ꤛꤥ꤭ꤟꤢ꤬ 19:30 - Eastern Kayah Shadaw Dialect

³⁰ ꤙꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤕꤥ꤬ꤗꤢꤧ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤟꤢꤩ ꤔꤢꤧ, “ꤢ꤬ ꤓꤥ꤭ꤟꤣꤧ꤯” ꤚꤣꤧ꤬ ꤢ꤬ ꤊꤢꤨ꤬ꤊꤜꤢꤪ ꤒꤢ꤭ꤍꤢꤪ꤬ꤊꤢꤧ꤭, ꤓꤥ꤭ꤚꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ꤞꤤꤕꤜꤢꤪ꤬ ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤊꤢꤨꤛꤢ꤭ꤊꤢꤨ꤭꤯

ลีเทส่อพ๊าอาเซ เร๊อ เห่ขุทวาลู๊

³⁰ เบ๊อะแบ่เจ่ เหย่ซู่ โปแม๊ เออ เบ๊อะเนอ, อา เฮ๊ เน๊อ, “อา โทเฮ๊อ” เร๊อ อา กู่กล๊อ ตางอแก, โทเรอ อา เด๊อะแลแก อาซิปล่อ เซอเพร เด๊อ จอแปแหร่ อา กู๊ยากู.

ꤛꤥ꤭ꤟꤢ꤬ 19:30 ပူးပေါင်းရင်းမြစ်များ

ꤛꤥ꤭ꤟꤢ꤬ 17:4

ꤠꤢꤧ꤭ ꤗꤢꤩ꤬ ꤓꤥ꤭ꤜꤢꤪ꤭ ꤟꤣꤧ ꤕ꤫ꤢꤩ꤬ ꤔꤢꤧ꤬ ꤒꤢꤩ꤬ꤗꤢꤩ꤬ ꤘꤣ ꤔꤢꤧ꤬ ꤔꤢꤪ꤭ꤗꤢꤩ꤬ ꤠꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤟꤣꤧ ꤔꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤟꤣꤧ꤯

ฟีลิปปี 2:8

ꤚꤣꤧ꤬ ꤢ꤬ ꤟꤢꤧ꤭ ꤘꤣꤧꤜꤥ꤭ ꤟꤣꤧ ꤢ꤬ꤔ꤫ꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤔꤣꤧ꤬ꤟꤣꤧ, ꤓꤥ꤭ꤚꤣꤧ꤬, ꤢ꤬ ꤏꤢꤧ꤬ꤜꤢꤧ꤬ ꤢ꤬ꤔ꤫ꤢꤩ꤬ ꤘꤣ ꤢꤨ꤭ꤜꤢꤩ꤭꤯ ꤢ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬, ꤢ꤬ ꤞꤣꤧ꤭ꤊꤢꤧ꤭ ꤡꤣꤧ ꤚꤣꤧ꤬ ꤢ꤬ ꤘꤢꤧ꤬ ꤒꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯ ꤒ꤫ꤥ꤬ꤘꤣ ꤢ꤬ ꤒꤥ꤭ꤙꤢꤩ꤬ ꤞꤣꤧ꤭ ꤡꤣꤧ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤡꤣꤧ ꤚꤣꤧ꤬ ꤢ꤬ ꤡꤢꤨ꤭ꤢꤩ꤬ ꤖꤢꤧ꤯

ꤟꤤꤙꤚꤢꤨ 12:2

ꤢ꤬ꤞꤢꤧꤔꤢꤧ ꤊꤣꤧ꤬ꤛꤢꤧ꤭ ꤊꤜꤢꤧ꤬ ꤒꤣꤧ꤬ꤟꤢꤩ꤬ ꤗꤢꤧꤒꤥ꤭ꤘꤢꤩ꤭ ꤟꤢꤧ꤭ꤒꤥ꤭ ꤒꤢꤦꤖꤢꤧ ꤒꤢꤩ꤬ꤗꤢꤩ꤬ꤕ꤫ꤢꤩ꤬ꤗꤢꤙꤥ꤭ ꤣꤧ꤭ꤔꤣꤧ꤬ꤟꤣꤧ, ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤧꤒꤥ꤭ꤘꤢꤩ꤭ ꤟꤢꤧ꤭ ꤖꤢꤧꤒꤢꤦ ꤛꤢꤩ꤬ꤏꤛꤢꤨ ꤕꤥ꤮꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤢ꤬ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ ꤊꤢꤧ꤭ꤏꤢꤊꤢꤧ꤭ꤚꤢꤧ꤬ ꤒꤣ꤬ꤖꤚꤢꤩ꤬꤯ ꤓꤥ꤭ꤒꤥ꤬, ꤢ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤒꤣ꤬ꤖꤚꤢꤩ꤬꤯ ꤢ꤬ ꤋꤢꤧꤞꤣꤧ꤭ ꤓꤥ꤭ꤕꤢ꤭ꤗꤢ꤬, ꤢ꤬ ꤞꤤꤑꤢꤩ꤭ ꤥ꤬ꤔꤢꤩ꤬ ꤓꤥ꤭ꤟꤣꤧ ꤔꤢꤧ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤤꤊꤣꤧ꤬ꤜꤢꤪꤊꤣꤧ꤬ꤖꤢꤦ꤭ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤒꤥ꤭ꤙꤢꤩ꤬ ꤋꤢꤧꤞꤣꤧ꤭ ꤡꤣꤧ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤞꤤꤒꤣꤧ꤬ꤚꤢꤩ꤭ ꤒꤣ꤬ꤡꤣ꤬꤮ ꤒꤥ꤬꤯ ꤊꤢꤨꤔ꤫ꤢꤧ꤬ꤚꤣꤧ꤬ ꤢ꤬ ꤥ꤬ꤔꤢꤧ꤭ꤥ꤬ ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤜ꤫ꤢꤩ꤬ꤥ꤬ꤔꤢꤧ꤭ ꤓꤢꤧ꤬ꤜꤥ꤭ ꤘꤣ ꤡꤢꤓꤝꤢ ꤔꤣꤧ꤬ꤒꤣ꤬ꤊꤛꤢ꤭ ꤟꤣꤧ꤯

ꤛꤥ꤭ꤟꤢ꤬ 10:11

“ꤠꤢꤧ꤭ ꤗꤢ꤬ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤘꤣ ꤢ꤬ꤚꤢꤧ ꤒꤣ꤬ꤖꤚꤢꤩ꤬꤯ ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤘꤣ ꤢ꤬ꤚꤢꤧ ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤꤗꤤ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯

ꤜꤢꤨꤊꤢ꤬ 23:46

ꤛꤢꤩ꤬ꤏꤛꤢꤨ ꤡ꤫ꤢ꤬ꤖꤚꤣꤧ꤭ ꤢꤩꤓꤥ꤭ꤓꤢꤧ꤬ꤏꤝꤢ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤣ꤮ ꤖꤢꤩ꤭꤮, ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ꤟꤣꤧ ꤠꤢꤧ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤔꤢꤧ꤬ ꤊꤢꤨꤛꤢ꤭ꤊꤢꤨ꤭ ꤟꤣꤧ,” ꤢ꤬ ꤟꤢꤩ ꤟꤢꤨꤔꤣꤧ꤬ ꤓꤥ꤭ꤚꤣꤧ꤬ ꤢ꤬ ꤞꤢꤩꤒꤢ꤭ꤕꤜꤢꤦꤊꤢꤧ꤭꤯

ꤚꤥꤗꤢꤩ꤬ 10:4

ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢꤪ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤋꤚꤤ ꤗꤢꤩ꤬ꤓꤥ꤭ꤊꤢꤧ꤭ ꤕꤜꤢꤦꤜꤢꤪ꤭ꤟꤣꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 19:28

ꤢ꤬ ꤟꤢꤩꤓꤥ꤭ ꤟꤢꤨꤔꤣꤧ꤬ ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤞꤤꤑꤢꤩ꤭ ꤔꤢꤧ ꤢ꤬ ꤗꤢꤩ꤬ꤓꤥ꤭ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤟꤣꤧ꤯ ꤚꤣꤧ꤬ ꤞꤢꤧꤟꤢꤨ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤊ꤫ꤢꤦ꤬ ꤜꤣꤙꤢ꤭ꤓꤢꤧ꤬ ꤢ꤬ꤑꤢꤩ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩ ꤔꤢꤧ, “ꤠꤢꤧ꤭ ꤞꤤꤥ꤭ꤓꤣꤧ꤭” ꤢ꤬ ꤟꤢꤩ ꤟꤢꤨꤔꤣꤧ꤬꤯

ꤗꤢ꤬ꤊꤢꤨ 15:37

ꤚꤣꤧ꤬ ꤛꤢꤩ꤬ꤏꤛꤢꤨ ꤢꤩꤓꤥ꤭ ꤖꤚꤢ꤬ꤏꤝꤢ꤬ ꤓꤥ꤭ꤚꤣꤧ꤬ ꤢ꤬ꤞꤢꤩꤕꤜꤢꤦꤊꤢꤧ꤭꤯

ꤛꤥ꤭ꤟꤢ꤬ 10:18

ꤠꤢꤧ꤭ ꤊꤢꤩ꤬ ꤔꤢꤪ꤭ꤗꤢꤩ꤬ꤞꤣꤧ꤭ ꤢꤨ꤭ ꤔꤢꤧ ꤠꤢꤧ꤭ꤔ꤫ꤢꤩ꤬ ꤒꤥ꤬ ꤟꤢꤩꤔꤣꤧ꤬, ꤢꤨ꤭ ꤗꤢꤩ꤬ꤞꤣꤧ꤭ ꤡ꤫ꤢꤧ꤬ ꤠꤢꤧ꤭ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬ꤗꤢ꤬, ꤢꤨ꤭ ꤔꤢꤪ꤭ꤏꤝꤢ꤬ ꤠꤢꤧ꤭ ꤒꤣ꤬ꤖꤚꤢꤩ꤬꤮ ꤒꤥ꤬, ꤠꤢꤧ꤭ ꤞꤤꤕꤜꤢꤪ꤬ ꤔꤢꤧ ꤠꤢꤧ꤭ ꤞꤤꤕꤜꤢꤪ꤬ ꤘꤣꤧꤜꤢꤧ꤬ ꤚꤣꤧꤘꤢꤦ꤬ ꤖꤢꤧ꤯ ꤠꤢꤧ꤭ ꤥ꤬ ꤔꤢꤧ ꤠꤢꤧ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤘꤣ ꤠꤢꤧ꤭ ꤞꤤꤛ꤫ꤢꤦ꤬ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ꤞꤤꤕꤜꤢꤪ꤬ ꤗꤢ꤬ ꤢ꤬ ꤔ꤫ꤤ꤬ꤔ꤫ꤤ꤬, ꤠꤢꤧ꤭ ꤞꤤꤛ꤫ꤢꤦ꤬ ꤖꤛꤢꤘꤝꤢꤋꤛꤢ꤭ ꤢ꤬ ꤗꤢ꤬꤮ ꤢ꤬ ꤔ꤫ꤤ꤬ꤔ꤫ꤤ꤬ ꤖꤢꤧ꤯ ꤠꤢꤧ꤭ꤖꤢꤩ꤭ ꤗ꤫ꤢ꤬ꤟꤢꤧ꤭ꤚꤣꤧ ꤠꤢꤧ꤭ꤍ꤫ꤥ꤬ ꤔꤢꤧ ꤠꤢꤧ꤭ ꤙꤢꤩ꤬ꤗꤢꤩ꤬ ꤟꤢꤨꤣꤧ꤭,” ꤢ꤬ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

ꤛꤥ꤭ꤟꤢ꤬ 4:34

ꤛꤢꤩ꤬ꤏꤛꤢꤨ ꤟꤢꤩ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤗꤢꤩ꤬ꤒꤥ꤭ ꤖꤚꤢꤩ꤬ ꤘꤣ ꤢ꤬ ꤔꤢꤪ꤭ꤟꤢꤧ꤭ ꤠꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤚꤣꤧ꤬ ꤠꤢꤧ꤭ ꤗꤢꤩ꤬ꤓꤥ꤭ꤊꤢꤧ꤭ ꤒꤢꤩ꤬ꤗꤢꤩ꤬ ꤘꤣ ꤢ꤬ ꤘꤣꤧ ꤠꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤠꤢꤧ꤭ꤏꤢꤩ꤬ꤢꤩ꤬ ꤟꤣꤧ꤯

มัทธิว 20:28

ꤗꤢꤧꤙꤢꤦ꤭ꤊꤣꤧ꤭ ꤠꤢꤧ꤭ ꤗ꤫ꤢ꤬ꤘꤢꤦ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭, ꤠꤢꤧ꤭ ꤟꤢꤧ꤭ ꤘꤣ ꤢꤨ꤭ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤠꤢꤧ꤭ꤑꤢꤩ꤭ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤟꤢꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤢꤨ꤭ꤑꤢꤩ꤭ ꤖꤢꤧ꤯ ꤚꤣꤧ꤬ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤤ꤬ꤓꤢ꤬ꤊꤢ꤬ꤔ꤫ꤤ꤬ ꤛꤢꤩ꤬ꤞꤤ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ ꤞꤤꤕꤜꤢꤪ꤬ ꤞꤣꤧ꤭ꤖꤚꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤢꤩꤖꤚꤢꤩ꤬ ꤢ꤬ꤑꤢꤩ꤭꤯”

มัทธิว 27:50

ꤙꤣꤧ ꤙꤢꤧ꤬ꤡꤢꤩ꤬ ꤢꤩꤓꤥ꤭ꤓꤢꤧ꤬ꤏꤝꤢ꤬ ꤋꤛꤢ꤭ꤞꤢꤧꤕ꤫ꤥ꤬ ꤒꤣ꤬ꤖꤥ ꤓꤥ꤭ꤔꤣꤧ꤬ ꤢ꤬ꤞꤤꤕꤜꤢꤪ꤬ ꤞꤣꤧ꤭ꤖꤚꤢꤩ꤬ ꤓꤢꤩ꤬ꤡꤝꤢꤊꤢꤧ꤭꤯

ꤟꤤꤙꤚꤢꤨ 9:22

ꤊꤢꤩ꤬ ꤟꤢꤩ ꤒꤢ꤭ꤒꤢ꤭꤮ ꤗꤢ꤬, ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤟꤢꤩ ꤔꤢꤧ, ꤒꤢ꤭ꤒꤢꤩ꤬ ꤘꤣ ꤢꤨ꤭ ꤔꤢꤪ꤭ꤢꤩ꤬ ꤢ꤬ ꤔꤢꤧ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ꤑꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤙꤢꤩ꤬ ꤗꤢꤩ꤬ꤕꤜꤤ꤭ꤖꤥ ꤜꤢꤨ꤭ ꤔꤢꤧ ꤞꤝꤤ꤬ ꤔꤣꤧ꤬ ꤢ꤬ ꤖꤢꤦ꤬ ꤊ꤫ꤢꤦ꤬ꤚꤢꤩ꤭ ꤜꤢꤪ꤭ ꤡꤣꤧ ꤕꤝꤢ꤭꤮ ꤒꤣ꤬ꤡꤣ꤬꤯ ꤞꤝꤤ꤬ ꤊꤢꤩ꤬ ꤓꤝꤤꤒꤢ꤭ ꤒꤥ꤬ ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤕꤜꤝꤢ꤭ꤊꤢꤧ꤭ꤙꤢꤩ ꤒꤢꤩ꤬ꤞꤢꤦ ꤒꤣ꤬ꤡꤣ꤬꤮ ꤒꤥ꤬꤯

ꤚꤥꤗꤢꤩ꤬ 3:25

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ ꤜꤤ꤭ꤖꤥ ꤡꤣꤧ ꤔꤢꤧ ꤋꤚꤤ ꤟꤢꤧ꤭ꤜꤢꤧ꤬ ꤖꤛꤢꤊꤢꤧ꤭ ꤕ꤫ꤢꤩ꤬ꤟꤣꤧ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ꤚꤢꤩ꤭ ꤘꤣꤧꤡꤢ꤭ ꤕꤢꤩ꤬ꤣꤧ꤭ ꤕꤢ꤭ ꤔꤣꤧ꤬ ꤟꤣꤧ꤯ ꤘꤣ ꤕꤢꤩ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤟꤤ꤬ꤓꤢꤦ꤬ꤜꤥ꤬ ꤚꤣꤧ꤬ ꤢ꤬ꤞꤝꤤ꤬ ꤓꤝꤤꤒꤢ꤭ ꤘꤣ ꤕꤢꤩ꤬ꤑꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤟꤣꤧ ꤕꤢꤩ꤬꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤓꤢꤧ꤬ꤜꤥ꤭ ꤔꤢꤧ ꤢ꤬ ꤗꤢꤩ꤬ꤡꤢꤪꤗꤢꤩ꤬ꤒꤢꤩ꤬ ꤒꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤔꤢꤪ꤭ꤟꤢꤧ꤭ ꤛꤢꤩ꤬ꤏꤛꤢꤨꤋꤚꤤ ꤟꤣꤧ꤯ ꤘꤣ ꤔꤣꤧ꤬ꤋꤢꤩ꤭ ꤗꤢ꤬, ꤢ꤬ ꤋꤢꤧꤞꤤꤘꤥ꤭ ꤕ꤫ꤢꤩ꤬ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦ꤯ ꤢ꤬ ꤗꤢꤧ ꤒꤣꤧ꤬ꤜꤝꤢꤊꤢꤧ꤭ ꤛꤢꤩ꤬ꤞꤤ꤭ ꤗꤢꤩ꤬ ꤒꤢꤩ꤬ꤞꤢꤦ ꤔꤣꤧ꤬ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤘꤣꤧꤡꤢ꤭ ꤛꤢꤩ꤬ꤞꤤ꤭ ꤒꤥ꤬꤯

มัทธิว 3:15

ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤊꤢꤨꤔ꤫ꤢꤧ꤬ ꤚꤣꤧ꤬ ꤒꤣꤧ꤬ꤚꤢꤨ ꤡꤢꤩ꤬ ꤗꤣꤧ꤭ ꤠꤢꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤗꤢꤩ꤬ꤜꤣꤙꤢ꤭ ꤜꤢꤪ꤭ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ ꤔꤢꤪ꤭ꤗꤢꤩ꤬ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬,” ꤢ꤬ ꤟꤢꤩ ꤚꤣꤧ꤬ ꤋꤢꤨ꤭ꤛꤥ꤭ꤟꤢ꤬ ꤞꤤꤕꤜꤢꤪ꤬ꤥ꤬ ꤡꤢꤩ꤬ ꤜꤢꤨ꤭꤯

โครินธ์ อาเหร่อเล๊อ ต๊าบ่า 5:7

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤕꤜꤤ꤭ꤖꤥ ꤜ꤫ꤢ꤬ꤒꤣꤧ꤬ꤊꤜꤤ꤬ ꤜꤢꤪ꤭ ꤢ꤬ꤑꤢꤩ꤭ꤔꤣꤧ꤬, ꤞꤤ꤭ ꤙꤢꤩ꤬ ꤖꤛꤢꤓꤢꤩ꤬ꤊꤢꤧ꤭ ꤟꤥ꤭ꤗꤢꤦ꤬ ꤜꤣꤧ꤬ ꤢ꤬ꤒꤢꤩ꤬ꤞꤢꤦ ꤣꤧ꤭ꤔꤣꤧ꤬, ꤒꤢꤦꤚꤣꤧ꤬ ꤞꤤ꤭ ꤓꤝꤢ꤭ꤓꤢꤧ꤬ ꤞꤢꤧꤔꤢꤧ ꤋꤢꤪꤗꤢꤨ꤭ ꤞꤢꤩ꤭ ꤘꤣ ꤟꤥ꤭ꤗꤢꤦ꤬ꤒꤣꤧ꤬ꤖꤥ꤬ ꤥ꤬ꤒ꤫ꤣ꤬ꤒꤥ꤬ ꤣꤧ꤭ꤔꤣꤧ꤬ ꤕꤢ꤭꤯ ꤠꤢꤧ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤡꤣꤧ ꤔꤢꤧ ꤞꤤ꤭ ꤗꤢ꤬ ꤊꤣꤧ꤬ꤛꤢꤧ꤭ ꤕꤜꤤ꤭ꤖꤥ ꤓꤥ꤭ꤟꤣꤧ ꤒꤣꤧ꤬ꤟꤢꤩ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤋꤚꤤ ꤗꤢ꤬ ꤕꤢꤩ꤬ ꤒꤢꤩ꤬ꤡꤝꤢꤒꤣꤧ꤬ꤜꤝꤢꤕꤝꤢꤩ꤬ ꤢ꤬ꤞꤤꤗꤤ꤬ ꤘꤣ ꤢ꤬ ꤋꤢꤧꤞꤣꤧ꤭ ꤓꤥ꤭ ꤕ꤫ꤢꤩ꤬ ꤟꤣꤧ ꤘꤣ ꤕꤢꤩ꤬ꤑꤢꤩ꤭ ꤚꤣꤧ꤬ ꤢ꤬ ꤕꤜꤝꤢ꤭ꤊꤢꤧ꤭ ꤕꤢꤩ꤬ ꤒꤢꤩ꤬ꤞꤢꤦ ꤒꤣ꤬ꤖꤚꤢꤩ꤬꤯

ꤜꤢꤨꤊꤢ꤬ 22:37

ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤗꤢꤩ꤬ꤒꤢꤩ꤭ꤟꤢꤩꤔꤣꤧ꤬ꤗꤢ꤬ ꤜꤤ꤬ꤓꤢꤩ꤭ꤞꤢꤪ꤬ꤖꤢ ꤊꤢꤨ꤭ ꤟꤢꤩꤥ꤬ꤔꤢꤩ꤬ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤣꤧ꤭ꤔꤣꤧ꤬, ꤢ꤬ ꤙꤢꤩ꤬ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤕꤢ꤭꤯ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, ‘ꤢꤨ꤭ ꤘꤢꤧꤔꤥ꤭ ꤒ꤫ꤣ꤬ꤊꤣꤧ꤭ ꤠꤢꤧ꤭ ꤘꤣ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭,’ ꤠꤢꤧ꤭ ꤟꤢꤩ ꤞꤤ꤭ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ꤚꤢꤩ꤭ ꤟꤢꤧ꤭ ꤜꤣꤓꤢꤧ꤬ꤙꤢ꤭ꤓꤢꤧ꤬ ꤟꤣꤧ꤯”