ꤟꤤꤙꤚꤢꤨ 7:12 - Eastern Kayah Shadaw Dialect

¹² ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤙꤣꤧ ꤢꤨ꤭ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ ꤟꤣꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤙꤢꤩ꤬ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ ꤒ꤫ꤥ꤬ꤊꤣꤧ꤭ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

¹² เมเตเฮ๊เรอ เบ๊อะอู ถู่แหล่ เต๊เปล่ เฮ๊อ เพรหลู่แต อากลุยอาแล เบ๊อะเนอ, อู เบ่ ถู่แหล่ เต๊เปล่ เต่อเกอ เตซว๊าเตแส่ เต๊เห่.

ꤟꤤꤙꤚꤢꤨ 7:12 ပူးပေါင်းရင်းမြစ်များ

ꤟꤤꤙꤚꤢꤨ 7:11

ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤘꤢꤧ꤬ꤓꤢꤧ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ꤖꤢꤨ ꤘꤣ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤢ꤭ ꤘꤣ ꤜꤢꤩ꤬ꤠꤤꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ ꤥ꤬꤯ ꤛꤢꤩ꤬ꤞꤤ꤭ ꤙꤢꤩ꤬ ꤜꤢꤨ꤭ꤒꤢꤧ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤟꤢꤨ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤥ꤬ ꤔꤣꤧ꤬꤯ ꤜꤢꤩ꤬ꤠꤤꤖꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ꤖꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤗꤢꤩ꤬ ꤢ꤬ꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤊꤣꤧ꤬ꤛꤢꤧ꤭ꤡꤢꤪꤊꤣꤧ꤬ꤛꤢꤧ꤭ꤒꤢꤩ꤬ ꤢ꤬ꤑꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤗꤢꤩ꤬ꤡ꤫ꤢꤧ꤬ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤙꤢꤩ꤬ ꤔꤢꤪ꤭ꤟꤢꤧ꤭ꤋꤢꤪ꤬ ꤒꤣꤧ꤬ꤕꤜꤢꤩ꤬ꤘꤢꤦ꤬ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤘꤣ ꤢ꤬ꤚꤥ꤬ ꤒꤣ꤬ꤖꤚꤢꤩ꤬꤯ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤢ꤭ ꤘꤣ ꤜꤢꤩ꤬ꤠꤤꤖꤢꤨ ꤘꤣ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤢ꤭ ꤘꤤ꤭ꤒ꤫ꤢꤦ꤬ ꤘꤣ ꤖꤢꤩ꤭ꤢ꤬ꤚꤥ꤬ ꤢ꤬ ꤥ꤬ ꤣꤧ꤭ꤔꤣꤧ꤬ ꤗ꤫ꤢ꤬ꤒꤥ꤬꤯ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ꤞꤢꤧꤔꤢꤧ ꤗꤢ꤬ꤜꤢ꤬ꤋꤤꤞꤢꤩ꤬ꤘꤢꤧ ꤔꤣꤧ꤬ꤟꤣꤧ꤯

ꤟꤤꤙꤚꤢꤨ 7:13

ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤘꤣ ꤕꤢꤩ꤬ ꤟꤢꤩ ꤚꤣꤧꤘꤢꤦ꤬ ꤜꤢꤨ꤭ꤚꤤ꤬ꤜꤢꤨ꤭ꤊꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬, ꤢ꤬ ꤟꤢꤧ꤭ꤔꤥ꤭ꤊꤢꤧ꤭ ꤟꤣꤧ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤟꤣꤧ꤯ ꤢ꤬ ꤗꤢ꤬ ꤜꤢꤩ꤬ꤠꤤ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤗ꤫ꤢ꤬ꤒꤥ꤬꤯ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤒꤢ꤭ ꤋꤥꤘꤢꤦ꤬ ꤘꤣ ꤢ꤬ꤚꤥ꤬ ꤒꤣ꤬ꤗ꤫ꤥ꤬ ꤘꤣ ꤢꤨ꤭ ꤢꤩ ꤔꤢꤧ ꤛꤢꤨꤘꤢ꤬ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤟꤢꤨ ꤖꤚꤢꤩ꤬ꤜꤢꤨ꤭ꤒꤢꤧ꤭ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬ ꤗꤢꤩ꤬ ꤒꤢꤩ꤬ ꤘꤣ ꤒꤢꤩ꤬ꤜꤢꤨ꤭ꤚ꤫ꤢꤩ꤬ ꤢ꤬ꤊꤢꤧ꤭ꤏꤢ ꤔꤣꤧ꤬, ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤣꤧ꤭ꤔꤣꤧ꤬, ꤢ꤬ ꤗꤢꤩ꤬ꤔꤢꤪ ꤊꤣꤧ꤭ꤢꤨ꤭ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤒꤢꤩ꤬ꤗꤢꤩ꤬ ꤒꤣ꤬ꤖꤚꤢꤩ꤬꤮ ꤒꤥ꤬꤯

ꤟꤤꤙꤚꤢꤨ 9:10

ꤒꤢꤩ꤬ꤜꤢꤨ꤭ꤒꤢꤩ꤬ꤒꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤒꤣꤧ꤬ꤒꤢꤩ꤬ ꤞꤤꤜꤢꤩ꤬ꤓꤢꤧ꤬ꤚꤣꤧ ꤖꤢꤧ ꤒꤢꤩ꤬ꤡꤢꤪꤙꤢꤨ꤬ꤡꤢꤪꤙꤢꤩ꤭ ꤢ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤟꤢꤩ ꤔꤢꤧ ꤣꤧ꤭ꤗꤢ꤬ ꤢꤩ꤬ꤔ꤫ꤤ꤬, ꤣꤧ꤭ꤗꤢ꤬ ꤥ꤭ꤔ꤫ꤤ꤬ ꤒꤥ꤬, ꤒꤥ꤭ꤙꤢꤩ꤬ ꤞꤢꤨꤕꤜꤤ꤭ꤞꤢꤨꤕꤜ꤫ꤢꤩ꤬ ꤔ꤫ꤢꤩ꤬ ꤟꤢꤨꤣꤧ꤭ ꤟꤢꤨꤔꤣꤧ꤬, ꤢ꤬ ꤟꤢꤩ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ꤯ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ꤗꤢ꤬ ꤜꤢꤦ꤬ꤋꤚꤝꤢ꤭ ꤗꤢꤩ꤬ꤒꤢꤩ꤬ ꤘꤣ ꤢ꤬ꤊꤜꤢꤪ꤭ ꤒꤣ꤬ꤊꤛꤢ꤭ ꤖꤢꤧ, ꤢ꤬ ꤗꤢꤩ꤬ ꤒꤣꤧ꤬ꤊꤜꤢꤧ꤬ꤡ꤫ꤢꤧ꤬ ꤞꤤꤕꤜꤢꤪ꤬ ꤒꤥ꤬꤯ ꤔ꤫ꤢꤩ꤬ꤊꤜ꤫ꤢꤪ꤬ ꤖꤢꤛꤢ꤬ ꤒꤣ꤬ꤊꤛꤢ꤭, ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤙꤢꤩ꤬ ꤋꤚꤝꤢ꤭ꤗꤢꤩ꤬ ꤒ꤫ꤥ꤬ꤘꤣ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤒꤣꤧ꤬ꤕꤜꤢꤩ꤬ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤊꤜꤢꤧ ꤢ꤬ꤞꤢꤩ꤭ ꤒꤣ꤬ꤙꤥ꤭꤯