ꤡꤛꤢꤩ꤭ꤗꤢ꤬ꤎꤣ꤬ 2:21 - Eastern Kayah Shadaw Dialect

²¹ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤘꤣ꤮ ꤑꤢꤔꤢꤨ꤬ ꤒꤣ꤬ꤖꤚꤢꤩ꤬ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤢ꤬ ꤟꤢꤨꤒꤢꤩ꤭? ꤢ꤬ ꤔ꤫ꤤ꤬ꤘꤢ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ ꤚꤣꤧ꤬ ꤙꤣꤧ ꤢ꤬ ꤜꤢꤨ꤭ꤓꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤢꤎꤢꤧ ꤘꤣ ꤒꤢꤩ꤬ꤜꤢꤨ꤭ꤚ꤫ꤢꤩ꤬ꤋꤢꤨ꤬ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢꤨ꤭ ꤔꤢꤧ ꤢ꤬ ꤒꤢꤩ꤬ꤗꤢꤩ꤬ꤣꤧ꤭ ꤢ꤬ꤋꤛꤢ꤭ ꤖꤢꤧ꤯

ลีเทส่อพ๊าอาเซ เร๊อ เห่ขุทวาลู๊

²¹ เปเพ เพอับราฮัม เด๊อ เด๋องย๊า เตเพรเนอ จอแปแหร่ แด่จ๊อแด่เต อา ฮู๊เต? อา หนิดา จอแปแหร่ อาโหง่ เร๊อ เบ๊อะอา หลู่แถ่ อาพู๊คู คูอิสอัค เด๊อ เตหลู่เหร่ขุ เบ๊อะเนอ, จอแปแหร่ แด่จ๊อแด่เต ลู เร๊อ อา เตเมเออ อาคยา แพ๊.

ꤡꤛꤢꤩ꤭ꤗꤢ꤬ꤎꤣ꤬ 2:21 ပူးပေါင်းရင်းမြစ်များ

ꤛꤥ꤭ꤟꤢ꤬ 8:39

ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤜꤢꤨ꤭ ꤔꤢꤧ, “ꤕꤢꤩ꤬ꤖꤢꤩ꤭ ꤗꤢ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬꤯” ꤚꤣꤧ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤩꤏꤢꤦ꤬ ꤛꤢꤩ꤬ꤞꤤ꤭ ꤔꤢꤧ, “ꤞꤤ꤭ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬, ꤞꤤ꤭ ꤊ꤫ꤢꤦ꤬ ꤗꤢꤩ꤬ ꤞꤢꤧꤟꤢꤨ ꤢ꤬ ꤗꤢꤩ꤬ꤔꤣꤧ꤬ ꤊꤢꤪ꤭ꤊꤢꤪ꤭꤯

ꤚꤥꤗꤢꤩ꤬ 4:16

ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤔ꤫ꤤ꤬ꤙꤢꤩ꤬ꤡ꤫ꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤢꤪꤜꤢꤧ꤬ ꤔꤢꤧ ꤕꤢꤩ꤬ ꤒꤢꤩ꤬ꤛ꤫ꤢꤦ꤬ ꤒꤣ꤬ꤡꤣ꤬ꤒꤥ꤬ ꤖꤢꤧ꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤊꤣꤧ꤭ ꤒꤢꤩ꤬ꤣꤧ꤭ꤔꤣꤧ꤬ ꤔꤢꤧ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤋꤝꤢ꤬ꤋꤛꤢ꤭ ꤒꤢꤦꤖꤢꤧ ꤢ꤬ꤑꤢꤩ꤭ꤔꤣꤧ꤬, ꤕꤢꤩ꤬ ꤙꤢꤩ꤬ ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬꤯ ꤓꤥ꤭ꤒꤥ꤬, ꤜꤢꤪ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ ꤒꤢꤩ꤬ꤢꤪꤜꤢꤧ꤬ ꤣꤧ꤭ ꤕꤢ꤭꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤢꤦ꤬ꤋꤚꤝꤢ꤭ꤗꤢꤩ꤬ꤊꤣꤧ꤭ ꤛꤢꤨꤘꤢ꤬ꤖꤢꤨ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤒꤢꤦꤘꤢꤦ꤬ ꤗ꤫ꤢ꤬ꤒꤥ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ ꤞꤢꤧꤊꤣꤧ꤭ ꤔꤢꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢꤪ꤭ꤊꤣꤧ꤭ ꤕꤢ꤭ ꤕꤢ꤭꤯ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤗꤢ꤬ ꤕ꤫ꤢꤩ꤬ ꤜꤢꤪ꤭꤮ ꤕꤜꤤ꤭ ꤢ꤬ꤖꤢꤩ꤭꤯

มัทธิว 12:37

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤔꤢꤧ꤬ ꤊꤢꤩ꤬ ꤟꤢꤩꤙꤢꤩ꤬ ꤍ꤫ꤥ꤬ ꤘꤣ ꤢ꤬ꤚꤢꤧ ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤟꤢꤩ ꤔꤢꤧ꤬ ꤔꤢꤧ ꤔꤢꤧ꤬ ꤒꤢꤩ꤬ꤞꤢꤦ ꤥ꤬ꤒꤥ꤬ ꤕꤢ꤭꤯ ꤔꤢꤧ꤬ ꤊꤢꤩ꤬ ꤟꤢꤩꤙꤢꤩ꤬ ꤍ꤫ꤥ꤬ ꤘꤣ ꤢ꤬ ꤗꤢꤨꤗ꤫ꤢꤧ꤬ ꤒꤣꤧ꤬ꤟꤢꤩ꤬ ꤊꤢꤩ꤬ꤟꤢꤩꤚꤣꤧ꤬, ꤢ꤬ ꤊ꤫ꤢꤦ꤬ ꤟꤢꤩ ꤔꤢꤧ꤬ ꤔꤢꤧ ꤔꤢꤧ꤬ ꤒꤢꤩ꤬ꤞꤢꤦ ꤥ꤬ ꤕꤢ꤭꤯”

ꤡꤛꤢꤩ꤭ꤗꤢ꤬ꤎꤣ꤬ 2:24

ꤟꤢꤨꤔꤣꤧ꤬ꤚꤣꤧ꤬, ꤞꤤ꤭ ꤗꤢꤧꤓ꤫ꤣꤧ꤬ꤟꤣꤧ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ꤔꤣꤧ꤬, ꤢ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤒꤢꤦꤖꤢꤧ ꤜꤢꤨ꤭ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤣꤧ꤭ꤒꤣ꤬ꤡꤣ꤬ ꤖꤢꤧ ꤔꤣꤧ꤬ ꤗ꤫ꤢ꤬ꤒꤥ꤬꤯ ꤢ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤜꤢꤨ꤭ ꤔꤢꤧ ꤢ꤬ꤒꤢꤩ꤬ꤗꤢꤩ꤬ ꤘꤣ ꤢ꤬ ꤘꤣꤧꤜꤥ꤭ ꤔꤢꤧ ꤢ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤣꤧ꤭ꤔꤣꤧ꤬ ꤖꤢꤧ꤯

ꤡꤛꤢꤩ꤭ꤗꤢ꤬ꤎꤣ꤬ 2:18

ꤟꤢꤩꤊꤥꤚꤣꤧ ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ ꤊꤢꤩ꤬ ꤟꤢꤩ ꤔꤢꤧ, “ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢ꤬ꤥ꤬ ꤔꤢꤧ ꤒꤢꤩ꤬ꤛ꤫ꤢꤦ꤬, ꤒꤣꤧ꤬ꤟꤢꤩ꤬ꤟꤢꤩ꤬ ꤚꤣꤧ꤬ ꤢ꤬ꤥ꤬ ꤔꤢꤧ ꤒꤢꤩ꤬ꤗꤢꤩ꤬ꤚꤢꤧ ꤒꤢꤩ꤬” ꤊꤢꤩ꤬ ꤟꤢꤩ ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤢꤦ꤬ ꤢ꤬ ꤔꤢꤧ, ꤘꤣꤧꤜꤥ꤭ ꤕ꤫ꤢꤩ꤬ ꤠꤢꤧ꤭ ꤔꤢꤧ꤬ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ ꤏꤥ꤭ꤘꤥ꤭ ꤔꤢꤧ ꤒꤢꤩ꤬ꤗꤢꤩ꤬ ꤣꤧ꤭ꤔꤣꤧ꤬, ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤊꤣꤧ꤭ꤜꤢ꤭ꤒꤢꤩ꤬ ꤔꤢꤧ꤬ ꤔꤢꤧ ꤠꤢꤧ꤭ ꤒꤢꤩ꤬ꤛ꤫ꤢꤦ꤬ ꤘꤣ ꤢ꤬ꤥ꤬ ꤔꤢꤧ ꤒꤢꤩ꤬ꤗꤢꤩ꤬ꤣꤧ꤭ ꤕꤢ꤭ ꤠꤢꤧ꤭ ꤊ꤫ꤢꤦ꤬ ꤟꤢꤩꤏꤢꤦ꤬ ꤢ꤬ ꤟꤢꤨꤔꤣꤧ꤬꤯

ꤚꤥꤗꤢꤩ꤬ 4:12

ꤓꤥ꤭ꤔꤢꤧꤒꤥ꤬, ꤕꤢꤩ꤬ ꤛꤢꤨꤘꤢ꤬ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤘꤢꤦꤒꤣꤧ꤬ꤜꤤ ꤡꤣꤧ ꤖꤢ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤊꤢꤩ꤬ ꤞꤤꤜꤢꤩ꤬ꤓꤢꤧ꤬ꤚꤣꤧ ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤣꤧ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤗꤢ꤬ ꤢ꤬ ꤓꤝꤢ꤭ ꤊꤣꤧ꤭ꤘꤢꤦ꤬ ꤕꤢꤩ꤬ꤖꤢꤩ꤭ꤖꤢꤩ꤭꤯ ꤙꤣꤧ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤘꤢꤦꤒꤣꤧ꤬ꤜꤤ ꤒꤢꤧ꤬ꤜꤢ꤭ꤟꤤ ꤖꤢ ꤒꤥ꤬ ꤋꤢꤩ꤭ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤣꤧ꤭ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤋꤚꤝꤢ꤭ ꤗꤢꤧꤙꤢꤦ꤭ ꤊꤣꤧ꤭ꤘꤢꤦ꤬ ꤢ꤬꤯

ꤚꤥꤗꤢꤩ꤬ 4:1

ꤊꤢꤩ꤬ꤟꤢꤩꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤣꤧ꤭ꤔꤣꤧ꤬ꤜꤢꤩ꤭, ꤕꤢꤩ꤬ ꤊ꤫ꤢꤦ꤬ ꤟꤢꤩ ꤚꤣꤧꤘꤢꤦ꤬ ꤜꤢꤨ꤭ ꤟꤢꤨꤒꤢꤩ꤭? ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤖꤢꤧ ꤟꤢꤨꤔꤣꤧ꤬ꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤡꤝꤢꤗꤢꤧꤓ꤫ꤣꤧ꤬ ꤞꤤꤑꤢꤩ꤭ ꤔꤢꤪ ꤊꤣꤧ꤭ꤢꤨ꤭ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤟꤢꤨꤒꤢꤩ꤭?

ꤚꤥꤗꤢꤩ꤬ 3:20

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤘꤣ ꤢꤨ꤭ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤢꤨ꤭ ꤓꤝꤢ꤭ꤓꤢꤧ꤬ꤡ꤫ꤢꤧ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ ꤢ꤬ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤞꤤꤑꤢꤩ꤭ꤟꤢꤧ꤭ ꤚꤣꤧꤘꤢꤦ꤬ ꤕꤢꤩ꤬ ꤒꤢꤩ꤬ꤞꤢꤦ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕꤢꤩ꤬ ꤖꤢꤧ꤯

เพรโด่แนพู๊ เต๊เห่ 7:2

ꤚꤣꤧ꤬ ꤋꤢꤨ꤭ꤎꤢ꤬ꤒꤤ꤬ꤠꤢꤩ꤬ ꤘꤢꤧ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤕ꤫ꤥ꤬ꤠ꤫ꤢꤧ꤬ꤗ꤫ꤥ꤬ꤖꤢꤩ꤭ ꤞꤤ꤭꤮ ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤠꤢꤧ꤭ ꤟꤢꤩ ꤕ꤫ꤢꤩ꤬ ꤞꤤ꤭ ꤣꤧ꤭! ꤙꤣꤧ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤡꤝꤢꤥ꤬ ꤒꤢꤧ꤬ꤜꤢ꤭ꤟꤤ ꤘꤣ ꤠꤤ꤭ꤟꤢ꤬ꤚꤢ꤬ ꤜꤢ꤭ꤟꤤꤒꤥ꤬, ꤚꤣꤧ꤬ ꤢ꤬ ꤥ꤬ꤕꤢ꤬ ꤖꤢꤧ ꤙꤣꤧ ꤗꤢꤧ꤬ꤏꤥ꤬ꤕꤥ꤬ꤒꤢꤩꤗꤤꤛꤢ ꤢ꤬ꤋꤢꤩ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤜꤣꤙꤢ꤭ ꤔꤢꤧ ꤒꤢꤩ꤬ꤒꤣꤧ꤬ꤚꤣꤧ꤭ꤘꤢꤨ꤬ ꤒꤣꤧ꤬ꤚꤣꤧ꤭ꤓꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ ꤥ꤬ꤜꤥ꤭ꤓꤢꤧ꤬ ꤕ꤫ꤢꤩ꤬ ꤜꤢꤨ꤭ ꤘꤣ ꤢ꤬ ꤕꤣꤧꤞꤢꤩ꤬ꤑꤢꤩ꤭꤯

ꤛꤥ꤭ꤟꤢ꤬ 8:53

ꤗꤢ꤬ ꤔꤢꤧ꤬ ꤘꤢꤨ꤬ꤜꤣꤔꤢꤧ꤭ ꤔꤢꤧ ꤕꤢꤩ꤬ꤖꤢꤩ꤭ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤟꤢꤧ꤭? ꤢ꤬ ꤞꤣꤧ꤭ ꤓꤥ꤭ꤟꤣꤧ, ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬꤮ ꤗꤢ꤬ ꤢ꤬ ꤞꤣꤧ꤭ ꤓꤥ꤭ꤟꤣꤧꤟꤣꤧ꤯ ꤔꤢꤧ꤬ ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ ꤔꤢꤧ꤬ꤔ꤫ꤢꤩ꤬ ꤔꤢꤧ ꤢꤨ꤭ꤕꤢꤩ꤭?” ꤛꤢꤩ꤬ꤞꤤ꤭ ꤟꤢꤩꤏꤢꤦ꤬ ꤜꤢꤨ꤭ ꤟꤢꤨꤔꤣꤧ꤬꤯

ꤜꤢꤨꤊꤢ꤬ 16:30

“ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤢꤨ꤬ꤛ꤫ꤢꤧ꤬ꤓꤢꤧ꤬ꤞꤢꤩ꤭ ꤣꤧ꤭ꤒꤣ꤬ꤖꤚꤢꤩ꤬ ꤟꤢꤩꤏꤢꤦ꤬ ꤔꤢꤧ, ‘ꤖꤢꤩ꤭ꤢ꤬ꤙꤚꤢ꤬ꤟꤢ꤬꤮ ꤒꤢꤦꤣꤧ꤭ꤔꤣꤧ꤬ ꤚꤣꤧ꤬ ꤢ꤬ ꤜꤣꤙꤢ꤭ ꤜꤢ꤭ꤟꤤꤒꤥ꤬꤯ ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣ꤬ꤖꤚꤢꤩ꤬ ꤊꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭, ꤚꤣꤧ꤬ ꤢ꤬ ꤊꤢꤩ꤬ ꤊꤢ꤬ꤋꤛꤢ꤭ ꤘꤢꤧꤏꤥ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤒꤢꤦꤗꤢ꤬ ꤢ꤬ ꤛꤢꤧ꤬ ꤚꤣꤧ ꤔꤥ꤬ ꤖꤢꤧ ꤢ꤬ꤔ꤫ꤢꤩ꤬ ꤖꤢꤧ꤯’

ꤜꤢꤨꤊꤢ꤬ 16:24

ꤚꤣꤧ꤬ ꤢ꤬ ꤢꤩꤓꤥ꤭ꤓꤢꤧ꤬ ꤔꤢꤧ, ‘ꤊꤣ꤮ ꤖꤢꤩ꤭ꤢ꤬ꤙꤚꤢ꤬ꤟꤢ꤬꤮! ꤞꤤꤛꤢꤪ꤬ꤚꤣꤧ ꤠꤢꤧ꤭ ꤔꤤ꤮, ꤔꤢꤪ꤭ꤡꤢꤩ꤬ꤔꤥ꤭ꤊꤣꤧ꤭ ꤋꤢꤨ꤭ꤜꤢ꤬ꤎꤢ꤬ꤚꤢꤨ ꤢ꤬ ꤊꤢꤨꤔꤢꤪ꤭ꤋꤣꤧ꤭ ꤘꤣ ꤓꤣꤧ꤭ꤊꤢꤨ꤭ ꤚꤣꤧ꤬ ꤔꤢꤪ꤭ꤕꤜꤝꤢ꤭ꤒꤢ꤭ꤗꤢꤩ ꤒꤣꤧ꤬ꤡꤣꤧ ꤕ꤫ꤢꤩ꤬ꤚꤣꤧ ꤠꤢꤧ꤭ ꤕꤜꤤ꤬ꤣꤧ꤭ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤋꤢꤧꤙꤢꤩ꤬ ꤒꤢꤩ꤬ ꤘꤣ ꤗꤤ꤬ꤊꤢꤨ꤭ ꤣꤧ꤭ꤔꤣꤧ꤬ ꤢ꤬ꤡꤢ꤭ꤢ꤬ꤡꤢꤦ꤬ ꤔꤢꤧ꤬ꤡꤣꤧ ꤠꤢꤧ꤭ ꤟꤣꤧ꤯’

ꤜꤢꤨꤊꤢ꤬ 1:73

ꤕꤢꤩ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤒꤣ꤬ꤓꤢꤦ꤭ ꤊꤣꤧ꤬ꤛꤢꤧ꤭ꤣꤧ꤭, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤔꤢꤧ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤘꤣ ꤢ꤬ ꤕꤣꤧꤞꤢꤩ꤬ꤑꤢꤩ꤭ꤔꤣꤧ꤬ ꤚꤣꤧ꤬, ꤢ꤬ ꤟꤢꤩꤊꤜꤢꤪ꤬ꤟꤢꤩꤗꤢ꤬ ꤓꤥ꤭ꤟꤣꤧ ꤢ꤬ꤍ꤫ꤥ꤬ ꤔꤢꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤟꤣꤧ, ꤚꤣꤧ꤬ ꤢ꤬ ꤢꤪꤜꤢꤧ꤬ꤔꤢꤪ꤬ꤜꤢꤧ꤬ ꤓꤥ꤭ꤟꤣꤧ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤓꤢꤩ꤬ ꤕꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤊꤢꤨꤛꤢ꤭ꤊꤢꤨ꤭ ꤚꤣꤧ꤬ ꤢ꤬ ꤕꤜꤝꤢ꤭ꤗꤢꤩ꤬ ꤟꤣꤧ ꤢ꤬ ꤒꤢꤩ꤬ꤗꤢꤩ꤬ꤣꤧ꤭ ꤔꤢꤧ ꤕꤢꤩ꤬ ꤟꤣꤧ, ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ ꤒꤢꤩ꤬ ꤔꤢꤧ ꤒꤢꤩ꤬ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤒ꤫ꤢꤧ꤬ꤗꤢꤩ꤬꤯”

มัทธิว 3:9

ꤟꤢꤩꤓꤥ꤭ꤟꤢꤩꤜꤢꤧ꤬ ꤒ꤫ꤢꤧ꤬ ꤞꤤ꤭ꤔ꤫ꤢꤩ꤬ ꤔꤢꤧ, ‘ꤕꤢꤩ꤬ ꤗꤢ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭’ ꤔꤣꤧ꤬ꤒ꤫ꤢꤧ꤬ꤗꤢꤩ꤬꤯ ꤠꤢꤧ꤭ ꤟꤢꤩ ꤞꤤ꤭, ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤓꤝꤢ꤭ꤓꤢꤧ꤬ ꤜ꤫ꤢꤪ꤬ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤖꤢꤨ ꤗꤢ꤬ ꤢ꤬ ꤗꤢꤩ꤬ꤡ꤫ꤢꤧ꤬ ꤖꤢꤧ꤯

ꤟꤤꤙꤚꤢꤨ 11:17

ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤗꤢꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤢ꤬ꤋꤢꤩ꤭ꤔꤣꤧ꤬, ꤘꤣ ꤢ꤬ꤒꤢꤩ꤬ꤛ꤫ꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤜꤢꤨ꤭ꤓꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤋꤢꤨ꤭ꤢꤎꤢꤧ꤯ ꤢ꤬ ꤔ꤫ꤤ꤬ꤙꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤢꤪꤜꤢꤧ꤬ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤥ꤬ꤖꤢꤧꤒꤢꤦ ꤒꤣ꤬ꤖꤚꤢꤩ꤬ꤒꤥ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯