ꤛꤥ꤭ꤟꤢ꤬ 19:6 - Eastern Kayah Shadaw Dialect6 ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤊꤜꤣꤧ꤭ꤟꤢꤨ ꤘꤣ ꤢ꤬ ꤥ꤬ꤕ꤫ꤢꤪ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤜꤢꤨ꤭ꤜꤢꤨ꤭ ꤔꤢꤧ, “ꤗꤢꤦ꤭ꤞꤣꤧ꤭ꤓꤢꤧ꤬ꤊꤢꤧ꤭ ꤢ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤔꤣꤧ꤬, ꤗꤢꤦ꤭ꤞꤣꤧ꤭ꤓꤢꤧ꤬ꤊꤢꤧ꤭ ꤢ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤔꤣꤧ꤬,” ꤢ꤬ ꤢꤩꤓꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤋꤝꤤꤕꤤꤜꤢ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤢꤩꤡꤝꤢ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤚꤣꤧ꤬ ꤗꤢꤦ꤭ꤞꤣꤧ꤭ꤓꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤔꤣꤧ꤬꤯ ꤘꤣ ꤠꤢꤧ꤭ꤑꤢꤩ꤭ ꤚꤣꤧ꤬, ꤒꤢꤩ꤬ꤞꤢꤦ ꤘꤣ ꤠꤢꤧ꤭ ꤊ꤫ꤢꤦ꤬ ꤘꤣꤧꤡꤢ꤭ ꤢ꤬ ꤔꤣꤧ꤬, ꤠꤢꤧ꤭ ꤡꤢꤩ꤭ꤗꤢꤧ ꤢ꤬ ꤚꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤣ꤬ꤡꤣ꤬꤮ ꤒꤥ꤬,” ꤢ꤬ ꤟꤢꤩ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯ အခန်းကိုကြည့်ပါ။ลีเทส่อพ๊าอาเซ เร๊อ เห่ขุทวาลู๊6 เพรหลู่แต ทวาดุทวาเต เต๊เห่ เร๊อ เกลอฮู๊ เด๊อ อา โอ่ป่อ เตหลู่เเตโฮ เต๊เห่ แม๊เถอะ ลูลู เน๊อ, “มือเซอแถ่แก อา เด๊อ อี๊ถื่อดีเต่ลู เนอ, มือเซอแถ่แก อา เด๊อ อี๊ถื่อดีเต่ลู เนอ,” อา เอ๊โทแถ่ แลแค ฮู๊เนอ. หม่าแน๊เรอ คุ๊ยปีลาต เฮ๊ เหย่ซี เน๊อ, “เอ๊จว๊า เกอเร๊อดื่อ แลแค เร๊อ มือเซอแถ่ เกอเร๊อดื่อ แลแค เด๊อ อี๊ถื่อดีเต่ลู เนอ. เด๊อ แวเง เร๊อ, เตซื๊อ เด๊อ แว เก่ เมจากาคยา อา เนอ, แว เจแม๊ อา เร๊อ แว แม๊เถอะ เตอเจ๋อ โต่,” อา เฮ๊ เหย่ซี ฮู๊เนอ. အခန်းကိုကြည့်ပါ။ |
ꤞꤤ꤭ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤜꤢꤪ꤭ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬ ꤕꤝꤢ꤭꤮ ꤒꤣ꤬ꤖꤥ ꤡꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤧ꤭ ꤟꤢꤩꤏꤥ꤬ꤥ꤬ꤔꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢꤨ꤬ꤜꤢꤩ ꤡꤢꤪꤒꤢꤩ꤬ ꤘꤣ ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ ꤕꤢ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤗ꤫ꤥ꤬ꤖꤢꤩ꤭ꤖꤣꤧ꤭ꤖꤥ꤭ ꤒꤣꤧ꤬ꤟꤢꤩ꤬ ꤗꤢꤩ꤬ꤞꤣꤧ꤭ꤊꤢꤧ꤭ ꤓꤥ꤭ ꤛꤢꤩ꤬ꤞꤤ꤭ ꤟꤣꤧ꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤞꤤ꤭ ꤤ꤬ꤏꤢꤩ꤭ꤒꤢ꤭ꤊꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢꤨ꤬ꤜꤢꤩ ꤡꤢꤪꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤟꤣꤧ, ꤓꤥ꤭ꤒꤥ꤬ ꤞꤤ꤭ ꤗꤢꤩ꤬ꤞꤣꤧ꤭ꤊꤢꤧ꤭ ꤟꤣꤧ ꤜꤢꤨ꤭ ꤟꤣꤧ꤯
ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤞꤤ꤭ ꤢꤩꤓꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤔꤢꤧ, “ꤗꤢꤩ꤬ꤞꤣꤧ꤭ꤊꤢꤧ꤭ ꤢ꤬, ꤗꤢꤦ꤭ꤞꤣꤧ꤭ꤓꤢꤧ꤬ꤊꤢꤧ꤭ ꤜꤢꤨ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤔꤣꤧ꤬꤯” ꤚꤣꤧ꤬ ꤋꤝꤤꤕꤤꤜꤢ ꤘꤣꤧꤟꤣꤧ꤭ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤞꤤꤛ꤫ꤢꤦ꤬ ꤔꤢꤪ꤭ ꤗꤢꤦ꤭ꤞꤣꤧ꤭ꤓꤢꤧ꤬ꤊꤢꤧ꤭ ꤠꤢꤧ꤭ ꤔꤢꤧ ꤞꤤ꤭ꤋꤝꤤꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤟꤢꤧ꤭?” ꤚꤣꤧ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤟꤢꤩ ꤔꤢꤧ, “ꤕꤢꤩ꤬ ꤋꤝꤤ ꤥ꤬ꤖꤢꤧꤒꤢꤦ ꤋꤝꤤꤊꤢꤧꤎꤢ꤬ ꤒꤣ꤬ꤖꤚꤢꤩ꤬ꤒꤥ꤬꤯ ꤕꤢꤩ꤬ꤋꤝꤤ ꤘꤣ ꤢ꤬ꤚꤥ꤬ ꤗꤢ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬,” ꤛꤢꤩ꤬ꤞꤤ꤭ ꤟꤢꤩ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯
ꤙꤣꤧ ꤋꤝꤤꤕꤤꤜꤢ ꤗꤢꤧꤓ꤫ꤣꤧ꤬ ꤞꤤꤑꤢꤩ꤭ꤟꤣꤧ ꤔꤢꤧ ꤢꤨ꤭ ꤔ꤫ꤤ꤬ꤘꤢ꤭ꤕꤢ꤬ ꤜꤢꤨ꤭ ꤒꤢꤩ꤬ꤟꤢꤩꤙꤢꤩ꤬ ꤒꤥ꤬, ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤡꤢꤓꤢꤧ꤬ ꤗꤢꤩ꤬ꤒꤣꤧ꤬ꤕꤜꤢꤪ꤬ꤜꤣꤧ꤬ꤛꤢꤪ꤬ ꤞꤢꤨꤞꤢ ꤟꤢꤧ꤭ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤖꤛꤢ ꤓꤣꤧ꤭ꤊꤣꤧꤡ꤫ꤢꤨ꤬ ꤚꤣꤧ꤬ ꤢ꤬ ꤞꤢꤨꤕꤜꤤ꤭ꤊꤢꤧ꤭ ꤢ꤬ꤊꤢꤨꤋꤢꤨ꤬ ꤘꤣ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤞꤝꤤ꤬ꤔꤣꤧ꤬ ꤢ꤬ ꤒꤢ꤭ꤙꤢꤩ꤬ ꤒ꤫ꤥ꤬ꤊꤣꤧ꤭ ꤕꤢ꤬ ꤘꤣ ꤠꤢꤧ꤭ꤋꤢꤨ꤬ ꤒꤥ꤬ꤟꤣꤧ꤯ ꤞꤤ꤭ ꤔꤢꤧ ꤞꤤ꤭ꤘꤢꤦ꤬ꤟꤣꤧ꤯”
ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤋꤚꤝꤢ꤭ꤡꤝꤢ ꤏꤢꤔꤢꤩꤜꤥ꤭ ꤊꤣꤧ꤭ ꤖꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ꤯ ꤢ꤬ ꤡꤝꤢ ꤔꤥ꤭ꤒ꤫ꤥ꤬ꤊꤣꤧ꤭ ꤘꤣ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤢ꤬ꤊꤢꤨ꤬ꤊꤜꤢꤪ ꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤟꤥ꤭ ꤜꤥ꤬ꤊꤣꤧ꤬ꤚꤢꤩꤊꤢꤨ꤭ ꤚꤣꤧ꤬ ꤢ꤬ ꤔꤥ꤭ ꤥ꤬ꤔꤢꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤊꤜꤣꤧ꤭ꤟꤢꤨ ꤘꤣ ꤢ꤬ ꤥ꤬ꤕ꤫ꤢꤪ꤬ ꤒꤣꤧ꤬ꤊꤢꤩ꤬ꤚꤣꤧ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤥ꤬ꤕ꤫ꤢꤪ꤬ꤗꤢꤧ ꤔꤢꤧ ꤢꤨ꤭ ꤊ꤫ꤢꤦ꤬ꤚꤢꤩ꤭ ꤘꤣꤧꤡꤢ꤭ ꤋꤚꤢꤧ꤮ ꤙꤢꤧ꤬ꤡꤢꤩ꤬ ꤟꤢꤨꤒꤢꤩ꤭ ꤕꤢ꤭, ꤟꤢꤨꤔꤣꤧ꤬꤯
ꤟꤢꤨꤔꤣꤧ꤬ꤚꤣꤧ꤬, ꤋꤢꤨ꤭ꤛꤢꤨꤘꤢ꤬ ꤡꤝꤢ ꤘꤣ ꤢꤪꤜꤤꤠꤢ꤬ꤖꤢꤩ꤬ꤔꤣꤧ꤬ ꤒꤣ꤬ꤖꤢꤩ꤬ꤋꤢꤨ꤬꤯ ꤚꤣꤧ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤊꤢꤨ꤬ꤊꤜꤢꤧ꤭ ꤒꤣꤧ꤬ꤟꤢꤩ꤬ ꤔꤢꤧ ꤖꤢ꤬ꤚꤤ꤬ꤏꤛꤢꤧꤖꤢꤨ ꤒꤣꤧ꤬ꤟꤢꤩ꤬ ꤔꤢꤪ꤭ꤟꤢꤧ꤭ ꤒ꤫ꤣ꤬ꤊꤣꤧ꤭ ꤚꤥꤗꤢꤩ꤬ ꤊꤜꤣꤧ꤭ꤟꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤊꤜꤣꤧ꤭ꤟꤢꤨ ꤘꤣ ꤢ꤬ ꤥ꤬ꤕ꤫ꤢꤪ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤟꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤋꤢꤨ꤭ꤛꤢꤨꤘꤢ꤬꤯ ꤛꤢꤩ꤬ꤞꤤ꤭ ꤖꤛꤢꤟꤢꤧ꤭ꤔ꤫ꤤ꤬ ꤗꤤ꤬ꤊꤢꤪ꤭ ꤞꤤ꤭ꤒꤣꤧ꤬ꤟꤢꤩ꤬, ꤗꤤ꤬ꤊꤢꤧ꤭ ꤒꤣꤧ꤬ꤚꤢꤩꤙꤥ꤭ ꤒꤣꤧ꤬ꤟꤢꤩ꤬ ꤔꤢꤧ ꤡꤢꤨꤊꤥ꤬ꤡꤢꤨꤚꤢꤧ꤬ ꤒꤣꤧ꤬ꤟꤢꤩ꤬꤯