ꤜꤢꤨꤊꤢ꤬ 16:16 - Eastern Kayah Shadaw Dialect

¹⁶ “ꤋꤢꤨ꤭ꤗꤢꤪꤎꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤢꤧ ꤖꤚꤢꤩ꤬ꤖꤚꤥ꤬ ꤢ꤬ ꤒꤢꤩ꤬ꤚꤢ꤭ꤊꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤒ꤫ꤥ꤬ ꤒꤣꤧ꤬ꤘꤢꤦ꤬ ꤢ꤬ ꤙꤣꤧ ꤖꤚꤢꤩ꤬ꤡꤢꤩ꤬ ꤢꤨ꤭ ꤋꤢꤨ꤭ꤛꤥ꤭ꤟꤢ꤬ ꤢ꤬ ꤓꤢꤦ꤭ꤋꤢꤩ꤭ ꤔꤣꤧ꤬ꤖꤢꤧ꤯ ꤘꤣꤋꤛꤢ꤭ꤣꤧ꤭ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤚꤣꤧ꤬ ꤢꤨ꤭ ꤢꤧꤡꤢꤦ ꤔꤥ꤭ꤖꤢꤩ꤬ ꤜꤢꤪ꤭ ꤡꤣꤧ ꤜꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

¹⁶ “คูโมเสส เตซว๊าเตแส่ เด๊อ เพรโพร อา เตราแก เต๊เห่เนอ, อู แด๊โฉ่โด่แน โต่ ตื๊อดื่อ อา เบ๊อะเจเทอ คูยอห์น อา ทือเค เนอแพ๊. เด๊อคยาเออ แว แด๊โฉ่โด่แน เป่ อู เร๊อ จอแปแหร่ เทอเลเก่กู เตซิครือมีลา อาหรี่อาแก เร๊อ อู แอ๊จื๊อ โนเผ่ ลอ เจ๊อ ลู ปว๋า เตเพร เจ๊อ.

ꤜꤢꤨꤊꤢ꤬ 16:16 ပူးပေါင်းရင်းမြစ်များ

มัทธิว 21:32

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤋꤢꤨ꤭ꤛꤥ꤭ꤟꤢ꤬ ꤟꤢꤧ꤭ ꤘꤣꤧꤜꤥ꤭ ꤞꤤ꤭ ꤔꤢꤧ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤊꤜꤢꤧ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤖꤚꤢꤩ꤬ꤊꤝꤤ꤭ꤢ꤬ꤗꤢꤨ꤬ꤢ꤬ꤚꤢ ꤔꤢꤧ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭꤯ ꤞꤤ꤭ ꤗꤢꤧꤓ꤫ꤣꤧ꤬ ꤡꤣꤧ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤞꤤꤕꤜꤢꤪ꤬ ꤓꤢꤨ꤬ꤜꤢꤧ꤬ ꤊꤢ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤞꤤꤕꤜꤢꤪ꤬ ꤓꤢꤨ꤬ꤜꤢꤧ꤬ꤊꤢ꤬ ꤊꤣꤧ꤭ꤢꤨ꤭ ꤒꤥ꤬ ꤓꤥ꤭ꤒꤥ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤊꤣꤧ꤭ ꤡꤣꤧ ꤢꤨ꤭ ꤒꤣꤧ꤬ꤊꤤ꤬꤮ ꤒꤥ꤬꤯

ꤛꤥ꤭ꤟꤢ꤬ 1:45

ꤋꤢꤨ꤭ꤖꤤꤜꤤ꤬ꤕꤢꤨ꤬ ꤗꤢꤧꤓ꤫ꤣꤧ꤬ ꤋꤢꤨ꤭ꤔꤢ꤬ꤞꤢ꤬ꤔꤢꤩꤜꤢ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤕꤢꤩ꤬ ꤗꤢꤧꤓ꤫ꤣꤧ꤬ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤋꤢꤨ꤭ꤗꤢꤪꤎꤢꤧ ꤚꤢ꤭ ꤜꤢꤨ꤭ꤚꤤ꤬ꤜꤢꤨ꤭ꤊꤢꤧ꤭ ꤘꤣ ꤜꤤ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤊꤢꤨ꤭ꤔꤣꤧ꤬ ꤔꤢꤧ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤚꤢ꤭ꤊꤣꤧ꤭ ꤜꤢꤨ꤭ꤚꤤ꤬ꤜꤢꤨ꤭ꤊꤢꤧ꤭ ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤗꤢ꤬ ꤖꤢꤩ꤭ꤡꤛꤥꤎꤢꤧ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨ ꤚꤣꤧ꤬ ꤢ꤬ ꤗꤢ꤬ ꤠꤤ꤭ꤔꤢ꤬ꤎꤢ꤬ꤚꤢꤧꤖꤢꤨ꤯”

ꤜꤢꤨꤊꤢ꤬ 16:31

“ꤗꤢ꤬ꤔꤢꤧꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤛꤢꤩ꤬ꤞꤤ꤭ ꤊꤢꤩ꤬ ꤋꤚꤝꤢ꤭ꤗꤢꤩ꤬ ꤊꤣꤧ꤭ ꤟꤢꤨ ꤋꤢꤨ꤭ꤗꤢꤪꤎꤢꤧ ꤔꤢꤧ ꤖꤚꤢꤩ꤬ꤖꤚꤥ꤬ ꤚꤢ꤭ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤥ꤬ ꤟꤢꤩꤚꤣꤧ꤬, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤊꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤡꤣꤧ ꤛꤢꤩ꤬ꤞꤤ꤭ ꤡꤣꤧ꤮ ꤗꤢ꤬, ꤢ꤬ ꤛ꤫ꤢꤦ꤬ꤢꤩ꤬ ꤕ꤫ꤢꤩ꤬ ꤔꤢꤧ ꤔꤢꤧ꤬ ꤒꤥ꤬꤯’”

มัทธิว 3:2

ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤛꤢꤧ꤬ ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤗꤢꤪꤋꤢꤨ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤖꤢꤦ꤬ꤓꤢꤧ꤬ꤟꤣꤧ꤯”

เพรโด่แนพู๊ เต๊เห่ 3:18

ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤥ꤬ꤔꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤢ꤬ꤍ꤫ꤥ꤬ ꤔꤢꤧ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤜꤢꤪ꤭꤮ ꤕꤜꤤ꤭ ꤟꤣꤧ꤯ ꤚꤣꤧ꤬ ꤢ꤬ ꤟꤢꤩꤥ꤬ꤔꤢꤩ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤋꤚꤤ ꤙꤢꤩ꤬ ꤋꤢꤧꤙꤢꤩ꤬ ꤔꤢꤧ꤭ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤕꤢ꤭꤯ ꤚꤣꤧ꤬ ꤢ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤟꤣꤧ ꤟꤢꤨ ꤢ꤬ ꤟꤢꤩ ꤣꤧ꤭ꤔꤣꤧ꤬ ꤟꤣꤧ꤯

ꤜꤢꤨꤊꤢ꤬ 16:29

“ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, ‘ꤋꤢꤨ꤭ꤗꤢꤪꤎꤢꤧ ꤔꤢꤧ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤥ꤬ꤔꤢꤩ꤬ ꤘꤢꤦ꤬ ꤟꤣꤧ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤕ꤫ꤢꤩ꤬ ꤔꤢꤧ꤬ ꤕ꤫ꤥ꤬ꤗ꤫ꤢꤧ꤬ ꤖꤚꤢꤩ꤬ꤋꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤔ꤫ꤤ꤬ꤘꤢ꤭ ꤘꤢꤦ꤬ꤟꤣꤧ ꤛꤢꤩ꤬ꤞꤤ꤭ꤍ꤫ꤥ꤬ ꤕꤢ꤭꤯’

ꤜꤢꤨꤊꤢ꤬ 10:11

‘ꤞꤤ꤭ ꤠꤤ꤭ꤊꤢꤨ꤭ ꤟꤢꤩ꤬ꤗꤢꤦ꤬ ꤘꤣ ꤢ꤬ ꤙꤢꤧꤗꤢ꤬ ꤕꤢꤩ꤬ ꤋꤢꤧ꤬ꤛꤢ꤭ꤜꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤞꤥ꤭ꤒꤢ꤭ꤊꤢꤧ꤭ ꤕ꤫ꤢꤩ꤬ꤟꤣꤧ ꤞꤤ꤭ ꤟꤣꤧ꤯ ꤕꤢꤩ꤬ ꤞꤤꤛ꤫ꤢꤦ꤬ ꤔꤢꤪ꤭ꤞꤤꤑꤢꤩ꤭ ꤞꤤ꤭ ꤔꤢꤧ ꤕꤢꤩ꤬ ꤘꤢꤧ꤬ꤊꤢꤧ꤭ꤟꤣꤧ ꤞꤤ꤭ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤒꤥ꤭ꤗꤢ ꤜꤢ꤭ꤋꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ꤚꤢꤩ꤭ ꤕꤣꤓꤣꤧ꤭ꤕꤣꤊ꤫ꤢꤩ꤬ ꤢ꤬ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤔꤣꤧ꤬ ꤢ꤬ ꤟꤢꤧ꤭ꤒ꤫ꤥ꤬ꤖꤢꤦ꤬ ꤟꤣꤧ꤯’

ꤜꤢꤨꤊꤢ꤬ 10:9

ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤏꤝꤤꤢ꤬ꤏꤢꤩ꤭ ꤙꤣꤧ ꤠꤤ꤭ꤔꤣꤧ꤬ ꤒꤣ꤬ꤠꤤ꤭ ꤢ꤬ꤊꤢꤨ꤭ ꤔꤣꤧ꤬꤯ ꤚꤣꤧ꤬ ꤟꤢꤩꤏꤥ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤥ꤬ ꤙꤣꤧꤔꤣꤧ꤬ ꤒꤣꤧ꤬ꤟꤢꤩ꤬ ꤔꤢꤧ, ‘ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ꤚꤢꤩ꤭ ꤕꤣꤓꤣꤧ꤭ꤕꤣꤊ꤫ꤢꤩ꤬ ꤢ꤬ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤔꤣꤧ꤬ ꤢ꤬ ꤟꤢꤧ꤭ꤒ꤫ꤥ꤬ꤖꤢꤦ꤬ ꤟꤣꤧ ꤔꤢꤧ ꤞꤤ꤭ ꤟꤣꤧ꤯’

มัทธิว 4:17

ꤒꤢ꤭ꤟꤢꤧ꤭ꤑꤢꤩ꤭ ꤙꤣꤧꤔꤣꤧ꤬ꤚꤣꤧ꤬ ꤛꤢꤩ꤬ꤏꤛꤢꤨ ꤡꤢꤓꤢꤧ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ, “ꤛꤢꤧ꤬ ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤗꤢꤪꤋꤢꤨ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤖꤢꤦ꤬ꤓꤢꤧ꤬ꤟꤣꤧ꤯”

ꤜꤢꤨꤊꤢ꤬ 9:2

ꤓꤥ꤭ꤚꤣꤧ꤬ ꤢ꤬ ꤕꤜꤝꤢ꤭ꤡꤝꤢ ꤛꤢꤩ꤬ꤞꤤ꤭ ꤘꤣ ꤢ꤬ ꤊ꤫ꤢꤦ꤬ ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬, ꤚꤣꤧ꤬ ꤢ꤬ ꤊ꤫ꤢꤦ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ꤏꤝꤤꤊꤣꤧ꤬ꤛꤢꤧ꤭ꤏꤢꤩ꤭ ꤒꤣꤧ꤬ꤟꤢꤩ꤬꤯

ꤗꤢ꤬ꤊꤢꤨ 1:14

ꤙꤣꤧ ꤢꤨ꤭ ꤕ꤫ꤢꤦ꤬ꤘꤢꤪꤒꤢ꤭ ꤋꤢꤨ꤭ꤛꤥ꤭ꤟꤢ꤬ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨ ꤡꤝꤢ ꤘꤣ ꤊꤢꤧꤜꤢ꤬ꤜꤤ꤬ꤊ꤫ꤢꤩ꤬ ꤚꤣꤧ꤬ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤙꤣꤧꤔꤣꤧ꤬꤯

มัทธิว 10:7

ꤙꤣꤧ ꤞꤤ꤭ ꤡꤝꤢ ꤢ꤬ꤋꤢꤩ꤭, ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ, ‘ꤗꤢꤪꤋꤢꤨ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤖꤢꤦ꤬ꤓꤢꤧ꤬ꤟꤣꤧ,’ ꤟꤢꤨꤔꤣꤧ꤬ ꤔꤤ꤮꤯

ꤛꤥ꤭ꤟꤢ꤬ 12:19

ꤟꤢꤨꤔꤣꤧ꤬ꤚꤣꤧ꤬ ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤟꤢꤩ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨꤒꤢꤩ꤭ ꤟꤢꤩꤚꤣꤧ꤬, “ꤗꤢꤧꤗꤣꤧ꤭ꤜꤢꤩ! ꤕꤢꤩ꤬ ꤟꤢꤩꤕ꤫ꤢꤩ꤬ ꤕꤢ꤬ ꤛꤢꤩ꤬ꤞꤤ꤭ ꤒ꤫ꤥ꤬ꤟꤣꤧ꤯ ꤟꤢꤩ꤬ꤋꤢꤨ꤬ ꤒꤣ꤬ꤙꤢ꤬ꤜꤢꤪ꤭ ꤋꤚꤝꤢ꤭ꤊꤣꤧ꤭ ꤜꤢꤪ꤭ ꤜꤢꤨ꤭ꤋꤛꤢ꤭ ꤟꤣꤧ!”

ꤛꤥ꤭ꤟꤢ꤬ 11:48

ꤕꤢꤩ꤬ ꤊꤢꤩ꤬ ꤘꤢꤧ꤬ꤥ꤬ ꤒꤣꤧ꤬ꤘꤢꤦ꤬ ꤢ꤬ ꤟꤢꤨꤣꤧ꤭ ꤟꤢꤩꤔꤣꤧ꤬ꤗꤢ꤬, ꤢꤨ꤭ ꤛ꤫ꤢꤦ꤬ꤢꤩ꤬ ꤊꤣꤧ꤭ꤜꤢꤪ꤭ ꤜꤢꤨ꤭ ꤟꤣꤧ꤯ ꤓꤥ꤭ꤕꤢ꤭ꤚꤣꤧ꤬ ꤚꤥꤗꤢꤩ꤬ ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ ꤕꤢ꤭ ꤚꤣꤧ꤬ ꤟꤢꤧ꤭ ꤗꤢꤩ꤬ꤖꤚꤥꤊꤢꤧ꤭ ꤜꤢꤪ꤭ ꤕꤢꤩ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ꤟꤥ꤭, ꤕꤢꤩ꤬ ꤗꤤ꤭ꤡꤣ꤬ꤖꤢꤨꤖꤢꤨ ꤔꤣꤧ꤭ꤡꤣ꤬ꤜꤢꤪ꤭ ꤕꤢ꤭꤯”

ꤗꤢ꤬ꤊꤢꤨ 1:45

ꤗꤢ꤬ꤔꤢꤧꤚꤣꤧ꤬ ꤢ꤬ ꤓꤢꤩ꤬ꤡꤝꤢ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤜꤢꤪ꤭ꤕꤜꤤ꤭ ꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤏꤛꤢꤨ ꤡꤝꤢꤔꤥ꤭ ꤜꤥ꤭ ꤜ꤫ꤢ꤬ꤜꤤ꤭ꤔ꤫ꤤ꤬ꤕꤢ꤬ ꤢ꤬ꤔ꤫ꤢꤩ꤬ ꤘꤣ ꤠꤤ꤭ꤊꤢꤨ꤭ ꤒꤥ꤬, ꤢ꤬ ꤙꤢꤩ꤬ ꤡꤝꤢꤥ꤬ ꤖꤢꤧ ꤘꤣ ꤠꤤ꤭ꤊꤜꤢꤪ꤭ ꤘꤣ ꤜ꤫ꤢꤩ꤬ꤥ꤬ꤞꤥ꤬ꤋꤚꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤊꤣꤧ꤬ꤛꤢꤧ꤭ ꤥ꤬ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤟꤢꤧ꤭ꤒꤥ꤭ ꤜꤢꤪ꤭ ꤘꤣ ꤜꤢꤨ꤭ꤥ꤬꤯

มัทธิว 4:23

ꤛꤢꤩ꤬ꤏꤛꤢꤨ ꤜꤢꤩ꤭ ꤜꤢꤪ꤭ ꤊꤢꤧꤜꤢ꤬ꤜꤤ꤬ ꤒꤣ꤬ꤊ꤫ꤢꤩ꤬ꤜꤢꤩ꤭ ꤚꤣꤧ꤬ ꤢ꤬ ꤜꤢꤩ꤭ ꤤ꤬ꤞꤝꤢꤤ꤬ꤞꤢꤧ꤬ ꤢꤨ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤢꤨ꤭ ꤕꤝꤢ꤭꤮ ꤒꤣ꤬ꤖꤥ꤬꤯ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚꤤ꤬ꤢ꤬ꤊꤢꤧ꤭꤯ ꤚꤣꤧ꤬ ꤢ꤬ ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤜꤢꤪ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤏꤝꤤ ꤕꤝꤢ꤭ꤒꤣ꤬ꤗꤤ꤭ ꤒꤢꤩ꤬ꤏꤢꤩ꤭ ꤕꤝꤢ꤭ꤒꤣ꤬ꤡꤣ꤬꤯

มัทธิว 15:11

ꤒꤢꤩ꤬ ꤘꤣ ꤢ꤬ ꤔꤥ꤭ ꤘꤣ ꤊꤣꤧ꤬ꤛꤢꤧ꤭ ꤊꤢꤧ꤭ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ ꤒꤣꤧ꤬ꤖꤚꤥꤗꤢꤨꤗ꤫ꤢꤧ꤬ ꤜꤢꤨ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ ꤘꤣ ꤢ꤬ ꤓꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤊꤢꤧ꤭ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ ꤒꤣꤧ꤬ꤖꤚꤥꤗꤢꤨꤗ꤫ꤢꤧ꤬ ꤜꤢꤨ꤭꤯”

ꤛꤥ꤭ꤟꤢ꤬ 5:4

(ꤛꤢꤩ꤬ꤞꤤ꤭ ꤥ꤬ꤕ꤫ꤢꤪ꤬ ꤜꤢ꤭ꤋꤢꤧ꤭ ꤓꤣꤧ꤭ꤊꤣꤧ꤬ꤛꤥ꤭ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤟꤢꤧ꤭ꤜꤢꤧ꤬ ꤗꤢꤩ꤬ꤊꤣꤧ꤬ꤛꤥ꤭ ꤒꤣꤧ꤬ꤗꤥ꤭ꤗꤥ꤭ ꤓꤣꤧ꤭ꤣꤧ꤭ ꤚꤣꤧ꤬ ꤙꤣꤧ ꤓꤣꤧ꤭ ꤊꤣꤧ꤬ꤛꤥ꤭ ꤢ꤬ꤋꤢꤩ꤭ꤔꤣꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢꤔꤥ꤭ ꤚ꤫ꤣꤧ꤬ꤜꤣ ꤘꤣ ꤓꤣꤧ꤭ꤊꤢꤨ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤣꤧ꤬, ꤢ꤬ꤒꤢꤩ꤬ꤏꤝꤤ ꤥ꤬ꤗ꤫ꤢꤩ꤬ꤊꤢꤧ꤭꤯)