ꤜꤢꤨꤊꤢ꤬ 4:23 - Eastern Kayah Shadaw Dialect

²³ ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤡꤣꤧ ꤔꤢꤧ ꤞꤤ꤭ ꤊ꤫ꤢꤦ꤬ ꤟꤢꤩꤋꤢꤟꤢꤩꤋꤥ꤬ ꤠꤢꤧ꤭ ꤔꤢꤧ ꤍ꤫ꤥ꤬ꤘꤥ꤬ꤔꤢꤧ꤭ ꤥ꤬ꤒꤣ꤬ꤗꤢꤦ꤭ ꤘꤣ ꤢ꤬ ꤟꤢꤩ ꤔꤢꤧ, ‘ꤒꤢꤩ꤬ꤋꤢꤨ꤬ꤞꤢꤚꤢ꤮ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤚꤣꤧꤘꤢꤦ꤬ ꤔꤢꤧ꤬ꤔ꤫ꤢꤩ꤬ ꤔꤣꤧ꤬꤯’ ꤓꤥ꤭ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤟꤢꤩꤕ꤫ꤥ꤬ ꤠꤢꤧ꤭ ꤔꤢꤧ, ‘ꤒꤢꤩ꤬ꤗꤢꤩ꤬ꤒꤣꤧ꤬ꤊꤜꤤ ꤘꤣ ꤕꤢꤩ꤬ ꤔ꤫ꤤ꤬ꤟꤥ꤭ ꤔꤢꤧ꤬ ꤗꤢꤩ꤬ ꤘꤣ ꤠꤤ꤭ꤊꤢ꤬ꤕꤢꤩ꤬ꤚꤢ꤬ꤔꤢꤪ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ꤔꤣꤧ꤬, ꤗꤢꤩ꤬ꤜꤥ꤭ ꤕ꤫ꤢꤩ꤬ꤊꤣꤧ꤭ ꤗꤢꤧ ꤕꤢꤩ꤬ ꤙꤣꤧ ꤔꤢꤧ꤬ ꤘꤢꤨ꤬ꤓꤢꤧ꤬ ꤚꤣꤧꤘꤢꤦ꤬ ꤠꤤ꤭ꤣꤧ꤭ ꤒꤣ꤬ꤠꤤ꤭ ꤢ꤬ꤊꤢꤨ꤭ꤣꤧ꤭ ꤔꤣꤧ꤬꤮’” ꤟꤢꤨꤔꤣꤧ꤬ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

²³ เร๊อ อา เฮ๊ฉื่อ เหย่ซี เน๊อ, “แว หยื่อเอ่ ตาเต เจ๊อ เร๊อ ซี เก่ เฮ๊ค๊าเฮ๊โข่ แว เร๊อ โหง่โด่แน โอ่ตือมือ เด๊อ อา เฮ๊ เน๊อ, ‘เตขุซ๊าร๋า แหย่โอ่เหม่ หนิเร๊อดื่อ เนเหน่ เนอ.’ โทเร๊อ ซี เก่ เฮ๊โป่ แว เน๊อ, ‘เตเหม่โคตีกลี๊แหน่เจ๊อ เด๊อ เป หนิโฮ เน เม เด๊อ วีคาเปอรนาอูม อากู เนอเต๊เห่เนอ, อาโอ่โล เป่เกอ แม๊ เป เบ๊อะเน ดุแถ่ เกอเร๊อ เมอเออ ตีวี อากูเออ เน๋อ’” ซี เฮ๊ แวฮู๊เนอ ปา.

ꤜꤢꤨꤊꤢ꤬ 4:23 ပူးပေါင်းရင်းမြစ်များ

ꤗꤢ꤬ꤊꤢꤨ 6:1

ꤛꤢꤩ꤬ꤏꤛꤢꤨ ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤙꤣꤧꤔꤣꤧ꤬ ꤚꤣꤧ꤬ ꤢ꤬ ꤔꤢꤧ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤜꤢ꤭ꤋꤢꤧ꤭ ꤘꤣ ꤢ꤬ꤘꤢꤪ꤭ꤢ꤬ꤏꤥ꤬ ꤚꤣꤧꤘꤢꤦ꤬ ꤠꤤ꤭ꤔꤢ꤬ꤎꤢ꤬ꤚꤢꤧ ꤔꤣꤧ꤬ꤒꤣ꤬ꤠꤤ꤭꤯

มัทธิว 4:13

ꤢ꤬ ꤓꤢꤩ꤬ꤡꤝꤢꤊꤢꤧ꤭ ꤔꤢꤧ ꤠꤤ꤭ꤔꤢ꤬ꤎꤢ꤬ꤚꤢꤧ ꤚꤣꤧ꤬ ꤘꤣꤋꤛꤢ꤭ꤔꤣꤧ꤬ ꤢ꤬ ꤡꤝꤢ ꤥ꤬ꤘꤣ ꤠꤤ꤭ꤊꤢ꤬ꤕꤢꤩ꤬ꤚꤢ꤬ꤔꤢꤪ꤬ ꤘꤣ ꤢ꤬ ꤥ꤬ꤖꤢꤦ꤬ ꤔꤢꤧ ꤊꤢꤧꤜꤢ꤬ꤜꤤ꤬ ꤓꤣꤧ꤭ꤢꤪ꤬ꤘꤢꤨ꤬ꤒꤣꤧ꤬ꤠꤢꤪ꤬ ꤢ꤬ꤊꤢꤧ꤭ꤏꤢ ꤔꤣꤧ꤬ ꤒꤣ꤬ꤠꤤ꤭꤯ ꤜ꤫ꤢꤩ꤬ꤥ꤬ ꤙꤣꤧꤔꤣꤧ꤬ ꤒꤣ꤬ꤖꤥ꤬ ꤗꤢ꤬ ꤢ꤬ ꤥ꤬ꤖꤢꤦ꤬ ꤔꤢꤧ ꤞꤢ꤬ꤙꤢꤨ꤬ꤜꤥ꤬ꤊ꤫ꤢꤩ꤬ ꤔꤢꤧ ꤔꤢ꤬ꤞꤢ꤬ꤜꤤ꤬ꤊ꤫ꤢꤩ꤬꤯

โครินธ์ เนอบ่า ต๊าบ่า 5:16

ꤟꤢꤨꤔꤣꤧ꤬ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤥ꤬ ꤒꤣꤧ꤬ꤟꤢꤩ꤬ ꤘꤢꤧ꤬ꤘꤢꤨ꤬ ꤒꤢꤩ꤬ꤥ꤬ꤜꤥ꤭ ꤘꤣ ꤢ꤬ꤊꤜꤢꤪ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤘꤢꤧ꤬ꤘꤢꤨ꤬ꤊꤣꤧ꤭ ꤕꤢ꤬ ꤟꤢꤨꤔꤣꤧ꤬ꤒꤥ꤬ ꤟꤣꤧ꤯ ꤘꤣ ꤔꤣꤧ꤬ꤋꤢꤩ꤭ ꤕꤢꤩ꤬ ꤒꤣꤧ꤬ꤔꤢꤩ꤬ꤞꤢꤦꤒ꤫ꤢꤧ꤬ ꤋꤚꤤ ꤟꤢꤨꤔꤣꤧ꤬ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤒꤣꤧ꤬ꤔꤢꤩ꤬ꤞꤢꤦ ꤕꤢ꤬ ꤢ꤬ ꤟꤢꤨꤔꤣꤧ꤬ ꤒꤥ꤬ ꤟꤣꤧ꤯

ꤛꤥ꤭ꤟꤢ꤬ 4:28

ꤓꤥ꤭ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ ꤘꤢꤧ꤬ꤊꤢꤧ꤭ ꤢ꤬ꤓꤣꤧ꤭ꤥ꤭ ꤚꤣꤧ꤬ ꤢ꤬ ꤊꤢ꤬ꤟꤢꤩꤏꤥ꤬ ꤢꤩꤜꤥ꤬ ꤕ꤫ꤢꤩ꤬ ꤢꤨ꤭ ꤘꤣ ꤠꤤ꤭ꤊꤢꤨ꤭ꤔꤣꤧ꤬ ꤔꤢꤧ,

ꤜꤢꤨꤊꤢ꤬ 6:42

ꤞꤤ꤭ ꤡꤝꤢꤟꤢꤩꤒ꤫ꤥ꤬ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤔꤢꤧ, ‘ꤕ꤫ꤥ꤬ꤠ꤫ꤢꤧ꤬꤮ ꤠꤢꤧ꤭ ꤒꤣꤧ꤬ꤋꤝꤢ ꤓꤢꤩ꤬ꤊꤢꤧ꤭ ꤕ꤫ꤢꤩ꤬ꤚꤣꤧ ꤔꤢꤧ꤬ ꤢ꤬ꤚꤝ꤫ꤤ꤬ꤢ꤬ꤚꤝꤢ꤭ ꤥ꤬ ꤘꤣ ꤔꤢꤧ꤬ ꤕꤣꤧꤞꤢꤩ꤬ꤕꤜꤢꤪ꤬ꤊꤢꤨ꤭ ꤣꤧ꤭ꤔꤣꤧ꤬,’ ꤞꤤ꤭ ꤟꤢꤩ ꤟꤢꤨꤔꤣꤧ꤬ ꤒꤣꤧ꤬ꤘꤢꤦꤚꤣꤧ꤬ ꤞꤢꤪ꤬ꤊꤜ꤫ꤢꤪ꤬ ꤥ꤬ ꤡꤣꤧ ꤘꤣ ꤞꤤ꤭ ꤕꤣꤧꤞꤢꤩ꤬ꤕꤜꤢꤪ꤬ꤊꤢꤨ꤭ ꤡꤣꤧꤚꤣꤧ꤬ ꤞꤤ꤭ ꤗꤢꤧꤓ꤫ꤣꤧ꤬ ꤚꤣꤧꤘꤢꤦ꤬ ꤢ꤬ ꤒꤥ꤬꤯ ꤞꤤ꤭ ꤡꤝꤢꤟꤢꤩ ꤢꤨ꤭ ꤟꤢꤨꤔꤣꤧ꤬ ꤗꤢ꤬ ꤢ꤬ꤔ꤫ꤤ꤬ ꤒꤥ꤬꤯ ꤖꤚꤢꤩ꤬ ꤢꤧꤡꤢꤪꤢꤧꤒꤢꤩ꤬ ꤢ꤬ꤔ꤫ꤢꤩ꤬ ꤞꤤ꤭꤮ ꤖꤛꤢꤓꤢꤩ꤬ꤊꤢꤧ꤭ ꤚ꤫ꤣꤧ꤬ꤜꤣ ꤞꤢꤪ꤬ꤊꤜ꤫ꤢꤪ꤬ ꤥ꤬ ꤘꤣ ꤞꤤ꤭ ꤕꤣꤧꤞꤢꤩ꤬ꤕꤜꤢꤪ꤬ꤊꤢꤨ꤭ ꤔꤣꤧ꤬, ꤒꤢꤦꤚꤣꤧ꤬ ꤞꤤ꤭ ꤗꤢꤧꤓ꤫ꤣꤧ꤬ꤜꤥ꤭ꤚꤢꤧ ꤚꤣꤧ꤬ ꤞꤤ꤭ ꤒꤣꤧ꤬ꤋꤝꤢ ꤓꤢꤩ꤬ꤊꤢꤧ꤭ ꤡ꤫ꤢꤧ꤬ ꤕ꤫ꤢꤩ꤬ ꤢ꤬ꤚꤝ꤫ꤤ꤬ꤢ꤬ꤚꤝꤢ꤭ ꤥ꤬ ꤘꤣ ꤞꤤ꤭ ꤕ꤫ꤥ꤬ꤠ꤫ꤢꤧ꤬ ꤢ꤬ ꤕꤣꤧꤞꤢꤩ꤬ꤕꤜꤢꤪ꤬ꤊꤢꤨ꤭ ꤣꤧ꤭ꤔꤣꤧ꤬ ꤖꤢꤧ꤯

ꤜꤢꤨꤊꤢ꤬ 4:16

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊꤢ꤬ꤋꤛꤢ꤭ ꤘꤣ ꤠꤤ꤭ꤔꤢ꤬ꤎꤢ꤬ꤚꤢꤧ ꤙꤣꤧ ꤢ꤬ ꤜ꤫ꤢꤩ꤬ꤘꤢꤨ꤬ꤓꤢꤧ꤬ ꤚꤣꤧꤘꤢꤦ꤬ ꤔꤣꤧ꤬ꤒꤣ꤬ꤠꤤ꤭꤯ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤢ꤬ꤋꤢꤩ꤭, ꤟꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤥ꤬ꤔꤣꤧ꤬, ꤢ꤬ ꤡꤝꤢꤔꤥ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭꤯ ꤙꤣꤧ ꤢ꤬ ꤊ꤫ꤢꤦ꤬ꤚꤢꤩ꤭ ꤊꤣꤧ꤬ꤓꤢꤪ꤬ꤘꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤢ꤬ꤋꤢꤩ꤭ꤔꤣꤧ꤬,

มัทธิว 13:54

ꤚꤣꤧ꤬ ꤢ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤢ꤬ꤘꤢꤪ꤭ꤢ꤬ꤏꤥ꤬ ꤚꤣꤧꤘꤢꤦ꤬ꤔꤣꤧ꤬, ꤚꤣꤧ꤬ ꤢ꤬ ꤊꤢ꤬ ꤡꤢꤓꤢꤧ꤬ ꤤ꤬ꤞꤝꤢꤤ꤬ꤞꤢꤧ꤬ ꤚꤣꤧꤕ꤫ꤢꤩ꤬ ꤢ꤬ꤘꤢꤪ꤭ꤖꤢꤨꤏꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤛꤢꤩ꤬ꤞꤤ꤭ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ꤊꤢꤨ꤭ ꤚꤣꤧ꤬ ꤛꤢꤩ꤬ꤞꤤ꤭ ꤋꤛꤢꤛꤢꤦ ꤜꤢꤪ꤭ꤕꤜꤤ꤭, ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤡꤝꤢꤗꤢꤩ꤬ꤡ꤫ꤢꤧ꤬ ꤒ꤫ꤥ꤬ ꤒꤢꤩ꤬ꤋꤥꤒꤣꤧ꤬ꤊꤜꤤ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤡꤝꤢꤔ꤫ꤤ꤬ꤙꤢꤩ꤬ ꤒꤥ꤭ ꤒꤢꤩ꤬ꤞꤤꤒꤢꤩ꤬ꤖꤢꤩ ꤣꤧ꤭ꤔꤣꤧ꤬ ꤔꤢꤧ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤣꤧ꤭ꤔꤣꤧ꤬ ꤙꤣꤧꤒꤢꤩ꤭ꤒꤢꤩ꤭ ꤟꤢꤧ꤬꤮?

มัทธิว 4:23

ꤛꤢꤩ꤬ꤏꤛꤢꤨ ꤜꤢꤩ꤭ ꤜꤢꤪ꤭ ꤊꤢꤧꤜꤢ꤬ꤜꤤ꤬ ꤒꤣ꤬ꤊ꤫ꤢꤩ꤬ꤜꤢꤩ꤭ ꤚꤣꤧ꤬ ꤢ꤬ ꤜꤢꤩ꤭ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤥ꤬꤯ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤜꤢꤪ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤏꤝꤤ ꤕꤝꤢ꤭ꤒꤣ꤬ꤗꤤ꤭ ꤒꤢꤩ꤬ꤏꤢꤩ꤭ ꤕꤝꤢ꤭ꤒꤣ꤬ꤡꤣ꤬꤯

ꤜꤢꤨꤊꤢ꤬ 2:39

ꤙꤣꤧ ꤖꤢꤩ꤭ꤡꤛꤥꤎꤢꤧ ꤔꤢꤧ ꤗ꤫ꤥ꤬ꤗꤢ꤬ꤚꤤ ꤗꤢꤩ꤬ꤓꤥ꤭ꤜꤢꤪ꤭ꤟꤣꤧ ꤟꤢꤨ ꤜꤢꤪ꤭ ꤙꤢꤧ꤬ꤡꤢꤩ꤬ ꤗ꤫ꤢ꤬ꤊꤢꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧ ꤘꤣ ꤢ꤬ꤜ꤫ꤢꤩ꤬ꤥ꤬ ꤚꤣꤧꤘꤢꤦ꤬ ꤠꤤ꤭ꤔꤢ꤬ꤎꤢ꤬ꤚꤢꤧ ꤔꤣꤧ꤬꤯ ꤠꤤ꤭ꤣꤧ꤭ꤔꤣꤧ꤬ ꤢ꤬ ꤥ꤬ ꤙꤣꤧ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬꤯

ꤜꤢꤨꤊꤢ꤬ 2:51

ꤓꤥ꤭ꤚꤣꤧ꤬ ꤖꤢꤨꤡ꤫ꤢꤩ꤬ꤟꤢꤨꤣꤧ꤭ ꤢ꤬ ꤋꤚꤝꤢ꤭ ꤊꤢ꤬ꤊꤣꤧ꤭ꤋꤛꤢ꤭ ꤢ꤬ꤗ꤫ꤥ꤬ꤢ꤬ꤖꤢꤩ꤭ ꤘꤣ ꤠꤤ꤭ꤔꤢ꤬ꤎꤢ꤬ꤚꤢꤧ ꤚꤣꤧ꤬ ꤢ꤬ ꤡꤢꤨ꤭ ꤗ꤫ꤥ꤬ꤜꤢ꤭ꤖꤢꤩ꤭ꤍ꤫ꤥ꤬ ꤕꤝꤢ꤭꤮ ꤒꤣ꤬ꤖꤥ꤯ ꤢ꤬ꤗ꤫ꤥ꤬ ꤒꤥ꤭ꤗꤢ ꤥ꤬ꤕꤜꤢꤪꤜꤢꤪ꤭ ꤜꤢꤪ꤭ ꤒꤢꤩ꤬ꤓꤝꤢ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬꤯

ꤜꤢꤨꤊꤢ꤬ 4:31

ꤛꤢꤩ꤬ꤏꤛꤢꤨ ꤡꤝꤢ ꤘꤣ ꤠꤤ꤭ꤊꤢ꤬ꤕꤢꤩ꤬ꤚꤢ꤬ꤔꤢꤪ꤬ ꤘꤣ ꤢ꤬ ꤥ꤬ ꤙꤣꤧ ꤊꤢꤧꤜꤢ꤬ꤜꤤ꤬ ꤊ꤫ꤢꤩ꤬ꤊꤢꤨ꤭ ꤣꤧ꤭ꤔꤣꤧ꤬ ꤚꤣꤧ꤬ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤙꤣꤧꤔꤣꤧ꤬꤯

ꤜꤢꤨꤊꤢ꤬ 4:35

ꤛꤢꤩ꤬ꤏꤛꤢꤨ ꤞꤤꤖꤚꤝꤢ꤭ ꤏꤢꤦ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤔꤢꤧ, “ꤞꤥ꤬ꤞꤥ꤬꤮ ꤥ꤬ ꤜꤢ꤭ꤋꤢꤧ꤭, ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ꤗꤣꤧ꤭ ꤔꤢꤧ ꤊꤣꤧ꤬ꤛꤢꤧ꤭ꤖꤢꤩ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬꤯” ꤚꤣꤧ꤬ ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤩ꤬ꤜꤣꤧ꤬ꤋꤢꤦ ꤒꤢ꤭ꤊꤢꤧ꤭ ꤊꤣꤧ꤬ꤛꤢꤧ꤭ꤖꤢꤩ꤭ ꤣꤧ꤭ꤒꤣ꤬ꤖꤚꤢꤩ꤬ ꤘꤣ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤜꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤗꤢꤩ꤬ ꤙꤢꤩ꤬ꤏꤢꤩ꤭ ꤔ꤫ꤤ꤬ꤔꤢꤧ ꤜꤢꤨ꤭ ꤒꤣ꤬ꤡꤣ꤬꤮ ꤒꤥ꤬꤯