ꤜꤢꤨꤊꤢ꤬ 17:16 - Eastern Kayah Shadaw Dialect

¹⁶ ꤓꤥ꤭ꤚꤣꤧ꤬ ꤢ꤬ ꤘꤢꤧꤍꤢꤦ꤬ꤡꤢꤪꤙꤢꤩ꤭ꤜꤢꤧ꤬ ꤘꤣ ꤛꤢꤩ꤬ꤏꤛꤢꤨ ꤢ꤬ ꤋꤢꤧꤘꤥ꤬ꤏꤢ ꤚꤣꤧ꤬ ꤢ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤜꤢꤨ꤭꤯ ꤢ꤬ ꤗꤢ꤬ ꤏꤛꤢ꤬ꤗꤢ꤬ꤚꤤꤖꤢꤨ ꤒꤣ꤬ꤖꤚꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

¹⁶ โทเร๊อ อา แด๊งือจ๊อเบแล เด๊อ เหย่ซู่ อา กู๊โด่ช๊า เร๊อ อา เฮ๊บุ๊ยเฮ๊เตอเรอแถ่ ลู. อา หม่า สะมาเรียพู๊ เตเพร.

ꤜꤢꤨꤊꤢ꤬ 17:16 ပူးပေါင်းရင်းမြစ်များ

มัทธิว 10:5

ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔꤢꤪ꤭ꤡꤝꤢ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤏꤣꤧꤞꤤꤔꤣꤧ꤭ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤗ꤫ꤢ꤬ꤡꤝꤢꤚꤣꤧ ꤛꤢꤩ꤬ꤞꤤ꤭ ꤍ꤫ꤥ꤬ ꤔꤢꤧ, “ꤡꤝꤢ ꤒ꤫ꤢꤧ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ, ꤓꤥ꤭ꤚꤣꤧ꤬ ꤡꤝꤢꤔꤥ꤭ ꤒ꤫ꤢꤧ꤬ ꤘꤣ ꤏꤛꤢ꤬ꤗꤢ꤬ꤚꤤꤖꤢꤨ ꤢ꤬ꤘꤢꤪ꤭ꤢ꤬ꤏꤥ꤬ꤊꤢꤨ꤭ ꤔꤣꤧ꤬ ꤒ꤫ꤢꤧ꤬ꤗꤢꤩ꤬ꤗꤢꤩ꤬ ꤔꤤ꤮꤯

เตเด๊อะโลแถ่ 19:10

ꤠꤢꤧ꤭ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ꤚꤢꤩ꤭ ꤡꤢꤪꤙꤢꤩ꤭ꤓꤢꤧ꤬ ꤜꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, “ꤡꤢꤪꤙꤢꤩ꤭ ꤒ꤫ꤢꤧ꤬ ꤠꤢꤧ꤭ ꤒ꤫ꤢꤧ꤬ꤗꤢꤩ꤬, ꤠꤢꤧ꤭ ꤔꤢꤧ ꤔꤢꤧ꤬ ꤔꤢꤧ ꤔꤢꤧ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤞꤤ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤞꤢꤧꤜꤢꤨ꤭ ꤖꤢꤧ꤯ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤢꤧꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤕ꤫ꤢꤦ꤬ꤗꤢ꤬ꤚꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ꤊꤢꤧ꤭ ꤕ꤫ꤢꤩ꤬ ꤕꤢꤩ꤬ ꤣꤧ꤭ꤔꤣꤧ꤬꤯ ꤟꤢꤨꤔꤣꤧ꤬ꤚꤣꤧ꤬, ꤡꤢꤪꤙꤢꤩ꤭ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬, ꤡꤢꤪꤙꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧꤜꤥ꤭ ꤕ꤫ꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤩꤙꤢꤩ꤬ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯”

เตเด๊อะโลแถ่ 5:14

ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤜꤝꤤ꤭ꤘꤥ꤭ ꤔꤣꤧ꤬ ꤢ꤬ ꤟꤢꤩꤏꤢꤦ꤬ ꤔꤢꤧ, “ꤢ꤬ꤗꤢꤩ꤬” ꤓꤥ꤭ꤚꤣꤧ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤘꤢꤧꤍꤢꤦ꤬ꤜꤢꤧ꤬ ꤚꤣꤧ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤꤗꤤ꤬ꤖꤢꤨ ꤔꤣꤧ꤬ꤒꤣ꤬ꤘꤥ꤭꤯

เตเด๊อะโลแถ่ 4:10

ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤔꤣꤧ꤭ꤏꤣꤧ꤭ ꤔꤢꤧ ꤞꤤꤜꤝꤤ꤭ ꤣꤧ꤭ꤔꤣꤧ꤬ ꤢ꤬ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤖꤚꤢꤩ꤬ ꤥ꤬ꤔꤢꤧ꤭ꤥ꤬ ꤘꤣ ꤡꤢꤪꤖꤢꤧ꤬ ꤢ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤋꤢꤨ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤡꤢꤪꤙꤢꤩ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯ ꤛꤢꤩ꤬ꤞꤤ꤭ ꤘꤢꤧ꤬ꤒꤢ꤭ꤊꤢꤧ꤭ ꤢ꤬ ꤊꤢꤨꤊ꤫ꤥ꤬ꤓꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤤ꤬ꤚꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤔꤢꤧ,

เพรโด่แนพู๊ เต๊เห่ 1:8

ꤗꤢ꤬ꤔꤢꤧꤚꤣꤧ꤬ ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭ꤜꤢꤧ꤬ꤟꤣꤧ ꤘꤣ ꤞꤤ꤭ꤜꤥ꤬ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤊ꤫ꤢꤦ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤏꤝꤢ꤬ꤒꤢꤩ꤬ꤏꤢꤪ꤭ ꤕꤢ꤭ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤕ꤫ꤢꤩ꤬ ꤠꤢꤧ꤭ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭, ꤔꤢꤧ ꤛꤢꤨꤘꤢ꤬ ꤒꤣ꤬ꤊ꤫ꤢꤩ꤬ꤜꤢꤩ꤭, ꤔꤢꤧ ꤏꤛꤢ꤬ꤗꤢ꤬ꤚꤤꤊ꤫ꤢꤩ꤬ ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤒ꤫ꤥ꤬ ꤡꤣꤧꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤜꤢꤪ꤭ ꤡꤣꤧ ꤕꤢ꤭,” ꤢ꤬ ꤟꤢꤩꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 4:9

ꤏꤛꤢ꤬ꤗꤢ꤬ꤚꤤ ꤗ꤫ꤥ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤔꤢꤧ꤬ ꤗꤢ꤬ ꤛꤢꤨꤘꤢ꤬ꤖꤢꤨ, ꤠꤢꤧ꤭ ꤗꤢ꤬ ꤏꤛꤢ꤬ꤗꤢ꤬ꤚꤤꤖꤢꤨ, ꤔꤢꤧ꤬ ꤡꤝꤢ ꤊꤝꤤ꤭ꤥ꤭ ꤒ꤫ꤥ꤬ ꤠꤢꤧ꤭ꤓꤣꤧ꤭꤯” (ꤢ꤬ ꤟꤢꤩ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤛꤢꤨꤘꤢ꤬ꤖꤢꤨ ꤔꤢꤧ ꤏꤛꤢ꤬ꤗꤢ꤬ꤚꤤꤖꤢꤨ ꤔꤣꤧ꤬ꤗꤢ꤬ ꤢ꤬ ꤚꤢꤩ꤭ ꤜꤢꤨ꤭ ꤒꤥ꤬꤯)

ꤛꤥ꤭ꤟꤢ꤬ 8:48

ꤟꤢꤨꤔꤣꤧ꤬ꤚꤣꤧ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤩ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔꤢꤧ, “ꤕꤢꤩ꤬ ꤟꤢꤩ ꤔꤢꤧ꤬ ꤔꤢꤧ, ꤔꤢꤧ꤬ ꤗꤢ꤬ ꤏꤛꤢ꤬ꤗꤢ꤬ꤚꤤꤖꤢꤨ ꤒꤣ꤬ꤖꤚꤢꤩ꤬, ꤓꤥ꤭ꤚꤣꤧ꤬ ꤜꤥ꤭ꤔꤢꤩ ꤗꤢꤩ꤬ꤙꤢꤩ꤬ ꤔꤢꤧ꤬, ꤕꤢꤩ꤬ ꤟꤢꤩꤟꤢꤨꤔꤣꤧ꤬ ꤗꤢ꤬ ꤢ꤬ꤗ꤫ꤢ꤬ꤔꤢꤧ꤭ꤒꤥ꤬ ꤟꤢꤧ꤭?”

ꤛꤥ꤭ꤟꤢ꤬ 5:23

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤊ꤫ꤢꤦ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤟꤢꤨ ꤢꤨ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤖꤢꤩ꤭ꤔꤣꤧ꤬ ꤚꤣꤧ꤬ ꤢ꤬ ꤘꤣꤧꤒꤢ꤭ ꤜꤢꤪ꤭ ꤒꤢꤩ꤬ꤘꤣꤧꤡꤢ꤭ ꤘꤣ ꤜꤢꤨ꤭ ꤊꤣꤧ꤬ꤘꤢ꤭ꤊꤢꤨ꤭꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤖꤢꤨꤖꤚꤢꤩ꤬ꤋꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤗ꤫ꤢ꤬ꤟꤣꤧ ꤢ꤬ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤖꤢꤩ꤭ ꤘꤣ ꤢ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤜꤢꤨ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤒꤥ꤬ ꤟꤣꤧ꤯

ꤜꤢꤨꤊꤢ꤬ 5:8

ꤙꤣꤧ ꤋꤢꤨ꤭ꤏꤛꤤꤗꤥ꤬ ꤕꤢꤩ꤬ꤒꤢ꤬ꤚꤢꤨ ꤗꤢꤧꤓ꤫ꤣꤧ꤬ ꤒꤢꤩ꤬ꤗꤢꤩ꤬ꤢ꤬ꤔ꤫ꤢꤩ꤬ ꤟꤢꤨꤣꤧ꤭ ꤢ꤬ꤋꤢꤩ꤭, ꤢ꤬ ꤘꤢꤧꤍꤢꤦ꤬ꤜꤢꤧ꤬ ꤘꤣ ꤛꤢꤩ꤬ꤏꤛꤢꤨ ꤢ꤬ ꤋꤢꤧꤘꤥ꤬ꤏꤢ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤙꤢꤧ꤬ꤡꤢꤩ꤬, ꤓꤢꤩ꤬ꤡꤝꤢ ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤠꤢꤧ꤭, ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ꤖꤢꤨ ꤖꤢꤧ꤯”

ꤗꤢ꤬ꤊꤢꤨ 5:33

ꤚꤣꤧ꤬ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤙꤣꤧ ꤢ꤬ ꤟꤢꤧ꤭ꤒꤥ꤬ꤙꤢꤩ꤬ ꤜꤢꤨ꤭ ꤡꤢ꤬ꤡꤝꤢ꤬ ꤢ꤬ꤋꤢꤩ꤭, ꤒꤢꤩ꤬ꤓꤝꤢ꤭ꤓꤢꤧ꤬ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤟꤢꤨꤒꤢꤩ꤭ꤔꤣꤧ꤬ ꤢ꤬ ꤞꤤꤑꤢꤩ꤭ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤤꤤ꤬ꤏꤢꤩ꤭ ꤒꤣꤧ꤬ꤔꤢꤧ꤭ꤒꤣꤧ꤬ꤊꤛꤢ꤬ ꤡꤣꤧ ꤚꤣꤧ꤬ ꤢ꤬ ꤟꤢꤧ꤭ꤘꤢꤧꤍꤢꤦ꤬ꤜꤢꤧ꤬ ꤘꤣ ꤛꤢꤩ꤬ꤏꤛꤢꤨ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤟꤢꤩꤏꤥ꤬ꤜꤥ꤭ ꤡꤣꤧ ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤛꤢꤩ꤬ꤏꤛꤢꤨ꤯

มัทธิว 2:11

ꤚꤣꤧ꤬ ꤛꤢꤩ꤬ꤞꤤ꤭ ꤔꤥ꤭ ꤘꤣ ꤟꤤ꤬ꤊꤢꤨ꤭ ꤚꤣꤧ꤬ ꤔꤥ꤭ꤗꤢꤧꤓ꤫ꤣ꤬ ꤖꤢꤨꤡ꤫ꤢꤩ꤬ꤟꤢꤨꤣꤧ꤭ ꤥ꤬ꤒ꤫ꤣ꤬ꤔꤢꤧ ꤢ꤬ꤗ꤫ꤥ꤬ ꤗ꤫ꤥ꤬ꤗꤢ꤬ꤚꤤ꤯ ꤛꤢꤩ꤬ꤞꤤ꤭ ꤘꤢꤧꤍꤢꤦ꤬ꤜꤢꤧ꤬ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤜꤢꤨ꤭꤯ ꤓꤥ꤭ꤚꤣꤧ꤬ ꤢ꤬ ꤖꤛꤢꤓꤢꤩ꤬ ꤓꤢꤩ꤭ ꤔꤢꤧ ꤒꤢꤩ꤬ꤔꤥ꤬ꤗꤢꤦ ꤘꤣ ꤢꤨ꤭ ꤢꤩ ꤔꤢꤧ ꤠꤢꤧ꤬ꤋꤣ꤬ꤎꤢꤧ ꤔꤢꤧ ꤗꤢꤨꤚꤢ꤬ ꤘꤣ ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤘꤣꤧ ꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤏꤢ꤭ꤛ꤫ꤢꤨ꤬꤯

ꤜꤢꤨꤊꤢ꤬ 17:17

ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤜꤢꤨ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤘꤣ ꤠꤢꤧ꤭ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤥ꤬ ꤖꤚꤢꤩ꤬ꤏꤣꤧ ꤠꤢꤧ꤭ꤟꤢꤩꤒ꤫ꤥ꤬? ꤜꤝꤤ꤭ꤞꤝꤢꤒꤣ꤬ꤖꤚꤢꤩ꤬ ꤕꤢ꤬ ꤜꤢꤩ꤭꤮ ꤢ꤬ ꤥ꤬ꤒꤥ꤭ ꤙꤣꤧꤒꤢꤩ꤭?

โครินธ์ อาเหร่อเล๊อ ต๊าบ่า 14:25

ꤣꤧ꤭ꤒꤣ꤬ꤖꤥꤚꤣꤧ꤬, ꤒꤢꤩ꤬ ꤘꤣ ꤛꤢꤩ꤬ꤞꤤ꤭ ꤞꤤꤑꤢꤩ꤭ꤓꤝꤢꤒꤥ꤬ ꤘꤣ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤒꤣꤧ꤬ꤔꤢꤩ꤬ꤕꤜꤥ꤭ꤓꤢꤩ꤬ ꤕꤢ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤢꤧꤍꤢꤦ꤬ꤜꤢꤧ꤬ ꤡꤢꤪꤙꤢꤩ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩ ꤔꤢꤧ, “ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤚꤣꤧ꤭ꤖꤚꤥ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤥ꤬ꤗ꤫ꤢ꤬ꤊꤣꤧ꤭ ꤔꤤꤔꤢꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ,” ꤢ꤬ ꤊ꤫ꤢꤦ꤬ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬ ꤕꤢ꤭꤯