ꤟꤤꤙꤚꤢꤨ 8:4 - Eastern Kayah Shadaw Dialect

⁴ ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨ ꤘꤣ ꤢ꤬ ꤓꤝꤢ꤭ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤙꤣꤧ ꤢ꤬ ꤥ꤬ꤕꤢ꤬ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭, ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤘꤣ ꤢ꤬ ꤙꤢꤩ꤬ꤜꤢꤨ꤭ꤙꤢꤩ꤬ꤒꤢꤧ꤭ꤓꤢꤧ꤬ ꤟꤢꤨ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤥ꤬ꤔꤣꤧ꤬, ꤢ꤬ ꤜꤢ꤭ ꤥ꤬ꤘꤢꤦ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤓꤝꤢ꤭ꤔ꤫ꤤ꤬ ꤊꤣꤧ꤭ꤢꤨ꤭ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

⁴ หม่าแน๊เรอ เหย่ซู่ เด๊อ อา ทวา เพรหลู่แต กู่กล๊อดุเล๊อ เออเตเพรเนอ, เบ๊อะอา โอ่ปา เบ๊อะเห่ขุเออ เบ๊อะเนอ, เพรหลู่แตเต เด๊อ อา เบ่หลู่เบ่แตแถ่ ฮู๊ เตซว๊าเตแส่ โอ่เนอ, อา ย๋อ โอ่ดื่อเฮ๊อ อาขว่าอาคยา, อา ทวาหนิ เกออู เพรหลู่แตเต โต่.

ꤟꤤꤙꤚꤢꤨ 8:4 ပူးပေါင်းရင်းမြစ်များ

ꤟꤤꤙꤚꤢꤨ 5:1

ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤕꤝꤢ꤭꤮ ꤖꤚꤢꤩ꤬ꤖꤚꤢꤩ꤬꤮ ꤔꤣꤧ꤬, ꤢꤨ꤭ ꤔꤝꤢꤓꤢꤧ꤬ ꤢ꤬ ꤘꤣ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤖꤢꤧ ꤚꤣꤧ꤬ ꤢꤨ꤭ ꤘꤢꤧ꤬ꤓꤢꤧ꤬ ꤢ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤢ꤬ꤜ꤫ꤢꤩ꤬ꤊꤜꤥ꤭꤯ ꤢ꤬ ꤊ꤫ꤢꤦ꤬ꤜꤢꤨ꤭ꤊ꤫ꤢꤦ꤬ꤒꤢꤧ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤒꤢꤩ꤬ꤞꤢꤦ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤜꤢꤨ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤕꤢ꤭꤯

ꤟꤤꤙꤚꤢꤨ 11:4

ꤘꤣ ꤒꤢꤩ꤬ꤛ꤫ꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤨ꤭ꤢ꤬ꤙꤢꤩ꤬ꤜꤢ ꤜꤢꤨ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ ꤢ꤬ꤚꤢꤧꤜꤣ ꤔꤢꤧ ꤋꤢꤨ꤭ꤊꤢ꤬ꤛꤤ꤬ ꤢ꤬ꤒꤢꤩ꤬ꤜꤢꤨ꤭꤯ ꤡꤢꤪꤗꤣꤧ꤬ꤚꤢꤧ꤬ ꤖꤛꤢꤏꤢꤦ꤬ ꤋꤢꤨ꤭ꤢ꤬ꤙꤢꤩ꤬ꤜꤢ ꤢ꤬ ꤒꤢꤩ꤬ꤜꤢꤨ꤭ꤒꤢꤧ꤭ꤓꤢꤧ꤬꤯ ꤟꤢꤨꤔꤣꤧ꤬ꤚꤣꤧ꤬, ꤘꤣ ꤋꤢꤨ꤭ꤢ꤬ꤙꤢꤩ꤬ꤜꤢ ꤢ꤬ꤒꤢꤩ꤬ꤛ꤫ꤢꤦ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤟꤣꤧ ꤜꤢꤨ꤭ ꤟꤢꤨ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯ ꤘꤣ ꤋꤢꤨ꤭ꤢ꤬ꤙꤢꤩ꤬ꤜꤢ ꤢ꤬ꤒꤢꤩ꤬ꤛ꤫ꤢꤦ꤬ ꤋꤝꤢ꤬ꤋꤛꤢ꤭, ꤢ꤬ ꤞꤣꤧ꤭ ꤓꤥ꤭ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤢ꤬ ꤟꤢꤩꤙꤢꤩ꤬ꤕꤢ꤬ ꤕꤢꤩ꤬ ꤔꤢꤧ ꤢ꤬ꤒꤢꤩ꤬ꤛ꤫ꤢꤦ꤬ ꤢ꤬ꤚꤤ꤬ꤢ꤬ꤊꤢꤧ꤭꤯

ꤟꤤꤙꤚꤢꤨ 7:27

ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤘꤣ ꤢ꤬ꤚꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤕꤝꤢ꤭ꤔꤣꤧ꤭ꤔꤣꤧ꤭꤮ ꤢ꤬ ꤜ꤫ꤥ꤬ ꤜꤢꤨ꤭ꤓꤢꤧ꤬ ꤚ꤫ꤣꤧ꤬ꤜꤣ ꤚꤣꤧꤘꤢꤦ꤬ ꤢ꤬ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤢ꤬ ꤜꤢꤨ꤭ꤓꤢꤧ꤬ ꤔꤥ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤢ꤬ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤙꤣꤧ ꤢ꤬ ꤜꤢꤨ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤜꤢꤨ꤭ꤓꤢꤧ꤬ ꤖꤢꤧ ꤒꤣ꤬ꤖꤥ ꤚꤣꤧ꤬ ꤢ꤬ ꤓꤥ꤭ꤕꤜꤢꤦ ꤜꤢ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤟꤣꤧ꤯

ꤟꤤꤙꤚꤢꤨ 8:3

ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢꤨ꤭ ꤘꤢꤧ꤬ꤓꤢꤧ꤬ ꤢ꤬ ꤔꤢꤧ ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤒꤢꤩ꤬ ꤓꤥ꤭ꤚꤣꤧ꤬ ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬꤯ ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤘꤣ ꤢ꤬ꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤊꤣꤧ꤭ ꤒꤢꤩ꤬ ꤒꤣ꤬ꤡꤣ꤬ꤡꤣ꤬꤯

ꤟꤤꤙꤚꤢꤨ 9:9

ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤗꤢ꤬ ꤢ꤬ ꤞꤤꤛ꤫ꤢꤦ꤬ ꤘꤣꤧꤜꤥ꤭ꤋꤥ꤬ꤟꤣꤧ ꤕꤢꤩ꤬ ꤒꤢꤩ꤬ꤗꤢꤒꤢꤩ꤬ꤒꤢꤩ꤭ ꤘꤣ ꤕꤢꤩ꤬ ꤓꤢꤦ꤭ꤋꤢꤩ꤭ ꤊꤢꤨꤔ꤫ꤢꤧ꤬ꤋꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ ꤟꤣꤧ꤯ ꤢ꤬ ꤞꤤꤛ꤫ꤢꤦ꤬ ꤤ꤬ꤛꤢꤨ꤭ꤜꤥ꤭ꤟꤣꤧ ꤕꤢꤩ꤬ ꤔꤢꤧ ꤒꤢꤩ꤬ꤜꤢꤨ꤭ꤒꤢꤩ꤬ꤒꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤘꤣ ꤢꤨ꤭ ꤜꤢꤨ꤭ꤓꤢꤧ꤬ ꤢ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤗꤢꤩ꤬ ꤕꤜꤤ꤭ꤖꤥꤡ꤫ꤢꤧ꤬ ꤕ꤫ꤢꤩ꤬ ꤖꤚꤢꤩ꤬ ꤟꤢꤧ꤭ ꤡꤢꤪꤙꤢꤨ꤬ꤡꤢꤪꤙꤢꤩ꤭ꤓꤢꤧ꤬ ꤒꤢꤩ꤬ꤣꤧ꤭ ꤒꤣꤧ꤬ꤟꤢꤩ꤬ ꤢ꤬ꤞꤤꤕꤜꤢꤪ꤬ ꤒꤥ꤬꤯

ꤟꤤꤙꤚꤢꤨ 10:11

ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤙꤢꤩ꤬ ꤊꤣꤧ꤬ꤓꤢꤪ꤬ ꤗꤢꤩ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬ ꤕꤝꤢ꤭ꤔꤣꤧ꤭ꤔꤣꤧ꤭꤮ ꤡꤣꤧ꤯ ꤜ꤫ꤢꤩ꤬ꤊꤜꤥ꤭ꤊꤜꤥ꤭꤮ ꤛꤢꤩ꤬ꤞꤤ꤭ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤒꤣ꤬ꤖꤥ꤬ꤓꤥ꤭ ꤒꤣ꤬ꤖꤥ꤯ ꤒꤢꤩ꤬ꤜꤢꤨ꤭ꤒꤢꤩ꤬ꤒꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤖꤛꤢ ꤒꤣꤧ꤬ꤖꤢ꤭ꤊꤢꤧ꤭ ꤡ꤫ꤢꤧ꤬ ꤊꤣꤧ꤬ꤛꤢꤧ꤭ ꤒꤢꤩ꤬ꤞꤢꤦ ꤒꤣ꤬ꤡꤣ꤬꤮ ꤒꤥ꤬꤯