ꤛꤥ꤭ꤟꤢ꤬ 9:22 - Eastern Kayah Shadaw Dialect

²² ꤙꤣꤧꤔꤣꤧ꤬ꤋꤢꤩ꤭ ꤔꤣꤧ꤬, ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤞꤤꤕꤜꤢꤪ꤬ ꤔꤥ꤭ꤊꤢꤨ꤭ ꤜꤢꤪ꤭ ꤜꤢꤨ꤭ ꤔꤢꤧ, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤢ꤭ꤟꤢꤩꤟꤣꤧ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤗꤢꤩ꤬ꤏꤤꤛꤢ꤬ ꤟꤢꤩꤔꤣꤧ꤬ꤗꤢ꤬, ꤛꤢꤩ꤬ꤞꤤ꤭ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤡꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤟꤢꤨꤔꤣꤧ꤬ ꤒꤣ꤬ꤖꤚꤢꤩ꤬ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤜꤢꤪ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ꤗ꤫ꤥ꤬ꤢ꤬ꤖꤢꤩ꤭ ꤒꤣꤧ꤬ꤟꤢꤩ꤬ ꤞꤤꤤ꤬ꤏꤢꤩ꤭ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ ꤚꤣꤧ꤬, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤔꤢꤧ ꤕꤢꤩ꤬ ꤞꤤꤑꤢꤩ꤭ꤊꤣꤧ꤭ ꤒꤥ꤬, ꤢ꤬ ꤟꤢꤩ ꤟꤢꤨꤔꤣꤧ꤬ ꤖꤢꤧ꤯

ลีเทส่อพ๊าอาเซ เร๊อ เห่ขุทวาลู๊

²² เบ๊อะเนอเค เนอ, แกแยยิวพู๊ ทวาดุทวาเต เต๊เห่ ซิปล่อ ส่อพ๊อเบ่ ลอ ลู เนอ, แกแย เตเพรเพร ดาเฮ๊เฮ๊อ เร๊อ เหย่ซู่ หม่า เมสิยาห์ หม่าเฮ๊อ เพรเมแลเปล๊กา เฮ๊เนอหม่า, เหย่ซี เหว่เถ่แก เจ๊อ แกแย เด๊อ อา เฮ๊ ฮู๊เนอ เตเพร เด๊อ เตจ๊อเบ โฮกลอ อาขว่าอาคยา, อาโหมะอาเพ เต๊เห่ ซิอิเช แกแยยิวพู๊ ทวาดุทวาเต เต๊เห่ อาเหล่ เนอ, อา เฮ๊ แลแค เน๊อ เป ซิเงเกอ โต่, อา เฮ๊ ฮู๊เนอ แพ๊.

ꤛꤥ꤭ꤟꤢ꤬ 9:22 ပူးပေါင်းရင်းမြစ်များ

ꤛꤥ꤭ꤟꤢ꤬ 16:2

ꤢꤨ꤭ ꤊ꤫ꤢꤦ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤞꤤ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤪ꤭ ꤕꤢ꤭꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤣꤧ꤭ ꤞꤤ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤔꤢꤧ, ‘ꤕꤢꤩ꤬ ꤗꤢꤩ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤟꤣꤧ,’ ꤏꤣꤧꤋꤢꤩ꤭ ꤟꤢꤨꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤧ꤭ꤒ꤫ꤥ꤬ ꤕꤢ꤭꤯

ꤛꤥ꤭ꤟꤢ꤬ 7:13

ꤢꤨ꤭ ꤜꤢ꤭ ꤞꤤꤤ꤬ꤏꤢꤩ꤭ ꤜꤢ꤭ꤋꤢꤧ꤭ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤢꤨ꤭ ꤟꤢꤩꤜ꤫ꤢ꤬ꤟꤢꤩꤜꤤ꤭ ꤏꤢꤦ꤬ꤙꤢꤦ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤜꤢꤨꤊꤢ꤬ 6:22

ꤞꤤ꤭ ꤜꤢ꤭ ꤛ꤫ꤢꤦ꤬ꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤚꤣꤧ꤬ ꤢꤨ꤭ ꤞꤤꤓꤢꤩ꤬ ꤞꤤ꤭, ꤢꤨ꤭ ꤢꤩꤗꤥ꤬ꤏꤢꤦ꤬ ꤞꤤ꤭ ꤒꤥ꤬, ꤢꤨ꤭ ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤞꤤ꤭ ꤚꤣꤧ꤬ ꤢꤨ꤭ ꤟꤢꤩ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤞꤤ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧꤟꤣꤧ ꤒꤢꤩ꤬ꤏꤢꤪ꤭ꤚꤤ꤬ ꤟꤣꤧ꤯

ꤛꤥ꤭ꤟꤢ꤬ 9:34

ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤜꤢꤨ꤭ ꤔꤢꤧ, “ꤔꤢꤧ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤘꤢꤨ꤬ꤕꤢ꤬ ꤡꤣꤧ ꤘꤣ ꤔꤢꤧ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤢ꤬ꤋꤢꤩ꤭ ꤚꤣꤧ꤬ ꤔꤢꤧ꤬ ꤡꤝꤢ ꤤ꤬ꤞꤝꤢ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤕꤢꤩ꤬ ꤟꤢꤨꤒꤢꤩ꤭?” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤠ꤫ꤢꤩ꤬ꤓꤢꤩ꤬ꤊꤢꤧ꤭ ꤜꤢꤨ꤭ ꤘꤣ ꤒꤢꤩ꤬ꤡꤢꤪꤙꤢꤩ꤭ ꤟꤥ꤭ꤊꤜꤢꤪ꤭꤯

เตเด๊อะโลแถ่ 21:8

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤒꤣꤧ꤬ꤚꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ꤡꤢꤪ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤒꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ꤞꤤꤕꤜꤢꤪ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤞꤣꤧ꤭ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤓꤝꤢ꤭ ꤜꤥ꤭ꤔꤢꤩꤜꤥ꤭ꤔꤢ꤬ ꤞꤢꤚꤢ ꤢꤩ꤬ꤢꤨ꤭ꤛ꤫ꤢꤧ꤬ꤛꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤢꤪꤙꤢꤩ꤭ ꤖꤚꤢꤩ꤬ꤛꤥ꤬ ꤒꤣꤧ꤬ꤟꤢꤩ꤬, ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤣꤧ꤬ꤟꤥ꤭ ꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤜ꤫ꤢꤩ꤬ꤥ꤬ꤜ꤫ꤢꤩ꤬ꤙꤢꤧ꤬ ꤗ꤫ꤢ꤬ꤟꤣꤧ ꤗꤤ꤬ꤖꤢꤩ꤬ ꤘꤣ ꤢ꤬ ꤗ꤫ꤢ꤬ ꤒꤢꤩ꤬ꤞꤣꤧ꤭ ꤔꤣꤧ꤭ꤖꤥꤒꤣ꤬ꤖꤥ ꤘꤣ ꤢꤨ꤭ ꤏꤢꤦꤢꤦ꤭ ꤢ꤬ ꤔꤢꤧ ꤛꤢ꤬ꤞꤢꤨꤙꤢꤧ꤭ ꤣꤧ꤭ꤒꤣ꤬ꤖꤢꤩ꤬ ꤔꤣꤧ꤬ ꤟꤣꤧ꤯”

เพรโด่แนพู๊ เต๊เห่ 5:40

ꤖꤚꤢꤩ꤬ ꤓꤝꤢ꤭ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤘꤢꤨ꤬ꤊꤣꤧꤏꤢꤨ꤬ꤓꤢꤨ꤭ ꤒꤣꤧ꤬ꤟꤢꤩ꤬ ꤡꤢꤨ꤭ꤢꤩ꤬ ꤊꤣꤧ꤭ ꤋꤢꤨ꤭ꤊꤢ꤬ꤗꤢꤩ꤬ꤜꤤ꤬ꤛꤣ꤬ꤜꤢ ꤢ꤬ ꤒꤢꤩ꤬ꤘꤣꤧꤒꤣꤧ꤬ꤔꤢꤩ꤬ꤡꤝ꤫ꤢ꤬ ꤣꤧ꤭ ꤚꤣꤧ꤬ ꤢ꤬ ꤢꤩꤔꤥ꤭ ꤋꤛꤢ꤭ꤞꤢꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬꤯ ꤓꤥ꤭ꤚꤣꤧ꤬ ꤢ꤬ ꤗꤢꤦ꤭ ꤛꤢꤩ꤬ꤞꤤ꤭ ꤔꤢꤧ ꤤ꤬ꤕꤜꤤꤚ꤫ꤤ꤬ ꤓꤥ꤭ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ ꤞꤤ꤭ ꤙꤢꤩ꤬ ꤘꤥ꤬ꤔꤢꤧ꤭ꤟꤢꤩꤏꤥ꤬ꤔ꤫ꤤ꤬ ꤕ꤫ꤢꤩ꤬ ꤕꤢ꤬ ꤢꤨ꤭ ꤔꤢꤧ ꤛꤢꤩ꤬ꤏꤛꤢꤨ ꤢ꤬ꤗꤝꤤ꤭ ꤣꤧ꤭ꤔꤣꤧ꤬ ꤒꤥ꤬, ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤕꤜꤝꤢ꤭ ꤊꤢ꤬ꤊꤢꤧ꤭ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 5:13

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤧ꤭ꤔꤥ꤭ ꤥ꤬ꤙꤢꤦ꤬ ꤊꤣꤧ꤭ ꤛꤢꤩ꤬ꤞꤤ꤭ ꤒꤣ꤬ꤖꤚꤢꤩ꤬꤮ ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 4:18

ꤚꤣꤧ꤬ ꤛꤢꤩ꤬ꤞꤤ꤭ ꤢꤩꤊꤣꤧ꤬ꤔꤥ꤭ ꤋꤛꤢ꤭ꤞꤢꤧ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤛꤢꤩ꤬ꤏꤛꤢꤨ ꤢ꤬ꤗꤝꤤ꤭ ꤣꤧ꤭ꤔꤣꤧ꤬, ꤞꤤ꤭ ꤙꤢꤩ꤬ ꤟꤢꤩꤙꤢꤩ꤬ꤔ꤫ꤤ꤬ ꤕꤢ꤬ ꤒꤥ꤬ꤒꤥ꤬, ꤞꤤ꤭ ꤙꤢꤩ꤬ ꤤ꤬ꤞꤝꤢꤤ꤬ꤞꤢꤧ꤬ꤔ꤫ꤤ꤬ ꤕꤢ꤬ ꤕ꤫ꤢꤩ꤬ ꤢꤨ꤭ ꤒꤥ꤬ꤒꤥ꤬꤯”

ꤛꤥ꤭ꤟꤢ꤬ 20:19

ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ꤗ꤫ꤢꤪ꤬ꤔꤣꤧ꤭ꤘꤥ꤬ ꤗ꤫ꤢꤪ꤬ꤊꤣꤧ꤬ꤒꤢꤪ꤬ ꤔꤣꤧ꤬ꤒꤣ꤬ꤔꤣꤧ꤭ ꤓꤥ꤭ ꤏꤢꤕꤣꤧꤚꤥ꤬ ꤒꤣ꤬ꤔꤣꤧ꤭ ꤗ꤫ꤢꤪ꤬ꤋꤤꤕꤣꤧ꤬ꤜ꤫ꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤞꤤꤤ꤬ꤏꤢꤩ꤭ ꤜꤢ꤭ꤋꤢꤧ꤭ ꤛꤢꤨꤘꤢ꤬ꤖꤢꤨ ꤢ꤬ ꤊꤢꤨ꤬ꤊꤜꤢꤪꤘꤢꤨ꤬ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ ꤚꤣꤧ꤬ ꤢ꤬ ꤗꤢꤩ꤬ꤗꤢ꤬ ꤜꤢ꤭ꤋꤢꤧ꤭ ꤊꤣꤧ꤬ꤘꤢ꤭, ꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤥ꤬ꤕꤜꤢꤪ ꤒ꤫ꤣ꤬ꤜꤢꤨ꤭ ꤘꤣ ꤟꤤ꤬ꤘꤢꤪꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤧ꤭ꤊꤣꤧ꤬ꤓꤢꤪ꤬ ꤥ꤬ꤜꤥ꤭ꤖꤚꤢꤦ ꤕ꤫ꤢꤩ꤬ ꤘꤣ ꤛꤢꤩ꤬ꤞꤤ꤭ ꤊꤜꤢꤧ꤭ꤗꤢꤩ꤭ꤊꤢꤨ꤭ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤒꤢꤩ꤬ꤞꤤꤕꤜꤢꤪ꤬ ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤔꤤ꤮,” ꤢ꤬ ꤟꤢꤩ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 19:38

ꤓꤥ꤭ꤚꤣꤧ꤬ ꤠꤤ꤭ꤢ꤬ꤚꤤꤗꤢꤞꤢꤧꤖꤢꤨ ꤋꤢꤨ꤭ꤡꤛꤥꤎꤢꤧ ꤡꤝꤢꤊꤝꤤ꤭ ꤛꤢꤩ꤬ꤏꤛꤢꤨ ꤢ꤬ꤜꤥ꤭ ꤣꤧ꤭ ꤘꤣ ꤋꤝꤤꤕꤤꤜꤢ ꤢ꤬ ꤥ꤬꤯ ꤋꤢꤨ꤭ꤡꤛꤥꤎꤢꤧ ꤗꤢ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣ꤬ꤖꤚꤢꤩ꤬, ꤗꤢ꤬ꤔꤢꤧꤚꤣꤧ꤬ ꤢ꤬ ꤜꤢ꤭ ꤞꤤꤤ꤬ꤏꤢꤩ꤭ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤓꤝꤢ꤭ꤟꤥ꤬ꤓꤝꤢ꤭ꤞꤝꤢꤩ ꤖꤢꤧ ꤜꤢꤨ꤭ ꤋꤥ꤭ꤖꤢꤨꤡ꤫ꤢꤩ꤬ ꤖꤢꤧ꤯ ꤢ꤬ ꤡꤝꤢꤊꤝꤤ꤭ ꤋꤝꤤꤕꤤꤜꤢ ꤣꤧ꤭ꤔꤣꤧ꤬, ꤢ꤬ ꤡꤢꤨ꤭ ꤜꤢꤨ꤭ ꤚꤣꤧ꤬ ꤢ꤬ ꤟꤢꤧ꤭ ꤖꤛꤢꤘꤝꤢ ꤡꤝꤢꤊꤢꤧ꤭ ꤙꤢꤧ꤬ꤡꤢꤩ꤬ ꤢ꤬ꤜꤥ꤭ ꤣꤧ꤭꤯

ꤛꤥ꤭ꤟꤢ꤬ 1:19

ꤒꤣ꤬ꤖꤥꤢ꤬ꤋꤢꤩ꤭ ꤛꤢꤨꤘꤢ꤬ꤖꤢꤨ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤘꤣ ꤢ꤬ ꤥ꤬ ꤘꤣ ꤠꤤ꤭ꤛꤢ꤬ꤚꤢꤨꤏꤛꤢ꤬ꤜꤢꤩ꤬ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤔꤢꤪ꤭ꤡꤝꤢ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤔꤢꤧ ꤜꤢꤩ꤬ꤠꤤꤖꤢꤨ ꤘꤣ ꤢ꤬ ꤗꤢꤩ꤬ꤡꤝ꤫ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤒꤣꤧ꤬ꤟꤢꤩ꤬ ꤘꤣ ꤋꤢꤨ꤭ꤛꤥ꤭ꤟꤢ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤔꤢꤪ꤭ꤘꤣꤧꤟꤣꤧ꤭ ꤜꤢꤨ꤭ ꤔꤢꤧ, “ꤔꤢꤧ꤬ ꤗꤢ꤬ ꤢꤨ꤭ꤕꤢꤩ꤭?” ꤚꤣꤧ꤬ ꤋꤢꤨ꤭ꤛꤥ꤭ꤟꤢ꤬ ꤟꤢꤩꤜꤥ꤭ ꤞꤤꤑꤢꤩ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ,

ꤛꤥ꤭ꤟꤢ꤬ 9:18

ꤢ꤬ ꤗꤢ꤬ ꤕꤣꤧꤞꤢꤩ꤬ꤋꤤꤔꤢꤪ ꤓꤥ꤭ꤒꤣ꤬ꤖꤥ ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤜꤤ꤭ ꤊꤢ꤬ꤋꤛꤢ꤭ ꤔꤣꤧ꤬, ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ꤭ ꤜꤢ꤭ꤟꤤ ꤜꤢꤨ꤭ ꤒꤥ꤬ꤒꤥ꤬, ꤚꤣꤧ꤬ ꤢ꤬ ꤔꤢꤪ꤭ꤡꤝꤢ ꤢꤩ ꤜꤢ꤭ꤒꤢꤩ꤬ ꤢꤨ꤭ ꤔꤢꤧ ꤢ꤬ꤗ꤫ꤥ꤬ꤢ꤬ꤖꤢꤩ꤭꤯

ꤛꤥ꤭ꤟꤢ꤬ 9:21

ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭, ꤢ꤬ ꤕꤣꤧꤞꤢꤩ꤬ ꤜꤤ꤭ꤊꤢ꤬ꤋꤛꤢ꤭ ꤟꤢꤨꤒꤢꤩ꤭, ꤗꤢ꤬ꤢꤨ꤭ꤕꤢꤩ꤭ ꤗꤢꤩ꤬ꤜꤤ꤭ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤜꤢꤨ꤭ ꤕ꤫ꤢꤩ꤬ ꤔꤣꤧ꤬ ꤕꤢꤩ꤬ ꤞꤤꤑꤢꤩ꤭ꤒꤥ꤬꤯ ꤘꤣꤧꤟꤣꤧ꤭ ꤗꤢꤧꤘꤢꤦ꤬ ꤢ꤬ꤔꤣꤧ꤬꤯ ꤢ꤬ ꤘꤢꤨ꤬ꤒꤢ꤭ꤞꤤꤑꤢꤩ꤭ꤒꤢꤩ꤬ ꤟꤣꤧ꤯ ꤢ꤬ ꤟꤢꤩꤏꤢꤦ꤬ꤕꤜꤥ꤭ ꤟꤢꤩꤏꤢꤦ꤬ꤖꤢꤩ ꤡ꤫ꤢꤧ꤬ ꤚꤣꤧꤘꤢꤦ꤬ꤟꤣꤧ ꤢ꤬ꤔ꤫ꤢꤩ꤬ꤟꤣꤧ,” ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 9:35

ꤙꤣꤧ ꤛꤢꤩ꤬ꤏꤛꤢꤨ ꤔ꤫ꤤ꤬ꤟꤥ꤭ ꤔꤢꤧ ꤢꤨ꤭ ꤠ꤫ꤢꤩ꤬ꤓꤢꤩ꤬ꤊꤢꤧ꤭ꤟꤣꤧ ꤊꤣꤧ꤬ꤛꤢꤧ꤭ ꤕꤣꤧꤞꤢꤩ꤬ꤋꤤ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤡꤝꤢꤗꤢꤧꤕꤢꤨ꤭ ꤗꤢꤧꤓ꤫ꤣꤧ꤬ ꤜꤢꤨ꤭ ꤚꤣꤧ꤬ ꤢ꤬ ꤟꤢꤩ ꤜꤢꤨ꤭ ꤔꤢꤧ, “ꤔꤢꤧ꤬ ꤛ꤫ꤢꤦ꤬ꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤟꤢꤧ꤭?”