ꤟꤤꤙꤚꤢꤨ 8:3 - Eastern Kayah Shadaw Dialect

³ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢꤨ꤭ ꤘꤢꤧ꤬ꤓꤢꤧ꤬ ꤢ꤬ ꤔꤢꤧ ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤒꤢꤩ꤬ ꤓꤥ꤭ꤚꤣꤧ꤬ ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤔꤢꤧ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬꤯ ꤟꤢꤨꤔꤣꤧ꤬ꤚꤣꤧ꤬, ꤕꤢꤩ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤘꤣ ꤢ꤬ꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤊꤣꤧ꤭ ꤒꤢꤩ꤬ ꤒꤣ꤬ꤡꤣ꤬ꤡꤣ꤬꤯

ลีเทส่อพ๊าอาเซ เร๊อ เห่ขุทวาลู๊

³ เพรหลู่แต กู่กล๊อดุเล๊อ ปว๋า เตเพร เนอ, อู แด่แถ่ อา เร๊อ อา เบ่ หลู่แตเต โทเรอ อา เบ่ หลู่แตแถ่ เร๊อ เตมีเตดอ เต๊เห่ เด๊อ จอแปแหร่ อา โอ่. ฮู๊เนอเรอ, เป เพรหลู่แตเต เด๊อ อาดุเล๊อ เออเตเพรเนอ, อา เบ่ หลู่แตแถ่ เกอ เต เต๊อเจ่อเจ่อ.

ꤟꤤꤙꤚꤢꤨ 8:3 ပူးပေါင်းရင်းမြစ်များ

ꤟꤤꤙꤚꤢꤨ 5:1

ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤕꤝꤢ꤭꤮ ꤖꤚꤢꤩ꤬ꤖꤚꤢꤩ꤬꤮ ꤔꤣꤧ꤬, ꤢꤨ꤭ ꤔꤝꤢꤓꤢꤧ꤬ ꤢ꤬ ꤘꤣ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤖꤢꤧ ꤚꤣꤧ꤬ ꤢꤨ꤭ ꤘꤢꤧ꤬ꤓꤢꤧ꤬ ꤢ꤬ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤜꤢꤪ꤭꤮ ꤕꤜꤤ꤭ ꤢ꤬ꤜ꤫ꤢꤩ꤬ꤊꤜꤥ꤭꤯ ꤢ꤬ ꤊ꤫ꤢꤦ꤬ꤜꤢꤨ꤭ꤊ꤫ꤢꤦ꤬ꤒꤢꤧ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤒꤢꤩ꤬ꤞꤢꤦ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤜꤢꤨ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤖꤢꤨꤒꤢꤩ꤬ꤜꤣꤧ꤬ ꤒꤣꤧ꤬ꤟꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤕꤢ꤭꤯

เอเฟซัส 5:2

ꤞꤤ꤭ ꤒꤥ꤭ ꤥ꤬ꤞꤣꤧ꤭ꤖꤚꤢꤩ꤬ ꤜꤢ꤭ꤋꤢꤧ꤭ ꤟꤢꤨꤒꤢꤩ꤭ ꤟꤢꤩꤔꤣꤧ꤬ꤗꤢ꤬, ꤗꤥ꤬ꤚꤣꤧ ꤜꤢ꤭ꤋꤢꤧ꤭ ꤢꤨ꤭ꤚꤥ꤬ ꤕꤝꤢ꤭꤮ ꤒꤣ꤬ꤔꤣꤧ꤭ ꤞꤢꤧꤔꤢꤧ ꤋꤚꤤ ꤗꤥ꤬ ꤚꤣꤧꤘꤢꤦ꤬ ꤕꤢꤩ꤬ ꤚꤣꤧ꤬ ꤢ꤬ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤔꤣꤧ꤬ ꤔꤤ꤮꤯ ꤓꤥ꤭ꤒꤥ꤬ ꤋꤚꤤ ꤜꤢꤨ꤭ꤓꤢꤧ꤬ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤞꤢꤧꤔꤢꤧ ꤒꤢꤩ꤬ꤔꤥ꤬ꤗꤢꤦꤔꤥ꤬ꤏꤢꤦ꤭ ꤘꤣ ꤢ꤬ꤒꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ ꤣꤧ꤭ꤔꤣꤧ꤬ ꤟꤣꤧ꤯

ꤟꤤꤙꤚꤢꤨ 9:14

ꤟꤢꤨꤔꤣꤧ꤬ꤚꤣꤧ꤬, ꤒꤣꤧ꤬ꤔꤢꤩ꤬ ꤗꤢꤧꤗꤣꤧ꤭ ꤜꤢ꤭ꤋꤢꤧ꤭ ꤋꤚꤤ ꤢ꤬ꤞꤝꤤ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤗꤢꤩ꤬ ꤙꤢꤨ꤭ꤕꤜꤤ꤭ꤖꤥꤜꤣ ꤡꤣꤧ ꤕꤢꤩ꤬ ꤔꤢꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭ ꤡꤣꤧ꤯ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤥ꤬ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤚꤤ ꤜꤢꤨ꤭ꤓꤢꤧ꤬ꤟꤣꤧ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ꤒꤢꤩ꤬ꤞꤢꤦ ꤥ꤬ ꤒꤣ꤬ꤡꤣ꤬꤮ ꤒꤥ꤬ ꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤟꤣꤧ꤯ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ ꤕ꤫ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤋꤚꤤ ꤊ꤫ꤢꤦ꤬ ꤞꤢꤨꤕꤜꤤ꤭ꤊꤢꤧ꤭ ꤕꤢꤩ꤬ ꤞꤤꤕꤜꤢꤪ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤕꤢꤩ꤬ ꤒꤢꤩ꤬ꤗꤢꤩ꤬ ꤘꤣ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤥ꤬ꤊꤣꤧ꤭ꤢꤨ꤭ ꤒꤥ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ ꤢ꤬ꤞꤝꤤ꤬ ꤕꤢ꤭꤯

ꤟꤤꤙꤚꤢꤨ 7:27

ꤢ꤬ ꤗꤢ꤬ ꤢ꤬ꤞꤢꤧꤔꤢꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤘꤣ ꤢ꤬ꤚꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤗ꤫ꤢ꤬ꤒꤥ꤬꤯ ꤕꤝꤢ꤭ꤔꤣꤧ꤭ꤔꤣꤧ꤭꤮ ꤢ꤬ ꤜ꤫ꤥ꤬ ꤜꤢꤨ꤭ꤓꤢꤧ꤬ ꤚ꤫ꤣꤧ꤬ꤜꤣ ꤚꤣꤧꤘꤢꤦ꤬ ꤢ꤬ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤢ꤬ ꤜꤢꤨ꤭ꤓꤢꤧ꤬ ꤔꤥ꤬ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤢ꤬ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤟꤢꤨꤔꤣꤧ꤬ ꤗ꤫ꤢ꤬ꤒꤥ꤬꤯ ꤙꤣꤧ ꤢ꤬ ꤜꤢꤨ꤭ꤓꤢꤧ꤬ ꤢ꤬ꤔ꤫ꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤜꤢꤨ꤭ꤓꤢꤧ꤬ ꤖꤢꤧ ꤒꤣ꤬ꤖꤥ ꤚꤣꤧ꤬ ꤢ꤬ ꤓꤥ꤭ꤕꤜꤢꤦ ꤜꤢ꤭ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤟꤣꤧ꤯

ꤒꤤꤒꤢꤨ 2:14

ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤕꤢꤩ꤬ ꤘꤣ ꤒꤢꤩ꤬ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤜꤢꤪ꤭꤮ ꤕꤜꤤ꤭ ꤒꤣꤧ꤬ꤟꤢꤩ꤬ ꤢ꤬ꤊꤢꤨ꤭, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤗꤢꤩ꤬ ꤕꤜꤤ꤭ꤖꤥ ꤊꤢ꤬ ꤕꤢꤩ꤬ ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤓꤥ꤭ꤒꤥ꤬ ꤕꤢꤩ꤬ ꤊ꤫ꤢꤦ꤬ ꤞꤤꤕꤜꤢꤪ꤬ꤏꤝꤢ꤬ ꤗꤢꤩ꤬ꤒꤢꤩ꤬ ꤘꤣ ꤢ꤬ꤚꤢꤧ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤋꤢꤧꤞꤣꤧ꤭ ꤕ꤫ꤢꤩ꤬ ꤟꤣꤧ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭ ꤟꤣꤧ꤯

ꤛꤥ꤭ꤟꤢ꤬ 6:51

ꤠꤢꤧ꤭ ꤗꤢ꤬ ꤏꤢꤩ꤬ꤢꤩ꤬ ꤘꤣ ꤢ꤬ ꤘꤣꤧꤢꤨ꤭ ꤛ꤫ꤢꤧ꤬ꤛꤥ꤬ꤞꤣꤧ꤭ꤖꤚꤢꤩ꤬ ꤚꤣꤧ꤬ ꤢ꤬ ꤥ꤬ ꤘꤣ ꤗꤢꤪꤋꤢꤨ꤬ ꤟꤢꤧ꤭ꤜꤢꤧ꤬꤯ ꤢꤨ꤭ꤕꤢꤩ꤭ꤕꤢꤩ꤭꤮ ꤙꤢꤩ꤬ꤙꤢꤩ꤬, ꤢ꤬ ꤊꤢꤩ꤬ ꤢꤩ꤬ ꤏꤢꤩ꤬ꤢꤩ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯ ꤏꤢꤩ꤬ꤢꤩ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤠꤢꤧ꤭ꤛꤢ꤬ ꤣꤧ꤭ꤔꤣꤧ꤬ ꤟꤣꤧ꤯ ꤞꤢꤧꤟꤢꤨ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤊ꤫ꤢꤦ꤬ ꤞꤣꤧ꤭ꤖꤚꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤠꤢꤧ꤭ ꤘꤣꤧꤜꤢꤧ꤬ꤊꤢꤧ꤭ ꤠꤢꤧ꤭ ꤔ꤫ꤢꤩ꤬ꤊꤜ꤫ꤢꤪ꤬ ꤣꤧ꤭ ꤘꤣ ꤛꤢꤩ꤬ꤞꤤ꤭ꤑꤢꤩ꤭ ꤟꤣꤧ꤯”

ꤚꤥꤗꤢꤩ꤬ 4:25

ꤘꤣ ꤕꤢꤩ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤗꤢꤦ꤭ꤞꤣꤧ꤭ ꤢꤨ꤭ ꤔꤢꤧ ꤢ꤬ ꤖꤢꤨꤖꤚꤢꤩ꤬ꤋꤢꤨ꤭꤯ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤘꤢꤧ꤬ꤡꤢꤪꤘꤢꤧ꤬ꤒꤢꤩ꤬ ꤕꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤗꤢꤩ꤬ꤞꤣꤧ꤭ꤖꤚꤢꤩ꤬ ꤊꤢ꤬ꤋꤛꤢ꤭ ꤟꤣꤧ ꤜꤢꤨ꤭ ꤘꤣ ꤒꤢꤩ꤬ꤞꤣꤧ꤭ ꤟꤣꤧ꤯

ꤚꤥꤗꤢꤩ꤬ 5:6

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤙꤣꤧ ꤕꤢꤩ꤬ ꤗꤢꤩ꤬ꤡꤝ꤫ꤢ꤬ ꤜꤢꤧ꤬ꤙꤢꤩ ꤡ꤫ꤢꤧ꤬ ꤚꤣꤧꤘꤢꤦ꤬ ꤕꤢ꤬ ꤕꤢꤩ꤬ꤔ꤫ꤢꤩ꤬ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤏꤛꤢꤨꤋꤚꤤ ꤟꤢꤧ꤭ꤋꤢꤧꤞꤣꤧ꤭ ꤒꤥ꤭ꤏꤣꤧꤒꤥ꤭ꤋꤢꤩ꤭ ꤕ꤫ꤢꤩ꤬ ꤊꤣꤧ꤬ꤛꤢꤧ꤭ꤗꤢꤨꤗ꤫ꤢꤧ꤬ ꤊꤣꤧ꤬ꤛꤢꤧ꤭ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯

ꤚꤥꤗꤢꤩ꤬ 5:8

ꤗꤢ꤬ꤔꤢꤧꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤥ꤬ ꤡꤣꤧ ꤕꤢꤩ꤬ ꤙꤢ꤮ ꤒꤢꤩ꤭ ꤟꤢꤩꤚꤣꤧ꤬, ꤙꤣꤧ ꤕꤢꤩ꤬ ꤓꤝꤢ꤭ꤕꤢ꤬ ꤡꤣꤧ ꤖꤚꤢꤩ꤬ꤗꤢꤩ꤬ꤒꤢꤩ꤬ꤞꤢꤦ ꤒꤢꤩ꤬ꤥ꤬ꤚꤢ꤬ꤖꤢꤨ ꤢ꤬ꤋꤢꤩ꤭ ꤕꤢ꤬ ꤡꤣꤧ ꤔꤣꤧ꤬ꤚꤣꤧ꤬, ꤋꤚꤤ ꤟꤢꤧ꤭ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤕꤢꤩ꤬ꤑꤢꤩ꤭꤯ ꤣꤧ꤭ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤜꤥ꤭ꤟꤣꤧ ꤕ꤫ꤢꤩ꤬ ꤔꤢꤧ ꤢ꤬ꤒꤢꤩ꤬ꤗꤥ꤬ ꤕꤢꤩ꤬ ꤟꤣꤧ꤯

ꤊꤢ꤬ꤜꤢ꤬ꤒꤤ 2:20

ꤣꤧ꤭ꤔꤣꤧ꤬ꤗꤢ꤬ ꤢ꤬ ꤞꤢꤧꤟꤣꤧ ꤔꤢꤧ ꤠꤢꤧ꤭ ꤞꤣꤧ꤭ ꤒ꤫ꤣ꤬ꤊꤣꤧ꤭ ꤔꤢꤧ ꤋꤚꤤ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬ ꤟꤣꤧ꤯ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤗ꤫ꤢ꤬ꤕꤢ꤬ꤒꤥ꤬ ꤟꤣꤧ ꤒꤣꤧ꤬ꤘꤢꤦꤚꤣꤧ꤬ ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤟꤣꤧ ꤘꤣ ꤠꤢꤧ꤭ꤊꤢꤨ꤭ ꤟꤣꤧ꤯ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤗ꤫ꤢ꤬ꤖꤢꤧ ꤠꤢꤧ꤭ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤒꤢꤩ꤬ꤛ꤫ꤢꤦ꤬ꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤗꤥ꤬ꤚꤣꤧ ꤠꤢꤧ꤭ ꤚꤣꤧ꤬ ꤢ꤬ ꤘꤣꤧꤜꤢꤧ꤬ꤊꤢꤧ꤭ ꤢ꤬ ꤞꤤꤕꤜꤢꤪ꤬ꤞꤣꤧ꤭ꤖꤚꤢꤩ꤬ ꤘꤣ ꤠꤢꤧ꤭ꤑꤢꤩ꤭ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ꤋꤛꤢ꤭ ꤖꤢꤧ꤯

ꤟꤤꤙꤚꤢꤨ 2:17

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤢꤧꤟꤢꤨ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤊ꤫ꤢꤦ꤬ ꤓꤝꤢ꤭ꤘꤢꤦ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤟꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤘꤣ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤚꤣꤧ꤬ ꤢ꤬ ꤞꤤꤛꤢꤪ꤬ꤡ꤫ꤢꤧ꤬ ꤢꤨ꤭ ꤒꤣ꤬ꤖꤚꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤋꤢꤧꤞꤣꤧ꤭ꤕ꤫ꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤗꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤕꤜꤝꤢ꤭ꤊꤢꤧ꤭ ꤢ꤬ꤑꤢꤩ꤭ꤔꤣꤧ꤬, ꤢ꤬ ꤟꤢꤧ꤭ꤜꤢꤧ꤬ ꤖꤛꤢ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤜ꤫ꤢꤩ꤬ꤊꤜꤥ꤭ ꤞꤢꤧꤔꤢꤧ ꤢ꤬ꤕ꤫ꤥ꤬ꤢ꤬ꤗ꤫ꤢꤧ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯

ꤟꤤꤙꤚꤢꤨ 3:1

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤩ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣꤧ꤬ꤔꤢꤩ꤬ ꤗꤢꤧꤗꤣꤧ꤭ ꤜꤢ꤭ꤋꤢꤧ꤭ ꤛꤢꤩ꤬ꤏꤛꤢꤨ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤟꤢꤧ꤭ ꤓꤝꤢ꤭ ꤜꤢꤨ꤭ ꤔꤢꤧ ꤖꤚꤢꤩ꤬ꤟꤢꤩꤏꤥ꤬ꤘꤥ꤬ꤔꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤔꤢꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬꤯

ꤟꤤꤙꤚꤢꤨ 8:4

ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨ ꤘꤣ ꤢ꤬ ꤓꤝꤢ꤭ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤙꤣꤧ ꤢ꤬ ꤥ꤬ꤕꤢ꤬ ꤙꤣꤧ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭, ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤘꤣ ꤢ꤬ ꤙꤢꤩ꤬ꤜꤢꤨ꤭ꤙꤢꤩ꤬ꤒꤢꤧ꤭ꤓꤢꤧ꤬ ꤟꤢꤨ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤥ꤬ꤔꤣꤧ꤬, ꤢ꤬ ꤜꤢ꤭ ꤥ꤬ꤘꤢꤦ꤬ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤢ꤬ ꤓꤝꤢ꤭ꤔ꤫ꤤ꤬ ꤊꤣꤧ꤭ꤢꤨ꤭ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤒꤥ꤬꤯