ꤟꤤꤙꤚꤢꤨ 13:3 - Eastern Kayah Shadaw Dialect

³ ꤞꤤꤔ꤫ꤢꤩ꤬ ꤗꤢꤩ꤬ꤡꤝ꤫ꤢ꤬ ꤒ꤫ꤣ꤬ꤕ꤫ꤢꤩ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤒꤢ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤒꤣꤧ꤬ꤟꤢꤩ꤬ ꤚꤣꤧ꤬ ꤘꤢꤧ꤬ꤊꤣꤧ꤭ ꤔꤢꤧ꤬ ꤞꤤꤕꤜꤢꤪ꤬ ꤟꤢꤨ ꤔꤢꤧ꤬ ꤒꤢ꤭ꤒ꤫ꤣ꤬ꤊꤣꤧ꤭ ꤔꤢꤧ ꤛꤢꤩ꤬ꤞꤤ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤟꤢꤨꤔꤣꤧ꤬ ꤔꤤ꤮꤯ ꤞꤤꤔ꤫ꤢꤩ꤬ ꤗꤢꤩ꤬ꤡꤝ꤫ꤢ꤬ ꤒ꤫ꤣ꤬ꤕ꤫ꤢꤩ꤬ꤊꤣꤧ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤋꤢꤧꤡꤢ꤭ꤋꤢꤧꤡꤢꤦ꤬ ꤒꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤘꤢꤧ꤬ꤊꤣꤧ꤭ ꤔꤢꤧ꤬ ꤞꤤꤕꤜꤢꤪ꤬ ꤟꤢꤨ ꤔꤢꤧ꤬ ꤋꤢꤧꤙꤢꤩ꤬ ꤒ꤫ꤣ꤬ꤊꤣꤧ꤭ ꤒꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬ ꤔꤤ꤮꤯

ลีเทส่อพ๊าอาเซ เร๊อ เห่ขุทวาลู๊

³ ซีเหน่ เมจว่า เต่อเป่เกอ แกแย ตา เด๊อ ทอกู เต๊เห่ เร๊อ แด่เกอ เน ซิปล่อ ฮู๊ เน ตาเต่อเกอ เน๊อ เหย่ซี เด๊อ ทอกู ฮู๊เนอ นี๋. ซีเหน่ เมจว่า เต่อเป่เกอ แกแย เด๊อ อา ข่าจาข่าจือ เต เต๊เห่ เร๊อ แด่เกอ เน ซิปล่อ ฮู๊ เน ข่าเบ่ เต่อเกอ เต เร๊อ เหย่ซี ฮู๊เนอ นี๋.

ꤟꤤꤙꤚꤢꤨ 13:3 ပူးပေါင်းရင်းမြစ်များ

มัทธิว 25:36

ꤙꤣꤧ ꤠꤢꤧ꤭ ꤥ꤬ꤒ꤫ꤢꤧ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤢ꤬ꤋꤢꤩ꤭, ꤞꤤ꤭ ꤘꤣꤧꤊꤢꤦ꤭ꤘꤣꤧꤞꤢꤧ ꤠꤢꤧ꤭, ꤙꤣꤧ ꤠꤢꤧ꤭ꤏꤝꤤꤠꤢꤧ꤭ꤏꤢꤩ꤭ ꤢ꤬ꤋꤢꤩ꤭, ꤞꤤ꤭ꤗꤢꤧꤞꤤ꤭ꤡꤢꤧ꤬ ꤚꤣꤧꤘꤢꤦ꤬ ꤠꤢꤧ꤭꤯ ꤙꤣꤧ ꤢꤨ꤭ ꤘꤢꤪꤒꤢ꤭ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭ꤔꤣꤧ꤬, ꤞꤤ꤭ ꤟꤢꤧ꤭ ꤥ꤬ꤜꤢꤩ꤭ ꤊꤣꤧ꤭ ꤠꤢꤧ꤭꤯’

ꤟꤤꤙꤚꤢꤨ 10:34

ꤞꤤ꤭ ꤞꤤꤛꤢꤪ꤬ꤚꤣꤧ ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤘꤢꤪꤒꤢ꤭ ꤜꤢꤨ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬꤯ ꤢꤨ꤭ ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤕ꤫ꤢꤦ꤬ꤖꤢꤩ꤬ ꤡꤝꤢꤊꤢꤧ꤭ ꤜꤢꤪ꤭ ꤞꤤ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤡꤣꤧ ꤒꤣꤧ꤬ꤘꤢꤦꤚꤣꤧ꤬, ꤞꤤ꤭ ꤘꤢꤧ꤬ ꤞꤤꤋꤚꤢꤦ꤭ ꤜꤢ꤭ꤋꤢꤧ꤭ ꤖꤢꤧ ꤞꤤ꤭ ꤞꤤꤕꤜꤢꤪ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤑꤢꤩ꤭ ꤔꤢꤧ ꤞꤤ꤭ ꤒꤢ꤭ꤗ꤫ꤥ꤬ꤒꤢ꤭ꤒꤢꤩ꤬ ꤘꤣ ꤢ꤬ꤚꤢꤧꤜꤣ ꤚꤣꤧ꤬ ꤢ꤬ ꤥ꤬ꤊꤜꤢꤪ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤣꤧ꤭ꤔꤣꤧ꤬ ꤢ꤬ ꤥ꤬ ꤢꤩꤜꤥ꤬ꤕꤢ꤬ ꤘꤣ ꤗꤢꤪꤋꤢꤨ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤜꤢ꤭ꤋꤢꤧ꤭ ꤖꤢꤧ,

ꤚꤥꤗꤢꤩ꤬ 12:15

ꤞꤤꤋꤚꤢꤦ꤭ꤞꤤꤜꤢꤪ꤭ ꤚ꤫ꤥ꤬ꤊꤣꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤋꤚꤢꤦ꤭ꤞꤤꤜꤢꤪ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤞꤤꤕꤜꤢꤩ꤭ꤞꤤꤛꤢꤪ꤬ ꤚ꤫ꤥ꤬ꤊꤣꤧ꤭ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤕꤜꤢꤩ꤭ꤞꤤꤛꤢꤪ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯

โครินธ์ อาเหร่อเล๊อ ต๊าบ่า 12:26

ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤒꤣ꤬ꤡꤣ꤬ ꤊꤢꤩ꤬ ꤋꤢꤧꤙꤢꤩ꤬ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤟꤢꤩꤚꤣꤧ꤬ ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤜꤢꤪ꤭꤮ ꤕꤜꤤ꤭ ꤊ꤫ꤢꤦ꤬ ꤋꤢꤧ ꤒ꤫ꤣ꤬ꤊꤣꤧ꤭ ꤔꤢꤧ ꤜꤢꤨ꤭꤯ ꤢꤨ꤭ ꤊꤢꤩ꤬ ꤓꤢꤨ꤬ꤞꤢꤩꤚꤣꤧ ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤒꤣ꤬ꤡꤣ꤬ ꤟꤢꤩꤚꤣꤧ꤬, ꤢ꤬ꤋꤚꤢꤦ꤬ꤢ꤬ꤋꤚ꤫ꤢꤪ꤬ ꤜꤢꤪ꤭꤮ ꤕꤜꤤ꤭ ꤊ꤫ꤢꤦ꤬ ꤞꤤꤋꤚꤢꤦ꤭ ꤚ꤫ꤥ꤬ꤊꤣꤧ꤭ ꤜꤢꤪ꤭ ꤜꤢꤨ꤭꤯

โคโลสี 4:18

ꤠꤢꤧ꤭ ꤗꤢ꤬ ꤋꤢꤨ꤭ꤕꤢꤪꤜꤢꤨ ꤚꤣꤧ꤬ ꤒꤢꤩ꤬ꤟꤢꤩꤗꤥ꤬ꤟꤢꤩꤚꤢꤧ ꤣꤧ꤭ꤔꤣꤧ꤬ꤗꤢ꤬, ꤠꤢꤧ꤭ ꤚꤢ꤭ꤡꤝꤢꤕ꤫ꤢꤩ꤬ ꤞꤤ꤭ ꤔꤢꤧ ꤠꤢꤧ꤭ ꤊꤢꤨꤋꤢꤨ꤬ ꤚꤣꤧꤘꤢꤦ꤬ ꤖꤢꤧ꤯ ꤠꤢꤧ꤭ ꤜꤢ꤭ ꤥ꤬ ꤘꤣ ꤢ꤬ ꤕꤥ꤬ꤊꤢꤨ꤭ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤏꤥ꤭ꤒꤣꤧ꤬ꤕꤢ꤬ ꤒ꤫ꤢꤧ꤬ ꤠꤢꤧ꤭ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤊ꤫ꤢꤦ꤬ ꤥ꤬ꤊꤣꤧ꤭ꤘꤢꤦ꤬ ꤔꤢꤧ ꤞꤤ꤭ ꤔꤤ꤮꤯

เปโตร อาเหร่อเล๊อ ต๊าบ่า 3:8

ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩ ꤕ꤫ꤥ꤬ ꤞꤤ꤭ ꤘꤣꤋꤛꤢ꤭ꤜꤣ ꤔꤢꤧ, ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤥ꤬ꤜꤢꤨ꤭ ꤔꤢꤧ ꤒꤢꤩ꤬ꤒꤣꤧ꤬ꤔꤢꤩ꤬ ꤒꤣ꤬ꤡꤣ꤬ꤡꤢꤦ꤭, ꤒꤢꤩ꤬ꤘꤢꤧ꤬ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤒꤣ꤬ꤡꤣ꤬ꤡꤢꤦ꤭ ꤔꤤ꤮꤯ ꤗꤥ꤬ ꤚꤣꤧꤘꤢꤦ꤬ ꤊꤣꤧ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨ ꤕ꤫ꤥ꤬ꤠ꤫ꤢꤧ꤬ ꤔꤣꤧ꤬ ꤔꤤ꤮꤯ ꤞꤤꤛꤢꤪ꤬ ꤚꤣꤧꤘꤢꤦ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤚꤣꤧ꤬ ꤏꤢꤧ꤬ꤜꤢꤧ꤬ ꤜꤢ꤭ꤋꤢꤧ꤭ ꤞꤤ꤭ ꤞꤤꤕꤜꤢꤪ꤬ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤤ꤮꤯

มัทธิว 25:43

ꤙꤣꤧ ꤠꤢꤧ꤭ ꤓꤝꤢ꤭ ꤞꤤꤖꤚ꤫ꤢꤩ꤬ ꤢ꤬ꤋꤢꤩ꤭, ꤞꤤ꤭ ꤢꤩꤏꤢꤦ꤬ ꤠꤢꤧ꤭ ꤒꤥ꤬꤯ ꤙꤣꤧ ꤠꤢꤧ꤭ ꤥ꤬ꤒ꤫ꤢꤧ꤬ ꤜ꤫ꤢꤩ꤬ꤊꤢꤦ꤭ꤜ꤫ꤢꤩ꤬ꤞꤢꤧ ꤢ꤬ꤋꤢꤩ꤭, ꤞꤤ꤭ ꤘꤣꤧꤊꤢꤦ꤭ꤘꤣꤧꤞꤢꤧ ꤠꤢꤧ꤭ ꤒꤥ꤬꤯ ꤙꤣꤧ ꤠꤢꤧ꤭ꤏꤝꤤꤠꤢꤧ꤭ꤏꤢꤩ꤭ ꤢ꤬ꤋꤢꤩ꤭, ꤓꤥ꤭ꤒꤥ꤬ ꤙꤣꤧ ꤢꤨ꤭ ꤘꤢꤪꤥ꤬ ꤠꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤢ꤬ꤋꤢꤩ꤭, ꤞꤤ꤭ ꤟꤢꤧ꤭ꤗꤢꤧꤟꤢꤧ꤭ꤡꤢꤧ꤬ ꤠꤢꤧ꤭ ꤒꤥ꤬꤯’

เพรโด่แนพู๊ เต๊เห่ 24:23

ꤚꤣꤧ꤬ ꤢ꤬ ꤟꤢꤩꤒꤢ꤭ ꤢ꤬ꤍ꤫ꤥ꤬ ꤘꤣ ꤊꤜꤣꤧ꤭ꤒꤣ꤬ꤛꤢꤩ꤬ ꤊꤢꤨ꤬ꤊꤜꤢꤪ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤢ꤬ ꤥ꤬ ꤔꤢꤧ, ꤥ꤬ꤕ꤫ꤢꤪ꤬ꤚꤢꤧꤚꤣꤧ ꤋꤢꤨ꤭ꤕꤢꤪꤜꤢꤨꤣꤧ꤭ ꤔꤤ꤮, ꤗꤢ꤬ꤔꤢꤧꤚꤣꤧ꤬ ꤕꤜꤝꤢ꤭ꤕꤣꤧ꤬ꤜꤢ꤭ ꤡꤝꤢꤓꤥ꤭ꤡꤝꤢꤜꤢꤧ꤬ ꤕ꤫ꤢꤩ꤬ꤊꤣꤧ꤭ ꤏꤢꤜ꤫ꤢꤩ꤬ꤘꤢꤦ꤬ ꤢ꤬ ꤡꤢꤨ꤮ ꤢ꤬ꤞꤤꤕꤜꤢꤪ꤬ ꤞꤤꤛ꤫ꤢꤦ꤬ꤗꤢꤩ꤬ꤔꤣꤧ꤬ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤤ꤮꤯ ꤢ꤬ꤋꤥ꤭ꤢ꤬ꤞꤝꤢ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤟꤢꤧ꤭ꤗꤢꤧꤟꤢꤧ꤭ꤘꤣꤧ ꤜꤢꤨ꤭ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ ꤒꤣꤧ꤬ꤟꤢꤩ꤬ ꤊꤢꤩ꤬ꤟꤢꤩꤚꤣꤧ꤬ ꤕꤜꤝꤢ꤭ꤗꤢꤧ ꤕ꤫ꤢꤩ꤬ ꤜꤢꤨ꤭ ꤔꤤ꤮꤯

เอเฟซัส 4:1

ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ꤚꤣꤧ ꤞꤤ꤭ ꤞꤢꤧꤔꤢꤧ ꤢꤨ꤭ ꤘꤢꤪꤒꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤕꤥ꤬ꤊꤢꤨ꤭ ꤘꤣ ꤙꤢꤧ꤬ꤡꤢꤩ꤬ ꤢ꤬ꤑꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢꤩꤟꤣꤧ ꤞꤤ꤭ ꤘꤣ ꤞꤤ꤭ ꤊ꤫ꤢꤦ꤬ ꤓꤝꤢ꤭ꤓꤢꤧ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤢꤧ꤬ꤚꤢꤧꤊꤣꤧ꤭ ꤞꤤ꤭ ꤞꤤꤕꤜꤢꤪ꤬ ꤟꤢꤨ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤔꤣꤧ꤬꤯

เพรโด่แนพู๊ เต๊เห่ 27:3

ꤏꤢꤕꤣꤧꤚꤥ꤬ ꤔꤣꤧ꤬, ꤕꤢꤩ꤬ ꤡꤝꤢꤒ꤫ꤥ꤬ ꤘꤣ ꤠꤤ꤭ꤎꤤꤘꤥ꤬꤯ ꤋꤢꤨ꤭ꤡꤛꤢꤨꤜꤤ꤬ꤛꤢ꤬ꤎꤣ꤬ ꤞꤤꤛꤢꤪ꤬ ꤚꤣꤧꤘꤢꤦ꤬ ꤋꤢꤨ꤭ꤕꤢꤪꤜꤢꤨ꤯ ꤚꤣꤧ꤬ ꤞꤢꤧꤟꤢꤨ ꤢ꤬ ꤋꤥ꤭ꤙꤢꤧꤞꤝꤢ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤘꤣꤧꤕ꤫ꤢꤩ꤬ ꤊꤣꤧ꤭ ꤜꤢꤨ꤭ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤚꤣꤧ꤬ ꤢ꤬ ꤕꤜꤝꤢ꤭ꤡꤝꤢꤥ꤬ꤜꤢꤩ꤭ ꤊꤣꤧ꤭ ꤜꤢꤨ꤭ ꤘꤣ ꤢ꤬ ꤋꤥ꤭ꤙꤢꤧꤞꤝꤢ ꤒꤣꤧ꤬ꤟꤢꤩ꤬ ꤢ꤬ ꤥ꤬꤯

ꤟꤤꤙꤚꤢꤨ 11:37

ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬ ꤢꤨ꤭ ꤒ꤫ꤢ꤬ꤞꤣꤧ꤭ ꤛꤢꤩ꤬ꤞꤤ꤭ ꤔꤢꤧ ꤜ꤫ꤢꤪ꤬, ꤢꤨ꤭ ꤘꤢꤦꤒꤢꤦ꤭ ꤊꤢꤧꤊꤝꤢ꤬ ꤛꤢꤩ꤬ꤞꤤ꤭ ꤔꤢꤧ ꤓꤢꤩꤘꤢꤦꤙꤢ꤬ꤘꤢꤨ꤬, ꤢꤨ꤭ ꤏꤢꤦ꤭ꤞꤣꤧ꤭ ꤛꤢꤩ꤬ꤞꤤ꤭ ꤔꤢꤧ ꤘꤤ꤭ꤓꤥꤔꤢꤩꤊꤥ꤯ ꤛꤢꤩ꤬ꤞꤤ꤭ ꤜꤢꤩ꤭ꤡꤝꤢ ꤜꤢ꤭ꤋꤢꤧ꤭ ꤚꤣꤧ꤬ ꤢ꤬ ꤊꤢꤦ꤭ꤞꤢꤧ ꤜꤢ꤭ꤋꤢꤧ꤭ ꤖꤢꤧ ꤞꤤꤗꤤ꤬ꤖꤢ, ꤕ꤫ꤢꤩ꤬ꤖꤢ ꤒꤣꤧ꤬ꤟꤢꤩ꤬, ꤛꤢꤩ꤬ꤞꤤ꤭ ꤏꤥ꤭ꤚꤢꤧ꤬ꤏꤥ꤭ꤖꤢ ꤔꤢꤧ꤬ꤡꤣꤧ, ꤢꤨ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤛꤢꤩ꤬ꤞꤤ꤭꤯ ꤢꤨ꤭ ꤕ꤫ꤢꤩ꤬ꤢꤩ꤬ꤕ꤫ꤢꤩ꤬ꤥ꤭ ꤜꤢꤪ꤭ ꤛꤢꤩ꤬ꤞꤤ꤭ ꤒꤣꤧ꤬ꤟꤢꤩ꤬꤯