ꤟꤤꤙꤚꤢꤨ 1:1 - Eastern Kayah Shadaw Dialect

¹ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤙꤢꤩ꤬ ꤒꤢ꤭ꤋꤚꤢꤦ꤭ꤜꤢ꤭ ꤕꤢꤩ꤬ꤖꤣꤧ꤭ꤕꤢꤩ꤬ꤖꤥ꤭ ꤘꤣꤔꤢꤨ꤬ꤘꤣꤞꤢ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤘꤣ ꤊꤜꤢꤧ ꤢꤩꤙꤥ꤭꤯ ꤚꤣꤧ꤬ ꤢ꤬ ꤔꤢꤪ꤭ꤟꤢꤩꤙꤢꤩ꤬ ꤘꤤ꤭ꤒ꤫ꤢꤦ꤬ ꤔꤢꤧ ꤖꤚꤢꤩ꤬ꤖꤚꤥ꤬ ꤒꤣꤧ꤬ꤟꤢꤩ꤬꤯

ลีเทส่อพ๊าอาเซ เร๊อ เห่ขุทวาลู๊

¹ จอแปแหร่ เฮ๊เบ่ ตาครือลา เปเพอเปโพ มู๊หนู่มู๊ส่าเค เต๊เห่ เน๊อ เด๊อ แกล๊โบ เอ๊โล. เร๊อ อา นอเฮ๊เบ่ แฮเง เร๊อ เพรโพร เต๊เห่.

ꤟꤤꤙꤚꤢꤨ 1:1 ပူးပေါင်းရင်းမြစ်များ

ꤜꤢꤨꤊꤢ꤬ 24:27

ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩꤏꤥ꤬ꤘꤥ꤬ꤔꤢꤧ꤭ꤕꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤜꤤ꤬ꤓꤢꤩ꤭ꤞꤢꤪ꤬ꤖꤢꤊꤢꤨ꤭ ꤟꤢꤩꤥ꤬ꤔꤢꤩ꤬ ꤓꤥ꤭ꤟꤣꤧ ꤢ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤡꤢꤓꤢꤧ꤬ ꤘꤣ ꤋꤢꤨ꤭ꤗꤢꤪꤎꤢꤧ ꤚꤢ꤭ꤊꤢꤧ꤭ ꤜꤤ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤜꤢꤪ꤭ ꤖꤚꤢꤩ꤬ꤖꤚꤥ꤬ ꤚꤢ꤭ꤊꤢꤧ꤭ꤥ꤬ꤔꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

เพรโด่แนพู๊ เต๊เห่ 2:30

ꤖꤥ꤭ꤘꤢ꤬ꤠꤤ꤬ ꤗꤢ꤬ ꤖꤚꤢꤩ꤬ꤖꤚꤥ꤬ ꤒꤣ꤬ꤖꤚꤢꤩ꤬꤯ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤓꤥ꤭ꤟꤣꤧ ꤜꤢꤨ꤭ ꤔꤢꤧ ꤘꤣ ꤢ꤬ꤊꤜꤝꤤ꤭ꤜꤢꤧ꤭ ꤢ꤬ꤊꤜꤢꤩ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤔꤢꤪ꤭ꤓꤝꤢ꤭ꤓꤢꤧ꤬ ꤜꤢꤨ꤭ ꤔꤢꤧ ꤋꤝꤤ ꤘꤣ ꤢ꤬ꤜ꤫ꤢꤩ꤬ꤊꤜꤥ꤭ ꤣꤧ꤭ꤔꤣꤧ꤬ ꤕꤢ꤭ꤔꤣꤧ꤬, ꤢ꤬ ꤞꤤꤑꤢꤩ꤭ ꤖꤢꤧ꤯

ꤜꤢꤨꤊꤢ꤬ 1:55

ꤞꤢꤧꤟꤢꤨ ꤢ꤬ ꤊ꤫ꤢꤦ꤬ ꤞꤤꤛꤢꤪ꤬ꤊꤜꤢ꤬ꤙꤢꤩ꤬ꤚꤣꤧ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤔꤢꤧ ꤢ꤬ꤊꤜꤝꤤ꤭ꤢ꤬ꤜꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤒꤣ꤬ꤓꤢꤦ꤭ ꤓꤥ꤭ ꤒꤣ꤬ꤓꤢꤦ꤭ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤞꤤꤔ꤫ꤢꤩ꤬ꤓꤢꤧ꤬ ꤚꤣꤧꤘꤢꤦ꤬ ꤟꤣꤧ꤯”

เพรโด่แนพู๊ เต๊เห่ 13:32

“ꤊꤢꤨꤔ꤫ꤢꤧ꤬ꤚꤣꤧ꤬ ꤕꤢꤩ꤬ ꤟꤢꤩꤏꤥ꤬ ꤕ꤫ꤢꤩ꤬ ꤞꤤ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬꤯ ꤚꤣꤧ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤣꤧ꤭ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ ꤕ꤫ꤢꤩ꤬ ꤓꤥ꤭ꤟꤣꤧ ꤔꤢꤧ ꤕꤢꤩ꤬ꤖꤣꤧ꤭ꤕꤢꤩ꤬ꤖꤥ꤭ ꤘꤣ꤮ ꤑꤢꤔꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧ,

ꤟꤤꤙꤚꤢꤨ 2:2

ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤒꤢ꤭ ꤕꤢꤩ꤬ꤖꤣꤧ꤭ꤕꤢꤩ꤬ꤖꤥ꤭ ꤘꤣ ꤔꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤒꤣ꤬ꤡꤣ꤬꤯ ꤚꤣꤧ꤬ ꤢ꤬ ꤟꤢꤩꤙꤢꤩ꤬ꤒꤢ꤭ ꤘꤤ꤭ꤒ꤫ꤢꤦ꤬ ꤔꤢꤧ ꤗꤢꤪꤋꤢꤨ꤬ ꤒꤣꤧ꤬ꤔꤢꤩꤖꤢꤨ ꤒꤣꤧ꤬ꤟꤢꤩ꤬꤯ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤙꤢꤩ꤬ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ ꤢ꤬꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤘꤢ꤭ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤢꤨ꤭ ꤒꤥ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧꤡꤢ꤭ꤊꤢꤧ꤭ ꤓꤥ꤭ꤟꤣꤧ ꤛꤢꤩ꤬ꤞꤤ꤭ ꤟꤢꤨ ꤢ꤬ ꤊꤢꤪ꤬ ꤔꤢꤧ ꤛꤢꤩ꤬ꤞꤤ꤭ ꤔꤣꤧ꤬ꤟꤣꤧ꤯

ꤜꤢꤨꤊꤢ꤬ 1:72

ꤢ꤬ ꤟꤢꤩ ꤔꤢꤧ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ ꤢ꤬ ꤒꤢꤩ꤬ꤞꤤꤛꤢꤪ꤬ ꤊꤜꤢ꤬ꤙꤢꤩ꤬ ꤘꤣ ꤕꤢꤩ꤬ꤖꤣꤧ꤭ꤕꤢꤩ꤬ꤖꤥ꤭ ꤒꤣꤧ꤬ꤟꤢꤩ꤬ ꤢ꤬ꤜꤥ꤬ ꤕꤢ꤭, ꤓꤥ꤭ꤒꤥ꤬ ꤢ꤬ ꤊ꤫ꤢꤦ꤬ ꤞꤤꤔ꤫ꤢꤩ꤬ꤓꤢꤧ꤬ ꤙꤢꤩ꤬ꤒ꤫ꤥ꤬ ꤋꤛꤢ꤭ꤞꤢꤧ ꤢ꤬ ꤒꤢꤩ꤬ꤢꤪꤜꤢꤧ꤬ ꤘꤣ ꤢ꤬ ꤗ꤫ꤢ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

เพรโด่แนพู๊ เต๊เห่ 28:23

ꤟꤢꤨꤔꤣꤧ꤬ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤥ꤬ ꤜꤢꤨ꤭ ꤗ꤫ꤢꤪ꤬ꤔꤣꤧ꤭ꤗ꤫ꤢꤪ꤬ꤞꤢꤩ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤒꤢ꤭ꤏꤢꤦ꤬ ꤋꤛꤢ꤭ꤞꤢꤧ ꤔꤢꤧ ꤋꤢꤨ꤭ꤕꤢꤪꤜꤢꤨ ꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤟꤢꤩꤥ꤬ ꤜꤢꤨ꤭ ꤔꤣꤧ꤬ꤒꤣ꤬ꤔꤣꤧ꤭ꤔꤣꤧ꤬, ꤛꤢꤨꤘꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤟꤢꤧ꤭ ꤜꤢ꤭ꤋꤢꤧ꤭ ꤙꤣꤧ ꤋꤢꤨ꤭ꤕꤢꤪꤜꤢꤨ ꤥ꤬ ꤚꤣꤧꤘꤢꤦ꤬ ꤟꤤ꤬ ꤔꤣꤧ꤬ꤒꤣ꤬ꤗꤢꤩ꤭ ꤢ꤬ꤊꤢꤨ꤭, ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤧ꤭ꤚ꤫ꤥ꤬ ꤢꤩꤜꤣ ꤡꤣꤧ ꤔꤢꤧ ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤔꤣꤧ꤬ꤒꤣ꤬ꤟꤢꤦ꤬ ꤡꤣꤧ꤯ ꤚꤣꤧ꤬ ꤋꤢꤨ꤭ꤕꤢꤪꤜꤢꤨ ꤡꤢꤓꤢꤧ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤚꤣꤧ꤬ ꤢ꤬ ꤋꤢꤧꤟꤢꤩꤏꤥ꤬ꤜꤥ꤭ ꤚꤣꤧꤘꤢꤦ꤬ ꤒꤢꤩ꤬ ꤣꤧ꤭ ꤘꤣ ꤗ꤫ꤢꤪ꤬ꤜꤤ꤭ ꤒ꤫ꤥ꤬ ꤡꤣꤧ ꤘꤣ ꤗ꤫ꤢꤪ꤬ꤋꤤ ꤡꤣꤧ꤯ ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤢ꤬ ꤢꤧꤡꤢꤦ ꤟꤢꤩꤏꤥ꤬ꤞꤤꤑꤢꤩ꤭ꤕꤜꤥ꤭ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤖꤚꤢꤩ꤬ꤖꤚꤥ꤬ ꤟꤢꤩꤥ꤬ꤔꤢꤩ꤬ ꤔꤣꤧ꤬ꤒꤣꤧ꤬ꤟꤢꤩ꤬꤯

ꤛꤥ꤭ꤟꤢ꤬ 9:29

“ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤙꤢꤩ꤬ ꤔꤢꤧ ꤋꤢꤨ꤭ꤗꤢꤪꤎꤢꤧ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤔꤣꤧ꤬ꤗꤢ꤬ ꤕꤢꤩ꤬ ꤞꤤꤑꤢꤩ꤭꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤣꤧ꤭ꤒꤣ꤬ꤖꤚꤢꤩ꤬, ꤢ꤬ ꤥ꤬ꤒꤥ꤭ ꤙꤣꤧꤒꤢꤩ꤭ꤟꤢꤧ꤭ ꤔꤣꤧ꤬ ꤕꤢꤩ꤬ ꤞꤤꤑꤢꤩ꤭ꤔꤢꤪ ꤡꤣꤧ ꤒꤣꤧ꤬ꤊꤤ꤬꤮ ꤒꤥ꤬꤯”

ꤛꤥ꤭ꤟꤢ꤬ 7:22

ꤋꤢꤨ꤭ꤗꤢꤪꤎꤢꤧ ꤗ꤫ꤢ꤬ꤊꤢꤧ꤭ ꤞꤤ꤭ ꤔꤢꤧ, ꤜꤢꤪ꤭ ꤞꤤ꤭ ꤖꤢꤨꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤞꤤ꤭ ꤙꤢꤩ꤬ ꤘꤢꤦꤒꤣꤧ꤬ꤜꤤ ꤜꤢꤨ꤭ꤖꤢ ꤢ꤬ ꤟꤢꤩ ꤚꤣꤧ꤬ ꤞꤤ꤭ ꤘꤢꤦꤒꤣꤧ꤬ꤜꤤ ꤜꤢ꤭ꤋꤢꤧ꤭ ꤢ꤬ꤖꤢ ꤙꤣꤧ ꤛꤢꤨꤘꤢ꤬ꤖꤢꤨ ꤢ꤬ ꤗ꤫ꤢꤪ꤬ꤔꤣꤧ꤭ꤘꤥ꤬ ꤔꤣꤧ꤬ꤒꤣ꤬ꤔꤣꤧ꤭꤯ ꤊꤢꤩ꤬ ꤟꤢꤩꤊꤜꤢꤧꤡꤢꤪ ꤚꤣꤧ꤬ ꤖꤚꤢꤩ꤬ ꤘꤣ ꤢ꤬ ꤗꤢꤩ꤬ ꤚ꤫ꤣꤧ꤬ꤜꤣ ꤣꤧ꤭ꤔꤣꤧ꤬ꤗꤢ꤬, ꤋꤢꤨ꤭ꤗꤢꤪꤎꤢꤧ ꤗ꤫ꤢ꤬ꤒꤥ꤬꤯ ꤞꤤ꤭ꤖꤣꤧ꤭ꤞꤤ꤭ꤖꤥ꤭ ꤘꤣ꤮ ꤑꤢꤔꤢꤨ꤬ ꤒꤣꤧ꤬ꤟꤢꤩ꤬ ꤡꤢꤓꤢꤧ꤬ ꤗꤢꤩ꤬ꤚ꤫ꤣꤧ꤬ꤜꤣ ꤖꤢꤧ꤯

ꤜꤢꤨꤊꤢ꤬ 24:44

ꤓꤥ꤭ꤚꤣꤧ꤬ ꤢ꤬ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤔꤢꤧ, “ꤙꤣꤧ ꤠꤢꤧ꤭ ꤥ꤬ꤊꤣꤧ꤭ꤕꤢ꤬ ꤔꤢꤧ ꤞꤤ꤭ ꤢ꤬ꤋꤢꤩ꤭ꤔꤣꤧ꤬, ꤜꤢꤪ꤭ ꤢꤨ꤭ ꤚꤢ꤭ꤥ꤬ ꤓꤥ꤭ꤟꤣꤧ ꤠꤢꤧ꤭ꤚꤤ꤬ꤠꤢꤧ꤭ꤊꤢꤧ꤭ ꤘꤣ ꤋꤢꤨ꤭ꤗꤢꤪꤎꤢꤧ ꤢ꤬ꤜꤤ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤖꤚꤢꤩ꤬ꤖꤚꤥ꤬ ꤚꤢ꤭ꤥ꤬ꤊꤢꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤘꤣ ꤜꤤ꤬ꤓꤢꤨ꤬ꤞꤢꤩꤓꤢꤧ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢ꤬ ꤙꤢꤩ꤬ ꤜꤣꤙꤢ꤭ꤓꤢꤧ꤬ ꤜꤢꤪ꤭ꤕꤜꤤ꤭ ꤕꤝꤢ꤭꤮ ꤒꤣ꤬ꤡꤣ꤬ ꤕꤢ꤭ꤔꤣꤧ꤬, ꤠꤢꤧ꤭ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤞꤤ꤭ ꤟꤣꤧ꤯”

ꤛꤥ꤭ꤟꤢ꤬ 16:13

ꤙꤣꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤘꤣꤧꤜꤥ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤣꤧ꤭ ꤟꤢꤧ꤭ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤛꤢꤨ꤭ꤊꤜꤢꤧꤛꤢꤨ꤭ꤊꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤜꤢꤪ꤭ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ ꤚꤣꤧꤘꤢꤦ꤬ꤔꤣꤧ꤬ ꤗ꤫ꤢ꤬ꤒꤥ꤬꤯ ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤞꤤ꤭ ꤟꤢꤨ ꤢ꤬ ꤔ꤫ꤤ꤬ꤟꤥ꤭ ꤟꤢꤧ꤭ꤔ꤫ꤤ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯ ꤢ꤬ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤒꤢꤩ꤬ ꤘꤣ ꤢ꤬ ꤓꤝꤢ꤭ꤓꤢꤧ꤬ ꤜꤢ꤭ꤟꤤꤒꤥ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

เพรโด่แนพู๊ เต๊เห่ 3:21

ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤞꤤꤑꤢꤩ꤭ꤥ꤬ꤔꤢꤩ꤬ ꤓꤥ꤭ꤘꤢꤦ꤬ꤟꤣꤧ ꤔꤢꤧ ꤢ꤬ꤖꤚꤢꤩ꤬ꤖꤚꤥ꤬ ꤘꤣ ꤢ꤬ꤔꤝꤢꤓꤢꤧ꤬ ꤜꤢꤨ꤭ ꤘꤣ ꤢ꤬ ꤊ꤫ꤢꤦ꤬ ꤗꤢꤩ꤬ꤜꤢꤨ꤭ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤩ꤬ꤏꤛꤢꤨ ꤣꤧ꤭ꤔꤣꤧ꤬ ꤢ꤬ ꤒꤥ꤭ꤙꤢꤩ꤬ ꤥ꤬ ꤘꤣ ꤗꤢꤪꤋꤢꤨ꤬ ꤒ꤫ꤥ꤬ꤘꤣ ꤙꤢꤧ꤬ꤡꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤩ꤬ꤞꤢꤩ꤭ ꤊꤢ꤬ꤋꤛꤢ꤭ ꤜꤢꤪ꤭ꤟꤣꤧ ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤢ꤬ꤋꤢꤩ꤭ꤔꤣꤧ꤬ ꤕꤢ꤭꤯

ꤟꤤꤙꤚꤢꤨ 2:3

ꤟꤢꤨꤔꤣꤧ꤬ꤚꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤊꤢꤩ꤬ ꤘꤢꤧ꤬ꤛ꤫ꤢꤦ꤬ ꤊꤣꤧ꤭ꤢꤨ꤭ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤘꤢꤨ꤬ꤢ꤬ꤛꤢꤧ꤭ ꤣꤧ꤭ ꤒꤥ꤬ ꤟꤢꤩꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤡꤢ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤕꤢꤩ꤬ ꤕꤢ꤭꤯ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤢ꤬ꤊꤜꤢꤧꤢ꤬ꤊꤜꤥ꤭ ꤣꤧ꤭ꤔꤣꤧ꤬, ꤙꤢꤧ꤬ꤡꤢꤩ꤬ ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤚꤣꤧꤘꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤥ꤭ ꤚ꤫ꤣꤧ꤬ꤜꤣ ꤕ꤫ꤢꤩ꤬ ꤢꤨ꤭ ꤟꤣꤧ꤯ ꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤜꤢꤨ꤭ ꤟꤢꤩꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩꤜꤥ꤭ꤕꤜꤥ꤭ ꤕ꤫ꤢꤩ꤬ ꤘꤤ꤭ꤒ꤫ꤢꤦ꤬ ꤕꤢꤩ꤬ ꤔꤢꤧ ꤒꤢꤩ꤬ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤡꤣꤧ ꤟꤢꤨꤔꤣꤧ꤬꤯

ꤟꤤꤙꤚꤢꤨ 3:5

ꤋꤢꤨ꤭ꤗꤢꤪꤎꤢꤧ ꤣꤧ꤭ꤔꤣꤧ꤬ ꤢ꤬ꤡꤢꤪ ꤔꤢꤧ ꤢ꤬ꤒꤢꤩ꤬ꤗꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤟꤤ꤬ꤖꤢꤨꤖꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤟꤢꤨ ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯ ꤚꤣꤧ꤬ ꤢ꤬ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤘꤣꤧꤜꤥ꤭ ꤙꤢꤧꤙꤢꤦ꤭ ꤥ꤬ꤔꤢꤩ꤬ ꤚ꤫ꤣꤧ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤒꤣꤧ꤬ꤟꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧꤜꤥ꤭ ꤢꤨ꤭ ꤏꤢ꤮ ꤔꤥ꤬ꤕꤢ꤭ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤕꤢ꤭꤯

ꤟꤤꤙꤚꤢꤨ 4:8

ꤋꤢꤨ꤭ꤛꤥ꤬ꤏꤛꤢꤨ ꤞꤢꤨ꤭ꤔꤥ꤭ ꤢꤨ꤭ ꤘꤣ ꤋꤢ꤬ꤔꤢ꤬ ꤊ꤫ꤢꤩ꤬ꤊꤢꤨ꤭ ꤣꤧ꤭ꤔꤣꤧ꤬, ꤢ꤬ ꤊꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤊ꤫ꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢꤪꤜꤢꤧ꤬ꤊꤢꤧ꤭ ꤜ꤫ꤢꤩ꤬ꤥ꤬ꤊꤥ ꤒꤣꤧ꤬ꤙꤢꤩꤞꤤꤖꤚꤢ ꤢ꤬ꤜ꤫ꤢꤩ꤬ꤥ꤬ ꤣꤧ꤭ ꤒꤣ꤬ꤊ꤫ꤢꤩ꤬ ꤊꤢꤩ꤬ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤋꤥ ꤒ꤫ꤥ꤬ꤕꤢ꤬ ꤗ꤫ꤢꤪ꤬ꤔꤣꤧ꤭ ꤘꤣ ꤢ꤬ꤚꤥ꤬ ꤒꤣ꤬ꤔꤣꤧ꤭ ꤒꤣꤧ꤬ꤋꤢꤧ꤮ ꤒꤥ꤬꤯

ꤟꤤꤙꤚꤢꤨ 5:5

ꤟꤢꤨꤔꤣꤧ꤬ꤟꤣꤧ, ꤞꤢꤧꤟꤢꤨ ꤋꤚꤤ ꤊ꤫ꤢꤦ꤬ ꤓꤝꤢ꤭ ꤖꤚꤢꤩ꤬ꤜꤢꤨ꤭ꤒꤢꤧ꤭ ꤊꤢꤨ꤬ꤊꤜꤢꤪꤘꤢꤨ꤬ꤜꤣ ꤣꤧ꤭ꤔꤣꤧ꤬, ꤢ꤬ ꤘꤢꤧ꤬ꤓꤢꤧ꤬ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤗ꤫ꤢ꤬ꤒꤥ꤬, ꤢ꤬ ꤗꤢꤩ꤬ꤜꤤ꤭ꤗꤢꤩ꤬ꤒꤣꤧ꤬ꤋꤢꤩ꤭ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤗ꤫ꤢ꤬ꤒꤥ꤬, ꤡꤢꤪꤗꤣꤧ꤬ꤚꤢꤧ꤬ ꤘꤢꤧ꤬ꤓꤢꤧ꤬ ꤜꤢꤨ꤭ ꤖꤢꤧ꤯ ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤟꤢꤩ ꤜꤢꤨ꤭ ꤔꤢꤧ, “ꤔꤢꤧ꤬ ꤗꤢ꤬ ꤠꤢꤧ꤭ꤖꤢꤨꤖꤚꤢꤩ꤬ꤋꤢꤨ꤭, ꤣꤧ꤭ꤒꤣ꤬ꤔꤣꤧ꤭ꤚꤣꤧ꤬, ꤠꤢꤧ꤭ ꤓꤝꤢ꤭ ꤟꤣꤧ ꤔꤢꤧ꤬ꤖꤢꤩ꤭ ꤟꤣꤧ,” ꤢ꤬ ꤟꤢꤩ ꤜꤢꤨ꤭ ꤟꤢꤨꤔꤣꤧ꤬꤯

ꤟꤤꤙꤚꤢꤨ 9:19

ꤙꤣꤧ ꤋꤢꤨ꤭ꤗꤢꤪꤎꤢꤧ ꤟꤢꤩꤜꤥ꤭ ꤕ꤫ꤢꤩ꤬ ꤓꤥ꤭ꤜꤢꤪ꤭ꤟꤣꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤜꤢꤪ꤭ ꤡꤢꤪꤗꤣꤧ꤬ꤚꤢꤧ꤬ ꤗ꤫ꤢ꤬ꤊꤢꤧ꤭ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤖꤛꤢ ꤕ꤫ꤢꤨ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤞꤝꤤ꤬ ꤔꤢꤧ ꤕ꤫ꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤞꤝꤤ꤬ ꤚꤣꤧ꤬ ꤢ꤬ ꤊꤜꤥ꤭ ꤏꤤ꤭ꤜꤢꤧꤒ꤫ꤣ꤬ ꤔꤢꤧ ꤓꤣꤧ꤭, ꤓꤥ꤭ꤚꤣꤧ꤬ ꤢ꤬ ꤖꤛꤢ ꤞꤤꤗꤤ꤬ꤏꤢꤦ꤬ꤜꤤ꤬ ꤚꤣꤧ꤬ ꤢ꤬ ꤙꤥ꤬ꤗꤢ꤬ ꤔꤢꤧ ꤞꤢꤪ꤬ꤖꤢꤧ꤭ ꤘꤣ ꤢꤨ꤭ ꤢꤩ ꤔꤢꤧ ꤟꤤꤎꤥꤖꤢꤧ꤭ꤟꤢꤨ ꤣꤧ꤭ꤒꤣ꤬ꤖꤢꤧ꤭ ꤢ꤬ꤋꤣꤧ꤭ ꤚꤣꤧ꤬ ꤢ꤬ ꤒꤣꤧ꤬ꤏꤤ ꤔꤢꤧ ꤜꤤ꤬ ꤘꤣ ꤢꤨ꤭ ꤚꤢ꤭ꤥ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ ꤒꤢꤩ꤬ꤗ꤫ꤢ꤬ꤊꤢꤧ꤭ꤍ꤫ꤥ꤬ꤣꤧ꤭ ꤒꤣ꤬ꤙꤢ꤬, ꤓꤥ꤭ꤒꤥ꤬ ꤢ꤬ ꤒꤣꤧ꤬ꤏꤤꤚꤣꤧ ꤜꤢꤪ꤭ ꤔꤢꤧ ꤊꤣꤧ꤬ꤛꤢꤧ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬꤯

ꤟꤤꤙꤚꤢꤨ 11:2

ꤡꤢꤪꤗꤣꤧ꤬ꤚꤢꤧ꤬ ꤓꤢꤨ꤬ꤞꤢꤩꤚꤣꤧ ꤊꤣꤧ꤬ꤛꤢꤧ꤭ ꤗꤢꤨ꤮ ꤑꤢꤔꤢꤨ꤬ꤋꤢꤩ꤭ ꤒꤣꤧ꤬ꤟꤢꤩ꤬ ꤗꤢ꤬ ꤗ꤫ꤢ꤬ꤘꤣ ꤢ꤬ ꤥ꤬ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤟꤢꤨꤣꤧ꤭ꤔꤣꤧ꤬ ꤟꤣꤧ꤯

ꤟꤤꤙꤚꤢꤨ 11:18

ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤡꤣꤧ ꤜꤢꤨ꤭ ꤔꤢꤧ, “ꤠꤢꤧ꤭ ꤢꤪꤜꤢꤧ꤬ ꤔꤢꤧ ꤔꤢꤧ꤬ꤊꤜꤝꤤ꤭ꤔꤢꤧ꤬ꤜꤢꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤊ꤫ꤢꤦ꤬ ꤟꤢꤧ꤭ꤒꤢ꤭ ꤘꤤ꤭ꤒ꤫ꤢꤦ꤬ ꤘꤣ ꤋꤢꤨ꤭ꤢꤎꤢꤧ ꤢ꤬ ꤥ꤬ ꤕꤢ꤭꤯” ꤒꤣꤧ꤬ꤘꤢꤦꤚꤣꤧ꤬ ꤖꤢꤩ꤭ꤢ꤬ꤙꤚꤢ꤬ꤟꤢ꤬ ꤥ꤬ ꤒꤣꤧ꤬ꤚꤤ꤬ꤒꤣꤧ꤬ꤚꤢꤧ꤭ ꤘꤣ ꤢ꤬ ꤊ꤫ꤢꤦ꤬ ꤜꤢꤨ꤭ꤓꤢꤧ꤬ ꤢ꤬ꤖꤢꤨꤖꤚꤢꤩ꤬ꤋꤢꤨ꤭ ꤘꤣ ꤢ꤬ ꤥ꤬ ꤖꤢꤧ ꤒꤣ꤬ꤖꤚꤢꤩ꤬꤮ ꤟ꤫ꤢꤨ꤬ ꤒꤥ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬꤯

ꤟꤤꤙꤚꤢꤨ 12:25

ꤟꤢꤨꤔꤣꤧ꤬ꤚꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤓꤝꤢ꤭ ꤒ꤫ꤢꤧ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔ꤫ꤤ꤬ꤟꤥ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤍ꤫ꤥ꤬ꤖꤚꤢ꤬ꤓꤢꤧ꤬ ꤚꤣꤧ꤬ ꤢ꤬ ꤓꤢꤩꤏꤢꤦ꤬ꤊꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤚꤢꤪ꤬ꤚꤣꤧ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤤ꤮꤯ ꤙꤣꤧ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤔ꤫ꤤ꤬ꤟꤥ꤭ ꤒꤢꤩ꤬ꤘꤣꤧꤚꤢꤪ꤬ ꤛꤢꤩ꤬ꤞꤤ꤭ ꤘꤣ ꤟꤢꤩ꤬ꤋꤢꤨ꤬ꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤛꤢꤩ꤬ꤞꤤ꤭ ꤔ꤫ꤤ꤬ꤘꤢ꤭ ꤜꤢ꤭ꤋꤢꤧ꤭ ꤜꤢꤨ꤭ꤍ꤫ꤥ꤬ ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤊꤜꤢꤧ꤬ ꤜꤣꤧ꤬ꤕꤜꤢꤩꤙꤢꤩ ꤜꤢ꤭ꤋꤢꤧ꤭ ꤔꤢꤧ ꤒꤢꤩ꤬ꤘꤣꤧꤡꤢ꤭ ꤒꤥ꤬꤯ ꤊꤢꤩ꤬ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤊꤢꤩ꤬ ꤕꤢꤩ꤬ ꤓꤢꤩꤏꤢꤦ꤬ꤊꤢꤧ꤭ ꤘꤣ ꤗꤢꤪꤋꤢꤨ꤬ ꤣꤧ꤭ꤒꤣ꤬ꤖꤚꤢꤩ꤬ ꤘꤣꤧꤚꤢꤪ꤬ꤘꤣꤧꤚꤢꤩ꤭ ꤕꤢꤩ꤬ꤣꤧ꤭ ꤊꤢꤩ꤬ꤟꤢꤩꤚꤣꤧ꤬, ꤒꤣꤧ꤬ꤔꤢꤩ꤬ꤗꤢꤧꤗꤣꤧ꤭, ꤞꤤ꤭ ꤊꤜꤢꤧ꤬ ꤜꤣꤧ꤬ꤕꤜꤢꤩ ꤙꤢꤩꤡ꤫ꤢꤧ꤬ ꤕꤢ꤬ ꤡꤣꤧꤔꤢꤧ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤘꤣꤧꤡꤢ꤭ ꤒꤣꤧ꤬ꤊꤤ꤬꤮ ꤡꤣꤧ ꤔꤢꤧ꤭ꤒꤥ꤬ꤟꤣꤧ꤯