ตู๊หมู่ แย๊แฮ โล๊โล. โล โตโล เออเนอหม่า หม่าดื่อ เพรเหมาะ เด๊อ อา โอ่แคร๊ ตื๊อดื่อ เน๊อ อา พู๊เพรคู เนอเตเพร เซอแก เผ่ ลู เหล่. แกแย ดอพู๊โฉ่พู๊ เต๊เห่ ครวา แฮปลูแฮเผ่ เกอลอ เร๊อ เพรเหมาะโอ่แคร๊ เออเตเพร.

ꤜꤢꤨꤊꤢ꤬ 7:12 ပူးပေါင်းရင်းမြစ်များ

ꤜꤢꤨꤊꤢ꤬ 8:42

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ ꤥ꤬ꤖꤢꤧ ꤒꤣ꤬ꤖꤚꤢꤩ꤬ꤒꤥ꤬ ꤚꤣꤧ꤬ ꤢ꤬ꤒꤢꤩ꤬ ꤔꤢ꤬ꤥ꤬ꤟꤣꤧ ꤏꤣꤧꤔꤣꤧ꤭ꤔꤢ꤬ ꤣꤧ꤭ꤒꤣ꤬ꤖꤚꤢꤩ꤬ ꤊ꤫ꤢꤦ꤬ꤚꤢꤩ꤭ ꤞꤣꤧ꤭ꤒꤣꤧ꤬ꤜꤤ ꤜꤢ꤭ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤡꤝꤢ ꤢꤩꤊꤢ꤬ ꤛꤢꤩ꤬ꤏꤛꤢꤨ ꤘꤣ ꤢ꤬ꤟꤤ꤬ ꤖꤢꤧ꤯ ꤙꤣꤧ ꤛꤢꤩ꤬ꤏꤛꤢꤨ ꤋꤚꤝꤢ꤭ꤊꤢ꤬ꤊꤣꤧ꤭ ꤜꤢꤨ꤭ ꤘꤣ ꤊꤜꤢꤧꤜꤥ꤬ ꤢ꤬ꤋꤢꤩ꤭, ꤊꤣꤧ꤬ꤛꤢꤧ꤭ ꤋꤚꤝꤢ꤭ ꤟꤢꤧ꤭ꤘꤝꤤꤟꤢꤧ꤭ꤏꤢꤧ꤬ ꤕꤜꤢꤨ꤬ꤖꤢꤩ꤬ꤙꤤꤜꤢꤪ꤭ ꤢ꤬ ꤘꤤ꤭ꤋꤥꤘꤤ꤭ꤑꤢꤩ꤭ ꤡꤣꤧ꤯

ꤡꤛꤢꤩ꤭ꤗꤢ꤬ꤎꤣ꤬ 1:27

ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤘꤣ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ ꤟꤣꤧ ꤔꤢꤧ ꤒꤢꤩ꤬ ꤘꤣ ꤢ꤬ ꤕꤜꤤ꤭ꤖꤥ ꤜꤣꤜꤣꤙꤢ꤭ꤙꤢ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤒꤢꤩ꤬ꤗꤢꤧꤡꤢꤧ꤬ꤚꤣꤧ ꤖꤢꤨꤥ꤬ꤋꤚꤢꤧꤥ꤬ꤓꤢꤦ꤭ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤘꤣ ꤢ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤧ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤢꤪ꤭ꤕ꤫ꤢꤩ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤥ꤬ꤒꤣꤧ꤬ꤖꤢ꤭ꤛꤢ꤬ꤙꤢꤩ ꤔꤢꤧ ꤟꤢꤩ꤬ꤋꤢꤨ꤬ ꤢ꤬ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

เพรโด่แนพู๊ เต๊เห่ 9:41

ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤙꤢꤪꤟꤢꤧ꤭ ꤢ꤬ꤊꤢꤨꤋꤢꤨ꤬ ꤚꤣꤧ꤬ ꤢ꤬ ꤡꤝꤤ꤬ꤊꤣꤧ꤬ꤓꤢꤪ꤬ ꤜꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤢꤩꤔꤥ꤭ ꤋꤛꤢ꤭ꤞꤢꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤘꤣꤧꤜꤥ꤭ ꤛꤢꤩ꤬ꤞꤤ꤭ ꤔꤢꤧ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤣꤧ꤭ꤒꤣ꤬ꤖꤚꤢꤩ꤬꤯

เพรโด่แนพู๊ เต๊เห่ 9:39

ꤚꤣꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ꤓꤢꤧ꤬ꤚꤣꤧ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤚ꤫ꤥ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭꤯ ꤢ꤬ ꤡꤝꤢꤒ꤫ꤥ꤬ ꤘꤣ ꤛꤢꤩ꤬ꤞꤤ꤭ꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤢꤩꤓꤢꤧ꤬ ꤜꤢꤨ꤭ ꤘꤣ ꤟꤤ꤬ꤘꤢꤪꤊꤢꤨ꤭ ꤘꤣ ꤢ꤬ꤋꤢꤨ꤬ ꤒꤣ꤬ꤒ꤫ꤥ꤬꤯ ꤚꤣꤧ꤬ ꤜꤢꤪ꤭ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤒꤣꤧ꤬ꤟꤢꤩ꤬ ꤥ꤬ ꤜꤢ꤭ꤋꤢꤧ꤭ ꤙꤣꤧꤔꤣꤧ꤬ ꤚꤣꤧ꤬ ꤛꤢꤩ꤬ꤞꤤ꤭ ꤊꤣꤧ꤬ꤓꤢꤪ꤬ ꤍ꤫ꤥ꤬ ꤒꤣꤧ꤬ꤠꤢ꤬ ꤜꤢꤪ꤭ꤕꤜꤤ꤭ ꤔꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤚꤣꤧ꤬ ꤢ꤬ ꤘꤣꤧꤜꤥ꤭ ꤕ꤫ꤢꤩ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤡꤢ꤬ ꤔꤢꤧ ꤡꤢ꤬ꤊꤜꤢꤪ꤭ ꤞꤤ꤭ꤒꤣꤧ꤬ꤟꤢꤩ꤬ ꤘꤣ ꤗꤢꤪ꤬ꤘꤢꤪ꤬ꤊꤢ ꤏꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤙꤣꤧ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤒ꤫ꤣ꤬ꤊꤣꤧ꤭ꤕꤢ꤬ ꤔꤢꤧ ꤛꤢꤩ꤬ꤞꤤ꤭ ꤢ꤬ꤋꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

ꤛꤥ꤭ꤟꤢ꤬ 11:19

ꤗꤢꤪ꤬ꤗꤢ꤬ꤞꤢ ꤔꤢꤧ ꤗꤢꤪ꤬ꤗꤢ꤬ꤚꤤ ꤣꤧ꤭ ꤢ꤬ ꤕ꤫ꤥ꤬ꤖꤚꤢꤩ꤬ꤋꤢꤨ꤭ ꤞꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢꤨ꤭ ꤟꤢꤧ꤭ ꤤ꤬ꤜꤢꤪ꤭ ꤛꤢꤩ꤬ꤞꤤ꤭, ꤢꤨ꤭ ꤟꤢꤧ꤭ ꤥ꤬ꤋꤚꤥ꤭ꤥ꤬ꤜꤢꤩ꤬ ꤢꤩꤜꤥ꤬ꤊꤣꤧ꤭ ꤛꤢꤩ꤬ꤞꤤ꤭꤯

ꤜꤢꤨꤊꤢ꤬ 8:52

ꤊꤣꤧ꤬ꤛꤢꤧ꤭ ꤥ꤬ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤍ꤫ꤥ꤬ꤟꤢꤩ꤬ ꤚꤣꤧꤘꤢꤦ꤬ꤜꤢꤪ꤭ ꤖꤚꤢꤩ꤬ꤗꤢꤪ꤬ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤍ꤫ꤥ꤬ ꤜꤢ꤭ꤋꤢꤧ꤭ ꤒ꤫ꤢꤧ꤬ꤗꤢꤩ꤬꤯ ꤖꤚꤢꤩ꤬ꤗꤢꤪ꤬ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤞꤣꤧ꤭ ꤗ꤫ꤢ꤬ꤒꤥ꤬, ꤢ꤬ ꤥ꤬ꤗꤣꤧ꤭ꤒꤣꤧ꤬ꤕꤢ꤬ ꤖꤢꤧ!”

ꤜꤢꤨꤊꤢ꤬ 7:11

ꤑꤢ꤭ꤒꤢꤧ꤬ꤒꤥ꤬ꤚꤣꤧ꤬, ꤛꤢꤩ꤬ꤏꤛꤢꤨ ꤡꤝꤢ ꤘꤣ ꤠꤤ꤭ꤔꤢ꤬ꤤ ꤚꤣꤧ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤒꤣꤧ꤬ꤟꤢꤩ꤬ ꤋꤚꤝꤢ꤭ꤡꤝꤢꤕꤜꤢꤨ꤬ ꤋꤚꤝꤢ꤭ꤡꤝꤢꤖꤢꤩ꤬ ꤊꤣꤧ꤭ꤜꤢꤪ꤭ ꤜꤢꤨ꤭ꤋꤛꤢ꤭꤯

ꤜꤢꤨꤊꤢ꤬ 7:13

ꤙꤣꤧ ꤙꤢꤧ꤬ꤡꤢꤩ꤬ ꤗꤢꤧꤓ꤫ꤣꤧ꤬ ꤖꤚꤢꤩ꤬ꤗꤢꤪ꤬ꤥ꤬ꤋꤚꤢꤧ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤍ꤫ꤥ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯”