ꤛꤥ꤭ꤟꤢ꤬ 1:6 - Eastern Kayah Shadaw Dialect

⁶ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤢ꤬ꤗꤝꤤ꤭ ꤔꤢꤧ ꤖꤚꤢꤩ꤬ꤡꤢꤩ꤬ ꤢꤨ꤭ ꤋꤢꤨ꤭ꤛꤥ꤭ꤟꤢ꤬꤯

ลีเทส่อพ๊าอาเซ เร๊อ เห่ขุทวาลู๊

⁶ จอแปแหร่ นอแฮ แกแย เตเพร เด๊อ อามุย เร๊อ เพรเจเทอ คูยอห์น.

ꤛꤥ꤭ꤟꤢ꤬ 1:6 ပူးပေါင်းရင်းမြစ်များ

ꤛꤥ꤭ꤟꤢ꤬ 3:28

ꤠꤢꤧ꤭ ꤟꤢꤩꤓꤥ꤭ꤟꤣꤧ ꤞꤤ꤭ ꤔꤢꤧ, ‘ꤠꤢꤧ꤭ ꤗꤢ꤬ ꤋꤚꤤ ꤗ꤫ꤢ꤬ꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ ꤚ꤫ꤣꤧ꤬ ꤠꤢꤧ꤭ ꤘꤣ ꤢ꤬ꤙꤢꤩꤑꤢꤩ꤭ ꤖꤢꤧ꤯’ ꤠꤢꤧ꤭ ꤟꤢꤩꤓꤥ꤭ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤤ꤭ ꤓꤝꤢ꤭ꤟꤣꤧ ꤠꤢꤧ꤭ ꤖꤚꤢꤩ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤟꤣꤧ꤯

ꤛꤥ꤭ꤟꤢ꤬ 1:33

ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤗꤢ꤬ ꤠꤢꤧ꤭ ꤞꤤꤑꤢꤩ꤭ꤜꤢ꤭ꤟꤤ ꤔꤢꤧ ꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤓꤝꤢ꤭ ꤟꤢꤨꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤜꤢ꤭ꤟꤤꤒꤥ꤬ ꤒꤣꤧ꤬ꤘꤢꤦꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤔꤢꤪ꤭ ꤠꤢꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤡꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤓꤣꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ ꤟꤢꤩ ꤠꤢꤧ꤭ ꤔꤢꤧ, ‘ꤏꤢ꤮ ꤔꤥ꤬ꤕꤢ꤭ ꤔꤣꤧ꤬, ꤊꤢꤩ꤬ ꤔꤢꤧ꤬ ꤗꤢꤧꤓ꤫ꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤟꤢꤧ꤭ꤜꤢꤧ꤬ ꤥ꤬ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤢ꤬ꤜꤥ꤬ ꤕꤢ꤭ ꤟꤢꤩꤔꤣꤧ꤬ ꤢ꤬ ꤗꤢ꤬ ꤗ꤫ꤢ꤬ꤟꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤡꤢꤩ꤬ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤕꤢ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤟꤣꤧ꤯’

เพรโด่แนพู๊ เต๊เห่ 13:24

ꤙꤣꤧ ꤛꤢꤩ꤬ꤏꤛꤢꤨ ꤟꤢꤧ꤭ ꤒꤢꤧ꤬ꤜꤢ꤭ꤟꤤꤒꤥ꤬ ꤔꤣꤧ꤬, ꤋꤢꤨ꤭ꤛꤥ꤭ꤟꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤜꤢꤪ꤭ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤛꤢꤧ꤬ ꤚꤣꤧ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤢ꤬ ꤊ꤫ꤢꤦ꤬ ꤡꤢꤩ꤬ꤊꤢ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬, ꤟꤢꤨꤔꤣꤧ꤬꤯

ꤜꤢꤨꤊꤢ꤬ 1:76

ꤖꤢꤩ꤭ꤞꤣ꤬ꤋꤢ꤬ꤚꤣ꤬ꤛꤢ꤬ ꤟꤢꤩ ꤢ꤬ꤖꤢꤨ ꤔꤢꤧ, “ꤠꤢꤧ꤭ꤖꤢꤨꤋꤢꤨ꤭, ꤢꤨ꤭ ꤊ꤫ꤢꤦ꤬ ꤢꤩ ꤔꤢꤧ꤬ ꤔꤢꤧ ꤒꤢꤩ꤬ꤘꤢꤨ꤬ꤒꤢꤩ꤬ꤓꤢꤨ꤭ ꤒꤣꤧ꤬ꤘꤢꤦ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤚꤢꤩ꤬ꤖꤚꤥ꤬ ꤒꤣ꤬ꤖꤚꤢꤩ꤬ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤔꤢꤧ꤬ ꤊ꤫ꤢꤦ꤬ ꤟꤢꤧ꤭ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤚ꤫ꤣꤧ꤬ ꤕ꤫ꤢꤩ꤬ ꤙꤢꤧ꤬ꤡꤢꤩ꤬ ꤜ꤫ꤢꤩ꤬ꤟꤢꤧ꤭ꤊꤜꤢꤧ ꤢ꤬ꤑꤢꤩ꤭ ꤕꤢ꤭꤯

มัทธิว 11:10

ꤋꤢꤨ꤭ꤛꤥ꤭ꤟꤢ꤬ ꤗꤢ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤥ꤬ꤔꤢꤩ꤬ ꤜꤢꤨ꤭ꤚꤤ꤬ꤜꤢꤨ꤭ꤊꤢꤧ꤭ ꤔꤢꤧ, ‘ꤗꤢꤧꤗꤣꤧ꤭ ꤢ꤬ ꤗꤢ꤬ ꤖꤚꤢꤩ꤬ꤞꤢꤨ꤭ ꤕ꤫ꤢꤩ꤬ ꤠꤢꤧ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤒꤣ꤬ꤖꤚꤢꤩ꤬ꤟꤣꤧ, ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤗꤢꤩ꤬ꤜ꤫ꤢ꤬ ꤥ꤬ꤔꤢꤩ꤬ ꤚ꤫ꤣꤧ꤬ ꤕ꤫ꤢꤩ꤬ ꤔꤢꤧ꤬ꤊꤜꤢꤧ ꤜ꤫ꤢꤩ꤬ꤟꤢꤧ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤔꤢꤪ꤭ꤟꤢꤧ꤭ ꤚ꤫ꤣꤧ꤬ꤟꤣꤧ ꤢ꤬ ꤘꤣ ꤔꤢꤧ꤬ꤙꤢꤩꤑꤢꤩ꤭ ꤟꤣꤧ꤯’”

ꤜꤢꤨꤊꤢ꤬ 1:13

ꤗꤢ꤬ꤔꤢꤧꤚꤣꤧ꤬ ꤗꤢꤪꤋꤢꤨ꤬ꤒꤣꤧ꤬ꤔꤢꤩꤖꤢꤨ ꤟꤢꤩ ꤜꤢꤨ꤭ ꤔꤢꤧ, “ꤖꤢꤩ꤭ꤞꤣ꤬ꤋꤢ꤬ꤚꤣ꤬ꤛꤢ꤬꤮ ꤞꤤꤤ꤬ꤏꤢꤩ꤭ ꤒ꤫ꤢꤧ꤬ꤗꤢꤩ꤬! ꤡꤢꤪꤗꤣꤧ꤬ꤚꤢꤧ꤬ ꤔ꤫ꤤ꤬ꤟꤥ꤭ ꤟꤣꤧ ꤔꤢꤧ꤬ ꤒꤢꤩ꤬ꤊꤝꤤ꤭ꤡꤢꤪꤙꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤢꤧ꤬ꤗꤢꤩ꤭ ꤗ꤫ꤥ꤬ꤢꤧꤜꤤꤎꤢ꤬ꤙꤢꤧ ꤊ꤫ꤢꤦ꤬ ꤖꤢꤨꤥ꤬ ꤕ꤫ꤢꤩ꤬ ꤔꤢꤧ꤬ ꤖꤢꤨꤖꤚꤢꤩ꤬ꤋꤢꤨ꤭ ꤒꤣ꤬ꤖꤚꤢꤩ꤬ ꤕꤢ꤭ ꤚꤣꤧ꤬ ꤔꤢꤧ꤬ ꤒꤥ꤭ꤙꤢꤩ꤬ ꤢꤩ ꤢ꤬ꤗꤝꤤ꤭ ꤔꤢꤧ ꤋꤢꤨ꤭ꤛꤥ꤭ꤟꤢ꤬ ꤕꤢ꤭꤯

มัทธิว 21:25

ꤖꤚꤢꤩ꤬ꤡꤢꤩ꤬ ꤢꤨ꤭ ꤋꤢꤨ꤭ꤛꤥ꤭ꤟꤢ꤬ ꤡꤢꤩ꤬ ꤢꤨ꤭ ꤣꤧ꤭ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭ ꤒꤣꤧ꤬ꤚꤣꤧ꤭ꤏꤝꤢ꤬ꤏꤢꤪ꤭ ꤟꤢꤧ꤭? ꤗ꤫ꤢ꤬ꤒꤥ꤬ꤚꤣꤧ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤘꤣꤧ ꤜꤢꤨ꤭ ꤟꤢꤧ꤭?” ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩ ꤚꤣꤧꤘꤢꤦ꤬ꤜꤢꤨ꤭ ꤔꤢꤧ, “ꤕꤢꤩ꤬ ꤊꤢꤩ꤬ ꤟꤢꤩ ꤔꤢꤧ, ‘ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤜꤢꤨ꤭’ ꤊꤢꤩ꤬ꤟꤢꤩꤚꤣꤧ꤬, ꤢ꤬ ꤊꤜꤢꤩ ꤘꤣꤧꤟꤣꤧ꤭ ꤔꤢꤧ꤭ ꤟꤣꤧ ꤕꤢꤩ꤬ ꤔꤢꤧ, ‘ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬ ꤞꤤ꤭ ꤛ꤫ꤢꤦ꤬ꤢꤩ꤬ ꤜꤢꤨ꤭ ꤒꤥ꤬ ꤗꤢꤩ꤬ꤒꤢꤩ꤭?’ ꤢ꤬ ꤊꤜꤢꤩ ꤟꤢꤩ ꤔꤢꤧ꤭ ꤟꤢꤨꤔꤣꤧ꤬ ꤟꤣꤧ꤯