ꤜꤢꤨꤊꤢ꤬ 16:2 - Eastern Kayah Shadaw Dialect

² ꤊꤣꤧ꤬ꤛꤢꤧ꤭ ꤘꤢꤨ꤬ꤛ꤫ꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤢꤩꤟꤢꤧ꤭ ꤢ꤬ꤖꤚꤢꤩ꤬ ꤗꤢꤧꤡꤢꤧ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, ‘ꤔꤢꤧ꤬ꤚꤤ꤬ꤔꤢꤧ꤬ꤊꤢꤧ꤭ ꤘꤣ ꤠꤢꤧ꤭ ꤔ꤫ꤤ꤬ꤟꤥ꤭ ꤣꤧ꤭ꤔꤣꤧ꤬ꤗꤢ꤬ ꤟꤢꤨꤒꤢꤩ꤭ ꤒꤣ꤬ꤡꤣ꤬ꤒꤢꤩ꤭? ꤔꤢꤧ꤬ ꤙꤢꤩ꤬ ꤘꤢꤧ꤬ꤓꤢꤧ꤬ꤜꤥ꤭ ꤔꤢꤧ꤬ ꤚꤢ꤭ꤗꤢꤚꤢ꤭ꤒꤢꤩ꤭, ꤔꤢꤧ꤬ ꤗꤢꤧꤡꤢꤧ꤬ꤚꤣꤧ ꤠꤢꤧ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤔꤢꤪ꤭ ꤓꤝꤢ꤭ ꤡ꤫ꤢꤧ꤬ ꤕꤢ꤬ ꤔꤢꤧ꤬ ꤔꤢꤧ ꤖꤚꤢꤩ꤬ꤗꤢꤧꤡꤢꤧ꤬ ꤠꤢꤧ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣ꤬ꤖꤚꤢꤩ꤬ ꤕꤢ꤬ꤒꤥ꤬ ꤟꤣꤧ꤯’

ลีเทส่อพ๊าอาเซ เร๊อ เห่ขุทวาลู๊

² แกแย ดุแหย่ เออเตเพร เอ๊แฮ อาเพร แม๊ตู่ ตาหมื่อตาเต เออเตเพร เร๊อ อา เฮ๊ ลู เน๊อ, ‘เนหรี่เนแก เด๊อ แว หนิโฮ เออเนอหม่า ฮู๊เต เต๊อเจ่อเต? เน เบ่ แด่โอ่โล เน ราม๊าราแด, เน แม๊ตู่เกอเร๊อ แว ตาหมื่อตาเต เนอเต๊เห่ อาหรี่อาแก, เมเตเฮ๊เรอ แว นอ ทวา แจ่ ปา เน เร๊อ เพรแม๊ตู่ แว ตาหมื่อตาเต เตเพร ปาโต่ เฮ๊อ.’

ꤜꤢꤨꤊꤢ꤬ 16:2 ပူးပေါင်းရင်းမြစ်များ

เตเด๊อะโลแถ่ 20:12

ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤗꤝꤤ꤭ ꤜꤥ꤭ꤓꤣꤧ꤭ꤜꤥ꤭ꤊ꤫ꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤜꤢꤨ꤭ ꤚꤣꤧ꤬ ꤢ꤬ ꤞꤣꤧ꤭ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬ ꤊꤣꤧ꤬ꤓꤢꤪ꤬ꤥ꤬ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤙꤢꤨ꤭ꤘꤢꤨ꤬ ꤓꤢꤧ꤬ꤜꤥ꤭ ꤣꤧ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬꤯ ꤢꤨ꤭ ꤙꤢꤗꤥ꤭ꤓꤢꤧ꤬ ꤜꤤ꤬ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤢꤨ꤭ ꤙꤢꤗꤥ꤭ꤓꤢꤧ꤬ ꤜꤤ꤬ ꤘꤣ ꤢ꤬ꤚꤥ꤬ ꤒꤣ꤬ꤙꤢ꤬ ꤘꤣ ꤢꤨ꤭ ꤢꤩ ꤔꤢꤧ ꤜꤤ꤬ꤞꤣꤧ꤭ꤖꤚꤢꤩ꤬ ꤣꤧ꤭꤯ ꤊꤣꤧ꤬ꤛꤢꤧ꤭ꤞꤣꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤟꤢꤨ ꤢ꤬ ꤗꤢꤩ꤬ꤔꤢꤪ ꤓꤥ꤭ꤟꤣꤧ ꤔꤣꤧ꤬ ꤔꤢꤧ ꤟꤢꤨ ꤢꤨ꤭ ꤚꤢ꤭ꤗꤢꤥ꤬ ꤘꤣ ꤜꤤ꤬ꤣꤧ꤭ ꤢ꤬ꤊꤢꤨ꤭ꤔꤣꤧ꤬ ꤒꤣꤧ꤬ꤟꤢꤩ꤬꤯

เปโตร อาเหร่อเล๊อ ต๊าบ่า 4:10

ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤓꤥ꤭ꤟꤣꤧ ꤞꤤ꤭ ꤏꤢ꤭ꤛ꤫ꤢꤨ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ꤟꤣꤧ, ꤚꤣꤧ꤬ ꤔꤢꤪ꤭ꤢꤩ꤬ ꤕ꤫ꤢꤩ꤬ꤊꤣꤧ꤭ ꤜꤢ꤭ꤋꤢꤧ꤭ ꤞꤤ꤭ ꤏꤢ꤭ꤛ꤫ꤢꤨ꤬ ꤣꤧ꤭ꤔꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤣꤧ꤬꤯ ꤕꤣꤒꤣꤧ꤬ꤚꤤ꤬ ꤒꤢ꤭ꤒꤢꤩ꤬ꤚꤣꤧ ꤜꤢ꤭ꤋꤢꤧ꤭ ꤏꤢ꤭ꤛ꤫ꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤛ꤫ꤢꤨ꤬ꤒꤢ꤭ ꤋꤥꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤔꤤ꤮꤯

เปโตร อาเหร่อเล๊อ ต๊าบ่า 4:5

ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤗꤢꤩ꤬ꤓꤥ꤭ꤟꤣꤧ ꤋꤚꤢꤧ꤮ ꤤ꤬ꤒꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤊꤢ꤬ ꤟꤢꤩꤏꤥ꤬ꤜꤥ꤭ꤕꤜꤥ꤭ ꤋꤛꤢ꤭ꤞꤢꤧ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ꤔ꤫ꤢꤩ꤬ ꤕꤢ꤭꤯ ꤡꤢꤪꤗꤣꤧ꤬ꤚꤢꤧ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤟꤣꤧ ꤢ꤬ꤔ꤫ꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤊꤣꤧ꤬ꤛꤢꤧ꤭ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ꤞꤣꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯

ทิโมธี อาเหร่อเล๊อ ต๊าบ่า 5:24

ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤔꤣꤧ꤬ ꤢ꤬ ꤥ꤬ꤜꤥ꤭ ꤜ꤫ꤢ꤬ꤜꤤ꤭ ꤚꤢꤧꤡꤣꤧ, ꤚꤣꤧ꤬ ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤗꤢꤧꤓ꤫ꤣꤧ꤬ ꤞꤤꤑꤢꤩ꤭ ꤜꤢꤪ꤭ꤕꤜꤤ꤭ ꤛꤢꤩ꤬ꤞꤤ꤭ ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤕꤢ꤭ ꤒꤣꤧ꤬ꤘꤢꤦꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤕꤜꤢ ꤔꤣꤧ꤬, ꤊꤢꤨꤔ꤫ꤢꤧ꤬ꤋꤢꤩ꤭ꤣꤧ꤭ ꤢꤨ꤭ ꤗꤢꤧꤓ꤫ꤣꤧ꤬ꤡ꤫ꤢꤧ꤬ ꤢ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ꤔꤥ꤬ ꤢ꤬ ꤘꤣꤋꤛꤢ꤭ ꤕꤢ꤭꤯

ทิโมธี อาเหร่อเล๊อ ต๊าบ่า 4:14

ꤗꤢꤧꤒꤢ꤭ꤙꤢꤩꤊꤢꤧ꤭ ꤒ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤏꤢ꤭ꤛ꤫ꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤓꤥ꤭ꤟꤣꤧ ꤔꤢꤧ꤬ꤔꤣꤧ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤙꤣꤧ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤘꤢꤧ꤬ꤓꤢꤧ꤬ ꤟꤣꤧ ꤢ꤬ꤊꤢꤨꤋꤢꤨ꤬ ꤘꤣ ꤔꤢꤧ꤬ꤜꤥ꤬ ꤢ꤬ꤋꤢꤩ꤭, ꤔꤢꤧ꤬ ꤔ꤫ꤤ꤬ꤙꤢꤩ꤬ ꤘꤤ꤭ꤒ꤫ꤢꤦ꤬ꤟꤣꤧ ꤏꤢ꤭ꤛ꤫ꤢꤨ꤬ ꤣꤧ꤭ꤔꤣꤧ꤬ ꤘꤣ ꤊꤣꤧ꤬ꤛꤢꤧ꤭ ꤟꤢꤩꤖꤚꤥ꤬ ꤥ꤬ꤔꤢꤩ꤬ ꤔꤢꤧ꤬ꤚꤤ꤬ꤔꤢꤧ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤟꤣꤧ꤯

โครินธ์ เนอบ่า ต๊าบ่า 5:10

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤏꤢ꤮ ꤔꤥ꤬ꤕꤢ꤭ꤗꤢ꤬ ꤕꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ꤟꤢꤧ꤭ ꤥ꤬ ꤜꤢꤪ꤭ ꤘꤣ ꤋꤚꤤ ꤜ꤫ꤢꤩ꤬ꤘꤣꤧꤡꤢ꤭ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤕꤢ꤭꤯ ꤙꤣꤧ ꤕꤢꤩ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭, ꤜꤢꤪ꤭ ꤕꤢꤩ꤬ ꤗꤢꤩ꤬ꤓꤥ꤭ꤟꤣꤧ ꤒꤢꤩ꤬ ꤘꤣ ꤢ꤬ꤚꤢꤧ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤒꤢꤩ꤬ ꤘꤣ ꤢ꤬ꤞꤢꤦ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤚꤣꤧꤋꤛꤢ꤭ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤕꤢ꤭ ꤟꤢꤧ꤭? ꤗꤢ꤬ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤒꤥ꤬ ꤟꤢꤧ꤭? ꤔꤣꤧ꤬, ꤢ꤬ ꤊ꤫ꤢꤦ꤬ ꤡꤢꤩ꤭ꤗꤢꤧ ꤜꤢꤪ꤭ ꤕꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤕꤢ꤭꤯

โครินธ์ อาเหร่อเล๊อ ต๊าบ่า 4:5

ꤟꤢꤨꤔꤣꤧ꤬ꤚꤣꤧ꤬ ꤒꤢꤩ꤬ꤘꤣꤧꤡꤢ꤭ ꤢ꤬ꤏꤣꤧꤢ꤬ꤋꤢꤩ꤭ ꤟꤢꤧ꤭ꤙꤢꤩ꤬ ꤒꤢꤧ꤬ꤜꤢ꤭ꤟꤤꤒꤥ꤬ ꤔꤣꤧ꤬, ꤡꤝꤢ ꤘꤣꤧꤡꤢ꤭ ꤒ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬꤮ ꤒ꤫ꤢꤧ꤬ꤗꤢꤩ꤬꤯ ꤥ꤬ꤕ꤫ꤢꤪ꤬ ꤒ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤙꤢꤧ꤬ꤡꤢꤩ꤬ ꤟꤢꤧ꤭ ꤘꤣꤧꤡꤢ꤭ ꤢꤨ꤭ ꤕꤢ꤭ ꤒꤣ꤬ꤖꤥ ꤔꤣꤧ꤬꤯ ꤒꤢꤩ꤬ꤥ꤬ꤥꤥ꤬ꤙꤤ ꤘꤣ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤓꤢꤧ꤬ꤜꤥ꤭ ꤕꤢ꤭꤯ ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤘꤢꤪꤥꤘꤢꤪꤙꤤ ꤘꤣ ꤢ꤬ ꤔꤢꤪ꤭ꤗꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤜꤥ꤭ ꤞꤤꤑꤢꤩ꤭ ꤕꤢ꤭꤯ ꤙꤣꤧꤔꤣꤧ꤬ꤋꤢꤩ꤭ ꤕꤢ꤭ ꤚꤣꤧ꤬, ꤟꤢꤨ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤗꤢꤩ꤬ ꤒꤢꤩ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤓꤢꤨ꤬ꤞꤢꤩꤚꤣꤧ ꤛꤢꤩ꤬ꤞꤤ꤭ ꤕꤢ꤭꤯

โครินธ์ อาเหร่อเล๊อ ต๊าบ่า 4:2

ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤘꤣꤧꤒꤢ꤭ ꤜꤢꤨ꤭ ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤥ꤭ꤙꤢꤩ꤬ ꤡꤢꤪ ꤔꤢꤧ ꤢ꤬ꤒꤢꤩ꤬ꤗꤢꤩ꤬꤯

โครินธ์ อาเหร่อเล๊อ ต๊าบ่า 1:11

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤗꤢꤪ꤬ꤊꤢ꤬ꤜꤢꤪꤢꤩ꤬ ꤢ꤬ ꤋꤥ꤭ꤙꤢꤧꤞꤝꤢ ꤢ꤬ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤟꤢꤩꤏꤥ꤬ꤜꤥ꤭ꤕꤜꤥ꤭ ꤕ꤫ꤢꤩ꤬ ꤠꤢꤧ꤭ ꤔꤢꤧ, ꤞꤤ꤭ꤊꤛꤢꤞꤤ꤭ꤒꤣꤧ꤬ꤍꤢ꤭ ꤞꤤ꤭ꤠꤢꤦ ꤚꤣꤧꤘꤢꤦ꤬ ꤜꤢꤪ꤭ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤩ ꤠꤢ꤮,

ꤚꤥꤗꤢꤩ꤬ 14:12

ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤗꤢꤩ꤬ꤓꤥ꤭ ꤋꤚꤢꤧ꤮ ꤟꤣꤧ ꤤ꤬ꤒꤢꤩ꤭ꤔꤣꤧ꤬ ꤕꤢꤩ꤬ ꤙꤢꤩ꤬ ꤟꤢꤩꤏꤥ꤬ꤓꤢꤧ꤬ꤜꤥ꤭ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤕꤝꤢ꤭꤮ ꤖꤚꤢꤩ꤬ ꤕꤢ꤭꤯

ꤜꤢꤨꤊꤢ꤬ 12:42

ꤙꤢꤧ꤬ꤡꤢꤩ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤟꤢꤨꤔꤣꤧ꤬ꤚꤣꤧ꤬, ꤢ꤬ ꤓꤝꤢ꤭ ꤜꤢꤨ꤬ꤜꤢꤩꤊꤢꤨ꤬ꤊꤜꤢꤪ ꤘꤣ ꤢ꤬ꤡꤢꤪ ꤚꤣꤧ꤬ ꤢ꤬ ꤥ꤬ ꤔꤢꤧ ꤒꤢꤩ꤬ꤞꤤꤖꤢꤩ ꤒꤣ꤬ꤖꤚꤢꤩ꤬ꤗꤢ꤬ ꤢꤨ꤭ꤕꤢꤩ꤭? ꤜꤢꤨ꤬ꤜꤢꤩꤊꤢꤨ꤬ꤊꤜꤢꤪ ꤘꤣ ꤢ꤬ꤡꤢꤪ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ꤙꤢꤧ꤬ꤡꤢꤩ꤬ ꤊ꤫ꤢꤦ꤬ ꤘꤣꤧꤒꤢ꤭ ꤜꤢꤪ꤭ ꤢ꤬ꤜꤢꤨ꤬ꤜꤢꤩ ꤢ꤬ꤚꤥ꤬ꤒꤣꤧ꤬ꤟꤢꤩ꤬ ꤘꤣ ꤜꤢꤨ꤭ ꤊꤢꤨꤛꤢ꤭ꤊꤢꤨ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤔꤢꤪ꤭ꤗꤢꤧꤔꤢꤪ꤭ꤡꤢꤧ꤬ꤚꤣꤧ ꤜꤢꤨ꤭ ꤔꤢꤧ ꤛꤢꤩ꤬ꤞꤤ꤭, ꤚꤣꤧ꤬ ꤢ꤬ ꤊ꤫ꤢꤦ꤬ ꤘꤣꤧꤢꤩ꤬ꤒꤥ꤭ꤘꤣꤧꤥ꤭ꤙꤢꤩ꤬ ꤕ꤫ꤢꤩ꤬ ꤢꤨ꤭ ꤢ꤬ꤏꤣꤧꤢ꤬ꤋꤢꤩ꤭ ꤒꤣ꤬ꤖꤥ ꤔꤢꤧ ꤒꤣ꤬ꤖꤥ ꤔꤣꤧ꤬ꤒꤣ꤬ꤖꤚꤢꤩ꤬ ꤕꤢ꤭ ꤗ꤫ꤢ꤬ꤒꤥ꤬ ꤟꤢꤧ꤭?

ꤜꤢꤨꤊꤢ꤬ 12:20

“ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤜꤢꤨ꤭ ꤔꤢꤧ, ‘ꤖꤢꤩ꤭ꤥ꤬ꤜꤣꤥ꤬ꤊꤜꤢꤪ꤭, ꤣꤧ꤭ꤒꤣ꤬ꤞꤢꤩ꤭ ꤕꤢ꤭ ꤗꤢ꤬ ꤠꤢꤧ꤭ ꤊ꤫ꤢꤦ꤬ ꤖꤛꤢꤓꤢꤩ꤬ꤊꤢꤧ꤭ ꤟꤣꤧ ꤔꤢꤧ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤕꤢ꤭꤯ ꤟꤢꤨꤔꤣꤧ꤬ꤚꤣꤧ꤬ ꤜꤢꤪ꤭ ꤒꤢꤩ꤬ ꤘꤣ ꤔꤢꤧ꤬ ꤘꤢꤧ꤬ꤕꤜꤢꤪ ꤥ꤬ꤔꤢꤩ꤬ ꤘꤣ ꤔꤢꤧ꤬ꤑꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢꤨ꤭ꤕꤢꤩ꤭ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭ ꤕꤢꤩ꤭?’”

มัทธิว 12:36

ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤟꤢꤩ ꤞꤤ꤭, ꤏꤢ꤮ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ ꤊꤣꤧ꤬ꤛꤢꤧ꤭ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤡꤢ꤭ ꤜꤢꤪ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩꤙꤢꤩ꤬ ꤒꤣꤧ꤬ꤔꤢꤩ꤬ ꤊꤣꤧ꤭ꤢꤨ꤭ ꤒꤥ꤬ ꤚꤣꤧ꤬ ꤢ꤬ ꤟꤢꤩꤙꤢꤩ꤬ ꤍ꤫ꤥ꤬ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤗꤢꤦ꤭ ꤕꤢ꤭꤯

มัทธิว 20:8

“ꤙꤣꤧ ꤗ꤫ꤢꤪ꤬ꤒꤢ꤭ꤟꤣꤧ ꤢ꤬ꤋꤢꤩ꤭ꤔꤣꤧ꤬, ꤊꤢꤨꤊꤜꤢꤩ꤭ꤙꤢꤧ꤬ꤡꤢꤩ꤬ ꤣꤧ꤭ ꤟꤢꤩ ꤢ꤬ꤖꤚꤢꤩ꤬ ꤕꤣꤒꤣꤧ꤬ꤚꤤ꤬ ꤗꤢꤧꤡꤢꤧ꤬ꤚꤣꤧ ꤊꤢꤨꤊꤜꤢꤩ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤢꤧ, ‘ꤢꤩꤟꤢꤧ꤭ ꤜꤢ꤭ꤋꤢꤧ꤭ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤘꤣꤧꤕ꤫ꤢꤩ꤬ ꤛꤢꤩ꤬ꤞꤤ꤭ ꤢ꤬ꤋꤝꤢꤢ꤬ꤊꤢꤩ꤬ ꤔꤣꤧ꤬꤯ ꤘꤣꤧꤚ꤫ꤣꤧ꤬ꤜꤣ ꤢ꤬ ꤟꤢꤧ꤭ ꤒꤢ꤭ꤔꤥ꤬ꤜꤣ ꤢ꤬ꤋꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ, ꤚꤣꤧ꤬ ꤢ꤬ ꤟꤢꤧ꤭ ꤚ꤫ꤣꤧ꤬ꤜꤣ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤘꤣꤧꤔꤥ꤬ꤜꤣ ꤢꤨ꤭ ꤕꤢ꤭꤯’

ꤜꤢꤨꤊꤢ꤬ 16:1

ꤛꤢꤩ꤬ꤏꤛꤢꤨ ꤟꤢꤩ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ, “ꤒꤣ꤬ꤖꤥꤢ꤬ꤋꤢꤩ꤭ ꤊꤣꤧ꤬ꤛꤢꤧ꤭ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤥ꤬ ꤒꤣ꤬ꤖꤚꤢꤩ꤬꤯ ꤚꤣꤧ꤬ ꤢ꤬ ꤥ꤬ ꤚꤣꤧꤘꤢꤦ꤬ ꤔꤢꤧ ꤖꤚꤢꤩ꤬ꤗꤢꤧꤡꤢꤧ꤬ꤚꤣꤧ ꤢ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣ꤬ꤖꤚꤢꤩ꤬꤯ ꤢꤨ꤭ ꤟꤢꤩꤜꤥ꤭ ꤕ꤫ꤢꤩ꤬ ꤜꤢꤨ꤭ ꤔꤢꤧ ꤢ꤬ ꤗꤢꤩ꤬ꤜꤢꤪ꤭ ꤊꤢꤧ꤭ꤘꤢꤩ꤭ ꤜꤢꤪ꤭ ꤢ꤬ꤙꤢꤧ꤬ꤡꤢꤩ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤕꤝꤢ꤭꤮ ꤒꤣ꤬ꤡꤣ꤬꤯

ꤜꤢꤨꤊꤢ꤬ 16:3

“ꤖꤚꤢꤩ꤬ꤗꤢꤧꤡꤢꤧ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤩꤜꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ, ‘ꤠꤢꤧ꤭ꤙꤢꤧ꤬ꤡꤢꤩ꤬ ꤔꤢꤪ꤭ꤓꤢꤩ꤬ꤊꤢꤧ꤭ꤟꤣꤧ ꤠꤢꤧ꤭ ꤘꤣ ꤢ꤬ ꤒꤢꤩ꤬ꤗꤢꤩ꤬ꤊꤢꤨ꤭ ꤟꤣꤧ ꤚꤣꤧ꤬ ꤠꤢꤧ꤭ ꤙꤢꤩ꤬ꤟꤢꤩ ꤟꤢꤨꤒꤢꤩ꤭? ꤠꤢꤧ꤭ ꤊ꤫ꤢꤦ꤬ ꤤ꤬ꤖꤥ꤭ꤤ꤬ꤠꤢꤩ꤭ ꤢꤩ꤬ ꤟꤢꤩ꤬ꤊꤢꤨ꤭ ꤟꤢꤩꤚꤣꤧ꤬, ꤠꤢꤧ꤭ꤟꤢꤧ꤭ꤠꤢꤧ꤭ꤚꤢꤩ꤬ ꤜꤣꤙꤢ꤭ ꤒꤥ꤬ꤒꤥ꤬, ꤠꤢꤧ꤭ ꤊ꤫ꤢꤦ꤬ ꤊꤝꤤ꤭ꤢꤩ꤬ꤏꤢꤩ꤬ ꤟꤢꤩꤚꤣꤧ꤬, ꤠꤢꤧ꤭ ꤞꤤꤒꤣꤧ꤬ꤚꤢꤩ꤭ ꤜꤢ꤭ꤜꤢ꤭꤯