ꤊꤢ꤬ꤜꤢ꤬ꤒꤤ 4:12 - Eastern Kayah Shadaw Dialect

¹² ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤞꤤ꤭ ꤔꤢꤧ ꤞꤤ꤭ ꤊ꤫ꤢꤦ꤬ ꤗꤢꤧꤙꤢꤦ꤭ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤘꤢꤦ꤬ ꤟꤢꤨ ꤠꤢꤧ꤭ ꤗꤢꤩ꤬ ꤣꤧ꤭ꤔꤣꤧ꤬, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤠꤢꤧ꤭ ꤓꤝꤢ꤭ꤓꤢꤧ꤬ꤟꤣꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤘꤣ ꤢ꤬ꤞꤢꤧꤔꤢꤧ ꤞꤤ꤭ ꤘꤣ ꤢ꤬ ꤓꤝꤢ꤭ ꤕꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤢ꤬ꤡ꤫ꤢꤦ꤬ ꤒꤥ꤬ ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯ ꤘꤣ ꤢ꤬ꤚ꤫ꤣꤧ꤬ꤢ꤬ꤔꤥ꤬ ꤔꤣꤧ꤬ꤗꤢ꤬ ꤞꤤ꤭ ꤗꤢꤩ꤬ꤞꤢꤦꤔꤢꤪ ꤔꤢꤧ ꤠꤢꤧ꤭ ꤒꤣ꤬ꤡꤣ꤬꤮ ꤒꤥ꤬꤯

ลีเทส่อพ๊าอาเซ เร๊อ เห่ขุทวาลู๊

¹² โป่แหว่ ซี๋, แว กุยซิยอ ซี เน๊อ ซี เก่ แม๊บือ ครวาเม เกอดื่อ ฮู๊ แว เม เออเนอ, เมเตเฮ๊เรอ แว ทวาแถ่เฮ๊อ แกแยยิวพู๊ หม่าโต่ เด๊อ อาแซ่เน๊อ ซี เด๊อ อา ทวา ปา เตซว๊าเตแส่ อาหลู่เล๊ โต่ เตเพร เนอเฮ๊อ. เด๊อ อาเหร่ออาเนอ เนอหม่า ซี เมซื๊อน๊อ เร๊อ แว เตอเจ๋อ โต่.

ꤊꤢ꤬ꤜꤢ꤬ꤒꤤ 4:12 ပူးပေါင်းရင်းမြစ်များ

โครินธ์ เนอบ่า ต๊าบ่า 2:5

ꤊꤢꤨꤔ꤫ꤢꤧ꤬ꤚꤣꤧ꤬, ꤊꤢꤩ꤬ ꤟꤢꤩ ꤊꤣꤧ꤬ꤛꤢꤧ꤭ ꤗꤢꤩ꤬ꤞꤢꤦꤒꤢꤩ꤬ ꤘꤣ ꤞꤤ꤭ꤊꤜꤢꤩ꤭ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤣꤧ꤬, ꤢ꤬ ꤗꤢꤩ꤬ꤞꤤꤕꤜꤢꤩ꤭ ꤒꤢꤦ ꤠꤢꤧ꤭ ꤗ꤫ꤢ꤬ꤒꤥ꤬, ꤢ꤬ ꤗꤢꤩ꤬ꤞꤤꤕꤜꤢꤩ꤭ ꤒ꤫ꤥ꤬ꤊꤣꤧ꤭ ꤜꤢꤪ꤭ꤟꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤞꤤꤛ꤫ꤢꤦ꤬ ꤟꤢꤩꤜꤣꤟꤢꤩꤊꤜꤢꤪ꤭ ꤔꤢꤧꤒꤥ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩ ꤔꤢꤧ ꤢ꤬ ꤖꤢꤦ꤬ ꤗꤢꤩ꤬ꤞꤤꤕꤜꤢꤩ꤭ ꤜꤢꤪ꤭ ꤡꤣꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯

ꤊꤢ꤬ꤜꤢ꤬ꤒꤤ 6:14

ꤠꤢꤧ꤭ ꤊꤢꤩ꤬ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤊꤣꤧ꤭ ꤟꤢꤨ ꤛꤢꤩ꤬ꤞꤤ꤭ꤔꤣꤧ꤬ ꤊꤢꤩ꤬ꤟꤢꤩꤚꤣꤧ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ꤓꤢꤧ꤬ꤜꤥ꤭ ꤖꤢꤧ ꤘꤣ ꤠꤢꤧ꤭ ꤘꤥ꤬ꤔꤢꤧ꤭ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ ꤖꤢꤧ꤯ ꤛꤢꤩ꤬ꤏꤛꤢꤨ ꤞꤣꤧ꤭ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ꤜꤥ꤬ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤢ꤬ ꤡ꤫ꤢꤩ꤬ꤡꤢꤦ꤭ ꤔꤢꤧ ꤟꤢꤩ꤬ꤋꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤞꤣꤧ꤭ꤊꤢꤧ꤭ ꤕ꤫ꤢꤩ꤬ꤜꤢꤪ꤭ꤟꤣꤧ ꤘꤣ ꤠꤢꤧ꤭ꤑꤢꤩ꤭ꤟꤣꤧ, ꤟꤢꤨꤔꤣꤧ꤬ꤟꤣꤧ, ꤠꤢꤧ꤭ ꤚꤣꤧ꤬ ꤠꤢꤧ꤭ ꤞꤣꤧ꤭ꤊꤢꤧ꤭ ꤕ꤫ꤢꤩ꤬ꤜꤢꤪ꤭ꤟꤣꤧ ꤒꤢꤩ꤬ꤘꤣ ꤢ꤬ ꤡ꤫ꤢꤩ꤬ꤡꤢꤦ꤭ ꤔꤢꤧ ꤟꤢꤩ꤬ꤋꤢꤨ꤬ ꤣꤧ꤭ꤔꤣꤧ꤬ꤒꤣꤧ꤬ꤟꤢꤩ꤬ ꤟꤣꤧꤟꤣꤧ꤯

ꤊꤢ꤬ꤜꤢ꤬ꤒꤤ 2:14

ꤙꤣꤧ ꤠꤢꤧ꤭ ꤗꤢꤧꤓ꤫ꤣꤧ꤬ ꤘꤣ ꤛꤢꤩ꤬ꤞꤤ꤭ ꤡꤝꤢꤒꤥ꤭ ꤕꤢ꤬ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤢ꤬ꤊꤜꤢꤧꤢ꤬ꤊꤜꤥ꤭ ꤒꤥ꤬ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩ ꤋꤢꤨ꤭ꤕꤢꤩ꤬ꤒꤢ꤬ꤚꤢꤨ ꤘꤣ ꤛꤢꤩ꤬ꤞꤤ꤭ ꤕꤣꤧꤞꤢꤩ꤬ꤑꤢꤩ꤭ ꤔꤢꤧ, “ꤔꤢꤧ꤬ ꤗꤢ꤬ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬ ꤒꤣꤧ꤬ꤘꤢꤦꤚꤣꤧ꤬ ꤔꤢꤧ꤬ ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤟꤣꤧ꤯ ꤟꤢꤨ ꤛꤢꤨꤘꤢ꤬ꤖꤢꤨ ꤒꤣ꤬ꤖꤚꤢꤩ꤬ ꤢ꤬ꤜ꤫ꤢꤩ꤬ꤊꤜꤥ꤭ ꤗꤢꤩ꤬ꤔꤣꤧ꤬, ꤔꤢꤧ꤬ ꤒꤥ꤭ ꤜ꤫ꤥ꤬ꤋꤚꤝꤢ꤭ ꤗꤢꤩ꤬ꤊꤣꤧ꤭ ꤕꤢ꤬ꤒꤥ꤬ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤔꤢꤧ꤬ ꤛ꤫ꤢꤦ꤬ꤢꤩ꤬ ꤓꤥ꤭ꤟꤣꤧ ꤋꤚꤤ ꤟꤣꤧ꤯ ꤗꤢꤩ꤬ꤟꤢꤨꤔꤣꤧ꤬ꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤔꤢꤧ꤬ ꤡꤝꤢ ꤔꤢꤪ꤭ꤏꤝꤢ꤬ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤢ꤬ ꤊ꤫ꤢꤦ꤬ ꤋꤚꤝꤢ꤭ꤗꤢꤩ꤬ꤊꤣꤧ꤭ ꤟꤢꤨ ꤛꤢꤨꤘꤢ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤔꤣꤧ꤬ꤗꤢ꤬ ꤢ꤬ꤔ꤫ꤤ꤬ ꤔꤢꤧ꤭ ꤟꤢꤧ꤭?”

โครินธ์ เนอบ่า ต๊าบ่า 6:13

ꤊꤢꤨꤔ꤫ꤢꤧ꤬ꤚꤣꤧ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩ ꤞꤤ꤭ ꤟꤢꤨ ꤠꤢꤧ꤭ꤖꤢꤨꤠꤢꤧ꤭ꤜꤣꤧ꤬ ꤔꤢꤧ ꤠꤢꤧ꤭ꤔ꤫ꤢꤩ꤬ ꤔꤣꤧ꤬꤯ ꤗꤥ꤬ꤋꤛꤢ꤭ꤞꤢꤧ ꤕꤢꤩ꤬ ꤟꤢꤨ ꤕꤢꤩ꤬ ꤗꤥ꤬ ꤞꤤ꤭ ꤔꤣꤧ꤬꤯

เพรโด่แนพู๊ เต๊เห่ 21:21

ꤗꤢ꤬ꤔꤢꤧꤚꤣꤧ꤬ ꤔꤢꤧ꤬ ꤡꤝꤢ ꤤ꤬ꤞꤝꤢꤤ꤬ꤞꤢꤧ꤬ꤊꤢꤧ꤭ ꤒ꤫ꤥ꤬ ꤛꤢꤨꤘꤢ꤬ꤖꤢꤨ ꤘꤣ ꤢ꤬ ꤡꤝꤢꤥ꤬ ꤘꤣ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤢ꤬ꤊꤜꤢꤩ꤭ ꤒꤣꤧ꤬ꤟꤢꤩ꤬ ꤔꤢꤧ ꤔꤢꤧ꤬ ꤔꤢꤪ꤭ ꤠꤤ꤭ꤊꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤋꤢꤨ꤭ꤗꤢꤪꤎꤢꤧ ꤢ꤬ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤒꤣꤧ꤬ꤟꤢꤩ꤬, ꤓꤥ꤭ꤒꤥ꤬ ꤔꤢꤧ꤬ ꤔꤢꤪ꤭ ꤘꤢꤦꤒꤣꤧ꤬ꤜꤤ ꤊꤣꤧ꤭ ꤛꤢꤩ꤬ꤞꤤ꤭ ꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤖꤢ ꤒꤥ꤬, ꤓꤥ꤭ꤒꤥ꤬ ꤔꤢꤧ꤬ ꤔꤢꤪ꤭ ꤋꤚꤝꤢ꤭ꤗꤢꤩ꤬ ꤊꤣꤧ꤭ꤕꤢ꤬ ꤛꤢꤩ꤬ꤞꤤ꤭ ꤔꤢꤧ ꤛꤢꤨꤘꤢ꤬ꤖꤢꤨ ꤢ꤬ ꤜ꤫ꤢꤩ꤬ꤊꤜꤥ꤭ꤜ꤫ꤢꤩ꤬ꤋꤢꤧ꤬ ꤒꤣꤧ꤬ꤟꤢꤩ꤬ ꤒꤥ꤬, ꤢꤨ꤭ ꤟꤢꤩ ꤕ꤫ꤢꤩ꤬ ꤛꤢꤩ꤬ꤞꤤ꤭ ꤟꤢꤨꤔꤣꤧ꤬꤯

ꤊꤢ꤬ꤜꤢ꤬ꤒꤤ 6:18

ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤊ꤫ꤢꤦ꤬ ꤏꤢꤨ꤬ꤔꤥ꤭ꤘꤢꤦ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤘꤣ ꤞꤤ꤭ ꤜꤢꤪ꤭꤮ ꤕꤜꤤ꤭ ꤢ꤬ ꤞꤤꤕꤜꤢꤪ꤬ꤊꤢꤨ꤭ ꤔꤤ꤮꤯ ꤢ꤬ꤗꤢꤩ꤬꤯

โครินธ์ เนอบ่า ต๊าบ่า 6:11

ꤋꤥ꤭ꤙꤢꤧꤞꤝꤢꤗꤥ꤬ ꤠꤤ꤭ꤊꤢ꤬ꤚꤤ꤬ꤞꤢꤨ꤬ꤖꤢꤨ ꤞꤤ꤭꤮, ꤜꤢꤪ꤭ ꤒꤢꤩ꤬ ꤘꤣ ꤢ꤬ ꤥ꤬ ꤘꤣ ꤕꤢꤩ꤬ ꤞꤤꤕꤜꤢꤪ꤬ꤊꤢꤨ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤟꤢꤩꤏꤥ꤬ꤜꤥ꤭ ꤕ꤫ꤢꤩ꤬ ꤜꤢꤪ꤭ ꤡꤣꤧ ꤞꤤ꤭ ꤟꤣꤧ꤯ ꤕꤢꤩ꤬ ꤗꤥ꤬ꤊꤣꤧ꤬ꤔꤥ꤮ ꤞꤤ꤭ ꤒꤥ꤬꤯

ꤊꤢ꤬ꤜꤢ꤬ꤒꤤ 4:11

ꤘꤣ ꤞꤤ꤭ ꤗꤢꤩ꤬ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤞꤤꤕꤜꤢꤪ꤬ꤊ꤫ꤢꤨ꤬ ꤞꤤꤕꤜꤢꤪ꤬ꤊꤢꤧ꤭ ꤔꤢꤧ꤬ꤡꤣꤧ ꤘꤣ ꤞꤤ꤭ꤑꤢꤩ꤭ ꤡꤣꤧ꤯ ꤕꤢ꤭ꤗꤢ꤬ ꤜꤢꤪ꤭ ꤒꤢꤩ꤬ꤗꤢꤩ꤬ ꤘꤣ ꤠꤢꤧ꤭ ꤗꤢꤩ꤬ ꤕ꤫ꤢꤩ꤬ꤓꤥ꤭ꤟꤣꤧ ꤘꤣ ꤞꤤ꤭ꤑꤢꤩ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤓꤝꤢ꤭ꤓꤢꤧ꤬ ꤊꤢꤧ꤭ꤘꤢꤩ꤭ ꤜꤢꤪ꤭ꤘꤢꤦ꤬ ꤟꤣꤧ ꤕꤢ꤭ ꤟꤣꤧ꤯

ꤊꤢ꤬ꤜꤢ꤬ꤒꤤ 4:13

ꤙꤣꤧ ꤠꤢꤧ꤭ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤚꤣꤧ꤬ ꤠꤢꤧ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ꤔꤢꤪ ꤞꤤ꤭ ꤔꤢꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤖꤥꤔꤣꤧ꤬ꤗꤢ꤬ ꤠꤢꤧ꤭ ꤜꤢ꤭ ꤞꤤꤏꤝꤤ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤜꤢꤪ꤭ꤘꤢꤦ꤬ ꤟꤣꤧ꤯