ꤛꤥ꤭ꤟꤢ꤬ 20:22 - Eastern Kayah Shadaw Dialect

²² ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤞꤢꤩꤡꤝꤢ ꤘꤣ ꤛꤢꤩ꤬ꤞꤤ꤭ꤋꤢꤨ꤬ ꤚꤣꤧ꤬ ꤢ꤬ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤖꤛꤢꤏꤢꤦ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭꤯

ลีเทส่อพ๊าอาเซ เร๊อ เห่ขุทวาลู๊

²² อา เฮ๊โท ฮู๊เนอเร๊อ อา โอ๊จว๊า เด๊อ เหย่ซีขุ เร๊อ อา เฮ๊ เหย่ซี เน๊อ, “พย๊าฉื่อ แลแค แหย่โยบูโพ๊แบ่เจ่ เออ.

ꤛꤥ꤭ꤟꤢ꤬ 20:22 ပူးပေါင်းရင်းမြစ်များ

เพรโด่แนพู๊ เต๊เห่ 19:2

ꤚꤣꤧ꤬ ꤢ꤬ ꤘꤣꤧꤟꤣꤧ꤭ ꤛꤢꤩ꤬ꤞꤤ꤭ ꤔꤢꤧ, “ꤙꤣꤧ ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤊꤣꤧ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭?” ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤕꤢꤩ꤬ ꤔ꤫ꤤ꤬ꤙꤢꤩ꤬ ꤔꤢꤪꤊꤣꤧ꤭ ꤜꤢ꤭ꤟꤤꤒꤥ꤬꤯ ꤓꤥ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ ꤟꤢꤩꤔꤣꤧ꤭꤮, ꤕꤢꤩ꤬ ꤔ꤫ꤤ꤬ꤟꤥ꤭ꤔꤢꤪ ꤊꤣꤧ꤭ ꤡꤣꤧ ꤢꤨ꤭ ꤒꤣ꤬ꤖꤥ꤮ ꤒꤥ꤬꤯”

เพรโด่แนพู๊ เต๊เห่ 8:15

ꤙꤣꤧ ꤛꤢꤩ꤬ꤞꤤ꤭ ꤟꤢꤧ꤭ꤒ꤫ꤥ꤬ꤟꤣꤧ ꤢ꤬ꤋꤢꤩ꤭, ꤞꤢꤧꤟꤢꤨ ꤏꤛꤢ꤬ꤗꤢ꤬ꤚꤤꤖꤢꤨ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭꤯

เพรโด่แนพู๊ เต๊เห่ 2:38

ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤞꤤ꤭ ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ꤔꤣꤧ꤬ ꤛꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤚꤣꤧ꤬ ꤡꤢꤩ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤗꤝꤤ꤭ ꤢ꤬ꤊꤢꤨ꤭ꤔꤣꤧ꤬, ꤒꤢꤦꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤏꤢ꤭ꤛ꤫ꤢꤨ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤔꤣꤧ꤬ ꤕꤢ꤭꤯

เพรโด่แนพู๊ เต๊เห่ 2:4

ꤛꤢꤩ꤬ꤞꤤ꤭ ꤜꤣꤙꤢ꤭ ꤜꤢꤪ꤭ꤕꤜꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤙꤢꤩ꤬ꤓꤢꤩ꤬ ꤜꤢꤪ꤭ ꤔꤢꤧ ꤍ꤫ꤥ꤬ꤋꤥꤋꤛꤢ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤢꤪ꤭ꤟꤢꤩꤙꤢꤩ꤬ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯

ꤛꤥ꤭ꤟꤢ꤬ 7:39

ꤓꤣꤧ꤭ ꤘꤣꤧ ꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤖꤢꤧ꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤕꤢ꤭꤯ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔ꤫ꤤ꤬ꤙꤢꤩ꤬ ꤜꤢ꤭ꤟꤤ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤞꤣꤧ꤭ ꤊꤣꤧ꤬ꤓꤢꤪ꤬ꤊꤢ꤬ꤋꤛꤢ꤭ ꤚꤣꤧ꤬ ꤢ꤬ ꤊꤢ꤬ ꤊꤣꤧ꤬ꤓꤢꤧ꤬ ꤘꤣ ꤗꤢꤪꤋꤢꤨ꤬ ꤜꤢ꤭ꤟꤤꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭ꤔꤥ꤭ꤥ꤬ ꤘꤣ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤒꤣ꤬ꤖꤚꤢꤩ꤬ ꤜꤢ꤭ꤟꤤꤒꤥ꤬꤯

ꤊꤢ꤬ꤜꤢ꤬ꤒꤤ 3:2

ꤟꤢꤩ ꤕ꤫ꤢꤩ꤬ꤗꤢꤧ ꤠꤢꤧ꤭ ꤒꤢꤦ ꤣꤧ꤭ꤒꤣ꤬ꤡꤣ꤬ꤡꤣ꤬꤮ ꤟ꤫ꤢꤨ꤬ ꤔꤣꤧ꤬ꤖꤢꤧ꤯ ꤘꤣ ꤞꤤ꤭ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤛꤢ꤭ ꤚꤣꤧ꤬ ꤞꤤ꤭ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭? ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤘꤣ ꤞꤤ꤭ ꤔ꤫ꤤ꤬ꤟꤥ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤞꤤ꤭ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤨꤔꤣꤧ꤬ ꤟꤢꤧ꤭?

เพรโด่แนพู๊ เต๊เห่ 4:8

ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤜꤣꤙꤢ꤭ꤓꤢꤧ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤖꤚꤢꤩ꤬ꤓꤝꤢ꤭ꤘꤢꤨ꤬ꤓꤝꤢ꤭ꤓꤢꤨ꤭ ꤞꤤ꤭꤮ ꤔꤢꤧ ꤗ꤫ꤥ꤬ꤖꤚꤢꤨ꤭ꤗ꤫ꤥ꤬ꤖꤚ꤫ꤢꤩ꤬ ꤘꤣ ꤢ꤬ ꤓꤝꤢ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤞꤤ꤭꤮

เพรโด่แนพู๊ เต๊เห่ 10:47

“ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔ꤫ꤤ꤬ꤙꤢꤩ꤬ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤨ ꤕꤢꤩ꤬ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ ꤣꤧ꤭ꤔꤣꤧ꤬ꤟꤣꤧ꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤡꤢꤩ꤬ ꤢ꤬ꤔ꤫ꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤗꤢ꤬ꤢꤨ꤭ꤕꤢꤩ꤭ ꤒꤣ꤬ꤖꤚꤢꤩ꤬ ꤊ꤫ꤢꤦ꤬ ꤗꤢꤩ꤬ꤒꤢ꤭ꤒꤢꤦ꤭ꤡ꤫ꤢꤧ꤬ ꤛꤢꤩ꤬ꤞꤤ꤭ ꤕꤢꤩ꤭꤯”

ꤛꤥ꤭ꤟꤢ꤬ 15:26

“ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤖꤢꤩ꤭ꤥ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤘꤣ ꤞꤤ꤭ ꤥ꤬ ꤕꤢ꤭꤯ ꤢ꤬ ꤗꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤥ꤬ ꤘꤣ ꤖꤢꤩ꤭ ꤢ꤬ ꤥ꤬ ꤟꤢꤧ꤭꤯ ꤏꤢ꤮ ꤢ꤬ ꤟꤢꤧ꤭ꤒ꤫ꤥ꤬ ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤕꤢ꤭꤯

ꤛꤥ꤭ꤟꤢ꤬ 14:16

ꤠꤢꤧ꤭ ꤊ꤫ꤢꤦ꤬ ꤊꤝꤤ꤭ꤓꤢꤧ꤬ ꤖꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤞꤢꤨ꤭ꤒꤢ꤭ ꤕ꤫ꤢꤩ꤬ ꤞꤤ꤭ ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ ꤞꤤ꤭ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ ꤜ꤫ꤢꤩ꤬ꤊꤜꤥ꤭ ꤣꤧ꤭ꤔꤣꤧ꤬ ꤕꤢ꤭꤯ ꤚꤣꤧ꤬ ꤢ꤬ ꤊ꤫ꤢꤦ꤬ ꤥ꤬ꤊꤣꤧ꤭ ꤔꤢꤧ ꤞꤤ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯

ꤛꤥ꤭ꤟꤢ꤬ 16:7

ꤊꤢꤩ꤬ ꤟꤢꤩ ꤜꤢꤪ꤭ꤜꤢꤪ꤭ ꤍ꤫ꤥ꤬ ꤗꤢ꤬, ꤠꤢꤧ꤭ ꤡꤝꤢꤊꤢꤧ꤭ ꤞꤤ꤭ꤜ꤫ꤢꤩ꤬ ꤗꤢ꤬ ꤢ꤬ꤚꤢꤧ ꤜꤣ ꤡꤣꤧ ꤘꤣ ꤞꤤ꤭ꤑꤢꤩ꤭ꤡꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤊꤢꤩ꤬ ꤡꤝꤢ ꤒꤥ꤬ ꤟꤢꤩꤔꤣꤧ꤬, ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ ꤗ꤫ꤢ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤧ꤭ ꤘꤣ ꤞꤤ꤭ꤥ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊꤢꤩ꤬ ꤡꤝꤢ ꤟꤢꤩꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤔꤢꤪ꤭ꤟꤢꤧ꤭ꤜꤢꤧ꤬ ꤜꤢ꤭ꤒꤢꤩ꤬ ꤜꤢꤨ꤭ ꤘꤣ ꤞꤤ꤭ꤥ꤬ ꤕꤢ꤭꤯

ꤛꤥ꤭ꤟꤢ꤬ 20:21

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤋꤛꤢ꤭ꤞꤢꤧ ꤛꤢꤩ꤬ꤞꤤ꤭ ꤔꤢꤧ, “ꤒꤢꤩ꤬ꤞꤤꤕꤜꤢꤪ꤬ ꤒꤣꤧ꤬ꤡꤣꤧꤒꤣꤧ꤬ꤡ꤫ꤢꤨ꤬ ꤊ꤫ꤢꤦ꤬ ꤥ꤬ꤘꤢꤦ꤬ ꤔꤢꤧ ꤞꤤ꤭ ꤔꤤ꤮! ꤚꤣꤧ꤬ ꤟꤢꤨ ꤠꤢꤧ꤭ꤖꤢꤩ꤭ ꤔꤢꤪ꤭ꤟꤢꤧ꤭ ꤠꤢꤧ꤭ ꤔꤣꤧ꤬, ꤠꤢꤧ꤭ ꤔꤢꤪ꤭ꤡꤝꤢꤊꤣꤧ꤭ ꤞꤤ꤭꤯”

ꤛꤥ꤭ꤟꤢ꤬ 20:23

ꤞꤤ꤭ ꤊꤢꤩ꤬ ꤕꤜꤝꤢ꤭ꤊꤢꤧ꤭ ꤢꤨ꤭ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤟꤢꤩꤚꤣꤧ꤬ ꤢꤨ꤭ꤒꤢꤩ꤬ꤞꤢꤦ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤕꤢ꤭꤯ ꤞꤤ꤭ ꤊꤢꤩ꤬ ꤕꤜꤝꤢ꤭ꤊꤢꤧ꤭ ꤢꤨ꤭ꤒꤢꤩ꤬ꤞꤢꤦ ꤒꤥ꤬ ꤟꤢꤩꤚꤣꤧ꤬, ꤢꤨ꤭ꤒꤢꤩ꤬ꤞꤢꤦ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤒꤥ꤬꤯”