ꤛꤥ꤭ꤟꤢ꤬ 15:5 - Eastern Kayah Shadaw Dialect

⁵ “ꤠꤢꤧ꤭ ꤗꤢ꤬ ꤎꤢ꤬ꤕꤛꤤꤗ꤫ꤢꤪ꤬, ꤞꤤ꤭ ꤗꤢ꤬ ꤢ꤬ꤖꤢꤧ꤭ ꤒꤣꤧ꤬ꤟꤢꤩ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊꤢꤩ꤬ꤥ꤬ꤊꤢꤩ꤬ꤏꤢꤪ ꤘꤣ ꤠꤢꤧ꤭ꤊꤢꤨ꤭ ꤚꤣꤧ꤬ ꤠꤢꤧ꤭ ꤊꤢꤩ꤬ꤥ꤬ꤊꤢꤩ꤬ꤏꤢꤪ ꤘꤣ ꤛꤢꤩ꤬ꤞꤤ꤭ ꤢ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤛꤢꤩ꤬ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤧ꤬ꤖꤥ꤭ꤓꤢꤧ꤬ ꤢꤩꤔꤢꤧ꤬ꤡꤣꤧ ꤕꤢ꤭꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤊꤢꤩ꤬ ꤥ꤬ ꤡ꤫ꤢꤩ꤬ꤡꤢꤦ꤭ ꤔꤢꤧ ꤠꤢꤧ꤭ ꤒꤥ꤬ ꤟꤢꤩꤔꤣꤧ꤬, ꤞꤤ꤭ ꤗꤢꤩ꤬ꤡ꤫ꤢꤧ꤬ ꤒꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

⁵ “แว หม่า แท๊ทือเหมาะ, ซี หม่า อาแพ เต๊เห่. แกแย เด๊อ อา โอ่จิจือหมะ เด๊อ แวกู เร๊อ แว โอ่จิจือ เด๊อ เหย่ซี อากู เต๊เห่เนอ, เหย่ซี เก่ เส่เถ่โพเถ่ เอ๊แหน่เจ๊อ ปา. เมเตเฮ๊เรอ ซี เก่ โอ่ จิจือ เร๊อ แว โต่ เฮ๊เนอ, ซี เมแจ่ เต เตอเจ๋อ โต่.

ꤛꤥ꤭ꤟꤢ꤬ 15:5 ပူးပေါင်းရင်းမြစ်များ

ฟีลิปปี 4:13

ꤛꤢꤩ꤬ꤏꤛꤢꤨꤋꤚꤤ ꤘꤣ ꤢ꤬ ꤘꤣꤧ ꤠꤢꤧ꤭ ꤒꤢꤩ꤬ꤟꤢꤧ꤭ꤒꤢꤩ꤬ꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤗꤢꤩ꤬ꤡꤝ꤫ꤢ꤬ ꤠꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤗꤢꤩ꤬ꤙꤢꤩ꤬ꤜꤢꤪ꤭ ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤟꤣꤧ꤯

โคโลสี 1:10

ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤊ꤫ꤢꤦ꤬ꤊꤢꤪ꤬ ꤔꤢꤧ ꤙꤢꤧ꤬ꤡꤢꤩ꤬ ꤓꤥ꤭ꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤗꤥ꤬ ꤜꤢꤨ꤭ ꤞꤤꤕꤜꤢꤪ꤬ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤟꤢꤨꤔꤣꤧ꤬꤯ ꤓꤥ꤭ꤒꤥ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤗꤢꤩ꤬ꤒꤢꤩ꤬ꤚꤢꤧ ꤕꤝꤢ꤭꤮ ꤒꤣ꤬ꤡꤣ꤬, ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤧ꤬ꤚꤢꤧ ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤘꤢꤨ꤬ꤓꤢꤧ꤬ꤘꤢꤦ꤬ ꤘꤣ ꤒꤢꤩ꤬ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤢꤨ꤭ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤕ꤫ꤥ꤬ ꤘꤣ ꤞꤤ꤭ꤑꤢꤩ꤭꤯

ꤛꤥ꤭ꤟꤢ꤬ 15:16

ꤞꤤ꤭ ꤔꤝꤢꤓꤢꤧ꤬ ꤠꤢꤧ꤭ ꤗ꤫ꤢ꤬ꤒꤥ꤬꤯ ꤠꤢꤧ꤭ ꤔꤝꤢꤓꤢꤧ꤬ ꤞꤤ꤭ ꤚꤣꤧ꤬ ꤠꤢꤧ꤭ ꤘꤢꤧ꤬ꤓꤢꤧ꤬ꤟꤣꤧ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ ꤓꤢꤩ꤬ꤡꤝꤢ ꤜꤢ꤭ꤋꤢꤧ꤭ ꤚꤣꤧ꤬ ꤡꤝꤢ ꤞꤢꤩ꤬ꤓꤢꤧ꤬ꤖꤥ꤭ꤓꤢꤧ꤬ ꤢꤩ ꤜꤢ꤭ꤋꤢꤧ꤭꤯ ꤠꤢꤧ꤭ ꤘꤢꤧ꤬ꤓꤢꤧ꤬ꤟꤣꤧ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤞꤢꤩ꤬ꤡ꤫ꤢꤩ꤬ꤡꤢꤦ꤭ꤗꤢ꤬ꤒ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤢ꤬ꤒꤣꤧ꤬ꤘꤢꤦ꤬꤯ ꤞꤤ꤭ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ ꤒꤢꤦꤗꤢ꤬ ꤞꤤ꤭ ꤊꤝꤤ꤭ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤞꤤ꤭ ꤊꤢꤩ꤬ ꤊꤝꤤ꤭ ꤔꤢꤧ ꤠꤢꤧ꤭ꤗꤝꤤ꤭ ꤟꤢꤩꤔꤣꤧ꤬, ꤖꤢꤩ꤭ ꤊ꤫ꤢꤦ꤬ ꤘꤣꤧ ꤞꤤ꤭ ꤕꤢ꤭꤯

ꤊꤢ꤬ꤜꤢ꤬ꤒꤤ 5:22

ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤔꤣꤧ꤬ꤗꤢ꤬ ꤢ꤬ ꤘꤣꤧꤥ꤬ꤓꤢꤧ꤬ ꤒꤢꤩ꤬ꤗꤥ꤬, ꤒꤢꤩ꤬ꤞꤤꤋꤚꤢꤦ꤭ꤞꤤꤜꤢꤪ꤭, ꤒꤢꤩ꤬ꤖꤚꤢꤩ꤭ꤒꤢꤩ꤬ꤘꤢꤦ꤭, ꤒꤢꤩ꤬ꤋꤢꤧꤞꤤꤘꤥ꤭, ꤒꤢꤩ꤬ꤞꤤꤛꤢꤪ꤬ꤊꤜꤢ꤬ꤙꤢꤩ꤬, ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ, ꤒꤢꤩ꤬ꤡꤢꤨ꤭ꤜꤢ꤭ꤖꤛꤢꤍ꤫ꤥ꤬,

โครินธ์ เนอบ่า ต๊าบ่า 13:8

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤏꤢꤏꤢꤦ꤬ꤓꤢꤩꤏꤢꤦ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤒꤥ꤬, ꤕꤢꤩ꤬ ꤙꤢꤩ꤬ꤋꤚꤝꤢ꤭ ꤕ꤫ꤥ꤬ ꤒꤣꤧ꤬ꤚꤝꤢ ꤚꤣꤧꤘꤢꤦ꤬ꤊꤣꤧ꤭ ꤘꤣ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣ꤬ꤊꤛꤢ꤭꤯

ꤛꤥ꤭ꤟꤢ꤬ 5:19

ꤟꤢꤨꤔꤣꤧ꤬ꤚꤣꤧ꤬, ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤖꤢꤨꤖꤚꤢꤩ꤬ꤋꤢꤨ꤭ꤣꤧ꤭ ꤢ꤬ ꤗꤢꤩ꤬ ꤡꤢꤨ꤮ ꤘꤢꤦ꤬ ꤟꤢꤨ ꤢ꤬ ꤞꤤꤛ꤫ꤢꤦ꤬ꤗꤢꤩ꤬ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤒꤥ꤬꤯ ꤢ꤬ ꤗꤢꤩ꤬ꤖꤢꤧ ꤟꤢꤨ ꤢ꤬ ꤗꤢꤧꤓ꤫ꤣꤧ꤬ ꤢ꤬ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤔꤣꤧ꤬ ꤒꤣꤧ꤬ꤟꤢꤩ꤬ ꤖꤢꤧ꤯ ꤖꤢꤩ꤭ ꤗꤢꤩ꤬ꤒꤢꤩ꤬ ꤤ꤬ꤒꤢꤩ꤭ ꤙꤢꤩ꤬ꤙꤢꤩ꤬, ꤢ꤬ ꤖꤢꤨꤖꤚꤢꤩ꤬ꤋꤢꤨ꤭ ꤗꤢꤩ꤬ ꤊꤣꤧ꤭ꤘꤢꤦ꤬ ꤟꤢꤨꤔꤣꤧ꤬꤯

ꤡꤛꤢꤩ꤭ꤗꤢ꤬ꤎꤣ꤬ 1:17

ꤜꤢꤪ꤭ ꤏꤢ꤭ꤛ꤫ꤢꤨ꤬ ꤘꤣ ꤢ꤬ꤚꤢꤧ ꤚꤣꤧ꤬ ꤢ꤬ ꤜꤣꤙꤢ꤭ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤙꤢꤧꤜꤢꤧ꤬ ꤒꤣꤧꤗ꤫ꤢꤪ꤬ ꤔꤢꤧ ꤏꤢꤩ꤬ ꤔꤢꤧ ꤜꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣ꤬ꤖꤚꤢꤩ꤬ ꤘꤣꤧꤒꤢ꤭ ꤖꤢꤧ꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ꤋꤥꤊꤢꤧ꤭ ꤊꤣꤧ꤭ ꤟꤢꤨ ꤒꤢꤩ꤬ꤜꤤ꤭ ꤛꤥ꤬ꤥ꤬ ꤓꤢꤨ꤬ꤜꤢꤧ꤬ ꤋꤥꤊꤢꤧ꤭ ꤔꤣꤧ꤬ꤒꤥ꤬꤯

เปโตร เนอบ่า ต๊าบ่า 3:18

ꤗ꤫ꤢ꤬ꤟꤢꤩꤗꤢ꤬, ꤘꤢꤨ꤬ꤓꤢꤧ꤬ ꤟꤢꤧ꤭ꤑꤢꤩ꤭ꤕ꤫ꤥ꤬ ꤜꤢ꤭ꤋꤢꤧ꤭ ꤘꤣ ꤒꤢꤩ꤬ꤙꤝꤤꤒꤢꤩ꤬ꤒꤣꤧ꤬ꤚꤣꤧ꤭ ꤢ꤬ꤊꤢꤨ꤭ ꤔꤢꤧ ꤘꤣ ꤒꤢꤩ꤬ꤞꤤꤑꤢꤩ꤭ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤗ꤫ꤢ꤬ꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ ꤢ꤬ꤊꤢꤨ꤭ ꤔꤤ꤮꤯ ꤊꤢꤨꤔ꤫ꤢꤧ꤬ꤣꤧ꤭ ꤒꤢ꤭ꤟꤢꤧ꤭ꤑꤢꤩ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ ꤘꤢꤦ꤬ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤔꤤ꤮ ꤢ꤬ꤗꤢꤩ꤬꤯

ꤛꤥ꤭ꤟꤢ꤬ 12:24

ꤠꤢꤧ꤭ ꤟꤢꤩꤡꤢꤪꤡꤢꤪ ꤞꤤ꤭, ꤙꤥꤊꤢꤨ꤬ꤜꤢ꤭ꤕꤜꤢꤪ꤬ ꤒꤣ꤬ꤕꤜꤢꤪ꤬ꤔꤣꤧ꤬, ꤢꤨ꤭ ꤊꤢꤩ꤬ ꤤ꤬ꤜ꤫ꤥ꤬ꤒꤢ꤭ ꤜꤢꤨ꤭ ꤘꤣ ꤟꤢꤩ꤬ꤋꤢꤨ꤬ ꤒꤥ꤬ ꤟꤢꤩꤔꤣꤧ꤬, ꤢ꤬ ꤖꤢꤩꤓꤢꤧ꤬ ꤢ꤬ ꤞꤢꤩ꤬ꤓꤢꤧ꤬ ꤡ꤫ꤢꤧ꤬ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤢꤨ꤭ ꤊꤢꤩ꤬ ꤤ꤬ꤜ꤫ꤥ꤬ꤒꤢ꤭ ꤜꤢꤨ꤭ ꤟꤢꤩꤔꤣꤧ꤬, ꤢ꤬ ꤊ꤫ꤢꤦ꤬ ꤖꤢꤩꤓꤢꤧ꤬ ꤞꤢꤩ꤬ꤓꤢꤧ꤬ ꤢꤩꤔꤢꤧ꤬ꤡꤣꤧ ꤕꤢ꤭꤯

ꤚꤥꤗꤢꤩ꤬ 7:4

ꤟꤢꤨꤔꤣꤧ꤬ꤚꤣꤧ꤬, ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤙꤣꤧ ꤋꤚꤤ ꤞꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤞꤢꤧꤟꤣꤧ ꤔꤢꤧ ꤞꤤ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ꤟꤣꤧ ꤔꤢꤧ ꤜꤢꤨ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤥ꤬ꤕꤢ꤬ ꤘꤣ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ ꤒꤢꤩ꤬ꤕꤣꤒꤢꤩ꤬ꤞꤢꤨ꤭ ꤢ꤬ꤜꤢꤩ꤭ ꤒꤥ꤬ ꤟꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤞꤤ꤭ ꤓꤝꤢ꤭ꤓꤢꤧ꤬ꤟꤣꤧ ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤢ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯ ꤘꤣ ꤒꤢꤩ꤬ꤗꤢꤩ꤬ꤓꤝꤢ꤭ꤓꤢꤧ꤬ ꤟꤣꤧ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤧ꤬ꤖꤥ꤭ꤓꤢꤧ꤬ ꤜꤢ꤭ꤋꤢꤧ꤭ ꤒꤢꤩ꤬ ꤘꤣ ꤢ꤬ꤚꤢꤧ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤓꤝꤢ꤭ꤙꤝꤤ ꤓꤝꤢ꤭ꤒꤣꤧ꤬ꤚꤣꤧ꤭ ꤕ꤫ꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤑꤢꤩ꤭꤯

ฟีลิปปี 1:11

ꤓꤥ꤭ꤒꤥ꤬ ꤠꤢꤧ꤭ ꤊꤝꤤ꤭ꤡꤢꤪꤙꤢꤩ꤭ ꤕ꤫ꤢꤩ꤬ ꤘꤣ ꤞꤤ꤭ꤑꤢꤩ꤭ ꤔꤢꤧ, ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤋꤝꤢ꤬ꤋꤛꤢ꤭ꤚꤣꤧ꤬, ꤞꤤ꤭ ꤊ꤫ꤢꤦ꤬ ꤞꤢꤩ꤬ꤓꤢꤩ꤬ ꤘꤤ꤭ꤒ꤫ꤢꤦ꤬ ꤊꤣꤧ꤭ ꤜꤢ꤭ꤋꤢꤧ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ꤞꤢꤩ꤬ ꤒꤣꤧ꤬ꤟꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤢꤨ꤭ ꤗꤢꤧꤓ꤫ꤣꤧ꤬ ꤞꤤ꤭ ꤞꤢꤩ꤬ꤓꤢꤩ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤞꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤛ꤫ꤢꤦ꤬ꤔ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬, ꤚꤣꤧ꤬ ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ꤚꤣꤧ ꤜꤢꤨ꤭ ꤕꤢ꤭꤯

ꤛꤥ꤭ꤟꤢ꤬ 9:33

ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ꤟꤢꤧ꤭ ꤊꤢꤩ꤬ꤗ꤫ꤢ꤬ꤒꤥ꤬ ꤟꤢꤩꤔꤣꤧ꤬ꤗꤢ꤬, ꤢ꤬ ꤗꤢꤩ꤬ꤡ꤫ꤢꤧ꤬ ꤒꤣ꤬ꤡꤣ꤬꤮ ꤒꤥ꤬,” ꤢ꤬ ꤟꤢꤩ ꤊꤢ꤬ꤋꤛꤢ꤭ꤏꤢꤦ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

ฟีลิปปี 4:17

ꤠꤢꤧ꤭ ꤗꤢꤧꤕꤢꤨ꤭ ꤘꤣ ꤢꤨ꤭ ꤊ꤫ꤢꤦ꤬ ꤘꤣꤧꤋꤚꤢ꤭ ꤠꤢꤧ꤭ ꤏꤢ꤭ꤛ꤫ꤢꤨ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤒꤢꤩ꤬ꤗꤢꤩ꤬ꤔ꤫ꤤ꤬ꤋꤝꤢꤊꤢꤩ꤬ ꤔꤣꤧ꤬ꤚꤣꤧ꤬ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤜꤣꤒꤣꤧ꤬ꤕꤜꤢꤩ꤬꤮ ꤘꤣ ꤞꤤ꤭ ꤊ꤫ꤢꤦ꤬ ꤗꤢꤩ꤬ ꤢꤩꤓꤢꤧ꤬ꤕ꤫ꤥ꤬ ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤟꤢꤨ ꤞꤤ꤭ ꤗꤢꤩ꤬ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤡꤣꤧꤒꤣꤧ꤬ꤕꤜꤢꤩ꤬꤮꤯

ꤚꤥꤗꤢꤩ꤬ 6:22

ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤏꤤ꤬ꤜꤥ ꤕꤜꤝꤢ꤭ꤓꤢꤩ꤬ꤡꤝꤢꤊꤢꤧ꤭ ꤟꤣꤧ ꤞꤤ꤭ ꤔꤢꤧ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ꤡ꤫ꤢꤦ꤬ ꤟꤣꤧ꤯ ꤚꤣꤧ꤬ ꤞꤤ꤭ ꤓꤝꤢ꤭ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤡ꤫ꤢꤦ꤬ ꤘꤣ ꤢ꤬ꤞꤢꤩ꤭ ꤒꤣꤧ꤬ꤟꤢꤩ꤬ ꤟꤣꤧ꤯ ꤘꤣ ꤞꤤ꤭ ꤓꤝꤢ꤭ꤟꤣꤧ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔ꤫ꤤ꤬ꤙꤝꤤꤔ꤫ꤤ꤬ꤒꤣꤧ꤬ꤚꤣꤧ꤭ ꤘꤣ ꤞꤤꤑꤢꤩ꤭ ꤗꤢ꤬ ꤗ꤫ꤢ꤬ꤟꤣꤧ ꤢ꤬ ꤞꤢꤨ꤭ꤡꤝꤢ ꤞꤤ꤭ ꤘꤣ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤢ꤬ ꤊꤜꤢꤧꤘꤢꤩ꤭ꤊꤢꤨ꤭ ꤣꤧ꤭ꤔꤣꤧ꤬ ꤟꤣꤧ꤯ ꤚꤣꤧ꤬ ꤘꤣ ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢ꤬ꤋꤚꤝꤢ꤭ ꤜꤢꤨ꤭ ꤋꤛꤢ꤭ ꤔꤢꤧ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤔ꤫ꤤ꤬ꤙꤝꤤ ꤟꤣꤧ ꤘꤣ ꤞꤤꤑꤢꤩ꤭ ꤗꤢ꤬ ꤗ꤫ꤢ꤬ꤟꤣꤧ ꤞꤤ꤭ ꤔ꤫ꤤ꤬ꤙꤢꤩ꤬ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤟꤣꤧ꤯

เพรโด่แนพู๊ เต๊เห่ 4:12

ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤡ꤫ꤢꤧ꤬ ꤕꤢꤩ꤬ ꤗꤢ꤬ ꤒꤢꤦꤖꤢꤧ ꤛꤢꤩ꤬ꤏꤛꤢꤨ ꤒꤣ꤬ꤖꤚꤢꤩ꤬ ꤖꤢꤧ꤯ ꤊꤣꤧ꤬ꤛꤢꤧ꤭ ꤢ꤬ꤚꤥ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤛꤢꤩ꤬ꤞꤤ꤭ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤙꤢ꤬ ꤜꤢꤪ꤭ ꤡꤣꤧ ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯”

โครินธ์ อาเหร่อเล๊อ ต๊าบ่า 12:12

ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ꤔꤣꤧ꤬ ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤥ꤬ꤢꤩ ꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤔ꤫ꤢꤩ꤬ꤊꤜ꤫ꤢꤪ꤬ ꤥ꤬ꤡꤢꤦ꤭ꤖꤢꤧ ꤜꤢꤨ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬꤮ ꤟ꤫ꤢꤨ꤬ ꤖꤢꤧ꤯ ꤞꤢꤧꤟꤢꤨꤔꤣꤧ꤬ꤟꤣꤧ ꤕꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ꤚ꤫ꤥ꤬ ꤥ꤬ꤢꤩ ꤔꤢꤧ꤬ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤓꤝꤢ꤭ ꤡꤢꤦ꤭ꤖꤢꤧ ꤜꤢꤨ꤭ ꤔ꤫ꤢꤩ꤬ ꤒꤣ꤬ꤖꤚꤢꤩ꤬ꤖꤚꤢꤩ꤬꤮ ꤟ꤫ꤢꤨ꤬ ꤖꤢꤧ꤯

เปโตร อาเหร่อเล๊อ ต๊าบ่า 2:4

ꤟꤢꤧ꤭ ꤜꤢ꤭ꤋꤢꤧ꤭ ꤘꤣ ꤙꤢꤧ꤬ꤡꤢꤩ꤬ ꤥ꤬ꤣꤧ꤭, ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤜ꤫ꤢꤪ꤬ꤞꤣꤧ꤭ꤖꤚꤢꤩ꤬ ꤒꤣ꤬ꤗꤢꤩ꤭ ꤘꤣ ꤢꤨ꤭ ꤒꤣꤧ꤬ꤔꤢꤩ꤬ ꤜꤢꤨ꤭ ꤔꤢꤧ ꤢ꤬ꤍꤢꤨ꤬ꤢ꤬ꤖꤚꤤ꤬ ꤥ꤬ꤒꤥ꤬, ꤚꤣꤧ꤬ ꤢꤨ꤭ ꤠꤤ꤭ꤊꤢꤧ꤭ ꤊꤢꤧ꤭ ꤜꤢꤨ꤭ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤖꤛꤢꤓꤢꤧ꤬ ꤋꤛꤢ꤭ꤞꤢꤧ ꤜꤢꤨ꤭ ꤚꤣꤧ꤬ ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬ ꤔꤢꤧ꤬ꤡꤣꤧ ꤘꤣ ꤜꤢꤨ꤭ꤑꤢꤩ꤭꤯

โครินธ์ อาเหร่อเล๊อ ต๊าบ่า 12:27

ꤊꤢꤨꤔ꤫ꤢꤧ꤬ꤣꤧ꤭, ꤜꤢꤪ꤭ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬, ꤞꤤ꤭ ꤓꤝꤢ꤭ ꤚ꤫ꤥ꤬ꤜꤢꤪ꤭ ꤜꤢꤨ꤭ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤒꤣ꤬ꤡꤣ꤬ꤡꤢꤦ꤭꤯ ꤚꤣꤧ꤬ ꤞꤤ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤋꤚꤢꤦ꤬ꤋꤚ꤫ꤢꤪ꤬ ꤒꤣ꤬ꤡꤣ꤬ꤡꤢꤦ꤭ ꤟꤣꤧ꤯

เอเฟซัส 5:9

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤒꤢꤩ꤬ꤜꤤ꤭ ꤢ꤬ ꤒꤢꤩ꤬ꤞꤢꤩ꤬ꤒꤢꤩ꤬ꤖꤥ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤜꤢꤪ꤭ ꤒꤢꤩ꤬ꤒꤝ꤫ꤢ꤬ꤒꤢꤩ꤬ꤚꤢꤧ, ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤔꤢꤧ ꤒꤢꤩ꤬ꤞꤤꤕꤜꤢꤪ꤬ ꤡꤢꤪꤡꤢꤦ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤟꤣꤧ꤯

โครินธ์ เนอบ่า ต๊าบ่า 9:10

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤖꤚꤢꤩ꤬ ꤘꤣ ꤢ꤬ ꤘꤣꤧꤒꤢ꤭ ꤕ꤫ꤢꤩ꤬ ꤖꤚꤢꤩ꤬ꤟꤢꤧ꤭ꤢꤩ꤬ꤊꤢꤨꤊꤜꤢꤩ꤭ ꤒꤣꤧ꤬ꤟꤢꤩ꤬ ꤒꤢꤩ꤬ꤊꤜꤝꤤ꤭ꤒꤢꤩ꤬ꤜꤝꤤ ꤘꤣ ꤢ꤬ ꤊ꤫ꤢꤦ꤬ ꤤ꤬ꤏꤢꤪꤤ꤬ꤕꤜꤢꤦ꤭ ꤢ꤬ꤑꤢꤩ꤭ ꤔꤢꤧ ꤜ꤫ꤢꤩ꤬ꤢꤩ꤬ꤜ꤫ꤢꤩ꤬ꤥ꤭ ꤢ꤬ꤑꤢꤩ꤭ ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤟꤣꤧ꤯ ꤟꤢꤨꤔꤣꤧ꤬ꤟꤣꤧ, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤞꤤ꤭ ꤜꤢꤪ꤭ ꤒꤢꤩ꤬ꤊꤜꤝꤤ꤭ ꤘꤣ ꤞꤤ꤭ ꤜ꤫ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤕꤢ꤭꤯ ꤒꤢꤩ꤬ꤊꤜꤝꤤ꤭ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤟꤣꤧ ꤜꤢꤪ꤭ ꤞꤤ꤭ ꤜ꤫ꤥ꤬ ꤗꤢꤩ꤬ꤚꤢꤧ ꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤔꤢꤪ꤭ ꤞꤢꤩ꤬ꤓꤢꤧ꤬ꤖꤥ꤭ꤓꤢꤧ꤬ ꤢꤩꤓꤢꤧ꤬ ꤔꤢꤧ ꤢꤩꤓꤢꤧ꤬ ꤊꤣꤧ꤭ꤕ꤫ꤥ꤬ꤘꤢꤦ꤬ ꤞꤤ꤭ ꤒꤢꤩ꤬ꤞꤢꤩ꤬ꤒꤢꤩ꤬ꤖꤥ꤭ ꤕꤢ꤭꤯ ꤞꤤ꤭ ꤒꤢꤩ꤬ꤞꤢꤩ꤬ꤒꤢꤩ꤬ꤖꤥ꤭ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤜꤢꤪ꤭ ꤒꤢꤩ꤬ꤚꤢꤧ ꤘꤣ ꤢ꤬ ꤟꤢꤧ꤭ ꤘꤣ ꤞꤤ꤭ ꤒꤢꤩ꤬ꤞꤤꤕꤜꤢꤪ꤬ꤏꤝꤢ꤬ ꤘꤣꤧꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤔꤣꤧ꤬ ꤟꤣꤧ꤯

โคโลสี 1:6

ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤒꤢꤩ꤬ꤏꤢꤪ꤭ꤚꤤ꤬ ꤚꤣꤧ꤬ ꤢ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤜꤢꤪ꤭ꤟꤣꤧ ꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤟꤣꤧ꤯ ꤢ꤬ ꤜꤥ꤭ꤕꤣꤧ꤬ꤏꤤ꤭ꤡꤝꤢ ꤚꤣꤧ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤒꤢꤩ꤬ꤏꤢꤪ꤭ꤚꤤ꤬ ꤞꤢꤧꤔꤢꤧ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤕ꤫ꤢꤩ꤬ꤟꤣꤧ ꤞꤤ꤭ ꤙꤣꤧ ꤞꤤ꤭ ꤔ꤫ꤤ꤬ꤟꤥ꤭ ꤚꤣꤧ꤬ ꤞꤤ꤭ ꤞꤤꤑꤢꤩ꤭ꤕꤜꤥ꤭ꤟꤢꤧ꤭ ꤟꤣꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤗ꤫ꤢ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤟꤣꤧ꤯

ꤚꤥꤗꤢꤩ꤬ 12:5

ꤟꤢꤨꤔꤣꤧ꤬ꤟꤣꤧ ꤕꤢꤩ꤬ ꤥ꤬ꤚ꤫ꤥ꤬ꤥ꤬ꤢꤩ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤓꤝꤢ꤭ꤓꤢꤧ꤬ꤟꤣꤧ ꤜꤢꤨ꤭ ꤔ꤫ꤢꤩ꤬ꤒꤣ꤬ꤖꤚꤢꤩ꤬ꤡꤢꤦ꤭ ꤘꤣ ꤋꤚꤤ ꤢ꤬ꤊꤢꤨ꤭ꤟꤣꤧ꤯ ꤕꤢꤩ꤬ ꤥ꤬ꤡ꤫ꤢꤩ꤬ꤡꤢꤦ꤭ꤒ꤫ꤣ꤬ ꤜꤢꤪ꤭ꤟꤣꤧ ꤜꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ꤟꤣꤧ꤯

โครินธ์ อาเหร่อเล๊อ ต๊าบ่า 10:16

ꤙꤣꤧ ꤕꤢꤩ꤬ ꤢꤩ꤬ꤥ꤭ ꤚ꤫ꤥ꤬ꤜꤢꤨ꤭ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤒꤢꤩ꤬ꤢꤩ꤬ꤥ꤭ ꤗ꤫ꤢꤪ꤬ꤟꤢꤩ ꤢ꤬ꤋꤢꤩ꤭ ꤚꤣꤧ꤬ ꤕꤢꤩ꤬ ꤊꤝꤤ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤢ꤬ ꤊ꤫ꤢꤦ꤬ ꤏꤢꤪ꤭ꤚꤤ꤬ꤏꤢꤪ꤭ꤙꤢꤨ꤭ ꤎꤢ꤬ꤕꤛꤤꤓꤣꤧ꤭ꤙꤢꤩ꤭ ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤜꤥ꤭ ꤟꤣꤧ ꤔꤢꤧ ꤘꤣ ꤋꤚꤤ ꤢ꤬ꤞꤝꤤ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤓꤝꤢ꤭ꤓꤢꤧ꤬ ꤒꤣ꤬ꤡꤣ꤬ꤡꤢꤦ꤭ ꤖꤢꤧ ꤜꤢꤨ꤭ ꤔꤢꤧ ꤢ꤬ ꤟꤣꤧ ꤗ꤫ꤢ꤬ꤒꤥ꤬ ꤟꤢꤧ꤭? ꤟꤢꤨꤔꤣꤧ꤬ꤟꤣꤧ ꤙꤣꤧ ꤕꤢꤩ꤬ ꤙꤤ꤬ꤊꤛꤢ꤭ ꤋꤢꤪꤗꤢꤨ꤭ ꤚꤣꤧ꤬ ꤕꤢꤩ꤬ ꤢꤩ꤬ ꤢ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤣꤧꤜꤥ꤭ ꤟꤣꤧ ꤔꤢꤧ ꤕꤢꤩ꤬ ꤓꤝꤢ꤭ꤓꤢꤧ꤬ ꤒꤣ꤬ꤡꤣ꤬ꤡꤣ꤬꤮ ꤟ꤫ꤢꤨ꤬ ꤖꤢꤧ ꤜꤢꤨ꤭ ꤔꤢꤧ ꤋꤚꤤ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤟꤣꤧ, ꤗ꤫ꤢ꤬ꤒꤥ꤬ ꤟꤢꤧ꤭?

มัทธิว 13:21

ꤗꤢ꤬ꤔꤢꤧꤚꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ ꤜꤢ꤭ꤋꤢꤧ꤭ ꤒꤣꤧ꤬ꤕꤜꤣ꤬ꤟꤢꤨ ꤖꤢꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤔꤣꤧ꤬, ꤢ꤬ ꤔꤥ꤭ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤘꤣ ꤛꤢꤩ꤬ꤞꤤ꤭ ꤞꤤꤕꤜꤢꤪ꤬ꤊꤢꤨ꤭ ꤒꤥ꤬꤯ ꤘꤣ ꤛꤢꤩ꤬ꤞꤤ꤭ ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤋꤢꤧꤙꤢꤩ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭, ꤒꤢꤩ꤬ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤚꤣꤧ꤬ ꤢ꤬ ꤠꤤ꤭ꤊꤢꤧ꤭ ꤋꤛꤢ꤭ꤞꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬꤯