ꤛꤥ꤭ꤟꤢ꤬ 12:6 - Eastern Kayah Shadaw Dialect

⁶ ꤢ꤬ ꤞꤤꤛꤢꤪ꤬ꤚꤣꤧ ꤗ꤫ꤢ꤬ꤔꤤꤔꤢꤧ꤬ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤚꤣꤧ꤬ ꤢ꤬ ꤟꤢꤩ ꤟꤢꤨꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤢ꤬ ꤢ꤬ ꤓꤝꤢ꤭ ꤖꤚꤢꤩ꤬ꤢꤩ꤬ꤟꤥ꤬꤯ ꤢ꤬ ꤙꤢꤩ꤬ ꤕ꤫ꤢꤦ꤬ ꤕ꤫ꤢꤩ꤬ ꤢꤨ꤭ ꤚꤢꤦ꤭, ꤏꤢ꤭ꤕ꤫ꤢꤩ꤬ ꤢꤨ꤭ ꤚꤢꤦ꤭ꤕꤛꤢ꤭ ꤚꤣꤧ꤬ ꤢ꤬ ꤙꤢꤪꤖꤛꤢꤟꤥ꤬ ꤒꤣꤧ꤬ꤗꤥ꤭ꤗꤥ꤭ ꤚꤢꤦ꤭ ꤚꤣꤧ꤬ ꤢ꤬ ꤔꤢꤪ꤭ꤢꤩ꤬ ꤚꤣꤧꤘꤢꤦ꤬ ꤔꤢꤧ ꤢ꤬ꤑꤢꤩ꤭ꤖꤢꤧ꤯

ลีเทส่อพ๊าอาเซ เร๊อ เห่ขุทวาลู๊

⁶ อา ซิยอเร๊อ หม่าแหน่ แกแย โซพ๊าโซแรพู๊ เร๊อ อา เฮ๊ ฮู๊เออเนอ หม่าโต่, เมเตเฮ๊เรอ อา หม่า อาทวา เพรเอ่โห่. อา เบ่ กู๊กลอ เป่ อู รือ, ชาเป่ อู รือปยา เร๊อ อา บ๊อพย๊าโห่ โตโมโม รือ เร๊อ อา นอเอ่ เกอเร๊อดื่อ เร๊อ อาเงแพ๊.

ꤛꤥ꤭ꤟꤢ꤬ 12:6 ပူးပေါင်းရင်းမြစ်များ

ꤛꤥ꤭ꤟꤢ꤬ 13:29

ꤋꤢꤨ꤭ꤛꤢꤨꤘꤢ꤬ ꤜꤢ꤭ ꤕ꤫ꤢꤦ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ꤚꤢꤦ꤭ ꤋꤝꤢ꤬ꤋꤛꤢ꤭, ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤖꤢꤧ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤔꤢꤪ꤭ꤡꤝꤢ ꤤ꤬ꤖꤚꤤ꤬ ꤜꤢꤨ꤭ ꤔꤢꤧ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ ꤔꤢꤧ ꤕꤝꤢꤩ꤬ꤘꤢꤨ꤬ꤣꤧ꤭ ꤢ꤬ꤑꤢꤩ꤭ ꤒꤥ꤬ꤗꤢ꤬ꤔꤢꤧ ꤢ꤬ ꤔꤢꤪ꤭ꤡꤝꤢ ꤘꤣꤧ ꤜꤢꤨ꤭ ꤔꤢꤧ ꤊꤣꤧ꤬ꤛꤢꤧ꤭ ꤏꤥ꤭ꤚꤢꤧ꤬ꤏꤥ꤭ꤖꤢꤖꤢꤨ ꤒꤣꤧ꤬ꤟꤢꤩ꤬ ꤒꤢꤩ꤬ꤒꤣ꤬ꤡꤣ꤬ꤡꤣ꤬ ꤖꤢꤧ, ꤢ꤬ ꤒꤣꤧ꤬ꤔꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬꤯

ꤡꤛꤢꤩ꤭ꤗꤢ꤬ꤎꤣ꤬ 2:6

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤞꤤ꤭ ꤘꤢꤧ꤬ꤛ꤫ꤢꤦ꤬ꤘꤢꤧ꤬ꤔ꤫ꤢꤧ꤬ ꤚꤣꤧ ꤊꤣꤧ꤭ ꤛꤢꤩ꤬ꤞꤤ꤭ ꤒꤥ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤞꤤ꤭ ꤔꤣꤧ꤬ꤗꤢ꤬ ꤊꤣꤧ꤬ꤛꤢꤧ꤭ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ꤖꤢꤨ ꤒꤣꤧ꤬ꤟꤢꤩ꤬ꤔꤣꤧ꤬ ꤖꤢꤧ꤯ ꤖꤚꤢꤩ꤬ ꤘꤣ ꤢ꤬ ꤡꤝꤤ꤬ꤟꤢꤧ꤭ ꤞꤤ꤭ ꤘꤣ ꤖꤚꤢꤩ꤬ꤡꤢꤧ꤬ꤒꤥ꤭ꤙꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ꤗꤢ꤬ ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤡꤛꤢꤩ꤭ꤗꤢ꤬ꤎꤣ꤬ 2:2

ꤟꤢꤩꤊꤥꤚꤣꤧ ꤙꤣꤧ ꤞꤤ꤭ ꤟꤢꤧ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤕꤜꤢꤪ ꤜꤢꤨ꤭ ꤢ꤬ꤋꤢꤩ꤭, ꤊꤣꤧ꤬ꤛꤢꤧ꤭ ꤞꤤꤔꤣꤧ꤭ ꤊꤢꤩ꤬ ꤟꤢꤧ꤭ꤔꤥ꤭ ꤘꤣ ꤞꤤ꤭ꤊꤜꤢꤩ꤭, ꤚꤣꤧ꤬ ꤒꤣ꤬ꤖꤚꤢꤩ꤬ ꤚꤣꤧ꤬ ꤢ꤬ ꤊꤢꤦ꤭ꤞꤢꤧ ꤟꤣꤧ꤬ꤡꤢ꤬ ꤘꤣ ꤢ꤬ꤍꤢꤨ꤬ꤘꤢꤨ꤬ꤖꤚꤤ꤬ꤘꤢꤨ꤬, ꤢ꤬ ꤒꤣꤧ꤬ꤕꤜꤥꤔ꤫ꤤ꤬ ꤊꤢꤨꤔꤢꤪ꤭ꤒꤣꤧ꤬ꤕꤜꤥꤓꤢꤩ꤭ ꤒꤣꤧ꤬ꤟꤢꤩ꤬, ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤚꤣꤧ꤬ ꤢ꤬ ꤏꤥ꤭ꤖꤢꤏꤥ꤭ꤚꤢꤧ꤬ ꤚꤣꤧ꤬ ꤢ꤬ ꤊꤢꤦ꤭ꤞꤢꤧ ꤔ꤫ꤤ꤬ ꤖꤢꤧ ꤟꤣꤧ꤬ꤡꤢ꤬ꤛꤢꤩ꤭ ꤖꤢꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:22

ꤡꤝꤢꤠꤢꤪ꤬ ꤋꤢꤩ꤭ꤠꤢꤪ꤬ꤊꤢꤧ꤭ ꤜꤢ꤭ꤋꤢꤧ꤭ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤕꤝꤢ꤭꤮ ꤒꤣ꤬ꤡꤣ꤬ ꤔꤤ꤮꤯

ꤊꤢ꤬ꤜꤢ꤬ꤒꤤ 2:10

ꤒꤢꤦ ꤒꤢꤩ꤬ꤒꤣ꤬ꤡꤣ꤬ ꤘꤣ ꤛꤢꤩ꤬ꤞꤤ꤭ ꤞꤤꤛ꤫ꤢꤦ꤬ ꤔꤢꤪ꤭ꤗꤢꤩ꤬ ꤕꤢꤩ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤖꤢꤧꤒꤢꤦ ꤕꤢꤩ꤬ ꤊ꤫ꤢꤦ꤬ ꤏꤥ꤭ꤒꤣꤧ꤬ꤕꤢ꤬ ꤗꤢꤩ꤬ꤡꤝ꤫ꤢ꤬ ꤒ꤫ꤢꤧ꤬ ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤖꤢꤧ꤯ ꤣꤧ꤭ꤔꤣꤧ꤬ꤗꤢ꤬ ꤒꤢꤩ꤬ꤒꤣ꤬ꤡꤣ꤬ ꤘꤣ ꤠꤢꤧ꤭ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤔꤢꤧ꤭ ꤘꤢꤦ꤬ꤟꤣꤧ ꤔꤣꤧ꤬ꤖꤢꤧ꤯

โครินธ์ อาเหร่อเล๊อ ต๊าบ่า 6:10

ꤓꤥ꤭ꤒꤥ꤬ ꤊꤣꤧ꤬ꤛꤢꤧ꤭ ꤢꤩ꤬ꤟꤥ꤬ꤢꤩ꤬ꤟꤤ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤗꤢꤧꤕꤢꤨ꤭ ꤊꤢꤨꤠ꤫ꤢ꤬ꤊꤢꤨꤠꤢꤩ꤭ ꤢꤩ꤬ ꤚꤣꤧꤘꤢꤦ꤬ ꤑꤢꤩ꤭ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤢꤩ꤬ꤗꤢꤦ꤬ꤥ꤭ꤖꤚꤢꤧ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤘꤢꤧꤗꤣꤧ꤬ꤓ꤫ꤣꤧ꤬ꤛꤥ꤬ ꤢꤨ꤭, ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤣꤧ꤬ꤟꤥ꤭ꤢꤩ꤬ ꤢꤨ꤭ ꤚꤢꤦ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ ꤔ꤫ꤤ꤬ ꤡ꤫ꤢꤧ꤬ ꤊꤣꤧ꤭ꤢꤨ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤓꤣꤧ꤭ꤖꤢꤨꤊ꤫ꤢꤩ꤬ꤖꤢꤨ ꤘꤣ ꤜꤢꤨ꤭ꤓꤣꤧ꤭ꤜꤢꤨ꤭ꤊ꤫ꤢꤩ꤬ꤊꤢꤨ꤭ ꤒꤥ꤬꤯

ꤛꤥ꤭ꤟꤢ꤬ 10:13

ꤖꤚꤢꤩ꤬ ꤘꤢꤧ꤬ꤊꤢꤩ꤬ꤊꤢꤩ꤭ꤢꤩ꤬ ꤞꤤꤗꤤ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤓꤢꤩ꤬ꤊꤜꤢꤧ꤬ ꤒꤣꤧ꤬ꤖꤢ꤭ꤊꤢꤧ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤗꤥ꤬ ꤚꤣꤧꤘꤢꤦ꤬ ꤞꤤꤗꤤ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤥ꤬꤯

มัทธิว 21:13

ꤓꤥ꤭ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩ ꤔꤢꤧ, ‘ꤠꤢꤧ꤭ꤟꤤ꤬ ꤗꤢ꤬ ꤢꤨ꤭ ꤊ꤫ꤢꤦ꤬ ꤢꤩ ꤔꤢꤧ ꤒꤢꤩ꤬ꤡꤢꤪꤙꤢꤩ꤭ ꤢ꤬ꤟꤤ꤬,’ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤡꤝꤢ ꤔꤢꤪ꤭ꤓꤝꤢ꤭ ꤜꤢꤪ꤭ꤟꤣꤧ ꤠꤢꤧ꤭ꤖꤢꤩ꤭ ꤢ꤬ꤟꤤ꤬ ꤔꤢꤧ ‘ꤖꤚꤢꤩ꤬ꤢꤩ꤬ꤟꤥ꤬ꤢꤩ꤬ꤟꤤ ꤜ꤫ꤢꤩ꤬ꤥ꤬ꤠꤢꤥ꤬ ꤢ꤬ꤜ꤫ꤢꤩ꤬ꤥ꤬ ꤟꤣꤧ꤯’”

ꤜꤢꤨꤊꤢ꤬ 8:3

ꤓꤥ꤭ꤚꤣꤧ꤬ ꤋꤢꤨ꤭ꤋꤢꤨꤎꤢ ꤘꤣ ꤢ꤬ ꤗꤢꤧꤡꤢꤧ꤬ꤚꤣꤧ ꤕ꤫ꤢꤩ꤬ ꤋꤝꤤꤟꤢꤩ꤬ꤚꤥ꤬ ꤢ꤬ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤘꤣ ꤡꤢꤪꤖꤢꤧ꤬ ꤟꤥ꤭ꤊꤢꤨ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤗꤢꤩ꤭ ꤗ꤫ꤥ꤬ꤡꤛꤥ꤬ꤝꤢ꤭ꤔꤢ꤬ ꤔꤢꤧ ꤗꤢꤪ꤬ꤎꤢꤨ꤬ꤞꤢꤧꤔꤢ꤬ ꤔꤢꤧ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤋꤚꤝꤢ꤭ꤡꤝꤢ ꤕ꤫ꤢ꤬ ꤢꤩꤜꤥ꤬ꤊꤣꤧ꤭ ꤜꤢꤨ꤭꤯ ꤖꤚꤢꤩ꤬ꤗꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤗꤢꤩ꤬ꤡꤝ꤫ꤢ꤬ꤖꤛꤢꤡꤝ꤫ꤢ꤬ ꤚꤣꤧ ꤛꤢꤩ꤬ꤏꤛꤢꤨ ꤔꤢꤧ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ꤚꤣꤧ꤬, ꤛꤢꤩ꤬ꤞꤤ꤭ ꤜꤢꤪ꤭ꤊꤢꤧ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤚꤢꤦ꤭ꤢ꤬ꤓꤢꤩ꤭ ꤚꤣꤧ꤬ ꤢ꤬ ꤋꤚꤝꤢ꤭ꤡꤝꤢꤊꤣꤧ꤭ ꤛꤢꤩ꤬ꤞꤤ꤭ ꤢ꤬ꤋꤛꤢ꤭꤯