ꤛꤥ꤭ꤟꤢ꤬ 3:3 - Eastern Kayah Shadaw Dialect

³ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤠꤢꤧ꤭ ꤟꤢꤩꤏꤥ꤬ꤡꤢꤪꤡꤢꤪ ꤔꤢꤧ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤋꤛꤢ꤭ꤞꤢꤧ ꤒꤣ꤬ꤖꤥ꤮ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤧꤓ꤫ꤣꤧ꤬ꤙꤢꤩ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯”

ลีเทส่อพ๊าอาเซ เร๊อ เห่ขุทวาลู๊

³ เหย่ซู่ เฮ๊ฉื่อ ลู เน๊อ, “แว แด๊โฉ่จ๊อจ๊อ เน, แกแย เด๊อ อา โอ่เป๊เจ่แลเซเต๊เปล่ คยาแซ๊ ตื๊อหื่อ โต่ เต๊เห่เนอ, อา แม๊เถอะเบ๊ จอแปแหร่ อาเทออาเก่ เตเพร่ว โต่.”

ꤛꤥ꤭ꤟꤢ꤬ 3:3 ပူးပေါင်းရင်းမြစ်များ

โครินธ์ เนอบ่า ต๊าบ่า 5:17

ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤔꤣꤧ꤬, ꤢ꤬ ꤓꤝꤢ꤭ꤓꤢꤧ꤬ ꤟꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤙꤢꤧꤜꤢꤧ꤬ ꤒꤣꤧ꤬ꤕꤜꤢꤩ꤬ ꤞꤢꤩ꤭ ꤜꤢꤨ꤭ ꤟꤣꤧ꤯ ꤢ꤬ ꤠꤤ꤭ꤊꤢꤧ꤭ ꤊꤢꤧ꤭ ꤢ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤕꤜꤢꤩ꤬ꤊꤢꤧ꤭ ꤘꤣ ꤢ꤬ꤞꤢꤩ꤭ ꤟꤣꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:9

ꤢꤨ꤭ꤕꤢꤩ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤟꤢꤩꤔꤣꤧ꤬, ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤕꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤣꤧ꤭ꤔꤣꤧ꤬ ꤢ꤬ ꤥ꤬ꤊꤜꤢꤪ꤬ꤏꤢꤪꤗꤢ꤬ꤟꤣꤧ ꤘꤣ ꤜꤢꤨ꤭ꤊꤢꤨ꤭ ꤟꤣꤧ꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤢ꤬ꤖꤢꤩ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ꤡ꤫ꤢꤧ꤬ ꤕꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤒꤥ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:1

ꤢꤨ꤭ꤕꤢꤩ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬ ꤢ꤬ ꤊꤢꤩ꤬ ꤛ꤫ꤢꤦ꤬ꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤗꤢ꤬ ꤋꤚꤤ ꤟꤢꤩꤔꤣꤧ꤬, ꤢ꤬ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣ꤬ꤖꤚꤢꤩ꤬ꤟꤣꤧ, ꤓꤥ꤭ꤒꤥ꤬ ꤢꤨ꤭ꤕꤢꤩ꤭꤮ ꤒꤣ꤬ꤖꤚꤢꤩ꤬ ꤙꤢꤩ꤬ꤙꤢꤩ꤬ ꤢ꤬ ꤊꤢꤩ꤬ ꤗꤥ꤬ꤚꤣꤧ ꤖꤢꤩ꤭ ꤔꤣꤧ꤬ꤗꤢ꤬, ꤢ꤬ ꤗꤥ꤬ꤚꤣꤧ ꤊꤣꤧ꤭ꤘꤢꤦ꤬ꤟꤣꤧ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯

ꤒꤤꤒꤢꤨ 3:5

ꤒꤢꤩ꤬ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤘꤣ ꤕꤢꤩ꤬ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤗꤢꤩ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤋꤛꤢ꤭ ꤔꤣꤧ꤬ ꤗ꤫ꤢ꤬ꤒꤥ꤬, ꤗ꤫ꤢ꤬ꤘꤣ ꤢ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤕꤢꤩ꤬ ꤋꤝꤢ꤬ꤋꤛꤢ꤭ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕ꤫ꤢꤩ꤬ ꤖꤢꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤢ꤬ ꤞꤢꤨꤕꤜꤤ꤭ꤊꤢꤧ꤭ ꤕꤢꤩ꤬, ꤓꤥ꤭ꤚꤣꤧ꤬ ꤢ꤬ ꤘꤣꤧ ꤕꤢꤩ꤬ ꤒꤢꤩ꤬ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤢ꤬ꤞꤢꤩ꤭ ꤔꤢꤧ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤒꤣꤧ꤬ꤟꤢꤩ꤬꤯

ꤛꤥ꤭ꤟꤢ꤬ 1:13

ꤛꤢꤩ꤬ꤞꤤ꤭ ꤓꤝꤢ꤭ꤓꤢꤧ꤬ ꤡ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤔꤢꤧ ꤟꤢꤨ ꤊꤣꤧ꤬ꤛꤢꤧ꤭ ꤜ꤫ꤢꤩ꤬ꤊꤜꤥ꤭ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤚꤣꤧꤘꤢꤦ꤬ ꤢ꤬ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤓꤥ꤭ꤚꤣꤧ꤬ ꤟꤢꤨ ꤗ꤫ꤥ꤬ꤖꤢꤩ꤭ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤚꤣꤧ꤬ ꤢ꤬ꤖꤢꤨ ꤥ꤬ ꤚꤣꤧꤘꤢꤦ꤬ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤛꤢꤩ꤬ꤞꤤ꤭ ꤓꤝꤢ꤭ꤓꤢꤧ꤬ ꤡ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤥ꤬ꤚꤣꤧꤘꤢꤦ꤬ ꤔꤣꤧ꤬ꤖꤢꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:29

ꤞꤤ꤭ ꤞꤤꤑꤢꤩ꤭ ꤔꤢꤧ ꤋꤚꤤ ꤗꤢ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣ꤬ꤖꤚꤢꤩ꤬꤯ ꤟꤢꤨꤔꤣꤧ꤬ꤚꤣꤧ꤬ ꤞꤤ꤭ ꤒꤥ꤭ꤙꤢꤩ꤬ ꤞꤤꤑꤢꤩ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤒꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯

เปโตร อาเหร่อเล๊อ ต๊าบ่า 1:3

ꤕꤢꤩ꤬ ꤊ꤫ꤢꤦ꤬ ꤟꤢꤩꤙꤝꤤꤟꤢꤩꤒꤣꤧ꤬ꤚꤣꤧ꤭ꤓꤢꤧ꤬ ꤚ꤫ꤥ꤬ꤜꤢꤨ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤕꤥ꤮꤯ ꤗ꤫ꤢ꤬ꤘꤣ ꤢ꤬ ꤒꤢꤩ꤬ꤞꤤꤛꤢꤪ꤬ ꤒꤣꤧ꤬ꤜꤝꤢꤏꤢꤦꤜꤢꤦ꤭ ꤕꤢꤩ꤬ ꤣꤧ꤭, ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤢ꤬ꤒꤢꤩ꤬ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤘꤣꤧꤒꤢ꤭ ꤟꤣꤧ ꤕꤢꤩ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤢ꤬ꤞꤢꤩ꤭ ꤟꤣꤧ꤯ ꤘꤣ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤔ꤫ꤤ꤬ꤙꤢꤩ꤬ ꤟꤢꤧ꤭ꤑꤢꤩ꤭ ꤜꤢ꤭ꤟꤣꤧ ꤕꤢꤩ꤬ ꤒꤢꤩ꤬ꤗꤢꤧꤏꤢꤦ꤭ ꤘꤣ ꤕꤢꤩ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤢ꤬ꤊꤢꤨ꤭ ꤟꤣꤧ꤯

ꤊꤢ꤬ꤜꤢ꤬ꤒꤤ 6:15

ꤊꤣꤧ꤬ꤛꤢꤧ꤭ ꤘꤢꤦꤒꤣꤧ꤬ꤜꤤꤖꤢ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤘꤢꤦꤒꤣꤧ꤬ꤜꤤ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬ ꤢ꤬ ꤜ꤫ꤥ꤬ꤘꤢꤨ꤬ ꤔꤢꤧ ꤒꤣ꤬ꤡꤣ꤬꤮ ꤒꤥ꤬꤯ ꤒꤢꤩ꤬ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣꤢꤨ꤭ ꤔꤣꤧ꤬ꤗꤢ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤣꤧ꤭ꤔꤣꤧ꤬ ꤖꤢꤧ꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:18

ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬, ꤢ꤬ ꤗꤢꤩ꤬ ꤟꤢꤧ꤭ꤑꤢꤩ꤭ꤜꤢ꤭ ꤕꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤒꤣꤧ꤬ꤋꤢꤧ꤮ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬ ꤢ꤬ ꤒꤣꤧ꤬ꤊꤢꤪ꤭ꤒꤣꤧ꤬ꤊꤢꤩ꤬ ꤒꤢ꤭ꤒꤢꤦ꤭ ꤚꤣꤧꤘꤢꤦ꤬ ꤛꤢꤩ꤬ꤞꤤ꤭ ꤚꤣꤧ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤗꤢꤩ꤬ ꤒꤢꤩ꤬ꤗꤢꤨꤗ꤫ꤢꤧ꤬ ꤣꤧ꤭ꤒꤣ꤬ꤘꤥ꤭ꤔꤣꤧ꤬ ꤢ꤬ ꤗꤢꤩ꤬ꤙꤢꤩ꤬ꤏꤢꤩ꤭ꤡ꤫ꤢꤧ꤬ ꤛꤢꤩ꤬ꤞꤤ꤭ ꤒꤥ꤬꤯

โครินธ์ เนอบ่า ต๊าบ่า 4:4

ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤘꤣ ꤢ꤬ ꤕꤣꤚꤣꤧ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤘꤥ꤭ꤔꤣꤧ꤬, ꤢ꤬ ꤗꤢꤩ꤬ꤋꤤ ꤗꤢꤩ꤬ꤒꤣꤧ꤬ꤕꤢ꤬ꤊꤢꤧ꤭ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤊꤣꤧ꤭ꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤒꤢꤩ꤬ꤜꤤ꤭ ꤣꤧ꤭ꤔꤣꤧ꤬ ꤒꤥ꤬꤯ ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ꤕꤜꤥ꤭ ꤒ꤫ꤢꤧ꤬ ꤋꤚꤤ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤘꤣ ꤢ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬, ꤢ꤬ ꤗꤢꤩ꤬ꤒꤣꤧ꤬ꤕꤢ꤬ ꤢꤦꤢꤧꤊꤢꤧ꤭ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤟꤣꤧ꤯ ꤖꤚꤢꤩ꤬ ꤘꤣ ꤢ꤬ ꤘꤣꤧꤜꤥ꤭ ꤒꤢ꤭ꤒꤢꤩ꤬ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤋꤚꤤ ꤟꤣꤧ꤯

ꤛꤥ꤭ꤟꤢ꤬ 12:40

“ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤊꤢ꤬ꤋꤛꤢ꤭ꤒꤥ꤭ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤙꤢꤧ꤬ꤡꤢꤩ꤬ ꤒ꤫ꤢꤧ꤬ꤗꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤔꤢꤪ꤭ꤛ꤫ꤢꤧ꤬ꤥ꤬ꤗ꤫ꤢꤩ꤬ ꤒ꤫ꤢꤧ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤔꤢꤧ ꤙꤢꤧ꤬ꤡꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤙꤢꤧ꤬ꤡꤢꤩ꤬ ꤗꤢꤩ꤬ꤋꤤꤟꤣꤧ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬, ꤙꤢꤧ꤬ꤡꤢꤩ꤬ ꤗꤢꤩ꤬ꤖꤚꤣꤧ꤭ꤟꤣꤧ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ ꤋꤝꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤗꤢꤧꤓ꤫ꤣꤧ꤬ ꤡ꤫ꤢꤧ꤬ ꤔꤢꤧ ꤢ꤬ꤕꤣꤧꤞꤢꤩ꤬ ꤒꤥ꤬, ꤛꤢꤩ꤬ꤞꤤ꤭ ꤒꤣꤧ꤬ꤔꤢꤩ꤬ꤕꤜꤥ꤭ꤙꤢꤩ ꤜꤢ꤭ꤋꤢꤧ꤭ ꤔꤢꤧ ꤢ꤬ꤞꤤꤕꤜꤢꤪ꤬ ꤒꤥ꤬꤯” ꤢ꤬ ꤟꤢꤩ ꤟꤢꤨꤔꤣꤧ꤬꤯

เอเฟซัส 2:1

ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤗꤢ꤬, ꤞꤤ꤭ ꤜꤢ꤭ ꤔ꤫ꤤ꤬ꤘꤢ꤭ ꤡꤢꤨ꤭ꤢꤩ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤒꤥ꤬, ꤞꤤ꤭ ꤗꤢꤩ꤬ ꤒꤢꤩ꤬ꤞꤢꤦ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤥ꤬ꤒꤣꤧ꤬ꤖꤢ꤭ꤊꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤞꤣꤧ꤭ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 1:5

ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤒꤢꤩ꤬ꤜꤤ꤭ ꤚꤣꤧ꤬ ꤢ꤬ ꤜꤤ꤭ꤒꤣꤧ꤬ꤋꤢꤩ꤭ ꤘꤣ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤢ꤬ꤊꤜꤢꤩ꤭ ꤚꤣꤧ꤬ ꤒꤢꤩ꤬ꤋꤤꤒꤢꤩ꤬ꤜꤢꤪ꤬ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤡ꤫ꤢꤧ꤬ ꤜꤢꤨ꤭ ꤒꤥ꤬꤯

ꤡꤛꤢꤩ꤭ꤗꤢ꤬ꤎꤣ꤬ 3:17

ꤗꤢ꤬ꤔꤢꤧꤚꤣꤧ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤡ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ ꤟꤢꤩꤔꤣꤧ꤬ꤗꤢ꤬ ꤢ꤬ ꤕꤜꤤ꤭ꤖꤥ ꤚ꤫ꤣꤧ꤬ꤜꤣ ꤕꤢ꤭, ꤓꤥ꤭ꤕꤢ꤭ꤚꤣꤧ꤬ ꤢ꤬ ꤘꤣꤧ ꤥ꤬ꤓꤢꤧ꤬ꤘꤢꤦ꤬ ꤒꤢꤩ꤬ꤗꤥ꤬ꤒꤢꤩ꤬ꤊꤜꤢꤩ꤭, ꤒꤢꤩ꤬ꤒꤣꤧ꤬ꤔꤢꤩ꤬ ꤡ꤫ꤢꤧ꤬ꤕ꤫ꤢꤩ꤬ ꤘꤣ ꤢꤨ꤭ꤑꤢꤩ꤭, ꤞꤤꤕꤜꤢꤪ꤬ꤥ꤬ ꤔ꤫ꤤ꤬ꤘꤢ꤭ ꤢꤨ꤭ ꤒꤢꤩ꤬ꤟꤢꤩꤙꤢꤩ꤬, ꤜꤣꤙꤢ꤭ ꤔꤢꤧ ꤒꤢꤩ꤬ꤞꤤꤛꤢꤪ꤬ ꤔꤢꤧ ꤗꤢꤩ꤬ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬, ꤗꤢꤧꤘꤢꤨ꤬ ꤗꤢꤧꤕꤣꤧ꤬ꤒꤤ ꤢꤨ꤭ ꤒꤥ꤬, ꤓꤥ꤭ꤚꤣꤧ꤬ ꤒꤢꤩ꤬ꤊꤜꤝꤢ ꤗꤢꤩ꤬ꤋꤢꤗꤢꤩ꤬ꤋꤥ꤬ ꤒꤣꤧ꤬ꤟꤢꤩ꤬ ꤥ꤬ ꤒꤥ꤬꤯

ꤛꤥ꤭ꤟꤢ꤬ 1:51

ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤟꤢꤩꤏꤥ꤬ꤡꤢꤪꤡꤢꤪ ꤞꤤ꤭, ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤗꤢꤪꤋꤢꤨ꤬ ꤙꤢꤗꤥ꤭ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤊꤣꤧ꤬ꤓꤢꤧ꤬ ꤊꤣꤧ꤬ꤜꤢꤧ꤬ ꤘꤣ ꤖꤚꤢꤩ꤬ꤜꤢꤨ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤗ꤫ꤢ꤬ꤟꤣꤧ ꤠꤢꤧ꤭ꤣꤧ꤭ ꤢ꤬ꤜꤥ꤬ꤔꤣꤧ꤬ ꤕꤢ꤭꤯”

มัทธิว 16:17

ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤖꤢꤩ꤭ꤡꤛꤥ꤬ꤔꤢ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤏꤛꤤꤗꤥ꤬, ꤡꤢꤪꤗꤣꤧ꤬ꤚꤢꤧ꤬ ꤏꤢꤪ꤭ꤚꤤ꤬ ꤟꤣꤧ ꤔꤢꤧ꤬ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤣꤧ꤭ꤗꤢ꤬ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤘꤣꤧꤞꤤꤑꤢꤩ꤭ ꤓꤢꤧ꤬ꤜꤥ꤭ ꤔꤢꤧ꤬ ꤗ꤫ꤢ꤬ꤒꤥ꤬, ꤗ꤫ꤢ꤬ꤘꤢꤦ꤬ ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤗꤢꤪꤋꤢꤨ꤬ ꤒꤣ꤬ꤖꤚꤢꤩ꤬ ꤘꤣꤧꤞꤤꤑꤢꤩ꤭ ꤓꤢꤧ꤬ꤜꤥ꤭ ꤔꤢꤧ꤬ ꤖꤢꤧ꤯

มัทธิว 5:18

ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤗꤢꤪꤋꤢꤨ꤬ ꤔꤢꤧ ꤟꤢꤩ꤬ꤋꤢꤨ꤬ ꤒꤢ꤭ꤖꤚꤢꤪ꤬ꤊꤢꤧ꤭ ꤒꤣꤧ꤬ꤘꤢꤦꤚꤣꤧ꤬, ꤜꤤ꤬ꤕꤜꤢꤪ꤬ ꤘꤣ ꤢ꤬ ꤕꤣꤧ꤬ꤒꤤꤜꤣꤢꤨ꤭ ꤒꤣ꤬ꤕꤜꤢꤪ꤬ ꤙꤢꤩ꤬ꤙꤢꤩ꤬, ꤜꤤ꤬ꤕꤜꤢꤪ꤬ ꤢ꤬ꤗꤢꤢ꤬ꤒꤢꤩ꤭ ꤘꤣ ꤢ꤬ ꤕꤣꤧ꤬ꤒꤤꤜꤣ ꤒꤣ꤬ꤕꤜꤢꤪ꤬ ꤔꤣꤧ꤬ꤙꤢꤩ꤬ꤙꤢꤩ꤬, ꤒꤣꤧ꤬ꤊꤤ꤬꤮ ꤗꤢ꤬ ꤢ꤬ ꤙꤢꤩ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤔ꤫ꤤ꤬ ꤒꤥ꤬꤯ ꤜꤢꤪ꤭ ꤜꤤ꤬ꤣꤧ꤭ ꤒꤣꤧ꤬ꤟꤢꤩ꤬ ꤟꤢꤩꤥ꤬ꤔꤢꤩ꤬ ꤔꤣꤧ꤬ ꤢ꤬ ꤙꤢꤩ꤬ ꤜꤣꤙꤢ꤭ ꤚ꤫ꤣꤧ꤬ꤜꤢꤪ꤭꤯

เตเด๊อะโลแถ่ 3:14

“ꤚꤢ꤭ꤡꤝꤢ ꤜꤤ꤬ꤣꤧ꤭ ꤘꤣ ꤜꤢꤪꤘꤤ꤬ꤊꤤ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤢ꤬ ꤒꤣꤧ꤬ꤔꤢꤩꤖꤢꤨ ꤢ꤬ꤥ꤬ ꤔꤣꤧ꤬,” ꤢ꤬ ꤟꤢꤩ ꤠꤢꤧ꤭ ꤟꤢꤨꤔꤣꤧ꤬꤯ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤟꤢꤧ꤭ ꤘꤣ ꤢꤨ꤭ ꤢꤩ ꤔꤢꤧ, ‘ꤢ꤬ꤗꤢꤩ꤬’ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤥ꤬꤯ ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤞꤤꤕꤜꤢꤪ꤬ꤡꤢꤪ ꤚꤣꤧ꤬ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤡꤢꤪꤡꤢꤪꤒꤢꤩ꤬ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤥ꤬꤯ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤙꤢꤧꤒꤢ꤭ ꤘꤤ꤭ꤒ꤫ꤢꤦ꤬ ꤜꤢꤪ꤭ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤣꤧ꤭ꤔꤣꤧ꤬ ꤔꤢꤧ ꤢ꤬ ꤖꤢꤧ꤯

มัทธิว 19:24

ꤠꤢꤧ꤭ ꤟꤢꤩ ꤕ꤫ꤥ꤬ ꤞꤤ꤭꤮, ꤒꤣꤧ꤬ꤞꤤꤙꤥ꤭ꤘꤢꤨ꤬ ꤒꤣ꤬ꤘꤥ꤭ ꤊ꤫ꤢꤦ꤬ꤚꤢꤩ꤭ ꤕꤛꤢꤔꤥ꤭ ꤘꤣ ꤓꤢꤩꤜ꤫ꤤ꤬ꤊꤢꤨ꤭ꤔꤣꤧ꤬ ꤢ꤬ꤛꤢꤨ꤭ ꤜꤣꤕꤢ꤬ ꤡꤣꤧ ꤔꤢꤧ ꤊꤣꤧ꤬ꤛꤢꤧ꤭ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ꤚꤢꤩ꤭ ꤔꤥ꤭ ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬ ꤡꤣꤧ꤯”

มัทธิว 21:31

“ꤖꤢꤨꤖꤚꤢꤩ꤬ꤋꤢꤨ꤭ ꤣꤧ꤭ꤞꤤꤔꤣꤧ꤭ꤔꤣꤧ꤬, ꤢ꤬ ꤗꤢꤩ꤬ꤒꤥ꤭ ꤢ꤬ꤖꤢꤩ꤭ ꤞꤤꤕꤜꤢꤪ꤬ ꤙꤣꤧꤒꤢꤩ꤭ ꤒꤣ꤬ꤖꤚꤢꤩ꤬ꤒꤢꤩ꤭?” ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤢ꤬ꤘꤢꤨ꤬ ꤒꤣ꤬ꤖꤚꤢꤩ꤬꤯” ꤚꤣꤧ꤬ ꤙꤢꤧ꤬ꤡꤢꤩ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤞꤤ꤭ ꤜ꤫ꤢꤩ꤬ꤔꤥ꤭ꤥ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤗꤢꤪꤋꤢꤨ꤬ ꤓꤣꤧ꤭ꤜ꤫ꤢꤩ꤬ꤊ꤫ꤢꤩ꤬ꤊꤢꤨ꤭ ꤔꤣꤧ꤬, ꤖꤚꤢꤩ꤬ꤊꤝꤤ꤭ꤢ꤬ꤗꤢꤨ꤬ꤢ꤬ꤚꤢ ꤔꤢꤧ ꤟꤤ꤬ꤗꤢꤧꤖꤢꤩ꤬ꤗ꤫ꤥ꤬ ꤒꤣꤧ꤬ꤟꤢꤩ꤬ ꤡꤝꤢꤔꤥ꤭ꤖꤢꤩ꤬ꤊꤢꤧ꤭ ꤞꤤ꤭ ꤟꤣꤧ꤯

ꤗꤢ꤬ꤊꤢꤨ 9:47

ꤔꤢꤧ꤬ꤕꤣꤧꤞꤢꤩ꤬ꤕꤜꤢꤪ꤬ ꤊꤢꤩ꤬ ꤔꤢꤪ꤭ꤗꤢꤩ꤬ ꤔꤢꤧ꤬ ꤒꤢꤩ꤬ꤞꤢꤦ ꤟꤢꤩꤚꤣꤧ꤬ ꤊꤣꤧ꤬ꤢꤨ꤭ꤓꤢꤩ꤬ꤊꤢꤧ꤭ ꤚꤣꤧ꤬ ꤠꤤ꤭ꤊꤢꤧ꤭ ꤊꤢꤧ꤭ ꤢ꤬ꤔꤣꤧ꤬꤯ ꤔꤢꤧ꤬ꤕꤣꤧꤞꤢꤩ꤬ꤕꤜꤢꤪ꤬ ꤥ꤬ꤖꤢꤧ ꤒꤣ꤬ꤊꤛꤢ꤭ ꤚꤣꤧ꤬ ꤔꤢꤧ꤬ ꤊꤢ꤬ꤊꤣꤧ꤬ꤔꤥ꤭ꤙꤢꤩ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤢ꤬ꤚꤢꤧꤜꤣ ꤡꤣꤧ ꤔꤢꤧ ꤔꤢꤧ꤬ꤕꤣꤧꤞꤢꤩ꤬ꤕꤜꤢꤪ꤬ ꤥ꤬ꤕꤝꤢ꤭ꤥ꤬ꤘꤝꤢ꤭ ꤜꤢꤪ꤭ ꤔꤣꤧ꤭ꤊꤛꤢ꤭ ꤚꤣꤧ꤬ ꤢꤨ꤭ ꤠꤤ꤭ꤒꤢ꤭ꤊꤢꤧ꤭ ꤔꤢꤧ꤬ ꤘꤣ ꤗꤢꤪꤚꤢ꤬ꤕꤢꤪ꤬ꤒꤢꤧ꤬ꤊꤢꤨ꤭ ꤕꤢ꤭ꤔꤣꤧ꤬ ꤡꤣꤧ꤯

ꤗꤢ꤬ꤊꤢꤨ 10:14

ꤛꤢꤩ꤬ꤏꤛꤢꤨ ꤗꤢꤧꤓ꤫ꤣꤧ꤬ ꤛꤢꤩ꤬ꤞꤤ꤭ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤞꤤꤕꤜꤢꤪ꤬ꤘꤢꤨ꤬ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤕꤜꤝꤢ꤭ꤟꤢꤧ꤭ ꤖꤢꤨꤡ꤫ꤢꤩ꤬ꤟꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤘꤣ ꤠꤢꤧ꤭ ꤥ꤬ꤣꤧ꤭꤯ ꤗꤢꤩ꤬ꤒꤢ꤭ꤒꤢꤦ꤭ ꤒ꤫ꤢꤧ꤬ ꤛꤢꤩ꤬ꤞꤤ꤭ ꤒ꤫ꤢꤧ꤬ꤗꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤔꤣꤧ꤬ꤗꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤏꤢꤧ꤬ꤜꤢꤧ꤬ ꤢ꤬ꤞꤤꤕꤜꤢꤪ꤬ ꤞꤢꤧꤔꤢꤧ ꤖꤢꤨꤡ꤫ꤢꤩ꤬ꤟꤢꤨ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤒꤢꤩ꤬ꤟꤣꤧ꤯

ꤛꤥ꤭ꤟꤢ꤬ 3:4

ꤋꤢꤨ꤭ꤔꤤ꤬ꤊꤢ꤬ꤘꤢꤩꤗꤢꤨ꤬ ꤘꤣꤧꤟꤣꤧ꤭ ꤜꤢꤨ꤭ ꤔꤢꤧ, “ꤊꤣꤧ꤬ꤛꤢꤧ꤭ ꤘꤢꤨ꤬ꤖꤚ꤫ꤢꤩ꤬ꤟꤣꤧ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤡꤝꤢ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤡ꤫ꤢꤧ꤬ ꤋꤛꤢ꤭ꤞꤢꤧ ꤟꤢꤨꤒꤢꤩ꤭? ꤢ꤬ ꤊꤢ꤬ ꤊꤣꤧ꤬ꤔꤥ꤭ ꤋꤛꤢ꤭ꤞꤢꤧ ꤘꤣ ꤢ꤬ ꤗ꤫ꤥ꤬ꤟꤢꤪꤊꤢꤨ꤭ ꤚꤣꤧ꤬ ꤢ꤬ ꤥ꤬ꤖꤢꤨꤡ꤫ꤢꤩ꤬ꤜꤢꤧ꤬ ꤔꤣꤧ꤭ꤖꤥꤒꤣ꤬ꤖꤥ ꤗꤢ꤬ ꤢ꤬ ꤡ꤫ꤢꤧ꤬ ꤕꤢ꤬ꤔꤢꤧ꤭ ꤟꤢꤧ꤭?”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:4

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬ ꤢ꤬ ꤗꤢꤩ꤬ꤕ꤫ꤢꤩ꤬ ꤜꤢꤪ꤭ ꤟꤣꤧ ꤟꤢꤩ꤬ꤋꤢꤨ꤬ ꤜ꤫ꤢꤩ꤬ꤊꤜꤥ꤭ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ꤟꤣꤧ꤯ ꤕꤢꤩ꤬ ꤗꤢꤩ꤬ꤕ꤫ꤢꤩ꤬ ꤟꤢꤩ꤬ꤋꤢꤨ꤬ ꤜ꤫ꤢꤩ꤬ꤊꤜꤥ꤭ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤋꤛꤢ꤭ ꤟꤣꤧ꤯