ꤛꤥ꤭ꤟꤢ꤬ 11:52 - Eastern Kayah Shadaw Dialect

⁵² ꤓꤥ꤭ꤚꤣꤧ꤬ ꤢ꤬ ꤒꤢꤩ꤬ꤟꤢꤩꤖꤚꤥ꤬ ꤣꤧ꤭ꤔꤣꤧ꤬, ꤢ꤬ ꤒꤥ꤭ꤖꤢꤧꤒꤢꤦ ꤛꤢꤩ꤬ꤏꤛꤢꤨ ꤊ꤫ꤢꤦ꤬ ꤞꤣꤧ꤭ ꤕ꤫ꤢꤩ꤬ ꤘꤣ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤣꤧ꤬ꤗ꤫ꤢ꤬ꤒꤥ꤬, ꤢ꤬ ꤊ꤫ꤢꤦ꤬ ꤞꤣꤧ꤭ꤒ꤫ꤥ꤬ ꤕ꤫ꤢꤩ꤬ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤘꤣ ꤢ꤬ ꤥ꤬ ꤜꤢ꤭ꤋꤢꤧ꤭ ꤘꤣ ꤓꤣꤧ꤭ꤊ꤫ꤢꤩ꤬ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤑꤢꤩ꤭꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣ꤬ꤗꤢꤨ꤬ꤡꤢꤦ꤭ ꤕꤢ꤭ ꤢ꤬ꤑꤢꤩ꤭ꤔꤣꤧ꤬, ꤢꤨ꤭ ꤙꤢꤩ꤬ ꤗꤢꤩ꤬ꤞꤣꤧ꤭ ꤜꤢꤨ꤭ ꤕꤢ꤭꤯

ลีเทส่อพ๊าอาเซ เร๊อ เห่ขุทวาลู๊

⁵² โทเรอ อา เตเฮ๊โพร เออเนอ, อา โตแพ๊ตื่อ เหย่ซู่ เก่ เซอ เป่ เด๊อ แกแยยิวพู๊ เต๊เห่ อาเง เนอหม่าโต่, อา เก่ เซอโต่ เป่เกอ จอแปแหร่ อาพู๊อาเลอ โอ่ แลแค เด๊อ เทอเก่ อาโร เต๊เห่ อาเงเง. แซ่ฮู๊ อา เก่ เมทวาแถ่ แกแย เออเต๊เห่ ตู๊หมู่หมู๋ แพ๊ ปา อาเงเนอ, อู เบ่ เมเซอ ลู ปา.

ꤛꤥ꤭ꤟꤢ꤬ 11:52 ပူးပေါင်းရင်းမြစ်များ

ꤛꤥ꤭ꤟꤢ꤬ 10:16

ꤠꤢꤧ꤭ ꤞꤤꤗꤤ꤬ ꤘꤣ ꤢ꤬ꤚꤥ꤬ ꤘꤣ ꤢ꤬ ꤥ꤬ ꤙꤣꤧ ꤢ꤬ꤕꤥ꤬ꤊꤢꤨ꤭ ꤣꤧ꤭ꤒꤥ꤬ꤔꤣꤧ꤬ ꤢ꤬ ꤥ꤬ꤕꤢ꤬ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤙꤢꤩ꤬ ꤢꤩꤊꤢ꤬ ꤊꤣꤧ꤭ ꤛꤢꤩ꤬ꤞꤤ꤭ ꤕꤢ꤭꤯ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤘꤢ꤭ꤊꤣꤧ꤭ ꤠꤢꤧ꤭ꤍ꤫ꤥ꤬ ꤕꤢ꤭, ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤊꤢ꤬ ꤓꤝꤢ꤭ ꤒ꤫ꤣ꤬ ꤜꤢꤪ꤭ ꤜꤢꤨ꤭ ꤞꤤꤗꤤ꤬ ꤒꤣ꤬ꤗꤢꤨ꤬ꤡꤢꤦ꤭, ꤖꤚꤢꤩ꤬ꤊꤢꤩ꤭ꤞꤤꤗꤤ꤬ ꤢ꤬ ꤙꤢꤧ꤬ꤡꤢꤩ꤬ ꤒꤣ꤬ꤖꤚꤢꤩ꤬ꤡꤢꤦ꤭ ꤕꤢ꤭꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤣꤧ꤭ꤔꤣꤧ꤬ꤚꤣꤧ꤬ ꤋꤚꤤ ꤋꤢꤧꤞꤣꤧ꤭ꤓꤥ꤭ꤟꤣꤧ ꤢ꤬ꤔ꤫ꤢꤩ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤒꤢꤦꤖꤢꤧ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤒꤢꤦꤘꤢꤦ꤬ ꤢ꤬ꤑꤢꤩ꤭ꤔꤣꤧ꤬ ꤗ꤫ꤢ꤬ꤒꤥ꤬, ꤢ꤬ ꤕꤜꤝꤢ꤭ꤊꤢꤧ꤭ ꤒ꤫ꤥ꤬ꤕ꤫ꤢꤩ꤬ꤊꤣꤧ꤭ꤘꤢꤦ꤬ ꤜꤢꤪ꤭ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬꤯

เปโตร อาเหร่อเล๊อ ต๊าบ่า 1:1

ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤜꤤ꤬ꤣꤧ꤭ ꤘꤣ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤝꤢꤓꤢꤧ꤬ ꤜꤢꤨ꤭ ꤚꤣꤧ꤬ ꤢ꤬ ꤡꤝꤢ ꤥ꤬ꤊꤥ ꤒꤣꤧ꤬ꤕꤜꤣ꤬ꤒꤣꤧ꤬ꤕꤜꤢꤧ, ꤢ꤬ ꤡꤝꤢ ꤓꤝꤢ꤭ ꤞꤤꤖꤚ꤫ꤢꤩ꤬ ꤘꤣ ꤢꤨ꤭ꤓꤣꤧ꤭ꤢꤨ꤭ꤊ꤫ꤢꤩ꤬, ꤚꤣꤧ꤬ ꤢ꤬ ꤥ꤬ ꤕꤣꤧ꤬ꤏꤤ꤭ꤡꤝꤢ ꤜꤢꤪ꤭ ꤘꤣ ꤢ꤬ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤘꤣ ꤕꤢꤪ꤬ꤒꤢꤨꤊ꤫ꤢꤩ꤬, ꤊꤢ꤬ꤜꤢ꤬ꤒꤤꤊ꤫ꤢꤩ꤬, ꤊꤢ꤬ꤕꤢ꤬ꤘꤢ꤬ꤊꤤꤊ꤫ꤢꤩ꤬, ꤢ꤬ꤏꤛꤢꤊ꤫ꤢꤩ꤬ ꤔꤢꤧ ꤙꤤ꤬ꤞꤢꤨ꤬ꤔꤤꤊ꤫ꤢꤩ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ, ꤠꤢꤧ꤭ ꤗꤢ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣ꤬ꤖꤚꤢꤩ꤬꤯

เตเด๊อะโลแถ่ 5:9

ꤛꤢꤩ꤬ꤞꤤ꤭ ꤤ꤬ꤚꤥ꤭ ꤜꤤ꤬ꤤ꤬ꤚꤥ꤭ ꤢ꤬ꤞꤢꤩ꤭ ꤒꤣ꤬ꤒ꤫ꤥ꤬ ꤔꤢꤧ, “ꤔꤢꤧ꤬ ꤊꤢꤪ꤬ꤘꤢꤦ꤬ꤟꤣꤧ ꤔꤢꤧ ꤔꤢꤧ꤬ ꤊ꤫ꤢꤦ꤬ ꤖꤛꤢ ꤜꤤ꤬ꤒꤣꤧ꤬ꤜꤢꤨ꤭ꤣꤧ꤭ ꤚꤣꤧ꤬ ꤡꤢꤨꤢꤊꤢꤧ꤭ ꤒꤢꤩ꤬ꤗꤢꤩ꤬ꤗꤢꤗꤢꤩ꤬ꤒꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢꤨ꤭ ꤗꤢꤩ꤬ꤞꤣꤧ꤭ ꤓꤥ꤭ꤟꤣꤧ ꤔꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ ꤔꤣꤧ꤬ ꤔꤢꤧ꤬ ꤤ꤬ꤓꤢ꤬ꤊꤢ꤬ꤟꤣꤧ ꤛꤢꤩ꤬ꤞꤤ꤭ ꤔꤢꤧ ꤔꤢꤧ꤬ꤞꤝꤤ꤬ ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤘꤣ ꤢ꤬ ꤥ꤬ ꤘꤣ ꤊꤣꤧ꤬ꤛꤢꤧ꤭ ꤕꤝꤢ꤭ꤒꤣ꤬ꤗ꤫ꤥ꤬, ꤍ꤫ꤥ꤬ ꤕꤝꤢ꤭ꤒꤣꤧ꤬ꤍ꤫ꤥ꤬, ꤗꤤ꤭ꤡꤣ꤬ ꤕꤝꤢ꤭꤮ ꤒꤣ꤬ꤡꤣ꤬ ꤔꤢꤧ ꤊ꤫ꤢꤩ꤬ ꤕꤝꤢ꤭ꤒꤣ꤬ꤊ꤫ꤢꤩ꤬ ꤢ꤬ꤊꤜꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤔꤢꤧ꤬ ꤤ꤬ꤓꤢ꤬ꤊꤢ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬꤯

ꤚꤥꤗꤢꤩ꤬ 3:29

ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤛꤢꤨꤘꤢ꤬ꤖꤢꤨ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤒꤢꤦꤘꤢꤦ꤬ꤖꤢꤧ ꤟꤢꤧ꤭? ꤗꤢ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤒ꤫ꤥ꤬ꤊꤣꤧ꤭ ꤘꤢꤦ꤬ꤒꤥ꤬ ꤟꤢꤧ꤭? ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤮ ꤗꤢ꤬ ꤢ꤬ꤗ꤫ꤢ꤬ꤗ꤫ꤢ꤬꤯

ꤜꤢꤨꤊꤢ꤬ 2:32

ꤢ꤬ ꤗꤢ꤬ ꤒꤢꤩ꤬ꤜꤤ꤭ ꤒꤣ꤬ꤗꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ꤓꤢꤧ꤬ ꤕ꤫ꤢꤩ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤢ꤬ ꤖꤛꤢꤟꤢꤧ꤭ꤔ꤫ꤤ꤬ ꤕ꤫ꤢꤩ꤬ ꤒꤢꤩ꤬ꤏꤢꤪ꤭ꤚꤤ꤬ ꤘꤣ ꤔꤢꤧ꤬ ꤗꤤ꤭ꤡꤣ꤬ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤥ꤬꤯”

ꤡꤛꤢꤩ꤭ꤗꤢ꤬ꤎꤣ꤬ 1:1

ꤠꤢꤧ꤭ ꤗꤢ꤬ ꤋꤢꤨ꤭ꤡꤛꤢꤩ꤭ꤗꤢ꤬ꤎꤣ꤬, ꤠꤢꤧ꤭ ꤓꤝꤢ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬꤯ ꤠꤢꤧ꤭ ꤟꤢꤩꤗꤥ꤬ꤟꤢꤩꤚꤢꤧ ꤡꤝꤢ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤊꤜꤝꤤ꤭ꤜꤢꤧ꤭ ꤏꤣꤧꤔꤣꤧ꤭ꤗ꤫ꤥ꤬ ꤘꤣ ꤢ꤬ ꤡꤝꤢꤥ꤬ꤕꤣꤧ꤬ꤏꤤ꤭ ꤜꤢ꤭ꤋꤢꤧ꤭ ꤘꤣ ꤜ꤫ꤢꤩ꤬ꤥ꤬ ꤕꤝꤢ꤭꤮ ꤒꤣ꤬ꤖꤥ꤬ ꤒꤣꤧ꤬ꤟꤢꤩ꤬ ꤢ꤬ꤥ꤬꤯

เอเฟซัส 3:11

ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤜꤢꤧ꤬ ꤓꤥ꤭ꤟꤣꤧ ꤢ꤬ꤞꤤꤕꤜꤢꤪ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤟꤢꤨꤣꤧ꤭ ꤔꤣꤧ꤬ꤗꤢ꤬ ꤘꤣ ꤢ꤬ ꤙꤢꤧꤜꤢꤧ꤬ ꤒꤢꤧ꤬ꤜꤢ꤭ꤟꤤ ꤟꤢꤩ꤬ꤋꤢꤨ꤬ꤒꤥ꤬ ꤢ꤬ꤋꤢꤩ꤭ ꤕꤢ꤬ ꤡꤣꤧ꤯ ꤊꤢꤨꤔ꤫ꤢꤧ꤬ꤣꤧ꤭ ꤘꤣ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤗꤢꤩ꤬ꤕꤜꤢꤦꤗꤢꤩ꤬ꤓꤥ꤭ꤊꤢꤧ꤭ ꤕ꤫ꤢꤩ꤬ ꤜꤢꤪ꤭ꤟꤣꤧ ꤕꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤜꤣꤗꤢꤩ꤬ꤙꤢ꤭ ꤕ꤫ꤢꤩ꤬ꤟꤣꤧ ꤢ꤬ ꤒꤢꤩ꤬ꤒꤣꤧ꤬ꤚꤤ꤬ ꤥ꤬ꤔꤢꤩ꤬ ꤣꤧ꤭ꤔꤣꤧ꤬ꤟꤣꤧ꤯

เอเฟซัส 1:5

ꤡꤢꤪꤗꤣꤧ꤬ꤚꤢꤧ꤬ ꤜꤢ꤭ ꤗꤥ꤬ꤚꤣꤧ ꤕꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤘꤣ꤮ ꤢ꤬ ꤙꤢꤧꤜꤢꤧ꤬ ꤒꤢꤧ꤬ꤜꤢ꤭ꤟꤤ ꤟꤢꤩ꤬ꤋꤢꤨ꤬ ꤢ꤬ꤋꤢꤩ꤭ꤒꤥ꤬ ꤕꤢ꤬ ꤡꤣꤧ ꤢ꤬ ꤘꤢꤧ꤬ꤜꤢꤧ꤬ ꤓꤥ꤭ꤟꤣꤧ ꤢ꤬ꤞꤤꤕꤜꤢꤪ꤬ ꤔꤢꤧ ꤢ꤬ ꤊ꤫ꤢꤦ꤬ꤤꤊ꤫ꤢꤦ꤬ꤙꤥ꤬ ꤟꤣꤧ ꤕꤢꤩ꤬ ꤟꤢꤨ ꤢ꤬ꤖꤢꤨꤢ꤬ꤜꤣꤧ꤬ ꤔꤢꤧ ꤢ꤬ꤔ꤫ꤢꤩ꤬ꤔꤣꤧ꤬ ꤕꤢ꤭, ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤟꤢꤨꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤔꤢꤪ꤭ꤗꤢꤩ꤬ ꤘꤤ꤭ꤒ꤫ꤢꤦ꤬ ꤔꤢꤧ ꤛꤢꤩ꤬ꤏꤛꤢꤨꤋꤚꤤ ꤕꤢ꤭꤯ ꤢ꤬ ꤗꤢꤩ꤬ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤘꤢꤦ꤬ꤖꤢꤧ ꤡꤢꤨ꤮ ꤢ꤬ꤞꤤꤕꤜꤢꤪ꤬ ꤞꤤꤛ꤫ꤢꤦ꤬ ꤗꤢꤩ꤬ꤚꤣꤧꤘꤢꤦ꤬ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤚꤣꤧꤘꤢꤦ꤬ ꤖꤢꤧ꤯

ꤚꤥꤗꤢꤩ꤬ 4:17

ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤥ꤬ꤔꤢꤩ꤬ ꤔꤢꤧ, “ꤠꤢꤧ꤭ ꤔꤢꤪ꤭ꤓꤝꤢ꤭ꤓꤢꤧ꤬ ꤟꤣꤧ ꤔꤢꤧ꤬ ꤔꤢꤧ ꤗꤤ꤭ꤡꤣ꤬ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤢ꤬ꤖꤢꤩ꤭ ꤟꤣꤧ꤯” ꤢ꤬ ꤓꤝꤢ꤭ ꤕ꤫ꤢꤩ꤬ ꤕꤢꤩ꤬ꤖꤢꤩ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤟꤣꤧ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤛ꤫ꤢꤦ꤬ꤢꤩ꤬ꤚꤣꤧꤘꤢꤦ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯ ꤢ꤬ ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤊꤣꤧ꤬ꤛꤢꤧ꤭ꤞꤣꤧ꤭, ꤓꤥ꤭ꤒꤥ꤬ ꤢ꤬ ꤟꤢꤩꤒꤢ꤭ ꤖꤢꤧ ꤢ꤬ꤍ꤫ꤥ꤬ ꤒꤣ꤬ꤗꤢꤦ꤭ ꤖꤢꤧ ꤚꤣꤧ꤬ ꤒꤢꤩ꤬ ꤘꤣ ꤢ꤬ ꤥ꤬ ꤜꤢ꤭ꤟꤤꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤓꤝꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤡꤣꤧ꤯

เพรโด่แนพู๊ เต๊เห่ 18:10

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤔꤢꤧ꤬, ꤚꤣꤧ꤬ ꤢꤨ꤭ ꤗꤢꤩ꤬ꤕ꤫ꤢꤧ꤬ꤗꤢꤩ꤬ꤏꤢꤩ꤭ ꤡ꤫ꤢꤧ꤬ ꤔꤢꤧ ꤔꤢꤧ꤬ ꤒꤣ꤬ꤖꤚꤢꤩ꤬꤮ ꤒꤥ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤣꤧ꤬ꤛꤢꤧ꤭ ꤥ꤬ꤙꤣꤧ ꤠꤤ꤭ꤣꤧ꤭ ꤒꤣ꤬ꤠꤤ꤭ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤠꤢꤧ꤭ ꤔꤣꤧ꤬ꤗꤢ꤬ ꤢ꤬ ꤥ꤬ꤚ꤫ꤥ꤬ꤥ꤬ꤢꤩ ꤜꤥ꤬ꤟꤣꤧ꤯”

ꤛꤥ꤭ꤟꤢ꤬ 12:32

ꤗꤢ꤬ꤔꤢꤧꤚꤣꤧ꤬ ꤏꤢ꤮ ꤢꤨ꤭ ꤗꤢꤦ꤭ꤞꤣꤧ꤭ꤓꤢꤧ꤬ꤟꤣꤧ ꤠꤢꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤢꤩꤟꤢꤧ꤭ ꤜꤢꤪ꤭ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤘꤣ ꤠꤢꤧ꤭ꤥ꤬ ꤕꤢ꤭꤯”

ꤛꤥ꤭ꤟꤢ꤬ 1:29

ꤘꤣꤋꤛꤢ꤭ ꤒꤣ꤬ꤔꤣꤧ꤭ꤔꤣꤧ꤬, ꤋꤢꤨ꤭ꤛꤥ꤭ꤟꤢ꤬ ꤗꤢꤧꤓ꤫ꤣꤧ꤬ ꤛꤢꤩ꤬ꤏꤛꤢꤨ ꤟꤢꤧ꤭ ꤘꤣ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤗꤢꤧꤗꤣꤧ꤭, ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤗꤤ꤬ꤖꤢꤨ ꤘꤣ ꤢ꤬ ꤖꤛꤢꤠꤤ꤭ꤊꤢꤧ꤭ ꤊꤢꤧ꤭ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤒꤣꤧ꤬ꤟꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯

ꤛꤥ꤭ꤟꤢ꤬ 1:12

ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤢꤩꤏꤢꤦ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤘꤣꤧꤓꤝꤢ꤭ꤓꤢꤧ꤬ ꤛꤢꤩ꤬ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤖꤢꤨꤖꤚꤢꤩ꤬ꤗꤢꤪ꤬ꤖꤢꤨꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:1

ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ ꤚꤣꤧꤘꤢꤦ꤬ ꤓꤥ꤭ ꤡꤣꤧꤟꤣꤧ ꤕꤢꤩ꤬ ꤙꤢ꤮ ꤒꤢꤩ꤭ ꤔꤣꤧ꤬, ꤗꤢꤧꤗꤣꤧ꤭ ꤜꤢ꤭ꤋꤢꤧ꤭ ꤢ꤬ ꤗꤥ꤬ ꤚꤣꤧꤘꤢꤦ꤬ ꤕꤢꤩ꤬ ꤣꤧ꤭ꤔꤣꤧ꤬, ꤒ꤫ꤥ꤬ ꤡꤣꤧ ꤘꤣ ꤢꤨ꤭ ꤙꤢꤩ꤬ ꤢꤩ ꤡꤣꤧ ꤕꤢꤩ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤡꤣꤧ꤯ ꤕꤢꤩ꤬ ꤓꤝꤢ꤭ ꤗ꤫ꤢ꤬ꤔꤤꤔꤢꤧ꤬ ꤔꤢꤧ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯ ꤊꤣꤧ꤬ꤛꤢꤧ꤭ ꤟꤢꤩ꤬ꤋꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤞꤤꤑꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤒꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤞꤤꤑꤢꤩ꤭ ꤕꤢꤩ꤬ ꤒꤥ꤬꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

ꤠꤢꤧ꤭ ꤋꤥ꤭ꤙꤢꤧꤞꤝꤢꤗꤥ꤬ ꤞꤤ꤭꤮, ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤓꤝꤢ꤭ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ ꤟꤢꤨꤒꤢꤩ꤭ ꤕꤢ꤭ ꤒꤣ꤬ꤡꤣ꤬ꤒꤢꤩ꤭ ꤔꤣꤧ꤬, ꤢꤨ꤭ ꤘꤣꤧꤞꤤꤑꤢꤩ꤭ ꤥ꤬ꤔꤢꤩ꤬ꤜꤢ꤭ꤟꤤ ꤕꤢꤩ꤬ ꤒꤣ꤬ꤡꤣ꤬꤮ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬, ꤒꤢꤩ꤬ꤣꤧ꤭ꤔꤣꤧ꤬ ꤕꤢꤩ꤬ ꤞꤤꤑꤢꤩ꤭ ꤓꤥ꤭ꤟꤣꤧ ꤔꤢꤧ, ꤏꤢ꤮ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ꤥ꤬ꤜꤥ꤭ꤓꤢꤧ꤬ ꤢ꤬ꤋꤢꤩ꤭ ꤕꤢ꤭ꤔꤣꤧ꤬ ꤕꤢꤩ꤬ ꤊ꤫ꤢꤦ꤬ ꤞꤢꤧꤔꤢꤧ ꤢ꤬ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤗ꤫ꤢ꤬ ꤡꤣꤧ ꤢ꤬ ꤟꤢꤨ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤔꤣꤧ꤬ ꤕꤢ꤭꤯

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤡ꤫ꤢꤧ꤬ ꤢ꤬ ꤟꤢꤨꤣꤧ꤭ ꤟꤣꤧꤚꤣꤧ꤬, ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬ ꤢ꤬ ꤊꤢꤩ꤬ ꤗꤢꤩ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ꤕꤢ꤬ ꤒꤢꤩ꤬ ꤘꤣ ꤢ꤬ ꤒꤥ꤭ꤒꤥ꤬ ꤒꤣꤧ꤬ꤟꤢꤩ꤬, ꤒꤥ꤬ꤗꤢ꤬ꤔꤢꤧ ꤢ꤬ ꤗꤥ꤬ ꤚꤣꤧꤘꤢꤦ꤬ ꤊꤣꤧ꤭ ꤢ꤬ꤕ꤫ꤥ꤬ꤢ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤒꤥ꤬ ꤟꤢꤩꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤢ꤬ꤜꤣꤧ꤬ ꤗ꤫ꤢ꤬ꤒꤥ꤬꤯

ꤜꤢꤨꤊꤢ꤬ 15:8

“ꤒꤥ꤬ꤗꤢ꤬ꤔꤢꤧ, ꤟꤢꤩꤊꤥꤚꤣꤧ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ꤚꤢꤦ꤭ꤛꤢ꤬ ꤥ꤬ ꤢ꤬ꤙꤢꤩ꤬ꤏꤣꤧ ꤚꤣꤧ꤬ ꤊꤢꤩ꤬ ꤢ꤬ ꤥ꤬ꤗ꤫ꤢꤩ꤬ꤊꤢꤧ꤭ ꤕ꤫ꤢꤩ꤬ ꤜꤢꤨ꤭ ꤒꤣ꤬ꤙꤢꤩ꤬ ꤟꤢꤩꤔꤣꤧ꤬ꤗꤢ꤬ ꤢ꤬ ꤊ꤫ꤢꤦ꤬ ꤗꤢꤩ꤬ꤟꤢꤨꤒꤢꤩ꤭? ꤢ꤬ ꤊ꤫ꤢꤦ꤬ ꤏꤤ꤭ꤜꤤ꤭ ꤗꤤ꤬, ꤢ꤬ ꤊ꤫ꤢꤦ꤬ ꤘꤢꤨ꤭ꤕꤜꤤ꤭ꤘꤢꤨ꤭ꤜ꤫ꤢ꤬ ꤢ꤬ꤟꤤ꤬, ꤚꤣꤧ꤬ ꤢ꤬ ꤗꤢꤧꤕꤢꤨ꤭ꤒꤢ꤭ ꤗꤢꤧꤕꤢꤨ꤭ꤒꤢꤩ꤬ ꤓꤢꤨ ꤢ꤬ ꤗꤢꤧꤓ꤫ꤣꤧ꤬ ꤡꤣꤧ ꤠꤢꤧ꤭ꤟꤢꤩꤒ꤫ꤥ꤬꤯