ꤟꤤꤙꤚꤢꤨ 8:2 - Eastern Kayah Shadaw Dialect

² ꤊꤢꤨꤔ꤫ꤢꤧ꤬ꤣꤧ꤭ ꤢ꤬ ꤗꤢꤩ꤬ꤟꤣꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣꤣꤧ꤭ ꤢ꤬ꤒꤢꤩ꤬ꤗꤢꤩ꤬, ꤚꤣꤧ꤬ ꤢ꤬ ꤗꤢꤩ꤬ ꤟꤣꤧ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ꤒꤣ꤬ꤖꤥ꤬ ꤢ꤬ꤊꤢꤨ꤭ ꤟꤣꤧ꤯ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤥ꤬ꤚꤣꤧꤘꤢꤦ꤬ ꤗ꤫ꤢ꤬ꤔꤤꤔꤢꤧ꤬ ꤣꤧ꤭ꤔꤣꤧ꤬ ꤢꤨ꤭ ꤗꤢꤩ꤬ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤢ꤬ꤊꤢꤨꤋꤢꤨ꤬ ꤗ꤫ꤢ꤬ꤒꤥ꤬꤯ ꤙꤢꤧ꤬ꤡꤢꤩ꤬ ꤤ꤬ꤏꤢꤪꤓꤢꤧ꤬ꤚꤣꤧ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧꤘꤢꤦ꤬ꤡꤣꤧ꤯

ลีเทส่อพ๊าอาเซ เร๊อ เห่ขุทวาลู๊

² กู๊แหน่เออ อา เมเฮ๊อ เพรหลู่แต กู่กล๊อดุเล๊อเออ อาเตเม, เร๊อ อา เม เฮ๊อ เด๊อ เตเหล่โอ่ บูโพ๊ โต๊โผ่ อากู เฮ๊อ. เหล่สื่อดุ บูโพ๊ หม่าแหน่ เออเนอ อู เม เร๊อ แกแยเห่ขุพู๊ อากู๊ขุ หม่าโต่. แบ่เจ่ ช๊อแถ่หนิ เน๊อ อาเหน่ เร๊อดื่อเจ๊อ.

ꤟꤤꤙꤚꤢꤨ 8:2 ပူးပေါင်းရင်းမြစ်များ

โครินธ์ เนอบ่า ต๊าบ่า 5:1

ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤘꤣ ꤢ꤬ꤞꤢꤧꤔꤢꤧ ꤟꤤ꤬ ꤘꤣ ꤕꤢꤩ꤬ ꤥ꤬ ꤚꤣꤧꤘꤢꤦ꤬ ꤢ꤬ ꤘꤣ ꤟꤢꤩ꤬ꤋꤢꤨ꤬ ꤣꤧ꤭ꤒꤣ꤬ꤗꤢꤩ꤭ ꤔꤣꤧ꤬, ꤏꤢ꤮ ꤢꤨ꤭ ꤗꤢꤩ꤬ꤖꤚꤥꤊꤢꤧ꤭ ꤟꤣꤧ ꤢ꤬ ꤕꤢ꤭, ꤢ꤬ ꤞꤤ ꤟꤢꤩ ꤟꤣꤧ ꤏꤢ꤮ ꤕꤢꤩ꤬ ꤞꤣꤧ꤭ ꤕꤢ꤭ꤗꤢ꤬, ꤕꤢꤩ꤬ ꤞꤤꤑꤢꤩ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤗꤢꤩ꤬ꤥ꤬ꤕ꤫ꤢꤩ꤬ ꤟꤣꤧ ꤕꤢꤩ꤬ꤟꤤ꤬ꤞꤢꤩ꤭ ꤗ꤫ꤢ꤬ꤟꤣꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ ꤘꤣ ꤗꤢꤪꤋꤢꤨ꤬ ꤔꤣꤧ꤬ ꤟꤣꤧ꤯ ꤢ꤬ ꤊ꤫ꤢꤦ꤬ ꤗꤢꤩ꤬ ꤔꤢꤧ ꤢ꤬ꤔ꤫ꤢꤩ꤬ ꤚꤣꤧ꤬ ꤟꤤ꤬ꤞꤢꤩ꤭ ꤗ꤫ꤢ꤬ꤟꤣꤧ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬, ꤢ꤬ ꤞꤣꤧ꤭ꤡ꤫ꤢꤧ꤬ ꤕꤢ꤬ ꤒꤥ꤬, ꤢ꤬ ꤊ꤫ꤢꤦ꤬ ꤥ꤬ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭꤯

ꤚꤥꤗꤢꤩ꤬ 15:8

ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤠꤢꤧ꤭ ꤟꤢꤩ ꤞꤤ꤭ ꤔꤢꤧ ꤋꤚꤤ ꤟꤢꤧ꤭ꤜꤢꤧ꤬ ꤓꤝꤢ꤭ ꤕ꤫ꤢꤩ꤬ꤟꤣꤧ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤘꤣ ꤢ꤬ ꤢꤪꤜꤢꤧ꤬ ꤓꤥ꤭ꤟꤣꤧ ꤔꤢꤧ ꤛꤢꤩ꤬ꤞꤤ꤭ ꤢ꤬ꤖꤣꤧ꤭ꤢ꤬ꤖꤥ꤭ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ꤚꤣꤧ꤬ ꤋꤚꤤ ꤟꤢꤧ꤭ꤜꤢꤧ꤬ ꤓꤝꤢ꤭ ꤟꤢꤨꤔꤣꤧ꤬꤯

ꤟꤤꤙꤚꤢꤨ 11:10

ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤗꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤜꤢꤨ꤭ ꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤢ꤬ ꤥ꤬ꤕ꤫ꤢꤪ꤬ ꤗꤢꤧꤏꤢꤦ꤭ꤚꤣꤧ ꤠꤤ꤭ ꤘꤣ ꤢ꤬ꤊꤢꤧ꤭ꤏꤢ ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤠꤤ꤭꤯ ꤠꤤ꤭ ꤣꤧ꤭ꤒꤣꤧ꤬ꤠꤤ꤭ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤥ꤬ꤔꤢꤩ꤬ ꤓꤥ꤭ꤟꤣꤧ ꤚꤣꤧ꤬ ꤢ꤬ ꤤ꤬ꤏꤢꤪꤓꤢꤧ꤬ ꤓꤥ꤭ꤚꤣꤧꤘꤢꤦ꤬ ꤟꤣꤧ ꤔꤢꤧ ꤢ꤬ꤔ꤫ꤢꤩ꤬꤯

ꤟꤤꤙꤚꤢꤨ 10:21

ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪ ꤘꤣ ꤢ꤬ꤘꤢꤨ꤬ꤜꤣꤢꤨ꤭ ꤚꤣꤧ꤬ ꤢ꤬ ꤗꤢꤧꤡꤢꤧ꤬ꤚꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤟꤤ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤕꤢꤩ꤬ ꤔ꤫ꤤ꤬ꤙꤢꤩ꤬ꤟꤣꤧ ꤢ꤬ ꤟꤣꤧ꤯

โคโลสี 2:11

ꤞꤤ꤭ ꤥ꤬ ꤘꤣ ꤋꤚꤤ ꤢ꤬ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤞꤢꤧꤟꤣꤧ ꤔꤢꤧ ꤞꤤ꤭ ꤘꤢꤦꤒꤣꤧ꤬ꤜꤤꤖꤢ ꤟꤣꤧ꤯ ꤒꤢꤩ꤬ꤘꤢꤦꤒꤣꤧ꤬ꤜꤤꤖꤢ ꤣꤧ꤭ꤔꤣꤧ꤬ ꤊꤣꤧ꤬ꤛꤢꤧ꤭ ꤘꤢꤦ ꤞꤤ꤭ ꤗ꤫ꤢ꤬ꤒꤥ꤬꤯ ꤙꤣꤧ ꤋꤚꤤ ꤖꤛꤢꤓꤢꤩ꤬ꤊꤢꤧ꤭ ꤟꤣꤧ ꤞꤤ꤭ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤞꤤꤛ꤫ꤢꤦ꤬ꤞꤤꤜꤢꤪ꤭ ꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤢꤦꤒꤣꤧ꤬ꤜꤤ ꤞꤤ꤭ꤖꤢ ꤟꤣꤧ꤯

ꤜꤢꤨꤊꤢ꤬ 24:44

ꤓꤥ꤭ꤚꤣꤧ꤬ ꤢ꤬ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤙꤣꤧ ꤠꤢꤧ꤭ ꤥ꤬ꤊꤣꤧ꤭ꤕꤢ꤬ ꤔꤢꤧ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤜꤢꤪ꤭ ꤢꤨ꤭ ꤚꤢ꤭ꤥ꤬ ꤓꤥ꤭ꤟꤣꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤘꤣ ꤋꤢꤨ꤭ꤗꤢꤪꤎꤢꤧ ꤢ꤬ꤜꤤ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤖꤚꤢꤩ꤬ꤖꤚꤥ꤬ ꤚꤢ꤭ꤥ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤘꤣ ꤜꤤ꤬ꤓꤢꤨ꤬ꤞꤢꤩꤓꤢꤧ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤙꤢꤩ꤬ ꤜꤣꤙꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤕꤝꤢ꤭꤮ ꤒꤣ꤬ꤡꤣ꤬ ꤕꤢ꤭ꤔꤣꤧ꤬, ꤠꤢꤧ꤭ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤞꤤ꤭ ꤟꤣꤧ꤯”

ꤟꤤꤙꤚꤢꤨ 9:1

ꤊꤢꤨꤔ꤫ꤢꤧ꤬ꤚꤣꤧ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ꤚ꤫ꤣꤧ꤬ ꤒꤣ꤬ꤗꤢꤦ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤥ꤬ ꤔꤢꤧ ꤢ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬ ꤔꤢꤧ ꤜ꤫ꤢꤩ꤬ꤡꤢꤪꤙꤢꤩ꤭ ꤜ꤫ꤢꤩ꤬ꤞꤢꤦ꤬ꤘꤢꤨ꤬ ꤘꤣ ꤢ꤬ ꤗ꤫ꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜ꤫ꤢꤩ꤬ꤥ꤬ ꤘꤣ ꤖꤚꤢꤩ꤬ꤜꤢꤨ꤬ ꤊꤣꤧ꤬ꤛꤢꤧ꤭ ꤤ꤬ꤏꤢꤪꤓꤢꤧ꤬ ꤢ꤬ꤔꤣꤧ꤬ ꤒꤣ꤬ꤗꤢꤩ꤭꤯

ꤟꤤꤙꤚꤢꤨ 10:11

ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤙꤢꤩ꤬ ꤊꤣꤧ꤬ꤓꤢꤪ꤬ ꤗꤢꤩ꤬ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬ ꤕꤝꤢ꤭ꤔꤣꤧ꤭ꤔꤣꤧ꤭꤮ ꤡꤣꤧ꤯ ꤜ꤫ꤢꤩ꤬ꤊꤜꤥ꤭ꤊꤜꤥ꤭꤮ ꤛꤢꤩ꤬ꤞꤤ꤭ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤒꤣ꤬ꤖꤥ꤬ꤓꤥ꤭ ꤒꤣ꤬ꤖꤥ꤯ ꤒꤢꤩ꤬ꤜꤢꤨ꤭ꤒꤢꤩ꤬ꤒꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤖꤛꤢ ꤒꤣꤧ꤬ꤖꤢ꤭ꤊꤢꤧ꤭ ꤡ꤫ꤢꤧ꤬ ꤊꤣꤧ꤬ꤛꤢꤧ꤭ ꤒꤢꤩ꤬ꤞꤢꤦ ꤒꤣ꤬ꤡꤣ꤬꤮ ꤒꤥ꤬꤯

เตเด๊อะโลแถ่ 21:3

ꤠꤢꤧ꤭ ꤔ꤫ꤤ꤬ꤟꤥ꤭ ꤍ꤫ꤥ꤬ꤖꤚꤢ꤬ꤏꤝꤢ꤬ ꤒꤣ꤬ꤗꤢꤦ꤭ ꤘꤣ ꤡꤢꤪꤖꤢꤧ꤬ ꤊꤢꤨ꤬ꤊꤜꤢꤧꤓꤢꤩ꤭ ꤓꤢꤧ꤬ꤜꤥ꤭ ꤢ꤬ꤥ꤬ꤔꤣꤧ꤬, ꤚꤣꤧ꤬ ꤢ꤬ ꤟꤢꤩ ꤔꤢꤧ, “ꤊꤢꤨꤔ꤫ꤢꤧ꤬ꤣꤧ꤭ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤧ꤭ꤥ꤬ꤒ꤫ꤣ꤬ꤊꤣꤧ꤭ ꤟꤣꤧ ꤔꤢꤧ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤟꤣꤧ꤯ ꤢ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤕꤢ꤭꤯ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤚꤣꤧ꤬ ꤢ꤬ ꤊ꤫ꤢꤦ꤬ ꤓꤝꤢ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤙꤢꤧ꤬ꤡꤢꤩ꤬ ꤕꤢ꤭꤯