ꤛꤥ꤭ꤟꤢ꤬ 3:25 - Eastern Kayah Shadaw Dialect

²⁵ ꤙꤣꤧꤔꤣꤧ꤬ꤢ꤬ꤋꤢꤩ꤭ ꤋꤢꤨ꤭ꤛꤥ꤭ꤟꤢ꤬ ꤢ꤬ ꤋꤥ꤭ꤖꤢꤨꤡ꤫ꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬ ꤋꤚꤢꤩꤋꤚ꤫ꤢꤧ꤬ ꤋꤛꤢ꤭ꤜꤢꤨ꤭ ꤔꤢꤧ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤥ꤬ꤔꤢꤧ ꤒꤢꤩ꤬ꤗꤢꤩ꤬ꤕꤜꤤ꤭ꤖꤥ ꤟꤢꤨꤒꤢꤩ꤭ ꤔꤣꤧ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

ลีเทส่อพ๊าอาเซ เร๊อ เห่ขุทวาลู๊

²⁵ เบ๊อะเนอโตโพ๊ คูยอห์น อา โคเจ่ เต๊เห่ เร๊อ แกแยยิวพู๊ เตเพร เคร๊แขะ แคลู เร๊อ เหล่โกลเหล่แบ่ โอ่เร๊อ เตเมโพ๊เมแปละ ฮู๊เต เนอ อาหรี่อาแก.

ꤛꤥ꤭ꤟꤢ꤬ 3:25 ပူးပေါင်းရင်းမြစ်များ

ꤛꤥ꤭ꤟꤢ꤬ 2:6

ꤒꤣꤧ꤬ꤠꤤ꤭ꤒꤣꤧ꤬ꤠꤢ꤬ ꤙꤣꤧꤔꤣꤧ꤬ ꤒꤣ꤬ꤖꤥ꤬ꤔꤣꤧ꤬ ꤞꤥ꤭ꤘꤢꤨ꤬ ꤥ꤬ ꤗꤢꤩ꤭ ꤞꤥ꤭ꤞꤝꤢ ꤚꤣꤧ꤬ ꤒꤣ꤬ꤗꤢꤩ꤭ꤔꤣꤧ꤬, ꤢꤨ꤭ ꤛꤢꤦ꤬ꤔꤥ꤭ ꤔꤢꤧ ꤓꤣꤧ꤭ ꤟꤢꤩꤔꤣꤧ꤬ꤗꤢ꤬ ꤢ꤬ ꤔ꤫ꤤ꤬ ꤕꤢꤧ꤭ꤘꤢꤨ꤬ ꤔꤣꤧ꤬ ꤈꤀-꤁꤂꤀꤯ ꤞꤥ꤭ꤘꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤛꤢꤦ꤬ꤔꤥ꤭ꤥ꤬ ꤔꤢꤧ ꤓꤣꤧ꤭ ꤚꤣꤧ꤬ ꤛꤢꤩ꤬ꤞꤤ꤭ ꤔꤢꤪ꤭ꤢꤩ꤬ ꤔꤢꤧ ꤢ꤬ ꤜ꤫ꤢꤩ꤬ꤞꤢꤨꤕꤜꤤ꤭ ꤔꤢꤧ ꤊꤢꤨꤋꤢꤨ꤬ ꤟꤢꤨ ꤛꤢꤩ꤬ꤞꤤ꤭ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤜ꤫ꤢꤩ꤬ꤊꤜꤥ꤭ ꤥ꤬ ꤢ꤬ꤑꤢꤩ꤭ ꤔꤣꤧ꤬ꤖꤢꤧ꤯

ꤟꤤꤙꤚꤢꤨ 6:2

ꤒꤢꤩ꤬ꤡꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭, ꤘꤢꤧ꤬ꤓꤢꤧ꤬ ꤊꤢꤨꤋꤢꤨ꤬ ꤘꤣ ꤢꤨ꤭ꤜꤥ꤬ ꤒꤣꤧ꤬ꤟꤢꤩ꤬, ꤒꤢꤩ꤬ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭, ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤜ꤫ꤥ꤬ ꤗꤢꤧꤕꤢꤨ꤭ ꤤ꤬ꤞꤝꤢ ꤞꤤꤑꤢꤩ꤭ ꤒꤣꤧ꤬ꤘꤢꤦ꤬ ꤕꤢ꤬ ꤕꤢꤩ꤬ꤔ꤫ꤢꤩ꤬ ꤒꤥ꤬꤯

มัทธิว 3:11

“ꤘꤣ ꤞꤤ꤭ ꤛꤢꤧ꤬ ꤚꤣꤧ ꤞꤤ꤭ꤔ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤡꤢꤩ꤬ ꤞꤤ꤭ ꤔꤢꤧ ꤓꤣꤧ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤥ꤬ꤒꤣ꤬ꤖꤚꤢꤩ꤬ ꤘꤣ ꤢ꤬ ꤒꤣꤧ꤬ꤚꤣꤧ꤭ꤖꤚꤥ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤜꤣ ꤡꤣꤧ ꤔꤢꤧ ꤠꤢꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ ꤘꤣ ꤠꤢꤧ꤭ꤋꤛꤢ꤭ ꤕꤢ꤭꤯ ꤢ꤬ ꤊ꤫ꤢꤦ꤬ ꤡꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤢꤧ ꤗꤤ꤬ ꤕꤢ꤭꤯ ꤠꤢꤧ꤭ ꤡꤢꤪ꤭ꤡꤝꤢ ꤕ꤫ꤢꤩ꤬ ꤖꤢꤧ ꤜꤢꤨ꤭ꤋꤢꤧ꤬ꤖꤢ ꤔꤣꤧ꤬, ꤢ꤬ ꤊꤢꤪ꤬ꤔꤢꤧ ꤠꤢꤧ꤭ ꤒꤥ꤬꤯

เปโตร อาเหร่อเล๊อ ต๊าบ่า 3:21

ꤞꤤ꤭ ꤡꤢꤩ꤬ ꤞꤤ꤭ꤔ꤫ꤢꤩ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ ꤘꤣꤧꤜꤥ꤭ ꤙꤢꤧꤙꤢꤦ꤭ ꤟꤣꤧ ꤓꤣꤧ꤭ ꤘꤣ ꤖꤢꤩ꤭ꤔꤥꤢ꤬ ꤓꤢꤦ꤭ꤋꤢꤩ꤭ ꤔꤣꤧ꤬ ꤔꤢꤧ, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤞꤤ꤭ ꤊꤢꤨꤔ꤫ꤢꤧ꤬ꤣꤧ꤭ ꤔꤣꤧ꤬ꤖꤢꤧ꤯ ꤞꤤ꤭ ꤡꤢꤩ꤬ ꤞꤤ꤭ꤔ꤫ꤢꤩ꤬ ꤔꤣꤧ꤬ꤗꤢ꤬ ꤢ꤬ ꤞꤢꤨꤕꤜꤤ꤭ꤊꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤊꤢꤨꤋꤚꤣꤧ꤬ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤗ꤫ꤢ꤬ꤟꤢꤩꤗꤢ꤬, ꤒꤢꤩ꤬ꤡꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤘꤢꤦ꤬ ꤒꤢꤩ꤬ꤢꤪꤜꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤩ꤬ ꤢ꤬ꤒꤢꤩ꤬ ꤘꤣ ꤒꤢꤩ꤬ꤞꤤꤕꤜꤢꤪ꤬ ꤕꤜꤤ꤭ꤖꤥ ꤢ꤬ꤊꤢꤨ꤭ ꤟꤢꤨꤔꤣꤧ꤬ꤖꤢꤧ꤯ ꤛꤢꤩ꤬ꤏꤛꤢꤨꤋꤚꤤ ꤜꤢ꤭ ꤞꤣꤧ꤭ ꤚꤣꤧ꤬ ꤢ꤬ ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤡꤢꤩ꤬ ꤞꤤ꤭ꤔ꤫ꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤞꤤ꤭ ꤖꤢꤧ꤯

ꤟꤤꤙꤚꤢꤨ 9:23

ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤚꤣꤧꤘꤢꤦ꤬ ꤣꤧ꤭ ꤔꤢꤧ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤘꤣ ꤢꤨ꤭ ꤔꤢꤪ꤭ꤢꤩ꤬ ꤢ꤬ ꤔꤢꤧ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤗꤢꤩ꤬ ꤙꤢꤧꤙꤢꤦ꤭ꤊꤣꤧ꤭ ꤗꤢꤪꤋꤢꤨ꤬ꤣꤧ꤭ ꤢ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤖꤢꤧ꤯ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤥ꤬ꤘꤣ ꤢ꤬ꤊꤢꤨ꤭ ꤕꤝꤢ꤭꤮ ꤒꤣ꤬ꤡꤣ꤬ ꤔꤣꤧ꤬ ꤢꤨ꤭ ꤙꤢꤩ꤬ ꤗꤢꤩ꤬ ꤕꤜꤤ꤭ꤖꤥ ꤜꤢꤪ꤭ ꤢ꤬ ꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤢ꤬ꤞꤝꤤ꤬ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤗꤢꤪꤋꤢꤨ꤬ ꤢ꤬ꤒꤢ꤭ꤒꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤗꤢꤩ꤬ ꤕꤜꤤ꤭ꤖꤥ ꤢ꤬ ꤔꤢꤧ ꤒꤢꤩ꤬ꤜꤢꤨ꤭ꤓꤢꤧ꤬ ꤘꤣ ꤢ꤬ꤚꤢꤧꤜꤣ ꤕꤢ꤬ ꤡꤣꤧ ꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤢ꤬ꤞꤝꤤ꤬ꤣꤧ꤭ ꤔꤣꤧ꤬ ꤡꤣꤧ꤯

ꤟꤤꤙꤚꤢꤨ 9:10

ꤒꤢꤩ꤬ꤜꤢꤨ꤭ꤒꤢꤩ꤬ꤒꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤒꤢꤩ꤬ ꤞꤤꤜꤢꤩ꤬ꤓꤢꤧ꤬ꤚꤣꤧ ꤖꤢꤧ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤟꤢꤩ ꤔꤢꤧ ꤣꤧ꤭ꤗꤢ꤬ ꤢꤩ꤬ꤔ꤫ꤤ꤬, ꤣꤧ꤭ꤗꤢ꤬ ꤥ꤭ꤔ꤫ꤤ꤬ ꤒꤥ꤬, ꤒꤥ꤭ꤙꤢꤩ꤬ ꤞꤢꤨꤕꤜꤤ꤭ꤞꤢꤨꤕꤜ꤫ꤢꤩ꤬ ꤔ꤫ꤢꤩ꤬ ꤟꤢꤨꤣꤧ꤭ ꤟꤢꤨꤔꤣꤧ꤬, ꤢ꤬ ꤟꤢꤩ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤜꤢꤦ꤬ꤋꤚꤝꤢ꤭ ꤗꤢꤩ꤬ꤒꤢꤩ꤬ ꤘꤣ ꤢ꤬ꤊꤜꤢꤪ꤭ ꤒꤣ꤬ꤊꤛꤢ꤭ ꤖꤢꤧ, ꤢ꤬ ꤗꤢꤩ꤬ ꤒꤣꤧ꤬ꤊꤜꤢꤧ꤬ꤡ꤫ꤢꤧ꤬ ꤞꤤꤕꤜꤢꤪ꤬ ꤒꤥ꤬꤯ ꤔ꤫ꤢꤩ꤬ꤊꤜ꤫ꤢꤪ꤬ ꤖꤢꤛꤢ꤬ ꤒꤣ꤬ꤊꤛꤢ꤭, ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤙꤢꤩ꤬ ꤋꤚꤝꤢ꤭ꤗꤢꤩ꤬ ꤒ꤫ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤒꤣꤧ꤬ꤕꤜꤢꤩ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤊꤜꤢꤧ ꤢ꤬ꤞꤢꤩ꤭ ꤒꤣ꤬ꤙꤥ꤭꤯

ꤗꤢ꤬ꤊꤢꤨ 7:8

ꤞꤤ꤭ ꤘꤢꤧ꤬ꤒꤣꤧ꤬ꤖꤢ꤭ ꤋꤥꤊꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤞꤤ꤭ ꤕ꤫ꤢꤦ꤬ꤗꤢ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬꤯”