ꤜꤢꤨꤊꤢ꤬ 2:9 - Eastern Kayah Shadaw Dialect

⁹ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤙꤢꤧ꤬ꤡꤢꤩ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤧ꤭ ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭, ꤚꤣꤧ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤜꤤ꤭ ꤒꤣꤧ꤬ꤠꤢ꤬ ꤜꤢꤪ꤭ꤕꤜꤤ꤭ ꤛꤢꤩ꤬ꤞꤤ꤭ ꤚꤣꤧ꤬ ꤛꤢꤩ꤬ꤞꤤ꤭ ꤞꤤꤤ꤬ꤏꤢꤩ꤭ ꤒꤣꤧ꤬ꤚꤢꤪ꤬ꤞꤢꤩ ꤜꤢꤪ꤭ꤕꤜꤤ꤭ ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

⁹ เบ๊อะเนออาเค แบ่เจ่ อา เตเน่วม๊อขุ เตเพร แฮ เด๊อะโลแม๊เถอะ เป่ เหย่ซี, เร๊อ แบ่เจ่ จอแปแหร่ อา เตลีเตตาเค เต๊เห่ ลี ตาวา ลอปลี เหย่ซี เร๊อ เหย่ซี ซิอิเช ต๊อหร่อเซ๊ ลอปลี เจ๊อ.

ꤜꤢꤨꤊꤢ꤬ 2:9 ပူးပေါင်းရင်းမြစ်များ

โครินธ์ เนอบ่า ต๊าบ่า 3:18

ꤊꤢꤨꤔ꤫ꤢꤧ꤬ꤣꤧ꤭ ꤒꤢꤩ꤬ ꤘꤣ ꤢ꤬ ꤟꤥ ꤒꤢ꤭ꤒꤢꤦ꤭ ꤙꤤ ꤜꤢꤪ꤭ ꤕꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ ꤔꤣꤧ꤬ ꤢ꤬ ꤥ꤬ ꤕꤢ꤬ ꤒꤣ꤬ꤡꤣ꤬꤮ ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤗꤢꤧꤓ꤫ꤣꤧ꤬ ꤟꤢꤧ꤭ꤑꤢꤩ꤭ ꤜꤥ꤬ ꤟꤣꤧ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤚꤣꤧ꤬ ꤕꤢꤩ꤬ ꤓꤝꤢ꤭ꤓꤢꤧ꤬ ꤞꤢꤧꤟꤣꤧꤔꤢꤧ ꤗꤢ꤭ꤘꤥ꤬ ꤘꤣ ꤢ꤬ ꤜꤤ꤭ꤏꤢꤒꤣꤧ꤬ꤋꤢꤩ꤭ ꤊꤢ꤬ꤋꤛꤢ꤭ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯ ꤕꤢꤩ꤬ ꤗꤢꤧꤓ꤫ꤣꤧ꤬ ꤟꤢꤧ꤭ꤑꤢꤩ꤭ ꤜꤥ꤬ ꤟꤣꤧ ꤙꤢꤧ꤬ꤡꤢꤩ꤬ ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤞꤢꤧꤟꤢꤧ꤭ ꤔꤢꤧ ꤞꤢꤧꤟꤢꤧ꤭, ꤞꤢꤧꤟꤣꤧ ꤔꤢꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤘꤣ ꤢ꤬ ꤒꤣꤧ꤬ꤚꤣꤧ꤭ꤘꤢꤨ꤬ꤓꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤟꤣꤧ꤯

เตเด๊อะโลแถ่ 18:1

ꤟꤢꤨꤔꤣꤧ꤬ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣꤧ꤬ꤔꤢꤩꤖꤢꤨ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤜꤢꤧ꤬꤯ ꤢ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤚꤣꤧ꤬ ꤘꤣ ꤢ꤬ ꤒꤢꤩ꤬ꤒꤣꤧ꤬ꤋꤢꤩ꤭ꤒꤣꤧ꤬ꤞꤥ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤟꤢꤩ꤬ꤋꤢꤨ꤬ ꤜꤤ꤭ꤒꤣꤧ꤬ꤋꤢꤩ꤭ꤓꤢꤧ꤬ ꤜꤢꤪ꤭ ꤏꤤ꤭ꤙꤢ꤬ ꤡꤣꤧ꤯

เพรโด่แนพู๊ เต๊เห่ 27:23

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤣꤧ꤭ꤒꤣ꤬ꤞꤢꤩ꤭, ꤡꤢꤪꤗꤣꤧ꤬ꤚꤢꤧ꤬ ꤘꤣ ꤠꤢꤧ꤭ ꤓꤝꤢ꤭ꤟꤣꤧ ꤢ꤬ꤒꤢꤩ꤬ ꤚꤣꤧ꤬ ꤠꤢꤧ꤭ ꤗꤢꤩ꤬ꤟꤣꤧ ꤢ꤬ꤒꤢꤩ꤬ꤗꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤧ꤭ ꤊꤣꤧ꤬ꤓꤢꤪ꤬ꤥ꤬ ꤘꤣ ꤠꤢꤧ꤭ ꤊꤢꤧ꤭ꤏꤢ,

เพรโด่แนพู๊ เต๊เห่ 5:19

ꤗꤢ꤬ꤔꤢꤧꤚꤣꤧ꤬ ꤙꤣꤧ ꤔꤣꤧ꤬ꤒꤣ꤬ꤞꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤧ꤭ꤙꤢꤗꤥ꤭ ꤊꤣꤧ꤬ꤘꤢ꤭ ꤚꤣꤧ꤬ ꤢ꤬ ꤕꤜꤝꤢ꤭ꤓꤢꤩ꤬ꤊꤢꤧ꤭ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ,

ꤛꤥ꤭ꤟꤢ꤬ 12:41

ꤖꤚꤢꤩ꤬ꤖꤚꤥ꤬ ꤛꤢ꤬ꤏꤛꤢꤛꤢ꤬ ꤟꤢꤩꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤢꤧꤓ꤫ꤣꤧ꤬ꤔꤢꤪ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ ꤒꤣꤧ꤬ꤚꤣꤧ꤭ꤘꤢꤨ꤬ꤒꤣꤧ꤬ꤚꤣꤧ꤭ꤓꤢꤨ꤭ ꤒꤢꤦꤚꤣꤧ꤬ ꤢ꤬ ꤟꤢꤩ ꤜꤢꤨ꤭ꤚꤤ꤬ꤜꤢꤨ꤭ꤊꤢꤧ꤭ ꤟꤢꤨꤣꤧ꤭ ꤖꤢꤧ꤯

ꤜꤢꤨꤊꤢ꤬ 24:4

ꤙꤣꤧ ꤛꤢꤩ꤬ꤞꤤ꤭ ꤊꤣꤧ꤬ꤓꤢꤪ꤬ ꤒꤣꤧ꤬ꤔꤢꤩ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤢ꤬ꤋꤢꤩ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤢꤦ꤭ꤞꤢꤧ ꤟꤣꤧ꤬ꤡꤢ꤬ ꤒꤣꤧ꤬ꤋꤣꤧ꤬ꤒꤣꤧ꤬ꤋꤢꤩ꤭ ꤞꤤꤔꤣꤧ꤭ ꤥ꤬ꤜꤥ꤭ꤓꤢꤧ꤬ꤋꤛꤢ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤟꤢꤧ꤭ꤊꤣꤧ꤬ꤓꤢꤪ꤬ꤥ꤬ ꤘꤣ ꤛꤢꤩ꤬ꤞꤤ꤭ ꤊꤢꤧ꤭ꤏꤢ꤯

เตเด๊อะโลแถ่ 20:11

ꤓꤥ꤭ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤙꤢꤨ꤭ꤘꤢꤨ꤬ ꤓꤢꤧ꤬ꤜꤥ꤭ ꤒꤣ꤬ꤋꤢꤨ꤬ ꤔꤢꤧ ꤖꤚꤢꤩ꤬ ꤥ꤬ꤔꤢꤧ꤭ ꤘꤣ ꤢ꤬ꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬꤯ ꤚꤣꤧ꤬ ꤗꤢꤪꤋꤢꤨ꤬ ꤔꤢꤧ ꤟꤢꤩ꤬ꤋꤢꤨ꤬ ꤜꤢꤨ꤬ꤊꤥ꤭ ꤡꤝꤢꤊꤢꤧ꤭ ꤘꤣ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢꤨ꤭ ꤗꤢꤧꤓ꤫ꤣꤧ꤬ꤔꤢꤪ ꤕꤢ꤬ꤒꤥ꤬ꤟꤣꤧ꤯

ꤟꤤꤙꤚꤢꤨ 12:21

ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤜꤢ꤭ꤋꤢꤧ꤭ ꤒꤢꤩ꤬ ꤓꤝꤢ꤭ꤓꤢꤧ꤬ ꤟꤢꤨꤣꤧ꤭ ꤘꤣ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬, ꤛꤢꤩ꤬ꤞꤤ꤭ ꤞꤤꤤ꤬ꤏꤢꤩ꤭ ꤔꤢꤧ꤬ꤡꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, “ꤠꤢꤧ꤭ ꤞꤤꤤ꤬ꤏꤢꤩ꤭ ꤒꤣꤧ꤬ꤔꤢꤧ꤭ꤒꤣꤧ꤬ꤊꤛꤢ꤬ ꤡꤣꤧ” ꤋꤢꤨ꤭ꤗꤢꤪꤎꤢꤧ ꤟꤢꤩ ꤟꤢꤨꤔꤣꤧ꤬꤯

ทิโมธี อาเหร่อเล๊อ ต๊าบ่า 3:16

ꤕꤢꤩ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤡ꤫ꤢꤪ꤬ꤢ꤬ꤛꤢꤧ꤭ꤣꤧ꤭ ꤢ꤬ꤘꤢꤨ꤬ꤢ꤬ꤛꤢꤧ꤭ ꤡꤣꤧ ꤙꤢ꤮ ꤒꤢꤩ꤭ ꤙꤢ꤮ ꤒꤢꤩ꤭ꤔꤣꤧ꤬ ꤢꤨ꤭ ꤓꤢꤩꤙꤤꤊꤢꤧ꤭ ꤔ꤫ꤤ꤬ꤡ꤫ꤢꤧ꤬ ꤢ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤋꤚꤤ ꤥ꤬ꤜꤥ꤭ꤓꤢꤧ꤬ ꤟꤣꤧ ꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣ꤬ꤖꤚꤢꤩ꤬, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤋꤢꤧꤟꤢꤩꤏꤥ꤬ꤜꤥ꤭ ꤟꤣꤧ ꤒꤢꤩ꤬ ꤔꤢꤧ ꤋꤚꤤ ꤣꤧ꤭ꤔꤣꤧ꤬ ꤢ꤬ ꤗꤢꤩ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬, ꤚꤣꤧ꤬ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ꤙꤢꤩ꤬ ꤟꤣꤧ ꤢ꤬꤯ ꤓꤥ꤭ꤚꤣꤧ꤬ ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬, ꤢꤨ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤟꤣꤧ ꤢ꤬ ꤘꤣ ꤗꤤ꤭ꤡꤣ꤬ꤚꤥ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤟꤣꤧ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤊꤣꤧ꤭ ꤟꤣꤧ ꤢ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤡꤢꤪ꤭ꤓꤢꤧ꤬ꤟꤣꤧ ꤢ꤬ ꤘꤣ ꤗꤢꤪꤋꤢꤨ꤬ ꤘꤣ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤢ꤬ꤊꤢꤨ꤭ꤟꤣꤧ꤯

โครินธ์ เนอบ่า ต๊าบ่า 4:6

ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤋꤤ ꤊ꤫ꤢꤦ꤬ ꤞꤢꤪꤞꤢꤦ ꤒꤣꤧ꤬ꤖꤢ꤭ ꤡꤝꤢꤊꤢꤧ꤭ ꤚꤣꤧ꤬ ꤒꤢꤩ꤬ꤜꤤ꤭ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤘꤢꤦ꤬ ꤔꤤ꤮,” ꤢ꤬ ꤟꤢꤩ ꤟꤢꤨꤔꤣꤧ꤬꤯ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤥ꤭ ꤕ꤫ꤢꤩ꤬ ꤊꤣꤧ꤭ꤘꤢꤦ꤬ ꤟꤣꤧ ꤕꤢꤩ꤬ ꤟꤢꤨꤔꤣꤧ꤬ ꤟꤣꤧ꤯ ꤙꤣꤧ ꤕꤢꤩ꤬ ꤞꤤꤑꤢꤩ꤭ ꤒꤢꤧ꤬ꤜꤢ꤭ꤟꤤ ꤋꤚꤤ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤞꤤꤕꤜꤢꤪ꤬ ꤣꤧ꤭ ꤢ꤬ ꤋꤤꤒꤣꤧ꤬ꤕꤢ꤬ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤤ꤭ꤊꤢ꤬ ꤕ꤫ꤢꤩ꤬ ꤕꤢꤩ꤬ ꤞꤤꤕꤜꤢꤪ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ꤚꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤘꤣ ꤢ꤬ ꤘꤣꤧꤜꤥ꤭ꤓꤢꤧ꤬ ꤘꤤ꤭ꤒ꤫ꤢꤦ꤬ ꤔꤢꤧ ꤋꤚꤤ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤏꤤ꤭ꤜꤤ꤭ꤓꤢꤧ꤬ ꤕ꤫ꤢꤩ꤬ ꤕꤢꤩ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬ ꤟꤣꤧ꤯

เพรโด่แนพู๊ เต๊เห่ 12:7

ꤙꤢꤧ꤬ꤡꤢꤩ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤧ꤭ ꤊꤣꤧ꤬ꤓꤢꤪ꤬ ꤥ꤬ꤜꤥ꤭ꤖꤚꤢꤦ ꤙꤣꤧꤔꤣꤧ꤬ ꤚꤣꤧ꤬ ꤢ꤬ ꤜꤤ꤭ꤓꤢꤧ꤬ ꤜꤢꤪ꤭ ꤙꤣꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤥ꤬ ꤚꤣꤧꤘꤢꤦ꤬ ꤢ꤬ ꤕꤥ꤬ꤊꤢꤨ꤭ꤔꤣꤧ꤬꤯ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤕꤜ꤫ꤢꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤕꤜꤢ꤭ꤋꤢꤨ꤬ ꤚꤣꤧ꤬ ꤢ꤬ ꤓꤢꤨ꤬ꤚꤢꤧ꤭ꤊꤣꤧ꤬ꤓꤢꤪ꤬ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤊꤣꤧ꤬ꤓꤢꤪ꤬ꤖꤚꤢꤧ꤭ꤗꤣꤧ꤭” ꤒꤣ꤬ꤖꤥꤒꤥ꤬ ꤞꤢꤨꤕꤜꤣꤧ꤬ꤒ꤫ꤢꤪ꤬ꤓꤢꤩ ꤥ꤬ ꤘꤣ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤢ꤬ꤊꤢꤨꤋꤢꤨ꤬ ꤔꤣꤧ꤭ꤋꤥꤜꤢꤪ꤭ ꤢ꤬ꤊꤢꤨ꤭ ꤣꤧ꤭ꤔꤣꤧ꤬ ꤢ꤬ ꤜꤣꤧ꤬ꤒꤢ꤭ ꤕꤜꤥꤓꤢꤩ꤬ꤊꤢꤧ꤭ ꤜꤢꤪ꤭ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬꤯

ꤜꤢꤨꤊꤢ꤬ 1:28

ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤧ꤭ ꤘꤣ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤡꤢꤪꤗꤣꤧ꤬ꤚꤢꤧ꤬ ꤗꤢꤧꤘꤢꤨ꤬ ꤋꤥ ꤚꤣꤧꤘꤢꤦ꤬ꤟꤣꤧ ꤔꤢꤧ꤬ ꤟꤣꤧ, ꤚꤣꤧ꤬ ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤔꤢꤧ꤬ ꤔꤤ꤮꤯”

มัทธิว 1:20

ꤢ꤬ ꤒꤣꤧ꤬ꤔꤢꤩ꤬ ꤟꤢꤨꤔꤣꤧ꤬ ꤒꤣꤧ꤬ꤘꤢꤦꤚꤣꤧ꤬, ꤙꤣꤧ ꤢ꤬ ꤥ꤬ꤗꤣꤧ꤭ ꤢ꤬ꤋꤢꤩ꤭, ꤢ꤬ ꤥ꤬ꤗꤣꤧ꤭ꤗ꤫ꤢꤧ꤬ ꤗꤢꤧꤓ꤫ꤣꤧ꤬ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤒꤣ꤬ꤖꤚꤢꤩ꤬ ꤟꤢꤧ꤭ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤖꤢꤩ꤭ꤘꤢ꤬ꤠꤤ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤡꤛꤥꤎꤢꤧ, ꤙꤢꤩ꤬ꤛꤢꤪ꤬ꤙꤢꤩ꤬ꤞꤤ꤬ ꤒ꤫ꤢꤧ꤬ ꤘꤣ ꤔꤢꤧ꤬ ꤊ꤫ꤢꤦ꤬ ꤖꤛꤢ ꤗꤢꤪ꤬ꤗꤢ꤬ꤚꤤ ꤣꤧ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬, ꤗꤢ꤬ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤢ꤬ ꤗ꤫ꤥ꤬ꤘꤢꤪ꤭ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣꤧꤗ꤫ꤥ꤬ꤘꤢꤪ꤭ꤓꤢꤧ꤬ ꤜꤢꤨ꤭ ꤖꤢꤧ꤯

ꤜꤢꤨꤊꤢ꤬ 2:8

ꤜ꤫ꤢꤩ꤬ꤥ꤬ ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤙꤣꤧꤔꤣꤧ꤬ ꤒꤣ꤬ꤖꤥ꤬ꤔꤣꤧ꤬, ꤖꤚꤢꤩ꤬ꤊꤢꤩ꤭ꤞꤤꤗꤤ꤬ꤖꤢꤨ ꤥ꤬ ꤒꤣꤧ꤬ꤟꤢꤩ꤬꤯ ꤛꤢꤩ꤬ꤞꤤ꤭ ꤟꤢꤧ꤭ ꤥ꤬ꤗꤣꤧ꤭ꤕ꤫ꤢꤪ꤬ ꤚꤣꤧꤘꤢꤦ꤬ ꤢ꤬ꤞꤤꤗꤤ꤬ꤖꤢꤨ ꤒꤣꤧ꤬ꤟꤢꤩ꤬ ꤘꤣ ꤗꤤ꤬ꤊꤜꤢꤩ꤭, ꤘꤣ ꤊ꤫ꤢꤩ꤬ꤘꤢꤦ꤭ꤊꤢꤨ꤭ ꤒꤣ꤬ꤖꤥ꤬꤯